Re buisana le Prof Shole Shole go tswa ka UNIWES, re buisana le ena ka kgodiso le go tlhamiwa ga mareo a matsha a Setswana. Ba dira jaang gore rona baagi, le batho ba ba dirisang puo ya Setswana ka gale, re itse le go fitlhelela mareo ao a mantsha, kgotsa ao ba a tlhabolotseng.

Re buisana le ngaka ya setso, Kagiso Kaibes, ka kotsi ya go jesa mokapelo wa gago moratiso, le gore a gone meratiso ya dira naa?

Re buisana le Prof Otlogetswe go tswa ko University of Botswana ka Artistic Licence. Artistic Licence e thusa jaang go godisa puo segolo jaang puo ya rona ya Setswana.

Re buisana le Prof Tholene Sodi (Clinical Psychologist) o a dirileng dipatlisiso gore re baakanya jaang kgotlhang mo lenyalong re dirisa mekgwa ya go tsereganya ya se-Afrika.

Re buisana le Itumeleng Bahetane gore social media e ama jaang mokgwa o batho ba reetsang radio ka ona, radio e fetogile jaang mo dingwang tse di fetileng?

Re buisana le ngaka ya setso, Rre Kagiso Kaebis ka botlhokwa jwa go bofa lenyalo. A gona go santse go nale batho ba ba bofang/gothaya manyalo a bona.

Mme gompieno re lebelela mebala ya dikgomo le gore e kaya eng mo Motswaneng .

Tonki ga e bonwe jaaka seruiwa seo motho a ka gwebang ka sona, tonki ke phologolo eo gantsi e dirisediwang ditiro tse di thata, e sotliwa, phologolo eo e senang mosola. Re buisana le Mompati Kgomanyane-Modimogale yo a re fatlhosang ka ditshono tseo dileng teng tsa go ka gweba ka tonki.

Mo lekwalong dikgang la Raaport la 20th Ferikgong 2019, go tlhalositswe fa Pakisi a buile maka gore o bone tiragalo ya poloa ya Matlhomola Moshweu, go tlhalosiwa fa a ne a seyo/a le gautshwane le go tiragalo eo ya polao.Re buisana le Rre Bonakele Pakisi yo e neng e le paki mo kgetseng ya loso la ga Matlhomola Moshweu yo go belaelwang a bolailwe ke Pieter Doorewaard, 27, and Phillip Schutte, 34.

Mabitla a tlatse ko Johanessburg, re buisana le Dr. Lawrence Konyana president ya SA Funeral Federation, ka mekgwa le ditsela tse dingwe tse batho ba ka di lebelelang go ka fitlha ba masika a bona.

Re buisane le Meshack N. Kekana go tswa kwa Dads In The Picture (NPO) yo a neng a re fatlhosa gore rre ke ena a rwalang maikarabelo a go bona gore bana ba gagwe/bana ba mo motseng o a tshela mo go ona, ba tshela matshelo a a siameng ebile ke ena a tshwanetseng go ruta bana go nna le maitseo.

Rre buisane le Mmueledi, Rre John Nkomo a re tlhalosetsa gore; molao wa reng ka lenyalo la setso. Fa re re lenyalo la setso le mo molaong, ke eng seo se tshwanetseng sa bo se diragetse? (patlo, go ntsha magadi, go gorosiwa ga ngwetsi jalo le jalo)

Rre buisane le Mmueledi, Rre John Nkomo a re tlhalosetsa gore; molao wa reng, fa o batla go tlhala molekane wa gago yo a nang le le boletse ba tlhogo.

Go tlhokafala ga motho yo o mo itseng ga se selo se se bonolo, mme go botlhoko thata fa motho yoo, a tlhokafala ka go tsaya botshelo jwa gagwe. Lona ba lo setseng, lo sala lo ipotsa dipotsa tsa gore, le paletswe kae go mo utlwa? Goreng le sa bona matshwao? Goreng motho yoo a sa bua jalo le jalo.Fa o nale maitemogelo a go latlhegelwa ke tsala, molekane, wa losika kgotsa modirammogo, bua le rona, re utlwe gore wena o kgonne jang ritibala maikutlo morago ga tiragalo eo.

Re go tshamekela kgatiso ya puisano ya ga Mmusetsi “Chesa” Monaise, motlhagise wa maloba wa ditshwantsho-tumo mo Motsweding FM, fa a ne a buisana le moswi Ngaka Edna Bomo Molewa, yo ka nako eo, e ne e le Tonakgolo ya profense North West. Mo puisano e, Mme Molewa o re thadisetse leoto la gagwe la botshelo, gotswa kwa a belegetsweng teng kwa Mampatile(Bela Bela), go tsena mo go tsa thuto, le go nna karolo ya dipolotiki tsa mokgatlho wa African National Congress.

Re buisana le Mokwadi wa buka ya Setswana e e bidiwang “Setswana Sa Reng” Rre Ben Matlole Maitsapo ka dithamalakwane, Re batla go itse bokao jwa dithamalakwane ebile re tlile go tshameka motshameko wa dithamalakwane mo tsamaong ya thulaganyo.

Thato Molosankwe o tsereng tshwetso ya go tsaya loeto gotswa Kapa go ya Cairo, maitlhomo e le go tshibosa baagi ba dinaga tse a tlileng go tsamaya mo go tsone ka tshotlakako ya bana le basadi.

A AZAPO e santse e tsweletsa go ruta batho ka Black Consciousness kgotsa seo ke selo sa maloba? Re seka seka kgang e le @MP_Author le Dr Motebe chairperson of Azapo in the Northern Cape. #MotswedingFMKD #SteveBantuBiko

Kgolagano ya Batswana le dinonyane, goreng Motswana a biditse nonyane a ke thaga, lenong, mmamasila noka jalo le jalo.

Re buisana ka Ngwaga o montshwa wa se Afrika le go tlhomiwa semmuso ga Calendara ya rona ya Se Afrika. Moeng wa rona gotswa ko The Royal House of Kermit ke Rre Lesego Monyai.

Re buisana le Father Rakeketsi - Associate Secretary General of the Catholic Bishops in Southern Africa. Head of Protocol and Conduct of priests. O tlile gore tlhalosetsa gore dikereke di thusa jang go lwantsha tshotlo le go sa tsholwe sentle ga basadi

A diane tsa Setswana di gatelela bomme? Re buisana le Mme Eileen Pooe gotswa kwa University ya North West go leka go tlhalaganya motheo wa diane tseno. #MotswedingFMKD

Re buisane le Karabo Magagane go tswa ANCWL Young Women’s Desk re buisana le ena ka kgang e e tsositseng tlhatlahruane ya lefatshe. O ne a re tlhalosetsa ka mathata le dikgwetlo tse basadi ba kopanang le tsona fa ba batla go iponela lefatshe leo e leng la bone.

Re buisane le Lerato Senakhomo, mosadi wa dilemo tse 26, yo e leng molemi rui.

Wena jaaka monna/rre o eme kae? Re buisane le Afrika Tau yo a tseile tshoetso gore o tla kgala banna bao ba sotlang basadi, le go ba batlela thuso ya counseling gore ba fetole maitsolo a bona. #MotswedingFMKD

Re buisane Professor Sekepe Matjila go tswa kwa Universiting ya Afrika Borwa, ka go nyelela ga botho mo setshabeng sa rona, re batla go itse gore ke eng se se dirang gore gonne le kwelo tlase ya botho mo setshabeng sa rona.

Re tlotlomatsa Basadi mo lekaleng la molao , ka go supa karolo e ba e tsayang le go tlhagisa maitemogelo a bone ka go direla lephata la molao (Women in law)

Ke eng se se dirang gore gonne le kwelo tlase ya botho mo malapeng a rona. Moeng wa rona ke Rre Kagiso Kaebis – eleng Ngaka ya setso kwa Ganyesa.

Re buisane le Thato Molosankwe yoo sweditseng go tsamaya leeto ka dinao go tswa Kapa go ya Cairo (Rounding Africa 49 States) maitlhomo e go tlotlomatsa dingwaga di le lekgolo tsa mogaka Nelson Mandela.#RoundingAfrika#UnitingAfricanMenAgainstAbuseAndFemicide #100YearsMandela #100YearsAlbertinaSisulu

Re buisane le Rre Pakes Dikgetsi go tswa kwa COPE le Rre Kenneth Mokgatlhe go tswa kwa PAC ka kgang e e tshwentseng ya lefatshe (land expropriation). Ba ne ba fatlhosa gore bona makoko a bona reng ka kgang e.

Morago ga dingwaga tse 20 re lebelela gore ke eng se se fetogileng kwa sekolo se se golwane sa Vryburg. Sekolo seo se kile sa bo se faraferwe ke Dintwa tse di setlhogo tsa bosemorafe. Re buisane le Barry Fuleni yo e leng mogokgo wa sekolo seo.

Re buisane le Victoria Rammala Director Property Hijacking Investigations @ Group Forensics City of Johannesburg ka go tseiwa ka dikgoka ga di kago (building hijacking) ko Johannesburg.

Re buisane le Neo Chaka go tswa kwa Moral Regeneration Movement, re buisana ka dipolao le tshotlako ya bana le basadi. Go tshwanetse ga diragala eng gore banna ba gakologelwe le go tsiboga gore ga goa siama go sotla le go bolaya basadi.

Re buisane le Dr Desmond Kegakilwe ka mefuta e e leng teng ya go opa ga tlhogo le gore ke maemo afe a motho a tshwanelang ke go bona baoki kgotsa ngaka (Types of Headaches)

Goitsemodimo Seleka o buisane le Rre Mpho Kgabi go tswa kwa The Revolutionary Council in the North West, ba buisana ka seemo sa polotiki mo Province ya North West.

Re tsene mo kgweding ya Motsheganong – Mabele a tiile a retelela dinonyane go a ja mo Masimong go twe “Mabele a Tshega Dinonyane Ganong”, Mo kgweding e mo Afrika Borwa re e bitsang kgwedi ya Badiri.Re buisane le Prof Sekepe Daniel Matjila ka mefuta e e farologaneng ya di dirisiwa tsa tiro, tse di dirisiwang ke borre ba Batswana mo letsemeng.

Puso e ntshitse pegelo e ba e biditseng Government Land audit report e e lebelelang gore lefatshe la Afrika Borwa ke la ga mang, go ya ka mmala, dingwana le bong. Re buisane le Rre Richard Keothaile go tswa kwa Rural Development and Land Reform gore a tle a re tlhabe botlhale gore nare lefatshe la Afrika Borwa ke la ga mang?

Re buisana le Professor Tshepo Lephakga, go tswa kwa Theology Department UNISA, Rwanda e tsetse dikereke tse 700 tseo ba kayang di se mo molaong, mme baruti ba tsona ba sena dithutego tse maleba. A Afrika Borwa e ka tseya sekai kgotsa motlhala go tswa mo se Rwanda ba se dirileng?

Re ketekile letsatsi la badiri ka go tlotlomatsa modiri wa boitekanelo, Dr Mpho Sebesho, ka tiro ea e dirang (Celebrating International Workers' Day by going through a health specialist /practitioner day at workplace

Maitlhomo a sekhutlhwana sa dithuto tsa Civic ga a fetoga leseng, otla gopola gore gareng ga one re tlhagisa merero e amanang le baagi, bosinyi le tsa molao. Ga ese batho botlhe ba ba itseng tsamaiso ya tsheko le gore fa ele paki ke eng se motho a tshwanetseng go se dira. Kgang ya rona ya gompieno re tlhagisa tsela e molao o sireletsang paki ka teng, tsamaiso ya tsheko ka nako e paki e tlhokang go neelana ka bopaki go akaretsa le mekgwa e dumeletsweng le e sa dumelelwang gotlhellele ka nako eo. Kwa bofellong jwa puisano re batla mogaetsho a nne le tshedimosetso e ka yone , aka itseng ditsholofelo le tshireletso ya ba molao fa a tshwanela ke go tlhagelela kwa kgotlhatshekelo, nna o reeditse fa re bua ka go sirelediwa ga paki le melawana e paki e tshwanelang ke go e sala morago.

Re buisana le Rre Michael Seloane yo eleng Commissioner kwa Public Service Commission mo nageng ya rona. Puisano ya rona e mabapi le pegelo e a neelaneng ka yone gompieno a tlhagisa matshwenyego a Public Service Commission go bona fa puso e sa thape batho ntswa go nale palo e e leng kwa godimo ya ditiro. Profense ya kwa Eastern Cape ke yone e e naleng mathata a le mantsi jaaka go tlhokega baitsanape mo di phatlhatirong tse dileng botlhokwa thata go tsweletsapele maitlhomo a puso ya Aforika Borwa.

Gompieno re seka seka Ngwaga o Montshwa wa tumelo ya Bahai o o bidiwang Naw-Ruz. Moeng wa rona ke Mme Kea Mphiwa, Mme Nomalizo Jaola mmogo le Rre Gomolemo Msinga.

Re buisana le Mme Mpho Boikanyo yo eleng Motsamaisi mo profenseng ya Bokone Bophirima kwa setheong sa South African Human Rights Commission. Gompieno re keteka letsatsi la ditshwanelo tsa botho mme re tlhoka go tlhaloganya botlhokwa jwa letsatsi leno le bokao jwa lone. Motlatsa Presidente ya Naga Rre David Mabuza o ne a neelana ka puo jaaka re gopola dingwaga dile 58 morago ga dipolao tsa bakgatlhi ka ngwaga wa 1960 kwa Sharpville. Mo letlhakoreng le lengwe o tlhagisitse matshwenyego a gagwe mabapi le go bolawa ga bana le basadi ka setlhogo mo nageng ya rona. Mo letlhakoreng le lengwe re tshwanela ke go leba diphitlhelelo tse re di boneng go simolola ka 1994 go fitlha mo nakong e re leng mo go yone re totile tshireletsego ya ditshwanelo tsa botho mo nageng ya rona. MoPresidente wa rona wa maloba Rre Nelson Mandela o ne a dumela mo ditshwanelong tsa botho mme o ile a golegwa dingwaga dile 27 kwa Robben Island ka ntlha ya fa a batla go bona ngwana wa mmala wa sebilo a tshela ka kgololosego ebile ditshwanelo tsa gagwe di tsewa tsia

Kgwedi ya Mopitlwe ke kgwedi e ka yone go ketekwang ditshwanelo tsa botho mono nageng,dibeke dile pedi tse di fetileng re buile ka tsela e molao o sireletsang ditshwanelo tsa badiri ba ba nang le bogole kwa mafelong a bodirelo ka teng. Sekhutlhwana sa dithuto tsa CIVIC ga re rute fela ka tse baagi ba sa di itseng, re tswella le go atlhaatla tse di ba amang tsatsi le letsatsi. Goreng jalo o tla gakologelwa gore beke e fetileng re buile ka tsamaiso ya kgetse ya petelelo, gompieno re bua ka ditshwanelo tse moagi a nang le tsone, go bona ditirelo tse di rebolwang ke ba molao kgotsa sepodise le go tlhagisa gore jaaka beng ba molao ba felela kae le go tlhagisa maano a leng teng a go lwantsha bosinyi go akaretsa le go tsibosa moagi ka mekgwa e meŠhwa e disinyi di e dirisang go senyetsa baagi /setŠhaba.

Re seka seka ditshwanelo tsa bagodi ba rona, re batla go itse gore, re ka ba sireletsa jang le go tlosa kakanyo e e fosagetseng ja gore ga ba godile ba latofadiwa ka boloi. Moeng wa rona Ngaka Kagiso Kaebis mmogo le Rre Boikanyo Ramogoelelo yo e leng Moitsanape wa tsa setso.

Mo kgweding ya Mopitlwe go fitlha ga jaana re amile kgang ya malwetse a pelo le a kankere, fela ga ra tshwanela ke go lebala gore mogaka wa maloba Rre Nelson Mandela ke karolo ya dipuisano tsa rona mono ngwaga. Ka goreng jalo puisano ya rona gompieno e ikaegile mo go sekasekeng tsamaiso, manaane, le mefuta ya dikaro kgotsa malwetse a bookelo jwa Nelson Mandela Children’s Hospital e dirang ka one. Gwa supa le go itlhagisa gore Rre Madiba one a rata bana le go tlhokomelo ditlhokego tsa bone sentle, ne asa lebelela fela merero ya tsa thuto otla gakologelwa gore sengwe sa dikolo tsa ka fa Zeerust se teeletswe morago ga leina la gagwe. Nna karolo ya sekhutlhwana seno go itse gore Nelson Mandela Children’s Hospital e dira jang, e bile a o bona thuso fa o nna mo karolwaneng ya sone kgotsa gaufi fela.

Nako le nako barutwana ba rotloediwa go dira dikopo nako e santse ele teng go efoga mela e melele fa ngwaga a simolola, seŠheng jana go nale mekgwa e mebedi ya go dira-kopo e ka nna ka go romela ka letsogo kgotsa go dirisa maranayane . Mme go supa fa maranyane ale bonako le go somarela tiriso ya madi ka go go kgaoletsa maoto gongwe pele o bona setheo one o tshwanela ke go dirisa dijanaga dile pedi goya go dile tlhano, fela ga go reye gore o seke wa dirisa mokgwa wa go romela ka letsogo. Gompieno re gwetlha barutwana ba mophato wa marematlou “Class of 2018”, ka go ba rotloetsa go dira-kopo tsa ngwaga wa 2019 kwa ditheong tsa thuto e kgolwane le go tlhagisa dipoelo tsa go dira-dikopo tse nako e santse ele teng. Nna o reeditse go itseela gole gontsi ka matlha kgotsa dikgwedi tsa tswallo ya dikopo mo maphateng ka go farologana.

Re buisana le Dr Motsoko Pheko yo eleng mokwadi wa dibuka, mme ele Mo Presidente wa maloba lekoko la The Pan Africanist Congress ka kgang ya go busediwa ga lefatshe go beng ba lone kgotsa Land expropriation. Mo dibekeng dile pedi tse di fetileng re buile ka botshelo jwa mogaka wa rona wa maloba Rre Robert Sobukwe yo o naleng dingwaga dile 40 a iketse Badimo. Rre Sobukwe ke mothei wa The Pan African Congress of Azania, mme o ne a tlotlegile thata jaaka moeteledipele mmogo le go itsege thata ka lerato la gagwe la thuto mo baneng ba mmala wa sebilo. Kgaratlho e tona ka nako eo mokgatlho o neng o simolola ene ele gone bona fa bana ba mmala wa sebilo ba busediwa lefatshe la bone leo le tserweng mo go bone ka ntlha ya puso ya kgatelelo. Mo letlhakoreng le lengwe go simolola ka 1994 puso e ntse e nale dithulaganyo tsa go busetsa lefatshe mo go beng ba lone, mme ekete lenane leo la puso le ntse le diega go fitlhela batho botlhe ba ba ikwadisetseng go busediwa lefatshe. Mo kgweding e e fetileng President Cyril Ramaphosa o tlhagisitse maitlhomo a puso go busetsa lefatshe go beng ba lone. Gontse go tsweletse go sekaseka go busediwa ga lefatshe kwa Parliamenteng go fitlhela mo kgweding ya Phatwe mono ngwaga, moo go tlileng go tsewa tshweetso ya bofelo.

Beke e fetileng re buile ka botlhokwa jwa tlhopo ya dirutwa mo botshelong jwa morutwana go isa kwa isagong ya gagwe, mme re utlwile dintlha tse di tlhagisitsweng ke morutabana Matshaba le morutwana Nomathemba gore o tshwanela ke go ela eng tlhoko. Gompieno re bua ka kgang ee nang le seabe goya go ile mo botshelong jwa motho , gontle le fela fa aka itlhopela go fetola tiro fa nako ntse e tsamaya. Maitlhomo a puisano ya gompieno ke go thusa morutwana go tsaya tlhopo ee siameng mo isagong go tila go ikotlhaya mo leetong la botshelo kgotsa gone go palelwa ke go dira tiro sentle. Re tlile go sekaseka dintlha tse di akaretsang nako e maleba go simolla go itse gore o batla go nna eng mo botshelong, seabe sa tlhopo ya dirutwa tse morutwana a di dirileng kwa sekolong se se golwane mo tirong le ditirelo tse di leng teng go thusa motho go dira tlhopo.

Re buisana ka botshelo jwa mogaka wa rona wa maloba Rre Nelson Mandela re totile karolo ya gagwe mo go lweleng ditshwanelo tsa botho. Mme ke ka moo re laleditseng Dr Neo Lekgotla laga Ramoupi go buisana le rona ka tlhokego ya di Professor tsa bantsho mo nageng ya rona. Dr. Neo Lekgotla laga Ramoupi ke Senior Lecturer ya History go tswa Wits School of Education. Mo ngwageng o o fetileng morago ga dipatlisiso tse di dirilweng ke Ngaka Ramoupi, o tlhagisitse tlhokego ya di professor tsa bantsho mo nageng mme seno se raya gore re tshwanela ke go gakololana ka botlhokwa jwa thuto le go a boeteledipele mo nageng ya rona go tsweletsa ditoro tsa bagaka ba rona.

Re keteka kgwedi ya ditshwanelo tsa botho, mme ditshwanelo tse re buang ka tsone, ga di tsamae dile nosi gareng ga tsone go nale maikarabelo. O kase tlhagisa tshwanelo, wa tlogela maikarabelo a yone kwa morago. Ditshwanelo tse re buang ka tsone di dintsi ele ruri ,gareng ga lenaane go tlhagelela tshwanelo ya go tlhagisa maikutlo a gago osa kganelwe ke ope go akaretsa le ditshwanelo tsa badiri.Fela gareng go tsa badiri re nale molawana wa Employment Equity Act, No. 55 of 1998, oo sireletsang badiri ba ba nang le bogole. Ka jalo maitlhomo a puisano ya gompieno ke go tsibosa moreetsi yo o golofetseng ka dintlha tse di botlhokwa tsa ditshwanelo tsa gagwe kwa tirong, gompieno re buisana ka ka tsela e molao o sireletsang ditshwanelo tsa badiri ba ba nang le bogole kwa mafelong a bodirelo mo kgweding ya ditshwanelo tsa botho. Moeng wa rona ke Rre Morgan Mokwana yo eleng Specialist Employment Standards go tswa Lefapha la badiri mo Profense ya Bokone Bophirima.

Mo bosigong jwa gompieno re seka seka mefuta e e farologaneng ya Bongaka jwa setso. Jaaka o itse gore Bongaka jwa setso ke bontlhabongwe jwa setso sa rona, re tshwanela ke go bo tlhaloganya mmogo le go bo godisa. Baeng ba rona ke Advocate Morakile Gomolemo le Rre Boikanyo Ramogoelelo.

Tlhopo ya dirutwa ke karolo e botlhokwa mo botshelong jwa morutwana, ka ntlha ya gore dirutwa tse morutwana a di tlhopang a santse ale kwa mophatong wa grade 9 di nale seabe mo go iseng gore otla nna eng mo isagong. Ka jalo go dilo dile malwa tse di thswanelang ke go elatlhoko pele fa morutwana a tsaya tshoetso, go efoga go bona ngwana wa sekolo a pallwa ke go falola gongwe a imelwa ke tlhopo ya dirutwana le go sa nna tŠhono ya go batlana le maele aa maleba a lebaganeng bokgoni jwa gagwe .Maitlhomo a puisano ya gompieno ke go fatlhosa morutwana yo o santseng ale kwa mophatong wa grade 9 go dira tlhopo e maleba ya dirutwa , ka gonne tshobokanyo ya dirutwa eo a tla e tlhopang e nale tshosometso mo go se a tlileng gose dira mo isagong. Ar itseele gole gontsi, fa re neela baeng ba rona tŠhono gore fa tshedimosetso e ka yone e tla tswelang moreetsi mosola. Baeng ba rona ke Mme Johannah Legodi yo eleng information Officer go tswa Lefapha la Thuto e Kgolwane le Kaitiso, Rre Tatedi Matshaba yo eleng Morutabana go tswa kwa Sekolong se se golwane sa Barolong mo Mahikeng mmogo le Nomathemba Mashotana yo eleng Morutwana wa mophato wa grade10 go tswa Batswana Commercial School.

Re buisana ka botshelo jwa mogaka wa rona wa maloba Rre Robert Sobukwe yo o naleng dingwaga dile 40 a iketse Badimo. Rre Sobukwe ke mothei wa The Pan African Congress of Azania, mme o ne a tlotlegile thata jaaka moeteledipele mmogo le go itsege thata ka lerato la gagwe la thuto mo baneng ba mmala wa sebilo. Thuto ya gagwe ene e ntse ele yone go bona fa bana ba mmala wa sebilo a rutegile ebile a kgona go ikemela go tswa mo kgatelelong ya puso ya maloba ya kgatelelo. Ke mongwe wa batshwarwa ba kwa Robben Island mme morago ga go gololwa o ile a ilediwa go tsamaya kwa lelapeng la gagwe kwa Kimberly go fitlhela a tlhokafala ka bolwetsi jwa kankere. Dipolotiki mmogo le kgaratlho di ile tsa fetoga thata mo nageng ya rona ka ntlha ya gagwe, mme o ne a bapisiwa le baeteledipele ba tshwana le Kwame Nkrumah kwa Ghana mmogo le Patrice Lumumba kwa nageng ya Congo. Moeng wa rona ke Professor Tshepo Lephakga go tswa kwa lephateng la Theology kwa University of South Africa.

Re buisana ka go tlhopiwa ga di School Governing Bodies mo kgweding e e latelang ya Mopitlwe e tlhola letsatsi. Di SGB jaaka re di itse di tshameka karolo e tona thata jaaka batsadi ele bone bao eleng karolo ya tsone go nnetefatsa fa tsamaiso le ditshweetso tse di tsewang dile mo dikgatlhegong tsa barutwana ka kakaretso. Go tshwanetswe go nna le ditlhopo tsa di SGB morago ga dingwaga dile tharo go ya ka South African Schools Act, 1996 (Act 84 of 1996) (SASA). Mme maitlhomo magolo a ditlhopo tse ke gone go nnetefatsa gore batsadi ba tlhopa batho bao ba tlileng go dira ka natla go nnetefatsa fa dikolo le batsadi ba nna le tirisanommogo e e tsepameng. Maikarabelo a mangwe a di SGB ke go tshegetsa sekolo le go tlhokomela fa barutwana ba bona thuto ya boleng, tsamaiso ya sekolo e e tsepameng, go nnetefatsa fa sekolo se dirisana sentle le batsadi mmogo le go nnetefatsa gore go nale tekatekanyo mmogo le tshireletsego ya barutwana kwantle ga bosemorafe. Moeng wa rona ke Chief Educational Specialist Monitoring and Support mo lephateng la institutional Development Services kwa Lefapheng la Thuto mo profenseng ya Bokoni Bphirima. Mme ke Provincial SGB Electiona Officer.

Re bua ka National Credit Act. Dibanka di neelana ka 73% ya dikadimo tsa madi ka kakaretso mo nageng ya rona mme di tshwanela ke go inyalana le tsamaiso ya naga ya rona mmogo le molao wa Credit Act go akaretsa le ditheo tse dingwe tseo di neelang ka sekoloto mo badirising. Badirisi le bone ba tshwanela ke go itse ditshwanelo tsa bone mmogo le ditumalano tseo ba tsenang mo go tsone fa ba tsaya dikoloto. Re leba maemo badirisi mo nageng ya rona segolo bogolo re totile kadimo mmogo le mokgwa wa go duela dikoloto tsa bone. Moeng wa rona ke Alfred Matsimbi yo eleng Education and Communication Officer go tswa jwa National Credit Regulator (NCR).

Fr Kabelo Mahemo a tlhalosa bokao jwa Laboraro wa melora le malatsi A Le Masome A Mane

Gompieno re keteka International Mother Language Day eo moono way one mono ngwaga eleng “Linguistic diversity and multilingualism count for sustainable development”. Re keteka letsatsi leno re totile tiriso ya puo mo kgasong segolobogolo mo radiong. Mo letlhakoreng le lengwe re leba tshimologo ya mogasi wa sechaba go gasa ka dipuo tsa rona mo nageng ya rona. Mo bekeng e e fetileng ka labobedi ene ele letsatsi la Bosechaba la radio kgotsa yone World Radio day mme re bone gole botlhokwa go e tsweletsa gape le Rre David Mothibi. Re leba gape le tshimologo ya radio mo nageng ya rona le motheo wa yone, re e bapisa le mo nakong e re tshelang mo go yone. Rre Mothibi o simolotse go direla SABC ka 1965 ele mogasi wa Boxing, mme ka 1977 Tautona Rre Lucas Manyane Mangope o ile a mo kopa go tla gonna tlhogo ya Boradcasting services mo Bophuthatswana e eneng ele nagaselegae. Ka 1978 Radio Bop e ile ya simolola mme morago ka 1983 a kokomala maemo a Bokaedi Kakaretso mo lekgotlhakgasong la Bophuthatswana. Ka 1988 o ile a boela go direlea SABC jaaka Motsamaisi wa ntlha wa mmontsho wa Radio Setswana go fitlhela ka 1996 fa a ne a rola marapo. Go tloga ka nako eo go fitlha ga jaana o ntse ele mokwadi mme a kwalela Telebishene le radio. Botlhokwa jwa radio mo bathong ke go ba tlisetsa tshedimoso, thuto mmogo goba itumedisa. Re leba motheo wa radio re totile dintlha tseno ka nako ya puso ya tlhaoleele, ka nako ya dinagaselegae mmogo le mo nakong e re leng mo go yone. Moeng wa rona ke Rre David Mothibo

Mo kgweding eno ya Lorato re tsweletsa metseletsele ya mananeo a rona ka ditiragalo tsa setso mo dikgolaganong tsa Marato.Re batla go itse gore a go nale selo se se bidiwang moratiso mo kgolaganong tsa rona tsa marato? Moeng wa rona ke Rre Boikanyo Ramogoelelo yo eleng moitsanape mo go tsa setso.

Tshedimosetso ya dithuto tsa Learner Support ka letsholo la Khetha oe tlisediwa ke SABC Education le ba Lefapha la thuto e kgolwane le katiso. Maitlhomo a puisano ya gompieno re tsibosa baagi ka matlole le ditlhogeko tsa go tsena mo setheong sa thuto e kgolwane o nale bogole, le go sekaseka gore ditheo di tshegetsa jang moithuti wa maemo a ntseng jalo gore dithuto tsa gagwe di tsamaye sentle. Ka boripana maemo ka go farologana a nale tsela eo a rarabollwang ka teng, ka jalo ga gona seemo sepe se se thibelang moithuti o nang le bogole go tsweletsa dithuto tsa gagwe. Are sekaseke ditŠhono tsa matlole le dithuso ka go farologana tse di leng teng tsa go tshegetsa moithuti ore buang ka ene, nna o reeditse go itseela tshedimosetso e maleba.

O amogetswe mo sekhutlwaneng sa dithuto tsa SABC Education ka letsholo la Khetha le ba Lefapha la thuto e kgolwane le katiso. Fare gadima kwa morago mo beke e fetileng , re buile ka mefuta ya ditheo tsa thuto e kgolwane le go tlhagisa manaane a tsone go akaretsa le ditlhokego tsa go tsena kwa ditheong ka go farologana. Fela gompoieno re lebelela kgang ee botlhokwa thata kwa ditheong tsa thuto e kgolwane eleng ditirelo tsa thuso kgotsa tsa tshegetso kwa ditheong tsa thuto, ditirelo tseno di akaretsa manaane le dithuso tsa dithuto ka go farologana. Mme ditirelo di akaretsa maphata a tshwana le a thuto, tumelo, setso, go akaretsa le merero ya tsa dipolotiki. Ditirelo di bonwa ke moithuti wa setheo se sengwe le se sengwe sa thuto e ka nna setheo sa University , University of Technology kgotsa TVET college. Baithuti ba tlhoka tshegetso ka nako tsotlhe ka ntlha ya fa botshelo kwa ditheong tsa thuto e kgolwane bo farologane thata le kwa sekolong se se golwane . Mme Johanna Legodi ke moeng wa rona wa rona wa letsatsi.

Mo nakong e fetileng re ntse atlhaatlha merero eo e amanang le botshelo kwa ditheong tsa thuto e kgolwane, janong re fetogile re bua ka botshelo gongwe morago ga go wetsa dithuto o batlana le tiro. Go bona tiro morago jana ga ese selo se se bonolo , ka ntlha ya fa go nale mekgwa ele malwa ya go dira dikopo go akaretsa le bokgoni jo bo rileng bo motho a bo tlhokang go bona tiro. Maitlhomo a puisano ya gompieno ke go tsibosa baagi ba ba senkanang le ditiro ka bokgoni bo bo maleba bo ba botlhokang go bona tiro, go akaretsa le go itse boleng jwa go kwala CV e gogelang mothapi. Goya pele re tlile go tlhagisa le dintlha tse di botlhokwa tse mogaetsho aka ditsenyang tirisong ka nako ya dipuisano le setlamo se se thapang, nna o reeditse ga re go sedimosetsa gongwe ka lesego oka itseela maela ale mabedi kgotsa ale mararo mme a go direle.

La bofelo fa re ne re buisana le Thato Molosankwe o ne a le ntlhopeng mo dikabong tsa South African Men of the year. Mo bekeng e e fetileng go nale moreetsi yo itsegeng thata mo mererong ya kgwele ya dinao eleng Saddam Maake, yo o ileng a botsa ka wena mmogo le seo o se fitlheletseng go fitlha ga jaana morago ga mogwanto wa gago go tloga Cape Town ka maoto go leba kwano Mahikeng. Re mo kgweding ya Tlhakole e e leng Black History month mmogo le kgwedi ya Lerato.

Re buile ka thebolo ya dipholo tsa barutwana ba marematlou “class of 2017” le ditheo tse diseng ka fa molaong go tsamaisa dithuto go fitlha ga jaana ka letsholo la Khetha, e bile seŠheng tiro ga e bonwe bonolo ntle le makwalo a thuto. Fela re nale mefuta ele malwa ya ditheo tsa thuto e kgolwane mono gae, e bile sengwe sa dilo tse re totobetseng ka sone ke gore ditlhokego tsa go bona manno di farologane gore morutwana a kgone go tsena. Ka jalo are ithute gole gontsi gore motho o tlhoka go supa le go tlhagisa eng go tsena mo ditheong , tsholofelo ke gore kwa bofellong morutwana o tla lemoga mefuta ya go ithuta le mekgwa e leng teng ya go bala ee farologaneng kwa ditheong. Maitlhomo ke go neelana ka thuso e ka yone morutwana aka dirang tlhopo ee maleba ya go tsweletsa dithuto le go fitlhella ditoro bonolo.

Re tsene mo kgweding ya marato mme, mo letsatsing leno re buisana ka mefuta e e farologaneng ya marato go ya ka tumelo? Baeng ba rona ke Rre Enos Makhele go tswa mo tumelong ya Bahai mmogo le Moruti Piet Tlhabanyane go tswa mo tumelong ya Sekresete.

Re buisana ka pegelo e e golotseng ke setheo sa South African Human Rights Commission re totile ditshwanelo tsa botho mo nageng ya rona. Morago ga ngwaga wa 1994, naga ya rona e ile ya fetola Molaotheo wa rona ka tumalano ya go fetola maemo a batho botlhe go tshela mo nageng e o e gololosegileng ebile a sireletsegile go tswa mo tshotlong ya mefuta. Ditshwanelo tsa botho di botlhokwa thata ebile di tshwanela ke go diragadiwa ka botlalo. Ga gona ope yo o tshwanelang ke go gatelela ditshwanelo tsa batho ba bangwe mme le yone puso e tshwanela ke go sireletsa ditshwanelo tsa botho ka go ba tlisetsa ditirelo, go nna le molao o o gagametseng kgatlhanong le bao ba tlolang melao ya botho mmogo le go tsaya dikgato tsa semolao go ya le ka moo molaotheo o laetsang ka teng. South African Human Rights Commission (SAHRC) e amogetse dikgetsi di fetsa 4 000 magareng ga ngwaga wa 2015 le wa 2016, mme seno se santse se bontsha gore go tlhokega tshireletsego ya ditshwanelo tsa botho. Mo palong eo dikgetsi difeta 749 di mabapi le tekatekanyo mme dile 505 di lebane le bosemorafe. Mo letlhakoreng le lengwe moagi mongwe le mongwe o tshwanela ke go itse dikgato tseo a tshwanelang ke go di tsaya fa ditshwanelo tsa gagwe di gatelelwa ka mokgwa mongwe.

Dikgatiso tsa mantswe a ga Kgosi Lucas Mangope

Re buisana le Watson Leepo yo o neng a dira mo Telebesheneng ka nako ya puso ya Bophuthatswana ka maitemogelo a gagwe mmogo le tiro ya gagwe ka kakaretso. Moeng wa rona wa bobedi ke Rre Keresepe Montsho. Jaaka re gopola botshelo le tiro ya Tautona Kgosi Lucas Manyane Mangope , re leba kwa morago go gopola tiro eo a e dirileng ka nako eo e neng ele MoPresidente wa Bophuthatswana go simolola ka 1977 go fitlha ka 1994. Re buile le bangwe bao ba eng ba dira mo kgasong go simolola ka labobedi fa re ne re buisana le David Mothibi mme mabane re buile le Ace Mabaakanye mmogo le Thapelo Thipe. Re garela beke eno le baeng ba rona ka go leba kwa morago seabe le tiro ya Tautona ka kakaretso.

Re seka seka botshelo jwa ga Kgosi Lucas Manyane Mangope jaaka a ne a dumela mo pusong e e amanang le Bokreste. Moeng wa rona Prophet OJ Madikong

Mo bekeng e e fetileng re amogetse dikgang tse dineng di latola Mopreseidente wa Maloba wa naga ya Bophuthatswana Tautona Kgosi Lucas Manyane Mangope gore o re tlogetse, Mo bosigong jwa gompieno re seka seka karolo e nngwe ya botshelo jwa gagwe eleng ya Bogosi. Kgosi Lucas Manyane Mangope ene ele moeteledipele wa naga selegae ya Bophuthatswana le lekoko la United Christian Democratic Party. O tsetswe ka 27 December 1923 mme a tlhokafala ka 18 January 2018. Re buisana le Boikanyo Ramogoelelo.

Re buisana le Rre David Mathibi yo o neng ele Motsamaisi wa Bophuthatswana Radio Services ka nako ya puso ya Bophuthatswana, mme re bua le ene jaana ka ntlha ya karolo ya gagwe mmogo le maitemogelo a gagwe. Re tlile go ama botsamaisi ka nako eo ya puso ya Bophuthatswana, mmino o o neng o tshamikiwa mmogo le maikarabelo a radio ka nako eo mo nageng-selegae. Mme ekete fa re tla mo go tsa bogasi, Bophuthatswana ekete ene e nale kgololosego go gaisa Aforika Borwa. Tautona Kgosi Lucas Mongope o ne a tsaya matsapa gape a go thapa batsamaisi mmogo le ba bangwe ba ba neng ba dira mo kgasong ka ntlha ya bokgoni le boitsanape jwa bone. Re bua le Rre Mothibi ka maitemogelo a gagwe

Re bua le Isabella yo o naleng pitso ya go thusa batho ka mokgwa wa Palm reading. Seno se raya gore o kgona go go tlhatlhoba ka go leba Letsogo la gago mme a go tlhalosetse ka botshelo jwa gago. Seno gas a tlwaelega mo go rona mme le fa gole jalo go botlhokwa go itlhola kwa ngakeng ya setso jaaka Motswana mmogo le ba bangwe bao ba naleng pitso go tshwana le Isabella. Isabella o bua fa tiro ya gagwe e le pitso mme a laela ke mowa go ya mafelong a a rileng moo a tlileng go kgona go thusa batho ba ba farologaneng ka go ba tlhatlhoba mmogo le go ba neela lesedi ka seo ba tshwanelang go se dira. Dipitso tsa rona ga di tshwane mmogo ditso tsa rona, mme ekete Isabella o kgona go bua le Badimo botlhe go sa kgathalesege mmala wa bone. Go ntse go nale Batswana ba ba ntseng ba itlhola kwa go ene mme o ba tlhatlhoba sentle fela jaaka badimo ba bua puo ele nosi.

Re thankgolola thulaganyo ya ngwaga ono ka go ithuta gore Motswana o ne a dira eng mo kgweding eno ya Ferikgong go ithaya go simolola le ngwaga sentle. Moeng wa rona ke Boikanyo Ramogoelela yo o tlileng go re tlhaba matlhale.

1st guest: Dr Keabetswe Modimoeng yo eleng Councillor kwa Independent Communications Authority of South Africa (Icasa), ke mmoki yo o amogetseng kabo ya Sol Plaatjie European Union Poetry Award. 2nd Guest: Motlapele Molemi Morule yo eleng modiragatsi wa mmino wa Motswako ebile ele molemiPresenter: Re bua le Dr Keabetswe Modimoeng yo eleng Councillor kwa Independent Communications Authority of South Africa (Icasa), ke mmoki yo o amogetseng kabo ya Sol Plaatjie European Union Poetry Award. Re bua gape le Motlapele Molemi Morule yo eleng modiragatsi wa mmino wa Motswako ebile ele molemi. Re totile karolo ya Professor Kgositsile Keorapetse jaaka ene ele mokgaratlhi mo go tsa dipolotiki ebile ele mmoki. Mo bodiragatsing jwa gagwe o ne a tlhagisa gantsi dikgang tseo di neng di ama MaAforika Borwa le moo ba tswang teng mmogo le go nna lentswe la botlhe. Mo letlhakoreng le lengwe re tlile go leba badiragatsi jaaka batho bao ba naleng maikarabelo a go aga baagi, go nna lentswe la bone mmogo le go leba karolo ya bone mo go seo naga ya rona ele sone gompieno. Ntlha enngwe ke ya badiragatsi go tsweletsapele puo ya bone ka go e dirisa mo tirong ya bone gore e sireletsege mmogo le go e godisa.

Re buisana le Dr Tutu Lawrence Faleni mabapi le matshenyego a gagwe ka mokgwa o o seemo sa thuto se leng ka gone mo nageng ya rona ka kakaretso, segolo bogolo jang re totile barutwana bao ba falolang mophato wa 12 ka Tsholofelo ya gore botshelo jwa bone bo tlile go fetoga gonna botoka. Mo lekwalong leo a le pasaladitseng mo ngwageng o o fetileng o tlhagisitse le ntlha ya go latlhegelwa ke Tsholofelo mo thutong eo barutwana ba e amogelang kwa dikolong tsa botlhe ka ntlha ya boleng mmogo le tsamaiso ka kakaretso. Re leba seno re totile gape le kgatelelo e eleng kwa godimo ya go bona ditiro, go tsweletsapele dithuto kwa ditheong tsa thuto e kgoloane mmogo le seemo sa ikonomi se se tokafaleng go bona fa go tlholega ditiro mo nakong e re tshelang mo go yone mmogo le mo isagong. Sengwe gape se a se tlhagsitseng ke go retelewa ke go bona phatlha kwa University kgotsa yone tiro, mme eleng seo se tlileng go rotloetsa barutwana bale bantsi go iponela mekgwa e mengwe ya go tshela le go tlisa letseno ko magaeng a bone. Bosinyi ke sengwe seo bangwe ba itlhopelang sone ka ntlha ya fa ba tlhoka ditshono tse dileng maleba mmogo le kgatelelo eo ba e fitlhelang mo dikarolong tseo ba tshelang mo go tsone. Ka nako ya puso ya Aparheid, gone go nale dikomiti tseo dineng di thusa thata go lwantsha puso mmogo le go tshegetsa malapa ao a neng a latlhegetswe ke bao ba ba ratang ka ntlha ya dipolao tse dineng di le gone.

Re buisana le Motlatsa Tona wa Lefapha la Social Development Mme Hendrietta Bogopane-Zulu. Kgwedi ya Ngwanatsele ke e beetsweng thoko go emanokeng batho ba ba nang le bogole ka go ba rotloetsa go ikemela mmogo le go diragatsa di tshwanelo tsa bone. Re tlile go ama botlhokwa jwa kgwedi eno mmogo le go buisana ka kgonagalo ya gore sign language e nne puo ya bo 12 ya semmuso mo nageng ya rona. Go botlhokwa go keteka gape le diphitlhelelo ka kakaretso mmogo le tshono ya go tsaya karolo mo go tsa ikonomi, tlhabololo ya naga mmogo le gonna le lefoko ka ditshweetso tse di tsewang. Mo nageng ya rona re nale Lefapha la Social Development le le tlhokometseng tsamaiso yotlhe e e tsepameng segolo bogolo re totile ditshwanelo tsa batho bao ba nang le bogole mo nageng ya rona. Mo kgweding ya Phatwe Parliamente e amogetse tlhagiso go tswa kwa South African Language Board (PanSALB) go akaretsa sign language jaaka nngwe ya dipuo tsa semmuso mo nageng ya rona. Batho bao ba naleng bogole ba kutlo le bone ba tsepamisitse maikutlo mabapi le tsitsinyo eno jaaka ele botlhokwa mo go bone. Re ntse re bona dithulaganyo tse di farologaneng mo Television tse di nang le baranodi kgotsa bone ditoloki. Ekete ke mokgwa o o siameng ono wa go tsweletsapele naga ya rona mmogo le go akaretsa batho botlhe mo tlhabologong ya naga ya rona le fa ele morago ga dingwaga dile 23 tsa democracy. Fa seno se ka atlega go raya gore Parliamente e tlile go fetola molao mo karolong kgotsa mo section 6 (1) le (5) (a) gore sign language e nne puo ya bo 12 ya semmuso mo nageng ya rona. South African National Deaf Association (SANDA) le yone ke karolo ya ditheo tse di tswelelelang go emela ditshwanelo tsa batho ba ba nang le bogole ba kutlo. Fa seno se ka altega go raya gore le kwa dikolong ban aba tlileng go rutiwa sentle ka sign language le fa go tsaya nako, mme tsotlhe di mo matosogong a puso le ditheo tse di farologaneng.

Re leba dipatlisiso tsa setheo sa Corruption watch mabapi le ditshwanelo tsa baagi re totile Bakwena ba Mogopa. Go botlhokwa go elatlhoko gore baagi bao ba agileng gaufi le meepo ba tshwanela ke go bona diphetogo mo karolong eo ba agileng mo go yone mmogo le go bona seo se bidiwang di royalties. Eno ke tsela ya go nnetefatsa gore baagi ba bona seo se ba tshwanetseng go ya le ka tsamaiso e e tsepameng mo nageng ya rona mmogo le go nnetefatsa gore meepo e latela seo. Moeng wa rona ke Mashudu Mashuta yo eleng Legal Assistant go tswa Corruption watch. Moeng wa rona ke Mashudu Mashuta yo eleng Legal Assistant go tswa Corrution watch.

Re buisana ka Heher report kgotsa pegelo e e golotseng ke moPresidente Jacob Zuma mo bekeng e e fetileng morago ga ditlhagiso tse di dirilweng ke commissione ya Heher e e neng e eteletsepele dipatlisiso mmogo le go nna le ditheetso le mekgatlho ya baithuti mabapi le go fitlhelela seemo sa thuto e e sa duelelweng kwa Ditheong tsa thuto e kgoloane mo nageng ya rona. O ka gopola Fee Must fall e e simolotseng dingwaga dile pedi tse di fetileng moo re boneng baithuti ba le bantsi ba tsaya kgato go gwetlha puso go tsaya tsia matshwenyego a bone jaaka ditheo tsa thuto e kgoloane di batla madi a mantsi a o ba a tlhokang go tsweletsapele dithuto tsa bone. Mopresidente Jacob Zuma o golotse Heher Report mo bekeng e e fetileng ka mosupologo mme maitlhomo ele gone go fitlhela mokgwa o o puso e ka kgonang go thusa baithuti bao batsadi ba ba bone ba amogelang madi a ka fo tlase ga R350 000 ka ngwaga. Mme go fitlha ga jaana matlho o tlhe a totile tshibogo ya puso mme baithuti le mekgatlho ya bone e e farologaneng ba santse ba sa kgotsofatse ke ka moo dilo di tsamayang ka gone. Baeng ba rona ke Reoagile Phetlho le Batseba Moatlhodi.

Re buisana le Frank Lekaba yo eleng Mmatlisisi wa merero ya Aforika kwa setheong sa Human Sciences Research Council. Puisano ya rona e mabapi le ditiragalo tsa kwa nageng ya Zimbabwe morago ga gore Zanu PF mmogo le sesole sa kwa Zimbabwe se dire boikuelo jwa gore MoPresidente Robert Mugabe a role tiro. Seno se direga morago ga gore Rre Mugabe a itsise lekoko la Zanu PF gore mosadi wa gagwe Mme Grace Mugabe o tlile go tsena mo ditlhakong tsa gagwe jaaka naga ya Zimbabwe e lebile ditlhopong mo ngwageng o o latelang wa 2018. Mo letlhakoreng le lengwe bontsi bone ba galefa ka nako eo Rre Mugabe a neng a folosa Emmerson Mnangwaga mo maemong a gagwe a motlatsa Presidente. Mo bekeng e e fetileng ka laboraro sesole sa naga ya Zimbabwe se ile sa tsaya kgato go gwetlha MoPresidente Mugabe go fologa mo maemong a gagwe kwantle ga tiriso dikgoka. Baagi ba naga eo ba ile ba tsenela mogwanto o o neng o le mabapi le go gwetlha Rre Mugabe go rola tiro mmogo le go letla naga ya Zimbabwe go gatelapele go tswa mo go seo se kaiwang ele kgatelelo. Gopola gore ikonomi ya naga ya Zimbabwe e bokoa ebile gontse go nale tsamaiso e e sokameng le ka nako ya ditlhopo. Makoko kganetso le one a itumeletse se se diragetseng kwa nageng ya Zimbabwe, mme Potso ke gore a seno se raya gore diphetogo tse di namatshang di mo tsele? Mo letlhakoreng le lengwe re tlile go ama ntlha ya kwa nageng ya Kenya moo re boeng moeteledipele wa National Super Alliance (NASA) Raila Odingaa latlhegelwa ke kgetsi kwa kgotlhatshekelo. Kgetsi eno ene ele kgatlhanong le phenyo ya MoPresidente Uhuru Kenyatta yo o fentseng ditlhopo ka kgwedi ya Diphalane.

Re bua le Rre Mathanzima Mweli yo eleng Director-General go tswa kwa Lefapheng la Thuto ya Motheo mo nageng ya rona ya Aforika Borwa. Moeng wa bobedi Benny Tautau yo eleng Free State Provincial Chairperson National Association of School Governing Body. Puisano ya rona e mabapi le Schools Act e e santseng ele molaokakangwa o o tlileng go fetola seemo sa thuto mmogo le tsamaiso mo nageng ya rona ya rona ka kakaretso. Itse fa tsamaiso ya sekolo le yone e tlile go fetoga jaaka Lefapha la Thuto ya motheo le ne le letlelela baagi le batsadi go romela ditshwaelo mabapi le molaokakangwa ono. Mo letlhakoreng le lengwe gontse go nale ketsaetsego mabapi le karolo ya batsadi mo tsamaisong ya sekolo jaaka go tlwaelegile gore batsadi ke bone b aba tsayang karolo mo puong e e dirisiwang kwa sekolong, diaparo tsa sekolo mmogo le dilo tse dingwe tse di akaretsang tsamaiso ya sekolo ka kakaretso. Mo letlhakoreng le lengwe re tlile go leba dintlha ka thuto e e neelwang bana mo nageng ya rona le boleng jwa yone ka kakaretso.

Re buisana ka botshelo jwa mogaka Rre Onkgopotse Tiro yo o neng ele moteledipele wa Southern African Students’ Movement, morutabana, Radipolotiki mmogo le tokololo ya South African Students Organisation le Black Consciousness Movement. Gompieno ke letsatsi leo a ileng a tsalwa ka lone ka ngwaga wa 1947, kgwedi ya Ngwanatsele e tlhola malatsi a le 9 kwa motseng wa Dinokana. Jaaka re tsweletse go tlotlomatsa bagaka ba rona, go botlhokwa go tsweletsa le tiro eo ba e dirileng go tlisa phetogo mo nageng ya rona ya Aforika Borwa. Mo letlhakoreng le lengwe re tlile go leba thuto e e neng ele botlhokwa thata mo go ene go tlhabolola botshelo jwa MaAforikwa Borwa segolo Bogolo basha. Mo nakong e re leng mo go yone maemo a fetogile thata ka ntlha ya boineelo jwa bagaka ba tshwana le Onkgopotse tiro, ebile re tshwanela ke go ithuta gole gontsi go tswa mo go ene. Moeng wa rona ke Professor Sekepe Matjila.

Re buisana le Gift Mogapi yo eleng motlhami kana yo o simolotseng mokgatlho wa Reclaiming and Restoring Africa. Tiro kgolo ya mokgatlho ono ke go kopanya mmogo le go nnetefatsa gore mongwe le mongwe mo nageng ya rona o nna le karolo e a e tsayang go tokafatsa maemo ka kakaretso mo nageng ya rona. Mo letlhakoreng le lengwe re totile moono wa mokgatlho go se ikamanye le mekgatlho ya dipolotiki mo tirong ya one mme maitlhomo magolo ele go dira le baagi ka kakaretso mo nageng ya rona. Re nale mathata a le mantsi jaaka re itse gore Aforika e ile ya bona paaka e telele ya kgatelelo mme mono gae re ne re le mo kgatelelong ya puso ya Apartheid mme go nale dilo tseo di fetogileng thata. Gontse go nale mekgatlho ya sepolotiki e e buang ka go emela batho pele, mme le mekgatlho e tshwana le Sanco kana South African National Civic Organisation eo maitlhomo a yone eleng go emela ditshwanelo tsa batho botlhe mo nageng ya rona. Mme gompieno re ithuta gole gole le go tlhaloganya gore Reclaiming and Restoring Africa karolo ya yone e tlile go fapana jang kgotsa e fapana jang le mekgatlho e mengwe?

Jaaka re tsene mo kgweding ya Borre mme re buisana ka gore, A Seantlo se santse sele maleba mo malatsing ano? Baeng ba rona ke Gaanakgomo Ditshwano le Rre Boikanyo Ramogoelelo.

Mo bekeng eno re bone gole maleba go atlhaa-tlhaa kgang ee amanang le boitekanelo jwa banna. Fela ga se ka nako tsotlhe moo o bonang Banna kwa maokelong, nako tse dintsi o bona Basadi le bana. Re lebelela diteko tse Rre mongwe le mongwe a tshwanelwang ke go di dira tsa boitekanelo le go sekaseka gore seno se thusa jang? Moeng wa rona ke Dr Abel Nakedi Sekhu yo eleng Urologist.

Gompieno re bua ka mathata a a tshwenyang banna le basadi eleng lenaka le le sa direng, ke gore impotence. Baeng ba rona ke Ngaka Sello Mothupi le Rre Boikanyo Ramogoelelo.

Botshelo jwa Motswana bo rotloetsa mongwe le mongwe go bona bontle ka kakaretso fa re tla mo tirisong ya puo. Mo tswana ke motho yo o tlotlang setso sa gagwe ebile a batla gore se gole ka nako tsotlhe. Tiriso ya puo e ntse e nyelela mo nakong e re tshelang mo go yone mme le fa gontse jalo go nale Batswana ba ba tsayang kgato go nnetefatsa gore puo ya rona e sireletsegile. Diane ke karolo ya botshelo jwa motshwana fa a leka go tlhalosa botshelo ka tsela e e kgethegileng, ebile di nale bokao jo bo eletsang mmogo le go lemosa motho dingwe tsa dilo tse di ka mo tlhatlhakanyetsang botshelo. Re laleditse mme re laleditse Mme Seanokeng Mokoma go tla go bua le rona ka diane tsa Setswana.

Mo kgweding eno ya go itlhokomelo Mmele, re leba gore ke mefuta efe ya dijo e e leng meila go ka jewa ke Bana le Basadi. Baeng ba rona ke Rre Boikanyo Ramogoelelo le Mme Phakwe.

Re buisana le John Macheke yo eleng President General ya Congress of South African Students (COSAS). Puisano ya rona e mabapi le ditiragalo tse di sa iketlang kwa dikolong tse difarologaneng mo nageng ya rona. Re ka simolola ka dintwa tsa baithuti kwa Profenseng ya KwaZulu Natal, bosemorafe kwa profenseng ya Gauteng mmogo le Barutabana bao ba imisitseng bana kwa Profenseng ya Northern Cape. Ditiragalo tseno tsotlhe dikgoreletsa dithuto mmogo le kgatelopele ya baithuti go bona bokamoso bo bo phatsimang kamoso, mme fa re sa fetole seemo seno re tlile go iphitlhela rele mo kotsing. Karolo ya batsadi e teng mo di SGB, Barutabana le bone ba nale dikopano go sekaseka maemo ka kakaretso, mme fa ele baithuti bone ba lebeletse mekgatlho e tshwana le COSAS go nna lentswe la bone. Maitsholo a baithuti a fetogile thata mo nakong e re leng mo go yone jaaka bangwe ba bone ba sa bone botlhokwa jwa go tsena sekolo mmogo le go dirisadikgoka go bona tlotla go tswa mo go ba bangwe. Mo go le lengwe barutabana ba kgoreletsega mo tirong ya bone ka ntlha ya baithuti bangwe bao ba ba leng dikgoka mo go bone mmogo le go tlhoka kgatlhego ya go ithuta mme kgatelelo e mo go bone thata le fa dipholo di tlhagelela mo bofelong jwa ngwaga. Baithuti bone ba bona ekete ban ale tshwanelo ya go dira sengwe le sengwe seo ba se ratang ka ntlha ya go sena ope yo o ba gatelelang go ithuta. Mekgatlho e tshwana le COSAS tiro ya tsone ke eng fa maemo a ntse jaana mo nageng ya rona?

Re bua ka dilo tseo tse di diegisang tswelelopele mo kgodisong ya leina la mogaka wa rona Rre Sol Plaatjie morago ga dipego tse di tlhagileng mo bekeng e e fetileng mabapi le go emisiwa ga sefakantswe sa gagwe. Tiragalo eno ga se ya ntlha mme ekete ke sengwe se se tswelelapele moo dilo dile dintse di feleletsang di nyelela ka ntlha ya go se utlwane kgotsa gone go se tlhaloganye gore dithata di tshwerwe ke mang go laola sengwe le sengwe seo se amang leina la Solomon Tshekisho Plaatjie. Ka Mosupologo kgwqedi eno e tlhola malatsi a le robongwe re ne re gopola letsatsi la matsalo a Sol Plaatjie, mme fa nkabo a tshela o ne a kabo a tshwara dingwaga dile 141. Kwantle ga bokwadi jwa gagwe, Sol Plaatjie o ne a lwela ditshwanelo tsa botho ka go nna karolo ya dipolotiki go tsholetsa lentswe la bana ba mmala wa sebilo kgatlhanong le kgatelelo. Rre Plaatjie ene ele Mokwaledi kakaretso wa mokgatlho wa South African Native National Congress eo e eleng African National Congress gompieno. O kwetse, a ranolola le go fetolelela dibuka tse dikwetsweng ka Sekgowa mo setswaneng, ele mokgwa wa go godisa go sireletsa puo ya Batswana. Puo ke sengwe se se leng botlhokwa thata mo morafeng mongwe le mongwe mme ga ya tshwanela go nyelela. Isago ya Batswana e tshwanela ke go sireletsa ke bone mme re tshwanela ke go simolola ka bagaka ba rona ka nako tsotlhe. Moeng wa rona ke Gopolang Plaatjie.

Re buisana ka melemo e e kgonang go alafa malwetse a a tlhodiwang ke mokgwa o sa itekanelang wa botshelo jaaka bo madi a a leng kwa godimo, Sukiri, bolwetsi jwa pelo mmogo le malwetsi a mangwe a a leng bogale.Baeng ba rona ke Rre Boikanyo Ramogoelelo mmogo le Ngaka ya Setso Rre Mothupi.

Re buisana le Hlomela Bucwa yo eleng tokololo ya Parliamente a le dingwaga dile 24. Hlomela o simolotse go tsena mo dipolotitiking ka ngwaga wa 2011 mme go fitlha ga jaana o setse a kgonne go tswelela le kwa Parliamenteng go tsaya karolo mo ditshweetsong tse di amang MaAforika Borwa. Re mo nakong e e fetogileng thata mme Hlomela ke sekai se se leng maleba thata go rotloetsa basha ka ene go tsweletsa lentswe la bone mo nageng ya rona. Mo malobeng re ne re sa bonelepele dipethogo tse di tshwanang le tsone, mme seno se supa fa Demokrasi e diragadiwa ebile e trswelelapele. Mo kgweding eno ya basadi go botlhokwa go tlhagisa dilo tseo di dirang ke basadi ba bangwe mmogo le maikaelelo a bone. Ke dumela fa Basadi ba 1956 ba itumela thata go bona lekgarebe le tshwana le Hlomela kwa Parliamenteng kwantle ga kgatelelo kgotsa matshosetsi. Hlomela o dira dithuto tsa Molao kwa Nelson Mandela Metropolitan University (NMMU). Seo se mo rotloeditseng ke ditiragalo tsa maloba ka nako ya puso ya Apartheid, mme o batla gonna mmueledi wa ditshwanelo tsa botho. Jaaka re keteka botshelo jwa OR Tambo mono ngwaga, re tshwanela ke go gopola gore le ene OR o tsere karolo e tona thata re totile ditiro tsa gagwe go rotloetsa batho go dira dithuto tsa molao mmogo le gonna babueledi ba ba emelang ditshwanelo tsa botho.

Re tsene mo kgweding ya Diphalane. Eno ke nako e Diphala di tsalang ka yone e bile e ka bidiwa Mosetlha ka nako e o Mosetlha o be o thuntse. Rona rele Motsweding Fm re tshere tshweetso ya go e dira kgwedi ya itlhokemolo ya Boitekanelo, seno se tla morago ga go lemoga gore go nale malatsi a le mantsi a tsiboso ka malwetse a a fologaneng. Mo bosogong jwa gompieno re leba mefuta ya dijo tse di tlholegileng mo nageng rona tsa setso gore diaga itekanelo ya mmele jang.

kgatiso e e kgethegileng le Rre Gopolang Solomon Matsheka yo eleng Morolong tota. Puisano ya rona e kaga morafe wa Barolong, gore ba tswa kae go fitlhela mo nakong e re leng mo go yone. Rre Matsheka o dingwaga dile 98, mme o nale kitso e ntsi ka ga ene ele mongwe wa kgotla ya Barolong Borra Tshidi. Rre Izy Mokoena ke karolo ya puisano eno jaaka re ne re iketlile re ithuta ka Barolong, lotso la bone, Dikgosi mmogo le dikgotla tsa bone.

#Love SA #RataAforika Borwa, ke moono kgotsa letsholo la kgwedi ya ngwao-boswa, le dialemowa tsa koporasi kgaso ya SABC e tsamayang ka lone. Fa gontse jalo seno ke tŠhono ya go supa dilwana tse re ikgantshang ka tsone mono nageng, ke ka mokgwa o gompieno re tlhopileng go tlhagisa ngwe ya mafelo aa nang le lemorago kgotsa history ya Aforika Borwa e motho o kareng ke lone lebaka la gore o rate naga rona #Love S.A. Ditsong Museums ke kanale ee humileng ka lemorago la Aforika Borwa, fela go itseela gole gontsi goreng re re jalo nna o reeditse.

Re buisana le Rre Neo Moepi yo eleng HIV and Human Rights Activist. Puisano ya rona e mbapai le matshwenyego a go tlhoka kitso ga baagi ba rona re totile mogare wa HIV mo nageng ya rona. Rre Moepi o nna a ntse a dira dipatlisiso mmogo le go dirisana le mekgatlho e e farologaneng eo e batlisisang ka mekgwa eo batho bao ba nang le mogare wa HIV ba ka tshelang botoka ka gone. Rre Moepi o amile ntlha ya batho bale bantsi bao ba tlhokafalang fa ele setlha sa mariga mme ba nale mogare wa HIV. Seno se tlhola ke go tlhoka kitso ya go ithulaganya mmogo le go nnetefatsa fa mmele o tlile go kgona go emelana kgatlhanong le botsididi ka nako ya mariga. Mme kwantle ga seo, ekete lentswe la bao ba emelang ditshwanelo tsa batho bao ba nang le mogare wa HIV ga le utlwale ka fa baagi ba tshepile bone. Mo letlhakoreng le lengwe puso mmogo le Lefapha la Boitekanelo di supiwa ka monwana ka ntlha ya go tlhoka manaane a a leng maleba go neela baagi tshedimoso e e lekaneng ka mogare wa HIV.

Ntlha puisanelo ya rona ikaegile mo go batleng go tlhaloganya gore wena o le moreetsi o itse gore o mang? Moeng wa rona ke Rre Boikanyo Ramogoelelo

Re buisana le Professor Sekepe Matjila re totile tshireletsego ya setso sa rona mo dinakong tse difetogileng tse re iphitlhelang rele mo go tsone. Gantsi batho ba bangwe ba dumela gore setso se tshwanela ke go fetoga le dinako mme Motswana ene o utlwa botlhoko fa dilo dingwe di nyelela ntswa di re thusa thata mo botshelong ka kakaretso. Re ka tsaya dikai di tshwana le meaparo, botsetse, go tlhabela badimo mmogo le mophato. Tseno tsotlhe di fetogile kgotsa go nale batho bao ba fetotseng mokgwa wa maloba wa setso le wa go dira dilo ka mokgwa o o rileng. Professor Matjila mo letlhakoreng le lengwe o tlile go tsaya leeto la kgwedi go etela Dinaga tse dikopaneng tsa America go tsweletsa mmogo le go rut aka setso sa rona sa Setswana. Mongwe a ka bua gore setso se a nyelela a totile dingwe tsa diphetogo tse di leng teng, mme le fa gole jalo kgatlhego e kwa godimo mme re tshwanela ke go dira ka bojotlhe go sireletsa setso sa rona.

Re buisana le Kgosi Mogakolodi Masibi mabapi le maemo a bogosi mo nageng ya rona ya Aforika Borwa, jaaka re le mo kgweding ya ngwao boswa. Re tshwanela ke go gopola maemo le karolo e e tsaya ke dikgosi tsa merafe e e farologaneng mo nageng ya rona jaaka ele baeteledipele ba morafe go tloga ga lowe. Tlhakatlhano e tlisiwa ke maatla a eketeng puso e nale one mo tsamaisong ya dikgotla tsa dikgosi mo nageng ya rona. Traditional and Khoi-San Leadership Bill ke nngwe ya dilo tseo di tsayang nako go rarabololwa ka ntlha ya gore diteng tsa yone ga di kgotsofatsedikgosi dile dintsi mmogo le bao ba naleng kgatlhego mo go tsa setso. Gopola gore Makhoisan le bone ba samagane le kgang ya go amogelwa jaaka morafe yo o naleng dikgosi mmogo le go newa maltha mo di kgotleng tsa bone. Mo letlhakoreng le lengwe re tshwanela ke go seka seka kamano le tirisanommogo ya puso mmogo le dikgosa, re totile dikungo tse di leng teng mmogo le tseo re tshwanelang ke go di elatlhoko. Kgosi nngwe le nngwe e nale kgotla le dithata tsa go tsamaisa ntlo ya segosi go ya le ka moo go leng matshwanedi.

Re tswelela ka metseletsele ya mananeo a rona, a re ipakanyetsang go amogela baeng ba rona mo Profenseng ya Bokone Bophirima ka dikabo tsa Afrika Borwa tsa Mmino wa setso, Mo bekeng e e fetileng re ne re seka seka mefuta e e farologaneng ya mmino wa Setswana. Mo bosigong jwa gompieno re seka seka tiriso ya Puo mo mminong wa Setswana. Baeng ba rona ke Rre Boikanyo Ramogeolela le Rre Mothusiemang Kimberly Taupedi.

Re tsene mo kgweding ya Ngwao le setso mme re go tlhagolela tsela ya dikabo tsa di SATMA, ka maikaelelo a go tlhaloganya mefuta e e farologaneng ya mmino wa Setswana. Moeng wa rona yo re tlileng gonna le ene mo sebakeng sa kgwedi eno ke Rre Boikanyo Ramogeolelo.

Re buisana le Moatlhodi Frans Diale Kgomo yo eleng Judge President of the Northern Cape Division of the High Court. Re buisana le ene ka ntlha ya fa a tlile go rola tiro mo kgweding e e latelang ya Lwetse morago ga dingwaga di feta dile 19. O simolotse go nna moatlhodi ka 1998 mme ka ngwaga wa 2001 ke fa a newa maemo a President of the Northern Cape Division of the High Court. Dingwe tsa dikgetsi tse a ileng a tlotlomadiwa ka ntlha ya tsone di akaretsa dikgetsi tse di amang batho bao ba ratanang ka bong bo le nosi, a dirisa dintlha tse di tlhagelelang mo molaotheong. Mo go le lengwe o ile a tlotlomadiwa fa a ne a samagane le kgetsi ya mosimane wa dingwaga dile 16 yo o neng yo o neng a bolaile lelapa la gaabo, mme a mo atlholela dingwaga dile 20 kwa kgolegelong. Ga reng ga tsotlhe tseo, karolo ya gagwe jaaka Mopresidente wa Baatlhodi ke e leng botlhokwa thata go simolola ka ngwaga wa 2001. Mme fa re leba leeto la gagwe mo go tsa molao, ene ele ya National Association of Democratic Lawyers mmogo le tokololo ya Lawyers for Human Rights go tloga ka 1989 go fitlha ka 1998. Karolo ya gagwe ke e e leng botlhokwa thata mo nageng ya rona ebile o tshegeditse tiragatso ya molaotheo go fitlha ka nako e re leng mo go yone.

Re buisana le Rre Frank Lekaba yo eleng Mmatlisisi go tswa kwa Human Sciences Research Council. Puisano ya rona e mabapi le seo se neng se kopantse baeteledipele ba dinaga tse difarologaneng kwa Kopanong ya Southern African Development Community/SADC. Kopano eno e ne e tshwaretswe kwa toropong ya Tshwane go simolola fa kgwedi a Phukwi e tlhola malatsi a le 9 go fitlha go ale 22. Kopano eno ene ya bo 37, mme moono wa yone mono ngwaga ene ele “Partnering with the Private Sector in developing Industry and Regional Value Chains". Dinaga tse di leng karolo ya SADC di 15 mme tsone ke Angola, Botswana, Democratic Republic of Congo, Lesotho, Madagascar, Malawi, Mauritius, Mozambique, Namibia, Seychelles, South Africa, Swaziland, Tanzania, Zambia mmogo le Zimbabwe. Dinaga tseno di amega thata fa re leba tlhabologo ya ikonomi. Mo letlhakoreng le lengwe re tlile go ama ntlha ya Diplomatic immunity e e leng mokgwa wa go sireletsa DiAmbassadara tsa dinaga tse di farologang. Seno se raya gore fa Ambassadara nngwe fa e ka amega mo kotsing el emo nageng ya rona, go tlile go dirisiwa mokgwa wa diplomatic immunity go sekaseka kgetsi ya gagwe. Sekai, ke kgang ya Mme Grace Mugabe yo o latofadiwang ka go keteka Mmabontle Gabriella Engels mo tlhogong. Mme morago ga foo Grace Mugabe o ile a bona Diplomatic Immunity.

Re buisana le Rre John Nkomo yo eleng Mmueledi mabapi le tlhalano mo nageng ya rona. Mo nakong e e fetileng re tlhalositse gole gontsi ka mefuta ya lenyalo mmogo le go tlhaloganya kontraka eo o tsenang mo go yone fa o nyala. Lenyalo la setso ke nnete le farologane le la sekgowa, mme pele fa o nyala o tshwanela ke go itse le go tlhaloganya mofuta wa lenyalo le o tsenang mo go lone. Ka ngwaga wa 2015 go begilwe fa batho ba le 25,260 ba tsene mo tlhalong. Seno ke palo e e tlhatlhogileng ka dipresente dile 2.3% fa re e bapisa le palogotlhe ya tlhalo ka ngwaga wa 2014 e e leng 24,689. Dingwaga tsa banna ba ba tsenang mo tlhalong ka bontsi ke 44, mme basadi ba ba tsenang mo tlhalong ke ba ba leng mo dingwageng tsa 40. Mme mo letlhakoreng le lengwe seno se kaya gore batho bale dipresente dile 45.4% ba tsena mo tlhalong pele fa ba ka tsena mo dingwageng dile lesome mo nyalong. Ke nnete dipalopalo tseno di a tshwenya ebile di raya gore manyalo a rona gompieno a phutlhama ka bontsi. Fa o kgaogana le mongwe itse fa go tlile go tsamaisiwa tlhalo go ya ka tumalano eo o tseneng mo go yone fa o ne o nyala. Fa o nyetse ka kopanelo ya dithoto gopola gore molao o tla diragadiwa go ya ka moo le dumalaneng ka gone fa le ne le tsena mo nyalong e boitshepo.

Re buisana le Moatlhodi Yvonne Mokgoro yo eleng moatlhodi wa maloba kwa Constitutional Court go simolola ka ngwana wa 1994 go fitlha ka 2009. O tsaletswe kwa motseng wa Galeshewe mme morago a kgona go tsweletsa ditoro tsa gagwe ka go dira dithuto tsa molao kwa Universitiy of Bophuthatswana ka 1982. Morago ga moo o ile a dira dithuto tsa mastersof Law ka 1987. Mme Mokgoro ga a felela foo, o ile a bona lekwalo la dithuto tsa LLM Degree la bobedi ka 1990 kwa University of Pennsylvania kwa dinageng tse kopaneng tsa America. Karolo ya gagwe ke e tona thata jaaka mosadi yo o tsereng karolo mo diphetogong dile dintsi mo nageng ya rona. O bone maemo a a leng kwa godimo ka nako eo re neng re sa letela gore basadi ba ka tlhagelela ka magetla mmogo le go kokomala maemo a boeteledipele kwa dikgwebong, mo pusong mmogo le kwa Constitutional Court. Gopola gore morago ga 1994 Aforika Borwa e ile ya fetola dilo dile dintsi, mme magareng ga tse dingwe ke go lemoga botlhokwa jwa basadi mo nageng ya rona. Go tsaya ditshweetso tse di amang botshelo jwa bone ke sengwe se se tlhokang karolo ya bone ka kakaretso segoloboglo re totile molaotheo ka kakaretso mmogo le melawana mengwe mo nageng ya rona go nnatlafatsa le go godisa basadi mo nageng ya rona. Mme Mokgoro ke mongwe wa basadi bao ba tsereng karolo e tona thata mo nageng ya rona jaaka e ne ele karolo ya batsayatshweetso kwa kgotlhatshekelo ya molaotheo wa Aforika Borwa

Modibekeng dile pedi tse di fetileng re buile ka dingwe tsa dintlha tse dileng botlhokwa re totile mefuta ya lenyalo mo nageng ya rona mmogo le go leba dikgato tseo batho ba tshwanelang ke go di tsaya fa ba tsena mo tlhalong. Re setse re tlhalositse mefuta ya manyalo mmogo le diteng tsa melao ya lenyalo mo nageng ya rona. Ntlha e e leng botlhokwa ke ka moo dithoto di abiwang ka gone fa batho ba tsena mo tlhalong kgotsa le fa molekane wa gago a ka tlhokafala. Go nale dikgetsi dile dintsi tse di sotlang bao ba setseng, e ka nna bana kgotsa balosika. Dilo dile dintsi ka nako tse dingwe di tlhakatlhakanngwa ke go tlhoka kitso kgotsa tsamaiso ya dithoto tsa fa re tsena mo tlhalong kgotsa tsamaiso ya dithoto tsa moswi. Marriage Act mmogo le Customery marriage Act ke melwana e e tlhalosang ka bontsi diteng tsa lenyalo leo o tseneng mo go lone mmogo le go tlhalosa gole gontsi dipharologanyo tse dileng teng. Go ya ka Divorce act, lenyalo lengwe le lengwe le tsamaisiwa go totilwe mofuta wa lenyalo le tumalano eo baratani ba tseneng mo go yone. Go botlhokwa go tlhaloganya dintlha tseno ka botlalo gore o itse tsamaiso ya tlhalo. Mo letlhakoreng le lengwe go botlhokwa go tlogela Will e e naleng dintlha ka botlalo gore dithoto ditlile go abiwa jang fa o tlhokafetse. O ka dira willi o santse o le mo lenyalong kgotsa nako nngwe le nngwe.

Re sekaseka setlhogo seno sa meetlo e e dirwang ke bomme fa banna ba bona ba tlhokafetse gore, a e a kgetholola naa? Molaotheo wa naga ya rona wa re rotlhe re a lekana go sa kgathalesege gore o rre kapa mme. Baeng ba rona ke Mme Gaopalelwe Phalaetsile yo o dumelang mo tekatekanông ya bong mmogo le Mme Mary Manyeke yo eleng Ngwaka ya setso.

Re buisana le Rre Lengane Bogatsu yo eleng Chief Director ya Regional Land Claims Commission go tswa kwa The department of Rural Development and Land Reform. Puisano ya rona e mabapi le kgang ya lefatshe. Bana ba mmala wa sebilo ba sotlegile thata mo nakong e e fetileng le go tseelwa lefatshe la bo rraabomogolo. Puso ya Demokrasi e re neetse tshono ya go tsenya dikopo tsa go busediwa lefatshe mme ka nako dingwe re iphitlhela re le mo pitlaganong morago ga go atlega ga kopo ya rona ya lefatshe. Bangwe ba feleletsa ba tsaya tshweetso ya go newa madi ke puso mo boemong jwa go tsaya lefatshe la bone. Seno se tlhola ke go tlhoka madi kgotsa lenane le dithulaganyo tsa go dirisa kgotsa go tlhokomela lefatshe. Le fa gontse jalo re tlhoka go nnetefatsa gore mongwe le mongwe yo o tsenyang kopo ya go busediwa lefatshe, otshwanelwa ke go tlhalosediwa go tletse seatla ka botlhokwa jwa lefatshe mmogo le tiriso ya lone. Mo letlhakoreng le lengwe lefatshe le botlhokwa mo go rona ebile ke maikarabelo a puso go busetsa seriti sa bana ba mmala wa sebilo kwa maemong a kwa godimo.

Re buisana le Rre John Nkomo yo eleng Mmueledi mabapi le mefuta ya manyalo mmogo le melao ya mofuta wa lenyalo mo nageng ya rona ya Aforika Borwa. Mo dibekeng dile pedi tse di fetileng re ile ra amogela pegelo ya gore MaAforika Borwa a tsena mo tlhalong ka bontsi go gaisa go tsena mo nyalong. Mme mabaka a a farologaneng a ile a umakiwa go tlhagise dingwe tsa dilo tse di tlhotlholetsang koketsego ya tlhalo mo nageng ya rona. Ka ngwaga wa 2014 re itemogetse palo e kana ka 24 700 ya tlhalo, e e supang koketsego ya dipresente dile 3.4% go tloga ka 2013. Batho bantsho bone ba ba tsenang mo tlhalong palo ya bone ke dipresente dile 37.1%. Mabaka a tshwana le tshotlo, go ikutswa le balekane ba bangwe mmogo le mathata a tsa ditshelete ke mabaka a a tlhagisitsweng. Mme le fa gole jalo go nale ntlha ele nosi fela eo eketeng e kgontsha baitsanape le borramolao go tlhaloganya sentle mathata a re naleng one mo nageng ya rona. Go tlhagelela gore MaAforika Borwa a mangwe a tsena mo lenyalong ba sa tlhaloganye mofuta wa lenyalo leo ba tsenang mo go lone. Go nyala ka setso go farologane le fa o nyalwa ka lesira, mme ekete re tshwanela ke go tlhaloganya pharologanyo ya dilo tseno tsoo pedi.

Phatwe ke kgwedi ee betsweng thoko go keteka le go tlotlomatsa basadi bao ba ileng ba ema ka dinao kgatlhanong le tiriso ya makwalo itshupo ao a neng a bidiwa di-dompass, gore go tlhola ba kamakamere makwalo itshupo go fedisiwe. Ka mokgwa o seo ke sesupo sa gore bomme bane ba sa tlhole ba kgona go itshokela mokgwa ono, mme gaba ka ba nna fela ba ile ba eme ba lelwa seo. Jannong mo dinakong tse releng mo go tsone, re bona basadi ba tsaya karolo mo maphateng ka go farologana, fa bangwe ba rwele maemo a boeteledipele mo ditheong ka go farologana, fa bangwe ba fetola matshelo a setŠhaba. A re utlwe gore ke karolo efe eo moeng wa rona a e tsayang mo dithutong tsa botshelo le bonetisi /biological science.

Re seka seka gore, A meila mengwe ya Setswana e gatelela Basadi? Jaaka re simolola kgwedi ya Basadi, go botlhokwa go tlhaloganya gore setso se ama jang botshelo jwa bone re totile melao eo basadi ba tshwanelang ke go e sala morago. Go re thusa mmogo le go re tlhalosetsa gole gontsi re buisana le moeng wa rona yo eleng Mme Virginia Mutwa

Re buisana le Rre Lechesa Tsenoli yo eleng Deputy Speaker of the National Assembly kwa Parliamenteng. Puisano ya rona e ka ga melao e e santseng ele karolo ya molaotheo wa naga ya rona go tswa mo pusong ya maloba ya Apartheid. Go nale melao e e sa fetolwang go fitlha ga jaana mo pusong eno ya demokrasi mme mabaka kea farologaneng ao a tlholang kgotsa a o a dirang gore re iphitlhele rele mo re leng gone mo nakong eno. Melao e tshwana le Estate Duty, Criminal Procedure Act, 1955 le Riotous Assemblies Act of 1956. Mo letlhakoreng le lengwe moeteledipele wa lekoko la EFF le ene o latofadiwa ka go nna kgatlhanong le molao wa Riotous Assemblies Act of 1956 mo kgetsing e e santseng e tlhagelela kwa kgotlha tshekelo. Go nale melao e e santseng e bonala ekete e tshwanelwa ke go fetolwa go tokafatsa maemo a re leng mo go one gore temokrasi e diragadiwe ka botlalo gongwe gape le go gagamadiwa go thusa puso le kokoanopeo-melao go tsaya ditshweetso tse di leng maleba ebile dile matshwanedi fa ba nale ntlha e e tlhokang go rarabololwa. Potso e tona ke ntlha ya gore, A gone mengwe ya melao ya bogologolo e ka fetolwa mo isagong?

Re seka seka ntlha ya tlhalano, re batla go itse gore a go nale tlhalano mo setsong. Jaaka re itemogela dipalopalo tse dileng kwa godimo mo nageng ya rona tsa tlhalano, re tshwanela go leba kwa morago re totile tsela ya rona ya botshelo jaaka bana mmala wa sebilo. Mo malobeng bagolo ba rona ba ne bas a kgaogane ka tsela eo gompieno re bonang ekete ke setlwaedi. Monna le mosadi ba ne ba kgotlhella lenyalo la bone ka ntlha ya fa ba itse le go tlhaloganya bokao jwa lone.

Re buisana le Mme Kenalemang Kgoroeadira yo eleng moitsanape wa kitso ya setso. Kitso ya rona ya setso e botlhokwa thata jaaka e jere setso le ngwao ya rona go tloga ga lowe. Tsotlhe tse re di tlhokang jaaka MaAforika ke go gopola kwa re tswang teng mmogo le go ipela ka setso sa rona, segolobogolo go amogela gore re farologane le batho kgotsa merafe e mengwe mo lefatsheng. Sekai, fa moimana a tlhoka go sidilwa, basadibagolo ba ne ba le teng go dira tiro eo ka ntlha ya bomaitsanape jwa bone. Mo nakong eno bontsi bo etela boekelo go bona thuso, ebile bangwe ba bone ba lebelela setso le mokgwa wa botshelo jwa maloba kwa tlase. Bagolo ba santse ba kaya setso sa rona sele botlhokwa thata fa re bapisa ka mokgwa o o batho ba tshelang ka gone gompieno. Bana bangwe ba tlhoka maitseo, bosinyi bo kwa godimo, fa re lwala re tlhoka kitso ya melemo ya rona ya Setswana kgotsa re ithaya gore melemo ya rona gae dire. A gone kitso ya setso e ka re thusa mo maemong a re leng mo go one?

Re buisana le Rre Mathanzima Mweli yo eleng yo eleng Director-General go tswa kwa Lefapheng la Thuto ya Motheo mo nageng ya rona ya Aforika Borwa. Puisano ya rona le dipego tse di farologaneng re totile thuto ya motheo mo nageng ya rona. Pegelo tseno di mabapi le go digela tlase ga maduo a dirutwa gore bana bao ba dirang mophato wa bolesome mmogo le wa bosome le bongwe ba kgone go falola. Seno ke ka ntlha ya kgweetlho e e lebaneng Lefapha la Thuto ya Motheo ka palo e e leng tlase ya bana bao ba falolang mophato wa bolesome le wa bolesome le bongwe. Mathata ano e pateletsa Lefapha go sekaseka maemo ka kakaretso re totile tharabololo e e leng maleba mo bothateng jo re lebaneng le bone. Mo letlhakoreng le lengwe serutwa sa Mathematics le sone se bontsha fa se le thata gore bana ba ithute sone. Rre Mathanzima Mweli mo go tse dingwe tsa dipegelo o tlhagisitse gore go ka nna botoka fa maduo a go falola serutwa sa Mathematics se ka digiwa go tloga go 40% go ya go 30%. Mme fa ele dithuto tsa dipuo tsa kwa gae, maduo a teng a tla digelwa kwa tlase go tloga 50% go ya go 40%. Tseno tsotlhe di setse di bontsha ekete thuto ya rona ga ena bo leng gotlhelele. Le fa gole jalo, baitsanape ba setse ba kile ba tlhagisa gore baithuti ba le bantsi ba palelwa ke serutwa sa Mathematics. Mme fa maemo a ntse jaana go raya gore re tlile go bona serutwa sa Mathematics gongwe se sa tlhole se le karolo ya dithuto kwa dikolong tsa rona.

Jaaka re keteka Letsatsi la Rre Nelson Mandela, Mo bosigong jwa Gompieno re seka seka sekai sa moeteledipele yo o kileng a disa, le gore go disa go bopa Motho jang? Seno se raya gore setso sa rona se nale seabe se se tona thata segolobogolo re totile boeteledipele mmogo le kitso ya botho ka kakaretso. Go tloga ga lowe ngwana wa mosimane e ntse ele modisa ebile ele sengwe se se neng se mo aga tlhaloganyo mabapi le maikarabelo ao a neetsweng go tlhokomela dikgomo kana dinku le dipodi. Moeng wa rona ke Rre Boikanyo Ramogoelelo.

Re buisana le Jan Nkosi yo eleng Treasurer le Rre Mongake yo eleng chairperson ya Men for real. Mo kgweding e re leng mo go yone re leba dilo tse re ka di siamisang rele banna le basadi ba ba tshelang mo nageng ya Aforika Borwa. Seno se akaretsa tshotlo ya bong, kgatlhanong le bana mmogo le dipolao mo nageng ya rona. Banna le basadi ba tshwanela ke go ema ka dinao go lwantsha le go fetola maemo ka kakatso mo nakong e re tshelang mo go yone go siamisa isago ya rona. Le fa gole jalo gontse go nale ditirigalo tse di senyang leina la banna mo nageng ya rona ka ntlha ya banna bangwe bao ba dirisang dikgoka kgatlhanong le bana le basadi. Mo letlhakoreng le lengwe re tshwanela ke go gopola gore re nale banna ba ba siameng mo nageng ya rona. Banna le bone ba lebane le dikgwetlho re totile tshotlo, dikgwetlho tse di farologaneng kwa malapeng a bone mmogo le mo nageng ya rona ka kakaretso. Re tshwaragana jang go lwantsha le go fetola maemo gonna a a leng botokwa mo nageng ya rona? Ke yone potso e re e botsang mo bosigong jo.

Re buisana le Amilia Moremogolo Malebane yo eleng PhD Scholar (Media Law) kwa Communications University of China. Puisano ya rona e mabapi le bosinyi jo bo tsayang karolo mo maranyaneng a a farologaneng mmogo le go pasaladiwa ga tshedimosetso ele ka ntlha ya mabaka a a farologaneng. Mo nakong e e fetileng re ile ra bua ka Cybercrime re totile go itshireletsa kgatlhanong le bosinyi fa o dirisa maranyane mmogo le dilo tse re tlhokang go di elatlhoko ka nako tsotlhe. Mo kgweding ya Seetebosigo setlamo sa Amabhungane se ile sa pasalatsa dintlha ka botlalo tse di amang diteng tsa dipuisano tse di neng di tsaya karolo magareng ga balelapa la ga Gupta mmogo le bao ba golaganeng le bone. Ntlha e tona mo puisanong eno ke dikgato tse di tserweng go pasalatsa di email tseo di tshwanelang go nna sephiri ka ntlha ya fa ele tlolomolao go itshunya nko mo mererong ya batho kgotsa ditheo tse di farologaneng. Mo letlhakoreng le lengwe re ka leba ntlha ya bonnete jwa diemail tseo gongwe le go sekaseka fa ele tsa mmannete. Batho bangwe b aka itumelela ntlha ya gore di pasaladitswe ka ntlha ya fa di ama tsamaiso le boeteledipele jwa naga ya rona, mme re tshwanela ke go tlhaloganya gore molao wa reng fa maemo a ntse jaana. Protected Disclosure Act 26 of 2000 ke molawana o o leng gone go nnetefatsa fa go tsewa dikgato tse dileng maleba fa go nale pasalatso ya tshedimosetso e e leng ka ga mongwe kana ditheo le ditlamo tse di farologaneng. Ka ntlha ya gore Amabhungane ke setheo se se ikaeletseng go lwantsha bosinyi mmogo le bonweenwee jo bo diriwang ke puso mmogo le ditlamo tseo di dirang le puso, mo dikgatong tse ba di tsereng ba tsepamisitse maikaelelo a bone go tswelela go dira tiro eo ya bone.

Tlhokomelo ya boitekanelo ya farologana mono nageng, ditirelo tsa boitekanelo ya botlhe ga di duelelwe, lefa thuso e tswileng matsogo ya boitekanelo ele teng gotlhe mo maokelong a puso le ao a ikemetseng. Mme maokelo a puso a itemogela kgwetlho e kgolo ya tlhokego ya di diriswa , le fa ba dirisa madi ao a balelwang go di presente dile 40% mo ditirelong tsa boitekanelo. Gareng ga dintlha tse re tla di lebelelang ke leano la puso ya Aforika Borwa la go aga le go tokafatsa tsamaiso ya boitekanelo, ntle le go tsenya National Health Insurance tirisong le go gagamatsa twantsho ya mogare wa HIV le bolwetse jwa lehuba gore le akaretsa eng.

Re buisana le Rre Lechesa Tsenoli Deputy Speaker of the National Assembly kwa Parliamenteng. Puisano ya rona e mabapi le pegelo ya maloba e e dirilweng ke komiti e e neng e tlhomilwe ke Parliamente e e bidiwang the Asmal Report. Pegelo eno e mabapi le karolo ya e e tsayang ke ditheo tse di emelang ditshwanelo tsa botho kgotsa tsone di Chapter 9 institutions. Asmal reprt e golotswe ka ngwaga wa 2007 mme diteng tsa yone di ne dile mabapi le go tlhamiwa ga setheo sele nosi se se tla lebanang le dikgwetlho tsotlhe tse di leng mabapi le go sireletsa ditshwanelo tsa botho. Seno ke ka ntlha ya gore Asmal report e ne e tlhagisa gore ditheo tse dingwe di ne di sa diragatse tiro ya tsone go ya ka maikano a tsone ka nako eo di neng di tlhamiwa. Ditheo tseno di akaretsa South African Human Rights Commission; Commission for the Promotion and Protection of the Rights of Cultural, Religious and Linguistic Communities; Commission for Gender Equality; Pan South African Language Board mmogo le National Youth Commission. Ka kgwedi ya motsheganong Parliamente e kopile gore go romelwe ditshwaelo mabapi le kgonagalo ya gonna le setheo sele nosi se se tlileng go tlhokomela fa se dira go sireletsa ditshwanelo tsa botho mo nageng ya rona morago ga dingwaga dile lesome.

Mo bosigong jwa gompieno re batla go itse mabaka a a dirang gore batho batswe mo tumelong tsa bone go ya ko tse dingwe. Afrika Borwa ke naga e bontsi ba baagi bale mo tumelong ya sekeresete. Moeng wa rona ke Professor Maake Jonathan Masango

Re buisana le Professor Zulu Mathabo yo eleng mokwadi mmogo le motlhatlhaledi mabapi le serutwa sa Mathematics. Rre Mathabo o kwadile thanodi ya mathematics e e tlhalosang le go re ruta gole gontsi ka mathematics ka puo ya Sesotho. Mo nakong e e fetileng re ne ra bua ka ethnomathematics e e leng serutwa seo se leng karolo ya dithuto tsa Kitso ya setso kwa North West University. Gontse go nale ketsaetsego mabapi le bokgoni jwa Batswana, Basotho mmogo le merafe e mengwe re totile bokgoni jwa tiriso ya puo ya bone go ruta serutwa sa dipalo/Mathematics. Mme Professor Mamokgethi Phakeng ke mongwe wa bao ba tlhagisitseng gore serutwa sa mathematics se ka dirwa ka puo ya Setswana.

Mo puisanong ya rona re tsweletsa puisano ya rona le Thulisile Buda yo o dirang Masters ya techno Mathematics mo lephateng la Indigenous Knowledge Systems mo North West University. Maikaelelo a rona ke go tlhaloganya serutwa seno gotswa mo moithuting yo o setse a dirang dingwaga dile tlhano a le mo go sone.

Naga ya Aforika Borwa e nale baoki bale bantsi ba dingwaga tse di kwa godimo, mme fela ka tekanyetso baoki ba ba nang le makwalo-tetla a go rebola ditirelo /go dira ba nale dingwaga dile some a matlhano, fa ba ba leng ka fa tlase ga dile some a mararo ele ba dipresente dile tlhano fela. Seno ke bokao jwa gore go tlile go nna le tlhokego ee kwa godimo ya baoki fa nako e ntse e tsamaela goya pele, fa baitsanape le baoki ba ba nang le bokgoni ba rola tiro/ditiro. Gompieno re lebelela mabaka aa tlholang tlhokego ya baoki mono nageng. Moeng wa rona ke Dr Themba Moeti yo eleng CEO ya Health Systems Trust.

Molao wa Financial Intelligence Centre Act (38 of 2001) o simolotse go tsengwa tirisong ka ngwaga wa 2003 Phukwi a tlhola letsatsi, maitlhomo ele go lwantsha bosinyi jwa matlole go akaretsa phepafatso ya madi a bosinyi le ikgatoloso ya go duela lekgetho. Ka bokhutshwane molawana wa Financial Intelligence Centre, o tshwana le melao ee tlhomilweng mo di nageng tse dingwe , go supa kelelo ya matlole/madi go tswa mo mererong ya bosinyi le go fokotsa phepafatso ya madi aa seng mo molaong. Mme diphetogo tsa molao ono ga di ame modirisi thata, di ama ditheo tse di rweleng maikarabelo jaaka estate agents, trusts, gareng ga tse dingwe babueledi le di banka. Rre Olano Makhubela ke moeng wa rona

Re santse rele mo kgweding eno ya basha re tlile ka mokgwa o moshwa wago neela basha ba rona tŠhono ya go tlhagisa ditlhokego tsa bone le go sekaseka dilo tse di ba amang, go akaretsa le tse ba akanyang gore di maleba goka lebelelwa. Goya ka tshekatsheko ya setlhogo se se ileng sa gogela bašha bale bantsi go feleletsa ba tshotse karolo mo go sone, re buisana ka maeto a bašha ba a tsamaileng go feleletsa ba bone katlego kgotsa ba fitlheletse tsotlhe tse ba nang le tsone. Gareng ga dintlha tse re tlileng go di lebelela ke dikgwetlho tse ba itemogetseng tsone go akaretsa le ditŠhono tse ba di boneng, e ka nna thuso ya matlole kgotsa ya go ithuta tiro. Baeng ba rona ke Rre Phakane Masukela yo eleng morotloetsi le bašha ba rona e bong Keromamang Ditlhong le Gaborone Mbele.

Re buisana ka maatla ao basha ba naleng one go fetola maemo le botshelo jwa bone letsatsi pele ga re keteka mmogo le gopola ditiragalo tsa 1976 ka di 16 June. Ka 1976 basha ba ne ba ile ba dirisa maatla a bone go tsaya tshweetso ya go fetola maemo a ba neng ba le mo go one ka ntlha ya melao ya puso ya tlhaoleele. Ka nako eo gone go nale seo se neng se bidiwa Bantu Education Act e e leng molao o o tsentsweng tirisong ka 1953, o o neng o gatelela baithuti kwa dikolong go ithuta ka puo ya Afrikaans. Mekgatlho e tshwana le Black Consciousness Movement (BCM) mmogo le South African Students Organisation (SASO) ke yone e e neng ya rotloetsa baithuti ka bontsi go emakgatlhanong le kgatelelo mmogo le go lwela thuto ya bone jaaka ba dumela gore e botlhokwa. Gopola gore puso e ile ya pateletsa tiriso ya puo ya Afrikaans mmogo le ya English ka 1974. Baithuti ba le 3000 go ya go bale 10 000 ba ne ba tsaya karolo mo ditshupetsong tse di neng di le kgatlhanong le tiriso ya puo ya Afrikaans le English mo dithutong tsa bone, mme ba ne ba lwela go rutwa ka puo ga mme. Dinako di fetogile ebile le dikgweetlho tsebasha ba samaganeng le tsone di farologane. Mo nakong eno dikgweetlho tse dileng gone ke botlhoka tiro, go tlhoka matlole a go tsweletsapele dithuto, ditirelo mmogo le tlhabologo ka kakaretso. Mme le fa gole jalo go nale mekgwa le ditsela tseo basha ba ka di dirisang go fetola seemo sa bone ka go tsaya karolo ka go itshimolela ditiro, go lemosa puso ka go romela matshwenyego a bone ba dirisa maranyane kgotsa go etela dikantoro tse dileng maleba mmogo le go dirisa maranyane go fitlhelela puso.

Re buisana le Mme Eilen Pooe yo eleng Head of Department ya Setswana kwa setheong sa North West University Mahikeng Campus. Re mo kgweding ya basha ebile mo letsatsing la labotlhano re tlabo re keteka mmogo le go gopola letsatsi la June 16. Ka ntlha ya letsatsi leno ka 1976, re tlile go buisana ka sengwe seo baithuti ba neng ba se lwela ka nako eo, go bona thuto ka puo ya ga mme. Mme kwantle ga seo, baithuti bao ba ne ba batla go bona diphetogo go tswa mo dikgatong tse ba neng ba di tsaya. Re mo pusong ya Democracy mme kgang ya tiriso ya puo kwa ditheong tsa thuto e kgoloane e santse e tswelela ka ntlha ya fa puo ya English e le yone e e diriwang thata. Mo letlhakoreng le lengwe, ka nako ya puso ya tlhaoleele baithuti ba ne ba patelesega go ithuta ka puo ya Afrikaans ka ntlha ya kgatelelo ya puso ya tlhaoleele, mme mo nakong e re leng mo go yone, boithuti ba patelesega go ithuta ka English ka ntlha ya mabaka a a farologaneng. Puo ya English ke yone e e dirisiwang ka ntlha ya mokgwa wa thuto e re nang le yone go tsweletsapele baithuto go siamela tiro, go tsaya karolo mo ikonoming mmogo le go nama le lefatshe go iponela ditshono. Re nale dipuo dile 11 mo nageng ya rona mme ekete tiro ya tsone kwa dikolong mmogo le kwa ditheong tsa thuto e kgoloane e santse ele tlhoba boroko, ka ntlha ya fa di sa dirisiwe mmogo le go dirisiwa go ruta bana le baithuti. Mme le fa gole jalo ka ntlha ya diphetogo tse di setseng di tsere karolo mo nageng ya rona, go nale kgonego ya go fetola kgotsa gone go tlhagisa matshwenyego mabapi le tiriso ya puo kwa ditheong tsa thuto e kgoloane.

Seetebosigo ke kgwedi eo e betsweng thoko go nna ya baŠha mono nageng, mme re tswelela go buisana ka dilo tse di amang baŠha ba rona ba Aforika Borwa. Gareng ga dilo tse re dulang re bona naga e lela ka tsone ke botlhoka tiro jo bo kwa godimo, mme go nale ditheo tse di tsayang matsapa go tla ka maano a go fokotsa seno. Gangwe le gape reatle re utlwe go rotloetswa baŠha go itshimollela dikgwebo, fela matlole a go simolola tse tsotlhe e fetoga go nna matsapa. Reetsa thulaganyo ya rona fa re tlabe re sekaseka ditirelo tsa NYDA legore ke tsela efe eo baŠha ba ka bonang dithuso tsa matlole ka teng. Moeng wa rona ke Rre Kenny Morolong yo eleng leloko la Board ya National Youth Development.

Re re buisana le Professor Maake Jonathan Masango go tswa kwa University of Pretoria (In the Faculty of Theology ) ka pegelo ya gagwe e a e kwadileng ya Pregnancy out of wedlock and the church: Pastoral care perspective, Re batla go tlhaloganya gore tumelo ya reng ka go kgaolwa ga bashwa mo kerekeng fa bale ba imana, Pegelo ya gagwe e itshetlegile mo dintlheng tse di latelang, tse re tla mo kopang gore a ditlhalose ka bongwe ka bongwe

Re buisana le Dr Olaotse John Kole yo eleng Senior Lecturer ya Criminology and Security Science mo School of Criminal Justice kwa University of South Africa. Mo nakong e e fetileng re ne ra bua le Dr Kole re totile tirisanommogo ya sepodisi sa Aforika Borwa mmogo le ditheo tsa tshireletso tsa poraefete go lwantsha bosinyi. Go simolola mo tshimologong ya ngwanga wa 2017 maemo a fetogile mo ntlheng ya go lwantsha bosinyi mmogo le mathata a re itemogelang one a dipolao tsa bana le basadi, go akaratsa le dikoloi tse di utsiwang ka bontsi. Dipolao tsa bana le basadi ke sengwe se re itemogelang sone mo nakong eno mme ekete re retelelwa ke gonna le mekgwa e re ka tsibogang ka yone go kgala ditiragalo tseno. Tsholofelo ya rona emo sepodising ebile re solofela go bona thuso ka ponyo ya leitlho fa go nale mathata. Ga jaana go ntse go nale mathata magareng ga Sepodisi sa Aforika Borwa mmogo le Independent Police Investigative Directorate/IPID ka ntlha ya go tlhoka manane a a tlhamaletseng mabapi le tsamaiso ya dipatlisiso tse di dirwang kgatlhanong le sepodisi. Gopola gore IPID ke yone go ya ka molao e e tlhokomelang tsamaiso e e lolameng ya Sepodisi, mmogo le go dira dipatlisiso kgatlhanong le mapodisi a a tlolang molao kgotsa go nale tiragalo nngwe e e amang tsamaiso e e sokameng ya se podisi. Gopola gore fa naga ya rona e ka nna le bosinyi jo bo thibang letsatsi, seno se tshosetsa tshireletsego ya mongwe le mongwe mo nageng, ikonomi mmogo le tsamaiso ka kakaretso mo nageng. A gone re nale tharabololo ya mathata a re nang le one gore isago ya naga ya rona e seke ya nna mo kotsing.

Re buisana le Anastacia Mamabolo yo eleng Project Manager go tswa The University of Pretoria, Gordon Institute of Business Science. Re buisana ka phitlhelelo ya gagwe re totile tiriso ya puo ya gaabo ya Sepedi. Ka nako eo Anastacia a neng a aloga ka yone a bona dikwalo tsa gagwe tsa PhD, o ne a ranola tiro eo a e dirilieng go bona dikwalo tseno ka puo ya Sepedi. Seno se mo dira moithuti wa ntlha go dira jalo, ka ntlha ya fa re tlwaetse puo ya English ele yone fela e e dirisiwang. Anasticia o dirile naga ya rona motlotlo ka go akaretsa puo ya Sepedi mo dithutong tsa gagwe, ebile seno se rotloetsa baithuti ba bangwe go sala metlhala ya gagwe morago. Mo nageng ya rona re nale dipuo dile 11, mme gantsi re dirisa puo ya kgwebo, dithuto mmogo le go bona tiro eleng English. Dirutegi dile dintsi tsa bantsho di samagane le bothata jaaka di sa tsweletsepele puo ya gam me. Potso e tona ke gore re dira jang go fetola seno jaaka naga e e naleng dingwaga dile 23 tsa temokrasi. Re mo kgweding ya basha mme Anastacia ke moeteledipele mo setchabeng jaaka ele mosha yo o fetotseng seemo sa dithuto le dirutegi ka kakaretso mo nageng ya rona ya Aforika Borwa.

Re buisana le Professor Shole Shole go tswa kwa Setheong sa Thuto e kgoloane sa North West University. Jaaka re garela kgwedi e re neng re lebile bokgoni, botshelo mmogo le diphitlhelo tsa MaAforika, go molemo gape go leba gore bangwe ba rona ba fitlheletse eng ka go dirisa bokgoni le bokwadi jwa bone. Kgwedi e e latelang e beetswe thoko gonna ya basha ka ntlha ya maikaelelo a bone go lwantshana le puso ya tlhaoleele gore ba seke ba rutiwa ka puo ya Aforikaans. Mme ka ntlha eo, re leba le seo MaAforika a se fitlheletseng mo bokwading jwa bone re totile dipuo tsa bone. Gopola gore bokwadi ba rona bo akaretsa setso sa rona mmogo le botshelo jo re bo tshelang mo nageng ya rona. Go nale dibuka tse di setseng di dirisitswe kwa dikolong tsa motheo tse di kwadilweng ke Batswana ka Setswana, go ruta le go lemosa barutwana ka setso sa bone. Mo nakong e re leng mo go yone re tlhoka go leba kwa re tswang re totile diphitlhelelo tsa bakwadi ba Setswana, mmogo le go rotloetsa bokwadi ka kakaretso le mo isagong. Mo nakong e re leng mo go yone re tshela mo lefatsheng la maranyane a a dirisiwang ke mongwe le mongwe mme le rona re tshwanela ke go itepatepanya le seo se diriwang go ngoka kgotsa le go rotloetsa basha le batho botlhe go kwala mo maranyaneng.

Jaaka re tsene mo kgweding ya Bashwa, Re gopola ditiragalo tsa ngwaga wa 1976 mo baithuti ba neng lwantswa go go rutiwa ka se Afrikaans, Erile re tsena mo temokrasing ditheo dingwe tsa thuto e kgolwane mo Afrika Borwa dine tsa feleletsa di rebola serutwa se se buwang ka kitso le matlhale a mo Afrika. Mo bosigong jwa gompieno re batla go itse gore ke eng se se dirang gore bontsi ba bashwa ba rona mo Afrika Borwa ba seke ba bontsha kgatlhego mo serutweng seno. Moeng wa rona ke Rre Motheo Koitsiwe mo Univesiting ya Bokone Bophirima.

Re buisana ka letsholo la Anti-Tobacco mo nageng ya rona. Ngwaga le ngwaga ka kgwedi ya Motsheganong go nale dikgato tse di tsewang go lemosa baagi ka bokotsi jwa go goga motsoko ka ntlha ya malwetsi a a farologaneng a a akaretsang kankere ya mafatlha. Mo letlhakoreng le lengwe motsoko o letlesegile go rekisiwa mo nageng, ebile o bonwa bonolo ke mongwe le mongwe. Jaaka puso e rotloetsa tiriso e e leng kwa tlase kgotsa go lemosa baagi go tlogela go goga motsoko, puso ka bo yone e tshwanela ke go fetola melawana e e tlhokometseng tiriso ya motsoko mo nageng ya rona. Moeng wa rona ke Mme Lorato Mahura yo eleng Deputy Director ya Health promotions go tswa Lefapheng la Boitekanelo.

Gompieno mo thulaganyong ya tsa boitekanelo re buisana ka maikarabelo a bathapi go rotloetsa badiri go tlhokomela boitekanelo jwa bone re totile manane a a farologaneng. Go nale di Wellness Campaigns tseo lefapha la ditiro le rotloetsang bathapi go ruta mmogo le go tsibosa badiri ka tlhokomelo ya boitekanelo jwa bone. Mo letlhakoreng le lengwe ke maikarabelo a mothapi go nnetefatsa gore badiri ba nale Medical Aid mmogo le go ba lemosa ka botlhokwa jwa go boloka madi a a tlileng go ba thusa ka nako eo ba tlhagelelwang ke mathata. Moeng wa rona ke Rre Mr Rivalani Mkansi yo eleng Employee Assistant Program Manager go tswa kwa Lefapheng la Ditiro

Re buisana ka se se bidiwang Estate Duty e e leng lekgetho le le tsewang morago ga go sekwasekwa ga dithoto tsa moswi. Mme seno se raya gore dithoto tsotlhe tsa moswi di tlile go amiwa ke lekgetho leno, go sa kgathalesege gore moswi o nale Willi kgotsa nnyaa. The South African Revenue Services e mametlelela ntlha ya Estate Duty ebile go simolola ka kgwedi ya Sedimonthole a tlhola malatsi a le 9, lekgetho le le tsewang go tswa mo dithotong tsa moswi le lekanyetswa go dipresente dile 20%. Go ya ka Estate Duty Act, 1955, Act 45 of 1955 seno se letlelesegile, ebile mo nageng ya rona SARS ke yone e e tsayang lekgetho go tswa dithotong tsa moswi. Mme gopola gore ga se mongwe le mongwe yo o amang ke lekgetho leno, bao ba amegang ke bao ba naleng dithoto tse di fetang R3,5 Million. Moeng wa rona ke Rre Simon Mohapi yo eleng Managing Director ya Mohapi Group ba eleng Financial Advisors and Investment Managers ba ba ikwadisitseng le setheo sa Financial Services Board (FSB).

Genesi wa barora temana ya bo Lesome le borobongwe e tlhalosa gore motho o tla tshela ka mofufutso wa phatlha ya gagwe. Mo bosigong jwa gompieno re seka seka bokao jwa temana eno re lebile kgwedi ya badiri le modiri. Moeng wa rona ke Prophet O J Madikong

Re buisana le Professor Sekepe Matjila go buisana ka botlhokwa jwa go keteka Africa Day. Ngwaga le ngwaga re keteka letsatsi la Africa Day jaaka le le botlhokwa mo go rona go tshwaya kitlano ya rona jaaka MaAforika ka kakaretso go akaretsa le go tla ka maano a go gatelapele ka go tlisa ditlhabologo mo mafatsheng a rona. Re nale Vision 2063 e e leng lenane le le tsweletseng go diragadiwa mo dikgatlhegong tsa go tlhabolola mmogo le go tlisa diphetogo mo Aforika ka fo tlase ga boeteledipele jwa African Union. Magareng ga dilo tse dingwe kitso ya Aforika kgotsa ya MaAforika le yone e tshwanela ke go tsosoloswa gore re kgone go dira dilo ka mokgwa o o tshwanelang rona, go tsamaisa dinaga le meruo ka mokgwa wa rona mmogo le thuto e e leng ya rona. Mo bekeng e e fitileng re ne re bua ka go ipela jaaka MaAforika re totile bokwadi jwa Rre Molehe Setiloane yo o neng a dumela gore Aforika e nale kitso le mokgwa wa yone o le nosi fa re leba kitso ka ga Modimo le tumelo ka kakaretso. Mo letlhakoreng le lengwe re tlile go leba gore botlhokwa jwa go eketa letsatsing la Aforika Day ke eng ka kakaretso?

Re buisana ka se se bidiwang Private Prosecution le moeng wa rona Advocate Baitse Lekoma Chulu go tswa kwa The National Prosecuting Authority. Private Prosecution le letlelesegile mo nageng ya rona go ya ka molao ebile Section 7 ya molawana wa Criminal Procedure Act. Mo nageng ya rona re nale setheo sele nosi se se simolotseng Private Prosecution, mme kgweding ya Tlhakole Rre Gerrie Nel o ile a bona tiro kwa Afriforum gore a etelepele lepatha la bone la Private Prosecution. Go fitlha ga jaana bontsi bo santse bo tlhakatlhakangwa ke tsamaiso mmogo le dithata tseo ditheo di naleng tsone fa ba tsweletsapele dikgetsi.

1st Guest: Advocate Xolile Xuma Position: National Secretary ya Technical and Vocational Education and Training College Governance Council (TVETCGC)2nd Guest: Mme Dorothy Masipa Position: Director for Financial Planning in the TVET BranchDepartment of Higher EducationPresenterRe buisana le Advocate Xolile Xuma yo eleng National Secretary ya Technical and Vocational Education and Training College Governance Council (TVETCGC). Moeng wa rona wa bobedi ke Mme Dorothy Masipa yo eleng Director for Financial Planning in the TVET Branch go tswa Lefapheng la Thuto e Kgoloane. Puisano ya rona e mabapi le kgwetlho e re itemogelang one ka ntlha ya go tlhoka matlole a a lekaneng go thusa baithuti ba ba tsweletsang dithutong tsa bone kwa di TVET Colleges. Ditheo tsa di Technical and Vocational Education and Training Colleges di bone kokeletso ya matlole e e ka nnang dipresente dile 6.2%. Mme re tshwanela ke go gopola gore di TVET colleges ke tsone tse di tsayang karolo e tona thata mo nageng ya rona go nneela batho bokgoni jo bo tswelang naga ya rona mosola re totile Ikonomi mmogo le kgolo ya dikgwebo. Di university tsone di bona tshegetso ya matlole a le mantsi tota mme seno ke ka ntlha ya ditiragalo tsa #FeesMustFall, moo re boneng baithuti ba dira ditshupetso tse dineng di tletse dikgoka kgatlhanong le go duela dithuto tsa bone. Setheo sa Financial and Fiscal Commission (FFC) ke sone se se ribotseng kabela ya matlole a ditheo tsa thuto e kgoloane. Di TVET’s di botlhokwa thata, ebile gar a tshwanela go di leba jaaka ditheo tse di leng gone go thusa baithuti ba ba sa bonang diphatlha kwa di University

Re buisana le Professor Sekepe Matjila ka kgang e e leng botlhokwa thata. Gopola gore Aforika Borwa le Aforika ka bophara e nale letlamorago kgotsa histori e e tlhagisang ditiragalo tsa maloba segolo bogolo jang kgatelelo ya dipuso tsa bokoloniale. Africa Borwa ke nngwe ya dinaga tse dineng di le ka fo tlase ga puso e e neng e ikamanya le bokoloniale. Mme fela, kgang ya rona e mo thutong e e neng e newa bantsho ka nako ya bokoloniale. A na ene ele thuto e e neng e ba tlhabolola kgotsa e ba gatelela le go feta. Re mo kgweding ya Motsheganong moo re lebang gore MaAforika a tswelelapele jang go tswa mo dikgwetlhong tse ba samaganeng le tsone. Fa o leba maemo a bantsho ka kakaretso mo continenteng ya Africa, go santse go nale tiro e ntsi thata gore re fitlhelele maemo a a tlileng go tlhabolola botshelo jwa batho botlhe. Mme pele ga re ka fetola dilo mo nakong e re leng mo go yone, re tshwanela ke go leba kwa morago gore re tle re kgone go gatela pele. A na thuto ya Bokoloniale e re tshwetse mosola kgotsa ene e se molemo mo go rona ka kakaretso?

Ditumelo tse di farologaneng di nale ditsela tse di farologaneng go thusa badiri go itepatepanya le dikgewetlho tse di farologaneng tswa kwa tirong, Bangwe ba dirisa Thapelo le thotloetso ya semowa go kgona go emelana le maemo a a sa itumediseng. Mo kgweding eno ya badiri, Mo bosigong jwa gompieno re batla go itse gore a setso se nale mokgwa o o se o dirisang go tshegetsang modiri fa a itemogela dikgwetlho kwa tirong. Moeng wa rona ke Ngaka Sello Mothupi

African Union Anthem

Re buisana le Dr Motsoko Pheko yo eleng mokwadi wa dibuka, mme ele Mo Presidente wa maloba lekoko la The Pan Africanist Congress. Puisano ya rona e mabapi le tiro e a e dirileng mo nageng ya rona mmogo le mo kgaratlhong ya go menola puso ya tlhaoleele mo malobeng. Gopola gore Aforika Borwa mo bekeng e e fitileng ene e keteka dingwaga dile 23 tsa Demokrasi, mme go botlhokwa go leba kwa morago go leboga le go keteka botshelo jwa baeteledipele ba rona. Mme go simolola ka 1960 Dr Pheko ele karolo ya dipolotiki mo nageng ya rona ebile a ntse a tsweletsepele go nna lentswe la batho go nnetefatsa fa re tshela mo nageng e e gololosegileng ebile botlhe ba itumelela yone. Dr Pheko ke mongwe wa bao ba simolotseng Day Star College kwa nageng ya Kenya mmogo le Dr. Donald K. Smith. Day Star College ke nngwe ya ditheo tsa thuto e kgoloane tse ditona mo nageng ya rona e e neelanang ka thuto entsi ka kgaratlho ya bantsho mmogo le botshelo jwa bone ka kakaretso.

Mo bekeng e e fetileng ya Paseka, re bone mekgatlho e e farologaneng ya dipolotiki e etela dikereke go rapela le tsone, Mo bosigong jwa gompieno re batla go itse gore a go phoso fa mekgatlho ya dipolotiki e etela diphutego go rapela le one. Moeng wa rona ke Moruti Rev. Moss Ntha yo eleng Mokwaledi wa Evangelical Association of South Africa

Re buisana le Linda Vilakazi yo eleng Chief Exeutive Officer ya Oliver & Adelaide Tambo Foundation mabapi le karolo ya mogaka wa rona yo o setseng a iketseng Badimong Rre Oliver Tambo. Gopola gore O R Tambo ke mokgaratlhi mmogo le molwela kgololosego yo o neng ele karolo ya lekoko le le busang ga jaana la ANC. Mono ngwana go ketekwa dingwaga dile lekgolo (100 years) go gopola seabe sa gagwe go tloga ka nako e o a tsetsweng ka yone ka 1917 go fitlha 2017. Dingwe tsa dilo tse di tsayang karolo ga jaana mo nageng ya rona di tlhoka gore re lebelele gore balwelakgololosego ba ne ba kgaratlhela eng? Seno se tlile go re thusa gore re kgone go nnetefatsa gore re aga naga e e naleng tsamaiso e e baying baagi ba yone kwa pele. Oliver Tambo ke mongwe wa bao ba ileng ba tsweletsapele dithuto tsa gagwe kwa University of Fort Hare ntswa ele karolo ya dipolotiki. Mme seno se raya gore o ne a nale makwalo a a leng maleba a a neng a mo letla go dira jaaka Mmueledi mmogo le Morutabana. Mme ka ntlha ya maemo a puso ya tlhaoleele Rre Tambo o ne a nale kamano le botsalano le dingwaga tse dileng kwantle, go thusa lekoko la ANC go tsweletsapele ntwa kgatlhanong le puso e e neng e gatelela bantsho. Mo nakong e re leng mo go yone re nale Oliver & Adelaide Tambo Foundation, e e simolotsweng ka maitlhomo a go sireletsa le go tsweletsapele ditiro tsa Rre Oliver Tambo. Oliver & Adelaide Tambo Foundation e butswe simmuso ka di 24th of October 2011, ke MoPresidente Jacob Zuma yo o ileng a buwa ka karolo ya Rre Tambo mo kgaratlhong kgatlhanong le puso ya tlhaoleele, both obo a neng a nale bone, boeteledipele mmogo le boineelo jwa gagwe go bona naga ya rona e nna e e leng botoka go botlhe.

Re buisana le Lindiwe Hani yo eleng ngwana wa Chris Hani mabapi le botshelo jwa rragwe. Chris hani ene ele molwela kgololosego ebile ele moeteledipele wa South African Communist Party ebile a le Chief of staff ya Umkhonto we Sizwe. Ka Mosupologo re ne re gopola tiragalo e setlhogo ka nako eo Chris Hani a ileng a bolawa ka yone ka ngwaga wa 1993. Balatofadiwa ba polao ya Chris Hani ba akaretsa Janus Waluz mmogo le Clive Derby-Lewis. Tiragalo eno e fetotse seemo sa naga ya rona thata ka ntlha ya gore ngwaga morago ga loso la Chris Hani Aforika Borwa e ile ya bona kgololosego e e neng e letile ke bontsi jwa batho ba ba neng ba kgaratlha go lwantsha puso ya tlhaoleele. Lindiwe Hani o kwetse buka ka botshelo jwa gagwe mmogo le se a se gopolang ka rragwe Chris Hani. Ka nako eo Chris Hani a neng a bolawa ka yone, Lindiwe o ne a le dingwaga dile 12. Mme se Lindiwe a se gopolang thata ke lerato le rragwe a neng a mo neela lone mmogo le phatlha e a e tlogetseng mo lelapeng la gaabo morago ga gore a bolawe. Re mo kgweding e e ketekang kgololosego mme go botlhokwa go gopola gore re tswa kae jaaka naga e e naleng histori entsi.

Re buisana le Advocate Mme Lebogang Stroom yo eleng karolo ya Committee e e eteletsengpele Information Regulator mo nageng ya rona. Gopola gore mo ngwageng o o fitileng Parliamente e tsere tshweetso ya go simolola kantoro eo e tlileng go ikarabela mo go yone ka fo tlase ga molao wa The Protection of Personal Information Act, 2013 (PPI Act). Mme seno se raya gore kantoro ya Information Regulator key one e e smamaganeng le go nnetefatsa gore ditheo ka go farologana di latela melao e e beilweng mabapi le go fitlhela mmogo le go dirisa tshedimoso e e leng ka ga mongwe le mongwe mo nageng ya rona. Mme Pensy Tlakula ke ene yo eleng Chairperson ya kantoro ya Information Regulator e e simolotseng mo kgweding ya Sedimonthole e tlhola letsatsi mo ngwageng wa 2016. Mme Tlakula o dira le baitsi molao ba ba tlhopilweng go nna karolo ya committee e e elangtlhoko gore tiro ya information Regulator e tsamaya sentle mo dingwageng dile tlhano tse di latelang.

Re bua le Tukisetso Kopela yo eleng Motsamaisi wa togamaano ya mafelo le tiriso ya Lefatshe go tswa Lefapheng la Tlhabololo ya magae le tokafatso ya lefatshe. Puisano ya rona e mabapi le Spatial Planning and Land use Management Act e e leng molao o o leng mabapi le tiriso ya lefatshe leo puso e le dirisang. Seno se raya gore molao ono o tlhagisa dintlha ka botlalo mabapi le tiriso ya lefatshe ka kakaretso mo nageng ya rona jaaka re nale maikarabelo a go dirisa lefatshe go tokafatsa maemo botshelo jwa rona mmogo le a ikonomi ya naga ya rona. Dimasepala di dira ka fo tlase ga molao ono jaaka di nale maikarabelo a go tlhalosa tiriso ya lefatshe mmogo le og tlhokomela tsamaiso ka kakaretso ka fo tlase go boeteledipele jwa di Municipal Planning Tribunals. Molao ono o akaretsa lefatshe le le leng kwa metseng magae ka ntlha ele lone le le tlhokang ditlhabologo tse di ka re thusang go tokafatsa botshelo ka kakaretso. Lefatshe le dirisiwa go aga matlo mmogo le temo thata, mme re tshwanela ke gole dirisa ka botlhale le ka tlhokomelo go sala morago ditlhabologo tse di tsayang karolo. Go ya ka Chapter 3 ya molao ono diprofense ka go farologana ditshwanela ke go nna le ditheo tse di neelwang maikarabelo a tsamaiso ya lefatshe le tiriso ya lone. Puso e nale manane a a leng maleba go nnetefatsa fa molao ono o diragadiwa ka go dirisisa mekgwa e meraro e e akaretsang National support and monitoring, Provincial support and monitoring mmogo le Municipal differentiation.

Re buisana le Rre Simon Mohapi yo eleng Managing Director ya Mohapi Group ba eleng Financial Advisors and Investment Managers ba ba ikwadisitseng le setheo sa Financial Services Board (FSB). Re leba kgang ya junk status e Aforika Borwa e iphitlhelang ele mo go yone mo nakong eno. Ka Mosupologo re amogetse pego ya setlamo sa S&P Global e e tlhagisitseng gore ikonomi ya Aforika Borwa e tshwanela ke gonna mo junk Status. Standard & Poor Global ke rating agency go tswa kwa America mme e neetse Aforika Borwa maemo a BB+ a Junk Status.

Mo thulaganyong ya rona re lebelela dithoto tseo sheriff a nang le tetle ya go di ntsha/go di tsaya le tseo a sa tshwanelang go ditsaya tsa modirisi (Sheriff Role and Responsibilities as well as Movable and Immovable Consumers Property). Go sa duele dikoloto ga go ame fela seemo sa dituelo tsa modirisi , go kopane le gore motho a ka feleletsa ale kwa kgotlatshekelo ka ntlha ya melato, mme fa gole jalo go ka fitlha mo ntlheng ya gore motho yo omo kolotang kgotsa setheo se ikatumetse gaufi le kgotlatshekelo. Mo eleng gore jaaka modiriso ga o latele ditaelo kgotsa o gana go duela, ke mo go feleletsang go romelwa di Sheriff go tsaya dithoto tsa gago go duela seela sa sekololo seo o se kolotang. Moeng wa rona ke Boitumelo Chulu yo eleng Magistrate go tswa Mahikeng Magistrate Court.

Re bua ka baruti bao ba lwelang ditshwanelo tsa botho. Baruti ke batho ba gantsi ba thusang batho ka dilo tse difarologaneng ebile ba reediwa le go tlotliwa ke batho, mme seo se dira gore batho ba batshepe ka seo ba se dirang. Dilo dingwe tse ba di dirang ke go thusa batlhoki, bana bao ba senang batsadi le tse dingwe. Baeng ba rona ke Pastor Zwai Quadikazi mmogo le Professor Gill Maleka go tswa kwa Bakgatlha ba Kgafela Tribal Council

he Bloemfontein Celtic and Football fraternity is in mourning, following the death of the club’s former owner and current Life-Time President, Rantlai Petrus Molemela. Born on the 16th pf April 1933, Molemela passed this morning (Sunday, 26 March 2017) after a long illness that somehow affected his health badly.

Re lebelela mefuta eo e farologaneng ya dipitso kgotsa pitso ya badimo le gore badimo ba tla ka mokgwa oo ntseng jang mo mothong? Gonna ngaka ga ese selo seo motho o ka itlhopelang sone, mme bontsi jwa batho ba tlogela ditiro fa bangwe ba kgaogana le dikolo. Re nale di ngaka tsa bana le bagolo seo motho o ipotsang sone ke gore a goa kgonagala gore motho o ikgatolose pitso eno. Bangwe ba lwala fa ba bangwe ba bona ka ditoro gore ba nale pitso ya badimo. Moeng wa rona ke Ngaka Mothupi.

Re bua Rre Dennis Makhutle yo eleng Legal Administration Officer go tswa kwa Lefapheng la Bosiamisi mme re buisana ka Equality Act mmogo le ka tsamaiso ya dikgotlhatshekelo, re totile le ditshwanelo tse re naleng tsone go di dirisa. Naga ya rona e ikaegile mo tshireletsegong ya molaotheo mmogo le mo tiragatsong ya one go nnetefatsa fa ditshwanelo tsa botho di sireletsegile ka nako tsotlhe. Mme re nale ditheo di tshwana le dikgotlhatshekelo tse di dileng teng go nnetefatsa fa bosiamisi bo diragadiwa mo nageng ya rona re totile dikgetsi tse di leng mabapi le tshireletsego ya ditshwanelo tsa botho. Re mo kgweding ya ditshwanelo tsa botho mme re tshwanela ke go di diragatsa go jaaka molaotheo o tlhomame mo ntlheng ya dithata tse re naleng tsone go ya ka Section 9. Mo ntlheng e nngwe the Promotion of Equality and the Prevention of Unfair Discrimination Act, 2000 (Act No. 4 of 2000) ke karolo ya molaotheo o o mametlellang tshegetso e re tshwanelang ke go e bona go tswa mo pusong ka nako tsotlhe fa re nale matshwenyego kgotsa fa ditshwanelo tsa rona di gatelelwa. Mo letlhakoreng le lengwe molaotheo o kaya gore ditheo di tshwana le The South African Human Rights Commission mmogo le Commission on Gender Equality di tshwanela ke go ema nokeng batho botlhe ba ba iphitlhelang ba le batswasetlhabelo ba tshotlo e e gatelelang ditshwanelo tsa bone.

Re buisana le Rre Mike Kgauwe, mme puisano ya rona e totile tiro le maikarabelo a Housing Tribunal segolo bogolo jaaka re le mo kgweding ya ditshwanelo tsa botho. Go nale mathata a le mantsi a re kopanang le one fa re leba ntlha ya badirisi mmogo le tshireletsego e ba naleng yone fa ba hirile matlo a a farologaneng. Go ya ka Rent House Act No. 50 of 1999, go botlhokwa go tlhaloganya gore selo sa ntlha se re tshwanelang ke go se gopola ke ditshwanelo tsa batho bao ba hirang matlo mmogo le tsa di landlords. Mme le fa gole jalo go nale di Rental Housing Tribunals mo diprofenseng tse di farologaneng mo nageng ya rona tse di neelanang ka thuso e e sa duelelweng fa go nale thuso e o e tlhokang. Mathata a go ntshiwa mo matlong ka kgang, ke a mangwe a mathata a a leng kwa setlhoeng, mme mo ntleng e e ntseng jalo o tshwanela ke go itse ditshwanelo tsa gago mmogo le dikgato tse dileng maleba tse o ka di salang morago. Go nale baitsanape ba ba thapetsweng go dira dipatlisiso tse di nnetefatsang gore bothata bongwe le bongwe bo rarabololwa ka tsela e e leng maleba kwantle ga go gatelela tenant kgotsa landlord.

Re bua le Moremogolo Malebana yo eleng PHD scholar Media Law kwa Communication University of China ebile ke moitsanape wa tiriso ya Maranyane. Re bua le ene re totile The Cybercrime and Cybersecurity Bill e eleng molaokakangwa o o leng teng kwa dinageng tse dingwe go thibela bosinyi jo bo diriwang go dirisiwa maranyane mmogo le go kgontsha puso gonna le mekgwa e e leng maleba go tshwara disinyi tseo. Kwantle ga seo seno se tsositse dipuo dile dintsi ka ntlha ya fa baitsanape ba bangwe ba tlhalosa gore molao ono o tlile go lemoga le go bona melaetsa ya badirisi. Le fa gole jalo motlatsa tona ya Lefapha la Bosiamisi Rre John Jeffery, o kaile fa molao ono ole botlhokwa go thibela bosinyi ka go elatlhoko badirisi mmogo le se ba se kwalang mo maranyaneng se se tlhagisang maitlhomo a go dira bosinyi, go bolaya kgotsa go tlhasela mongwe kgotsa setlhopa sa batho o dirisa dikgoka. Ka ngwaga wa 2015 puso e ile ya tswa etsholo go ngoka baagi go tlhagisa maikutlo a bone mabapi le molaokakangwa ono mmogo le go dira ditshwaelo, mme ga jaana Parliamente e tlile go sekaseka molaokakangwa ono. Dinaga tse di setseng di nale mekgwa ya go lwantsha Cybercrime di akaretsa United States of South Africa, China, United Kingdom, Russia, France, Italy, Japan, Germany, Canada.

Re bua le Rre Snega Konyana yo eleng Social Activist mabapi le botlhokwa jwa go ithulaganya le molaotheo o o letlang gore mongwe le mongwe a dirise ditshwanelo tsa gagwe. Kgang ya rona e mo ntlheng ya tiriso ya puo le kgololosego ya go e dirisa ka phuthulogo go sa kgathalasege maemo kgotsa lefelo le re iphitlhelang re le mo go lone. Kgang eno e rotloeditswe ke ditlhaselo mmogo le bogale jwa mafoko a a neng a lebane Sebueledi sa Lefapha la Social Development Lumka Oliphant. Mme gopola gore mongwe le mongwe o nale tshwanelo ya go dirisa puo ya gagwe, go akaretsa le kwa Parliamenteng. Lumka o kailwe a ne a sa tshwanela ke go bua puo ya gaabo ka ntlha ya fa ele sebueledi sa Lefapha mme o tshwanela ke go bua le MaAforika Borwa ka kakaretso. Le fa gole jalo Section 30 ya Molatheo e tlhalosa gole gontsi ka tiriso ya puso mmogo le tshwanelo ya mongwe le mongwe go e dirisa go ya le ka moo maemo a letlang, kana ke puo ya ga mme kgotsa puo nngwe le nngwe. Rre Konyana o bua gole gontsi le rona ka kgang eno ka ntlha e le botlhokwa mo kgweding eno ya ditshwanelo tsa botho go ikamanya le molatheo mmogo le go diragatsa ditshwanelo tsa rona.

Gompieno re bua ka Matla a banna ba a dirisang fa ba le mo kgolaganong le basetsana jaaka madi, dikoloi mmogo le maemo a bone ka kakaretso. Baeng ba rona ba eleng Rre Cornelius Lebeloe yo eleng Director Advocacy and Social Mobilisation go tswa Lefapheng la Boitekanelo mo Profenseng ya Bokone Bophirima mmogo le Rre Wally Cindi yo o tshelang ka mogare wa HIV dingwaga dile 10.

Re bua le Rre Raseriti Tau yo eleng Deputy Chairperson ya National Council of Provinces. Puisanao ya rona e mabapi le dingwaga dile 20 tsa go tlhongwa ga the National Council of Provinces kamoso fa kgwedi ya Mopitlwe e tlhola malatsi a le mararo. National Council of Provinces ke karolo ya Parliamente jaaka e kgaogantswe ka maphata a le mabedi. NCOP e simolotswe ka fo tlase ga molaotheo wa Aforika Borwa go tsweletsapele lenane la Parliament go natlafatsa tsamaiso e e leng maleba ya diprofense re totile ditshweetsoi tse di amang baagi ka kakaretso. Molaotheo o tshegetsa NCOP go tsweletsapele merero ya puso mmogo le manane a a tlisang tlhabololo ya boeteledipele go simolola ka 1997, ele maiteko a go tokafatsa Aforika Borwa morago ga puso ya Democracy ka 1994. Mme Profense nngwe le nngwe e nale baemedi ba le barataro ba ba tsayang karolo ka nako eo go tsewang ditshweetso tse di tlileng go diragadiwang mo diprofenseng mmogo le mo dipusong selegae. Mme mo ntlheng engwe go botlhokwa go itse gore NCOP e nale dithata tsa go fetola kgotsa go sekaseka mmogo le go ganela melao e e farologaneng e e tlisiwang kwa Parliamenteng. Gopola gore pele ga 1994 bantsho ba ne ba sa letlelelwa gonna karolo ya Parliament, mme go simolola ka 1910 go fitlha ka 1984 puso ya tlhaoleele ene e nale molaotheo o o neng o sa letle bantsho gonna karolo ya parliament. Morago ga foo batho ba mmala ba ile ba akarediwa gonna karolo ya molaotheo ka nako eo o neng o fetolwa ka ngwaga wa 1984 go fitlha ka 1994. Mme se se itumedisang ke gore gompieno re itumelela karolo ya merafe yotlhe kwa parliamenteng morago ga puso ya demokrasi.

Re buisana ka Suspended sentence. Go tlhalosiwa gore fa molatofadiwa a dirile bosenyi mme a bonwe molato, moatlhodi abe amo romela kgolegelong, go nale gona gore moatlhodi a ka beela thoko dingwaga tsotlhe tse molatofadiwa a di atlholetsweng. Potso ke gore ke mo mabakeng afe a a dirang gore molatofadiwa a ka fiwa sere se bitsang suspended sentence. Re laleditse Kegomoditswe Ratshikana yo eleng Legal Practitioner (Attorney) go tswa Legal Aid South Africa’s Lichtenburg Justice Centre

Re lebelela gore bagolo ba ne ba rarabolola jang dikgotlhang mo kgolaganyong ya lorato re lebeletse setso. Kgolagano nngwe le nngwe e nale mathata a yone ebile baratani ba tsamaya ba nna le dikgotlhang tse di farologaneng, mme se se leng botlhokwa ke go nna fatshe go rarabolola mathata a bone.1st Guest: Moses Twala Position: Spiritual leader and Cultural educator at KARA heritage 2nd Guest: Gogo MbhelePosition: Cultural practitioner

Re bua ka batho ba re ba bitsang “Diblesser mmogo le di Blessee”, mme re sekaseka kotsi ya gonna le mogare wa HIV fa o le mo kgolaganyong ya mothale ono. Mo ntlheng engwe re leba mekgwa ya go itshireletsa fa o le mo kgolaganyong ya mofuta ono kgatlhanong le go tshwaetsa ke mogare wa HIV.

Gompieno re lebelela botlhokwa jwa go tlhopa tiro e o e kgonang ebile o e rata. Bontsi jwa barutwana ba tlhoka kitso ya gore ba tlile go dira dithuto dife fa ba tsweletsa dithuto tsa bone kwa ditheong tsa thuto e kgolwane. Mo letlhakoreng le lengwe selo se se leng botlhokwa ke gore morutwana a tlhope dirutwa tse di leng maleba ebile tse tlileng go mo kgontsha go bona tiro e e leng maleba. Mme re batla go itse gore ke dilo dife tseo motho a tshwanetseng go di lebelela fa a tlhopa tiro. Moeng wa rona wa letsatsi ke Mme Lesego Kwinika.

Re buisana le Rre Chris Rabaji yo eleng mmega dikgang wa tsa mawatle le moruo wa dikepe. Puisano ya rona e mabapi le go gopola tiragalo ya go nwela ga sekepe sa SS Mendi ka di 21 kgwedi ya Tlhakole mo ngwageng wa 1917, fa masole ale 616 a ne ba latlhegelwa ke botshelo jwa bone. A le 607 ene ele masole a bantsho ba ba neng ba ineetse go tsaya karolo mo ntwenng ya ntlha ya Lefatshe, mme palo gotlhe ya batho ba ba neng ba le mo sekepeng sa SS Mendi ene e feta 800. Seno se diragetse morago ga gore Sekepe sa SS mendi se thulane le sa SS Darro. Sekepe sa SS Darro se ne se le mo lebelong le le boitshegang ka nako eo mme ga sa nwela ka ntlha eo. Mo letsatsing la labobedi re ne re gopola dingwaga dile 100 morago ga tiragalo eno ebile re bone Mopresidente a etetsepele ditiragalo tsa letsatsi leo go gopola karolo ya bao ba ba latlhegetsweng ke botshelo ka ngwaga wa 1917. Letsatsi la di 21 Tlhakole le itsege semmuso jaaka Armed Forces Day go gopola tiro e botlhokwa ya sesole sa Aforika Borwa mmogo le go tlotla tiro ya bone. Jan Rabaji o ne a le karolo ya bao ba neng ba le mo sekepeng sa Mendi ka nako eo se neng se nwela, mme ke nnakagwe ntatemogolo wa Rre Chris Rabaji.

Jaaka mo letsatsing la mabane ene ele Letsatsi la boditshaba la puo ya ga mme, gompieno re buia ka dithuto tse dileng kwa ditheong tsa thuto e kgoloane tsa dipuo tsa gam me mo nageng ya rona. Mo nageng ya rona re nale dipuo dile 11 tse di dirisiwang semmuso ebile kgodiso ya tsone e mo go rona jaaka beng ba puo mmogo le puso ya rona ya Demokrasi. Dithuto tsa puo ya ga mme diteng mo nageng ya rona go sireletsa dipuo tsa rona mmogo le go nnetefatsa fa re tsweleletsapele setso sa rona mmogo le bokwadi. Mo ntlheng ya bokwadi, re kgona go kwala dibuka re dirisa puo ya rona jaaka Batswana go nnetefatsa fa kitso ya rona e sireletsega mmogo le go tlhaloganyesega sentle. Mme sengwe se se leng botlhokwa ke go tlhaloganya gore puo ya rona e tswa kae kgotsa e simolotse kae ebile e farologane jang le dipuo tse dingwe tse dileng teng mo nageng mmogo le mo continenteng ya rona. Mo malobeng puo ya rona entse e sa bonwe jaaka se se bidiwang an Interllectual property, se se kayang gore puo ya rona ke boipelo jwa rona ebile fa re e dirisa merafe e mengwe e tlile go e tlotla mmogo le gore tlotla ka re le batho ba ba ikitseng gore ba tswa kae. Puo ya English e dirisiwa ke batho bale 900 Million mo lefatsheng jaaka puo ya ga mme mmogo le puo e e dirisiwang ke merafe e e farologaneng ya lefatshe go buisana ka puo ele nosi.

Re buisana ka Basha le Bagolo ba ba leng mo kgolaganyong ya lerato mmogo le kotsi e ba iphitlhelang ba le mo go yone ya go nna le mogare wa HIV/Intergenerational Relationships and Disease

A o fetsa go aloga morago jaana kgotsa o eletsa go tsweletsa dithuto tsa gago ka kwa ntle ga naga? Setlhogo sa gompieno re lebelela ditŠhono tsa matlole a boditŠhabatŠhaba.Re tlile go leba gore ke ditsela dife tseo moithutia a ka bonang ditŠhono tseno ka teng le go lebelela dipoelo tsa dithuto tsa ka kwa ntle. Ntlha e ngwee ee botlhokwa ke gore Lefapha la Thuto e Kgolwane le Katiso le dira le dipuso tsa kwa ntle ga naga go netefatsa fa re bona matlole a boditŠhabatŠhaba segolo jang mo baithuting bao ba alogileng mo dithutong tsa degree jalo le jalo. Moeng wa rona ke Mme Lesego Kwinika yo eleng Assistant Director go tswa Lefapheng la Thuto e kgolwane le katiso /Department of Higher Education and Training

Re buisana le Motlotlegi Kgalema Motlhanthe yo eleng MoPresidente wa boraro wa naga ya rona ebile ele molwelakgolosego yo o neng a ineetse go fetola Aforika Borwa gonna botoka. Re mo itse thata ka karolo ya gagwe jaaka ele tokololo ya lekoko la sepolotiki la African National Congress e e neng e tsentse letsogo thata kgaratlhong ya gore naga ya rona e gololwe go tswa mo pusong ya maloba ya tlhaoleele. Kgalema Motlanthe o ne ele karolo ya Umkhonto We Sizwe ka nako eo a neng a dira kwa nageng ya Swaziland a thus aka go katisa ditokololo tse dingwe go siamela go lwantsha puso ya tlhaoleele ka nako eo. Ka ngwaga wa 1997 o ile a tlhopiwa gonna General Secretary ya Lekoko la ANC ka nako ya Conferense e e neng e tsaya karolo mo toropong ya Mafikeng, e e leng Mahikeng ga jaana. Mo pusong ya Demokrasi Rre Motlanthe o ile a newa maemo a bo Presidente ka ngwaga wa 2008 ka kgwedi ya Lwetse e le malatsi a le 25 go fitlha ka ngwaga wa 2009 ka kgwedi ya Motsheganong e tlhola malatsi a le 8. Ga jaana ke Modulasetulo wa Legislative Review Panel ya Parliament e maikaelelo a yone e leng go sekaseka maemo ka kakaretso mo nageng ya rona re totile Demokrasi. Go simolola ka 1994 molaotheo wa naga ya rona o ile wa fetola go tokafatsa maemo a botshelo jwa botlhe ka go tla ka melao e mesha e e nnetefatsang fa dikgatlhego tsa moagi mongwe le mongwe mo nageng di tla pele.

Re buisana le Advocate Gerrie Nel. Puisano ya rona e mabapi le tiro ya gagwe e a e simolotseng kwa AfriForum. Gopola gore Advocate Nel o ne a direla bothati jwa Bosekisis jwa Bosetshaba kana National Prosecuting Authority of South Africa. O fentse dikgetsi dile dintse tsa maemo a kwa godimo ebile o ne a le karolo ya kgetsi e tona mo lefatsheng e e neng ele ya polao kgatlhanong le Oscar Pistorius. Mo letlhakoreng le lengwe re tlile go leba ntlha ya Private Prosecution mo nageng ya rona, le gore e tlile go dira jang jaaka Gerrie Nel ele karolo ya AfriForum. Private prosecution ke sengwe se se sa tlwaelegang mo nageng ya rona mme AfriForum e simolotse Private Prosecution Unit ya ntlha mo nageng ya rona e e tlileng go ba thusa go tsweletsapele morero wa bone wa go lwela ditshwanelo tsa botho mo nageng ya rona ya Aforika Borwa.

Gompieno re ka go laiwa pele ga lenyalo re lebelela le botlhokwa jwa teng.Gona le dilo tse di diriwang pele ga batho ba nyalana mme nngwe ya dilo tseo ke go laiwa ke bagolo ba go bakanyetsa go tsena mo nyalong. Moeng wa rona ke Professor Tony Malefo Maleka go tswa kwa Bakgatlha Traditional Authority.

Re tlile go buisana le Rre Dingaan Mangena yo eleng State Law Adviser mo lepateng la Legislation Development. Puisano ya rona e mabapi le Molao kakangwa wa Traditional Courts Bill.Gopola gore molao kakangwa ono o nale nako e telele o ntse o le teng mme go tlhokega ditumalano magareng ga botlhe ba ba amang ke molao ono. Boeteledipele jwa puso bontse bo samagane le go busetsa serodumo le Lekgotla la bogosi le le tsayang maikarabelo a go tsaya ditshweetso mabapi le sengwe le sengwe se se amang morafe o o eteletsengpele ke Dikgosi tsa rona. Mo letlhakoreng le lengwe re ntse re lemoga dikopano tse di leng mabapi le Traditional and Khoi-San Leadership Bill, e re kileng ra bua kay one mo ngwageng o o fetileng pele ga fa ngwaga o ya kwa bofelong. Go santse go nale dintlha tse di sa tlhamalalang gongwe gape re ka leba le ntlha ya gore go nale tlhokego ya ditherisano le batho ba ba leng maleba mabapi le melao e e tsamaisanang le merero ya Segosi. Molao kakangwa ono o tswa mo karolong e e fetotsweng ya Sections 12 and 20 of the Black Administration Act of 1927.

Re buisana le Apostle Julius Moloi yo eleng President ya Christian Minsiters Council of Southern Africa. Puisano ya rona e mabapi le The Prevention and combating of Hate Crime and Hate Speech Bill e e leng molaokakangwa o o solofetsweng go tlisa dipheotogo mo nageng ya rona jaaka re totile puo e e naleng letlhoo. Mo ngwageng o o fetileng re ne re ntse re itemogela ditiragalo tse di farologaneng tse di neng di bontsha fa bosemorafe mmogo le letlhoo ele dingwe tsa dilo tse di tshwenyang thata ebile di aroganya baagi ba naga ya rona. Gontse go sena molao o o totileng go otlhaya bao b aka fitlhelwang ba le molato. Go setse go dirilwe kopo ya gore batho ba ba farologaneng ba sekaseke mmogo le go romela ditshwaelo tsa bone mabapi le diteng tsa Bill eno. Baruti le Borra metlae ke ba bangwe ba ba tshwenyegileng thata ka Bill eno ka ntlha ya fa ba dumela gore ba tlile go samagana le mathata a tiriso ya puo mo ditirong tsa bone. Mme le fa gole jalo potso e nngwe ke gore a wena o itse diteng tsa molao kakangwa ono mmogo le diteng tsa ona jaaka o tlile go go ama fa o dirisa puo. Mo maranyaneng a a farologaneng re ntse re itemogela tiriso ya puo e e leng botlhaswa mme gontse go sena molao o o neelang badirisi ba maranyane ba eleng batswasetlhabelo bokgoni jwa go tlhatlhela kgetsi kgatlhonong le mongwe yo o ka tlhokang a ba kgoba maikutlo.

Fa ngwaga o simolola batho ba lebelela gore ba tsile go dira eng gore ba tokafatse matshelo a bone gore fa ngwaga o ya bofelong ba kgone go bona moputso wa ditiro tsa bona. Mme go direng jalo re dira dilo ka go farologana bangwe ba dira moletlo ngwaga le ngwaga fa o simolola. Mme gompieno re lebelela botlhokwa jwa go dira moletlo eo. Moeng wa rona ke Rre Boikanyo Ramogoelelo.

Re tlile go buisana ka meila e MaAforika a neng a ipela ka yone mo malobeng go nnetefatsa fa ngwana wa Mosimane le Mosetsana ba gola sentle ka go itlotla pele fa ba ka tsena mo lenyalong. Mo bekeng e e fetileng re ile ra buisana ka meetlo ya Setswana e e diriwang pele ga lenyalo. Mme mo go tse dingwe tsa dintlha tse di tlhagileng, ene ele ntlha ya go ipela ka go ikgogela morago mo go tsa thobalano pele ga nako ya lenyalo. Tumelo ke gore fa lekau le lekgarebe ba santse ba itshekile mo go tsa thobalano, ba tlile go nna le lenyalo le le agiwang mo motheong o o leng maleba go tsweletsapele botshelo jwa bone mmogo jaaka monna le mosadi. Mme bothata ke diphetogo tse dileng teng mo botshelong jwa rona jaaka re tlogetse melao le meetlo ya rona jaaka Batswana ba ba dumelang mo setsong. Re tlogetse dilo dife tse dileng botlhokwa ebile di ka re tswela mosola mo botshelong jwa rona?

Re tlile go buisana ka mathata a re itemogelang one mo re itemogelang dintsho dile dintsi nmo nakong e re leng mo go yone. Potso ke gore, A re nale bokgoni jwa go fetola maemo ano ka go tsaya dikato tse dileng maleba go ya ka setso sa rona jaaka MaAforika. Re buisana le Badimo ba rona kgotsa re tshwanela ke go elatlhoko dilo tse eketeng di tsenya botshelo jwa rona mo kotsing? Re dira jang fa gole jaana, re itemogela dintsho dile dintsi. Mo letlhakoreng le lengwe, paka ya meletlo le yone e tsaya matshelo a batho ba le bantsi ka ntlha ya dikotsi tse difarologaneng go akaretsa dikotsi tsa mo mmileng mmogo le tiriso ya nnotagi e e feteletseng. Karabo ya rona ke eng fa re santse re itemogela palo e e leng kwa godimo ya dintsho?

Re buisana le Professor Takatso Mofokeng mabapi le bokao jwa letsatsi la matsalo a Morena Jeso mmogo le gore letsatsi leno le kaya eng mo go rona jaaka Batswana. Go nale ditlhaloso dile dintsi tse di leng mabapi le botlhokwa jwa go keteka letsatsi leno la Chrismas mo nageng ya rona jaaka re le batho ba ba dumelang mo setsong se se sa ikgolaganyeng le ditiragalo dile dintsi tsa lefatshe ka ntlha ya mokgwa wa rona o o farologaneng wa botshelo. Mme le fa gole jalo re keteka letsatsi la Chrismas ebile re nale meetlo e re e dirang ka paka eno. Mo letlhakoreng le lengwe jaaka MaAforika re nale Calendar ya rona e e farologaneng le e e dirisiwang ke puso ya rona mmogo le lefatshe ka bophara ka ntlha ya mabaka a a farologaneng. Potso ke gore a gone Christmas e nale bokao mo go rona, le gore ke karolo ya setso sa rona jaaka MaAforika? Mo letlhakoreng le lengwe baitsanape ba ba dirileng dipatlisiso ba kaya fa Christmas ele letsatsi le le dirisiwang ke Borra dikgwebo go bona letseno le le gaisang ngwaga mongwe le mongwe go ikagela khumo e e leng kwa godimo kwantle ga go sekaseka bokao jwa yone gotlhelele. Nnete ke efe fa go nale bokao jo bo farologaneng mabapi le botlhokwa jwa letsatsi leno mmogo le go le akaretsa mo botshelong jwa rona jaaka MaAforika ntswa ese sengwe se se simolotseng mo nageng ya rona.

Re buisana le Rre Mathanzima Mweli yo eleng Director-General go tswa kwa Lefapheng la Thuto ya Motheo mo nageng ya rona ya Aforika Borwa. Puisano ya rona e mabapi le seemo sa serutwa sa Methametics mo nageng ya rona jaaka re itemogela mathata a baithuti ba ba palelwang ke go falola serutwa seno ka maduo a a leng kwa godimo. Mo bekeng e e fetileng go tlhagile dipego tse dineng dile mabapi le dikgato tsa Lefapha go fetola passing rate ya 40 % go ya go 20%. Lefapha le ganeditse seno, mme le tlhagisitse gore fa moithuti a ka palelwa ke go falola mathematics mme a falotse dirutwa tse dingwe, o tlile go palelwa ke go fetela go mophato o o latelang.

Go keteka keresemose ka ditsela tse di farologaneng. Bangwe ke letsatsi la bone la go iketla mo gae le ba lelapa bangwe ba ya kerekeng, mme ba bangwe ba dira dilo tsa selefatshe. Re sekaseka bokao jwa keresemose, gore keresemose e ketikiwa jang ebile a e santse e ketikiwa ka tsela e maleba. Moeng wa rona ke Prophet O.J Madikong.

Rre Frank Lekaba yo eleng mmatlisiso wa ditiragalo tsa Aforika ka kakaretso go tswa kwa the Human Sciences Research Council (HSRC). Re tlile go leba ditiragalo tse di farologaneng tse di tsereng karolo mo ngwageng ono wa 2016 segolo re totile kitlano ya dinaga tsa Aforika, boeteledipele, tlhabologo mmogo le go aga bokamoso jo bo leng botoka go botlhe ba ba tshelang mo nageng eno. Mo kgweding e e fetileng Rre Lekaba one a etetse naga ya Ivory Coast mme leeto leo ke le lengwe la maeto a a leng botlhokwa thata segolobogolo fa re leba metlhala ya Colonasation e e santseng ele gone kwa nageng eo. Boipuso e santse ele sengwe se se kgoreletsang tsamaiso e e lolameng kwa nageng eno ya Ivory Coast. Mo tsamaong ya ngwaga ono re kile ra bua ka boeteledipele re totile dinaga di tshwana le Ghana e e tseneng mo di tlhopong mo kgweding eno ebile e tlhopile moeteledi yo mosha. Re ile ra bua gape ka tirisano ya dinaga tsa Aforika le naga ya China go tokafatsa maemo ka kakaretso a ikonomi ka ntlha ya fa re tlhoka kgwebisano e e tla tlisang tlhabololo mo nageng ya rona. Mo ntlheng ya dipuso tse di farologaeng, re santse re nale dinaga mo Aforika tse di santseng di tlhoka go fetola tsamaiso ya dinaga tsa bone go nna dinaga tse di naleng Demokrasi. Dintwa le tsone di santse di tsweletse kwa dinageng di tshwana le Sudan, Rwanda, Nigeria go akaretsa le Egypt. Re sekaseka di tiragalo tsa ngwaga wa 2016 le go tlhagisa tse dingwe tsa dilo tse re di fitlheletseng jaaka Continente.

Mo thulaganyong ya rona ya segarona re buisana ka meetlo e e diriwang ko manyalong. Fa paka ya meletlo e goroga batho ba le bantsi ba tsena mo nyalong e boitshepo. Mme re lemoga le go bona ka mokgwa o setso se diragadiwang ka gone fa re tsamaiso ya lenyalo ka kakaretso. Lenyalo ke sengwe se se leng botlhokwa thata jaaka le kopanya batho ba le babedi mmogo le go kopanya merafe e e farologaneng. Moeng wa rona ke Rre Boikanyo Ramogoelelo.

Re buisana le Rre Dennis Makhutle yo eleng Legal Administration Officer go tswa kwa Department of Justive and Constitutional Development. Puisano e mabapi le ditiragalo tsa letsatsi la Lamatlhatso le le leng botlhokwa mo go rona jaaka MaAforika Borwa, ka ntlha ya fa re tlile go keteka dingwaga dile 20 re nale molaotheo o o thegileng naga ya rona. Gopola gore molaotheo ke sengwe se se leng botlhokwa thata mo nageng nngwe le nngwe ka fa e nnetefatsa gore tsamaiso ya naga ke e e leng maleba go ya le ka ditumalano tse di tlhotlhomisang gore puso e tlile go direla le go tlhokomela baagi ba yone. Morago ga ngwaga wa 1994 Aforika Borwa e ile ya fitlhela kgololosego e e neng e pateletsa puso ya rona go tlhoma molaotheo o o leng maleba go tlisa diphetogo tse dineng di tlhokega go aga bosha naga ya botlhe. Gopola gore pele ga 1994 re ne re gateletswe ke melao ya puso ya tlhaoleele e e neng e gatelela bantsho. Go simolola ka 1996 Aforika Borwa e ile ya tlhoma semmuso molaotheo o re naleng one mo nakong e re leng mo go yone mme re setse re itemogela diphetogo tse rentseng re di labalabela. Le fa re nale dikgwetlho mme mongwe le mongwe mo nageng ya rona o gololosegile ebile o nale ditshwanelo tse di mo kgontshang go tsaya karolo mo tlhabologong ya Aforika jaaka moagi. Ka letsatsi la lamatlhatso re tlile go leba diphitlhelelo le go supa diphetogo tse di tlisitseng ke molaotheo wa naga ya rona ya Aforika Borwa le gore o botlhokwa gole kana kang mo go rona.

Re buisana ka banka ee simolotsweng ke basadi baba dirileng jalo ka go fetolela stokvel go nna banka e ba e bitsang coporative. Go itshimololela dikgwebo ke mokgwa mongwe wago reba botlhoka tiro jobo tlhalosiwang bole kwa godimo mo nageng ya rona ya Afrika borwa. Gona le basadi baba ipopileng ngatana babo ba itshimololela banka gotswa mogo sere se bitsang gore ke stokvel. Go utlwa kgaang e ka botlalo re laleditse Mme Nthabeleng Likotsi yo eleng mosimolodi gape ele managing director ya young women in business network.

Re buisana le Rre Neo Masithela yo eleng karolo ya The National Executive Committee ya Farmers’ Association of South Africa (AFASA) mabapi le madi a a kgwedi le kgwedi a badiri ba kwa diplaseng. Mme moeng wa rona wa bobedi ke Mamokete Lijane yo eleng Panellist kwa The National Economic Development and Labour Council (NEDLAC) ebile ke Macro Strategist. Gopola gore mo kgweding e e fetileng Motlatsa MoPresidente Rre Cyril Rmaphosa o ile a bega gore bonnye jwa madi a a amogelwang ke badiri botlhe a tshwanela ke go gonna R3 500 ka kgwedi ka ntlha ya fa maemo a botshelo mo nakong e re tshelang mo go yone. Gopola gore mo kgweding e e fetileng Motlatsa MoPresidente Rre Cyril Rmaphosa o ile a bega gore bonnye jwa madi a a amogelwang ke badiri botlhe a tshwanela ke go gonna R3 500 ka kgwedi ka ntlha ya fa maemo a botshelo mo nakong e re tshelang mo go yone. Rre Aggrey o ile a tshwaya gore AFASA e amogetse pegelo eno mme ba itumelela dikgato tse di tsereng ke Rre Cyril Rmaphosa. Mo letlhakoreng le lengwe The National Economic Development and Labour Council (NEDLAC) ke yone e e eteletseng pele diphetogo tseno le go nnetefatsa gore badiri ka kakaretso mmogo le bathapi ba itse ka diphetogo tseno. Dipatliso tse dingwe di ribotse gore badiri ba ba tlhokomelang batho ba le bane mo lelapeng, ba tshwanela ke go amogela madi a kana ka R5 500 ka kgwedi. AFASA e kaile gore le fa ba amogetse kokeletso ya madi, ba santse ba nale matshwenyego a gore balimi ba ba potlana ga ba dire letseno le le ka ba kgontshang go duela badiri bonnye jwqa madi a R3 500 ka kgwedi. Tshekatsheko e ntse e tsweletsepele mme AFASA e setse e iteretse boikuelo jwa gore NEDLAC e sekaseke maemo a a tshwanang le ano

Re tlile go buisana le Tshepo Nzimande yo eleng mongwe yo o tsereng karolo mo botshelong jwa Sfiso Ncwane fa a ne a simolola go tlhagelela ka magetla. Mo letsatsing la mabane re amogetse molaetsa wa gore Sfiso Ncwane o tlogetse lefatshe leno morago ga go tlhaselwa ke bolwetsi jwa diphio.

re lebelela ditheo tsa thuto e kgolwane tseo di seng mo molaong gape di sena tetla ya go ruta /tsamaisa manaane a dithuto, maitlhomo e le go simolola letsholo la go tsibosa barutwana le batho botlhe ka ditheo tseo di senang tetla ya go katisa kgotsa go ruta baithuti ,tseo di itsegeng jaaka dikolo tsa di “Fly-by-night”. Seno re se dira ka gonne re itse gore barutwana ka ngwaga wa 2017 ba tlile go batlana le ditŠhono tsa go ithuta , mme go tlhopa college mo baŠheng ba ba ntsi go tla le go itumedisa le kgatelelo ya maikutlo fa o tshwanetse go tsaya tshoetso ya gore o ttlhopa efe. Re buisana le Mme Lesego Kwinika ka ntlha eo.

Bofelo jwa ngwaga dikereke ka mefuta di dira meletlo e farologaneng mme Gompieno re lebelela dikopano tsa di kereke le gore ba dira eng ko dikopanong tseo. Moeng wa rona ke Pastor Vusi Masango.

Re buisana le Rre Vela Bai yo eleng Nutritionist e e thusang batho bao ba nang le mogare wa HIV ka nutritious management, ebile o nale dingwaga dile 26 a nale mogare wa HIV. O aroganya kitso ya gagwe le rona

Re buisana le Rre Puseletso Mofokeng yo eleng Senior Forecaster go tswa South African Weather Service. Re tlile go ithuta gole gontsi ka tiro eo ba e dirang mmogo le go tlhaloganya gole gontsi ka diphetogo tsa maemo a loapi ka kakaretso mo nageng ya rona. Komelelo e ntse e le gone go simolola mo ngwageng o o fetileng, mme go ya ka baitsanape ba ba farologaneng seno ke ka ntlha ya mabaka a a farologaneng a a akaretsang kgotlhelego ya loapi mmogo le go tlhoka melao e e gagametseng e e ka thibelang bao ba dirang ka di chemical tse di leng bogale go ebile di kgotlhela loapi. Mo letlhakoreng le lengwe ke ka ntlha ya se se bidiwang El Nino Effect e e kaiwang ele nako kgotsa e go nnang le komelelo kgotsa tlhokego ya dipula tse di tlwaelegileng. Labofelo fa re ne re itemogela El Nino effect ya mothale ono, ene ele ka dingwaga tsa di 1940. Ditlha le tsone di fetogile ka ntlha ya seno, le dipula di tlhola merwalelo mmogo le diphefo tse di sa tlwaelegang.

Molao wa ditlhobolo le tiriso ya tsona. Go ya ka molawana o o laolang ditlhobolo wa ngwaga wa 2000 mo Afrorika Borwa (Firearm Control Act of 2000 In South Africa), ditlhobolo/Private guns ga dia letlelelwa mo dikagong tsa puso. Re buisana le Kgotso Thuwe yo eleng mmueledi gotswa Legal Aid SA’s Mafikeng Justice Centre

Gompieno re lebelela gore a setso se nale ka mokgwa o se gatelelang basadi ka teng kgotsa gongwe ke go sa tlhaloganye mekgwa le tiriso ya setso mo basading. Gantsi mosadi o tshwanela ke go apara ka tsela e e rileng ka ntlha ya setso mme seno se feleletsa se tlisa ketsaetsego ya kgatelelo mo basading go itlhopela moaparo. Mo letlhakoreng le lengwe go nale ditso tse tse ganetsang basadi gonna baeteledipele ka ntlha ya fa ba dumela gore monna ke ene fela yo o di etelang pele. Go utlwa gole gontsi re buisana le moeng wa rona Professor Gill Maleka.

Re lebelela ditshono le ditirelo tseo dileng teng mo go seo se itsegeng jaaka Central Application Clearing House (CACH) go baithuti bao ba batlang go tsweletsa dithuto tsa bona, mme ba sa kgona go amogelwa ke ditheo tsa thuto e kgolwane kgotsa ba sa kgona go dira dikopo ka nako. Mme go baithuti ba mophato wa marematlou ba ngwaga wa 2016 bao ba emetseng dipholo tsa bona re ba eleletsa masego, ba gopole gore National Senior Certificate ke kgoro ya go tsena ka ditheo tsa thuto e kgolwane mono nageng.Re buisana le Mme Lesego Kwinika ka ntlha eo.

Re buisana le Mme Constance Mogale yo eleng The Alliance for Rural Democracy (ARD) National Coordinator. Puisano ya rona e mabapi le dithulaganyo tsa go tshwara ditheetso le baagi ba kwa metseng magae re totile The Traditional and Khoi-San Leadership Bill. Seno ke sengwe se se leng botlhokwa go nnetefatsa fa ma Khoi-san le bone ba akarediwa jaaka morafe yo o naleng ditshwanelo tsa gonna le lefatshe mmogo le bogosi ka ntlha ya fa ba le karolo ya naga ya rona ya Aforika Borwa. Cooperative Governance and Traditional Affairs e tsere tshweetso ya go nnetefatsa fa go nna le dikgato tse dileng maleba go sekaseka botlhokwa jwa go akaretsa morafe wa ma Khoi-san mo lekgotlheng la magosi mmogo le go tsweletsapele ditheetso le baagi mabapi le nnetefatsa fa gonna le sengwe se se diriwang ka The Traditional and Khoi-San Leadership Bill. Go simolola ka ngwaga wa 1997 gontse go sekasekwa molao kakangwa ono go tlhomiwa jaaka molao mme ekete gwa retela go fitlhela kgatelelopele. Dingangisano di ntse di tswelepele kwa Parliamenteng mabapi le go akarediwa ga segosi le boetedipele jwa ma Khoi-san, mme Rre Richard Mdakane yo eleng Chair of the Portfolio Committee on Cooperative Governance and traditional affairs o tsere tshweetso ya gore go tshwarwe ditheetso kakaretso le baagi mo diprofenseng tse di farologaneng mo nageng ya rona

Bangwe ba bua gore malome ke mongwe wa banna ba ba sotlang bana mme mo letlhakoreng le lengwe bangwe ba itse botlhokwa jwa Malome jaaka a tshameka karolo e tona mo ditlogolong tsa gagwe go ba sireletsa. Ka jalo, gompieno re bua ka malome yo o leng kgatlhanong le tshotlo ya bana. Moeng wa rona ke Prophet Simon Sehemo

Re phela mo lefatsheng le mongwe le mongwe anang le dikakanyo le tumelo ya gagwe. Re tshela matshelo a rona ka go farologana ka jalo re tlhoka itshokelano gore re kgone go phidisana.Gompieno re batla go itse gore itshokelano ke eng le botlhokwa jwa teng. Moeng wa rona ke Pastor Vusi Masango

Tsala mo Sekolong sa bosigo re buisana ka Military Law, mme moeng wa rona ke Brigadier General Eric Mnisi go tswa Sesoleng sa Aforika Borwa/ South African National Defence Force

Re buisana ka Mashi a ditonki mmogo le go tlhaloganya gore, goreng a siametse mmele wa rona. Moeng wa rona ke Johannes Visagie yo o kayang fa mashi a ditonki a nowa. University ya kwa Botswana e setse e mo neetse lekwalo semmuso le le kayang fa mashi a tonki a siame ebile a nale dikotla le bokgoni jwa go alafa malwetsi a a farologaneng. #KaeKapaKae

Thulaganyo eno o e tlisediwa ke lefapha la Bodumedi le Setso la Motsweding FM. Ka di 19 Ngwanatseele ke letsatsi la banna la bosechaba (International man’s day), ka jalo gompieno re tsile go sekaseka tlhaloganyo ya monna gore o phela a naganne eng le dikgwetlo tse a kopanang le tsone le gore setshaba sa reng ka monna yoo segolo bogolo le karolo ya gagwe mo botshelong go ya ka setso. Moeng wa rona ke Professor Gill Maleka.

Re buisana le Rre James Ndlebe yo eleng Director ya Education Management and Governance Development kwa Lefapheng la Thuto Ya Motheo. Thuto ya motheo le yone e tsaya karolo e tona thata mo nageng ya rona go aga isago ya bana ba rona mme fa maemo a le bokoa re tlile go retelelwa ke go neela bana ba rona bokamoso. Re buisana le ene re totile boeteledipele mo nageng ya rona go nnetefatsa gore naga ya rona e tsaya maikarabelo a go tsweletsapele thuto ya motheo ka kakaretso. Mo kgweding e e fetileng gone go nale kopano ya PAN Children e e neng ele msbspi le Leadership in South African schools, mme Lefapha la Thuto ya Motheo le lone lene lele karolo ya kopano eo go sekaseka se se bidiwang Programme to Support Pro-Poor Policy Development.

Re buisana le Reverend Josephine Mekgoe yo eleng Director for Community Education and Training North West Department of Higher Education. Puisano ya rona e mabapi le seemo sa thuto mo nageng ya rona re totile dikgwetlho tse re naleng tsone morago ga gore Statistics South Africa e ribole gore re nale palo e e leng kwa godimo ya baithuti kwa ditheong tsa thuto e kgoloane (Universties). Seno se dira gore re retelelwe ke go tsweletsapele lenane la Lefapha mmogo le manane a mangwe a ditheo tsa thuto e kgoloane. Mo nakong e re leng mo go yone go nale baithuti ba ba fetang 1 million ba ba tsweletsang pele dithuto tsa bone, mme re tlotse palo e e amogelesegileng ya 600 000 go ya ka bokgoni jwa naga ya rona le ditheo tse difarologaneng. Mme sengwe se re tshwanelang ke go se gopola ke gore go nale ditheo tsa thuto tsa baagi kgotsa jalo Community Colleges tse dileng gone go thusa le go tsweletsapele baagi ba Aforika Borwa pele segolobogolo jang baithuti ba ba retelelwang ke go tsweletsapele dithuto tsa bone. Re ntse re tlhokometse fela di University, mme re tlhoka kitso entsi ka ditheo tse dingwe tsa thuto tse dileng gone go re thusa go tsweletsapele thuto ya boleng go botlhe. Re buisana le moeng wa rona gole gontse ka kgang eno.

Re buisana le Rre Moagi Kodisang yo eleng Modulasetulo wa North west Provincial Disability Forum. Re totile dikgwetlho le tiragatso ya melawana e e rotloetsang ditshwanelo tsa botlhe mo nageng ya rona jaaka re le mo kgweding e e lemosang nna le wen aka ditshwanelo tsa batho ba ba naleng bogole. Ngwaga mongwe le mongwe ekete go santse go buiwa ka dikgwetlho tse di tshwanang mme kgatelopele e bonala e sa fitlhelwe ka ntlha ya fa melao e sa diragadiwe ka ntlha ya mabaka a a farologaneng. Goya ka Disability Policy motho mongwe le mongwe yo o naleng bogole o nale ditshwanelo jaaka mongwe le mongwe mo nageng ya rona.Dintlha tse dileng botlhokwa di akaretsa go diragadiwa ga ditshwanelo tsa botho, go tlotliwa, go akarediwa mo nageng ya rona ka kakaretso, go bona ditshono tse di bonwang ke batho botlhe kwantle ga go kgethololwa. Re ntse re bua seno ngwaga le ngwaga mme ekete re santse re setse kwa morago ka ntlha ya fa Molaotheo o dumalana le sengwe le sengwe se se kwadilweng mo Disability Policy. Policy eno e dirisiwa mo diprofenseng tsotlhe mo nageng ya rona ele maitlhomo a puso go nnetefatsa gore Disability Rights Alliance le yone e thusa go diragatsa Disability Policy ka mokgwa o o tshwanetseng. Mme potso e re tshwanelang ke go e botsa ke gore; Goreng re sa diragatse ditshwanelo tsa batho ba ba naleng bogole ka botlalo, mo nageng ya rona?

Re buisana le Adv Sipho Mantula mabapi le letsatsi la segopotso le Mme Merriam Makeba a iketseng Badimong ka lone kwa ngwaga wa 2008. Re mo itse jaaka Mama Aforika ka ntlha ya ditiro tsa gagwe mo mererong ya tsa mmino ka kakaretso, ebile ele mongwe yo o neng a tsweletsapele mmino o o neng o rotloetsa bantsho ka nako ya puso ya tlhaoleele. O itsege lefatshe ka bophara ga lona ka ntlha ya go diragatsa ga gagwe kwa di consarateng/concert tse ditona mo lefatsheng ka bophara. Re ipela ka ene le mo letsatsing la gompieno, mme re tshwanela ke go gopola Mama Aforika ka go tlotlomatsa karolo ya gagwe jaaka seopedi sa maemo a kwa godimo.

Re lebelela ditŠhono tsa ditiro tse dileng teng tsa batho bao ba naleng le bogole. Goa kgonagala gore mongwe wa batho bao re ba itseng ba ka tswa ba nale bogole. O kgona go tsalwa o nale bogole ebile o kgona go nna le bogole ka mokgwa wa kotsi. Bogole bo kgona go ama botshelo jwa gago ka mekgwa ee farologaneng e ka nna ka go ama tlhaloganyo, mmele le kgolo ya gago. Aforika Borwa e keteka kgwedi ya letsholo la bosetŠhaba ya ditshwanelo tsa batho bao ba naleng bogole ngwaga le ngwaga magareng ga ngwanaatsele a tlhola malatsi a le mararo go fithla sedimonthole a tlhola malatsi ale mararo.

Guests: Chaplain Ethel Phillips and Professor Magome MasogaPresenter: Re lebelela gonna le kagiso kgotsa seo se itsegeng jaaka inner peace mo letlhakoreng la tumelo. Gonna le kagiso kgotsa inner peace re tsaya gore ke seemo sa go nna le kagiso mo moweng le mo tlhaloganyong. Re seka seka motho yo o senang Kagiso mo moweng (inner peace) le gore ke eng se se dirang gore motho a senne le Kagiso le bowena (inner peace).Baeng ba rona ke Chaplain Ethel Phillips le Professor Magome Masoga

Guest: Sputnik RatauPosition: Director: Media Liaison and Content DevelopmentFrom: Department of Water and SanitationPresenter: Re buisana le Rre Sputnik Ratau yo eleng Director: Media Liaison and Content Development go tswa kwa Department of Water and Sanitation.Puisano ya rona e mabapi le tlhokego ya bokgoni mmogo le manane a a leng maleba go nnetefatsa fa Aforika Borwa e kgona go golelapele mo lephateng la metsi. Metsi a botlhokwa thata ebile go tlhokega tlhokomelo e e leng bosisi thata jaaka bontsi jwa baitsanape ba kaya fa re tile gonna le tlhaelo ya metsi mo isagong. Go simolola ka ngwaga wa 2015 re itemogetse tlhokego ya dipula tse re tshepetseng mo go tsone gore re bone metsi a a tlileng go dirisiwa mo nageng ya rona. Mme seno se ama tiriso ya metsi ya letsatsi le letsatsi, temothuo mmogo le tiriso ya metsi ka kakaretso. Mo letlhakoreng le lengwe re tlhoka go tla ka maano le go oketsa palo ya baitsanape ba ba naleng bokgoni mo lephateng la metsi. Lefapha la metsi le dirisana le ditheo tse difarologaneng tse di dirang dipatlisiso tse di supang fa re santse re tlhoka bokgoni le boitsanape jo bo tswang mo nageng ya rona kwantle ga thuso e re kae fitlhelang kwantle ka ntlha ya tirisano le dinaga tse dingwe. Go ya ka dipatlisiso lephata la metsi mo nageng ya rona le tlhaela bokgoni jwa diengineere, babatlisisi mmogo le di artisan. Mme seno se dira gore re palelwe ke go godisa lephata leno ka go neela MaAforika Borwa botlhe metsi mmogo le mokgwa wa go sireletsa kgotsa go somarela metsi gore ka nako ya tlhaelo metsi re nne le tharabololo ya ka bonako.

Re buisana ka tsamaiso ya tlhalo (Filing for divorce). Kgaogano ya banyalani ga se kgetsi e potlana, fa batho ba babedi baba nyalaneng ba kgaogana ba tshwanetse go latela tsela ee maleba yago dira jalo. Gona le tsela ee maleba ee tshwaneseng go latelwa .Ao kile wa ipotsa gore go diragala eng fa batho ba tlhalane segolo ban se ba nyalane. Re laleditse Moagi Motswatswa yo eleng mmueledi (Attorney), gotla gore tlhaba pudi matseba ka kgang e.

Re sekaseka di superstition gore ke eng, re lebeletse nako ya segompieno gore a batho ba santse ba di latela . Re lebelela di superstition tsa go tshwana le fa letsogo la gago le baba go raya gore otla fiwa chelete, fa o bona katse e ntsho wa gonna le bati, ga leitlho le tlola otla nna le baeng, le fa o tima moimana dijo otla tswa karakanki. Moeng wa rona ke Rre Boikanyo Ramogoelelo.

Re buisana le Rre Phillip Kgosana yo eleng molwela kgololosego ebile ele mokgaratlhi yo o neng a le tokololo ya lekoko la Sepolotiki la Pan-African Congress of Azania. Puisano ya rona e mabapi le botshelo jwa rona mo nakong e releng mo go yone re totile dikgwetlho tse re santseng re lebane le tsone tse di akaretsang thuto ya botlhe kgotsa yone Free Education. Go simolola mo ngwageng o o fetileng baeteledipele ba baithuti ba ba farologaneng go tswa ditheong tse difarologaneng mo Africa Borwa ba ile ba tsweletsapele maitlhomo a bone mabapi le go bona thuto e e sa duelelweng go thusa le go tshegetsa baithuti ka kakaretso go bona thuto jaaka ele botlhokwa. Re a dumalana gore thuto e botlhokwa mme ke sengwe se puso e se tsayang tsia jaaka go nale ditheo tse di tshwanang le sa NAFSAS, tse di neelang baithuti ba ba ikwadisetsang thuso ya matlole a thuto tshegetso e ba e tlhokang go nnetefatsa fa ba bona thuto. Mme ditshupetso tsa baithuti di gopotsa bontsi jwa rona mo nageng ka ditiragalo tsa mo malobeng ka nako ya kgatelelo ya puso ya tlhaoleele. Re buisana le Rre Kgosana re totile boetedipele jwa basha re totile dilo tse di tlhokegang go etelapele mokgatlho, e kanna wa baithuti kgotsa wa baagi ba ba batlang go bona diphetogo mo botshelong jwa bone.

Re buisana le Dr Olaotse John Kole yo eleng Senior Lecturer ya Department of Criminology and Security Science kwa setheong sa Thuto e kgoloane sa UNISA. Kgang ya rona e mabapi le tharabololo e e ka tlisiwang ke ditheo tsa porafete tse di neelanang ka ditirelo tsa tshireletso re totile maano a go thusa sepodisi go lwantsha bosinyi mo nageng ya rona. Mo nakong e e fetileng re buisane ka dikgwetlho tse dileng teng ebile di thibela sepodisi go dirisana mmogo le ditheo tsa tshireletso tsa poraefete. Maano ke a mantsi mme le fa gole jalo go tshwanela gore gonne le leano le le leng maleba.

Re buisana le Mme Nono Likhoeli yo eleng New Business & Entrepreneurship Manager go tswa kwa The South African Graduate Development Association (SAGDA). Re buisana le ene re totile mathata a a lebaneng naga ya rona jaaka botlhokatiro e santse ele tlhobaboroko ebile e re ama rotlhe go sa kgathalesege gore o tsenele sekolo kgotsa o nale dikwalo tse dileng maleba. Go ya ka dipalopalo tse di golotsweng ka kgwedi ya Seetebosigo Aforika Borwa e nale 25.31 percent ya batho ba ba tlhokang ditiro ka kakaretso. Mme baithuti ba ba tsenang sekolo ga jaana le bone ba tlile go ama ke botlhokatiro mo isagong fa re sa rarabolole mathata a botlhokatiro a re naleng one mo nageng ya rona. Le fa gole jalo puso e nale manaane a a farologaneng go thusa baithuti ba ba naleng dikwalo go bona ditiro. Mme mo letlhakoreng le lengwe ditshono tse dintsi di teng fa re leba ditiro tse go tlhokegang bokgoni jo bo sa tlwaelegang mme ekete baithuti ba le bantsi ba tlhopa go ithutela dithuto tse go naleng batho ba le bantsi gone. Ditheo ditshwana le The South African Graduate Development Association (SAGDA) di tsweletse go leka go thusa baithuti botlhe mabapi le mathata a ba naleng one. Bothata jwa tlhokego ya ditiro ga se ba puso fela mme ke bothata jwa rona botlhe go tla ka maano a a leng maleba go fetola matshelo a rona, go akaretsa le maphata a poraefete.

Re buisana ka go akarediwa ga dipuo tsotlhe mo nageng ya rona jaaka gole botlhokwa go tsweletsa le go godisa dipuo tsa rona tsotlhe. Puo ke karolo ya setso sa rona jaaka MaAforika Borwa, mme e tsaya karolo e tona thata mo botshelong jwa rona ka ntlha ya fa re e dirisa letsatsi lengwe le lengwe. Mo nageng ya rona re nale dipuo dile 11 tse di tshwanelwang ke go dirisiwa go ya ka molaotheo wa naga ya rona ka ntlha ele karolo ya ditshwanelo tsa batho tse di tshwanelang ke go diragadiwa. Puo ya ga mme e botlhokwa thata mo go rona jaaka ele puo e re golang ka yone ebile re e tlwaetse, mme go bonolo thata go e tlhaloganya le go ithuta ka yone mmogo le goe sireletsa. Puo ya English ke puo e e dirisiwang jaaka puo e e leng maleba fa re bua le merafe e mengwe go tswa kwa mafatsheng a a farologaneng, kgotsa kwa tirong kgotsa kwa sekolong. Mme le fa gole jalo dipuo tse dingwe tse dileng teng mo nageng ya rona ga di neelwe tshono ya go dirisiwa jaaka go dirisiwa puo ya English mo nakong e ntsi. Batsadi le merafe e e farologaneng ba tshwanela ke go jara maikarabelo a go somarela puo le go e lwela fa e sa dirisiwe kgotsa ele mo kgatelelong. Re mo pusong ya demokrasi mme ekete re santse re palelwa ke go kgarametsa mathata a a lebaneng kgolo ya puo kwa ka ntlha ya fa re sa diragatse molaotheo. Kwa dikolong puo ya English e tsewa ele e e leng botlhokwa go gaisa puo ya gam me ka ntlha ya fa ele puo e e kaiwang ele yone e bana ba e tlhokang go tswelelapele mo botshelong ka kakaretso. Go ya ka the South African Schools Act, Act 84 of 1996 puo ya gam me e tshwanela ke go akarediwa mo dithutong tse dinewang ngwana mongwe le mongwe ebile go ya Act 108 of 1996 puo tsotlhe di tshwanelwa ke go dirisiwa go ya ka tekatekanyo ka kakaretso mo nageng ya rona. .

Mo thulaganyong ya rona ya tsa Tumelo. re seka seka ntlha ya matimone le go tlhaloganya gore ke eng? Moeng wa rona ke Moporofeta O.J Madikong yo o emelang Tumelo ya Sekeresete.

Re buisana le Mokwadi wa dibuka tsa Setswana Rre Mokgatlha Mothoagae, re totile Tumelo ya Batswana mo Badimong go tswa ga lowe. Re tlile go leba gore tumelo ya Batswana mo Badimong e simolola kae le gore e botlhokwa jang mo botshelong jwa bone jaaka re totile botlhokwa jwa go sireletsa meetlo le setso sa rona ka kakaretso. Mme sengwe se se leng botlhokwa ke kgolaganyo e re naleng yone le Badimo ba rona go bua le go ba letlha gonna karolo ya botshelo jwa rona ka kakaretso. Mo letlhakoreng le lengwe Motswana o dumela fa Badimo ba nale bokgoni le matla a go sireletsa botshelo jwa mongwe le mongwe yo o dumelang mo go bone. Ka Ngwaga wa 2013 go ya ka buka ya bopaki ya lekgotlha la dipatlisiso la CIA e tlhalosa fa selekanyo sa 6% ya batswana e le badumedi, mme nnete ke gore bontsi jwa Batswana ke batho ba ba dumelang mo Badimong kwantle ga tikatiko.

Re mo kgweding ya ngwao boswa mme gompieno re lebelela tumelo jaaka ele tsela ya botshelo. Bontsi jwa batho ba mo ditumelong tse di farologaneng tse ba dumelang fa di ba thusa mo botshelong. Baeng ba rona ke Prophet Paul Qhomane wa tumelo ya Christianity mmogo le Chaplain Ethel Phillips wa tumelo ya Judaism

Re buisana le Rre Richard Keothaile yo eleng Chief Director go tswa kwa Lefapheng la Rural Development and Land Reform, mabapi le se se bidiwang The 50/50 farming kgotsa policy framework e e tlileng go nnetefatsa fa badiri ba kwa dipolaseng ba nna le karolo ya dishere mo dipolaseng tse ba dirang kwa go tsone. Lenane leno le ribotswe semmuso ke MoPresidente wa naga ya rona ka kgwedi ya Phatwe e tlhola malatsi a le 20 kwa Westcliffe Farm kwa Umshwathi municipality. Mme le fa gole jalo ka ngwaga wa 2014 tona ya Department of Rural Development and Land Reform o ile a itsise semmuso maitlhomo a lefapha go tsweletsapele badiri ba ba dirang kwa dipolaseng tse di farologaneng mo nageng ya rona. Go nale National Empowerment Fund e e leng mo tirisanong le puso go tsweletsapele lenane leno go nnetefatsa fa lefapha le diragatsa maitlhomo a lone.

Re buisana le Professor Shole Shole go tswa kwa North West University mmogo le Professor Thapelo J Otlogetswe yo eleng Professor ya Linguistics and Lexicography kwa Universty ya Botswana. Re tlile go bua ka puo mmogo le melao e mengwe ya puo e e kgoreletsang kgolo ya puo, go akaretsa le go iletsa mafoko a mangwe a puo go phepafatsa puo. Mme mo letlhakoreng le lengwe go tloga ga lowe puo e ntse ele phepha le fa gone go dirisiwa mafoko ao re akanyang gore a tshilafatsa puo ya rona. Le fa gontse jalo goreng re tshwanela ke go dumelela puo ya rona go gatelela ke melao e o e gatelelang puo ya rona mmogo le mafoko a a leng maleba? Fa re bapisa puo ya English mmogo le puo ya rona go nale pharologanyo e tona thata mabapi le puo e e buiwang. English ke puo e e dirisang mafoko a a tlhamilweng kwantle ga melao e o e tilang tiriso ya mafoko a mangwe mme ke ka ntlha eo puo eno e golang ka yone. Ekete rele Batswana re palelwa ke go laola puo ya rona mmogo le go e sireletsa ka ntlha ya fa re letlelela gore gonne le diphgetogo tse di feleletsang di kgaola mafoko a mangwe a a ikemetseng. Puo ya Setswana ga jaana ke puo e e tlhalosang bontsi jwa dilo ka ntlha ya gore go nale melao e e gatelelang tiriso ya mafoko mmogo le go ama puo ka kakaretso e e buiwang ke merafe ya Batswana kwa magaeng, dikolong mmogo le kwa ditirong. Ke maikarabelo a mang go sireletsa mmogo le go godisa puo ya rona? Re dira jang gore re tile diphetogo tse di gapeletsang go fetolwa ga mafoko ka ntlha ya maemo a a farologaneng ntswa dipuo tse dingwe di somaretse puo le mafoko a a dirisiwang?

Gompieno mo thulaganyong ya rona ya tsa Boitekanelo re tlile go buisana le Ngaka Isaac Mashitisho yo eleng Physician. Re tlile go buisana ka go sala morago ditaelo tsa ngaka morago ga gore a go neele prescription ya go bona melemo kwa Phamarcy kgotsa kwa marekelong a a rileng. Go botlhokwa go sala morago ditaelo sengaka e se kwetseng mo lekwalong la gagwe le le supang gore o tlhoka melemo e fe, le gore o e tsaya nako e kae. Ka nako tse dintsi batho ba nale go tlhakatlhakanya ke lekwalo la ngaka mmogo le se se kwetsweng mo melemong. Mo letlhakoreng le lengwe gopola gore go nale diPhamarcist tse di ikgatolosa se se kwetsweng mo lekwalong la Ngaka mabapi le melemo e e leng maleba gore balwetsi ba alafege. Go ya ka molao Ngaka mmogo le Phamarcist ba rwala maikarabelo a botshelo jwa molwetsi yo o senkang thuso ka go bona melemo e e leng maleba mme go botlhokwa gore gonne le tirisano mmogo e e leng maleba.

Re buisana le Mme Tshegofatso Modubu mabapi le The National Development plan e e leng lenane la puso go tlhabolola botshelo jwa MaAforika Borwa ka kakaretso re totile ngwaga wa 2030. Tlhabololo e botlhokwa mo nageng ya rona gore re kgone go gatelapele jaaka naga e e tlhokometseng batho ba ba tshelang mo go yone. Thuto, ditiro, tlhabololo ya metsemagae, temothuo le tokafatso ya ikonomi ke dilo tse di leng karolo ya lenane legolo la NDP go fitlhelela maemo a a botoka mo nageng ya rona ka kakaretso mme seno ke maitlhomo a a feletseng a puso go bona Aforika Borwa e e eleng Botoka. Gopola gore puso le yone e tlhoka thuso ya Borrakgwebo le dikgwebo tse difarologaneng tse di tona go godisa lenane la lone go bona kgatelelopele mo dithulaganyong tsotlhe tse dileng teng. Fa Phatwe a ne a tlhola malatsi a le 21, puso e ile ya ribola letshwao kgotsa Brand Identity ya The National Development Plan e e gopotsang mongwe le mongwe maitlhomo magolo a puso. Mme le fa gole jalo go nale dikgwetlho dile dintsi tse di kgoreletsang kgatelopele ya naga ya rona re totile lenane la The National Development plan jaaka ikonomi e e santseng ele bokoa mo nageng ya rona ga jaana.

Re buisana le Professor Kealeboga J. Maphunye yo o tswang kwa Lefapheng la Political Sciences kwa setheong sa Thuto e Kgolwane sa University of South Africa. Puisano ya rona e mabapi le se se bidiwang Race Relation kgotsa kgolaganyo le mokgwa yo re tshelang mmogo le merafe e mengwe. Mo ngwageng ono re bone bosemorafe bo tlhagelela thata ka ntlha ya ditiragalo tsa bosemorafe tse di pateleditseng kgwedi ya Mopitlwe gonna kgwedi e re neng re lwantsha bosemorafe ka yone. Mme morago ga dilo tseno tsotlhe ditheo le baitsanape ba ba farologaneng ba ntse ba tsweletse go dira dipatlisiso mabapi le bokamoso jwa naga ya rona re totile ka mokgwa o re tshelang mmogo ka gone le merafe e mengwe mo nageng ya rona ya Aforika Borwa. Mme dilo dile tse dileng kwa setlhoeng fa gontse go diriwa dipatlisiso tse dileng mabapi le bosemorafe mo nageng ya rona ke kgang ya tekatekanyo, tumelo ya go iposolosetsa kgatlhsanong le basweu ka ntlha ya puso ya maloba, go bona bontlha bongwe mo ikonoming ya naga ya rona mmogo le boeteledipele ka kakaretso mo pusong, maphata a poraefete mmogo le tlhabololo ya maemo a botshelo. Mme gopola gore naga ya rona e mo dingwageng dile 22 tsa Demokrasi mme go santse go nale dikgogakgogano tse di re aroganyang le go feta mme seno se rotleotsa dintwa tse di ka tswelelang pele tsa bosemorafe mo nageng ya rona ya Aforika Borwa

Re buisana ka go boloka le go laola dikoloto ka nako ele nngwe (How to manage debt and save). Go botlhale gore o duele dikoloto tsa gago pele o boloka, mme se sere lebisa kwa kgannyeng ya rona ya gompieno eleng go boloka lego laola dikoloto ka nako ele nngwe. Re buisana le Rre Ntshale Phalatse le Rre Monyane Nkagisang ba eleng di Financial Planner

Re buisana ka tsamaiso le melao e e leng teng kwa dikolong tsa rona mo nageng ya rona ka kakaretso. Sekolo sengwe le sengwe se tshwanela ke go sala molao wa Lefapha la Thuto ya Motheo mabapi le tsamaiso e e lolameng kwa dikolong tsa rona. Mme le fa gole jalo dikolo tsa rona di farologane mme mo melaong ya dikolo, batsadi le bone ba nale seabe mo tumalanong ya melao ya dikolo. Fa o tsenya ngwana sekolo o tshwanela ke go elatlhoko gore o itse tsamaiso ya sekolo seo ka ntlha ya fa ngwana le ena a tshwanela ke go itshola go ya ka molao wa sekolo seo. Puo, maitshomolo a ngwana mmogo le moaparo wa ngwana ke dilo dingwe tse di leng kwa setlhoeng fa o batlela ngwana sekolo gore o kgone go tlhaloganya gore o tsenya ngwana wag ago mo sekolong se se ntseng jang. Mme jaaka naga ya rona ele ya demokrasi, ngwana mongwe le mongwe o nale tetla le tshwanelo ya go tsena sekolo go ya ka molao. The National Education Policy Act, 1996 (Act No. 27 of 1996) le South African Schools Act, 1996 (Act No. 84 of 1996) ke melao e e leng gone mme e neelana ka lesedi mabapi le sengwe le sengwe se se leng mabapi le sekolo, karolo ya motsadi mmogo le maikarabelo a puso go neelana ka thuto mo ngwaneng mongwe le mongwe mo nageng ya rona go ya le ka molatheo wa naga ya rona. Re sekaseka tsamaiso ya dikolo mo nageng ya rona mmogo le melao e e leng teng e re tshwanelang ke go e tlhaloganya jaaka batsadi go thusa bana ba rona.

Re buisana le Rre Oupa Bodibe yo eleng Seboeledi sa MEC ya thuto ya motheo kwa Profenseng ya Gauteng Rre Panyaza Lesufi. Puisano ya rona e mabapi le seemo sa kwa sekolo sa Pretoria Girls High School morago ga dipego tsa go kgerisiwa ga bana ba basetsana ka ntlha ya meriri ya bone ke barutabana ba bone. MEC Lesufi o ile a etela sekolo seo go utlwa gole gontsi ka matshwenyego a bana ba naleng one kwa sekolong seo, mme o ile a fitlhela maemo a le bosisi jaaka bana ba tlhagisitswe selelo sa bone mabapi le tshotlo ka mafoko e ba e bonang letsatsi lengwe le lengwe. Molao kgotsa Polisi ya sekolo e totobetse mo ntlheng ya moaparo, maitsholo a ngwana kwa sekolong mmogo le meriri e e dumeletsweng kwa sekolong. Mme le fa gole jalo dipatlisiso di santse di tsweletsepele.

Mo thulaganyong ya rona ya tsa Tumelo, Jaaka re tshwaragane le go konesetsa Kgwedi ya Basadi, Re seka seka dikgwetlho tse di lebaganeng le Basadi ba eleng Baruti. Moeng wa rona ke Reverend Matshediso Sehume

Re buisana le Kgosi Kereeditse Lillian Gopa yo eleng kgosi ya Bahurutshe ba Gopane mabapi le karolo ya gagwe e e leng botlhokwa jaaka ele moeteledipele wa morafe. Go ya ka molaotheo wa Aforika Borwa Basadi le bone ba tshwanela ke maemo a Bogosi mmogo le go tsaya karolo ya boeteledipele mo mererong ya setso go kgaotsa mokgwa wa maloba wa go gatelela kgotsa go ganetsa basadi go tsaya karolo. Go ya ka The Traditional Leadership and Governance Frame-work Amendment Act of 2003, molaotheo o letlelela basadi go nna Dikgosi le baeteledipele go sa kgathalesege bong jwa bone kgotsa melao ya setso e e ba iletsang go tsaya maemo a a tlwaelegileng ele a banna fela. Chapte 2 of Act 41 of 2003 ke one o o totobatsang gore basadi ba letlelesegil e gonna dikgosi fa maemo a pateletsa kgato eo. Mme molao ono o ema kgatlhanong le kgethololo mmogo le go rotloetsa tekatekanyo e e leng maleba fa mongwe a nale bokgoni kgotsa a tshwanela ke go tsaya maemo a gonna Kgosi. Kgosi ke Kgosi ka morafe, ebile go botlhokwa gonna moeteledipele yo o naleng maikaelelo a go tlhabolola botshelo jwa morafe ka go ba direla sengwe le sengwe se se leng botlhokwa ebile sele mo dikgatlhegong tsa morafe. Re leba botshelo jwa kgosi Gopane re totile maikarabelo a gagwe mmogo le botshelo jwa gagwe jwa letsatsi le letsatsi.

Gompieno re buisana ka mokgwa o o leng maleba wa go tsamaisa madi a re a dirisang lea rea amogelang (How to balance between income and expenditure). Go botlhokwa gonna le bokgoni jwa go kgaoganya sentle madi a re a dirisang le a rea amogelang, re ka tswa re le mo seemong sefe kana sefe sa matlole gore re kgona go tsamaisa matlole a rona ka nepagalo. Re buisana le Rre Ntshale Phalatse yo eleng Senior financial planner go tswa Sanlam go tla gore tlhatlhelela ka kgang e.

Re buisana le Rre Chris Rabaji yo eleng mmega dikgang wa tsa mawatle le moruo wa dikepe. Aforika Borwa e dirisana le dinaga tse dingwe go tshegetsa Ikonomi ya naga ka go dira kgwebisano le dinaga tseo. Mme gopola gore le rona jaaka naga re bona dipoelo ka go dira jalo fa re dirisana sentle le dinaga tseo re totile kgwebisano mmogo le botsalano jwa nako e telelele. Kgwebisano ya dithototo mmogo le kamano ya dipuso go tsweletsapele kgwebisano ke sengwe se se leng botlhokwa thata jaaka le rona re le karolo ya lefatshe le le tlhokang gore re tsaye karolo mo go lone. Gopola gore re naga e e na leng mawatle a a tlhokomelwang thata go re tswela mosola ka go a nonofatsa le go nnetefatsa fa a sireletsigile. Bodirelo jwa ditlhapi mmogo le tsamaiso ya dithoto ka tirisanommogo le dinaga tse dingwe ke sengwe se se tshegetsang ikonomi ya rona jaaka naga e bona letseno. Seno se itsege thata jaaka Ocean Economy ka ntlha ya fa ele kgwebisano e e godisang serodumo sa naga ya rona mmogo le go bona ditshono dile dintsi fa go nale tlhokego ya ditirelo dingwe tse re ka kgonang go di neela dinaga tse re gwebisanang le tsone. Go na le mafatshe a magolo a bo Rra-dikepe tsa dithoto tsa kgwebo a le 35, mme continente ya Africa e santse e setse kwa morago. Mme le fa go le jalo, Afrika Borwa e rwalelwa dithoto ke mafatshe a jaaka bo Denmark, China le bo Japan.

Mo thulaganyong ya rona gompieno re buisana ka melawana ya go kgweetsa o itshietse (Drinking and driving laws). Go ya ka Dr Charles Parry wa the Alcohol and Drug Abuse Research Group mo tlase ga the Medical Research Council (MRC) are 40% ya batho baba tlhokafalang mo ditseleng ke baba nang le bokana ka .08 gms / 100 ml ya seelo sa alcohol mo mebeleng ya bona. Moeng wa rona ke Mme Dimakatso Mkhari yo eleng Justice Centre Executive go tswa Legal Aid South Africa kwa dikantorong tse di kwa Lichtenburg Office.

Mo bosigong jwa letsatsi la gompieno re tlile go buisana ka tekatekanyo ya basadi le banna le moeng wa rona Lerato Tshabalala. Gopola gore molaotheo wa naga ya rona o kaya fa re lekana botlhe go sa kgathalesege bong kgotsa mmala wa rona. Mme le fa gole jalo tiragatso ya molaotheo ke sengwe se re tshwanelang ke go se elatlhoko ka ntlha ya fa go santse go nale dikgwetsi tse di kgoreletsang basadi go gatelapele mo botshelong ka kakaretso. Basadi ba eleng baeteledipele kwa ditirong mmogo le ba ba dirang le banna ba santse ba iphitlhela ba kgoreletsega mo tirong ya bone ka ntlha ya fa tikologo e ba leng mo go yone e sa ba letle go diragatsa bokgoni jwa bone. Mme seno se dira gore go nne le phatlha e e golang magareng ga banna le basadi go ipona fa ba lekana. Mme go botlhokwa go gopola gore mokgwa ono wa go gatelela basadi o busetsa morago tswelelopele ya rona botlhe re le naga ya Aforika Borwa. Ga go bonolo go fetola mokgwa o motho yo mongwe a akanya ka gone mme fela seno ga se raye gore basadi batshwanela ke go ikgogela morago ka ntlha ya karolwana fela ya banna ba ba ithayang gore ba botoka go nale basadi. Mo letlhakoreng le lengwe basadi ba bona katlego ka ditsela dile dintsi, tse di akaretsang go dira ka natal le go bona makwalo a thuto a a leng maleba, maitemogelo a boitsanape mme bangwe ba kaiwa ba dirisa thobalano go bona maemo kgotsa tswelelelopele e bae solofelang. Go dilo dile dintsi tse basadi ba leng baitsanape mo go tsone mme le bone ba tshwanela ke go itshepa gore kgatelopele ya bone e nne e e itumedisang le go rotloetsa basadi ba bangwe.

Re buisana le Rre Tsepo Khanye yo eleng Media Relations Officer wa The National Student Financial Aid Scheme, mme re buisana ka go tsenya kopo ya go bona tshegetso ya matlole a thuto mo ngwageng o o latelang wa 2017. Gopola gore ka ngwaga wa 2012 NSFAS e ile ya nna le kopano e e neng ele mabapi le mokgwa wa go tokafatsa ikwadiso ya baithuti ba ba tlhokang tshegetso ya matlole go tsweletsa dithuto kwa ditheong tsa thuto e kgoloane. Setheo sengwe le sengwe se nale kantoro ya NFSAS go thusa baithuti kwa ditheong tse di farologaneng mme le fa gole jalo, tsamaiso ya ikwadiso mmogo le thuso e e amogelang ke baithuti e bonagala e santse ele thata. Mme NSFAS e fetotse mokgwa o e dirang dilo ka one ka go dirisa maranyane go thusa baithuti go tsenya kopo ya bone ya tshegetso ya matlole a thuto. Mokgwa ono o bidiwa Central Application System.

Re tlile go bua le Rre Michael Seloane go tswa kwa The Public Service Commission e e leng setheo se se simolotseng ka fo tlase ga molaotheo wa Aforika Borwa go elatlhoko maemo a ditirelo tse di amogelang ke baagi. Mme gompieno re totile pegelo ya PSC e e leng mabapi le tsamaiso ya thuto mo nageng ya rona go kgontsa barutabana le baithuti go tswelelapele mo tirong ya bone. Kgang ya dibuka tse di dirisiwang kwa dikolong ke e e leng tlhobaboroko jaaka barutabana mmogo le baithuti ba diega mo tirong ya bone kwa sekolong. Mme gopola gore ke tshwanelo ya ngwana monge le mongwe mo Aforika go bona thuto ya motheo e e leng maleba go fetola le go tlhabolola botshelo jwa gagwe. Mo tshimologong ya ngwaga ka kgwedi ya Ferikgong le Tlhakole, setheo sa The Public Service Commission se ile sa dira dipatlisiso mabapi le ditirelo tsa lefapha la thuto go romela barutabana dibuka le dilo tsotlhe tse ba ditlhokang go neela bana thuto (Learner and Teacher Support Material). Mme dipatlisiso tseno maikaelelo a tsone ene ele go elatlhoko maemo ka kakaretso kwa dikolong tse di farologaneng gore go tle go tsewe dikgato tse dileng maleba fa maemo a sa itumedisi. Mo letlhakoreng le lengwe dipatlisiso tseno di kgontsha setheo seno go bona fa seemo sa thuto e e neelwang bana se le mo maemong a kwa godimo, dikgwetlho tse di lebaneng baithuti le barutabana mmogo le go nnetefatsa fa moono wa Batho Pele o diragadiwa. Mo diprofenseng dile robongwe (9) PSC e dirile dipatlisiso mo dikolong dile 99 fela, tse dileng kwa metsemagaeng mmogo le kwa ditoropong.

Re buisana ka inshorense ya sekoloto ya badirisi (Consumer Credit insurance). A o nale go ipotsisa gore go diragala eng ka sekoloto sa motho fa a tlhokafala kgotsa gore o tlile go dira jang fa o felelwa ke tiro etsa ona le sekoloto. Ke ka moo re buang ka inshorense ya sekoloto ya badirisi (Consumer Credit insurance)gore tlhalosetsa ka botlalo re laleditele Mrs Refilwe Gaobepe yo eleng Personal Finance Expert

Mo thulaganyong ya rona ya tsa Tumelo, Mo kgweding eno jaaka re keteka kgwedi ya Basadi re leba ntlha ya Basadi le boeteledipele mo kerekeng, A go nale dikgwetlho kgotsa fa e sale tshimologo ya temokrasi go bonagala diphethogo mo ntlheng. Baeng ba rona ke Mme Connie Legodi yo o emetseng tumelo ya Christianity

Mo thulaganyong ya rona re buisana ka go tlhorontsha motho ka go sala metsamao ya gaagwe morago a sa itse ka seo se tlwaelegileng re se bitsa Stalking. Mongwe le mongwe ona le tshwanelo yago nna a babalesegile kwa a nnang gona lekwa a dirang gona, ka jalo o tshwanetse go begela mapodisa fao lemoga seno.

Thulaganyo eno o e tlisediwa ke lefapha la Bodumedi le Setso la MotswedingFM. Mo bosigong jwa gompieno re buisana ka go batlelwa mosadi, jaaka ele mokgwa o o tlwaelegileng wa setso. Moeng wa rona ke Mme Mary Lebopo yo eleng moitsanape wa setso

O amogetswe mo thulagantyong ya rona ya Dithuto tsa Boitekanelo, e o e tlisediwang ke SABC Education mmogo le Motsweding FM. Gompieno Re buisana ka basadi ba ba dirisang dithibela kimo le moeng wa rona Ngaka Vusimuzi Hlongwa yo eleng Ngaka ya Basadi/Gynecologist. Eno gantsi ke tsela ya go laola pelegi le go thibela kimo, e se ka maikaelelo go tila diphoso fa batho ba tsena mo thobalanong. Go nale melemo mmogo le mekgwa mengwe e e sireletsegileng e e dirisiwang go thibela kimo ebile go nale ditlamorago tse di ka amang popelo ya gago fa o sa itlhokomele sentle.

Re tlile go buisana le Rre Lucky Ronald Menoe yo eleng Deputy Director go tswa kwa Corruption watch mabapi le tiro ya setheo seno mmogo le seemo ka kakaretso mo nageng ya rona jaaka ele bone ba ba tlhokometseng gore naga ya rona e lwantsha bonweenwee. Beke nngwe le nngwe setheo seno se pasalatsa dipegelo tse di tlhagisang diphitlhelelo tse di nnang gone fa bonweenwee bo lwantshiwa mmogo le maemo a bonweenwee ka kakaretso. Setheo seno se dirisana le puso mmogo le kantoro ya mosereletsi wa sechaba go lwantsha bosinyi bongwe le bongwe jo bo tsamaisanang le bonweenwee mo tikologong ya rona.

Re buisana le Professor Mabokang Monnapula-Mapesela, mme puisano ya rona e mabapi le basadi mmogo le boeteledipele. Go ya ka setse go tloga ga lowe mosadi e ntse ele motshegetsa monna ebile maikarabelo a gagwe ene ele go godisa bana fela. Mme ga jaana re tshela mo nakong e e fetogileng thata ka ntlha ya tlhabologo e e akaretsang tekatekanyo ya bong mmogo le batho botlhe. Fa re leba histori ya naga ya rona, re ka nopola karolo ya basadi mo kgololosegong ya naga ya rona jaaka re iphitlhela re tshela mo nageng e e naleng kgololosego. Ka 1956 basadi ba feta 20000 ba ile ba kopana go lwantsha puso ya tlhaoleele mmogo le melao ya makwalo itshupo a a neng a gatelela bantsho fela, mme seno ke se supo sa gore basadi le bone ba nale karolo e e leng botlhokwa mo nageng ya rona. Re tshwanela ke go fetola mokgwa o re akanyang ka one, ebile re tshwanela ke go sala morago molao wa naga ya rona o o totobatsang botlhokwa jwa karolo ya basadi. Basadi ke baeteledipele, ebile ke karolo ya tsamaiso ya naga ya rona jaaka ba le teng mo pusong mmogo le mo maphateng a mangwe a poraefete. Gopola gore go akarediwa ga basadi ga se ka ntlha ya go oketsa palo fela ka ntlha ya go diragatsa molaotheo, mm eke sengwe se re tshwanelang ke go se amogela jaaka mongwe le mongwe a nale tshwanelo ya gonna mo tsaya karolo mo ikonoming ya rona, mo boeteledipele mmogo le mo kgaolong e ba iphitlhelang ba le mo go yone. Jaanong kgwetlho e e leng teng mo nageng ya rona e santse ele go amogela le go letlelela basadi gore etelapele ka ntlha ya mabaka a a farologaneng. Mme ka go dira jalo re tlola molaotheo le tsotlhe tse re di lwetwseng ka thata mo malobeng. Fa re ba kgoreletsa re boela morago ebile re latlhegelwa ke bokgoni jo basadi ba naleng bone bo bo ka tsweletsangpele naga ya rona le go e tlhabolola.

Re buisana le Motlotlegi Dikgang Moseneke yo o buisanang le rona ka seabe sa gagwe mo kgololosegong ya naga ya rona re totile tlhokomelo ya molaotheo wa naga ya rona. Rre Moseneke o simolotse go dira kwa Constitutional court ka ngwaga wa 2002 mme a dira jaaka Deputy Chief Justice go fitlhela nako ya gagwe ya bogodi e goroga. O ile a itsese MaAforika Borwa ka seno mo kgweding ya Motsheganong mme bontsi bo ile ba tshibogela kitsiso eno ka khutsafalo ka ntlha ya fa a dirile tiro e e tswang diatla go sireletsa le go tsweletsapele molaotheo mo nageng ya rona. Rre Moseneke o simolotse go nna karolo ya dipolotiki fa a ne a le dingwaga dile 15 ebile ke ene yo o ile a tshwarwa kwa Robben Island a le mo dingwageng tse dileng kwa tlase. Mme ke mongwe wa batho ba ba neng ele karolo ya Technical Committee e e neng e tsaya karolo go kwala molaotheo o mosha ka ngwaga wa 1993.

Jaaka re keteka kgwedi ya Basadi mo Motsweding Fm, Mo bosigong jwa gompieno re buisana le Mosadi yo o tsereng tshweetso ya gonna mo lenyalong la sethepu.

Re buisana ka botlhokwa jwa go nna le mmueledi. Mo nakong ere tshelang mogo yona gona le mabaka a mangwe a resa kgoneng goa laola go tshwana le go tlhagelwa ke kotsi mo motho a patelesegang go tlhagelela kwa kgotlhatshekelo.Gona le nako e o tlhokang mmueledi gona lego lebagana le bothata ole nosi. Re laleditse Shweshwe Masitenyane yo eleng Mmueledi (Attorney) gotla go rarabolola kgang e.

Re buisana le basadi ba ba dirang kwa meepong re totile botshelo jwa bone mmogo le tiro tsa bone. Gopola gore basadi mo malobeng ba ne ba a tshwanela go dira kwa meepong ka ntlha ya fa gone go dumelwa fa ele tiro ya banna go dira jalo. Mo letlhakoreng le lengwe go santse go nale dikgwetlho dile dintsi tse di ba totileng jaaka boitekanelo jwa bone bo le mo kotsing. Tiro nngwe le nngwe e nale ditiragalo tsa yone jaaka dilo dingwe di direga ele kantlha ya go iphitlhela o nale monna ka mo lefifing mme go sena ope yo o kgonang go le bona. Thobalano le yone ke karolo ya dilo tseo mmogo le go utswa. Re tlile go buisana le moeng wa rona gole gontse ka kgang eno.

Re buisana le Rre Isaac Moroe yo eleng Client Services Manager kwa PWC - PricewaterhouseCoopers. Re buisana ka go atolosa le go godisa kgwebo ya gago o dirisa maranyane le se se bidiwang Digital Industrialisation (Industry 4.0). Industry 4.0 e solofetswe go dirisiwa ke batsamaisi ba le bantsi ba dikgwebo tse difarologaneng mo dingwageng dile tlhano tse di latelang ka ntlha ya tsibogo e e bonweng ke ba PWC fa ba ne ba dira dipatlisiso. Go fitlha ga jaana dinaga dile 26 go akaretsa le naga ya Aforika Borwa, di bontshitse kgatlhego mo tirisong ya Digital 4.0 morago ga dipatlisiso tse di neng di totile batsamaisi ba dikgwebo ba le 2000. Seno se kaya gore kgwebo ya gago e tlile go gola ebile badirisi ba ba leng kwa dinageng tse dingwe le bone ba kgona go tshegetsa kgwebo ya gago. Ka bo ripana fela, kgwebo ya gago e tlile go dira lefatshe ka bophara, mme kgwebisano le dikgwebo tse dingwe e tlile gonna bonolo thata.

Rre Sithole Mbanga yo eleng CEO ya setheo sa South African Cities Network. Morago ga dingwaga dile tlhano setheo sa South African Cities Network ka tirisano le SALGA South African Local Government Association (SALGA), se golola pegelo e e leng mabapi le tsamaiso mmogo le tlhabologo ya ditoropo. Mme pegelo eno e tlhagisitse kgolo le tlhabologo ya ditoropo tse di farologaneng mo nageng ya rona ya Aforika Borwa. SACN e dirisana le ditoropo tse di latelang; Johannesburg, Tshwane, Ekhuruleni, Mangaung, eThekweni, Buffalo City, Msunduzi and Nelson Mandela Bay mmogo le ditheo tse di akaretsang SALGA and COGTA. Go nale Lenane la Intergrated Urban Development Framework, mme lenane leno le rotloetsa kgolo ya baagi kwa ditoropong tsa rona ka ntlha ya fa palo e e leng kwa godimo ya baagi e tokafatsa ikonomi ya toropo

Re bua ka botshelo jwa monna yo o kgweetsang dilori/Trucks ebile a direla kgakala. Malapa a le mantsi a a naleng borre ba ba kgweetsang dilori a tlhologelela karolo e e tsayang ke rre mo lelapeng. Gopola gore kgolaganyo ya bana le mosadi ke e leng botlhokwa mme fa go tsaya nako go etela gae, go feleletsa go nna le sekgala mo kgolaganyong ya lona. Mme se lebale gore rre yo o kgweetsang o direla lelapa la gagwe le go nnetefatsa fa bokamoso ba bana bo sireletsegile mmogo le go phatsima. Le fa go le jalo tiro eno ke e e leng botlhokwa ebile e batla maikaelelo mmogo le boineelo mo go yone. Bontsi bo ka ganetsa go dira tiro eno ka ntlha ya go boifa maikarabelo a mofuta ono wa tiro. Mme Mo letlhakoreng le lengwe jaaka re tswa mo bekeng e e neng e beetswe thoko gonna ya Conferense ya bodichaba ya AIDS, dipatlisiso tsa setlamo sa Truck Wellness mo Aforika Borwa se tlhagisa fa Bakgweetsi ba di Truck ba le mo kotsing ya go tshwaetsa ke mogare wa HIV. Seno ke ka ntlha ya go tlhoka kitso ya boitekanelo jwa balekane kgotsa batho ba ba tsenelang thobalano le bone fa ba le mo tirong. Mme go ya ka dipatlisiso seno se tlhotlheletsa ke go jewa ke bodutu, ele ka ntlha ya go boela gae morago ga nako e telele. Mme lefa gole jalo, ga se banna botlhe ba ba kgweetsang di trucker ba ba raelesegang go iphitlhela ba le mo kgolaganyong nngwe ka ntlha ya go jewa ke bodutu kgotsa ka ntlha ya go direla kgakala le lelapa. Bangwe ba tshepegile ebile ba direla malapa a bone ka botswapelo maitlhomo ele go tokafatsa botshelo.

Rre Sandile Memela yo eleng Executive ya Media le Public Ralations kwa South African Revenue Services (SARS). Jaaka go simolotswe paka ya go duela lekgetho ka letsatsi la ntlha mo kgweding eno ya Phukwi, SARS e tlhagisitse fa e bone tsibogo e e itumedisang go fitlha ga jaana. Ba duela lekgetho bale 1 million ba setse ba iponagaditse kwa dikantorong tsa SARS mmogo le ka go dirisa mekgwa mengwe ya go nnetefatsa ba ba ikgolaganya le ba SARS. Re buisana le Rre Memela re sala morago pegelo eno jaaka ele ya malatsi a le 21 a ntlha a Tax Season. Magareng ga ngwaga o o fetileng le mo ngwageng ono, SARS e setse e bone madi a kana ka 1 Trillion a dituelo tsa lekgetho. Gopola gore madi a lekgetho ke one a a thusang puso go neela baagi botlhe ditirelo mmogo le go tshegetsa naga ya rona mo go tlhokegang gone.

Re buisana ka banna ba ba tlhokang thari re totile mabaka a a farologaneng a tlhago mmogo le ka ntlha ya malwetsi a a farologaneng. Gantsi basadi ke bone ba ba naleng mathata a go ima, segolo-bogolo fa ba setse ba tlotse dingwaga dile 35. Ka nako tse dintsi fa mosadi a palelwa ke go tshola bana, banna le bone ba tshwanela ke go elatlhoko gore le bone ba nale seabe. Fa o palelwa ke go tshola bana gopola gore dipresente dile 35% e ka tloga ele ka ntlha ya seemo sa boitekanelo jwa monna wa gago. Go tila go nna le mathata re tshwanela ke go kgaotsa go goga motsoko, go nwa bojalwa phetelela mmogo le diritibatsi tse di leng kotsi mo mmeleng. Le fa gole jalo, go nale banna ba ba tlhokang thari ka tlholego. Re tlile go tota mabaka a dingaka di kayang ele one a a dirang gore re tlhoke thari mmogo le mekgwa e mengwe e e dirisiwang go thusa banna.

Re buisana ka tlhokomelo ya mosimane mo nageng ya rona ya Aforika Borwa le moeng wa rona Rre Pule Goqo yo eleng Moruti, ebile o dirisana thata le ditheo mmogo le mekgatlho e e totileng go tlhabolola botshelo jwa basimane mmogo le banna mo nageng ya rona ya Aforika Borwa. Lelapa lengwe le lengwe le tshwanela ke go tlhokomela bana ka go lekana go kgaotsa tlhakatlhakano mmogole go nnetefatsa gore ba golela mo legaeng le le naleng lerato. Go nale matsholo mmogo le dikgato tse di tsewang ke puso mmog le maphata a private go nnetefatsa fa basetsana ba fitlhela tshegetso ka kakaretso go tokafatsa botshelo jwa bone. Go nale matsholo a “take a girl child to work”, “Keeping a girl child in school”mmogo le “protecting our girls against sugar daddies”. Basestsana ba lebane le dikgwetlho dile dintsi mme gantsi tlhokomelo e mo go bone thata go gaisa basimane. Basimane ba nale dikgwetlho dile dintsi tse di akaretsang tiriso ya diritibatsi mmogo le bosinyi. Goreng go bonala ekete basimane ga ba botlhokwa jaaka basetsana. Mo nakong e re tshelang mo go yone re tlhoka go tlhabololo ka mokgwa o re dirang dilo ka gone gore re kgone go aga naga e e leng botoka. Basetsana mmogo le basimane ba tshwanela ke go bona ditshono tse di tshwanwang go ya le ka childrens Act. Chilrens Act e tlhamaletse mo tshireletsegong ya bana mmogo le ntlha ya go tshela mo lefelong le le ba siametseng go akaretsa le tlhokomelo e e leng maleba. Jaanong re tshwanela ke go tota ntlha ya tekatekanya magareng ga basimane

Rre Frank Lekaba yo eleng mmatlisisi le moitsanape wa ditiragalo tsa Aforika go tswa kwa setheong sa African Institute of South Africa, se se dirang ka fo tlase ga Human Sciences Research Council. Re tlile go buisana ka seemo sa kwa dinageng tse di akaretsang Zimbabwe, Mozambique, Zambia le South Sudan. Seemo ga jaana kwa nageng ya Zimbabwe ke se se sa iketlang jaaka dikhuduego di tswetsepele. Baagi ba ipelaetsa kgatlhanong le tsamaiso ya naga e e sa lolamang mme mo letlhakoreng le lengwe badiri ba ba akaretsang mapodisi, masole mmogo le baoki ba duetswe morago nako. Re tlile go leba mabaka a a pateletsang kagiso mo dinageng tse di amiwang ke dintwa tsa Aforika segolo-bogolo tse dileng mo borweng jwa Aforika. Potso e re ka e botsang ke gore, A na maemo a tlile go tokafala kgotsa African Union e tlhoka maano a a leng maleba go tsereganya.

Moithuti wa maloba kwa sekolong sa Morris Isaacson High School kwa Soweto mmogo le mo tsaya karolo mo 1976 uprisingPresenter: Re tlile go buisana le Rre Barney Mokgatlhe yo eleng mongwe wa baithuti ba 1976 ba ba ileng ba tsaya kgato ya go lwantsha puso ya tlhaoleele ka ntlha ya puo e e neng e dirisiwa go rutwa. Barney o ne a tsena sekolo sa Morris Isaacson High School kwa Soweto mme a le dingwaga dile 20. O ne a le gaufi thata le Tsietsi Mashinini yo e neng ele moeteledipele wa baithuti. Re buisana ka botlhokwa jwa go tsweletsapele ditiro tsa bagaka ba rona mo nageng ya rona ya Aforika Borwa. Gopola gore boswa jwa rona re tshwanela ke go bo sireletsa segolo bogolo jang re totile ditiro tsa baetelepele ba ba jaaka Tsietsi Mashinini, Barney Mokgatlhe, Steve Biko, Oliver Tambo mmogo le Nelson Mandela. Kgwedi eno e beetswe thoko gonna kgwedi e e tsweleletsangpele maikaelelo a Mopresidente wa rona wa Maloba Rre Nelson Mandela, mme re tlhoka go tsaya dikgato tsa go nnetefatsa gore kgaratlho ya gagwe mmogo le balwelakgololosego ba bangwe e seke ya nna ya lefela.

Re buisana le Colonel Pheko Lekena mmogo le Captain Mabel Mosidi ba ba tlileng go bua le rona ka botlhokwa jwa go tlhokomela mafelo a bosinyi. Go botlhokwa go babalela mafelo a bosinyi ka ntlha ya fa seno se tlile go thusa sepodisi go bona menwanwa ya disinyi. Gopola gore fa re sa babalele mafelo a bosinyi mapodisi a tlile gonna le kgwetlho ya go bona disinyi tseo ka bonako. Bopaki bo bonwa morago ga dipatlisiso tse di tsepameng go ya le ka diphitlhelelo tse di bonwang ke sepodisi mo lefelong la bosinyi.

Re tlile go buisana le seboeledi sa The National Student Financial Aid Scheme/NFSAS Rre Kagisho Mamabolo, mabapi le maitlhomo a bone a go bona tuelo ya madi a kadimo go tsweletsa dithuto go tswa mo baithuting ba maloba ba ba boneng ditiro. NFSAS e kopile SARS go neelana ka dintlha tsa baithuti ba ba dirang gore ba kgone gonna le kitso mabapi le palogotlhe ya baithuti bao, mme seno se kaya gore ba tlile go bona maina a bone, maina a bathapi mmogo le nomoro ya bone ya lekgetho/Tax number. Mo ngwageng o o fetileng NFSAS e tlhagisitse fa e neelane ka kadimo ya madi a kana ka R21.3 billion mme go botlhokwa go gopola gore NFSAS e tshwanela ke go neelana ka madi a kadimo ya dithuto ngwaga lengwaga go thusa baithuti ba bangwe go tsweletsapele dithuto tsa bone kwa ditheong tsa thuto e kgoloane

Advocate Sankie Morata go tswa kwa Financial Planning Institute e e dirisanang le The South African Saving Institute. Re mo kgweding e e betsweng thoko gonna kgwedi ya go boloka mme ditheo tse difarologaneng tse di neelanang ka diterelo tsa dichelete di setse di tsweletse go ruta le go lemosa badirisi ka botlhokwa jwa go boloka madi. South African Savings Institute le yone e tsweletse go rotloetsa MaAforika Borwa go ithuta go boloka madi jaaka re le mo nakong e e tlhokang gore re boloke madi a re naleng one mmogo le go a dirisa sentle. Gopola gore setheo seno se ikantse go thusa batho botlhe gonna le kitso mabapi le tsamaiso e e lolameng ya madi mmogo go boloka madi a bone go nna le seemo se se itumedisang sa tsamaiso ya bone ya matlole.

Professor Sekepe Matjila: Moitsanape wa setso sa Setswana, mmoki, mokwadi le mmatlisisi mmogo le Professor kwa Unisa mo lephateng la dipuo tsa Aforika

Re tlile go buisana ka banna ba ba sa tseneng kereke mmogo le mabaka a bone a a farologaneng. Gopola gore kereke go tswa kwa ga lowe, e itsege ele lefelo le le etelangpele ke banna ka ntlha ya maikarabelo a ba naleng one mo ditumelong tse difarologaneng. Mo tumelong ya sekreste banna ba neetswe maikarabelo go ya le ka ditiragalo tse di kwadilweng mo bebeleng /bible. Mme ke ka moo monna a tshwanelang ke gonna karolo ya kereke go tsweletsapele merero ya Modimo. Mo dinakong tse re tshelang mo go tsone re setse re itemogela diphetogo dile dintsi mme mabaka ke a a farologaneng. Ekete basadi ke bone ka bontsi ba ba tsaya kereke jaaka lefelo le Boitshepo go gaisa banna, mme le fa gole jalo banna bangwe ba dumela mo kamanong ya bone le Modimo go gaisa go etela kereke.

Re buisana le Mbuyiselo Botha yo eleng Commissioner go tswa kwa Commission for Gender Equality mme re bua ka tekatekanyo ya bong mo nageng ya rona ya Aforika Borwa re totile banna. Commission ya Gender Equality e simolotse ka fo tlase ga Section 187 ya Molaotheo wa Aforika Borwa go tshegetsa le go ema kgatlhanong le kgatelelo ya bong mo nageng ya rona mmogo le go nnetefatsa ditshwanelo tsa botho di diragadiwa. Go simolola ka ngwaga wa 1994, puso e ile ya nnetefatsa fa gonna le tsela mmogo le mekgwa ya go aga Aforika Borwa e e letlang mongwe le mongwe go tshela ka kgololosego go sa kgathalesege bong jwa motho. Banna bangwe ba dumela fa Gender Equality ele sengwe se se ba emeng kgatlhanong ka ntlha ya tshwelelopele le tlhabololo ya basadi go tsaya karolo mo ikonoming, boeteledipeleng le mo ditirong tse difarologaneng. Mme ga jaana basadi ban ale ditshono tse di lekanang le banna mme ba kaiwa ba lekana le banna ka ntlha ya fa puso e dumela gore basadi ba ne ba gatelelwa ke dipuso tsa maloba, setso, banna ba bone mmogo le sechaba ka kakaretso. Gompieno ga re bapisi banna le basadi mme fela re leba tekatekanyo ya bong mo Aforika Borwa re totile monna le dikgwetlho tse a lebaneng le tsone.

Re tlile go buisana le Professor Sekepe Matjila yo eleng Moitsanape wa setso sa Setswana, mmoki, mokwadi, mmatlisisi mmogo le Professor kwa UNISA mo lephateng la dipuo tsa Aforika. Re buisana ka karolo ya monna mo botshelong ka kakaretso mo dinakong tse re tshelang mo go tsone, re totile botlhokwa jwa gagwe mmogo le dikgwetlho tse a lebaneng le tsone. Monna o itsege jaaka moeteledipele mo lelapeng la gagwe, mo sechabeng, kwa kerekeng mmogo le mo setsong. Mme le fa gole jalo seemo sa monna ekete se fetogile jaaka re le mo pusong e e kayang monna jaaka motho yo o lekanang le mongwe le mongwe yo o tshelang mo lefatsheng. Kwa dikerekeng banna ga se bone fela ba eleng baruti kgotsa baeteledipele, mme le basadi ba letlelesegile go tsaya maemo a a neng a tsewa ele a banna fela. Kwa ditirong banna ba dira ka fo tlase ga basadi mmogo le mo setsong basadi le bone ba tsaya karolo. Le fa gole jalo kgaisano ga se yone e re e totileng mme fela re totile dilo tse banna ba tsayang gore ke tsa bone fela, mme ba ka rata gore diseke tsa fetola ke nako kgotsa seemo sepe. Gongwe o reeditse o le monna yo o sa direng mme mosadi a dira mo ntlong ebile a tlhokomela gore sengwe le sengwe se siame mo ntlong. A gone go phoso go tlhokomela ke mosadi ntswa o le monna yo o naleng bokgoni jwa go tlhokomela lelapa la gago mme ele maemo fela a a sa letleng? Bua le rona.

Aforika Borwa ke naga e madi a ileng a tshologa ka bontsi ka ntlha ya dikhuduego, sekai dikhuduego tsa 1976, le tse dintsintsi tse di diragetseng pele ga 1994. Mme le mo bogologolong ene e re fa motho a tlhokofetse go be gotwe go tlhapiwa sefifi, seno se kaya eng go basha?

Re buisana le Itumeleng Ditaunyane ke morutabana wa maloba ebile o nale kitso entsi ya puo ya Setswana. Dikolo tse a neng a ruta kwa go tsone di akaretsa Sehunelo Secondary School kwa profenseng ya Free State, mmogo le kwa sekolong sa Naledi ya Bochabela. Ka ngwaga wa 2013 o ile a lebogatiro mme ga jaana ke mokwadi wa dibuka. Puisano ya rona e mabapi le tsweletsopele ya bokwadi jwa puo ya Setswana go nnetefatsa fa thuto ya rona e tswelelapele mmogo le go somarela puo tsa rona tsa MaAforika Borwa. Gopola gore thuto kwa ditheong tse difarologaneng tsa thuto e kgoloane e rutiwa ka puo ya seeng mme batlhalifi ba rona ba le bantsi ba feleletsa ba palelwa ke puo ya bone ya Setswana kgotsa puo ya bone ya ga mme. Puo ya sejatlhapi ke yone e e golagangwang le botlhale ebile ke puo e e dirisiwang lefatshe ka bophara. Mme seno ga se raye gore re tshwanela ke gonna kgatlhanong le seo, kgangkgolo ke go sireletsa puo ya rona mo letlhakoreng le lengwe. Mo dipatlisisong tse di dirilweng ke ba Cultural survival, puo ke sengwe se MaAforika a e pelang ka sone. Mo nageng ya rona tse dingwe tsa ditiragalo tse di bontshang fa puo ele botlhokwa, ke ditiragalo tsa 1976 ka di 16 tsa June. Mme gopola gore dipresente dile 70% tsa MaAforika Borwa ba bua dipuo tse difarologaneng kwantle ga puo ya sejatlhapi, mme puo ya ga mme e dirisiwa fela kwa dikolong tsa puso go ithuta puo mme e seng go ruta ka puo eo dirutwa tse dingwe. Ba Cultural Survival ba setse ba tlhagisitse phitlhelelo ya go dirisa puo ya Sizulu go ruta kwa Setheong sa thuto e kgoloane sa University of KwaZulu - Natal.

Re buisana le Rre Enoch Rabotapi yo eleng Acting Director for Education Human Resource Development kwa Department of Education. Re buisana ka bokgoni jwa morutabana re totile dilo tse di tlhokegang gore o thapiwe jaaka morutabana. Go nale dipotso dile dintsi mabapi le bokgoni mmogo le go thapiwa ga barutabana ka ntlha ya kelotlase ya dipholo tsa bana ba ba falolang mopato wa 12 ka ntlha ya go tlhoka kitso e e leng maleba ya go ruta bana. Palo ya barutabana mo nageng ya rona e oketsegile ka ntlha ya manane a puso go tshegetsa baithuti ba ba batlang gonna barutabana. Go simolola mo ngwageng wa 2014 puso e ile ya ngoka baithuti ba le bantsi go ithutela borutabana ka go baya thoko madi a kana ka 940 Million go nnetefatsa fa go nna le palo e e leng kwa godimo ya barutabana. Mme le fag ole jalo matshenyego ke go go nale baithuti ba ba tlhokang kgatlhego ya go ruta bana mme ba bone tshono ya go bona tiro mo lephateng la thuto. Setheo sa Center for Development and Enterprise se ile sa tsibosa puso ka bokowa jwa barutabana bangwe ba ba tlhokang bokgoni le kgatlhego ya go ruta bana. Dipholo tsa bana ba mophato wa 12 di wetse tlase ebile seno se direga ngwaga le ngwaga. Puso e bonagala e senya ka madi a a tshwanelang ke go bolokiwa le go dirisediwa go tlhabolol seemo sa thuto mo nageng ya rona.

Re buisana le Rre Frank Lekaba yo eleng mmatlisisi le moitsanape wa ditiragalo tsa Aforika go tswa kwa setheong sa African Institute of South Africa. Re tlile go bua ka mokgwa o o sa siamang wa badira ditshpetso ba ba feleletsang ba tsweletsa ditlhaselo tsa bosemorafe mmogo le tirisodikgoka. Re totile mokgwa o o dirisiwang mo nageng ya rona go tlhagisa dingongoro tsa rona fa re sa itumela mme ele sengwe se se tswelelangpele go ama naga ya rona. Tirisodikgoka ke karolo ya ditshupetso tsa rona mo re iphitlhelang re senya dikolo, marekelo, go lwantsha sepodisi mmogo le go tlhasela badichaba. Bontsi bo nale maipato a go bolotsa ditlhaselo kgatlhanong le badichaba, mme se se buiwang ke gore badichaba ba re tsaela ditiro kgotsa ke bone ba ba tlisang diritibatsi mo nageng ya rona. Mokgwa ono o tsweletse go gola ebile ke karolo ya ditshupetso tsa MaAforika borwa. Potso ke gore, ke eng se se re tlhotlheletsang go dirisa dikgotsa mmogo le go tlhasela badichaba.

Re buisana le Rre Benny Tau yo eleng karolo ya boeteledipele jwa mokgatlho wa di SGB mmogo le Rre Silas Kale yo eleng Provincial Secretary ya SADTU. Re buisana ka tiro ya barutabana mmogo le tsibogo ya baithuti kwa dikolong. Mo nakong e re leng mo go yone bana ba dirisa nako ya bone ka go tsena mo maranyaneng a a farologaneng mme ekete seno se ba kgoreletsa go tsaya dithuto tsa bone tsia. Mo letlhakoreng le lengwe bana ba supiwa ba tlhoka maitseo le kutlwisiso fa ba rutiwa kwa sekolong mme seno se kgoreletsa barutabana go dira tiro ya bone. Mo letlhakoreng le lengwe barutabana ba kaiwa ba palelwa ke go ruta bana ka ntlha ya go tlhoka kgatlhego le bokgoni jwa go ruta bana. Re sekaseka gore ke eng se se dirang gore baithuti ba tlhoke kgatlhego mo dithutong tsa bone mmogo le karolo ya barutabana ka kakaretso go tsweletsa thuto mo baneng. A phoso e mo barutabana kgotsa e mo baneng?

Re buisana le Thabo Boom yo eleng Deputy Secretary General ya SRC kwa Wits University mabapi le diphitlhelelo tsa letsholo la #FeesMustFall re totile botlhokwa jwa go tokafatsa maemo kwa ditheong tsa thuto e kgoloane gore baithuti ba kgone go bona thuto botlhe. Gopola gore letsholo leno maitlhomo a lone ene ele go lopa puso go tsibogela kopo ya thuto e e sa duelweng mmogo le go tshegetsa baithuti ba ba palelwang ke go duela ditheo tsa thuto e kgoloane. Le fa letsholo leno le simolotse sentle, mme morago baithuti ba ba farologaneng ba ile ba feleletsa ba dirisa dikgoka go tsweletsa molaetsa wa bone pele ka go fisa le go thuba dikago tse difarologaneng tsa ditheo tsa thuto e kgoloane. Re leba kwa Morago go sekaseka fa maitlhomo a baithuti a fitlheletswe.

Re tlile go buisana le Rre Mothusi Tlhabanyane yo eleng moithuti wa Maloba wa kwa Barolong High School, Dr Otsile Ntsoane yo eleng Moitsanape wa kitso ya setso (Indigenous Knowledge Systems) mmogo le Mme Moeder Mogoerane yo o neng a ema baithuti ka lefoko ka nako eo baithuti ba neng ba tsweletse ka ditshupetso tsa 1976. Re tlile go bua ka ditiragalo tsa ngwaga wa 1976 kwa sekolong sa Barolong High School re totile dikgato tse baithuti ba neng ba di tsaya ka nako eo Aforika Borwa e neng e latlhegelwa ke matshelo a baithuti ba ba neng ba lwela ditshwanelo tsa bone le tsa botho. Ditiragalo tse di itsegeng thata ke tsa kwa Soweto mme kwa mafelong a mangwe gone go sena bobegakgang jo bo neng bo kwala ka ditiragalo tseo. Baithuti ba maloba ba Barolong High School le bone ba keteka dingwaga dile 40 morago ga ditiragalo tsa letsatsi leo mme ebile ba tsweletse go tsweletsapele karolo ya bone ka nako eo baithuti ba neng ba lwa kgatlhanong le melao ya thuto ya puso ya tlhaoleele. Baithuti ba kwa Barolong High School ka letsatsi la di 16 June 1976, ba ile ba fitlhela molaetsa wa se se neng se ditiragala kwa Soweto. Baithuti ba le 10 000 go ya go ba le 20 000 ba ne ba kopana go emakgatlhanong le puso ya tlhaoleele, mme ba le dikete ba ile ba tswa dikgobalo mme ba le 176 ba ile ba bolawa ke sepodisi. Baithuti ba kwa Barolong High school le bone ba ile ba tswa letsholo go kopana le baithuti ba bangwe ba dikolo tse di latelang: Kebalepile High School, Batswana Training and Commercial High School mmogo le Boitsanape Technical High School. Moeteledipele wa baithuti ka nako e o e ne ele Moeder Mogoerane yo o neng a eme baithuti ka lefoko go tswelelapele ka ditshupetso sebaka sa beke.

Re tlile go buisana le Dr Neo Lekgotla laga Ramoupi yo eleng Senior Researcher: Monitoring & Evaluation Directorate kwa Council on Higher Education. Re buisana le ene ka lekwalo la gagwe le a le kwadileng mabapi le botshelo jwa Mopresidente wa rona wa Maloba Rre Nelson Mandela ka nako e a neng a tsena sekolo ka yone kwa Wits University. Re mo kgweding ya basha ebile re keteka dingwaga dile 40 tsa ditiragalo tsa ngwaga wa 1976 kamoso. Go botlhokwa go tshwaya botlhokwa jwa thuto e e agileng naga ya rona go fitlha mo eleng gone gompieno. Rre Mandela o ne a le dingwaga dile 24 fa a ne a tsweletsa dithuto tsa gagwe kwa Wits go tloga ka ngwaga wa 1943 go fitlha go ngwaga wa 1949, ele ene moithuti wa ntlha wa motho montsho go dira dithuto tsa semolao / Law Faculty: Bachelor of Law (LLB). Gone go se bonolo go Rre Nelson Mandela go tsweletsa dithuto tsa gagwe le go fitlhela lekwalo la gagwe la dithuto ka ntlha ya dikgwetlho tse dineng di akaretsa bosemorafe mmogo le go se amogele diphetogo mo botshelong jwa baithuti ba bantsho.

Re buisana le Mme Lethabo Sekele yo eleng mokwadi mmogo le mmatlisisi. Lethabo o nale Honours Degree ya dithuto tsa Sociology mme o tsweletse go dira Masters ya dithuto tsa Sociology.Kgang ya rona gompieno e mabapi le se a se kwadileng mo kgweding e e fetileng mabapi le maitemogelo a gagwe. Lethabo o kaya fa banna ba basweu ban ale tlhokomelo le tshireletsego go gaisa ba batsho. O bua seno totile botshepegi kwa tirong, mo malapeng le ka kakaretso. O kaya fa basadi ba bantsho le bone ba boifa go nna le kgolagano e e siameng le banna ba bantsho. Sekae se sengwe se a se dirileng ke sa bosinyi, go betelela le bonweenwee, ele fela supa gore ka nako dile dintsi fa go nale bosinyi monna wa montsho ke ene mmelaelwa wa ntlha. Mme ga bui seno a totile go tshwaya monna wa montsho jaaka phologolo e e tlhokang tlhaloganyo, ke fela maiteko a gagwe go supa gore monna wa montsho o tsewa jaaka motho yo o tlhokang nnete. Re buisana le ene ka se a se kwadileng. “Why I feel safer around white male”

Re buisana le Bruce Lizwe mabapi le matshwenyego a gagwe a puo e e dirisiwang kwa dikolong. Bruce o ne a ile go kwadisa bana kwa sekolong se se leng mo Mahikeng mme a fitlhela puo e e dirisiwang kwa sekolong go ruta bana e le puo ya Sejatlhapi mmogo le Afrikaans. Re ile ra laletsa gape le Rre Mothusi Sebogwa go tswa kwa Lefapheng la Thuto mo profenseng ya North West , go tla go bua le rona ka language policy eo.

Re buisana le CEO ya Debt Rescue, Rre Neil Roets mabapi le pego ya gagwe e e tlhagisang fa MaAforika Borwa a a sa direng ba iphitlhela ba le mo mathateng a dikoloto tse dintsi. Mme mo letlhakoreng le lengwe pego ya gagwe e tlhagisa le seemo sa dikoloto sa batho ba ba bonang letseno le le leng kwa tlase ga diketete dile tlhano (R5000). Go ya ka pego ya setheo sa The Human Rights Commission ke batho ba le 19 million ba ba naleng dikoloto mme bale 10 million ba kaiwa ele batho ba ba palelwang ke go duela dikoloto tsa bone. Seno se tlisa kgatelelo e tona mo go bone jaaka seemo sa ikonomi se le bokowa.

Re buisana le Rre Hlaudi Motsoeneng yo eleng Chief Operations Officer ya South African Broadcasting Cooperation. Re bua ka tshwetso ya setheo sa SABC go tshameka mmino wa mo gae o le dipresente dile 90%, e e itumedisitseng badiragatsi ba mmino mono gae. Gopola gore mmino wa mo gae o ne o le dipresente dile 40% mme o gaisa ke wa kwantle. Bontsi bo itumeletse tshwetso eno mme Rre Motsoeneng o setse a fitlhetse melaetsa e mentsi e e tswayang boitumelo mo tshwetsong ya gagwe. Mo letlhakoreng le lengwe re tlile go buisana le ene ka tiriso ya puo mo di radiong tsa SABC tse di gasetsang sechaba. Gopola gore radio e godisa puo ya MaAforika Borwa mme le SABC e tsaya karolo ya go nnetefatsa gore puo e dirisiwa sentle gore tshedimosetso e goroge sentle go baagi botlhe ba Aforika Borwa.

Re buisana le Dr Felicia Moitlamo Molokoane yo eleng Gynaecologist ka mokgwa o mosha o o dirisiwang ke dingaka tse dingwe go tlhagisa seemo sa boitekanelo jwa ngwana ntswa mmagwe a santse a le mo mmeleng. Seno se raya gore o kgona go nna le kitso mabapi le seemo sa ngwana yo o tlileng go mo tshola. Fa o nale kitso o kgona go siamisa tlhaloganyo ya gago sentle mabapi le sebopego sa ngwana wa gago. Batsadi ba ba setseng ba dirisitse mokgwa ono ba tsere ditshwetso tse dileng bonolo le tse di naleng ditlamorago tse di sa namatsheng. Mo letlhakoreng le lengwe kitso ya mothale ono e tlisa kgatelelo ya maikutlo le tlhaloganyo fa baratani ba batla go bona ngwana ka pelo ya bone botlhe.

Re buisana le Morena Segale Pilane yo eleng Sebueledi sa Bakgatlha Ba Kgafela Royal Council mme puisano ya rona e mabapi le bogosi jwa morafe wa Bakgatlha. Mo letsatsing la mosupologo go bigilwe fa Kgosikgolo Kgafela Kgafela o boleletse babega dikgang gore o batla go tlhopa mongwe go tsaya bogosi go tswa mo go kgosi Nyalala Pilane mme ba lelapa la bogosi kwa Moruleng ga ba inyalane le se buileng ke kgosi Kgafela Kgafela.

Re buisana le moeng wa rona Professor Mabokang Monnapula-Mapesela ka seemo sa thuto kwa ditheong tsa thuto e kgoloane mo nageng ya rona ya Aforika Borwa fa di bapisiwa le ditheo tsa dinaga tse dingwe tsa lefatshe re leba boleng jwa thuto. Naga ya rona e iphitlhela e le kwa tlase thata mme seno se raya gore re tshwanela ke go fetola seemo sa thuto mo nageng ya rona, mme ele maleba go tsweletsapele bokgoni jwa MaAforika Borwa ka kakaretso. Naga ya rona ke ngwe ya dinaga tse di supiwang e tlhoka baithuti ba ba naleng bokgoni jo bo sa tlwaelegang mme ele ka ntlha ya gore baithuti ba le bantsi ba ithutela dithuto tse di tlwaelegileng mme seno se oketsa le palo ya botlhokatiro. Re sekaskea seemo sa thuto kwa ditheong tsa thuto e kgoloane mo nageng ya rona fa di bapisiwa le ditheo tsa thuto e kgoloane kwa dinageng tse dingwe.

Re buisana le Gisele Gurgel yo eleng Marketing director kwa Tetra Pak mme re buisana ka Milk for Change campaign e e simolotseng mo kgweding e e fetileng ka di 26 May 2016. Letsholo leno le lebeletse go rotloetsa baji/bareki ba mashi go neelana ka Mashi a long life a a tlileng go abelwa batho ba ba tlhokang dijo le dikotla ka ntlha ya mabaka a botlhoka tiro le bohumanegi. Tetra Pak e mo kgolaganong le Feed SA go tsweletsapele maitlhomo a go thusa MaAforika Borwa mmogo le go ba ruta ka botlhokwa jwa Mashi a Long Life. Gopola gore gompieno(01 June 2016) ke letsatsi la World Milk Day.

Jaaka maphata a a farologaneng mo Afrika Borwa a nale tsela e a tsamaisiwang ka one, Re seka seka maitshwaro a a letlelesegileng le a a sa letlelesegang a dikgosi. Moeng wa rona ke Kgosi Pule Bareki yo eleng modulasetulo wa Northern Cape House of Traditional leaders

Re buisana ka botlhokwa le bokao jwa letsatsi la Africa day. Moeng wa rona ke Rre Frank Lekaba yo eleng researcher go tswa Human Sciences Research Council (HSRC). Jaaka re le karolo ya continente ya Aforika re tshwanela ke go ikamanya le ditiragalo tsa letsatsi leno jaaka le re rotloetsa go dirisana le dinaga tse dingwe go aga continente e e leng botoka go botlhe ba ba tshelang mo go yone. Seemo sa ikonomi mmogo le tshireletsego ka kakaretse e santse ele tlhobaboroko kwa dinageng tse di farologaneng. Aforika mo malobeng ene e lwantshana le kgatelelo go tswa kwa mafatsheng a kwa Europa, mme ga jaana Aforika e lebane ke bohumanegi, dintwa, boetelepele jo bo sa tlhomamang mmogo le kgaogano ya merafe e e farologaneng. Bokao jwa letsatsi leno bo tshwanetse go re rotloetsa go tokafatsa isago ya Aforika. Re sekaseka bokao jwa letsatsi leno le moeng wa rona.

Re buisana le moeng wa rona Marc Gbaffou go tswa ko African Diaspora Forum (ADF). Re tlile go bua le ene ka letsatsi la Aforika mmogo le moletlo o o neng o tsweletse kwa Profesnseng ya Gauteng gompieno. Premier ya Gauteng Rre David Makhura le ene o ne a le koo go keteka letsatsi la gompieno ka maitlhomo a go nnetefatsa fa MaAforika a tshwaragane le go ratana. Gone go nale mogwanto go ralala teropo ya Yeoville, mme batho botlhe ba ba neng ba tsaya karolo ba ne ba apere diaparo tsa bone tsa se Aforika. Seno e ne ele go supa gore kgetololo le bosemorafe ke dilo tse di tshwanelang ke go fela mo nageng ya rona ya Aforika Borwa mmogo le mo Kontinenteng ya rona ya Aforika ka kakaretso.

Re buisana le Billy Makhafola yo eleng Deputy Director in the Directorate: Food Safety and Quality Assurance, go tswa Lefapheng la Temothuo, Dikgwa mmogo le Ditirelo tsa Ditlhapi (Department of Agriculture, Forestry and Fisheries). Re tlile go buisana ka melawana e e tlileng go ama tlhagiso ya dikoko mo nageng ya rona jaaka batlhagisi ba tlile go pateletsega go fetola tlhwatlhwa ya nama ya koko. Lefapha la Temothuo, dikgwa mmogo le Ditirelo tsa Ditlhapi (Agriculture, Forestry and Fisheries) le tlhagisitse melawana eno e mesha go fetola Brine Limit ya nama ya koko mo nageng ya rona. Brine limit ya tlhagiso ya manatwana a koko a a rekisiwang ke 15 % mme nama ya koko e e feletseng brine limit ya yone ke 10%. Seno se tlile go ama le bareki ba nama ya koko jaaka go nale kgonagalo ya gore tlhwatlhwa ya nama ya koko e ye kwa godimo.

Re buisana le Rre Lebolobolo Mareme mmogo le Rre Gaoretelelwe Phuthi, mabapi le botlhokwa jwa mafoko a masha a Setswana. Kana fa puo e sa tlhabologe kgotsa go nale tlhokego ya mafoko go raya puo e salela morago. Gopola fa go okediwa mafoko seno se raya gore re tlhabologa le puo ya rona go ya le ka nako e re tshelang mo go yone. Mafoko a masha gantsi ke a puo ya seeng mme puo ya seeng ya tlhabologa letsatsi lengwe le lengwe mme seno se dira gore le puo eno e gole go feta tse dingwe tsa MaAforika. Puo ya Setswana mmogo le maleme mangwe a bantsho a dirisiwa mo ditheong tse difarologaneng, dikolo mmogo le kwa pusong. Mme fa re ka retelelwa go tlhabolola puo ya rona re tlile go retelelwa ke go bona tshono ya gonna karolo ya lefatshe mmogo le diphetogo tsa lone. Rre Maleme o tlile go buisana le rona ka yone kgang eno re totile tlhokego ya mafoko a masha mo puong ya Setswana.

Mo kgweding eno re simolotse ka metseletsele ya rona ya go ithuta ka ditumelo tse di farologaneng, Re simolotse ka go rutana le go tlhaloganya tumelo ya Buddhism le Judaism. Jaaka re ithutile gore tumelo ya sekeresete etswa mo tumelong ya Sejuta mme Buddhism etswa mo Hinduism, Mo bosigong jwa letsatsing la gompieno re tswelela ka go batla go itse tlholego ya tumelo ya Baha'i. Moeng wa rona ke Gomolemo Msinga.

Re buisana le Advocate Sipho Mantula mabapi le seemo sa tshireletsego mo nageng ya rona ya Aforika Borwa mmogo le Aforika ka kakaretso, re totile tiro e e dirang ke lefapha la State Secuity. Re tlile go leba gape tiro ya lefapha go nnetefatsa fa naga ya rona e sireletsegile mmogo le tirisano ya lefapha le dinaga tse dingwe tsa Aforika. Gopola gore kgwedi ya Motsheganong ke kgwedi e maAforika a ketekang BoAforika jwa bone mme magareng ga dilo tse di lebeletsweng mo kgweding eno ke tshireletsego, mmogo le go nnetefatsa fa MaAforika a tshela ka kagiso.

Re buisana le Rre Reginald Legoabe yo maemo a gagwe eleng Operations, research and Media Relations go tswa Higher Education and Transformation Network. Puisano ya rona e mabapi le tiro ya mokgatlho ono mmogo le matshwenyego a bone ka seemo sa tlhakatlhakano mo dikolong tse di farologaneng mo nageng ya rona. Higher Education and Transformation Network e mo letsholong la go sireletsa thuto mmogo le seriti sa thuto ka kakaretso mo nageng ya rona. Dilo dingwe tse di ba tshwentseng ke go fisiwa ga dikolo kwa Vuwani kwa profenseng ya Limpopo.

Temothuo mo Afrika Borwa e tlhola bo kana ka diperesente dile lesome tsa ditiro, ebile e tlhola gape le ditiro tsa nakwana, seo se e dire gore e nne yone e e tlhokomelang gore baagi ba nna le dijo. Jaaka re keteka kgwedi ya Afrika, mo bosigong jwa gompieno re seka seka gore gotswa ga lowe mo Afrika one a tsamaisa temothuo jang go itshidisa.

Re buisana le Mme Adelai van Heerden yo eleng manager of the behavioural research group kwa setheong sa The Council for Scientific and Industrial Research (CSIR). Puisano ya rona e mabapi le dipatlisiso tse di dirilweng ke lefapha la Behavioural Group ka seemo sa motho yo o tshwanelang ke go nna karolo ya sesole sa Aforika Borwa mmogo le Aforika ka kakaretso. Dipatlisiso tseno di totile mokgwa o lesole le tshwanelang ke go akanya ka gone re lebile maemo otlhe a mo nageng ya rona. Seno se raya gore o tshwanela ke go elatlhoko maemo a dipolotiki, ditso tse difarologaneng, dintwa tse di tsayang karolo kwa dinageng tse dingwe mmogo le go laola maikutlo ka nako ya dikotsi kgotsa ka nako ya tshoganyetso. Go ya ka Adelai, dipatlisiso tsa bone di botlhokwa thata ka ntlha ya fa di tlile go thusa sesole sa Aforika Borwa go thapa kgotsa gone go tsaya batho ba ba leng maleba go ya le ka moo dipatlisiso di kayang.

Re buisana le Rre Makume Tlaleane yo eleng Senior Manager ya YouthBuild Skills Project (NYS) go tswa kwa National Youth Development Agency. Maitlhomo magolo a rona ke go tlhaloganya maikaelelo a setheo sa NYDA go thusa basha mo nageng ya rona go bona ditiro le bokgoni. Re tlile go sekaseka dintlha tse di tlhagileng mo pegelong e e tlhagisitsweng ke General Statistician Rre Padi Lehohla mabapi le maemo a botlhokatiro ga basha mo kgweding e e fetileng.

Re tsweletse ka metseletsele ya mananeo a rona ka go ithuta ka ditumelo tse di farologaneng. Mo bekeng e e fetileng re ithutile gole gontsi ka tumelo ya Bhudism, jaanong mo bosigong jono re batla go utlwa ka mokgwa wa botshelo wa sejuta (Judaism).

Kgwedi ya Motsheganong ke kgwedi ya e re ketekang bo Aforika jwa rona jaaka MaAforika ka kakaretso. Mme seno se raya gore re tshwanela ke go tshwaragana le go tshidisana mmogo le badichaba ba ba tswang kwa dinageng tse di farologaneng. Gantsi go nna le potso ya gore ke eng se se dirang motho go nna Mo Aforika wa mmatota. Mme o tla gopola gore ma Aforika ga se batho fela ba eleng baagi mo Aforika, mme ke batho botlhe ba ba naleng lotso la Aforika. Moeng wa rona ke Professor Takatso Mofokeng.

Re buisana ka molao o o sireletsang badiri ba tshireletso le dikgwetlho tse ba kopanang le tsona. Re tlile go seka seka molawana o o ba sireletsang, re utlwe ka dikgwetlho tseo ba itemogelang tsone. Re buisana le Mme Orpa Mathabe yo eleng North West Provincial Communicator kwa Department of Labour.

Re buisana le Rre Joe Maila yo eleng seboeledi sa tona ya Lefapha la Boitekanelo mo nageng ya rona, Ngaka Aaron Motswaledi. Re tlile go bua ka lenane la lefapha go lwantsha le go thibela bana ba basetsana go tsena mo kgolaganyong le borre ba ba tona mo go bone, maikaelelo ele go bona madi kgotsa dilwana tse dingwe tse ba di tlhokang. Lenane leno le tlile go simolola mo kgweding e e latelang jaaka ele kgwedi ya basha, mme tona Motswaledi o kgalemetse thata borre ba ba dirisang basetsana go itumedisa ka maitlhomo a a go ba fetola basadi ba bone. Mo letlhakoreng le lengwe o tlhagisitse gore bontsi ba basetsana ba iphitlhela ban ale malwetsi a thobalano ka ntlha ya fa bas a dirisi mekgwa ya go itshireletsa fa ba tsena mo thobalanong, ka ntlha ya fa ba boifa go latlhegelwa ke tshono ya go tlhokomelwa ke Sugardaddy kgotsa ba ba bidiwang di “blesser”.

Re buisana le Kevin Lovell yo eleng CEO ya South African Poultry Association (SAPA). Re tlile go buisana ka melawana e e tlileng go ama tlhagiso ya dikoko mo nageng ya rona jaaka batlhagisi ba tlile go pateletsega go fetola tlhwatlhwa ya nama ya koko. Lefapha la Temothuo, dikgwa mmogo le Ditirelo tsa Ditlhapi (Agriculture, Forestry and Fisheries) le tlhagisitse melawana eno e mesha mo letsatsing la mabane. Ba SAPA ga ba itumelela tshwetso ya lefapha go fetola Brine Limit ya nama ya koko mo nageng ya rona. Brine limit ya tlhagiso ya nama ya koko e e rekisiwang ke 15 %. Seno se tlile go ama le bareki ba nama ya koko jaaka go nale kgonagalo ya gore tlhwatlhwa ya nama ya koko a namelele

Re seka seka tumelo ya Buddhism, gore e farologana jang le ditumelo tse dingwe tse di leng mo Afrika Borwa. Moeng wa rona ke Lebohang Ngwako.

Re buisana ka kgololosego ya banna le basadi ba ba ratanang go ya ka bong jwa bone. A gone ba iphitlhela ba gololosegile go ya le ka ditshwanelo tse ba naleng tsone mo nageng ya rona. Go reng go santse go nale batho ba ba sa amogeleng gore mongwe le mongwe o nale tshwanelo ya go tsaya tshwetso ka botshelo jwa gagwe? Re buisana ka dintlha tseo tsotlhe le moeng wa rona tlhokaina yo o ratanang le batho ba bong jwa gagwe.

Re bua ka batho ba ba dirisang loso la motho go ikhumisa kgotsa go fitlhela dithoto dingwe tsa moswi. Ka nako tse dingwe go lwelwa ntlo le dithoto tsa moswi mmogo le madi a moswi a kwa tirong. Seno se tlhola dintwa le dikgaogano magareng ga malapa a a farologaneng. Goreng batho bangwe ba batla go ungwelwa fa motho a tlhokafetse?Goreng go nale mokgwa wa “loso la gago la mphidisa”.

Re buisana le MEC ya Education le Sport Development mo profenseng ya Bokone Bophirima mme Maphefo Matsemela. Re tlile go buisana ka ikwadiso ya bana kwa dikolong tse di farologaneng mo Profenseng ya Bokone Bophirima. Jaaka Profense ya Gauteng e setse e simolotse ka ikwadiso ya bana ya ngwaga wa 2017, re tlile go buisana le MEC ka dintlha mabapi le seo. Mo letlhakoreng le lengwe, re tlile go buisana le ene ka tekanyetsokabo ya lefapha mo bekeng e e fetileng, segolo-bogolo madi a a beetsweng thoko go aga dikolo tse dingwe mmogo le go tokafatsa maemo a thuto mo profenseng.

Afrika Borwa e keteka dingwaga dile Some a mabedi le bobedi ele mo demokrasing, mme mo bosigong jwa gompieno re seka seka tsosoloso ya botho fa e sale re bona kgololosego. Moeng wa rona ke Ngaka Mothupi.

Re buisana le Professor Mamokgethi Phakeng mme re totile thuto le botlhokwa jwa yone mo nageng ya rona ya Aforika Borwa. Mamokgethi o dira dipatlisiso ka thuto mo nageng ya rona mmogo le kwa dinageng tse dingwe. Re tlile go leba gore thuto e ka re thusa jang mo nageng ya rona gore re kgone go nna karolo ya lefatshe ka go iponela ditshono kwa dinageng tse dingwe. Thuto ya mo nageng ya rona ke e e naleng boleng, mme e re tlhoka kitso ka mekgwa e re kae dirisang gore re iponele ditshono tsa ditiro tsa maemo a kwa godimo mmogo le maemo a re batlang go iponela one ka kakaretso.

Re buisana le Professor Mamokgethi Phakeng mme re totile thuto le botlhokwa jwa yone mo nageng ya rona ya Aforika Borwa. Mamokgethi o dira dipatlisiso ka thuto mo nageng ya rona mmogo le kwa dinageng tse dingwe. Re leba gape le seabe sa gagwe go tsweletsa bokgoni jwa go ruta dithuto tse difarologaneng ka leleme la ga mme. Dithuto tse re buang ka tsone di akaretsa le serutwa sa Mathematics, mme gopola gore Mamokgethi ke mosadi wa ntlha wa motho montsho mo Aforika Borwa yo ileng a fitlhela PHD mo dithutong tsa mathematics. Mo dipatlisisong tsa gagwe o tlhagisa mekgwa le ditsela tse di leng maleba go ruta kwa dikolong mmogo le kwa ditheong tsa thuto e kgoloane. Kgangkgolo ya rona gompieno ke go dirisa puo ya ga mme go ruta dirutwa tse difarologaneng le go sekaseka fa seno se ka dira le go thusa thuto ya rona mo nageng ya rona. Mo dipatlisisong tse a di dirileng o tlhagisa bokgoni jwa go ruta serutwa sa Mathematics ka puo ya ga mme.

Re buisana le Rre Kevin Lovell yo eleng CEO ya South African Poultry Association (SAPA). Kgang ya rona e mabapi le tumalano magareng ga SAPA le puso go letla kgwebisano ya dikoko tse ditswang kwa lefatsheng la America. Mme gontse jalo ekete go nale ditokollo tse dingwe tsa SAPA mo nageng ya rona, tse di sa dumalaneng le tshwetso e e tsereng ke SAPA. Ekete go simolola go nna le mathata le go tlhoka tumelo ya gore SAPA ke mokgatlho o o ka ba emelang fa ba nale dikgwetlho mo kgwebong ya bone ya dikoko.

Re tlile go buisana le Mme Prudence Moilwa yo eleng Head of Enforcement and Investigation go tswa kwa The National Consumer Commission. Re tlile go leba molao wa naga ya rona gore re kgone go tlhaloganya gape le se ba National Consumer Commission ba se dirang. Re tlile go leba gape ketsaetsego ya badirisi ba ba iphitlhelang ba nna karolo ya di pyramid schemes mme ba tlhoka kitso. Puisano ya rona e rotloeditse gape ke kgetsi e e tlhatlhetsweng ke National Consumer Commission kgatlhanong le tsamaiso ya sekema sa MMM. Ekete MMM gae dire ka fo tlase ga molao mme e tsietsa le batho ba ba leng karolo ya yone. Gopola gore bontsi jwa batho ba simolotse go nna karolo ya MMM mo ngwageng o o fetileng mme ba bua gore ba setse ba bone dipoelo tse di namatshang. Fa motho a beeletsa madi a kana ka R1000 o tlile go bona kokeletso ya 30% ya madi a a beeletseng. Mme ba The National Consumer Commission ba tlhagisa ntlha ya gore seno se tlhagisa gore MMM e tsietsa badirisi mme kwa bofelong ba ka iphitlhela ba latlhegetswe ke madi a bone.

Re buisana le Ngaka Otsile Ntsoane ka ditiragalo tsa ngwaga wa 1994. Ka nako eo ditokololo tsa Afrikaner Weerstandsbeweging (AWB) di ne di tlile mo Bophuthatswana go thusa Rre Lucas Mangope go laola baagi ba ba neng ba dira ditshupetso gore Rre Mangope a folosiwe mo maemong a gagwe.

Re buisana le Professor Mamokgethi Phakeng mme re totile thuto le botlhokwa jwa yone mo nageng ya rona ya Aforika Borwa. Mamokgethi o dira dipatlisiso ka thuto mo nageng ya rona mmogo le kwa dinageng tse dingwe. Re leba gape le seabe sa gagwe go tsweletsa bokgoni jwa go ruta dithuto tse difarologaneng ka leleme la gam me. Dithuto tse re buang ka tsone di akaretsa le serutwa sa Mathematics, mme gopola gore Mamokgethi ke mosadi wa ntlha wa motho montsho mo Aforika Borwa yo ileng a fitlhela PHD mo dithutong tsa mathematics. Mo dipatlisisong tsa gagwe o tlhagisa mekgwa le ditsela tse di leng maleba go ruta kwa dikolong mmogo le kwa ditheong tsa thuto e kgoloane.

Re buisana le mongwe wa basha ba baneng ba pateletsega go tlogela tiro ya bone goya go tsweletsa pitso ya bone ya bongaka. Mme e rile morago ba tswelelela ka tiro ya bone. Moeng wa rona ke Mme Ntombi Soulwe.

Re buisana le Mme Rebecca Matsheni yo eleng Committeee member ya Association for Skills Development in South Africa mo kgaolong ya Gauteng. Puisano ya rona e mabapi le botlhokwa jwa bokgoni mo nageng ya rona ya Aforika Borwa. ASDSA ke bone ba ba rwalang maikarabelo go ruta le go elatlhoko katiso ya batho go bona bokgoni jo bo ka tlhabololang botshelo jwa bone mo nageng ya rona ya Aforika Borwa. ASDSA e sala morao lenane la NDP la puso go tsweletsapele tlhabologo ya batho mmogo le tekatekanyo mo nageng ya rona go sa kgathalasege gore o moagi o o tshelang kae. Re buisana le bone gole gontsi ka se ba se dirang go thusa gape mo ditheong tse di farologaneng go nnetefatsa gore botlhe ba ba bonang thuto le bokgoni jo bo leng maleba, ba fitlhela ditshono tsa ditiro tse di tsamaisanang le bokgoni jwa bone.

Re leba botshelo jwa Rre Clarence Makwetu yo o iketseng Badimong. Clarence o tlhokafetse mo bokhutlong jwa beke, a le dingwaga dile 88 kwa Queens Park, Eastern Cape. Makwetu ke mongwe wa bagaka le balwela kgololosego, mme le ene o ile a kgerisiwa ke puso ya maloba ka go mo romela kwa kgolegelong ya Robben Island. Makwetu o simolotse gonna karolo ya dipolotiki ka ngwaga wa 1952, fa go ne go nale se se bidiwang Difiance Campaign of 1952 e e neng e rulagantswe ke mokgatlho wa ANC. Ka 1952 o ile a nna karolo ya dipolotiki semmuso, fa a ne a nna karolo ya ANC Youth League. Ka 1959 fa ANC ene e le maphata a le mabedi, Makwetu ene ele o mongwe wa ditokollo tse di neng ditshegetsa karoganyo eo. Mme ka nako eo ke fa mokgatlho wa PAC o ne o simolola go tswa mo karoganong ya ANC. Ka di 2 tsa Tlhakole 1990, Makwetu o ile a tlhopiwa gonna mopresidente wa mokgatlho wa PAC, a tsena mo ditlhakong tsa motlotlegi Zephania Mothopeng yo o ileng a ikela ko badimo ka kgwedi ya diphalane ka one ngwaga wa 1990

Re seka seka ntlha ya go ikgatolosa Pitso ya bongaka ba Setswana fa nako e gorogile. Re leba gape le ditlamorago tsa go tshabela pitso eno. Batho ba bangwe ba ikgatolosa Pitso eno ka ntlha ya mabaka a a farologaneng mme kwa bofelong go dira jalo go feleletsa go ba tlisetsa mathata mo botshelong. Re leba gape le gore go sala morago Pitso ya Bongaka go raya goring, jaaka botshelo bo tlile go fetoga. Moeng wa rona ke Rre Gobusamang Mere, yo eleng Modulasetulo wa kgaolo ya matlosane wa dingaka.

Tona ya Lefapha la Boitekanelo rre Aaron Motswaledi mabapi le National Health Insurance. Re ne re sekaseka dintlha tsa gore e simolola leng mmogo le gore botlhokwa jwa yone ke bo feng. O arabile dipotso tsa rona mme o ile a ketsa kgang ya rona ka go kgalema baoki ba ba sa neeleng balwetsi thuso e e leng maleba

We look at the customary law with Adv Sipho Mantula

Discussion Between UWC VC Prof Dan Kgwadi & Former SRC President Ben Mabengwane & SASCO Regional Chair Brian Huma about the recent development at the Mahikeng Campus.

Re buisana ka Polyandry. Polyandry ke mofuta wa lenyalo o Mosadi a nyalwang ke Banna ba le babedi kgotsa go feta. Moeng wa rona ke Lebogang Ngwako.

Mongwe le mongwe ona le ka fa tumelo ego tshegeditseng ka teng. Rotlhe re bana ba Modimo. Itse se o dumelang mogo sone lefa o kase kgome. Tshela Botshelo jo bo edileng

What Is Junk Status MeanKe mang a tsayang tshwetso ya go isa seemo sa ikonomi ko tlaseSeemo sa ikonomi

Our guest Moremogolo Malebane a PHD scholar, Media law at the Communication University of China discusses the use of internet in general.What parents need to know and the laws & rules surrounding the use of internet.

Re buisane le Lawrence Mavundla yo eleng mo Presidente wa NAFCOC Rre Lawrence Mavundla National African Federated Chamber of Commerce and Industry (Nafcoc). Re buisane le ene ka koketso ya merokotso le gore baagi ba Aforika Borwa ba tshwanela ke go dira eng go lebana le mathata a ikonomi. Gopola NAFCOC ke setlhopa se se thusang batho bantsho go tlhabologa mmogo le gonna le karolo mo ikonoming ya naga ya rona ka go simolola dikgwebo tsa bone. Re leba gore merokotso e e okeditsweng e tlile go ama jang maitlhomo NAFCOC go thusa batho bantsho go tlhabolola maemo a bone a ikonomi.

Dr Pali Lehohla yo eleng Statistician-General go tswa kwa Statistics South Africa. Dr Lehohla o itsege thata ka tiro ya gagwe go ralala Aforika jaaka Modulasetulo wa African Statistical Development in Africa. Dr Lehohla o bale dithuto tse di akaretsang Bachelor of Arts ya Economics mmogo le Statistics. Morago ga gore naga ya rona e bone kgololosego ka 1994, Dr Lehohla o ile a neelwa maikarabelo a go nna Chief Director for demography, censuses and House Hold Surveys a direla Statistics South Africa ka 1996. Fa ngwaga wa 2015 o ne o a kwa bofelong, University ya Stellenbosch e ile ya neela Dr Pali Lehohla kabo ya honorary Doctor of Commerce (DCom) degree. Seno ke morago ga go lemoga tiro e tona e a e dirileng mo nageng ya rona ya Aforika Borwa go tloga ka ngwaga wa 1996. Re buisana le ene ga jaana ka karolo mmogo le seabe sa gagwe jaaka General-Statician, go akaretsa le botlhokwa jwa Statistic South Africa.

A round table discussion on #FeesMustFall including recent developments at NWU Mahikeng Campus.

Puisano le Rre Galefale Molema (Historian) ka ga tshomarelo le tlhabololo ya dikago tsa bogolo-golo le difikantswe / Presevation and Restoration of historic monuments.

Dikgwetlho tse batho ba ba nang le bogole ba kopanang le tsone fa ba dirisang dipalama tsa botlhe.

Dikgwetlho tse batho ba ba nang le bogole ba kopanang le tsone fa ba dirisang dipalama tsa botlhe.

Setlhoeng Sa Tumelo