هانتكلم عن فريضة معظمنا ناسيينها، ومعظمنا مابيمارسهاش..مع إنها فريضة دينية وإنسانية ووطنية.. فريضة لقوا ان 96% من اللي بيمارسوها بيبقوا أسعد، و68% من اللي بيمارسوها بيتمتعوا بصحة أفضل، و73% منهم عندهم شعور بالرضا أكتر، و58% منهم بيناموا أحسن، واحتمالات ضبط ضغط الدم عندهم بتوصل ل40%..تصدقوا؟!!! دي خلاصة أكتر من 40 بحث ودراسة عن الفريضة دي..من أكبر المؤسسات العلمية..زي مثلاً جامعة كارنيجي ميلون والإتحاد الأمريكي للطب النفسي..ياللا بينا..نقعد على كرسي في أول صف في حلقة جديدة عن موضوع يهمنا كلنا.

هذا هو الجزء الثاني والأخير من "ولي النعم - محمد علي باشا"..حكايات التاريخ والتاريخ البديل نستكمل فيه إستضافة البروفيسور د. خالد فهمي أستاذ التاريخ..المتخصص في تاريخ مصر الحديث ومؤلف..كتاب “كل رجال الباشا” ، وهو بصدد إصدار كتابه الجديد عن محمد علي باشا “ولي النعم" عن دار الشروق في سنة  2024.يجيب الدكتور خالد هاهنا على أسئلة مهمة..نتبين منها لماذا أخذ تاريخ مصر الحديث مساره الحالي، وما إذا كان من الممكن أن يسلك مساراً بديلاً، في شقلباض تاريخ...لنتعلم من العوار الذي حدث، فنتجنبه مستقبلا، وما إذا كان من الممكن تغيير تاريخ مصر والمنطقة كلها للأفضل، إذا كانت البلاد قد أديرت بشكلٍ يتوافق ويتصالح مع مصالح الشعب والبلاد لا جموح وشطحات ومصالح حاكم يدير البلاد بوصفها عزبته الخاصة.....شكر خاص لبيمن إميل وجهاد طلبة ومايكل صفوت على المشاركة بالأداء التمثيلي 

تستضيف هذه الحلقة البروفيسور د. خالد فهمي أستاذ التاريخ..المتخصص في تاريخ مصر الحديث ومؤلف كتاب “كل رجال الباشا” ، وهو بصدد إصدار كتابه الجديد عن محمد علي باشا “ولي النعم"..تبدأ الحلقة بالإحتلال البريطاني لمصر في يوليو سنة 1882 والذي استمر ل74 سنة تالية..وكيف كانت حالة الجيش المصري تدعو للرثاء في هذه المرحلة، على الرغم من أنه كان من أقوى جيوش العالم وله صولات وجولات من الجزيرة العربية شرقاً لليونان غرباً قبلها بأربعين سنة فقط..حتى أنه غزا الدولة العثمانية في عقر دارها ووصل لمسافة 200 كيلو متر فقط من عاصمتها..إنطلاقاً من هذه النقطة، نخوض في رحلة استيعاب لتاريخ “ولي النعم” في حكم مصر، ومن ثم أطروحات تاريخ بديل كان من الممكن أن يغير تاريخ مصر والمنطقة كلها للأفضل إذا كانت البلاد قد أديرت بشكلٍ يتوافق ويتصالح مع مصالح الشعب والبلاد لا جموح وشطحات ومصالح حاكم يدير البلاد بوصفها عزبته الخاصة..شكر خاص لبيمن إميل وريم هلال على المشاركة بالأداء التمثيلي.. 

في الحلقة الأخيرة من هذه السلسلة، نسافر عبرسنوات ملحمة غزة بدءاً من سنة 2000 حتى يوم 7 أكتوبر2023..إنتفاضة الأقصى ومحمد الدرة..قصة راتشيل كوري وحكاية أسطول الحرية..الحصار الخانق منذ 16 سنة، والحروب التي شُنت ضد القطاع منذ سنة 2008..التضحيات والإستبسال والبطولة..نأخذ لقطة لأحوال غزة وأهل غزة يوم 6 أكتوبر 2023..نختتم الحلقة ببدء طوفان الأقصى، وكيف نجحت وسائل التواصل الإجتماعي في فتح عيون الناس في العالم كله على الحقائق بعيداً عن هيمنة البروباجندا الكاذبة لوسائل الإعلام الغربية التي تسيطر عليها الصهيونية..ونستعرض عدداً من شهادات اليهود والإسرائيليين المنصفين عن بشاعة الإحتلال ..وأخيراً مقتطفات من إضاءات كبار مفكرينا عن القضية واستيعابها ودور كل واحدة وكل واحد منا..

It is the finale of this series, telling about years of the Gazan epic, from 2000 until the 7th of October 2023. From the second intifada through the 16 year unprecedented inhumane siege against international laws. The story of Rachel Corrie, the American activist martyred in defend of the Palestinians and the attacks of IDF on the Freedom flotilla which tried to break the blockade are told. The wars on Gaza and its miserable conditions up till the 7th of October 2023 in documented numbers are detailed. The episode and the whole series ends with the eye opener views of some eminent Jewish and even honest Israeli figures, in addition to the insights of common western individuals with alert conscience, who could learn, think and act in line with their human feelings and fair wise judgement.

إنتهينا في الحلقة السابقة إلى النكبة التي صاحبت قيام دولة إسرائيل.. في هذه الحلقة (الثالثة من أربع حلقات)..نستأنف حكاية قصة فلسطين حتى تسعينات القرن العشرين.في هذه الحلقة نحكي عن المذابح والجرائم التي ارتكبتها الدولة الصهيونية.. كيف نشأت المقاومة الفلسطينية؟ وما هي مراحل تطورها حتى يومنا هذا؟ ماذا عن اتفاقيات أوسلو..أول اتفاقيات للسلام بين الفلسطينيين والإسرائيليين؟ ما هو السياق الذي أدى إليها؟ ولماذا فشلت؟استمعوا لهذه الحلقة على بوديو وسبوتيفاي وآبل وجوجل وأنغامي..i.

The foundation of the state of Israel and Alnakba marked the end of our previous episode. On this episode (the third out of four), the story of Palestine is to be continued until the nineties of the 20th century. The full list of the massacres and the crimes committed by the Zionist state is included on this episode. How did the Palestinian resistance start, grow and develop? What about Oslo peace accords, the first of their kind between the Israelis and the Palestinians? What was their context? Why did they fail?listen to this episode on Podeo, Spotify, Apple, Google and Anghami.

في الحلقة الأولى من هذه السلسلة المكونة من أربع حلقات، استمعنا لبداية القصة مع موجات الهجرة اليهودية لفلسطين التي بدأت من منتصف القرن التاسع عشر، وقادتها الحركة الصهيونية منذ أوائل القرن العشرين، حتى وصلنا لوعد بلفور سنة 1917 وعواقبه التي مكنت الصهيونية من فلسطين بدون قيود وبلا حدود..بعد اشتباكات البراق سنة 1929، أدركت بريطانيا خطورة سياساتها التي أشعلت المنطقة، لكن بعد فوات الأوان..وكان لابد مما ليس منه بد..كان تعاقب الأحداث قد أخد بالفعل مسار اللاعودة..وحدث الإنفجار..__________في هذه الحلقة نستكمل قصة فلسطين..

On the first episode, we listened to the beginnings of the story. From the middle of the 19th century, when the Jewish waves of immigration to Palestine had started (encouraged by Britain and spearheaded by Zionism) , the events progressed until Balfour declaration in 1917. Following the declaration, Britain empowered the Zionists in Palestine until the imperial power realized how dangerous this policy was. Yet, it was too late, and the inevitable had to happen. The story is to be continued on this episode.

ليست قصة غزة ولا حماس ولا الحرب ولا إسرائيل ولا المحنة الإنسانية الحالية..إنها القصة كاملةً..من الألف إلى الياءاليوم..أصحبكم في رحلة عمرها 180 سنة..إلى جذور الصراع..إنها رحلة حقائق لا دعاية ولا بروباجندا...رحلة أدلة موثقة لا مزاعم كاذبة تحركها الأهواء..تدعمها المصادر الموضوعية المحايدة لا وسائل الإعلام الموجهة تحت السيطرة...هذه هي الحلقة الأولى من أربع حلقات..تبدأ الحلقة من حال فلسطين في منتصف القرن التاسع عشر، وتنتهي سنة 1930 بتوابع وعواقب وعد بلفور الصادر سنة 1917..

This is not just the story of Gaza, Hamas, the war, Israel or the current humanitarian crisis. It is the whole story from A to Z. Today, I am taking you for a journey of 180 years to the roots of the conflict; a journey of facts not propaganda, and evidence not prejudice, by fair references, not controlled media. Let's listen together to the story of Palestine. This episode is the first of four. It starts from 19th century Palestine and ends with the consequences of the 1917 Balfour declaration in 1930.

فيه فرق بين عيوب الشخصية واضطرابات الشخصية..العيوب ممكن نصلحها أو حتى نتأقلم معاها.. لكن الاضطرابات بتحول الحياة لمعاناة صعبة جداً.. وعلشان كده، محتاجة علاج زيها زي أي مرض مزمن.. في الحلقات دي مع الدكتور نادر عطالله..استشاري الطب النفسي بكندا..هانستعرض مع بعض اضطرابات الشخصية العشرة.. الدكتور نادر هايشرح لنا ازاي نلقط اضطرابات الشخصية دي من خلال تعاملاتنا اليومية.. هل الأحسن ننسحب وننهي العلاقة ، ولا ممكن بشكل أو بآخر نتعايش معاه..سواء قبل أو بعد العلاج.. . ولا يمكن أنا نفسي اللي عندي اضطراب والأفضل اني أعترف بيه وأتعالج علشان أكون أنجح في زواجي وعلاقاتي وشغلي.. . "يتعاش معاه..مايتعاشش معاه" ده عنوان السلسلة دي..ونبدأها النهارده ب3 اضطرابات: النرجسية - الحدية - السيكوباتية

الشك تحول لفضيحة وتريند على وسائل التوصل الإجتماعي، حتى جاءت نتيجة فحص فصائل الدم والبصمة الوراثية (الدي ان ايه)..فأتت بمفاجأة ولغز حير الجميع.. حتى الأطباء والمتخصصين لم يجدوا له حلاً أو تفسيراً.. اضطرت المحكمة للجوء لخبير محنك عالم بأسرار الجينات..فهل يتمكن من حل اللغز وحل المعضلة؟ استمعوا للقصة كاملة في 13 دقيقة.. _________________ أداء تمثيلي: ______ جهاد طلبة مادونا رأفت بيمن إميل ريم هلال نورهان عربي فيرونيا نبيل رنا رأفت ماريز هاني مايكل صفوت ياسر نجم

نختتم في هذه الحلقة مناظرة "النسوية" التي بدأناها في الحلقة السابقة بمناقشة ما إذا كانت مجتمعاتنا في مصر والوطن العربي تعاني من هيمنة ذكورية وانتهاك لحقوق المرأة..أسباب وحجم الإشكاليات، ووجهات النظر المتعددة للمشاركين حولها والزوايا المختلفة التي يقيمون بها أبعادها.. في هذه الحلقة نوجه أسئلة مباشرة ونتلقى من الضيوف الأعزاء اجابات مباشرة حول الحلول والتوصيات المقترحة.. يشارك في المناظرة: - أستاذة منى عيسى - ربة منزل من أسوان وصاحبة مشروع للخياطة.. . أستاذة رغدة عصام - كاتبة ومؤسسة دار نشر ومدربة كتابة وتنمية بشرية وقارئة في مجال النسوية.. . - أستاذ أحمد حشيش - مهندس كهرباء - رب أسرة مصري.. . - أستاذ وليد الفرماوي - ضابط صف سابق بالقوات المسلحة ويعمل حالياً في صيانة أجهزة المحمول.. . - أستاذة إيمان محمود - أخصائية نفسية - مقيمة منذ عدة سنوات في تركيا.. . - أستاذة دعاء عامر - من النوبة..مهتمة بقضايا المرأة..مثلها الأعلى د. نوال السعداوي.. . - د. مها خليفة - طبيبة اخصائية تغذية علاجية وصحة عامة.. . - د. أحمد الدمياطي - طبيب وباحث في الطب الجنسي وعلم النفس الإجتماعي.. . - د. شريفة شرف - استشاري أمراض النساء والتوليد - جامعة القاهرة.. . - السيدة صفاء الزفتاوي - باحثة في اللغة العربية والدراسات الإسلامية والتربوية ومدربة للمعلمين وخبيرة في شئون المرأة والطفل.

هذه الحلقة للمستعمين فوق عمر ال13 سنة.. لما ابتدت النسوية (الfeminism)..تظهر في الغرب في القرن الثامن عشر..ده كان نتيجة وجود ظلم وقهر وإجحاف للمرأة، وهيمنة ذكورية على المجتمع.. هل الوضع في مصر خصوصاً والمجتمعات العربية عموماً حالياً في القرن الحادي والعشرين فيه هيمنة ذكورية وظلم للمرأة يستدعي وجود حركة نسوية لتحقيق توازن أو نوع من المساواة في الحقوق في المجتمع؟ .......................... هل النسوية تتعارض مع الدين؟ وهل ينفع يحصل توفيق بينها وبين الدين؟ ........................ لو فيه مشاكل للمرأة...هل هي مشكلة قوانين ولا تربية ولا موروثات ولا ايه بالظبط؟ ...................... هل النسوية درجات..فيها المعتدل والمتطرف؟ وايه هي معايير المقبول وغير المقبول؟ ................... هل فيه ظلم مقصور على النساء ؟ ولا الظلم عام وللنساء نصيب فيه زي الرجال؟ ................. هل فيه غلبة نسوية حالياً في الإعلام والمجتمع المدني؟ ................ هل أحد الحلول ان المرأة تتولى مناصب أكتر ويبقى لها دور أكبر في وضع مناهج التعليم والتشريعات..؟ ولا ده هايفسد الأحوال أكتر ؟ هل الحل النهائي إصلاح عام شامل والكل ياخدوا حقوقهم وحرياتهم..ومن ضمنهم المرأة؟ ................ هل احنا محتاجين فقه جديد؟ ولا إعادة قراءة للفقه الموجودة؟ ولا مافيش مشكلة في الفقه أصلاً..بس هو مابيتطبقش؟ ولا الموضوع موضوع عادات وتقاليد وتربية وموروثات مالهاش علاقة بالدين من أساسه؟ .............. ايه هي القرارات والإجراءات اللي هاتاخدوها لإحداث تغيير جذري للأفضل على مستوى الأسرة والمجتمع والدولة..لو صحيتم الصبح ولقيتم ان عندكم السلطات والصلاحيات كاملة؟ المشاركون في مناظرة النسوية : ______________________________________ - د. شريفة شرف - استشاري أمراض النساء والتوليد - جامعة القاهرة.. . - السيدة صفاء الزفتاوي - معلمة ومدربة في اللغة العربية والدراسات الإسلامية التربوية.. . - د. أحمد الدمياطي - طبيب وباحث في الطب الجنسي وعلم النفس الإجتماعي.. . - أستاذ وليد الفرماوي - ضابط صف سابق بالقوات المسلحة ويعمل حالياً في صيانة أجهزة المحمول.. . - د. مها خليفة - طبيبة اخصائية تغذية علاجية وصحة عامة.. . - أستاذة منى عيسى - ربة منزل من أسوان وصاحبة مشروع للخياطة.. . - أستاذة رغدة عصام - كاتبة ومؤسسة دار نشر ومدربة كتابة وتنمية بشرية وقارئة في مجال النسوية.. . - أستاذ أحمد حشيش - مهندس كهرباء - رب أسرة مصري.. . - أستاذة إيمان محمود - أخصائية نفسية - مقيمة منذ عدة سنوات في تركيا.. . - أستاذة دعاء عامر - من النوبة..مهتمة بقضايا المرأة..مثلها الأعلى د. نوال السعداوي..

مين فينا ماتعرضش لمقلب أو مطب أو مشكلة مع الكول سنتر؟! لكن في الوقت نفسه في معظم الأحوال، الكول سنتر بيقدموا لنا الخدمة المطلوبة من غير حتى ما نشكرهم.. في الحلقة دي هانعيش القصة كاملة: المطب والمقالب..المضايقات اللي بيتعرضوا لها الكول سنتر..وفي .الوقت نفسه هاننصفهم..هاننصف الجنود المجهولين اللي ورا السماعة.. من خلال سكيتشات كوميدية وأسئلة مهمة ولقاء مع خبير الكول سنتر: أحمد يسري نتمنى أن الحلقة دي تقدم لكم متعة واستفادة ومحتوى ينال إعجابكم.. . أداء تمثيلي: ريم هلال - بيمن اميل - ماريز هاني - نورهان عربي - مايكل صفوت . ضيف شرف الحلقة: أحمد يماني

الحرب العالمية الجديدة اللي شغالة دلوقتي، جنودها بين ايديك.. بيحاربوا دلوقتي..مش لسه هايحاربوا.. أيوه..الحرب دايرة فعلاً.. والجنود دول بيسموهم "بترول القرن الحادي العشرين"...موجودين في موبايلك وفي الكمبيوتر وفي الريموت كنترول وفي التليفزيون وفي العربية وفي التكييف وفي التلاجة وفي الطيارة..في كل آلة وجهاز في العصر الحالي.. اسمهم المايكروتشيبس..أو الرقائق الإليكترونية.. _____________________________ فيه بلد صغيرة في هولندا..اسمها فيلدهوفن..مساحتها 30 كيلو متر مربع بس..يعني أصغر من ١٪؜ من مساحة القاهرة.. لكن المدينة دي فيها شركة اسمها ASML..عمرها أقل من 40 سنة..لكن قيمتها السوقية 400 مليار يورو..ودخلها السنوي 21 مليار يورو..(أد 3 أضعاف دخل قناة السويس).. . الشركة دي فيها جهاز في حجم الأوتوبيس تقريباً..اسمه EUV.. الجهاز ده معقد جداً..لدرجة ان الشركة نفسها مش عارفة عدد مكوناته على وجه الدقة..عشرات الآلاف من المكونات بتعمل في الثانية الواحدة عشرات التفاعلات علشان تنتج لنا المايكروتشيبس..بالكميات الرهيبة اللي تكفي الأجهزة دي كلها على مستوى العالم..وده لأن الشركة محتكرة الجهاز ده بنسبة 100%.. ___________________ لكن في سنة 2012...حصلت مفاجأة مهمة جداً..عملت إرتباك شديد في الشركة.. ايه اللي حصل بالظبط؟؟!! ______________________

استمعوا للحلقة كاملة على بودكاست: كرسي في أول صف..

عن ظاهرة الbystanders أو المتفرجين السلبيين..تدور هذه الحلقة..استمعوا لها كاملة على بودكاست: كرسي في أول صف..

استمعوا للحلقة كاملة..واشتركوا في البودكاست لتصلكم لمتابعة الحلقات، ولتصلكم إشعارات بأحدث الحلقات..

ضيوف الموسم الاول من "كرسي في أول صف" حابين بدعوة مني انهم ييجوا يسلموا عليكم ويحيوكم صوت وصورة..ويفكروكم بالحلقات بتاعتهم.. الفيديو مدته ١٣ دقيقة... هايكون معانا فيه: * المهندس أحمد عدلي - حلقة " الحضارة المفقودة " * الدكتور نادر عطالله - حلقة "إدمانات" * فضيلة د. عاطف رفاعي - حلقات"مش ملزمة ..مش ملزم"و "من السكن والمودة لمحاكم الأسرة" و "اشتباكات زوجية" * الدكتور طارق الضوي - حلقة "السرطان..انقذ نفسك ومن تحب" * المحلل الفني أحمد يماني - حلقة "حصاد مونديال قطر 2022" * الدكتور أيمن وهبه - حلقة "العامود المفقود - معاناة الرعاية الصحية" _______________________________ باقي الضيوف في الجزء التاني بإذن الله..

استمعوا لحلقة: آلة الزمن..22 يوليو 1952..واشتركوا في البودكاست ليصلكم الجديد...

استمعوا لحلقة: الآنسة نوفوتص بتعمل ايه بالليل؟..واشتركوا في البودكاست لتصلكم الحلقات الجديدة أولاً بأول..

من 27 سنة بالظبط، في يوليو سنة 1996صحينا على خبر إنجاز رهيب من الناحية العلمية البحتة، لكنه كان مزعج من الناحية الدينية والأخلاقية والفلسفية.. الخبر كان بيقول ان علماء معهد روزلين في اسكتلندا، نجحوا في استنساخ معزة اسمها دوللي من خلية واحدة متاخدة من ثدي معزة أخرى.. الناس قلقوا ان ده زي ما يكون خلق جديد أو تقليد لخلق.. لكن الحقيقة انه ماكانتش هي دي الإشكالية الرئيسية..في النهاية ماحدش بيخلق من العدم إلا الله سبحانه وتعالى..وأي إنجاز للعقل البشري بينسب في النهاية لخالق العقل البشري.. الإشكالية الأهم جت في السنين التالية..لم تتوقف المحاولات من بداية القرن الحادي والعشرين عن محاولات استنساخ لإنسان كامل..ونجحت المحاولات بالفعل.. لكن العلماء والمعاهد البحثية اللي نجحوا في ده قالوا انهم دمروا الأجنة بعد استنساخها بأسابيع.. فهل عملوا كده فعلا ولا بيقولوا كده بس..علشان القانون بيمنع؟ الإستنساخ كانت له فوايد عظيمة في أبحاث الخلايا الجذعية وممكن في يوم قريب تحل بشكل جذري ونهائي أزمة فشل الأعضاء والإحتياج لزراعتها... لكن..هل نفاجأ بعد كام سنة انه وسطنا عشرات أو مئات أو آلاف البشر المستنسخين؟؟!! _______________________________ في سنة 2012، خرجت للنور تقنية Crispr ..أكثر تقنيات تعديل الجينات تقدماً وسهولة حتى الآن...عبارة باختصار عن قص ولزق للجينات.. ومع وجود خريطة جينية كاملة للبشر، بقى موضوع تعديل أي جينات على مرمي البصر.. سنة 2018، العالم الصيني هي جانكوي نفذ التقنية دي مع التوأم لولو ونانا..وعن طريقها عمل تعديل جيني يخللى عندهم مناعة ضد الإصابة بالايدز مدى الحياة..مهما اتعرضوا للفيروس.. جانكوي اتحكم عليه بالحبس 3 سنين بسبب التجربة دي.. العالم دلوقتي في مفترق طرق..ما بين تقنية ممكن تحل كل مشاكل الأمراض الوراثية، لكن نفس التقنية ممكن يساء استخدامها..واتركوا العنان لخيالكم عن كل امكانيات استخدامها.. _________________________ سنة 2038..الدكتور سليم قاده مساره المهني للعمل في جينوبيا..مدينة للنخب اللي توافرت لهم إمكانيات استخدام تقنيات تعديل الصفات والسمات الوراثية.. هاجروا للمدينة دي وقفلوها على أنفسهم..علشان ينتجوا أجيال جديدة من البشر المثاليين شكلاً وجسماً وعقلاُ..من خلال هندسة الجينات... عزلوا أنفسهم عن الناس العاديين في لوتوبيا...وبدأوا خطتهم... شكل الحياة هناك سنة 2038 هايبقى عامل ازاي؟ وايه هي نوعية المرضى اللي بيعالجهم الدكتور سليم فيها؟ هل هايحقق أية نجاحات؟ وايه هي المخاطر المحتملة؟ _________________________________________ شارك بالتمثيل في هذه الحلقة: مايكل صفوت في دور الدكتور سليم بيمن ايميل في دور عبد الصمد ماريز هاني في دور ميرفت مادونا رأفت في دور مروة الشناوي توني مدحت في دور مراد سيف الله _________________________ مهندس صوت بودكاست: كرسي في أول صف: م.مايكل صفوت..

الدوبامين ربنا خلقه في الأصل لتحفيز حب البقاء…. بيشتغل في مركز المكافاة داخل أدمغتنا علشان يحسسنا بمتعة لما نمارس أي نشاط إنساني مفيد: - لما نشرب ميه يطلع دوبامين - لما ناكل يطلع دوبامين - لما نقابل حد بنحبه يطلع دوبامين - لما نمارس العلاقة الزوجية يطلع دوبامين.. - لما ننجح في امتحان يطلع دوبامين… - لما حد يمدحنا يطلع دوبامين.. - لما نستمتع بقراءة او سمع او مشاهدة يطلع دوبامين... . نحس بالمتعة..فنسعى اننا نعمله تاني وتالت ورابع وعاشر... لو انت أو حد تعرفه بتحبوا الزيادة الأوفر الاكسترا في اي حاجة .. بدل كوباية العصير تشرب اتنين وتلاتة..بدل الشيكولاتاية تاكل اتنين تلاتة.. معناها ان عندكم مشكلة في الدوبامين او مستقبلاته.. وده معناه استعداد وراثي للإدمان.. عفاريت الحياة المعاصرة بيلعبوا على ده.. اخترعوا حاجات بتضاعف افراز الدوبامين ..من أول ألعاب الكمبيوتر لحد المخدرات .. بعض أنواع المخدرات بتضاعف افراز الدوبامين أكتر من عشر اضعاف.. ——————- لو اتعودت على أي حاجة لدرجة الإدمان..الجسم تلقائيا بيقلل افراز الدوبامين الطبيعي..وماعادش فيه أي حاجة تبسطك الا الأنشطة اللي بتضاعف افراز الدوبامين عدة مرات..من أول التدخين والشيشة والكحوليات لحد المخدرات ..مرورا بإدمان المواقع الإباحية والقمار وحتى الألعاب الاليكترونية والسكريات في الأكل..———————- بعد شوية المخ يتعود على دول..وتبتدي تدور على الextremes..الأقوى والأغرب والأخطر علشان تقدر توصل لنفس المتعة.. ————————- بعد ما تبطل..المخ ياخد له فترة من ٣ شهور ل٣ سنين علشان يرجع لافراز الدوبامين بالمعدلات الطبيعية..وبتفضل في مرحلة تعافي محتاج دعم من نفسك ومن اللي حواليك مدى الحياة.. ————————— طيب ايه الفرق بين العادة والادمان ؟ ايه هي التدريبات اللي ممكن نمارسها في البيت للخروج من إدمان أي حاجة؟ ايه دور الدين في التعافي؟ نتصرف ازاي مع الأطفال اللي عندهم إدمان الألعاب اليكترونية ؟ ازاي نعرف الطفل أو الشاب أو الصديق اللي عنده استعداد وراثي للإدمان ونحميه ؟!! هل للجينات علاقة بالادمان ؟ هل يضعف أمامه بعض البشر أكثر من غيرهم؟ هل يستغل مصنعو الطعام مركز المكافاة لخلق ادمان لبعض انواع الطعام مثلًا ؟ هل توجد عوامل بيئية مساعدة؟ الفراغ مثلا او كثرة المال أو طريقة التربية ؟ هل يجدي القانون والردع والثواب والعقاب سواء على مستوى الدولة او المجتمع او الاسرة؟ كيف نقاوم ؟ هل توجد أدوية ؟ هل يوجد متخصصون وكيف يعالجون مثل هذه الحالات ؟ —————————- هانسمع كل ده مع الدكتور نادر عطالله ..استشاري الطب النفسي وعلاج الإدمان..

أنا شخصياً لما بتيجي سيرة الموت المفاجىء، بافتكر أبويا الله يرحمه..نام بالليل وماصحيش تاني بدون ما يكون عنده أي مرض مسبب للوفاة... بافتكر زميلي في كلية الطب اللي اتوفي فجأة في فرح أحد الأصدقاء... بافتكر أحد الدكاترة الأعزاء اللي درسوا لي في الكلية وتوفاه الله وهو نايم الضهر..مراته جت تصحيه ماصحيش..كان في أوائل الأربعينات من عمره... محمد عبد الوهاب لاعب النادي الأهلي..الرئيس السابق محمد مرسي..الفنانين هيثم أحمد زكي وممدوح عبد العليم..ومؤخراً مصطفى درويش...وغيرهم..ربنا يرحمهم جميعاً.. ________________________________ لما بتيجي سيرة الموت المفاجىء، كل واحد مننا أكيد بتمر قدامه ذكرى شخص أو أكتر يعرفهم كويس أوي.. شخص كنت سايبه في صحة جيدة قبلها بأيام..ويمكن ساعات..وتفاجأ بتليفون: البقاء لله..فلان الفلاني مات.. مات ازاي؟ وامتى؟ وليه؟ ايه اللي حصل؟ الأسئلة تستمر لحد ما تخنقها الدموع...ومافيش اجابات..لحد ما الزمن يردم على الأسئلة التراب..وماتفضلش غير الذكريات.. _______________________________ الموت علينا حق جميعاً طبعاً..والموت المفاجىء ممكن مايكونش بهذا السوء للمتوفى نفسه..لأن ترقب الموت وانتظاره والتدهور المؤدي له ممكن يبقى أسوأ.. لكن هو بالتأكيد مصيبة مفجعة للأهل والأحباب والأصدقاء.. الموضوع طبعاً له جوانب متشعبة دينية وفلسفية وعاطفية..وحتى اقتصادية..لكن احنا هنا هانركز على المحتوى الطبي والصحي للموضوع... _______________________________ معانا 4 خبراء في الحلقة دي: الدكتورة ولاء عادل...أستاذ أمراض القلب بجامعة عين شمس.. الدكتور محمد حمدي..أستاذ المخ والأعصاب بجامعة عين شمس.. الدكتور محمد الشلقامي..استشاري طب الطوارىء ببريطانيا.. الدكتور أحمد دهشان..استشاري المخ والأعصاب بالقصر العيني........ الخبراء الأربعة..إن شاء الله..هايفسروا الغموض المحيط بالموت المفاجىء.. هايجاوبوا على الاسئلة العالقة، والأهم قطعا انهم هايشرحوا لنا كيفية الوقاية والإنقاذ.. ________________________________

من 20 سنة، طبيب شاب قرر يسافر انجلترا علشان يطور نفسه ويبني مستقبله.. الطبيب الشاب ده - اللي هو العبد لله - فوجىء انه لازم يسجل نفسه هو وأسرته مع طبيب الأسرة أو الممارس العام في الحي اللي هو ساكن فيه.... ليه يا جماعة؟ قالوا لي: هو النظام كده..أي حد عنده إقامة في بريطانيا 6 شهور فأكثر..لازم يسجل عند طبيب الأسرة... عرفت بعد كده انه في بريطانيا كل منطقة سكنية فيها مركز صحي، وكل المقيمين في الحي مسجلين فيه.. ماينفعش تروح لأى اخصائي إلا بتحويل من طبيب الأسرة.... الرعاية الصحية مجانية في بريطانيا..ماحدش بيروح عيادات ومستشفيات خاصة إلا يمكن الفنانين المشهورين ولعيبة الكورة الكبار... الدولة بتدي طبيب الأسرة ميزانية محددة كل سنة، وهو بيصرفها على سكان الحي. كل شوية ألاقي جواب أو اتصال من طبيب الأسرة: - ده ميعاد الفحص الدوري بتاعك.. - تعال نعمل لك تحاليل.. - الأولاد تطعيماتهم الشهر الجاي..ماتنساش تجيبهم.. - أنا كتبت لك الدوا بتاعك..تعال لو سمحت استلمه... الروشتات كلها بيكتبها طبيب الأسرة..وكل ده مجاناً..بتدفع فقط في الروشتة 7 جنيه استرليني...لو الروشتة فيها دوا ب10 جنيه، بتدفع فيها 7 جنيه..ولو الروشتة فيها دوا بألف جنيه..برضه بتدفع ال7 جنيه هم هم.. (متوسط الدخل الشهري للمواطن هناك بعد خصم الضرائب 2800 جنيه استرليني والحد الأدنى 1700)... _____________________________ طبيب الأسرة في بريطانيا..عنده دايات زي اللي كانوا موجودين في مصر زمان..بيروحوا البيوت يولدوا الستات اللي ولادتهم مافيهاش خطورة... عنده زائرة صحية..بتزور الناس في البيوت تطمئن عليهم وبتروح للستات بعد الولادة تعلمهم الرضاعة الطبيعية وازاي يعتنوا بالمولود... عنده فريق رعاية منزلية..يزوروا كبار السن والناس اللي عندهم احتياجات خاصة ويراعوهم... المبهر بالنسبة لي كان ان طبيب الأسرة يقدر يجيب مهندسين وعمال يعملوا اسانسيرات وحمامات مجهزة في البيوت للناس اللي عندهم إعاقة علشان يعرفوا يطلعوا وينزلوا ويتحركوا........................ كل ده على حساب الدولة...…………………. الحكومة كانت عاملة هدف ان عربية الاسعاف توصل لأي شخص في خلال ٧ دقايق.. ان شاالله يبقى في غابة ولا جبل..عاملين نقط اسعاف ونظام اتصالات ورابطينها ومظبطينها.. ____________________________________ الدكتور أيمن طلعت وهبه استشاري في طب الأسرة...حصل على أعلى الدرجات العلمية والتدريب في طب الأسرة..من نظام مماثل في أستراليا.. رجع مصر من حوالي 18 سنة..وسعى بجدية ومثابرة انه يطبق النظام ده في مصر.. ايه اللي حصل لمساعيه؟ومصر مكانها فين من كل ده دلوقتى..؟وايه هو حال الرعاية الصحية ومستقبلها في مصر؟وايه هو حجم الإنفاق على الرعاية الصحية في مصر والعالم...؟ ___________________________________ ايه هي الفحوصات الدورية اللي محتاج تعملها لأولادك؟ ايه هي الفحوصات الدورية اللي محتاجة تعمليها لوالدتك أو والدك أو جدك وجدتك؟ ايه هي الفحوصات الدورية اللي محتاجين تعملوها لنفسكم؟ ايه هي الأعراض اللي ممكن نعالجها بنفسنا أو بواسطة الصيدلي ..وايه هي الأعراض اللي لازم نروح ساعتها للدكتور ؟ امتى نروح العيادة وامتى نطلع على طول على الطواريء ؟ ايه هي أحدث العلاجات اللي وصلت مصر مؤخرا أو متوقع توصل في الشهور القادمة ؟ لو عندي صداع أروح لأي تخصص؟!! ___________________ ليه الطبيب بيطفش؟ وليه المريض بيتبهدل؟ الدكتور أيمن طلعت وهبه استشاري في طب الأسرة يجيب على كل هذه الأسئلة..

اللي يسمع لقبه يفتكر أصله أمير مولود في بقه معلقة دهب، لكنه الحقيقة واحد من قلائل تاريخيا قدروا ينضموا لطبقة النبلاء فقط باجتهادهم ... اتولد في أسرة متواضعة واتعلم في مدرسة حكومية..لحد ما بقى مهندس.. بمثابرته وعصاميته أسس لنفسه شركة أنشأت أول خط مترو في العالم..| لقى شركات الكهربا بتعطل له مشروعاته..راح عامل لنفسه شركة كهربا..لقى البنوك بتأخر اعتماداته المالية..راح شاري بنك... لما الانجليز استولوا على مشروعه في المنصورة ، قرر يعمل مشروع مستقل متكامل.. جذبته الصحرا في المكان ده من العالم..نفس المنطقة اللي جذبت من قبله المصريين القدماء..والسيد المسيح والسيدة مريم.. وافلاطون وهيردوت والاسكندر الاكبر وعمرو بن العاص.. المسلات اللي اتاخدت منها واقفة دلوقتي في نيويورك ولندن وروما.. الناس افتكروه مجنون…لكن جنونه طلع لنا: مصر الجديدة ..أنجح مشروع عمراني متكامل مستقل بذاته …طرازه المعماري متسمي باسمه ومازال يدرس حتى الآن. .——————- رحلة السر والسحر والروح..من البارون امبان لحد اللي بيحصل في مصر الجديدة حاليا... مين سكن فيها من المشاهير وسكنوا فين؟ ايه هي أفلام السينما اللي ظهرت فيها؟ حوارات مع سكان مصر الجديدة؟ذكرياتهم ..ليه عشقوها؟ التغيرات اللي حصلت لها..هل هم راضيين عنها؟ايه هي الحلول الممكنة للحفاظ عليها وحل مشاكلها ؟

في سنة ١٨١٤، كتب الأديب الروسي ايفان كريلوف قصة رمزية قصيرة باسم الرجل المستكشف...حكى فيها عن راجل دقيق جدا..زار مرة متحف وقعد يدون كل التفاصيل الصغيرة الموجودة حواليه..لكنه ماخدش باله من فيل ضخم للغاية..كان موجود في وسط المتحف..لا كتب عنه ولا جاب سيرته... من هنا طلع تعبير: الفيل اللي في الأوضه...وبقى مثل دارج بيستخدم لما يبقى فيه موضوع شديد الأهمية..وكل الناس فاهمين كويس انه سبب لتغيرات مصيرية في حياتنا، أو سبب لمشاكل كبرى بتواجهنا، أو دافع لقرارات بتشقلب مستقبلنا..ومع ذلك كله هسسسس... ماحدش عايز يتكلم فيه أو عنه..خوفا أو تحرجا او هربا..تابوه...والنتيجة ان المشاكل بتكبر..بتبقى أكبر حتى من الفيل...تبقى حوت...تبقى ديناصور..يدوس على كل اللي بنيناه.. هانتكلم عن الفيل ده مع دكتورة متخصصة فيه...الدكتورة آية البحقيري..أخصائية علاج مشكلات العلاقات الزوجية والمشكلات النفس - جنسية.. هل أحسن التبكير بالجواز ولا تأخيره في ظل أحوال المجتمع ومعدلات الإنحرافات وإرتفاع نسب الطلاق الحالية؟ وامتى الأب والأم يعرفوا ان أولادهم بقوا جاهزين للجواز..وامتى يقولوا لهم: لسه قدامكم شوية قبل ما تتحملوا المسئولية؟ هل الإختلاط بين الجنسين في سن الشباب والمراهقة أفضل أم يكون الفصل بينهم أفيد؟ كام في المية من حالات المشاكل الزوجية بتبقى نتيجة لأسباب جنسية وماحدش قادر يتكلم فيها..وبيبرروها بأسباب معلنة مختلفة؟. ايه هي أهم المشكلات الجنسية بين الأزواج في مجتمعاتنا؟ ايه هي أشهر الخرافات فيما يخص العلاقات الزوجية؟ هل المجتمعات الغربية عندها مشاكل مختلفة ولا فيه تشابه؟ ايه اللي ممكن نغيره في تربيتنا لأولادنا لتجنب المشاكل دي، مع الحفاظ على ديننا وأخلاقنا وعاداتنا وتقاليدنا؟ هل المشاكل اللي من النوع ده مستجدة نتيجة تغيرات العصر ولا طول عمرها كانت موجودة بس مستخبية؟ ايه الخطوة الأخيرة اللي المفروض الزوج والزوجة يعملوها قبل ما يقرروا استحالة التعايش بينهم؟ ايه هي أنواع العلاج والدعم والحلول اللي ممكن تقدمها أخصائية العلاقات الزوجية وعلاج المشكلات النفس - جنسية لإنقاذ العلاقة الزوجية؟ الحلقة ١٥+ (نعتذر عن تواجد أصوات كثيرة من الشارع في الخلفية في هذه الحلقة..نظراً للظروف الخارجة عن إرادتنا التي تم فيها التسجيل..)

أميرة: سيف بيهلوس يا دكتورة... د.شيرين: للأسف..كل المضادات الحيوية اللي بنديها له مش جايبة نتيجة..المزرعة مبينة ان عنده بكتيريا مقاومة لجميع المضادات المتاحة... وليد: اسمها ايه البكتيريا دي يا دكتورة ؟ د. شيرين: Acinetobacter Baumaniiكانت زمان بكتيريا ضعيفة وغلبانة، وأي مضاد بيقتلها..بس على مدى عشرات السنين ، اكتسبت جينات مقاومة للمضادات الحيوية من الميكروبات الأخرى..بيسموها Superbug..أو جرثومة خارقة... وليد: طب والحل؟ د. شيرين : عندنا خيارين أصعب من بعض.. _________________________________________ حقنة البرد اللي بيدوها في الصيدليات دي المفروض ناخدها ولا لأ؟ ليه المضادات الحيوية بقت زي المية ومافيش استجابة لها؟ (فيه مليون و٣٠٠ الف شخص بيموتوا سنويا نتيجة فشل المضادات الحيوية في قتل البكتيريا) مرض الدرن اللي قتل مليار من البشر …منهم شخصيات شهيرة ماتت في سن الشباب..ايه اللي رجعه ينتشر تاني بعد ما كان قرب ينقرض؟ المضادات الحيوية ..هل هي معجزة طبية..أم نقمة تسببت في ظهور أمراض جديدة ؟ المصريين اللي بيعبوا شنطهم وهم مسافرين بره مضادات حيوية تحسبًا لصعوبة الحصول عليها ..عندهم حق ولا غلطانين ؟ هل توجد علاقة بين تناول المضادات الحيوية وأمراض الحساسية والسكر والتوحد والتهابات الجهاز الهضمي و تصلب الشرايين والروماتويد؟ ايه هي الجريمة اللي بيرتكبها كثير من المزارعين ومربي المواشي من خلال الأدوية اللي بيدوها للحيوانات وبتضرنا كلنا؟ ايه هو الدوا اللي كان موجود حصريا في وحدات الجيوش أثناء الحرب العالمية التانية..وتم بمعجزة تهريب ملعقة واحدة منه لانقاذ ممرضة مدنية من الموت سنة ١٩٤٢؟ ازاي ساهمت كنتالوباية متعفنة وطبق فضل مرمي في الحوض من غير غسيل في انقاذ عشرات الملايين من البشر ؟

الطلاق كتير اليومين دول..طب في القرآن الكريم سورة اسمها سورة الطلاق، وفيها بعض أحكام الطلاق..يا ترى المطلقين والمطلقات بيعملوا بيها؟ مثلا يعني ايه ولا تضاروهن لتضيقوا عليهن؟ ايه هي القصة اللي حصلت بين الرسول عليه الصلاة والسلام وبعض نسائه، ونزلت بسببها آيات سورة التحريم؟ من آداب المجلس في الإسلام: وإذا قيل انشزوا فانشزوا..يعني ايه انشزوا؟ طب يعني ايه التغابن اللي اتسمت بإسمه سورة في القرآن؟ ازاي ربنا سبحانه وتعالى ميز قيام الليل عن الصلوات العادية في كتابه العزيز؟ ايه هي المرسلات؟ وايه هي النازعات؟ وايه هي العاديات؟ ويعني ايه غاسقٍ إذا وقب؟ في سورة الإخلاص..يعني ايه الصمد ؟ وهل احنا بنقرا كلمة كفواً صح؟ في هذه الحلقة الأخيرة من ختمة فاهمة، نتناول معاني ودلالات كلمات وتعبيرات القرآن الكريم في آخر 3 أجزاء: 28 - 30... مع الدكتور سيد نجم..أستاذ التفسير وعلوم القرآن... ونختتم السلسلة بدعاء ختم القرآن..

قراءة فاهمة لمعاني ودلالات كلمات سور: فصلت والشورى والزخرف والدخان والأحقاف ومحمد والفتح والحجرات وق والذاريات والطور والنجم والرحمن والواقعة والحديد..

الأحزاب - سبأ - فاطر - يس - الصافات - ص - الزمر - غافر.....الحلقة الثامنة من ختمة فاهمة.. مع الدكتور سيد نجم..أستاذ التفسير وعلوم القرآن..

حلقة سابعة من سلسلة ختمة فاهمة مع الدكتور سيد نجم - أستاذ التفسير وعلوم القرآن وشرح معاني ودلالات ألفاظ 6 سور في القرآن الكريم..

لما تتكفل بشخص بتعتبره طيب ويستاهل كل خير..وتصرف عليه بالكامل..وتفاجأ انه بيخوض في عرضك وعرض أهل بيتك...تتصرف ازاي؟ والتصرف الصحيح زي ما ربنا أمر بيه المفروض يبقى ايه؟ الموقف ده حصل بالفعل أيام الرسول عليه الصلاة والسلام وحكم فيه القرآن الكريم..هانتعرف عليه من خلال قصة أبي بكر الصديق رضي الله عنه مع مسطح بن أثاثة وحادث الإفك.. ________________________ التفسير الكامل لآيتي الحجاب في سورة النور.. _________________________ شرح آية : الله نور السماوات والأرض.. _________________________ في قصة أهل الكهف: يعني ايه: الرقيم - الوصيد - الشمس تزاور عن كهفهم؟ ________________________ في قصة ذي القرنين: يعني ايه: عينٍ حمئة - زبر الحديد - الصدفين - قطراً؟ ________________________ الوصف الرهيب ليوم القيامة في سورة طه.. ________________________ كيف يعبد بعض الناس الله على حرف؟ ________________________ ما معنى صبغ للآكلين في وصف شجرة طور سيناء؟

في سورة الإسراء بنسمع ونقرا الحوار بين الله سبحانه وتعالى وابليس بعد خلق آدم..بس من زاوية مختلفة... في الحوار بنتعرف على تعبيرات وكلمات ماتحكتش في سياق الحوار ده من خلال السور الأخرى.. ابليس بيقول: لأحتنكن ذريته...يقصد ايه؟ وربنا عز وجل بيرد عليه ويقول له: واستفزز من استطعت منهم بصوتك واجلب عليهم بخيلك ورجلك وشاركهم في الأموال والأولاد ايه دلالات الكلام ده؟ _________________ وفي الآخرة..حوار أخر مع الشيطان..لكن المرة دي مع أهل النار...يعني ايه.. ما أنا بمصرخكم وما أنتم بمصرخيَ.؟ _________________ ازاي ربنا وصف وصف دقيق حالة الناس لحظة البعث ؟ ملامحهم وسلوكهم ومشاعرهم ونظراتهم وقتها في كلمات قليلة بليغة؟ .......................... في كلمتين بس: حمأ مسنون...بلاغة القرآن لخصت جملتين كاملتين بيوصفوا بالتفصيل الطين اللي اتخلق منه الإنسان..ازاي ده ؟ ........................ مين هم أصحاب الأيكة؟ وليه اتسموا بالإسم ده؟ ......................... ايه المقصود: ب:ألزمناه طائره في عنقه؟ _______________________ الحلقة الخامسة من ختمة فاهمة

ايه حكاية مسجد الضرار؟ . وايه هو النسيء اللي المشركين كانوا بيعملوه قبل الاسلام؟ . ازاي أبقى مسلم سائح ..وهو الوصف اللي ربنا مدحه في القرآن؟ . ازاي دعم ربنا سبحانه وتعالى الرسول عليه الصلاة والسلام والمؤمنين نفسيا خلال وقت محنة وفاة ابي طالب والسيدة خديجة ب٣ سور متتالية نزلت بنفس ترتيبها في المصحف؟ وازاي كل واحدة منهم حققت هدف مختلف؟ . لماذا عاتب الله عز وجل رسوله الكريم في سورة هود؟ . يعني ايه الكلمات دي اللي بنقراها في القرآن الكريم ومش فاهمين المقصود منها؟ مكاءا وتصدية .. وليجة أولوا الطول قتر الرفد المرفود تتبيب ختمة فاهمة - الحلقة الرابعة مع الدكتور سيد نجم..أستاذ التفسير وعلوم القرآن

في سور المائدة والأنعام والأعراف..أثناء قراءتنا للذكر الحكيم..بياخدنا كلام ربنا سبحانه وتعالى لموضوعات متنوعة.. قصص زي حكاية قابيل وهابيل..والحوار الإلهي مع ابليس بعد خلق آدم...وأحداث الأنبياء مع بني اسرائيل.. فيه تشريعات وأحكام..وأوامر ونواهي..وذكر لنعم ربنا علينا...وجدالات الكفار..ووصف للجنة والنار والأعراف.. لكن بتقابلنا كتير كلمات متكررة مش فاهمين معناها..ممكن نسأل ونبحث فيها...وممكن نعديها كوننا فاهمين السياق العام أو مستعجلين نخلص الختمة .................................... في الحلقة التالتة من :ختمة فاهمة..الدكتور سيد نجم..أستاذ التفسير وعلوم القرآن..هايساعدنا نفهم معاني كلمات بنقراها كتير في القرآن الكريم..لكنها غير معتادة في لغتنا اليومية.. زي:القلائد الموقوذة الأزلام متجانف مكلبين تبسل قنوان يعمهون يخرصون يصدفون نتقنا هدنا مذءوماً.. مبلسون وغيرها.. لما نفهم كل كلمة بنقراها..أكيد هانستفيد أكتر بكتير ونستوعب أحسن ونستمتع ونتدبر أفضل كلام الله سبحانه وتعالى..

- ايه المقصود بحصوراً في وصف سيدنا يحيى عليه السلام؟ - يعني ايه ليس علينا في الأميين سبيل..ولا يألونكم خبالاً؟ - حقوق النساء وحقوق اليتامى كما فصلها القرآن الكريم.... - ايه المقصود بالكلالة في أحكام الميراث؟ يعني ايه: ربائب - الجار الجنب - الصاحب بالجنب؟ - ما هو الجبت؟ - التوجيهات الإلهية في العدل والصلح بين الأزواج.... _____________________________________ قراءة فاهمة لمعاني ودلالات كلمات سورتي آل عمران والنساء..مع الدكتور سيد نجم..أستاذ التفسير وعلوم القرآن..

- ايه الفرق بين الرحمن والرحيم ؟ - دلالات الحروف في أوائل السور..هل يس وطه تدخل فيها أم أنها أسماء للرسول عليه الصلاة والسلام؟ - يعني ايه قولوا حطة؟ - يعني ايه لا فارض ولا بكر..لا ذلول ولا شية فيها؟ - ما هي قصة البقرة؟ قصة عجل السامري؟ قصة النهر والتابوت وطالوت وجالوت؟ - يعني ايه ادارأتم فيها؟ - يعني ايه وكانوا من قبل يستفتحون على الذين كفروا؟- ايه معني : وأشربوا في قلوبهم العجل بكفرهم؟ - ايه المقصود بالدم في محرمات الأكل؟ - طب يعني ايه جنفاً؟ إلحافاً؟ صلدا؟ ننشزها؟ - ايه هو الإيلاء؟ - ايه هو تفسير آية الكرسي؟ - ما هي العروة الوثقى؟ ________________________________________ مع الدكتور سيد نجم أستاذ التفسير وعلوم القرآن..على بودكاست: كرسي في أول صف..إن شاء الله السنة دي هانختم القرآن الكريم بدون ما تعدي علينا كلمة مش فاهمينها..

سلسلة فيديوهات عملت ضجة كبيرة جداً الشهور اللي فاتت..15 فيديو...بعضها تخطى ال2 مليون مشاهدة..عدد مشتركي القناة أكتر من ربع مليون مشترك..معظمهم من الشباب والمشاهدين المنفتحين على الأفكار الجديدة، وعندهم استعداد قوي يتقبلوا تغيير المفاهيم المترسخة في المجتمع من عقود طويلة.. سلسلة "الحضارة المفقودة" . ظهرت منذ تسعينات القرن العشرين مدرسة جديدة في علم المصريات بتروج لعدة مفاهيم..منها أن المصريين القدماء كانوا أكثر تقدما عما نعتقده..وان حضارتهم أقدم كثيراً من المسلم بيه حالياً..وأن الحضارة دي اندثرت قبل عصر الأسرات بفترة..وأن الأهرامات والمسلات والمعابد لم تكن لمجرد دفن الموتى ولم تكن مجرد أيقونات بلا غرض..وإنما كانت لأغراض علمية وعملية ساهمت بقوة في ازدهار الحضارة القديمة... . في الحلقة دي بنتحاور مع المهندس أحمد عدلي حول سلسلته وحول الأفكار والأطروحات اللي قدمتها..

في هذه الحلقة نستكمل رحلتنا مع ذكريات المصريين والحنين للماضي، ونتناول فيها الفترة ما بين منتصف السبعينات لأواخر التسعينات

دراسة أجريت سنة 2012 في جامعة ميسوري بالولايات المتحدة أثبتت ان المجموعات اللي بيفتكروا ويتكلموا مع بعض عن ذكريات الماضي الجميل كان بينهم حب وتعاطف وتعاون أكتر..وكان عندهم طمع وأنانية أقل من غيرهم اللي بيفكروا بس في المستقبل ومابيستعيدوش ذكرياتهم. دي ماكانتش الدراسة الوحيدة عن النوستالجيا..أو ظاهرة الحنين للماضي.. العلم أثبت ان أدمغتنا مبرمجة على الإحتفاظ بالذكريات الحلوة وتهميش الذكريات السيئة..ودي من نعم ربنا علينا، علشان نقدر نسامح ونغفر ، ويبقى عندنا دايماً إحساس ومشاعر ممتعة نهرب لها كل ما تصعب علينا الحياة ونواجه أزمات.. ..النوستالجيا كمان بتخلق ترابط بين الناس في المجتمع..يعني لما نفتكر مع بعض ذكريات مشتركة عشناها كلنا..ده بيحسسنا اننا شبه بعض أوي واننا كلنا عيلة واحدة كبيرة . بما أن الحنين للماضي حلو كده، وده ثابت بالعلم..أنا حابب اننا نعيشه مع بعض.. بس خلوا بالكم..ده مش استعراض موضوعي لتقييم التاريخ..ده حنين للحلو بس..اللي واحشنا بس... الوحش هانشيله ونمسحه..مالوش مكان في الحلقة دي.. ممكن يبقى له مكان في حلقة تانية.. بينا نبدأ رحلتنا..

عندنا في أجسامنا هورمون للجوع اسمه جريلين..وهورمون للشبع اسمه ليبتين.. لما معداتنا تفضى ..الجريلين يشتغل..فنحس بالجوع وناكل.. لما معداتنا تتملي..الليبتين يشتغل فنحس بالشبع ونبطل أكل.. . دكتور بريطاني اسمه كريس فان توليكين عمل تجربة..وخللى ٨٠٪؜ من أكله Ultraprocessed أو أكل فائق المعالجة..لمدة شهر.. عملوا له قياسات في أول الشهر وفي آخر الشهر..لقوا ان هورمون الجوع زاد بنسبة ٣٠٪؜… بقى ياكل أكتر ومايحسش بالشبع.… . ليه ؟ بيحطوا لنا ايه بالظبط في الأكل يخلينا نبقى كده ؟ ليه بنعمل ريجيم وبرضه مابنخسش؟ ليه مابنكتفيش بشيكولاتاية واحدة بس؟!! ليه زادت معدلات مرض السكر في العصر الحالي بشكل غير مسبوق؟ . تعرفوا ان معظم أكلنا Ultraprocessed? ——————————- جربت تاكل كيس فشار؟ . مش كيس فشار لسه معمول فريش.. . لا..كيس فشار محفوظ في كيس.. . أحب أقول لك انك كلت مع الفشار ده PFC Per flourinated compounds . دي مادة موجودة في طفايات الحريق ، وموجودة كمان في فريون التلاجات ، وفي اسلاك الأجهزة الكهربائية .. . بيحطوها ليه في الفشار ؟ علشان تمنع الزيت انه يتسرب للكيس… . المادة دي بتتخزن جوه الجسم وتدمر الكبد والغدد والجهاز المناعي .. ………… طب أكياس العيش والكوكيز والبسكويت والشيبس فيها المادة دي برضه ؟ . لا..فيها مشكلة مختلفة خااااااالص… ________________ سألت أمي..اسألوا أمهاتكم.. ————————————- الأطفال والشباب في الخمسينات والستينات كانوا بيفطروا ايه ويتعشوا ايه ؟ . قبل عصر اللانشون والبسطرمة والكورن فليكس والكوكيز .. قبل عصر البيبسي والكوكاكولا والفاست فود والشيبسي والكانديز والسناكس والسوبرماركت واعلانات التليفزيون..كانوا بيشربوا ايه وياكلوا ايه ؟ . في البودكاست..بنتحاور مع اتنين من أمهاتنا.. واحدة من شمال مصر (والدتي)..وأم من صعيد مصر.. . ايه هي المناطق الخمسة في العالم اللي متوسط أعمارهم فوق ال١٠٠ سنة.. بياكلوا ايه؟ . ايه هي الحلول للنجاة من الطعام فائق المعالجة؟ وازاي ننقي الأكل في السوبرماركت ؟ ____________ المراجع والمصادر: ____________ https://www.youtube.com/watch?v=T4PFt4czJw0 https://bmjopen.bmj.com/content/9/10/e027546 https://www.ncbi.nlm.nih.gov/pmc/articles/PMC4420570/ https://chemtrust.org/pfcs/ https://www.ift.org/news-and-publications/food-technology-magazine/issues/2002/october/columns/laboratory https://www.ifst.org/resources/information-statements/acrylamide-foods https://apps.who.int/iris/bitstream/handle/10665/42563/9241562188.pdf;jsessionid=BBAFDA75F297CBE0241082FA99CD276D?sequence=1 https://www.washingtonpost.com/wellness/2022/09/27/ultraprocessed-foods/ https://www.medicalnewstoday.com/articles/dementia-risk-ultra-processed-foods-may-accelerate-cognitive-decline https://www.truefood.tech/ https://www.bluezones.com/live-longer-better https://www.healthline.com/nutrition/blue-zones#TOC_TITLE_HDR_4

هل حق التعدد مطلق للزوج اذا التزم العدل؟ هل رضا الزوجة الأولى ملزم؟ هل علمها ملزم؟ هل يصح تعدد الزوجات سرا دون إشهار أمام المجتمع؟ . هل يصح أن تمنع عائلة ما تعدد الزوجات لأزواج بناتهم؟ . إذا كانت الزوجة أعلم بالدين وأكثر صلاحا من زوجها..هل تجب طاعته فيما يضر الأسرة من وجهة نظرها حتى ولو لم تكن فيه معصية؟ . هل يعتبر تقييد الزواج بشروط من قبل الحكومات تحريما لحلال؟ . هل يمكن للزوجة أن تشترط على زوجها في عقد الزواج أن تقيم في بلد معين أو أن يخصص لها مصروفا معينا كل شهر أو ألا يمنعها من العمل؟ . هل يعتبر إجبار الزوجة على العلاقة الحميمية اغتصابًا..وهل تعتبر الزوجة الرافضة ملعونة ؟ ماذا عن الزوجة التي تستغل هذا الأمر لابتزاز الزوج؟ . ما هو حل اشكالية العنف المنزلي الذي يرتكب بدعوى أن الإسلام رخص للرجل ضرب زوجته؟ ————————————-

"ماكنتش باحب أصحى..كنت بابقى أحسن كتير وأنا نايم..ده شىء محزن..كأنه كابوس بالمقلوب.. العادي انك تحس بالإرتياح لما تصحى من كابوس..هنا انت بتصحى علشان تواجه الكابوس" كلمات أحد مرضى الإكتئاب.. _________________ - هل الإكتئاب بيبقى نتيجة لضغوط الحياة ولا بسبب خلل في كيمياء المخ؟ - ايه هو السن اللي بتتشكل فيه عقدنا وأمراضنا النفسية؟ - هل كل إكتئاب ممكن يؤدي لانتحار ولا فيه سمات معينة للشخص اللي بينتحر؟ - ازاي نعرف الشخص اللي يبدو قدامنا مبتهج وسعيد..وفي الحقيقة هو مكتئب من جواه؟ - ازاي فيه شخصيات ناجحة وغنية ومش ناقصها حاجة وبتوصل لإكتئاب شديد؟ ______________________ "حاولت أكتب اللي أنا حاسة بيه، لكن بشكلٍ ما فضلت الورقة فاضية.. وده بالظبط كان أدق وصف لمشاعري" مريضة إكتئاب... _______________________ - هل صحيح ان الدول الغربية نسب الإكتئاب والإنتحار عندهم أعلى؟ - هل يكتئب الشخص المتدين؟ هل ينتحر الشخص المتدين؟ هل يساعد القرآن والصلاة وذكر الله في علاج الإكتئاب؟ - ايه أحدث علاجات الإكتئاب في 2023؟ - ازاي نساعد حد قريب مننا مصاب بالإكتئاب؟ وازاي نعرف ان كان محتاج علاج؟ - ازاي نتعامل مع ضغوط الحياة الشديدة علشان ماييجيلناش اكتئاب؟ _______________________ متوسط نسبة الإصابة بالإكتئاب في العالم 5% من البشر، لكن في مصر اتعمل المسح القومي للصحة النفسية سنة 2018...وأثبت ان 12% من المصريين عندهم اكتئاب.. 12%..يعني واحد من كل تمانية.. ويمكن النسبة تكون زادت دلوقتى بعد الصعوبات الإقتصادية الأخيرة.. واحد من كل تمانية تعرفهم عنده اكتئاب مرضي.. واحد من كل تمانية..يعني ان ماكانش في بيتك..هايبقى زميل في الشغل أو صديق أو حد قريب منك.. ______________________________________ "افتحوا لنا الباب" - حوار الإكتئاب والإنتحار ... مع خبير وأستاذ الطب النفسي بأوهايو - الولايات المتحدة الأمريكية..د. عصام الخواجة... _________________________________________________________________ تجارب مرضى الإكتئاب في هذه الحلقة منقولة عن قنوات اليوتيوب: - نور - ذا جلوكال - أنطولوجي بالعربي - احنا تي في - ابدأ من جديد فشكراً لهم جميعاَ على نشر الوعي الصحي الصحيح بمرض الإكتئاب

بيننا اليوم جيل أو أكثر سيعيش حتى عمر ال١٥٠ سنة..فمن هم؟ وكيف؟ . سنة 2023 هاتبقى سنة ثورة الطب ضد عدد من الأمراض المستعصية.. السرطان - 18 مليون مريض حول العالم.. الألزهايمر - 55 مليون مريض في العالم.. الأمراض الوراثية المزمنة - 75 مليون.. الأمراض العصبية المزمنة - مليار.. الإكتئاب - 300 مليون.. السمنة - مليار.. ............ شايفين الأرقام..؟ يعني تلت سكان العالم عندهم واحد أو أكتر من الأمراض دي.. بالإضافة للعوامل الإنسانية والعلمية..فيه بعد إقتصادي هائل هنا... كل الأمراض دي معطلة للإقتصاد..كل الأمراض دي بينفق عليها من ميزانيات الصحة مبالغ طائلة.. ولو نجحت شركات الأدوية في إنتاج علاجات فعالة للقضاء على الأمراض دي..نقدر نتخيل حجم المبيعات هايبقى عامل ازاي.. ________________ تعالوا نستكشف ايه العلاجات الجديدة اللي طالعة للأمراض دي في سنة 2023 إن شاء الله..وايه المشكلة الكبرى اللي هاتواجهنا نتيجة ثورة الطب ضدها.. ________________ لما نتكلم في أحدث تطورات الطب والأدوية الجديدة سنة 2023، مهم ان ده يشمل المنظومة الطبية أو البنية التحتية للرعاية الصحية.. ليه؟ علشان لما أقول لحضرتك ان السنة دي ان شاء الله، كندا هاتقر نظام فارماكير الصحي..نبقى مقدرين الأهمية المحورية للخطوة دي.. , نظام فارماكير في كندا ميزانيته 15 مليار دولار كندي سنوياً..يعني 300 مليار جنيه مصري تقريباً.. بمقتضى النظام ده، كل مقيم في كندا هايدفع ما بين 2 و5 دولار في كل دوا يشتريه بغض النظر عن سعر الدوا الحقيقي.. لو دوا رخيص هاتدفع 2 دولار.. لو دوا سعره آلاف الدولارات..كل اللي هاتدفعه 5 دولارات.. لو طفل أو على المعاش..أو متعطل عن العمل..أو من ذوي الهمم..مش هاتدفع حاجة..ولا 2 ولا 5.. مافيش حاجة اسمها مواطن ولا حتى مقيم مامعوش فلوس يجيب علاج..مافيش حاجة اسمها واحد يبيع حتة أرض علشان يعمل عملية..مافيش حاجة اسمها ميزانية للأدوية تقتطع مبلغ وقدره من مرتبك.. مادام بتدفعي أو بتدفع ضرايبك..يبقى العلاج مجاني حق لك ولأسرتك..

عام 2023 هايكون عام  إزدهار "انترنت الأشياء" . ازاي الأجهزة بتاعتنا هاتتكلم مع بعضها؟ ايه هي تكنولوجيا ال CV2X اللي هاتقلل الحوادث وأعطال العربيات ومخالفات المرور وتتجنب الزحمة.. ؟ ______________ ازاي الجراحين هايشوفوا كل بيانات المريض وأشعاته وتحاليله قدام عينيهم في وسط العملية؟ . هل هاينتهي دور شهادات الماجستير والدكتوراه في تقييم الأطباء؟ . ايه هي الوظائف المهددة بالإنقراض؟ وايه هي المهنة اللي الخبراء بينصحوا اننا نعد أولادنا لها وندخلهم في الكارير بتاعها في ال5 سنين الجايين علشان يلاقوا شغل أسهل ويقبضوا مرتبات عالية؟ وليه ماينفعش تفكر لأولادك اللي في ابتدائي واعدادي في دخول أي كلية في الوقت الحالي؟ . ليه لازم كل واحدة وكل واحد مننا يبتدي يتعلم مهارات جديدة حتى لو سنه فوق ال70..؟ ________________ ايه التطورات التقنية اللي هاتحصل في ماتشات الكورة..سواء من حيث اللعب أو المشاهدة؟ . لو عايز تبقى صانع محتوى...ممكن تحقق دخل أد ايه تقريباً؟ ______________________________________________ روابط مصادر التوقعات: ______________________________________________ https://www.datanami.com/2023/01/04/whats-up-with-cloud-in-2023-industry-predictions/ https://www.techopedia.com/the-future-of-cloud-computing-8-trends-to-watch-in-2023/2/34849 https://www.thenationalnews.com/business/technology/2022/11/03/global-public-cloud-spending-to-hit-nearly-600bn-by-2023-as-demand-continues-to-grow/ https://enterprisersproject.com/article/2022/12/hybrid-cloud-2023-predictions https://www2.deloitte.com/us/en/insights/industry/technology/technology-media-and-telecom-predictions/2023/technology-media-and-telecom-predictions-standalone-5g.html https://www.techrepublic.com/article/pwc-expects-5g-to-hit-a-tipping-point-in-2023/ https://betanews.com/2022/12/22/greater-cloud-adoption-better-security-and-connected-cars-5g-predictions-for-2023/ https://www.rcrwireless.com/20220308/5g/5g-c-v2x-and-ai-working-together-will-enable-safer-driving-experiences https://telecoms.com/497922/iot-spending-to-top-1-1-trillion-in-2023-idc/ https://parametric-architecture.com/2023-will-be-the-year-of-virtual-reality-says-deloitte/ https://www.technavio.com/report/smart-glasses-market-industry-analysis https://www.trilite-tech.com/trilite-predicts-2023/ https://www.globenewswire.com/news-release/2023/01/03/2582051/0/en/Hitting-a-Valuation-of-US-19-Billion-Strong-Demand-for-High-Processing-Power-to-Raise-the-Sales-of-Supercomputers-Fact-MR-Report.html https://www.mdlinx.com/article/the-surprising-health-effects-of-working-from-home/tsastCACwiPt6Al4ONUZL https://www.forbes.com/sites/forbestechcouncil/2020/02/25/tech-experts-believe-these-13-jobs-should-never-be-automated/?sh=1b66efe47646 https://futurism.com/work-in-the-world-of-tomorrow-ai-to-replace-7-of-jobs-by-2025 https://www.mygreatlearning.com/blog/how-will-artificial-intelligence-create-more-jobs/ https://www3.weforum.org/docs/WEF_FOJ_Executive_Summary_Jobs.pdf

السيناريو الأقرب لحرب روسيا - أوكرانيا في 2023.. . هل يفوز اردوغان بمدة رئاسية أخيرة؟ . أي دولتين ستعصف بهما تغيرات مصيرية في العام الجديد؟ . ما هي الدولة التي ستسبق باقي العالم في الخروج من الأزمة الإقتصادية  سنة 2023؟ . هل يشهد عام 2023 بداية سقوط الدولار كعملة عالمية موحدة؟ ما هو البديل الذي يجري إعداده حالياً في صمت؟ . هل نرى انسحابات جماعية لدول كبرى من صندوق النقد الدولي؟ . هل تشهد سنة 2023 بداية تراجع لإمبراطورية "جوجل"؟ . ما هي الحلول التي يجري العمل عليها حالياً للتغلب على المشاكل الكبرى في سلاسل إمداد الغذاء وإحتياجات البشر عند نشوب حروب أو إنتشار أوبئة؟ _______________________________________ المصادر: _______________________________________ https://oilprice.com/Energy/Oil-Prices/Why-2023-Is-Likely-To-See-Much-Higher-Oil-Prices.html https://www.cnbc.com/2022/12/22/gold-at-4000-analysts-share-their-2023-outlook-for-prices.html https://www.asiamarkets.com/gold-price-2023/ https://www.erstegroup.com/en/research/report/en/SR298341#:~:text=WIFO%20expects%20stagflation%20in%202023&text=For%202022%2C%20the%20institute%20expects,to%20the%20forecast%20from%20June). https://www.bloomberg.com/news/articles/2022-11-28/stagflation-will-dominate-in-2023-keeping-us-stocks-in-peril https://fortune.com/2022/12/16/institutional-investors-worried-about-stagflation-not-inflation-2023/ https://www.home.saxo/en-mena/content/articles/outrageous-predictions/opec-and-chindia-walk-out-of-the-imf-agree-to-trade-with-new-reserve-asset-06122022 https://news.russia.postsen.com/trends/122903.html https://www.govpilot.com/blog/government-blockchain-how-local-government-can-use-crypto https://cointelegraph.com/news/10-predictions-for-crypto-in-2023 https://techcrunch.com/2022/07/12/google-exec-suggests-instagram-and-tiktok-are-eating-into-googles-core-products-search-and-maps/?guccounter=1&guce_referrer=aHR0cHM6Ly93d3cuZ29vZ2xlLmNvLnVrLw&guce_referrer_sig=AQAAANx9A8wgrJfXObhXG56_GbZRbhLOoQ-VZKE9bmJirt1ve-ikS8ouiB1s3cxxvpTgruU4c6WJe5R0oHFn3zukbg_-RbdWTx4DxQHiHVn8fDEfcrhd2vb8CtM4JC6bXgu0ZnttKoeWBjgB3nGnpFowRQ_BdFHcKmvJLFsSzAE0X38u https://investorplace.com/hypergrowthinvesting/2022/11/the-long-overdue-self-driving-revolution-will-arrive-next-year/ https://www.gartner.com/en/newsroom/press-releases/2019-11-14-gartner-forecasts-more-than-740000-autonomous-ready-vehicles-to-be-added-to-global-market-in-2023 https://frontierview.com/insights/russia-ukraine-war-scenarios-for-2023/ https://www.washingtoninstitute.org/policy-analysis/outlook-turkish-democracy-2023-and-beyond https://www.home.saxo/en-mena/content/articles/outrageous-predictions/french-president-macron-resigns-06122022 https://www.trustnet.com/news/13347101/macron-resigns-another-brexit-referendum-and-the-death-of-private-equity-saxo-banks-outrageous-predictions-for-2023 https://www.ft.com/content/627e027d-6aa4-48ca-ad8a-c52fd8f837bc https://www.bloomberg.com/news/articles/2022-12-30/uk-labour-has-26-point-lead-over-sunak-s-tories-in-latest-poll?leadSource=uverify%20wall https://www.home.saxo/content/articles/outrageous-predictions/foundation-of-the-eu-armed-forces-06122022 https://www.ft.com/content/1740a320-5dcb-4424-bfea-c1f22ecb87f7

هل هي بداية النهاية لعصر القوى الكروية العظمى؟ . ما هو السر الفني الذي قلب مباراة النهائي في آخر 20 دقيقة؟ . لماذا تذبذب أداء الفرق والنتائج بشكل غير مسبوق؟ . هل يعتبر مونديال قطر بالأرقام الأفضل فنياً في التاريخ أم أن هناك مونديالات أخرى تفوقت عليه؟ . تقييم أداء الفرق العربية الأربعة في المونديال: لماذا فشل منتخب قطر وكيف نجح منتخب المغرب؟ . بماذا تفرد مونديال قطر عن كل المونديالات السابقة وحتى التالية في المستقبل؟ . رونالدو...ظالم أم مظلوم؟ . إحصاء لكل الأرقام القياسية التي تحطمت في المونديال.. . التشكيل المثالي للمونديال (فريق الأحلام).. ______________________________________________ هذه الأسئلة وغيرها..يجيب عليها أحمد يماني..المحلل الفني بقنوات أون تايم سبورتس..على بودكاست: كرسي في أول صف..

مولد كاس العالم على وشك ينفض، وكله مروح بيته حدوتة مونديال قطر اللي بقى لنا سنين بنتداولها، ووصلت لذروتها الشهر ده خلاص بتودع.. لكن قبل ما نسلم الحدوتة دي لحدوتة جديدة..أنا حابب أكلمكم عن تجربتي فيها..لأن اللي اتقال عن كاس العالم ده كتير، ولما حضرته بنفسي لقيت الواقع مختلف إلى حد كبير.. ايه اللي كان ناجح وايه اللي ماكانش على مستوى الحدث؟ هل الأقاويل اللي اتنقلت للناس دقيقة ولا كان فيه مبالغات مش في محلها؟ ايه أهم حاجة تنقص مصر أو أي دولة تانية بتسعى لتنظيم كاس عالم على مستوى مشرف مستقبلاً؟ هاحكي لكم عن التجربة من أولها لآخرها..بإيجابياتها وسلبياتها..من قبل ما أركب طيارة الذهاب لحد ما ركبت طيارة العودة..

إذا كنت من اللي بيستهيفوا كرة القدم ومستغربين إزاي مليارات البني آدمين مهتمين الإهتمام ده كله بحتة جلد بيجري وراها 22 نفر....الحلقة دي ليك . وإذا كنت مغرم بالكورة لحد الجنون وبتعتبرها شغلك الشاغل ليل ونهار...الحلقة دي برضه ليك.. . وإذا كنت وسط بين الاتنين..بتحب الكورة، بس يعني مش مديها أكبر من حجمها ووضعها ووقتها كرياضة وتسلية ومتعة..أكيد طبعاً الحلقة دي برضه تهمك.. . إزاي وليه؟ . الحلقة دي مابتتكلمش خالص في الكورة من ناحية الفنيات..ولا حتى الماتشات ونتايجها والفرق وأداءها.. _____________ في وسط حمى كاس العالم اللي شاغلة العالم كله اليومين دول، مش هانتكلم عن الاجوان..ومين كسب ومين خسر..ومين لعب حلو أو وحش.. .................. هانتكلم من خلال 4 قصص عن البشر...البشر اللي ورا دموع وأفراح كرة القدم..

هل يتعارض رفض العريس لعدم التكافؤ مع الحديث الشريف: ؟( إذا جاءكم من ترضون دينه وخلقه فزوجوه …إلا تفعلوه تكن فتنة في الأرض وفساد كبير) . هل صحيح أن الائمة الأربعة أجمعوا أن المرأة ليست ملزمة بخدمة زوجها وبيتها ؟ . قانون الأحوال الشخصية الحالي ..هل هو عادل ومنصف ؟ . هل تختلف حقوق وواجبات الزوجة العاملة عن الزوجة ربة المنزل ؟ . هل يعني حق الكد والسعاية أن الزوجة تتقاسم مع زوجها مكاسبه المادية لقاء مشاركتها في أعباء الحياة ؟ . كيف تتصرف المرأة التي ترغب في العمل لتحقيق ذاتها وتأمين مستقبلها بشكل يتوافق مع الشرع اذا كان زوجها رافضا خروجها للعمل؟ —————————— إجابات هذه الاسئلة وغيرها  مع الدكتور عاطف رفاعي..أستاذ علوم القرآن..

 قصة هيمنة الدولار على العالم وترويض الذهب في المائة سنة الأخيرة، وحكاية سيطرة مدرسة شيكاغو على مقدرات البشر.. كيف تركزت 50% من ثروات الأرض في أيدي 1% فقط من البشر؟ نتحدث عن نفوذ الرأسمالية على الحكومات، وصعود أسلوب الحياة المادي ليتحكم في كافة جوانب حياتنا.. كيف تعامل العالم مع الأزمات المالية المتتالية وهل يتوقع الخبراء كوارث إقتصادية عالمية في المستقبل القريب؟

من خربأ لإيلون.. حدوتة الفلوس والدين والسُلطة.. في العالم اللي احنا عايشينه النهارده..البنك بيتحكم في حياتنا بالكامل.. . الفلوس اللي بتتعامل بيها كل ساعة بيطبعها بنك.. الأسعار بيحددها بنك.. البطاقات اللي بينزل عليها مرتبك واللي بتدفع منها بتاعة بنك.. أي قروض في حياتك بيتحكم فيها بنك.. بتحوش فلوسك في بنك.. . اذا كنت فقير حياتك بيقودها بنك.. واذا كنت غني برضه حياتك بيقودها بنك.. . اذا كنت مواطن غلبان البنك بيتحكم فيك..واذا كنت ملك او رئيس برضه انت في ايد البنك.. …….. ازاي البنوك وصلت للمكانة دي في حياتنا؟ ازاي بقت تحكم العالم ؟ وازاي البنوك كدست نص ثروات الدنيا في ايدين ١٪؜ فقط من أهل هذا الكوكب ؟!!! ___________________________________________ هانرجع للحدوتة من أولها خااااالص...من قبل اختراع الفلوس ونحكي اللي حصل لحد يومنا هذا..

ايه هي طرق الهجرة للولايات المتحدة الأمريكية وأنواع الفيزات المختلفة؟ . هل بتفكر تبعت أولادك يدرسوا في أمريكا؟ . ايه هي المعلومات المهمة؟ . هل فيه خوف عليهم ؟ . هل ممكن تربي أولادك في أمريكا وتندمج في المجتمع مع الحفاظ على هويتهم ودينهم وقيمهم ؟ . هل فكرة الزواج من أمريكية جيدة أم سيئة ؟ . ايه هي الجوانب المظلمة للحياة في أمريكا؟

في رأيك الهجرة لأمريكا..فكرة جيدة ولا سيئة؟ . طيب انت مش بتفكر تهاجر لأمريكا علشان شايف ان مالكش فرص كويسة هناك؟ . يعني انت مش عايز ولا مش قادر؟ . طب فيه سن معين للهجرة؟ ......... هل ينفع تحافظ على هويتك وتربيتك لأولادك وفي نفس الوقت تندمج هناك؟ . ايه هي الطرق والخطوات المطلوبة؟ ........ بتفكر تبعت أولادك يكملوا دراستهم هناك؟ . هل أحسن تروح ولايات فيها مصريين وعرب كتير، ولا البعد عنهم غنيمة؟ ........ ايه هي المهن اللي المصريين ماشيين فيها هناك؟ ....... هل الشعب الأمريكي زي ما بنشوفه في أفلامهم؟ ولا زي ما بنشوفه في سياسات حكوماتهم معانا؟ ولا هم لا دول ولا دول؟ . هل انت مع ولا ضد الزواج من أمريكية؟ . الحلم الأمريكي؟ هل هو حقيقة ولا وهم؟ ____________________________________________ إجابات هذه الأسئلة وغيرها مع السيدة إيمان عبدول..مهاجرة مصرية لأمريكا منذ 24 سنة...

-ايه هي ال٥ تغيرات اللي ممكن نعملها في حياتنا اليومية علشان نقلل احتمالات الاصابة بالسرطان ؟ . - ازاي وصل التقدم الطبي دلوقتي انه حالات السرطان الميئوس منها بقت تعيش سنين بدل شهور؟ . - ايه هي الفحوصات الدورية اللي المفروض نعملها علشان نلحق السرطان في اوله..ونوصل نسبة الشفاء منه لأكتر من ٩٠٪؜…وفي أي سن نعملها؟ . - ايه هي الفروق في التعامل مع السرطان بين مصر وأمريكا..سواء على مستوى الأطباء أو المرضى أو الدولة؟ . - ايه هي العلاجات الجديدة اللي مافيهاش لا جراحة ولا علاج كيميائي ولا اشعاعي ؟ ————————- اجابات الاسئلة دي وغيرها مع الدكتور طارق الضوي..كبير أطباء مركز بينساكولا للأورام - فلوريدا - الولايات المتحدة الامريكية.. .

موقف الشريعة الإسلامية من المشاكل الزوجية المعاصرة..مع الدكتور عاطف رفاعي..أستاذ التفسير وعلوم القرآن. تناقش الحلقة مسائل ثار الجدل حولها مؤخراً..مثل القايمة والمهر والمؤخر والشبكة وقوامة الزوج والإنفاق على البيت والتكافؤ بين الزوجين وأسباب ارتفاع نسب الطلاق وصعوبات الزواج وغيرها.

واحنا رايحين في نوم عميق بالليل، بتحصل جوه أجسامنا أحداث جسام..ملحمة عظيمة بمعنى الكلمة بتديرها ساعتنا البيولوجية.. يا ترى ايه أحسن وقت في اليوم للدراسة، وأنسب وقت نمارس فيه رياضة، وأكتر وقت بننتج فيه ونبدع ونبتكر وتنور في أدمغتنا فيه حلول عبقرية..؟ حتى دخول الحمام، فيه أوقات له بتفضلها ساعتنا البيولوجية.. يا ترى ايه اللي بيحصل بالظبط لخلايانا وأجهزتنا الداخلية لما نومنا يقل أو يتقطع أو يتلخبط؟ هل حياتنا العصرية بما فيها من موبايلات وكمبيوترات وشاشات وسهرات ووسائل تواصل وامتداد لأوقات العمل والدراسة بتأثر سلباً على هورموناتنا وصحتنا البدنية والنفسية؟ ومين هي الأنسة نوفوتص المديرة العظيمة اللي بتؤمر وتنهي وتدير ده كله؟

ما بين الحين والآخر، هاقدم حلقات تعبيراً عن حبي لمكانٍ ما في بلاد الله الواسعة...هاتناول المكان بمفهوم أكبر من كونه مكان جميل بنتصور فيه أو نوصفه أو نفتكر فيه ذكرى أثرت فينا.. هاتناول الأهم من كده..اللي هو الإنسان اللي عاش في المكان ده وتوحدت روحه مع روح الحياة فيه..كل طرف فيهم بقى جوه التاني..المكان بقى بيسري في دم الإنسان، والإنسان بقى في قلب المكان.. الحلقة دي في عشق إسكندرية والإنسان السكندري.. ضمن الحلقة، استضافة للخبير الإستشاري الهندسي العالمي الأستاذ محمود صقر واستعراض لكتابه: إسكندرية..سنوات الشفق والغسق، اللي بيحكي عن التغيرات اللي حصلت لإسكندرية على مدار 40 سنة..

ايه حكاية الزئبق والألومينيوم اللي بيحطوهم في تطعيمات الأطفال؟ وايه أهمية التطعيم اللي ضد سرطان عنق الرحم؟ نطعم ضد الكوفيد والانفلونزا الموسمية ولا لأ؟ لو حد مناعته ضعيفة ايه اللقاحات اللي ياخدها واللي ماياخدهاش؟ ايه قصة حساسية الطعام مع لقاح الحصبة والحصبة الألماني والغدة النكفية؟  هل ممكن طفل واخد تطعيمات معينة يشكل خطورة بالتواجد جنب أمه الحامل ؟ . ...إجابات هذه الأسئلة وغيرها في هذه الحلقة

هانركب آلة الزمن ونرجع بيها 70 سنة، ونعيش مع بعض يوم واحد في تاريخ مصر..يوم 22 يوليو 1952...آخر يوم في عهد الملك فاروق.... هانلف مصر من شمالها لجنوبها ومن شرقها لغربها في اليوم ده.. من القاهرة للأرياف للصعيد لاسكندرية لمدن القناة.. الأحياء الراقية والأحياء الشعبية.. السياسة والاقتصاد والفن والثقافة والخدمات والجامعة والمدارس والمستشفيات والمصانع والمزارع والمحلات وأحوال البشر..بالنهار وبالليل.. الدين والأخلاق والذوق والحقوق والحريات.. ____________________ هانسيبنا من ادعاءات المتحيزين من الجانبين، ونحاول نعرف الحقايق من المصادر الموثوقة والناس اللي كانوا عايشين وقتها..الوقائع الثابتة..المؤرخين المحايدين..تغطيات الصحف وأخبارها..الشخصيات المعروف عنها النزاهة والوطنية والموضوعية..الناس العاديين غير المسيسين..اللي مالهمش مصالح ولا أهواء..

تنبيه هام: الحلقة دي مليانة "لا مؤاخذات"...كلنا محتاجين نرتقي ونستعيد الذوق ونعيش حياتنا بالأصول.. الحلقة دي بتشارك في موضوع الاتيكيت بشكل مختلف.

عندنا مثل شعبي حلمنتيشي بيقول: "مركب الضراير سارت ومركب السلايف غارت"..والضراير زي ما احنا عارفين هم الستات اللي متجوزين راجل واحد، لكن الصغننين من الأجيال الجديدة يمكن مايعرفوش يعني ايه "سلايف"..السلايف يا جماعة هم الستات اللي متجوزين أخين..يعني بالنسبة للست، سلفتها هي مرات أخو جوزها. فالمثل يعني بيقول انه ساعات العلاقات بين السلايف بتخرب الدنيا أكتر حتى من الخلافات بين الست وضرتها.. طيب بينا مع بعض نتابع أهم حرب حصلت بين السلايف في القرن العشرين..حرب وصل تأثيرها لنا كلنا بشكل أو بآخر..

في الحال المطافي والشرطة وصلوا، لكن الاتنين رفضوا انهم ينقذوه.. الله!! امال احنا جايبينكم ليه يا جماعة؟ علشان تتفرجوا زيكم زينا..؟؟!! عشرات المتفرجين وقفوا مستنيين اللي هايحصل..ما هي الشرطة والمطافي موجودين.. هل الضحية تستحق المساعدة؟ هل أنا عندي القدرة اني أساعدها أصلا؟ ايه العلاقة اللي بتربطني بيها؟ أنقذها علشان ايه ؟!! هاتعمل ايه لو كنت انت الضحية أو لو كنت شاهد على الجريمة وعندك فرصة انك تمنعها؟

.لتاريخ البشرية مع التطعيمات رحلة طويلة ممتدة على مدار مائتي سنة منذ اللقاح الأول ضد الجدري وحتى الجدل حول تطعيمات وباء الكوفيد.  لكن قصة واحدة تظل هي الأبرز والأشهر والأكثر تأثيراً طوال هذه الرحلة..ألا وهي فضيحة علاقة التطعيمات بمرض التوحد.. في هذا البود كاست نعيش تفاصيل هذه العلاقة.