#49 Au wenn mir i de gliche Familie ufgwachse sind, sind mir teilwis komplett unterschiedlich und het verschiedeni Struggles i eusne Jugendziite. Vorallem d Ziit als Chind isch bi eus teilwis komplett anders gsi. De Cedi hetti mich im Lebe nie umarmt & jetzt laht er mich nüme los - so isches halt unter Gschwüsterti lol

#48 Yeeyyyy demal isch d Agnes min Podcastgast. Mer redded mal chli Realtalk übers "Influencer-sii", wie mir zu dem cho sind, wies für eus isch erchennt z werde & wie eusi Eltere damals reagiert hend

#47 De Gian isch i sinere ganze Schuelziit ane Montesori Schuel gange. Das bedütet selbstbestimmts Lerne, gmischti Altersgruppe, kei Note & Lehrer als Friends, wtf xD Ich bi ane typischi Staatsschuel und drum ab und zue mal us allne Wulche gheit :D

#46 Endlich gitz mal wider e Folg woni eui Frage beantworte! Ich liieb das Formaat! Ich redde Realtalk über Ex-Fründe. Was isch, wemmer ihn ufeimal spontan atrifft & was isch wenn mer wider mit ihm zeme chunnt? Ich sege mini Meinig zum Thema Abtriibig, Beziehig zu Eltere & wenn die best Kollegin ufeimal inere Beziehig isch, & no vieles meeeeee... Ihr erfahred also au spicy details us mim Lebe💃🏼

#45 Mal e sehr emotionali und ehrlichi Folg... Es Thema wo mer sehr nööch gange isch und woni niemerem wünsche, daser das mal erlebbt... 🕊️

#44 Ich studiere jetzt es halbs Jahr a de ZHdK im Studiegang Cast/Audiovisual Media & bechume oft frage, was ich i mim Studium genau mache... Gad jetzt hemmer es Projekt gha, wo mer meega am Herze liit & fr au soo nervezerrissend gsi isch omg! (Für die wo nur s Projekt wend gse: ab 19 min)

#43 Gad hüt isch mini Kollegin uf de Strass agmacht worde und das het eus easy is Gspröch bracht. Wie chammer öpper am beste aspreche und was sött mer sege? Oder wie sött mer am beste reagiere? Es git auna funny Storytimes wie ich, aber au de Gian scho agmacht worde sind uf de Strass hahaha xD

#43 D Leila und ich sind beidi inere langjährige Beziehig. Drum reddemer mal Realtalk vo Ifersucht, Kennelernstory bis zu Icks wo mer bi eusne Boyfriends am Afang gha hend xD Ihre Podcast: Simply Oversharing Und sorry wenns amix chli gruuscht het. mer sind iwie unfähig gsi mit Mikrofon hebbe:(

#42 Ich het gleb niemals denkt gha, dasi mal ide Öffentlichkeit über das Thema redde, aber ich und mini Schwöster hend leider beidi en Badtrip erlebbt... FALLS DU NO JÜNGER BISCH, LOS DIE PODCASTFOLG BITTE MIT ERE ERWACHSENE PERSON ODER BESSER NÖD <3

#41 Öpis wo mer mengmal mega schwer fallt isch, mit Kritik umzga.... Wieso nimmi das mega schnell persönlich und warum fühli mi gad agriffe? Ich ha i dere Folg mich selber reflektiert & mich schlau gmacht über d Psychologie dehinter xD

#39 E Frag wo ich scho oft mit Friends besprich, will ich oft anderer Meinig bin als sie bzw. andersch ticke xD Cha sie, dass das au demit z tue het, will ich andersch ufgwachse bi, aber vlt ischs au ein Ding von unterschiedlichen Interessen. Bi sehr gspannt, obs öper git, wo mit mir cha relate :D

#39 De Gian und ich sind mittlerwiile sit 5 Jahr zeme. Aber was isch eigentlich eusi Love Language? Das findemer mit eu zeme i dere Podcastfolg use mit eme Online Test. Vo Diskussione, zu cute Moment bis zu halbem Beef isch i dere Podcastfolg alles debi :D

#38 Es git widermal en chillige Talk, wos nöd speziell um es Thema gaht sondern ich eifach druf loslabere. Vo Wiehnacht zu Erwachse werde bis zu de Psychologie hinder me Interview lol.

#37 Für min Brüeder und bsunders für mini Mom gits eis Traumatischs Erlebnis, wo im 2015 passiert isch... Min Brüeder het ufgrund vo sim Asthma is künstliche Koma müese gleit werde. I dere Podcastfolg red ich mit minere Mom und mit mim Brüeder über di ganzi Ziit, wies dezue cho isch, wo er im Koma glege isch und vorallem wie schwirigs nach dem ganze gsi isch...

#36 Ich hasse eigentlich die Frag "Was sind dini Ziel im Lebe?" Ich ha si aber vorallem immer ghasst, will ich nie würkli e Antwort druf gha han. Drum han ich mer würklich Ziit gno und mich mit mine Lebensziel usenandgsetzt und verzelle eu jetzt devo, zum eu helfe, eui Ziel z finde xD

#34 Will eu di letschti Podcastfolg woni eui Frage beantwortet ha, so guet gfalle het, gitz jetzt e zweiti <3

#34 Mal wider e Podcastfolg mit em Gian. Mir redded drübber, wieso mir zemezogge sind und wies so isch bis jetzt mit em Partner zemezieh (umd zwar wies WÜRKLICH isch!)

#33 Ich han ADHS, also eigendlich ADS, aber de ander Begriff seit eu vlt eher was:) Ihr hend eu e Folg gwünscht, dasi mal drübber redde, was das genau isch, wie ich bemerkt ha dasi das ha & wie min Alltag demit isch

#32 Ich bi ide Schuel damals nie sonderlich guet gsi und ha mega z kämpfe gha mit schlechte Note. Ich weiss dases vielne au so gaht und ha drum drübber gredded, wie ich über mich reflektiert han, warum ich schlechti Note gmacht han und wie ichs im Nachhinein besser gmacht hetti.

#31 Ihr hend welle dasi übers Thema Fründschafte redde und ich han eu mini Meinig über s Thema "BFF" gseit & warum ich keini han. Zudem hani e chlini Checkliste gmacht, wo du chasch teste ob dini Friends dir au würklich guet dünd.

#30 Ich bi praktisch mit me Smartphone und Social Media ufgwachse und wünsch mir mengmal sogar, das ich lieber i de 90er Jahr lebe welle wür. Mini Mom hingege gseht das genau umgekehrt und isch froh, das es mittlerwile Handys git...

#29 Stress im Alltag isch öpis wo mir alli kenned. Ich hans bsunders im Gymi damals erlebbt mit Prüefigsstress und glichziitig mentale Stress. Ich redd i dere Folg zersch über es craaazy Lebensupdate (AHHHH), warum mir Mensche eigentlich Stress hend & was mir amix am beste ghulfe het oder was ich im Nachhinein besser gmacht het:) Nach dere Folg gahts der hoffentlich scho besser :D

#28 De Gian, ma Boyfriend, isch wider mal zu Gast und mir hend eu seehr viel z verzelle... Es git nämmli bi beidne sehr grossi Updates!! :D

#27 Demal mal wider es chlises persönlichs Lifeupdate vo mir. Mis Studium fangt nöchste Mäntig ah und ich bi echt chli ufgreggt... Vorallem will ich eigentlich mini Selbständigkeit glich witerfüehre will. Zuedem sött ich no uszieh und e Wohnig mit mim Fründ sueche... Das alles macht mer sehr Angst

#26 Mini Mom verzellt eu, wie sie min Dad kenneglernt het, aber au was sie über de Gian denkt het, wo mir frisch zeme cho sind.

#25 Momentan han ich sehr demit z Kämpfe, dasi oft Overthinke und debi ständig e inneri Stimm ha, wo ständig d Situation negativ interpretiert, obwohl sie villicht eigentlich in reallife gar nöd so isch... Letsss talk about it & wie ich demit umga

#24 Ich han literally nie würklich e Singlephase gha nach minere erste Beziehig, will ich mich so schnell verliebt han und immer öpis spannends ha welle im Lebe... I dere Podcastfolg verzell ich eu vorallem, was ich hüt drübber denke und warum ich vermuetlich so gsi bi (Selbstanalyse oderso yeah) Amerkig: Ich bi obv. kei Therapeutin xD Mich hets eifach intressiert die ganzi Phase z analysiere und mich z reflektiere (mit Hilf vo Google höhö)

#23 Ich bin mit em Gian jetzt chli meh als 4.5 Jahr zeme und i dene Jahr han ich sehr viel über mich aber au übers Beziehig füehre glernt und ha denkt, dasi die Erkentniss mit eu mal teile xD

#22 D Emma, Filipa, Hannah und ich sind gad im Tessin ide Ferie und ich ha die Chance natürli gnutzt zum für eu mal sonen RICHTIGE Girlstalk aka grossi Schwöster Talk z mache xD Mer redded über eusi Unsicherheite und wie mir demit umgönd, gebed Tipps, verzelled cringi Storys über euse ersti Crush und wie mir i eusere Pubertät gstruggled hend...

#21 Nüm lang gahts und denn isch de ersti Schueltag.. au vo mir. Mitti September fang ich ah Studiere und ich bin genauso ufgreggt wie ihr! Aber zeme meistemer das höhö xD Dur mini vielne "Erste Schueltag Erfahrige" gibi eu mini Tipps und verzell au, wie min erste Schueltag damals im Gymi gsi isch

#20 Actually reddi über es sehr persönlichs Thema wo mich di letschte Jahr immer mal wider belastet het und ich han mich finally mit mim Problem konfrontiert & genau das isch mini Message i dere Folg <3

#19 mal wieder chli Realtalk.. Momentan isch das eis Thema wo mi i letschter Ziit sehr beschäftiged und ich möcht würklich mal komplett ehrlich si mit eu. Gad als Influencer sötsch ja demit rechne & das nöd persönlich neh, aber so eifach ischs mengmal nöd...

#18 Ach.. wie oft ich FOMO han... Gad wenn all mini Friends anere Party sind und ich scho öpis anders plant gha han... oder au allgemein hani durch Social Media s Gfühl, ich verpasse öpis und mis Lebe isch z langwilig... Ich redde mal Realtalk drübber und gibe eu mini Tipps, was mir i so Moment am beste hilft <3 Kussiiii

#17 Sich z schnell verliebe, oder doch nur en Crush ha? Und ab wenn isches eigentlich richtigi Liebi? Ide Podcastfolg red ich mit minere Schwöster (Joelle, 18) und mim Brüeder (Cedric, 20) ob mir eus scho mal würklich verliebt hend, obs de perfekti Partner git &amp; eusi eigene Erfahrige mit em ganze Thema &quot;verliebt si&quot;

#16 Finally chunnt d Folg vom &quot;grossi Schwöster Talk&quot;! ✨ Ihr hend mir all eui Frage und Struggles verzellt und ich bin i dere Podcastfolg druf igange, ha vo mini eigene Erfahrige verzellt und eu mini Ratschläg uf de Weg ge xD Has huuuere niice gfunde mal so chli direkter chöne uf eu iiga &lt;3

#15 Ich und min Brüeder de Cédric (20) redded über de toxischi Tüüfelschreis vom &quot;Beliebt si&quot; bis zu &quot;Mobbing&quot; und au vo eusne eigene Erfahrige womer ide Schuel gmacht hend. Es wird ufjedefall deep.

#14 Ich ha damals echt mega Angst gha, wie mini Zuekunft wird usgseh, mit wem ich wird de Kontakt phalte und wie sich mis Lebe verändered. Vorallem au, was und ob ich sött studiere und ob mini Note würklich so wichtig sind fürd Zuekunft... Ich verzell eu alles, wasi damals gern gwüsst hetti und wie sich mis Lebe nach em Gymi komplett vereändered het!

#13 S erste Mal... Für vieli es Tabuu Thema aber ich han umbedingt mal welle drübber redde ohni es Blatt vors Muul z neh! Ich han kei grossi Schwöster gha wo mir erchlärt was wichtig isch und was mer sött wüsse. Drum übernimmi de Part natürlich gern für eu und verzelle vo mine Erfahrige und was ich gern vorher gwüsst hetti:)

#12 De Summer chunnt langsam und no vor es paar Jahr isch das würkli mini grössti Sorg gsi... Ich han nie es passends Bikini gfunde und het am liebschte jedes Treffe ide Badi abgseit, willi mi sooo unwohl gfühlt han i mim Körper! Ich verzelle eu vo mine Struggles mit mim Körper damals und au crazy Storys vo früener, wie Lüüt sich über mini Oberwiiti lustig gmacht hend und verrat eu, wie ich hüt demit umga und wie ich us dem ganze Mindset so chli usecho bi (au wenn nanig 100% :)

#11 Zwei Jahr isches jetzt her, woni mini Matur gha han. Und ich het damals SO GERN öpper gha, wo mir nützlichi Tipps git und seit wie das ganze genau ablauft und was mich erwartet... Yoah, drum probieri jetzt eue Ars*hh so chli z rette und seg eu alles, wasi mim früenere ich gern wür sege &lt;3

#10 Storytime über min Start mit Social Media + Tipps für Afänger:) Ich verzell eu, wies mini Friends und au s Gymi damals reagiert het (inkl Lehrer &amp; Rektor 🥴) aber au de Gossip wies toxisch damals d Beziehig zwüsched de anderne Influencer gsi isch am Afang... Falls du dir au am überlegge bisch mit Social Media azfange han ich am Schluss no paar personal Tipps für dich:)

#9 Söttsch eigentlich produktiv si und lerne oder dis Workout no mache, wod der eigentlich vorgno hesch? Ich kenns zuu guet hahaha... Meistens isch garnöd d Lust s Problem sondern d Motivation, oder ebe di nöd vorhandeni Motivation! Abbberrr ich gib eu mini ganz wylde Tipps, wo mir selber huuere vill Motivation gebed und pushh eu, zum endlich eues Füddli bewege✨

#8 Yeyyy di ersti Podcastfolg mit mim Fründ em Gian (23) als Gast:) Mir redded über es sehr wichtigs Thema, wo gad i Beziehige es grosses Problem chan si: IFERSUCHT Bis wo ischs okey? Warum isch mer überhaupt ifersüchtig und wie sött mer demit umga wenn mer selber, oder de Partner ifersüchtig isch... De Gian und ich verzelled vo eusne Erfahrige und wie mir mittlerwile demit umgönd.

#7 Finded mich anderi unsympathisch, nervig oder cringe? Die Gedanke mach ich mir mega oft, wenn ich mit anderne Lüüt unterwegs bin. Ich bin grundsätzlich was das agaht, en sehr unsichere Mensch &amp; bruch genau us dem Grund Bestätigung vo usse, will ich sie mir selber nöd chan ge... Ich verzelle eu vo mine Struggles wo ich scho erlebbt han und gib es Paar vo mine Tipps uf de Weg &lt;3

#6 Normalerwis suech ich mir vor em Podcast immer es Thema use, zum drübber redde. Die Wuche hani mi eifach mal denah gfühlt, zum eu verzelle, wie ich mich momentan fühl und was mich beschäftiged. Über Heiweh, Überforderig mit Social Media, aber au me crazy Lifeudate, wo mis Lebe für di nöchste paar Jahr wird beiflusse..

#5 Gad wo ich s erste Mal en Sprachufenthalt gmacht han, han ich echt demit z Kämpfe gha zum Lüüt finde und mich wohl fühle. Mittlerwile hani mini Tipps &amp; Tricks, wie ich mit me neue Umfeld klar chum und verzell eu vo mine Erfahrige.

#4 Yeyy min allererste Gast imim Podcast isch mini Schwöster d Joëlle (17). Da ich gad jetzt mini Prüefige fürs Studium hinder mir han, redded mir über Prüefigsängst aber au allgemein de Druck ide Gsellschaft wo mer gspüürt, wemmer sich entscheide sött, welle Bruef oder welli Schuel mer sött in Zuekunft mache. Mir beidi verzelled vo eusne Erfahrige, wo eus teilwis recht prägt oder sogar traumatisiert het. Bsunders für d Joëlle isches e sehr schwirigi und langi Phase gsi. Sie het ebe nöd, wie ihri Gschwüsterti eifach d Gymiprüefig bestande...

#3 &quot;Die ersti Liebi vergisst mer nie.&quot; Ja, au ich han si ned vergesse, sus würi obviously au nöd en ganze Podcast drübber mache woni eu vo minere erste Liebi verzell höhö xD Au wenn ich uf Social Media no nie drübber gredded han, isch d Story eig ganz funny und irgendwie au cute:) Ich verzell, wie ich mini ersti Liebi kenneglernt han, vo mim erste Kuss &amp; das ich easy Angst devor gha han und au paar peinlichi Side Stoys wo ide Kennelernphase passiert sind HAHA

#2 Was sind wahri Fründe und ab wenn isch d Fründschaft vlt sogar toxisch? Ich verzell eu vo mine Erfahrige zum Thema Fründschaft und red au über es paar Pünkt, wie mer ungsundi Friends erchenne chan.

#1 Yeyyy mini ersti Podcastfolg :D Mir redded über es sehr wichtigs Thema: Unsicherheite ! Mir alli hends... Ich verzell eu vo mine Unsicherheite und sprich allgemein problematischi Themene wie Schönheitsideal uf Social Media und Filter ah.