Kliniese sielkundige en spelterapeut Jo-Marie Bothma werp meer lig op selektiewe mutisme, ‘n angstoestand wat veroorsaak dat jong kinders so te sê stom word in sekere situasies.

Ons fokus op lees, en die rol wat ‘n gemeenskap-ontwikkelingsorganisasie speel om kinders se leesvermoë te verbeter. Chareldine van der Merwe, die projekbestuurder van die Vriende van Afrikaans, vertel van die werk wat hulle doen.

Ons fokus op die omstrede Bela-wet, wat veral Afrikaanse skoolgemeenskappe warm onder die kraag het. Hou dit ‘n bedreiging vir moedertaalonderrig in? Daan Potgieter, bestuurshoof van die Afrikaanse Onderwysnetwerk, en Milanie Vosloo, Afrikaans.com se projekbestuurder, vertel meer.

Wat is van die faktore wat jou kind se spraak-en taalontwikkeling kan belemmer?

Kleinkinder-onderrigspesialis en kleuterskooljuffrou, Yolandi van den Heever, gee raad oor hoe om peuters en kleuters te dissiplineer.

Die nuwe akademiese jaar het begin en in hierdie week se Groeipyne fokus ons op roetine om ons weer aan die gang te kry. 'n Spesialis in voorskoolse onderwys en kleuterskoolonderwyser, Yolandi van den Heever deel haar insigte en gee ook waardevolle raad.

Hierdie week kyk ons vir oulaas terug op die Groeipyne hoogtepunte van 2023 en herkou ons aan die insigte en wenke van kenners oor verskeie onderwerpe.

So met die aanvang van ‘n nuwe jaar kyk ons terug op die Groeiipyne hoogtepunte van 2023 en herkou ons aan die insigte en wenke van kenners oor verskeie onderwerpe.

Die jaar is amper verby en in retrospek kan ons nou baie van die jaar se gebeure – en die inpak daarvan op ons gesin – in perspektief plaas. Sielkundige Fiona Doman Olivier herinner ons aan wat saak maak en hoe om alles mooi op te weeg en te besin.

Vandag se leefstyl is baie anders as 30 jaar gelede – so ook die manier om kinders groot te maak en die probleme wat kinders het. Hierdie is ‘n program vir ma’s en pa’s, oumas, oupas, bure en enige een wat kinders of tieners grootmaak en soms voel of hulle teen die mure kan uitklim!

In hierdie week se Groeipyne sit ons ons gesprek rondom neuro-diverse kinders en meer spesifiek kinders met outisme voort. Arbeidsterapeut Armandi Kotze deel haar insigte en gee raad.

In hierdie week se Groeipyne fokus ons op neuro-diversiteit en veral kinders met outisme. Arbeidsterapeut Armandi Kotze deel haar insigte en gee raad.

Ons fokus weer op sensoriese integrasiedisfunksie, en gesels met die ma van ‘n seuntjie wat op tweejarige ouderdom gediagnoseer is. Die historikus en biograaf, Lindie Koorts, deel hulle persoonlike reis met ons.

Wanneer is die regte tyd vir potjie-afrigting (potty training), en waar begin ‘n mens? Die vroeë kinderontwikkelingspesialis, Yolandi van den Heever, gee raad.

Die meeste van ons was as kinders bevoorreg om 'n pop of twee te kon hê, en herinneringe hieraan kan dikwels jou hart warm laat klop. Kliniese sielkundige dr. Jo-Marie Bothma praat oor die talle voordele verbonde aan popspeel.

Charlize Calitz, die RR-graadhoof by Skuilkrosies, Laerskool Skuilkrans se Vroeë Kinder-ontwikkelingsentrum, praat oor kreatiwiteit in die kleuterskoolklaskamer.

Elke jaar wonder ouers van graad R-kinders of hulle kinders werklik skoolgereed is. Dis ʼn baie moeilike situasie omdat jy moet besluit oor iets wat moontlik ʼn groot impak kan hê op die toekoms van jou kind, vir wie jy wil net die heel beste wil hê. Kleuterskoolhoof Marietjie Havenga deel 'n paar riglyne wat ouers en onderwysers kan gebruik wanneer hulle die groot besluit moet maak.

Ons fokus ons op die LSD-benadering vir voorskoolse kinders: Liefde, Sekuriteit, Dissipline. Dr. Elsabe Wessels verbonde aan die Noordwes-Universiteit se Fakulteit Opvoedkunde verduidelik wat dit behels.

Sommige kinders met sensoriese integrasiedisfunksie het 'n afkeer aan sekere soorte kos, wat kan lei tot 'n beperkte maaltydplan. Dieetkundige Christa Dunn het raad.

Arbeidsterapeut Charlene Cruickshank deel haar gesin se reis met disleksie, en gee raad oor hoe om dit te hanteer.

Spraakterapeut en skrywer Christien Neser praat oor voordele wat moedertaal en moedertaalonderrig vir kinders inhou.

Ons fokus op die Noordwes-Universiteit se Vroeë Kinderopvoeding Leerfees. Dis 'n Inisiatief om betrokkenheid, kennisontginning en sosiale relevante leer vir almal in die veld te bevorder. Dr. Andri Schoonen van NWU se Fakulteit Opvoedkunde het al die inligting.

Ons fokus op kleuterskool-gereedheid. Wat is die ideale ouderdom om jou kind kleuterskool toe te stuur? Hoe berei jy hom en jouself voor vir dié groot stap? Marietjie Havenga, 'n kleuterskoolhoof van Pretoria, gee raad en deel waardevolle wenke.

Wat is sensoriese integrasie met betrekking tot voorskoolse kinders? Wat word bedoel met sensoriese integrasiedisfunksie? Arbeidsterapeut Charlene Cruickshank beantwoord ons vrae.

Daar is al baie gesê oor die belangrike rol van taal-en leesvaardighede as belangrike boustene vir kinders se ontwikkeling. So ook wiskunde. Ons fokus op die ontwikkeling van wiskundige vaardighede by peuters en kleuters, met remediërende terapeut en skrywer, Reinette Lombard.

Kinderkinetikus Karyna le Roux vertel van speletjies en buitemuurse aktiwiteite om peuters en kleuters weer aktief te kry ná die winter.

Daar is baie ouers van voorskoolse kinders wat nou hulle opsies opweeg oor kleuterskole vir aanstaande jaar, en wat die beste is vir hulle kinders. Of dalk is jy 'n tuisbly ma of pa? Vroeëkinderontwikkelingspesialis Yolandi van den Heever deel haar kennis hieroor.

Aktrise Juanita de Villiers en radiopersoonlikheid Christelle Webb-Joubert vertel van hulle breinkind, Lekker Luister. Dis 'n platform waarop kinders na oudiostories met karakters, klank en musiek kan luister.

Ons fokus op die brein se chrono-sensor, wat onder meer daarvoor verantwoordelik is om chronologiese, tydsverloop en ritme-inligting te versamel en te verwerk.

Ons fokus op kinders met spesiale leerbehoeftes en uitdagings. Ronel van Dijk van die Paarl Skool gesels passievol oor dié skool en sy leerders.

Ons kyk na die onskatbare waarde van musiek in die ontwikkeling van voorskoolse kinders. Magdalene Minnaar, sopraan en artistieke direkteur van Kaapstad Opera, vertel van haar projek om klassieke musiek en opera aan jong kinders bekend te stel.

Daar is 'n magdom inligting op die internet beskikbaar om ouers van voorskoolse kinders te bemagtig. Hoe betroubaar is daardie inligting? Anthea Fredricks gesels met die mense van Afrikaans.com, 'n aanlynplatform waar Afrikaanses met die druk van 'n knoppie geholpe kan raak. Ons hoor ook by kinderontwikkelingspesialis Yolandie van den Heever van boeliegedrag en wat gemaak met 'n klein kind wat byt.

Ons fokus op kinderontwikkeling en liggaamlike funksionaliteit met arbeidsterapeut Charlene Cruickshank. Sy vertel waarom dit belangrik is om klein huistakies aan jou voorskoolse kind toe te vertrou.

Ons fokus op die belangrike rol wat ouers speel om 'n liefde vir lees by hulle kinders aan te wakker, en hoe tradisionele boeke die leeservaring kan verryk. Spraakterapeut en skrywer Christien Neser vertel meer.

Joey de Villiers, wat as baba aangeneem is, neem ons op 'n persoonlike reis van aanneming.

Ons kyk in diepte na voorskoolse kinders se emosionele welstand. Kliniese sielkundige en spelterapeut, Jo-Marie Bothma, help ons om ons kinders se emosies beter te verstaan.

‘n Vyfjaarlikse internasionale verslag het weer bevestig dat Suid-Afrikaanse leerders swak lesers is. Waar lê die probleem, en hoe kan dit doeltreffend aangespreek word? Spraak- en taalterapeut Hannekie Verwoerd deel haar insigte.

Die dood en verlies is onvermydelik en dis iets waarmee die meeste van ons vertroud is. Maar hoe praat ek met my voorskoolse kind oor die onderwerp? Sielkundige Fiona Doman-Olivier kuier in die Groeipyne ateljee om ons vrae te beantwoord.

Die gesprek oor vroeë breinstimulasie en taalontwikkeling word voortgesit met remediërende leeskenner, Brand van Dyk.

Remediërende leeskenner Brand van Dyk praat oor verantwoordelike ouerskap en breinstimulering. 

Ronel Beukes, 'n dieetkundige verbonde aan die Afdeling Menslike Voeding by die Universiteit Stellenbosch, praat oor vetsug by voorskoolse kinders.

Ronel Beukes, 'n dieetkundige van die Departement Menslike Voeding by die Universiteit Stellenbosch, praat oor die Departement van Gesondheid se PAD NA GESONDHEID-boekie wat uitgereik word met die geboorte van elke baba in die land.

Deesdae moet beide ouers in ‘n huishouding werk om die pot aan die kook te hou. Dit lei daartoe dat baie skoolgaande kinders smiddae by naskoolsentra deurbring tot die werksdag verby is. Naskool-juffrou Tina Kleynhans vertel wat naskool behels.

Anthea Fredericks fokus op die ATKV se AbbAsorg-projek, hulle sosiaal-maatskaplike verantwoordelikheidsprogram wat onder meer gehalte onderwys aan kwesbare voorskoolse kinders bied.

Met Suid-Afrika se warm klimaat, vind baie buitemuurse aktiwiteite in en om water plaas. En steeds hoor ons tragiese stories van kinders wat verdrink. Sweminstrukteur Ida van Wyk praat oor swemlesse en waterveiligheid vir voorskoolse kinders.

Baie ouers is nou al bekommerd oor 2024 en die inskrywingsproses vir Graad R of Graad 1. Dr. Elsabe Wessels van die Fakulteit Opvoedkunde by Noordwes-Universiteit het raad.

Klein ongelukke in en om die huis, en ook op die speelgrond, is iets waarmee menige ouer van voorskoolse kinders al te bekend is. Maar weet ons kinders wat om te doen as daar nie ‘n volwassene  naby is nie?  Anthea Fredericks praat hieroor met gesertifiseerde noodhulpinstrukteur Margi Snyders.

Professor Renier Coetzee van die Skool vir Openbare Gesondheid aan die Universiteit van Weskaapland praat oor die impak van tuberkulsoe op kinders.

Die gesprek oor gehoorverlies by babas en voorskoolse kinders word voortgesit. Ilouise le Roux, 'n spraakterapeut en oudioloog, verduidelik waarom vroeë diagnose so belangrik is.

Watter impak het gehoorverlies op kinders se ontwikkeling en taalgebruik? Ilouise le Roux, spraakterapeut en oudioloog, beantwoord hierdie en ander vrae.

Die gesprek oor Wiskunde en voorskoolse kinders word voortgesit. Prof. Corné Kruger van die Noordwes-Universiteit se fakulteit opvoedkunde praat oor Wiskundeonderrig in die grondslagfase.

Prof. Corne Kruger van die Noordwes-Universiteit se fakultieit opvoedkunde praat oor Wiskunde-onderrig in die grondslagfase.

(Heruitsending) Ons fokus op voorskoolse kinders se breinontwikkeling deur middel van musiek en beweging. Corne Kotze, ‘n kenner op die gebied wie se ondervinding oor 30 jaar strek, verduidelik hoe musiek aangewend word om klein kinders se breinontwikkeling te stimuleer.

Benita Taylor, 'n dosent in vroeë kinderontwikkeling by die Noordwes-Universiteit, het haar doktorale tesis oor die motoriese ontwikkeling van babas gedoen. Sy vertel wat haar bevindings was.

Nelmari Kemp, projekleier by die Stigting vir Bemagtiging deur Afrikaans, vertel van hulle voorleesprojek en hulpbronne.

Spraak- en taalterapeut Hannekie Verwoerd fokus op leesvoorbereiding vir voorskoolse kinders.

Ons kyk verder na grondslagfase onderwys met dr. Elsabé Wessels van die Noordwes-Universiteit.

Ons fokus ons op grondslagfaseonderwys met dr. Elsabe Wessels van die Fakulteit Opvoedkunde by Noordwes-Universiteit.

Anthea Fredericks deel van die hoogtepunte wat die afgelope jaar op die program uitgesaai is.

Anthea Fredericks deel van die hoogtepunte wat die afgelope jaar op die program uitgesaai is.

Die somervakansie is in volle swang. Kinderbiokinetikus Karyna le Roux gee wenke oor hoe om voorskoolse kinders in hierdie tydperk aktief te hou.

Is kos jou liefdestaal as ouer? Anthea Fredericks sit haar gesprek met Ronel Beukes van die Departement Menslike Voeding aan die Universiteit Stellenbosch voort oor die feesseisoen en watter kosriglyne ons behoort te volg.

Ronel Beukes van die Departement Menslike Voeding aan die Universiteit Stellenbosch praat oor die moets en moenies van voorskoolse kinders se dieet tydens die feesseisoen.

Anthea Fredericks fokus op die toekoms van Afrikaans teen die agtergrond van moedertaalonderrig. Dr. Hendrik Theys van die Afrikaanse Taalraad en die Stigting vir Bemagtiging deur Afrikaans kuier in die ateljee.

Anthea Fredericks sit haar gesprek met spesialisdermatoloog dr. Suretha Kannenberg voort oor velsiektes en velprobleme by voorskoolse kinders.

Anthea Fredericks fokus op die  liggaam se grootste orgaan, die vel, en veral op velsiektes en velprobleme wat by voorskoolse kinders kan kop uitsteek. Spesialis dermatoloog dr. Suretha Kannenberg gee raad.

Anthea Fredericks hoor van ‘n navorsingstudie by die Universiteit van Weskaapland oor die impak van hoërisiko swangerskappe op pa's. Erika Erasmus het haar tesis as sielkunde honneurs-student hieroor gedoen. En ‘n ma van Wellington vertel van hulle pleegseuntjie wat as premature baba aan hulle toevertrou is.

In Suid-Afrika word 15% van alle babas (een uit elke sewe) vroeg gebore. Nicolle Groskopf, wat ‘n premature baba gehad het, bied ondersteuning aan ander ouers in soortgelyke omstandighede.

Ons gesels verder oor die uitdagings van babas, veral dié ouer as ses maande, wat nie goed slaap nie. Baie nuwe ouers ken dit al te goed, en is dikwels raadop. Slaapkonsultant Rhonel Scheepers deel nog insigte en wenke.

In hierdie week se Groeipyne fokus ons op slaap, die wondersoete ding soos die digter daarna verwys. Maar wat as dit in ‘n nagmerrie ontaard met ‘n nuwe baba wat sukkel om te slaap, en die ouers heelnag wakker hou? Slaapkonsultant Rhonel Scheepershet raad.

Anthea Fredericks kyk na die invloed van taalontwikkeling op geletterdheidswerwing met betrekking tot voorskoolse kinders. Spraak- en taalterapeut, Hannekie Verwoerd, is passievol oor hierdie onderwerp, en deel nuttige insigte en wenke.

Anthea Fredericks fokus op die invloed van taalontwikkeling op geletterdheidswerwing met betrekking tot voorskoolse kinders. Spraak- en taalterapeut Hannekie Verwoerd is passievol oor die onderwerp, en deel nuttige insigte en wenke.

Anthea Fredericks fokus op jong kinders se blootstelling aan pornografie na aanleiding van ‘n onlangse artikel in dat kinders so jonk as vyf jaar oud aan eksplisiete seksuele inhoud blootgestel is. Dr. Elna Rudolph, 'n mediese dokter en seksuoloog, gee haar indrukke en verskaf waardevolle raad.

Anthea Fredericks kyk na die verskeie uitdagings wat voorskoolse kinders in die gesig staar - van emosionele regulering tot skermtyd. Sielkundige Fiona Doman Olivier gee raad.

Anthea Fredericks fokus op die veranderende dinamika in ‘n gesin met die koms van ‘n nuwe baba. Dit kan nogal uitdagend wees vir jong sibbe, veral as hulle self nog peuters of kleuters is. Spesialisberader Wietske Boon gee raad.

Anthea Fredericks fokus op voorskoolse kinders se breinontwikkeling deur middel van musiek en beweging. Corne Kotze, ‘n kenner op die gebied, wie se ondervinding oor byna 30 jaar strek, verduidelik hoe musiek aangewend word om klein kinders se breinontwikkeling te stimuleer,  en wat ouers by die huis kan doen.

Corne Kotze, ‘n kenner op die gebied van voorskoolse kinders se breinontwikkeling deur middel van musiek en beweging, verduidelik hoe musiek aangewend word om klein kinders se breinontwikkeling te stimuleer.

Die fokus is op vroeë breinstimulasie vir voorskoolse kinders. Brand van Dyk, ‘n remedierende leeskenner, praat oor die brein se ontsaglike vermoë.

Daar is heelwat navorsing en getuienis van die groot voordele wat diere inhou vir die mens se welstand en geestes-en liggaamlike gesondheid. Die span van Paws4Life kuier in die ateljee saam met Anthea Fredericks om onder meer oor die opleiding van terapie- en dienshonde te gesels. Die honde help kinders op verskeie  maniere met uiteenlopende uitdagings.

Dr. Thandi Wessels, ‘n distrikspediater by Tygerberg Hospitaal en ook verbonde aan die Universiteit van Stellenbosch se Departement Pediatrie en Kindergesondheid, vertel hoekom kinder-immunisasie so belangrik is.

Ons sit die gesprek voort oor die uitdagings wat peuters en kleuters by vroeë kinderontwikkelingsentra in die gesig staar. Daar word gefokus op dissipline. Anthea Fredericks praat met Emily Solomon, wie se loopbaan en bydrae tot die onderwys oor meer as 50 jaar strek.

Ons fokus op skoolvoorbereiding en die uitdagings wat peuters en kleuters by vroeë kinderontwikkelingsentra in die gesig staar. ‘n Onlangse Suid-Afrikaanse studie het bevind dat heelwat van hierdie kinders nie leergereed is nie. Anthea Fredericks praat hieroor met Emily Solomon, wie se loopbaan en bydrae tot die onderwys oor meer as 50 jaar strek.

Anthea Fredericks praat met musiekterapeut Anja Pollard oor musiekterapie vir voorskoolse kinders.

Die fokus is op kinderkinetika – die dissipline van bewegingsontwikkeling en oefening. Anthea Fredericks steek kers op by kinderkinetikus, Karyna le Roux, oor watter voordele dit inhou vir jong kinders.

Anthea Fredericks fokus op Grondslagfase-onderwys en die oorgang van Graad R na Graad Een. Susan Burgess van die Curro Kurrikulum bestuurspan en Grondslag Fase bestuurshoof praat oor kreatiewe maniere om die leerervaring in die formele onderwysmilieu vir hierdie jong leerders aangenaam te maak.

Anthea Fredericks praat met Brand van Dyk, wie se remediërende leesagtergrond oor 25 jaar strek, oor voorskoolse kinders se breinstimulasie en die vroeë ontwikkeling van leesvaardighede. Goeie leesvaardigheid is van die belangrike boustene vir suksesvolle akademiese en persoonlike ontwikkeling. 

Geld laat die wereld draai; geld wat krom is, maak reg wat stom is. Daar is 'n menigte idiome en gesegdes oor geld, en as volwassenes verstaan ons die rol wat geld in ons alledaagse lewe speel. Dis ook ons plig om ons kinders toe te rus met die nodige vaardighede om hulle te help om hulle geldsake suksesvol te bestuur. Anthea Fredericks praat hieroor met Nico van Gijsen, 'n gesertifiseerde finansiële beplanner.

Anthea Fredricks plaas die fokus op kinders se dieet en gesonde eetgewoontes. Ronel Beukes van die Departement Menslike Voeding aan die Universiteit Stellenbosch gee wenke aan swanger vroue om te verseker dat hulle ongebore babas die regte voeding kry. Daar word ook gesels oor kleuters en peuters se kieskeurige kossmake.

Dis bloktyd! Die land se leerders is midde in eksamens. Dit beteken dat stresvlakke hoog kan loop in baie huishoudings. Ons kyk na maniere om kinders se stresvlakke te verlig, en fokus op die ondersteuningsrol wat ouers en versorgers kan speel. Celeste Labuschagne, 'n onderwys-spesialis by die Skole Ondersteuningsentrum,  deel waardevolle wenke.

Vir baie jare was seks en seksualiteit taboe onderwerpe in vele Suid-Afrikaanse huishoudings.  Dis mos immers iets baie privaat. Ouers blyk steeds sku en ongemaklik om die onderwerp aan te roer. Maar dis tog sekerlik by die huis waar seksopvoeding moet begin? Anthea Fredericks het dr. Elmari Craig, 'n internasionaal gesertifiseerde seksuoloog en verhoudingsterapeut,  genader om die vrae te beantwoord.

'n Groot aantal kinders sukkel met Wiskunde. Vir baie leerders is dit 'n gevreesde vak, hoewel dit 'n belangrike komponent van die kurrikulum is. Sommige kinders gee eenvoudig tou op. Anthea Fredericks praat met Kurt Minnaar, 'n voormalige Wiskunde-onderwyser en deesdae vakadviseur vir die Wes-Kaapse Onderwysdepartement, oor maniere om 'n hernieude belangstelling in Wiskunde te prikkel.

Hoe leesfiks is ons kinders? Anthea Fredericks praat met Nelmari Kemp van die Stigting vir Bemagtiging deur Afrikaans oor die belangrikheid van lees, en hoe dit al die fassette van kinders se lewe raak.

Anthea Fredericks praat met opvoedkundige sielkundige Quinton Adams oor skoolgeweld.

Wat is troeteldiere se rol in 'n gesin. Wanneer is die regte tyd om 'n troeteldier aan te skaf? Watter implikasies en voordele hou dit vir kinders en die gesin in? Staatsveearts dr. Annelie Cloete beantwoord al die vrae.

Wanneer ons aan gesinne dink is die prentjie dikwels dié van 'n pa en ma en minstens twee sibbe. Maar wat as daar net een kind is? Behoort enkelkinders anders grootgemaak te word? Sielkundige Fiona Diman-Olivier beantwoord hierdie en ander vrae.

Watter impak het die dra van gesigmaskers tydens die Covid-19-pandemie op kinders se luistervaardighede gehad? Anthea Fredericks praat hieroor met spraakterapeut Jacolien Britz.

Die Covid-19-pandemie het ons lewe vir altyd verander, ongeag of dit endemies gaan word of nie. Vra enige kind, en jy sal 'n storie of twee hoor van verlies. Hetsy dit die dood van 'n geliefde is of vriendskappe wat weens die afstand gesneuwel het. Kinders se ware emosies en gesigsuitdrukkings kan maklik agter 'n masker weggesteek word. Hoe rus ons ons kinders toe om te midde van die voortslepende onsekerheid gegrond te bly? Anthea Fredericks praat hieroor met spesialisberader, dr. Wietske Boon.

Anthea Fredericks praat met twee opvoeders oor die groot sprong van laerskool na hoërskool. Johanni Dreyer en Sebastiaan Agulhas van Curro Century City Hoërskool in Kaapstad deel hulle insigte oor hoe om die aanpassing vir leerders makliker te maak. Ons hoor ook wat 'n paar Graad 8's te sê het oor hulle nuwe skoolervaring.

Johan van Lill praat met dr. Melodie de Jager oor of daar deesdae meer kinders is wat leer- en ontwikkelingsuitdagings het as vroeër. Wat is die dinge wat belangrik is wat ek as ouer en versorger op moet fokus om kinders se ontwikkeling te stimuleer?

Johan van Lill praat met Fanie Kriel, 'n pastorale berader, oor die impak van dinge wat om ons gebeur, op tieners se interne self. Hoe moet ek as ouer en versorger hulle ondersteun wanneer daar soveel dinge gebeur waaroor ons nie beheer het nie?

Johan van Lill praat met Lizelle de Bruin oor dinge wat jy met kinders kan doen oor naweke en in vakansietye, wat hulle nie net sinvol besig hou nie, maar ook hulle spelenderwys ontwikkel.

Johan van Lill praat met onderwyskundige Wilna van Rooyen oor die dagprogram by voorskoolse sentrums. Wat gebeur alles deur die dag nadat jy jou kind afgelaai het? Wat is die belangrike dinge wat moet gebeur, en hoekom leer hulle nie om te lees of skryf nie?

Johan van Lill praat met opvoedkundige sielkundige Katherine van Heerden oor die stel van grense. Wat is grense, en hoe gemaak as ek nie goed daarmee is om my kinders van grense te leer of om dit toe te pas nie? Wat is die verband tussen grense stel en gedrag?

Johan van Lill praat met Quinton Adams, 'n opvoedkundige sielkundige, oor die impak wat finansiële stres en armoede op gesinne het. Hoe hanteer ek dit as ek my werk verloor het, en hoeveel moet die kinders daarvan weet?

Johan van Lill praat met Elzette Fritz, 'n opvoedkundige sielkundige, oor wat jou te doen staan as jou kind nie met mense oor die weg kom nie. Hoe hanteer ek dit as my kind nie met Juffrou of Meneer kliek nie, of selfs met ander volwassenes en straks ook met my as ouer?

Johan van Lill praat met dr. Jurie Joubert, 'n opvoedkundige en historikus, oor die belangrikheid van familieverbindings vir die ontwikkeling van kinders. Hoe kan waar jy in die familie inpas, vir jou kind tot voordeel wees?

Johan van Lill praat met Johan Olivier, ‘n gekwalifiseerde finansiële opleier, oor hoe ouers en versorgers goeie en gesonde geldgewoontes by kinders kan ontwikkel. Wat is finansiële geletterdheid? Wat is die onderwerpe wat jy met jou kinders kan bespreek om hulle geldsake van jongs af goed te bestuur?

Johan van Lill praat met opvoedkundige sielkundige Katherine van Heerden oor kinderdepressie. Wat is dit, en wanneer moet ek as ouer en versorger bekommerd wees?

Johan van Lill praat met twee opvoedkundige sielkundiges, Anel Hattingh en Salomi Morkel, oor die moets en moenies van kinderkamers. Hoe lyk die ideale kinderkamer wat by jou kind se ontwikkelingstadium pas? Wat moet ek eerder vermy, en wat is belangrik vir ‘n kinderkamer?

Johan van Lill praat met twee opvoedkundige sielkundiges, Natalie Pretorius en Tanya van der Walt, oor tieneruitdagings. Hoe gemaak as my tiener vloermoere gooi en emosionele uitbarstings het?

Johan van Lill praat met opvoedkundige sielkundige, Talitha Veldtsman, oor die rol wat ouers en versorgers as opvoeders speel, en hoe ouers hulle kinders in hierdie rol kan voorberei vir terug skool toe gaan.

Johan van Lill praat met twee opvoedkundige sielkundiges, Alicia Bestbier en Jacoleen Vogel, oor ontwikkelingsuitdagings by kinders, wat soms lyk asof dit ADHD kan wees, maar dit is nie. Daar word so maklik ‘n diagnose van ADHD gemaak by kinders, maar baie ander ontwikkelingsuitdagings het presies dieselfde simptome, en moet eers uitgeskakel word.

Johan van Lill praat met twee opvoedkundige sielkundiges, Jacoleen Vogel en Marezelda Combrinck, oor of mylpale by kinders se ontwikkeling nog belangrik is. Maak dit saak of jou kind op ‘n sekere ouderdom begin praat en kruip het of regop kon sit?

Johan van Lill praat met twee opvoedkundige sielkundiges, Melissa Cawood en Talita Veldsmaner, oor kindertrauma en die impak wat dit op die gesin en kinders se ontwikkeling het.

Johan van Lill praat met Betsie Hartzer, ‘n geregistreerde berader, en Mariaan de Vos, ‘n opvoedkundige sielkundige, oor hoe jy met jou kind oor kinderveiligheid moet gesels. Baie van die gesprekke wat jy met jou kind hieroor het, is gevul met stereotipes. Hoe help ek my kind om altyd paraat te wees?

Johan van Lill praat met Lizette Labuschagne, 'n forensiese maatskaplike werker, en Minke Saayman'n kliniese maatskaplike werker, oor wat geweld teenoor kinders behels? Geweld kan soveel vorme aanneem. Wat moet ek as volwassene doen wanneer dit voorkom?

Johan van Lill praat met prof. Ignatius Gous oor kinders se uitvoerende funksies, en die rol wat dit speel wanneer hulle leer, studeer en ontwikkel. Hoe leer ek my kind om te prioritiseer, te selfreguleer en om te fokus op dit wat hy moet klaarmaak?

Johan van Lill praat met Lezinda Beer, ‘n pastorale jeugberader, en Sonja Teitge, ‘n spesialis welstandsberader, oor wat om te doen wanneer kinders oor alles baklei. Wat maak ek as my kinders net nie met mekaar oor die weg kom nie?

Johan van Lill praat met Marezelda Combrinck, 'n ontwikkelingskenner, en Mariette van Zyl, 'n opvoedkundige sielkundige, oor watter speelgoed goed is vir kinders se ontwikkeling. Hierdie tyd van die jaar kreun die winkels se rakke onder die speelgoed vir die feesseisoen – watter speelgoed kan my kind geniet en terselfdertyd goeie stimulasie bied vir ontwikkeling?

Johan van Lill praat met Sonja Teitge, ‘n welstandsberader en spelterapeut, en Lezinda Beer, 'n pastorale en jeugberader, oor wat om te doen wanneer jou kind na niks en niemand luister nie en hom of haar nie aan die reëls van die huis steur nie.

Johan van Lill praat met Elzette Fritz en Melissa Cawood, opvoedkundige sielkundiges, oor hoe om kinderstres, -angs en -vrese te hanteer. Wanneer moet ek bekommerd wees oor my kind se stres- en angsvlakke, en hoe gaan soek ek hulp daarvoor.