City-Sámit searvi ordne Helssegis liidneriessungurssa ođđajagimánus. Gursa álgá bearjadaga 16. beaivve ja bistá olles vahkuloahpa. Sini Nuorgam muitala eanet gurssa birra ja maid gánneha váldit vuhtii jus riessu liinni vuosttas geardde. Doaimmaheaddji: Helga Siljander

Lea vuot boahtan dat áigi jagis, go čábbámus juovlalávlagat čuodjagohtet miehtá Suoma girkuin ja stobuin. Helssegis Stadin slangi -searvi ordne iežas veršuvnna musihkadáhpáhusas juohke jagi. Dál mii gullat, maid searvvi ságadoalli Sami Garam muitala Helssega guovllu dialeavttas, mii gohččoduvvo ”stadin slangin”. Doaimmaheaddji: Helga Siljander.

Buot Suoma nuorain, geat leat 15-24 ahkásažžat, sullii 28 000 nuora lea barggu ja skuvllasaji haga. Ollugiin leat goittot plánat sihke várreplánat ja boahttevuohta orru čuovgat. 21-jahkásaš Niillas West ii leat fidnen iežas suorggi barggu skuvlla maŋŋá ja dál mii gullat, makkár plánat dán nuorra albmás leat eallima várás. Doaimmaheaddji: Helga Siljander

Muhtin olbmuid miella álgá gulul lossut, go sevnnjoda, ja dát geavvá juohke dálvve. Morašmielalašvuohta, váibbasvuohta ja berošmeahttunvuohta leat dábálaš skábmalossamielas. Skábma álgá váikkuhit olbmo millii golggotmánus ja easkka guovva-njukčamánus dávdamearkkat jávket. Vearrámus áigi lea justa dát, skábmamánnu. Skábmalossamiela birra hállojuvvo gávpotreportára mielas menddo veahá. Dat orru leamen tabu, vaikko measta juohke goalmmát olmmoš gillá dávdamearkkain. Lihkus máŋggalágan koansttat gávdnojit, nu mo Helga Siljander muitala.

Suomas eai máŋggas dovdda šat kekri-feastta. Kekri-ávvudeamit gulle dolin eanadoalloservodaga loahppajahkái. Gullat dál mii leai dán feastta mearkkašupmi. Sakari Linden muitala maiddái manne son hálidii ordnet dánáigge Kekri-riemuid iige ovdamearkkadihte amerihkkálaš Halloween-suohtastallama. Dolaimmaheaddji: Helga Siljander

Yle Sámi gávpotreporttar Helga Siljander riegádahttii máná golbma vahkus dassái. Doaimmaheaddji Susanna Guttorm lea riŋgen Helgai gullan dihte makkár su eallin lea dál go mánástallá ruovttus.

Suomas riegadit sullii 150 vávvá geainnu alde ja mearri lea loktanan ovddit jagiid ektui. Golggotmánu 10. beaivve dollojuvvui humoristtalaš mátkeriegádahttinbeaivi, gos čielgeeatnit miehtá Suoma ordnejedje pop-up -riegadahttinčuoggáid geainnuid báldii ja bensinstašuvnnaide. Pop-up -kampanja ulbmilin lei sáddet dearvvuođaid politihkáriidda, ahte jus smávva riegadahttinbuohcceviesut giddejuvvojit de gii beare sáhttá gártat čielgeeadnin hálidii dahje ii. Doaimmaheaddji: Helga Siljander

Sohkaálbmotvahku leat ávvudan earret earáid Tampere ja Helsset gávpogiin. Helssegis doalut álge 11.10. Vahkku álggii Kolttakino-dáhpáhusain. Konsearttat, logaldagat ja čájáhusat leat leamašan de olles vahku. Sukukansojen ystävät -searvvi sátnejođiheaddji Norman Langerak muitala sohkaálbmotvahku sierra dáhpáhusain ja geillafuolkkástallama birra. Doaimmaheaddji: Helga Siljander.

Sápmelaččat dovdet funet nuortalaš kultuvvra, dadjá Helssega Kolttakino oaiveordnejeaddji, Minna Moshnikoff. Nuortalaš filbmadáhpáhusa oktavuođas Saa’mi Nue’tt -searvi geigii jagi nuortalaš -bálkkašumi. Dan oaččuiga Miika Lehtinen ja Markus Juutinen (govva / Saa’mi Nue’tt). Filbmadáhpáhusa birra ja bálkkašumi ákkain muitala searvvi várreságadoalli Minna Moshnikoff. Doaimmaheaddji: Helga Siljander

Vuosttas dánsundiibmu vuođđoskuvllaahkásaš citysámemánáide álggii Helssegis Munkkivuoris sotnabeaivve 5.10. Diimmuid giellan lea davvisámegiella. Lihkadeapmi ja dánsun lea buorre maiddái giela ektui, dadjá oahpaheaddji, 16-jahkásaš Pinja Pieski. Son álggahii oahpuid dán čavčča olggosbuktindáiddu logahagas Helsset Kallios. Doaimmaheaddji: Helga Siljander

Mannan vahkus gulaimmet, ahte Ruošša eiseválddit geahččaledje eastadit Guoládatnjárgga Sámi parlameantta ságadoalli Valentina Sovkina mátkki ON eamiálbmogiid máilmmikonferánsii. Ruošša-dovdi Jukka Mallinen lea ovdalge gullan dákkár meannudemiin Ruošša vehádagaid vuostá. Gávpotságain hállat mánggakultuvralaš ja diktatuvralaš Ruošša etnopolitihká ja -strategiija birra. Dihtolagan doaimmaide Jukka Mallinen ávžžuha olbmuid, geain lea beroštupmi bargat ovttas Ruošša eamiálbmogiiguin. Doaimmaheaddjin Helga Siljander.

Jápmán urálalaš gielaid muitobeaivi lea 20.9. Helssegis muitobeaivvi dáhpáhusa lea gávpoga guovddážis. Ulbmilin lea oažžut fuopmášumi áittavuloš gielaide, muitala Jaakko Helke. Son lea ságadoalli Helsset universitehta studeantagotti sohkaálbmotlávdegottis. Doaimmaheaddji: Helga Siljander

Čakča mearkkaša máŋggasiidda ođđa álggu, eandalit jus álgá dalle skuvlii. Mila Guttorm Gáregasnjárggas lea okta čavčča ođđa studeanttain. Son muitala mo lea leamašan álgit ámmátallaskuvlii, maid son smiehttá Helssega alla láigguid birra ja maid árvala gávpotguovddáža vuollajuhkanbáikkiid birra. Gávpotságaid doaimmaha Helga Siljander.

Gávpotreportter Helga Siljander ozai ságaide sápmelačča Maailma kylässä -festiválas Helssega Kaisaniemis. Anne Orti gávdno City-Sámiid lávus. Dát lea sudno vuosttas gávnnadeapmi.

Buotlágan gálvvuid valljodat čielgá olbmui dávjá buoremusat fárredettiin. Muhto gálvvuin beassa luovus ja okta vuohki lea searvat almmolaš čorgenbeaivái. Ná dat goitot Helssegis doaibmá, muitala gávpotreporter Helga Sofia Siljander.

Gávpotságain Fenno Ugria -searvvi jođiheaddji Kadi Raudalainen muitala, mo sámit leat oidnosis Estteriikkas ja makkár muittut sus alddes leat Sámis. Doaimmaheaddji: Helga Siljander

Gávpotságaid doaimmaheaddji Helga Siljander lea geargan juo ássat máŋgga sierra báikkis. Ja orru ainge johtimiin Suoma, Estteeatnama ja Sämeeatnama guovddásbáikkiid gaskka. ja dalle sáhka lea earrret earáid giellageavaheamis.

Gávpotságaid mii gullat dán vuoro Oulus. Doppehan čájehuvvui Áigin animašvdna bearjadaga 11.4.2014. Filbmadahkkiin lea nana jáhkku dasa, ahte dát sámegielat sárgojuvvon filbma leavvá viidát máilmmis. Jouni West dagai filmma man vuođđun lea dološ máinnas. Buvttadeaddji Jukka Vidgren ja márkanfievrredeaddji Joni Saijets sihke geahčči Oula Guttorm kommenttat dás. Doaimmaheadjit: Gabriela Satokangas ja Jouni Aikio

Gávpotságain Helga Siljander muitala mo lea eallit Talsinkis ja mo sus šattai diekkár mii govddoda ovddosmaŋás Helsset ja Tallinna gaskka. Sus lea maiddái ášši das makkár lea suopmelaš-ugralaš máilbmi.

Yle Sámi ođđa Gávpotságat-oasi reporttarin lea álggahan Helga Siljander. Son orru sihke Suomas ja Estteeatnamis. Dás gullat makkár jurdagiin Helga lea álgimin bargat reporttarin. Doaimmaheaddjin Susanna Guttorm.

Oulu Sámit -searvi lea jahkečoahkkimisttis váljjen ođđa stvirra. Ođđa ságadoallin Joni Saijets muitala searvvi doaibmaplánain ja veháš ieas birra. Doaimmaheaddji: Nils Pajuranta

City-sámit searvvi jahkečoahkkinmis ságastalle sámegiela oahpahusa ja sámeskuvlla birra. Searvi ođasmahttii njuolggadusaid dánáigái buorebut heivvolažžan. Stivrras leat dál aktiivalaš doaibmit ja dát dahká álkkibun maiddái ságadoalli barggu go leat olbmot geat hálidit bargat searvvi buorrin ja ovddidit gávpotsámiid áššiid, dadjá searvvi ságadoalli Pentti Pieski. Doaimmaheaddji: Nils Pajuranta

Anni-Helena Ruotsala lea suokkardallan Helssega jagiáiggiid sierralágan fenomenaid bokte ja mot gávpogii sáhtta sajáiduvvat álkit. Doaimmaheaddji: Áile Aikio

Vehádatáittardeaddji doaimmahat julggastii 99 gažaldaga ja vástádusa ILO 169 -soahpamuša birra. Vehádatáittardeaddji Eva Biaudet muitala manin julggastus almmustahttojuvvui ja makkár rivttiid ILO169-soahpamus buvttašii sápmelaččaide ja mot sapmelašvuođa meroštallan laktasa ILO169-soahpamusa ratifiseremii. Doaimmaheaddji: Anni-Helena Ruotsala

Golggotmánus 2013 Ohcejoga sámelogahahkii bođii studeantalonohallama namas okta nieida Helssega Kallio sierralogahagas. Dál Noora Metsikkö lea máhccan Ohcejogas fas Helssegii ja vásáhusaid dán lonohallanáigodagas sus jearai Annihelena Ruotsala.

Vuosttas gávpotgiellabeassi álggahii doaimmas Helssegis skábmamánus 2013. Máttabiegga-giellabeasis vuosttas bargin álggahii Sivi Jomppanen. Doaimmaheaddji: Annihelena Ruotsala.

Gávpotságiad doaimmaheaddji Annihelena Ruotsala ságastahtii Áillohačča ja juoigama birra Rásttoš-Juhán Niillasa Juhán-Ándde, Johan Anders Bær ja Ulla Pirttijärvi-Länsman Helssegis, dan oktavuođas go soai leigga ráhkkaneamen Áillohačča 70-jagi riemut konsertii. Govva Anár konsearttas 9.11.2013, das Ulla, Niko Valkeapää ja Juhán-Ánde. Govven: Vesa Toppari.

Otná gávpotsagain gullat giellaáššiin. Doaimmaheaddji: Veikko Aikio

Doaimmaheaddji: Veikko Aikio

Doaimmaheaddji: Veikko Aikio

Doaimmaheaddji: Anneli Lappalainen

Álbmotbeaivvi doaluide ráhkkanit Roavvenjárggas. Doaimmaheaddji: Sámmol Ánde Lukkari.