من أكثر ما يثير الإستغراب في هذه الحياة هو تأثير الكلمة على البشر، وكيف أن لكلمة واحدة أن تغير من مزاج الشخص الاخر، وبلا شك تستطيع الكلمة أن ترفع الإنسان إلى أعلى المراتب، وتستطيع أيضا أن تهوي به إلى القاع. كما تعد الكلمة وسيلة للتحفيز والتشجيع كما هي وسيلة للتحطيم وكسر النفس. فليس هناك أجمل وأعظم من الكلمة الحلوة الحسنة التي تطيب وتجبر الخاطر، فهي اسهل وسيلة لزرع الضحكة على وجه الآخرين فلا تكلف جهدا ولا مالا. أضيئوا أرواح الناس بالكلمة الطيبة

الحمدلله على نعمه، وجود عائلتنا هي رحمة الله علينا، هم القوة والسعادة والنجاح ودونهم لا معنى الحياة ولا طعمة لها، حافظوا على عائلتكم اجعلوهم اهم اولويات حياتكم، اجعلوهم سعداء لتضمنوا سعادتكم في الدنيا والآخرة. اللهم احفظهم من كل شر ومكروه ولا ترينا بهم الا كل خير.

لبنان من الدول يلي تعبت من حكامها، تعبت من الحروب الداخلية والخارجية، تعبت من الخيانة والغدر، او بالأحرى شعبها تعب ومات من التعب. وصلنا لوقت عم نشحد الضحكة مش بس اللقمة، الدولار هدنا ومرمطنا. ورغم هالشي كلو بضل عند الشعب اللبناني ولو ذرة أمل صغيرة تساعدهم يكملوا الطريق. الله يحمي لبنان ويخلصو من الحكام الوزراء والنواب الفاسدين، وتكون سنة ٢٠٢١ خيرة ع الشعب اللبناني، تعوضه عن كل دمعة نزلت

الثقة بالنفس من أهم الصفات التي يجب أن يتمتع بها الفرد، الإنسان لا يستطيع أن يتطور وينجح إذ لم يثق بنفسه وبقدرته على النجاح. والثقة هنا لا يقصد بها التكبر أو الغرور، إنما روح البطولة والنجاح. هي العمود الفقري لشخصية الإنسان وبدونها يفقد احترامه لذاته، ويصبح عرضة لانتقاد والاستغلال من حوله. اجعل ثقة بنفسك من أهم الأمور في حياتك، اعمل عليها وعززها، لتصبح قادر على تحمل المسؤولية ومواجهة الغير بدون تردد أو خوف.

مرحبا، تعودت عليي احكيك لإطمئن عليك، بس هالمرة غير، هالمرة بدي اتمنالك إيام قاسية مثل قلبك، ايام مرّة مثل حياتك. عم بحكيك اخبرك انو أنا انتصرت عليك وفرحتي بهالإنتصار مثل فرحة مريض السرطان لما بينتصر على هالمرض الخبيث. شايف فرحتي شو كبيرة؟ على فكرة انتو الإثنين عندكم نفس الخبثنة، هو مرض بفوت عالجسم بهدو، بتعبو وبموتو، وانت مرض بس من نوع ثاني مش قادرة حددو, انت فتت على هالقلب تمكنت منو تعبتو بس ما قدرت تموتو. بترف ليش؟ لإنو هالقلب مع كل خيبة أمل بيتعرضلها بصير أقوى، مع كل دمعة نزلت من عيوني عطتني أمل بالحياة، أمل لكفي من اول وجديد، ادعس عليك وكإنك مش موجود.اليو وللمرة الأولى إنت منك بطل روياتي، فارس احلامي يلي كنت انطرو وقعو الحصان بنص الطريق. ما بقى انطرك ليالي وإيام لإسمع منك كلمة حلوة قبل ما نام. صدقني حتى بمخيلتي بطلت موجود، بطلت إلجألك واحكيك كانك عايش فيها، انت متت ضمن مخيلتي والواقع. صار الوقت انو بارك لنفسي مش لغيرها، باركلها انو انتصرت على هالمرض، بقوة وإيمان وعزيمة، رغم الخراب يلي كنت انت سببو، بس لوصلت لهالمرحلة كلفتني كثير، كلفتني دموع وإيام وليالي وخسارات، بس كلو من بعدك عم يتعوض. قبل ما فل لازم أتشكرك على كل لحظة وكلمة حلوة كنت انت سببهم، كرمال ما كون ناكرة للجميل. وبدي منك تقرأ كتاب لفاتن حمود بعنوان" ظننته رجلا ونسيت ان بعد الظن إثم" بيلبقلك عالفكرة. وداعاً ايها المرض.