بعد 10 سنوات من العمل كأخصائية تغذية، أصبحت على يقين أن اتباع الدايت الصارم لن يجعل الناس أكثر صحة أو سعادة. من خلال هذا البودكاست، سأشارككم قصتي وشغفي بـ“ التغذية الحدسية “. اشتركوا لتتعلموا نصائح عملية حول كيفية رفض عقلية، التمرد على المعايير الجمال المفروضة من المجتمع، تحسين صورة الجسد، التواصل مع إشارات الجسم والعناية بالصحة بدون هوس. الحياة أهم بكثير من مجرّد التفكير فقط بخسارة الوزن و تقليص حجم الجسد، وأنا هنا لمساعدتكم على عيش الحياة بأفضل طريقة. هذا البودكاست من تقديم رولا غدار، أخصائية معتمدة بالتغذية الحدسية ومدربة يوغا. After 10 years of working as a dietitian, I firmly believe that strict diets aren't going to make you healthier nor happier. In this podcast, I want to share with you my story and my passion for intuitive eating. Subscribe to learn actionable tips on how to reject the diet mentality, rebel against societal standards, improve your body image, connect to your body cues and take care of your health with no obsession. Life has a lot more to offer than chasing a smaller body and I am here to help you live it to the fullest. This podcast is brought to you by Rola Ghaddar Registered Dietitian, Certified Intuitive Eating Counselor & Yoga teacher.
امتى ما لازم نسمع لجسمنا؟
كتير منسمع اخصائية بالتغذية الحدسية بقولوا عبارة "إسمعي لجسمك".بس هيدي القاعدة مناسبة لكل الحالات؟هل في أوقات ما لازم نسمع في على جسمنا؟شو العمل بس ما نقدر نسمع لجسمنا؟كيف نرجع نقوّي تواصلنا مع جسمنا ونكسب ال ثقة؟رح نجاوب على هيدي الأسئلة أنا وضيفتي أروى التركيت مرشدة صحية ومتخصصة بالتغذية الحدسية.إسمعوا الحلقة للأخر لتكتشفوا كيف فيكم تستعملوا منهج أمتغذية الحدسية بديناميكية.للتواصل معي على الإنستغرام، إضغط هنا.للتواصل مع أروى على الإنستغرام، إضغط هنا.تحقق من الموقع الخاص بي وإحصل على دليل مجاني للبدء رحلة التغذية الحدسية.
1/23/2024 • 30 minutes
قبل ما تبلش دايت بال-2024... #30
قبل ما تبلش دايت بعام ال2024، عندي تمرين ضروري تعملوه! هيدا التمرين ممكن يخفف عليكن كتير تعب وقهر وممكن يحميكن من دوامة الدايت، خسارة الوزن، الحرمان، الشراهة على الطعام، وزيادة الوزن من جديد! حضروا ورقة وقلم وجهزوا حالكن لتبدأوا السنة بطاقة التغيير الحقيقي والمستدام. هديتي لإلكن بالعام الجديد، دليل مجاني في 4 خطوات لبدء رحله التغذية الحدسية، ممكن تحميل الدليل من خلال هيدا الرابط:https://rolaghaddar.com/products/4-steps-to-start-your-intuitive-eating-journey
1/9/2024 • 14 minutes, 34 seconds
التوازن بين الإهتمام بالذات ودعم القضية مع لين اللاظ #29
بعرف في كتير أشخاص سألت حالها "كيف بدي إهتم بحالي وفي إباده عم تصير؟"الراحة والإهتمام بالذات ممكن يكون صعب خلال هذه الفترة ولكن الإرهاق وعدم الإتصال مع الذات ما رح يفيد حدا.ما تتخلوا عن نفسكم لتقدروا تكملوا بدعم القضية يلي بتآمنوا فيها. ضيفة هذه الحلقة لين اللاظ (pointalalynn) مدربة حياة ومختصة بالعلاج السلوكي المعرفي والبرمنج اللغوية العصبية.رح نحكي عن الإهتمام بالذات، التعامل مع المشاعر الصعبة مثل الذنب والحزن والعجز، الإيجابية السامة، الهروب من المشاعر وتجاربنا الشخصية. للمزيد من المعلومات وإذا عندكن أي إستفسار، تابعونا على الانستغرام: https://www.instagram.com/rola_ghaddar/https://www.instagram.com/pointalalynn/
12/13/2023 • 54 minutes, 5 seconds
#28 الطاقة الأنثوية والطاقة الذكورية مع راما جبراني
ممكن أن تكون مشاكلك مع الأكل، مثل الأكل العاطفي، الشراهة عل الطعام، التعب المزمن، وصورة الجسد السلبية متعلقة بعدم توازن في الطاقة الأنثوية والذكورية. أنا شخصية ما كنت سامعة بهذا المفهوم لوقت ما بلشت رحلتي مع اليوغا. وصرت لاحظ إنه كل ما اشتغلت على تغذية طاقتي الأنثوية، كل ما لقيت توازن بحياتي كلها. ضيفة هذه الحلقة، راما جبراني (ramandala) مدربة ومعالجة طاقة انثوية ورح نشارك سوى تجربتنا الشخصية، تعريف هذه الطاقتين وخطوات لنلاقي توازن! للمزيد من المعلومات وإذا عندكن أي إستفسار، تابعونا على الانستغرام: https://www.instagram.com/rola_ghaddar/https://www.instagram.com/ramandala/
11/29/2023 • 48 minutes, 39 seconds
#27 التوازن خلال إجازة الصيف
كتير منشوف بإجازة الصيف نوعٍ من الأشخاص. النوع الأول بقول: بدي إستمتع بإجازة الصيف، بدي آكل بدون قيود وبعد الإجازة بعمل دايت. ونوع ثاني بيحرم نفسه من تجارب وضهرات للإلتزام بدايت.
هدف هيدي الحلقة نطلع من عقلية الأبيض والأسود، نلاقي توازن، نقدر نستمتع بالاجازة وبنفس الوقت نهتم بصحتنا.
شاركت كيف تغيرت تجربتي مع السفر من عقلية الديت لعقلية التوازن والمرونة. إسمعوا
الحلقة لأكثر الخطوات الفعالة للإستمتاع بالاجازه والإهتمام بالصحة بدون هوس.
إذا تريد أن تبدأ رحلة الإهتمام بصحتك بالخطوات الصحيحة والفعالة أرسل كلمة "انا جاهز" او "ready” على الانستغرام للحصول على تفاصيل الاشتراك معي:
https://instagram.com/rola_ghaddar
7/13/2023 • 12 minutes, 4 seconds
#26 متلازمة التكيس على المبيض والوزن والتغذية
النصائح الأكثر شيوعاً لمتلازمة التكيس على المبيض هم "لازم تنزل وزنك" "خففي النشويات" "وقفي السكر" ولكم لماذا من الأصعب على هذه الأشخاص الإلتزام بهذه النصائح؟
جاوبت على هذا السؤال والأسئلة التالية في هذه الحلقة:
- ما هو تعريف متلمظا التكيس على المبيض؟
- ما هي الهرمونات التي تتأثر في هذه الحلقة؟
- ما هي العوارض الأكثر شيوعاً؟
- هل خسارة الوزن أساس في علاج المتلازمة؟
- ما تأثير علاقتنا مع الأكل على عوارض ال PCOS؟
- ما هي التوصيات الغذائية الفعالة حسب أخر الدراسات؟
النصائح الموجودة في هذه الحلقة هي نصائح عامة، انصح بالتواصل مع اخصائية تغذية لخطة خاصة لحالتك.
إذا تريد أن تبدأ رحلة الإهتمام بصحتك بالخطوات الصحيحة والفعالة أرسل كلمة "انا جاهز" او "ready” على الانستغرام للحصول على تفاصيل الاشتراك معي:
https://instagram.com/rola_ghaddar
6/22/2023 • 18 minutes, 5 seconds
#25 "ما عندي وقت أعمل رياضة" مع فرح العريضي
في كتير عوائق بتمنعنا نعمل رياضة أو نحرك جسمنا! وأكبر عائق هو الوقت! دائماً بسمع أشخاص عم تقول "أنا ما عندي وقت أعمل رياضة".
هل عنجد ما عنا وقت؟ هل في طريقة أو إسترتجيات ل نخلق فيها وقت؟
ضيفتي بحلقة اليوم فرح عريضي المعروفة ب-"positivitywithjoy" على مواقع التواصل الإجتماعي. فرح مدربة إنتاجية وتدوين، جاوبت فرح على الأسئلة التالية:
- إذا شخص حابب يبلش رياضة أو يتحرك بس مقتنع إنو ما عندو وقت، شو نصيحتك الأولى لإلو؟
- كيف عقلية الأبيض والأسود أو المرونة بأثروا على استدامة السلوك الصحي؟
- بتحكي كتير عن تأجيل- كيف هيدا الشي بأثر على رياضة؟
- خبرينا عن استرتيجية ل نخلق وقت أكتر بنهارنا؟
- هل إنت عندك روتين رياضي؟ خبرينا عنه أكتر.
تواصلوا معي على انستغرام:
https://instagram.com/rola_ghaddar
تعرّفوا على فرح من خلال صفحتها على الانستغرام:
https://instagram.com/positivitywithjoy
6/5/2023 • 43 minutes, 47 seconds
#24 تجربة لمى مع النزول على البحر
ضيفتي بهيدي الحلقة لمى، مشتركة بأكاديمية التغذية الحدسية، بقيت ٣ سنوات تتنجب النزول على البحر بسبب عدم الراحة بشكل الجسم. من ٣ اسابيع نزلت على البحر من بعد وقت طويل، إسمعو الحلقة لتعرفو أكتر عن تجربتها.
حكينا كمان عن:
- شو يعني "جسم الصيف"؟
- رأينا بهذه العبارة.
- نصائح للتبضع لملابس السباحة
- خطوات عملية لتجربة ممتعة على البحر
اذا بدّك تشتغل على بناء صورة جسد إيجابية ابعت كلمة "انا جاهز" او "ready” على الانستغرام للحصول على تفاصيل الاشتراك معي:
https://instagram.com/rola_ghaddar
5/24/2023 • 31 minutes, 31 seconds
#23 "ضعفان/ة" ليست مجاملة
بالرغم من إنه عدد كبير من الأشخاص بيفرحوا بس يسمعو تعليق "ضعفان/ة"، سوف اشارك في هذه الحلقة كيف ولماذا هذا التعليق ممكن أن يؤثر سلبياً على صورة الجسد وعلاقتنا مع الطعام!
لأول مرة، سوف أتكلم عن مفهوم "تجسيد الذات" الذي يؤثر بشكل مباشر على صورة الجسد الخاصة بنا.
بنهاية الحلقة، سوف تجد تمارين للتعامل مع هذا الموقف بشكل إيجابي وبناء.
اذا بدّك تشتغل على بناء صورة جسد إيجابية ابعت كلمة "انا جاهز" او "ready” على الانستغرام للحصول على تفاصيل الاشتراك معي:
https://instagram.com/rola_ghaddar
5/18/2023 • 18 minutes, 6 seconds
#22 بدّي بلّش بالتغذية الحدسية بس ما بعرف كيف
اذا بدّك تبلّش تهتم بصحتك بعيداً عن ال دايت وعَدّ الوحدات الحرارية بس مش عارف كيف، هيدي الحلقة لإلك!
بشارك فيها اكتر ٣ خطوات فعالة ومناسبة للمبتدئين بالتغذية الحدسية:
- الاستمتاع
- التواصل
- السماح
اسمعوا الحلقة لتمارين عملية وتفاصيل اكتر.
اذا بدّك تشتغل على بناء عقلية سليمة حول الاكل والوصول للصحة الحقيقية ابعت كلمة "انا جاهز" او "ready” على الانستغرام للحصول على تفاصيل الاشتراك معي:
https://instagram.com/rola_ghaddar
5/2/2023 • 13 minutes, 35 seconds
#21 التحضير لعيد الفطر وتجربة بهيجة مع إضطرابات الطعام
الانتقال من الصيام الى تناول الطعام بشكل طبيعي يمكن ان يؤدي الى اخلال بالتوازن خصوصًا للاشخاص الذين يعانون من علاقة مضطربة مع الطعام.
في اشخاص بتعتل هم وجود انواع كتيرة من الطعام، الضيافة، تناول كميات كبيرة، التعليقات على شكل الجسم والملابس.
رح نحكي عن كل هيدي المواضيع مع ضيفتي بهذه الحلقة بهيجة السويركي اخصائية نفسية مرقت بإضطراب غذائي لمدة 8 سنوات قبل ما توصل للتشافي.
جاوبت بهيجة على الأسئلة التالية:
١- خبرينا باختصار عن تجربتك الخاصة مع الاضطراب الغدائي.
٣- كيف كانت تجربتك بالعيد من قبل وكيف تغيّرت؟
٤- نصائح لهذه الفترة الانتقالية:
الفطور والغداء اول يوم العيد
الحلويات
الاحساس بالذنب
الدايت بعد العيد؟
٥- كتير منسمع تعليقات على الشكل، الجسم والطعام خلال هذه الفترة. كيف نتحضّر للتعامل مع هذه التعليقات.
٦- نصيحة اخيرة.
ما تنسوا تعملوا subscribe لحلقة جديدة كل اسبوع.
تواصلوا معي على انستغرام:
https://instagram.com/rola_ghaddar
تعرّفوا على بهيجة من خلال صفحتها على الانستغرام:
https://instagram.com/bheeja_20
4/19/2023 • 45 minutes, 15 seconds
#20 ليش وزني ما عم ينزل بالرغم من الصيام؟
ثبات الوزن بالرغم من الصيام ممكن يكون إله أسباب عديدة!
بهيدي الحلقة بتوجه للأشخاص يلي عم تاكل كميات قليلة خلال رمضان وبالرغم من ذلك ما عم يشوفوا أي تغير على الميزان.
تعرفوا على عوامل بتأثر على الوزن غير الأكل والرياضة وعلى الخطوات البنائة للتعامل مع ثبات الوزن.
اذا بدّك تشتغل على بناء عقلية سليمة حول الاكل والوصول للصحة الحقيقية ابعت كلمة "انا جاهز" او "ready” على الانستغرام للحصولعلى تفاصيل الاشتراك معي:
https://instagram.com/rola_ghaddar
4/11/2023 • 12 minutes, 31 seconds
#19 التفكير الابيض والاسود وحلويات رمضان
اسمعوا الحلقة لتعرفوا كيف التفكير المتطرف بعالم الاكل ممكن يأثر عليك وتتعلم اليات لبناء مرونة اكتر بالتفكير حول الاكل.
اخدت موضوع الحلو برمضان كمثال لأن بشهر رمضان في كتير تطرف بتناول الحلويات:
في اشخاص بياخدوا قرار يوقفوا الحلو كليا"
في اشخاص بيتناولوا الحلو بكثرة
الهدف من هيدي الحلقة هو مساعدك للوصول الى توازن مريح.
اذا بدّك تشتغل على بناء عقلية سليمة حول الاكل والوصول للصحة الحقيقية ابعت كلمة "انا جاهز" او "ready” على الانستغرام للحصولعلى تفاصيل الاشتراك معي:
https://instagram.com/rola_ghaddar
3/28/2023 • 12 minutes, 11 seconds
#18 الاضطراب الغذائي والصيام مع رجاء الخطيب
اشخاص يلي يعانوا من اضطراب بالاكل عندهم حساسية زايدة على الصيام.
بس هل هيدا الشي بيعني انه بحالات معينة من اضطراب الاكل ينصح بعدم الصيام؟
رح تجاوبنا على هيدا السؤال واسئلة التالية ضيفتي اخصائية التغذية المختصة باضطرابات الاكل رجاء الخطيب:
- شو يعني اضطراب غذائي؟
- كيف ممكن الشخص يعرف اذا عندو اضطراب غذائي؟ (الفرق بين السلوكيات المضطربة والاضطراب الغذائي)
- كيف برأيكم بأثر الصيام على انواع مختلفة من الاضطرابات الغذائية؟ فقدان الشهية والنهم على الطعام؟
- نصائح لتجنب الانتكاسة/relapse
ما تنسوا تعملوا subscribe لحلقة جديدة كل اسبوع.
تواصلوا معي على انستغرام:
https://instagram.com/rola_ghaddar
تعرّفوا على رجاء من خلال صفحتها على الانستغرام:
https://instagram.com/beatroot__
3/22/2023 • 33 minutes, 37 seconds
#17 نصائح واقعية ومريحة لشهر رمضان مع ساره عاصي
رمضان رح يبلّش بعد اسبوع تقريباً، وحبيت ساعدكم تحضروا حالكم نفسياً وجسدياً لهيدا الشهر الفضيل.
ضيفتي لمرة تانية سارة عاصي (@healthyliciousbysara) ام، اخصائية تغذية ومؤثرة على الانستغرام وعالم الطبخ.
جاوبنا انا وسارة على الاسئلة التالية:
- شو اكتر شي واقل شي بتحبي برمضان؟
- كيف تغيّرت تجربتك برمضان قبل وبعد التغذية الحدسية؟
- كيف تعمل رياضة برمضان من دون الشعور بالارهاق؟
- شو اكتر نصائح بتساعد على الاكل على المهل والاستمتاع بالاكل برمضان؟
- كيف بعرف كمية الاكل يلي لازم آخذها؟
تابعوني على انستغرام لمعلومات اكثر عن التغذية الحدسية:
https://instagram.com/rola_ghaddar
تعرفوا على صفحة سارة لوصفات رمضانية مميزة:
https://instagram.com/healthyliciousbysara
خبروني رأيكم بالحلقة ونطروني بحلقة جديدة الاسبوع الجاية!
3/14/2023 • 33 minutes, 26 seconds
#16 تجربتي مع اختيار فستان الخطبة
دايماً منسمع انه العروس لازم تخسر وزن كرمال تلبس الفستان الخطبة/العرس.
وهيدا الشي مش غلط اذا حدا عنده هدف واقعي وعم يشتغل عليه بشكل صحي ومرن.
بس اوقات هيدا الضغط ممكن يوصلنا لتجربة سلبية قبل وخلال وبعد المناسبة.
بحكي اكتر عن تجربتي الخاصة مع اختيار فستان خطبتي مع بعض النصائح لتبضّع shopping ايجابي.
اذا عندكم رغبة بخسارة الوزن قبل مناسبة وبدكم تتعاملوا مع الموضوع بعقلانية وايجابية، تواصلوا معي على الانستغرام:
https://instagram.com/rola_ghaddar
3/7/2023 • 10 minutes, 9 seconds
#15 أسئلة وأجوبة عن صورة الجسد
بهيدي الحلقة بجاوب عن ٥ أسئلة وصلتني على الانستغرام عن صورة الجسد:
- ليش إيام منكون كتير حابين جسدنا وإيام غيرها كتير لا؟
- كيف فيّي اتقبل جسمي والعيوب؟
- شو بعمل بالايام يلي مش مرتاحة فيها بشكل جسمي؟
- كيف نبطل نقارن انه بدي جسمي متل قبل الزواج؟
- كيف نرد على تعليقات العالم ع جسمنا؟
اذا عندكم أي أسئلة تانية وبحاجة لمساعدة لتحسين صورة الجسد، تواصلي معي من خلال صفحتي على الانستغرام:
https://instagram.com/rola_ghaddar
2/28/2023 • 19 minutes, 6 seconds
#14 الاكل العاطفي بعد الزلزال مع ورده بوضاهر
في كتير مشاعر متضاربة عم نمرق فيها من بعد الزلزال، وفي كتير من العالم بتتعامل مع هيدي المشاعر بالاكل!
ما في طريقة صح وغلط للتعامل مع المشاعر بعد صدمة. حتى الاكل العاطفي منو شي غلط بشكل مطلق.
ضيفتي بهيدي الحلقة وردة ابو ضهر اخصائية نفسية، ناشطة اجتماعية ومنشئة بودكاست تابو!
حكينا بالحلقة عن:
- كيف منعرف انه تعاملنا مع المشاعر طبيعي او نحنا بحاجة لدعم؟
- امتى بصير الاكل العاطفي مشكلة؟
- شو اكتر الخطوات يلي بتساعدنا نتعامل مع مشاعرنا بلطف؟
- كيف منخفف من الاكل العاطفي؟
تابعوني على انستغرام:
https://instagram.com/rola_ghaddar
تابعوا وردة:
https://instagram.com/wardeboudaher
2/17/2023 • 29 minutes, 14 seconds
#13 الإحساس بالذنب حول الأكل مع ميرا عبد ربو
الإحساس بالذنب حول الأكل ما رح يساعدك تكون صحّي أكتر. بالعكس ممكن يأثر بشكل سلبي على علاقتك مع الاكل وصحتك.
اسمع هيدي الحلقة للآخر لخطوات مدروسة للتخفيف من الإحساس بالذنب.
منجاوب فيه أنا وضيفتي الأخضائية بالتغذية الحدسية ميرا عبد ربو على الأسئلة التالية:
- كيف بأثر الاحساس بالذنب على اكلنا؟
- شو هي بعض التمارين عملية للتخفيف من الاحساس بالذنب؟
- كيف تتخلّى عن صوت شرطة الغذاء؟
- كيف يمكن وصف الاكل بموضوعية ؟
- كيف تدرّب عقلك على المرونة بالتفكير؟
تابعوني على انستغرام:
https://instagram.com/rola_ghaddar
تابعوا ميرا:
https://instagram.com/miraabedrabbo
اذا حبيتوا الحلقة، شاركوا الحلقة مع صديق.
1/31/2023 • 23 minutes, 55 seconds
#12 التعامل مع تغيّر شكل الجسم مع ميرا عبد ربو
من اسبوع شاركت تجربتي مع تغيير شكل الجسم على الإنستغرام.
ولاحظت قدي في عالم عم تمرق بنفس التجربة وحاسين حال هم علقانين بدوامة سلبية.
كرمال هيك استضفت زميلتي الاخصائية المعتمدة بالتغذية الحدسية ميرا عبد ربّو لنساعدكم تاخدوا الخطوة الاولى للاهتمام بحالكم وصحتكم.
اذا ما شفتوا البوست عن تجربتي: https://www.instagram.com/p/CnXSBnMsXb3/
تابعوا ميرا:
https://instagram.com/miraabedrabbo
1/24/2023 • 28 minutes, 22 seconds
#11 ليش خسارة الوزن ما لازم يكون هدف بال٢٠٢٣
ما تفهمني غلط. كتير طبيعي يكون عندك رغبة بخسارة الوزن. ولكن التركيز على الوزن يمكن يؤذي اكتر ما يفيد وبحكي ليس بهيدي الحلقة.
اسمعوا حلقة للآخر لتعرفوا كيف تحددوا اهداف مستدامة بتعمل فرق كبير على صحتكم بسنة ال٢٠٢٣.
اطلقت الدورة الرابعة من اكاديمية التغذية الحدسية، الجلس الاولى رح تكون الثلثاء ١٧ تشرين الثاني.
تواصلي معي على الانستغرام لتفاصيل اكتر:
https://instagram.com/rola_ghaddar
https://www.intuitiveeatingacademy.me
1/12/2023 • 16 minutes, 2 seconds
#10 فترة الاعياد قبل وبعد التغذية الحدسية
ضيفتي بحلقة اليوم ماري كريستين نوفل (مدربة حياة). صرلي بعرفها من اكتر من ٣ سنين وبلشت من وقتها رحلتها مع التغذية الحدسية.
حكينا عن كيف تغيّرت فترة الاعياد عندها من قبل وبعد التغذية الحدسية.
جاوبت ماري كريستين على هيدي الاسئلة:
- شو اكتر شي تغيّر؟
- وصفيلنا شو بتعملي ب نهار العيد؟
- اذا اكلتي زيادة كيف بتتصرفي؟
-شو بتقولي للاشخاص يلي بدها تبلّش دايت بعد العيد؟
- نصيحة اخيرة للمستمعين.
تابعوني على انستغرام ل معلومات اكثر عن التغذية الحدسية:
https://instagram.com/rola_ghaddar
تعرّفوا على ماري كريستين من خلال صفحتها على الانستغرام:
https://instagram.com/mindsetbloom
12/13/2022 • 26 minutes, 28 seconds
#9 التعليقات على شكل الجسم مع لمى سلامة
قربّت فترة الاعياد وقربت معها التعليقات على شكل الجسم بالجمعات.
بهيدي الحلقة رح حضّركم قبل بوقت للتعامل مع التعليقات بشكل سلس وبنّاء.
ما تسمح لهيدي التعليقات تخليك تنزوي وتروّح عليك فرحة العيد.
ضيفتي بهيدي الحلقة لمى سلامة مدربة حياة تخرّجت من اكاديمية التغذية الحدسية. رح تحكي عن تجربتها الشخصية مع التخلي عن الدايت والتعامل مع اي تعليق على جسمها.
تابعوني على انستغرام لمعلومات اكثر عن التغذية الحدسية:
https://instagram.com/rola_ghaddar
تعرّفوا على لمى من خلال صفحتها على الانستغرام:
https://instagram.com/salamehlama
12/6/2022 • 27 minutes, 14 seconds
#8 دور الام بعلاقتنا مع الاكل مع ساره عاصي
ضيفتي بهيدي الحلقة سارة عاصي (@healthyliciousbysara) ام، اخصائية تغذية ومؤثرة على الانستغرام وعالم الطبخ.
سارة حكيت عن تجربتها مع الدايت وكيف التغذية الحدسية ساعدتها بتربية اولادها.
تابعوني على انستغرام لمعلومات اكثر عن التغذية الحدسية:
https://instagram.com/rola_ghaddar
تعرفوا على صفحة سارة:
https://instagram.com/healthyliciousbysara
11/29/2022 • 19 minutes, 51 seconds
#7 ٤ أنواع الجوع
بتعرفوا انه في انواع مختلفة للجوع؟ وكل ما صار عنّا وعي اكتر على نوع ونسبة الجوع، كل ما صار اسهل علينا نوصل للسلام مع الاكل.
اسمعوا الحلقة للآخر لتعرفوا اكتر عن ٤ انواع الجوع وكيفية التعامل مع كل نوع!
تابعوني على انستغرام لمعلومات اكثر عن التغذية الحدسية:
https://instagram.com/rola_ghaddar
11/15/2022 • 9 minutes, 56 seconds
#6 وزني على الميزان زاد مع وفاء فلفل
بس نطلع على الميزان ونشوف الرقم زايد، كتير افكار ومشاعر بتطلع!
هيدي الافكار يا بتوّصلنا على دوامة الحرمان والهجوم على الاكل او بتساعدنا نخلق التوازن يلي يناسبنا.
ضيفتي بهيدي الحلقة، اخصائية التغذية وفاء فلفل يلي قطعت بهيدا الموقف خلال فترة انضمامها لاكاديمية التغذية الحدسية من سنة تقريباً.
واليوم رح تشارك معنا تجربتها، تعاملها مع المصاعب وكيف وصلت الراحة والسلام مع الوزن.
تعرفوا على وفاء: https://instagram.com/wafaa_felfol
تواصلوا معي:
https://instagram.com/rola_ghaddar
11/8/2022 • 24 minutes, 39 seconds
#5 ٥ خطوات لتقوّي تواصلك مع الشبع
بتوصل للشبع المزعج أو التخمة؟ بتاكل كمية أكتر من احتياجات جسمك؟ ما بتعرف امتى توقف أكل؟
سمع الحلقة وبلّش بتطبيق ٥ خطوات بسيطة لتقوية تواصلك مع الشبع!
اذا ما بتعرف شو الشبع المريح، شوف هيدا الڤيديو:
https://www.instagram.com/reel/CimXsSzJ-0V/?
تواصل معي على الانستغرام اذا عندك اي سؤال:
Www.Instagram.com/rola_ghaddar
11/1/2022 • 10 minutes, 15 seconds
#4 رحت عند كل أخصائيات التغذية بالبلد مع سيما حماصني
"رحت عن كل اخصائيات التغذية بالبلد وهلأ جيت لعندك". كتير من الاستشارات يلي عملتها بلّشت بهيدي الجملة.
بهيدي الحلقة رح قصّر الطريق عليكم وساعدكم تتجنبوا بعض أخصائيات تغذية يلي ممكن يأثروا سلبياً على جسمكم وعلاقتكم مع الاكل.
ضيفتي سيما حمصاني مدربة صحة مرقت لسنين طويلة بكتير من الأنظمة الغذائية وأخيراً قدرت تطلع من هيدي الدوامة وتوصل للحرية الغذائية.
الاسئلة يلي جاوبت عليهم سيما:
- خبرينا عن اوّل تجربة الك مع اخصائيات التغذية.
- شو اكتر شي بزّعل صار معك عند اخصائية تغذية؟
- شو اكتر شي بضحّك صار معك عند اخصائية تغذية
- شو ال red flags/ الانذار لتجنب اخصائية تغذية؟
- تجربة سيما مع اخصائي تغذية خلال الحمل.
- شو ال green flags/ الضوء الاخضر للثقة باخصائية تغذية؟
- كيف قدرتي تطلعي من دوامة الدايت؟
- الرسالة الاخيرة للمستمعين
صفحة سيما على الانستغرام:
https://instagram.com/shutthevoice
صفحة رولا على الانستغرام:
https://instagram.com/rola_ghaddar
اذا عملت screenshot للحلقة وحطيتها على الstory وعملت تاغ لrola_ghaddar عندك فرصة لربح انضمامك لاكاديمية التغذية الحدسية. انا
10/25/2022 • 44 minutes, 35 seconds
#3 إنت ما بتكره الرياضة
انت ما بتكره الرياضة! هذه كذبة عقلك يقنعك بها.
في تجارب معيّنة بتخلينا نفكّر انه منكره الرياضة، بحكي عنها بهذه الحلقة.
اسمع منيح لنكتشف السبب الحقيقي والحل لترجع تبني علاقة سليمة وايجابية مع الرياضة او الحركة للاستمتاع.
https://www.instagram.com/rola_ghaddar/
10/18/2022 • 10 minutes, 25 seconds
#2 الوزن المثالي والوزن البيولوجي: شو الفرق؟
كتير من العالم بتقضي حياتها عم تركض للوصول "للوزن المثالي" والقليل جداً بيعرف انه في شي اسمه "الوزن البيولوجي"!
بشرح عن الفرق بين الاثنين بحلقة اليوم بشكل بسيط وسريع.
اذا حابب تعرف وزنك البيولوجي، احجز جلسة استكشاف معي.
التفاصيل بهيده الحلقة.
https://www.instagram.com/rola_ghaddar/
https://www.intuitiveeatingacademy.me
10/11/2022 • 11 minutes, 11 seconds
#1 ٤ أسباب ليش بطلت أعطي دايت
من بعد سنين من العمل كأخصائية تغذية حدسية، قررت إنه بطل أعطي دايت للأشخاص يلي بشتغل معهم!
بهذه الحلقة راح خبركم أكتر عن قصتي و-٤ أسباب ليش أخدت هيدا القرار الجريء.
تعرفوا علي أكتر من خلال الإنستغرام الخاص ب:
https://www.instagram.com/rola_ghaddar/
