Taan ohhoost säämi máttááttâskuávdáá anarâškielâlohheeh opâttâlleh rähtiđ ärbivuáválijd purrâmušâid. Máttáátteijen Leena Saijets já kuullâp meid uáppee Irina Hakovirta, toimâtteijen Anja Kaarret.

Sara Keränen muštâl rähisvuođâ laavast.

Sämmilij tuotâvuotâ- já sovâdâttâmkomissiost láá lamaš vädisvuođah kavnâđ uđđâ anarâškielâlii pargee, tast maŋa ko oovdeb pargee jooskâi. Tääl ive 2024 aalgâst aalgât viijmâg-uv anarâškielâlâš pargee komissiost já suu puáhtá pivdeđ fáárun kuullâm tilálâšvuođâid, jis haalijd. Komissio uđđâ čällee aanaarlâš Heli Aikio muštâl maid sun jiešalnees parga komissiost. Toimâtteijen Sáárá Seipiharju.

Maggaar lâi Päärtihkis šoddâm Aimo Aikio ihe 2023 já mii tápáduvvoo suu elimist ive 2024? Toimâtteijen Anja Kaarret.

Taan ive säämi máttááttâskuávdáá anarâšuáppeeh Hannah Zimmerman, Irina Hakovirta, Heikki Erola, Tiia Erola, Mirja Lehistö , Jani Kujala já máttáátteijee Henna Tervaniemi. Toimâtteijen Anja Kaarret.

Jari Linjama muštâl Jeesusist, Pessijáin já Juovlâin, Jeesus jäämmimist já šoddâmist. Loopâst Jari lávlu saalmâ 1 Áávuust juo uuvsâid, verájáid.

Jukka Vuorela-Morottaja filma Ulpu Mattus-Kumpusiist Tromssa filmâfestivaalin. Toimâtteijen Anja Kaarret.

Anarâš saavah okko 45-48, Anja Kaarret. Säämi elleekuuvij meeri lii tai aaigij ennuv lasanâm, mut áámmáttáiđusijd kielâ- já kulttuur mätteeid lii lam vaigâd taan suárgán kavnâđ. Taveenâmij ohtsâš proojeekt áigu čuávdiđ taan čuolmâ, sii škovliitškyetih ulmui elleekove suárgán. Proojeektpargee Tiina Jäppinen muštâl taan haavâst eenâb já et maht tot keevâtlávt tuáimá. Tääl lii oppeet äigi väldiđ uási säämi Grand Prix kiišton. Kišto lii ain pessijái ääigi. Heli Aikio muštâl maht kalga rahttâttâđ Säämi Grand Prix kiišton, Heli lii mestâ jo jyehi ive uásálistám, ain ij lah peessâm loppâkiišton. Morottaja Ánnást lii taan čoovčâ jođos livđeproojeekt mon ruttâd Tallari. Hommá pištá muáddi máánu já tääl taat lii pelimuddoost.

Morottaja Ánnást lii taan čoovčâ jođos livđeproojeekt mon ruttâd Tallari. Hommá pištá muáddi máánu já tääl taat lii pelimuddoost. Toimâtteijen Anja Kaarret.

Veikko Aikio já Yrjö Musta láin puávdejum Sämitigge 50 ive juhlijd Anarân Sajosân. Kuohtuuh lává lâm Sämitiggeest jieijah-uv mieldi. Toimâtteijen Anja Kaarret.

Säämi elleekuuvij meeri lii tai aaigij ennuv lasanâm, mut áámmáttáiđusijd kielâ- já kulttuur mätteeid lii lam vaigâd taan suárgán kavnâđ. Taveenâmij ohtsâš proojeekt áigu čuávdiđ taan čuolmâ, sii škovliitškyetih ulmui elleekove suárgán. Proojeektpargee Tiina Jäppinen muštâl taan haavâst eenâb já et maht tot keevâtlávt tuáimá. Toimâtteijen Anja Kaarret.

Tääl lii oppeet äigi väldiđ uási säämi Grand Prix kiišton. Kišto lii ain pessijái ääigi. Heli Aikio muštâl maht kalga rahttâttâđ Säämi Grand Prix kiišton, Heli lii mestâ jo jyehi ive uásálistám, ain ij lah peessâm loppâkiišton. Toimâtteijen Anja Kaarret.

Anarâš saavah okko 44.2023 / Anja Kaarret Riikka Morottaja lii pááccám aassâđ jiejâs šoddâmkuávlun. Tääl láá jođos tuotâvuotâ- ja sovâttâllâm komissio kulâmeh. Morottaja Ánná savâstâl tast mon tergâd ličij, et ulmuuh muštâliččii jiejâs aašijn, ko anarâšâin lii mudoi-uv uáccáá tiätu. Anarâš aavis lii uážžum staatârääđist 60 000 eurod. Tast muštâl anarâškielâ seervi saavâjođetteijee Marja-Liisa Olthuis. Sämiparâalmenetti, tááláš Sämitigge, tiävdá vittlov ihheed. Matti muštá ko taat vuáđudui. Kielâpiervâl Piäju párnááh, Pierâ-Ilmari Morottaja, Uulá-Ánde Morottaja, Linne Kangasniemi, Sofia Morottaja já Ebba já Iida-Amalia Hautala muštâleh maggaar eeči sist lii. Toimâtteijen Marianne Ketola. [Anarâš saavah, okko 44, Riikka Morottaja pááccám sáámmán, tuotâvuotâ- já sovâttâllâm kulâmeh, Anarâš-aavisân ruttâ, sämirääđđi 5, 00:32:37]

Anarâš saavah 2023 okko 42-43. Anja Kaarret ja Sáárá Seipiharju savâstâllâv puáluaašijn. Moh tust kalgeh kavnuđ pääihist, ko tullâ puálláá lovettáá. Ruska Haavisto lii čohčuv álgám anarâškielâ káidusmáttáátteijen Sämitigge káidusmáttááttâs haavâst. Kielâokko uárnee taan-uv ive tijme kukkosii kielâtiijmijd. Laura Ylinampa muštâl tain. Kirsi Ukkonen muštâl maht meccihaldâttâs pargo kielâohhoost. Essi Morottaja, Šuoŋâpiäju enni, muštâl ko Šuoŋâpiäju lii vyelgimin Jyväskylän Jellonagaalan 20.11.2023. Kaisu Nikula muštâl Laapi ollâopâttuv mađhâšemsyergi tutkâm- já škovlimlájádâsâst ko lii rahtum hammiittâs sertifiserim kriterijn, moh išedeh iäruttiđ Suomâst tuáimee,kyeddilis já vástulii mađhâšemirâttâsâid. Laapi ELY-kuávdáá ruttâdâm haavâ olášuttui ovtâspargoost Sämitiigijn. Toimâtteijen Anja Kaarret.

Anarâš saavah okko 40-42. 2023 Inka Musta lâi tääl vuosmuu keerdi sämitigge valjain iävtukkâssân já uážui kuálmádin enâmus jienâid. Šuoŋâpiäju párnái muusikohjelm uážui Ive Yle muusiktaho palhâšume. Essi Morottaja muštâl maht suái Jessika Lampijn viežáin tom Tamperest. Petter Morottaja álgá rähtiđ kielâminuttijd. Kielâmiinut, tovt sääni, Petter Morottaja. Marja-Liisa Olthuis lii jurgâlâm astronaut, kirječällee Andrè Kuipers čäällim kirje Koodi ruosâd anarâškielân. Taat lii Kuipers nubbe kirje mii lii jurgâlum anarâškielân. Olthuis räähis čäälliđ komovuodâmainâsijd já lii jottáám ennuv komovuođâ tilálâšvuođâin ja ornim Anarân-uv komovuođâ eehid. Tääl uv taat uđđâ kirje almostui taggaar sajeest, kost ij kuássin ovdil lah anarâškielâlâš kirje almostum. Meccihaldâttâsâst lii almostum tääl meid kuulmâ sämikiellân meecist jotteem raavâkirje párnáid, Äigee já Sááná meecist. Kirsi Ukkonen meccihaldâttâsâst muštâl kirjeest.

Anarâš saavah okko 37-39. 2023, Anja Kaarret Essi Morottaja álgá toollâđ muskâr vuálá škovlâahasijd. Essi lii vyelgimin meid Tamperen, ko wuoŋâpiäju, párnái muusikohjelm, lii iävtukkâssân uážžuđ ive Yle muusiktaho palhâšume. Säämi máttááttâskuávdáá anarâškielâ lohheeh láá Kuáskimnjaargâst kuáláástmin. Taan ive máttáátteijen lii Henna Tervaniemi já kuálástem máttáátteijen Yrjö Musta. Uáppeeh Mirja Lehistö, Irina Hakovirta, Janis Kujala. Anarâšehideh láá oppeet älgimin, vuosmuš eehid lii Njellimist. Sáárá Seipiharju joođeet taan čoovčâ ehidijd.

Tääl savâstâllâp puálutooimâin já tost et maht ja kii piäsá taan hoomán já meid tost et moh kolgâččii kavnuđ jyehi pääihist tom väärrin et jos tullâ vaahâg sattoo. Sáárá Seipiharju lii lam mottoom ive jo Anarist puáluhommáin, Aanaar VPK st. Toimâtteijen Anja Kaarret.

Petter Morottajan anarâškielâ oovdân iäljáruššâm lii masa jiešmeidlist čielgâs. Magareh vuárdámušah sust láá kielâminuttin já magareh oonah anarâškielâ kevtteid? Toimâtteijen ääšist lii Sáárá Seipiharju.

Meccihaldâttâsâst lii almostum tääl meid kuulmâ sämikiellân meecist jotteem raavâkirje párnáid , Äigee já Sááná meecist. Kirsi Ukkonen meccihaldâttâsâst muštâl kirjeest eenâb. Toimâtteijen Anja Kaarret

Lädilum anarâš kuávlu, kost sämikielâ harvii kulloo. Návt Ilmar Mattus valdâlij 90-lovo pelimuddoost Avveel, mutâ tuálá-uv tot tiäivás innig onnáá peeivi? Piäsá-uv Avelist kevttiđ sämikielâid já kullojeh-uv kielah kosten? Taam ääši vuolgij selvâttiđ toimâtteijee Sáárá Seipiharju Säämi kielâkähviviäsun Avelân Ainolan. Vyelgip tääl kuldâliđ kiäid sun kaavnâi kielâkähviviäsust já maid sij muštâlii ääšist. Kuullâp vuosmužžân Seurujäärvi Aailâ, kote áásá Avelist mut lii meddâl Iijäävrist. Loopâst kuullâp Uulá Saijets jurduid.

Kielâkähviviäsu uárnejuvvoo Avelist uásálâšvuođâ kuávdáš Ainolast. Aanaar kieldâ viestâdemhovdâ Anne-Marie Kalla lii fáárust savâstâlmin sämikielân. Suu paargon lii visesmittiđ et kielâkähviviäsu uárnejuvvoo, mutâ meid sunjin lii tehálâš peessâđ sámástiđ. Toimâtteijen ääšist Sáárá Seipiharju.

Anarâš saavah 35-36. 2023. Ruttâministeriö lii iävtuttâm kielâpiervâlid puáttee ihán laseruuđâ 100 000 eurod eenâb ko taan ihán 1 300 000 eurod. Sämitigge kielâpiervâl stivrejee Niina Aikio-Siltala ääšist muštâl eenâb. Kuldâl maid sämitiggevaaljâi iävtukkâsah muštâleh. Päädist kuullâp Inka Musta, Anu Avaskari, Anne Koivisto, Aslak Pekkala já Leo Aikio. Marjaana Aikio västidij koččâmuššáid čálálávt Päärtihlâš Jussa Seurujärvi vuolgij nube peeivi sorvâpiivdon, ij luhosdum koddeđ soorvâ, mut kuudij-uv suu vuosmuu kuobžâ, vähä nuuvtko vahâgist. Onne aalgij sorvâpivdo, mut Yrjö Musta ij vuálgám tállán. Sun muštâl sorvâpiivdo lasseen meid, tast ko sun lii koddám taggaar pyeccee soorvâ. Kuullâp loopâst meid maggaar lii suu hersku sorvâpiärgu purrâmuš. Toimâtteijen Anja Kaarret. Luterilii maailmlito uárnejuvvoo Puolast. Sara Keränen muštâl nuorâi ovdâčuákkimist, mii lii ovdil váldučuákkim. Taan ive teema lii “ohtâ ruumâš, ohtâ jieggâ, ohtâ tuoivâ”. Toimâtteijen Anja Kaarret já Sáárá Seipiharju.

Anarâš saavah 32-34. 2023. Essi Morottaja lii ohtâ Šuoŋâpiäju párnái muusikohjelm rähtein. Essi muštâl ohjelmist eenâb. Sämikulttuur läänitaidâr, tánssájee, Auri Ahola lii stivrim uánehis fiilmâ Bálggis, kuulmâ taidârist, graffittaidâr Sámi Huster, já ráiđukovesárgoo Sunna Kitti já sirkustaidar Aleksi Niittyvuopiost. Fiilmâ vuosâseehid lii vástupeeivi Siidast. Auri muštâl, maht sun valjij taidârijd taan fiilmân ja maggaar lâi fiilmâ stivrim, ij lam ovdil stivrim fiilmâ. Auri muštâl meid maggaar lii lâm suu läänitaidâr äigi. Tave Taažâst Varjâgvuonâst, láá ärbivuáváliih markkâneh ain nävt porgemáánu loopâst. Motomijd tast lii puáttám ärbivyehi, et tohon kalga peessâđ. Päärtihliih Maiju-Siggá já Miina Seurujärvi läävejeh masa jo jyehi ive eelliđ markkânijn. Pärttihist tohon mätki vuálá 200 km. Toimâtteijee Anja Kaarret eelij sunnust koijâdmin, et maid suäi markkânijn uástiv ja eelli-uv tuođâi jyehi ive. Toiomâtteijen Anja Kaarret.

Luterilii maailmlito uárnejuvvoo Puolast. Sara Keränen muštâl nuorâi ovdâčuákkimist, mii lii ovdil váldučuákkim. Taan ive teema lii “ohtâ ruumâš, ohtâ jieggâ, ohtâ tuoivâ”.

Kuldâl maid sämitiggevaaljâi iävtukkâsah muštâleh. Päädist kuullâp Inka Musta, Anu Avaskari, Anne Koivisto, Aslak Pekkala já Leo Aikio. Marjaana Aikio västidij koččâmuššáid čálálávt.

Porgemáánust almostui Yle párnáiohjelmij uđđâ falâldâh, mon nommâ lii anarâškielân Šuoŋâpiäju. Essi Morottaja muštâl maht sun keksij Šuoŋâpiäju já maggaar tile anarâškielâlâš muusikšoddâdmist lii. Toimâtteijen Sáárá Seipiharju.

Máttáátteijee Henna Aikio lohá ennuv kiirjijd anarâškielân. Luuhâm lii sunjin mielâmield äigiájánâs já sun illood ain ko almostuvá uđđâ luhâmuš anarâškielân.

Anarâš saavah 3.8.2023, Ruska Haavisto Okko 29 - 31 Mađhâšeijeeh puátih maailm pirrâ imâštâllâđ tavekuávlu luándu já eellim. Antti Koivuniemi muštâl, mii ožžui suu vyelgiđ Anarân já Anita Järvelin muštâl mađhâšeijei táválij jurduin. Oliver Paadarist lii TikTok-tili, moos sun ráhtá videoid tekniikâst. Sun muštâl, maht sun aalgij rähtiđ videoid já mii kiäsut suu tekniikâst. Anarâškielân almostuvá ive 2023 loopâst nooveelčuákáldâh, Fabriccio Breacciaroli muštâl čäällimprojektist. Henna Aikio lohá anarâškielâlij teevstâid ennuv, sun lii ilosmittum ennuv eromâsávt Anarâš aavisist. Sun maainâst, maggaar anarâškielâlâš kirjálâšvuotâtile lii suu mielâst.

Juáhháást lii tääl máhđulâšvuotâ uásálistiđ anarâškielâlii kirje čälimân já šoddâđ kirječällen. Anarâškielâ servi lii tääl nurâmin novellijd uđđâ nooveelčuágálduv várás, muštâl anarâškielâ seervi mediapargee Fabrizio Brecciaroli.

Oliver Paadar šoodâi puásuiperrui, mutâ sust ij šoddâm puásuialmai. Tääl sun ráhtá Tikttokin videoid kost sun čäittá, čielgee já keččâl jieškote-uvlágán tekniiktaarbâšijd. Sun muštâl mondiet ij perustum puásuituálust já maht suun aalgij rähtiđ videoid.

Anarâš saavah, Ruska Haavisto Okko 28 já 29 Kaustis aalmugmuusikfestivaalijn lijjii Sämikuávlust-uv vuálgám ennuv ulmuid tánssáđ, suáittiđ, livđuđ já lávluđ. Ulpu Mattus-Kumpunen lâi fáárust kulmâ muusikjuávhust, já Ánná Morottajast lijjii konsertih pelimannijuávkku Tallarijgijn. Maadâ- já tavekuávlu keesih láá váhá ereslágáneh, já nuuvt pyehtih leđe ulmui kesihomáh-uv. Ruska Haavisto muštâl magareh keesih sust láá lamaš Porist já Sandra Salminen maainâst suu táválijd kesipargoid. Toimâtteijen lává lamaš Anja Kaarret já Ruska Haavisto.

Mist tääbbin säämist kesihommán láá kuálástus, muorjim já motomin kesimiärkkumeh, mut maidpa mäddin keessiv puđâldeh. Ruska Haavisto lii meddâl maadâsuomâst, Porist lii pärnivuođâ päikki ja Tuurkust lii aassâm kuhháá. Tääl moonnâm täälvi sun aasâi Anarist ja opattalâi anarâškielâ. Sun muštâl tääl maid sun ja sii peerâ läävejeh keessiv hommáđ.

Kii lii Keke? Mondiet sun lii nuuvt loje já jotá markkânist ilosmitmin mađhâšeijeid? Keke omâsteijee Jonna Alava muštâl maht puáhtá tubdâđ Keke já maht sust šoodâi taggaar ko sun lii. Toimâtteijen Sáárá Seipiharju.

Anarâš saavah okko 21.-22.2023 Kiđđâtäälvi uárnejui Tave luándum- čäällimkišto párnáid já nuorâid. Kišto uárnejii ohtsâšpargoost Suomâ pirâsministeriö já Yleisradio. Petter Morottaja lâi ohtâ tuámárijn, sun muštâl magareh čalluuh pottii já mon ennuv. Aanaar markkân Wilderness Hotel Juutua vijđedempargoh láá uážžum ulmuid joton tom peeleest et škovlâ já hooteel koskâsii meecist láá njiäidám muorâid. Koskoho lai tobbeen mielâčäittim já meid Marja Guttorm lâi tobbeen. Hannu Kangasniemi vot imâštâl Almaanjaargâ huksim vuáváámijd. Algâ ohhoost tollui Färsuolluin NoDaLiDa kielâteknologiakonferenssâ. Tággáár konferens tuálloo jyehi nube ive, kuus kielâtotkee čokkâneh, meid sämikielâtotkee Marja-Liisa Olthuis lai mieldi tobbeen ja tääl sun muštâl-uv, et most sun tobbeen sahâvuárustis muštâlij. Taan täälvi Säämi máttááttâskuávdáá uáppeeh Kaisuli Poikela, Jarmo Pyykkö, Kaisa Morottaja, Bianca Benini já Kari Chan muštâleh maht sii áiguh puátteevuođâst kevttiđ kiela. Ohtsis Anarist aldamáttááttâsâst luhhii taan täälvi anarâškielâ loovees. Toimâtteijen Anja Kaarret. [Anarâš saavah okko 21-22 SMK anarâškielâ uáppei puátteevuotâ, kielâseminaar já Aanaar markkân huksimhomáh , 00:40:13]

Anarâš saavah okko 19-20.2023 Ulpu Mattus-Kumpunen muštâl Säämi máttááttâskuávdáá eehidtuálluijn. Euroviäsuh láá taan ohhoost, moin mieláin kišto vyerdiv fanih Heli Aikio já Outi Paadar. Ellis, Elle-Máárjá Siltala ilodij ko suu Käärijä poođij nubben já Heli Huovinen, kii selvâttij taan tábáhtume anarâškielân, te teeivâi suin Helsigist. Toimâtteijen Anja Kaarret. [Anarâš saavah okko 19-20 SMK eehidtuáluh já Euroviäsuh, 00:37:13]

Jyehi keesi Säämist äiccih čuovjistiäbuid čácáduvâin. Iijäävrist láá taan keesi aiccâm čuovjistiäbu, mutâ mudoi tave-Laapist iä lah puáttám almottâsah, muštâl Pekka Räinä Laapi IJP-kuávdáást.

Laavâ mield tuulâ ige jonsahtuulâ uážžu cokkiđ ko máccupuáluváruttâs lii. Ucjuuvâ já Aanaar kuávlu puálumiäštár Jukka Harmanen muštâl, magareh čuávumušah šaddeh jis olmooš cokká tuulâ talle ko tot lii kieldum. Toimâtteijen Sáárákáisá Seurujärvi

Säämi Kielâkäldest ij uážu kielâpalvâlusâid anarâš- já nuorttâlâškielân. Kielâkäldee toimâ asâttui pisovâžžân moonnâm ive, iäge uđđâ asâttâsân lah val kiergânâm pálkkááttiđ pargeid puoh sämikieláid. Rekrytistemproosees lii jo joođoost. Anarâškielâ jurgâleijee já tulkkâ Neeta Jääskö lii aibâšâm Säämi Kielâkäldee palvâlusâid. Sun ij lah uážžum vástádâsâid koččâmuššáid, ige tiäđu anarâškielâ kielâpargee váilumist.

Avveellâš Ulpu Mattus-Kumpunen áigu čäälliđ kirje Movsháá historjást já sun lii uážžum paijeel 10 000 euro išeruuđâ čälimân Suomâ kulttuurruttâráájust. Sun lii tutkâm ennuv Movsháá tuuvij historjá já tääl sun muštâl mondiet taah tuveh já päikki láá sunjin nuuvt teháliih. Toimâtteijee Sáárá Seipiharju elâččij sahhiittâlmin Ulpu.

Yle Säämi kesipargeeh láá Jasmi Mäenpää, Ruska Haavisto, Hans Ravna-Pieski, Sáárákáisá Seurujärvi já Britt-Inga Näkkäläjärvi. Sij muštâleh maggaar sii kielâpäälgis lii lamaš já magareh vuárdámušast sist láá kesipaargon Yle Säämist.

Servikode nuorah láá vyelgimin Tansanian. Sara Keränen lii ovdil-uv iällám Tansaniast, sun muštâl manen sii eidu Tansanian vyelgih já maggaar päikki tot lii maid sii tobbeen pargeh. Toimâtteijee Anja Kaarret sahhiittâl Sara Keräsii. Toimâtteijen Anja Kaarret.

Anarâš saavah okko 14-18. 2023 Heli Aikio lii jo puorijn äigin vuálgám Kuovdâkiäinun Säämi Grand Prix kištoid. Sust lii tääl kuálmád kerdi ko lii mieldi, ohtii lávlum kištoost já ohtii juoigâm kištoost já tääl oppeet juoigâmkištoost. Säämi máttááttâskuávdáá kielâlohhei ive pištee uápuid kulloo oho tai muádi oho kukkosâš pargohárjuttâllâm. Pargosaje kalga leđe taggaar kost kiävttoo sämikielâ. Iiris Kangas lii tääl peerâluámust, mut lii iivijd toimâm anarâškielâ máttáátteijen já tiätá mon älkkee tai vaigâd lii kavnâđ anarâškielâ pargohárjuttâllâm paaihijd. Kaisu Nikula lii mieldi Lappi ollâopâttuv haavâst, mast kärttejeh já selvâtteh Säämi kuávlu mađhâšem čuolmáid já pyeredâm vuovijd. Nikula eelij meid Australiast uápásmijm tom kuávlu mađhâšem suárgám. Unna Junná já Galaxi lává tääl ucâmin oovdanpyehteid. Galaxi lii maaŋgâpiälásâš ohjelmfalâldâh, moos kullojeh animaatioh, draama- já sketsirááiđuh sehe äššiohjelmeh. Galaxi puáhtá čuávvuđ TV2-kanavast, Yle Areenast sehe sosiaallâš mediapalvâlusâin, mahte Youtubest, Instagramist já Tiktokist. Tääl sii oceh sämikielâlii oovdânpyehtee. Unna Junná párnái ohjelmij pyevtitteijee Heli Huovinen muštâl. Kikke Klaver rukkoospuddâ. Toimâtteijen Anja Kaarret.

Anarâš saavah okko 12-13. 2023 Henna Tervaniemi lii stuorrâperruu enni Anarist. Sun lii tom mielâst, et Suomâst ij olášuu täsiárvu tiervâsvuođâ palvâlusâin, iäge kielâlâšrievtih, iäge oskoääših. Henna tobdá eellim epivisesvuođâ já smiättá mii lii Suomâ puátteevuotâ. Toimâtteijen Kirsti Länsman. Ulpu Mattus-Kumpunen lii lamaš Ruávinjaargâst Arctic skills -tyejikištoost já poođij nubben. Sun muštâl, maid sun poorgâi já maht, sehe maggaar vuosmužžân puáttám tyeji lâi. Ruska Haavisto lii luhâmin Sämimáttááttâskuávdáást anarâškielâ já lii tääl kielâhárjuttâllen Säämi Radiost. Taan kerdi ovdâskoddevaaljâi jienâstij ovdâkietân pyereest. Ohtân suijân tot, ete ij tieđe kost lii olmâ jienâstempeeivi. Anarist markkânist puovtij eelliđ jienâstim Säämi kirjeráájust já tobbeen eelij meiddei mii kielâhárjuttâllee Ruska Haavisto keččâmin mon viššâlávt aanaarliih ellii jienâstmin. Koskoho 22.3.2023 Anarist Sajosist tollui Anarâškielâ seervi ihečuákkim. Virkálij ihečuákkim aašij lasseen čuákkimist savâstâllij seervi uđđâ hommáást Anarâš aavisist. Čuákkimán lâi kal puáttám tuárvi uásálistee, mut stivrân käibidij uđđâ jesânijd. Petter Morottaja lâi ohtâ, kii lâi čuákkimist mieldi. Maht Heli Aikio rahttât Säämi Grand Prix kiišton já kuullâp meid maht suu kišto livđe šoodâi. Toimâtteijen Anja Kaarret, Ruska Haavisto já Kirsti Länsman.

Anarâš saavah okko 11. 2023. Sämitigge taan ive kulttuurišeruuđah láá juohhum. Ohtâ išeruuđâi uážžoo lii muusikrähtee Aimo Aikio. Sun lii jo mottoom ääigi puđâldem muusikijn mast lii ovdâstum nuorttâlâš já anarâš ráhisvuotâ, kielâ já muusik. Já Aimost láá jo puátteeh pargoh pargosyelni. Ulpu Mattus Kumpunen lii motomin tiilám Reko- riäggá peht purrâmuš. Reko-riäggá peht puáhtá uástiđ purrâmuš mii lii šoddâdum luándulávt. Säämi máttááttâskuávdáá uáppeeh lijjii njähipiivdost, uáppeeh Kaisuli Pokela, Ruska Haavisto já Jenni Satokangas já máttááttijjee Anna Morottaja muštâleh maht moonâi. Pirâsministeriö já Yleisradio uárnejeh oovdâs čäällimkišto tavekuávlu párnáid já nuoráid “Tave luándum”. Kišto aalgij 13.3.(taan oho vuossaargâ), pištá mánuppaje já puáhtá čäälliđ meid sämikielân já palhâšumeh láá pyereh. Tast muštâl Yle Säämi pärnáiohjelmij pyevtitteijee Heli Huovinen. Toimâtteijen Anja Kaarret

Lapin Kansa-aavis toimâtteijee Risto Pyykkö lii tutkam já ráhtám mainâsijd puásuituálu piätuvahâgijn, ivveest 2017, ko talle staatâ mieđettii motomijd sierâ ketki koddem luuvijd, vuosmuu keerdi 35 ihán. Pyykkö uážui taan kiiđâ stuorrâ Journalist palhâšume, ive kuávlu vaikutteijee palhâšume. Maht sun kiddiistui fáádást, maggaar pargo lii tutkâđ tieggáár vaigâdis fáádá ja maid tággáár palhâšume toimâtteijen meerhâš. Toimâtteeijee Anja Kaarret sahhiittâl Pyykkö.

Taan ääigi uđđâ äšši puásuituálust lii tot ko kiđđuv uággum ääigi pennuuh kárgájeh puásuiiällun ja taheh stuorrâ-uv vahâgijd. Ulmuuh iä ain ibbeerd maid peenuv puáhtá uážžuđ ááigán, veik tuše suorgât poccuid. Nävt lii keevvâm oppeet taan-uv kiiđâ, tast muštâl Mudusjävripalgâs väri saavâjođetteijee Leo Aikio. Toimâtteijen Anja Kaarret.

Anarâš saavah ohoh 10.2023. Tavesuomâst lii tääl tälviluámu okko. Ruut Tervaniemi, anarist ässee luvâttuv nubbeluokkalâš, muštâl maht suu luámu mana. Marko Tervaniemi lii vuálgám keččâđ maht aanaarlijn mana nuorâin sm-čuoigâmkištoost Valkeakoskist . Anarâškielâ seervist lii almotškuáttám Anarâš aavis, uđâs- nettisijđo. Uáivitoimâtteijen tast lii seervi mediapargee Fabrizio Brecciaroli. Heli Aikio lii peessâm taan ive Säämi Grand Prix kišton, moh láá pessijái ääigi Kuávdookiäinust Taažâst. Helin taat lii jo kuálmád kerdi, ohtii lávlumkištoost já ohtii juoigâmuásist já tääl oppeet juoigâmuásist. Sun kal lii masa jo jyehi ive irâttâm mieldi, mut lii vaigâd peessâđ, tääsi lii nuuvt koorâs. Elsa Väisänen muštâl rukkoospuudâst ruhâdâs vyeimist. Toimâtteijen Anja Kaarret.

Anarâš saavah ohoh 7.8.9.2023. Maid ustevpeivi meerhâš Ucjuuvâst ässee Ellen Järvensivun. Maht sun tom viättá. Säämi máttááttâskuávdáá anarâškielâ lohheeh lijjii njähipiivdost, uáppeeh Kaisuli Poikela, Ruska Haavisto já Jenni Satokangas já máttááttijjee Anna Morottaja muštâleh maht moonâi. Magareh tobdoh pottii Niina Aikio-Siltalan ko kuulâi, et sämitiggelaahâ lii kománâm vuáđulahâváljukoddeest ige innig puáđi vuáimán taan valjâpaajeest. Ääšist láá savâstâllâm masa jo ubâ Aikio-Siltala eellim ääigi, mut iäskán tai majemui ivij äigin sun lii čuávvum taan ovdánem. Martta Alajävri lii Piki- pennuinis tääl paimânškoovlâst. Škovliittâs ij lah tuše pennui, meid eemeed kalga oppâđ stivriđ pennuu olmânáál. Škovlim lasseen tábáhtume lii meid sosiaallâš tábáhtume, uáiná eres pennuid já sii omâsteijeid. Toimâtteijen Anja Kaarret.

Anarâš saavah ooko 6. 2023. Vuossargâ 6. peeivi lai Säämi aalmugpeivi, kuullâp maht párnááh viettii tom Sajosist. Mieldi, Frida King, Mattis Saastamoinen, Piera Ilmar Morottaja,. Elias já Piäkká Tervaniemi lává tääl puáttám pááikán arktisij tälvikištoin Kanadast. Stuorrâuábbi Ruut rahttât puárásijtaansâid. Sun lii Avveel luvâttuvâst. Benjamin Mattus lii luholâš ko piäsá aassâđ alda luándu. Morottaja Ánná lii livđuumin Kaustisijn já Kokkolast Tallari-juávhoin. Sara Keränen muštâl rukkoospuudâst kinttâlpeeivist. Toimâtteijen Anja Kaarret. Kove Ruut Tervaniemi.

Anarâš saavah okko 5. 2023. Anarâškielâ servi lii aalgâtmin nooveel čuágálduv čokkim. Vuosmuu čuákkimist muštâl seervi mediapargee Fabrizio Brecciaroli. Tervaniemi kaandah Piäkká já Elias vuolgijn moonnâm ohhoost Kanadan arktisijd tälvikištoid, eeči Marko muštâl, maht sunnust tääl tobbeen mana. Heli Huovinen lii áinoo áámmát čaittâleijee, kii sárnu anarâškielâ. Toimâtteijen Anja Kaarret. Koveest Heli Huovinen.

Anarâš saavah okko 3. 2023. Kielâpiervâlist škoovlân – nuorttâsämmilij párnái eenikielâlâš pälgishaahâ uárnee Avelist ja Čevetjäävrist ehidijd moh láá uáivildum vaanhimijd kiäi párnááh láá nuorttâlâškielâ kielâpiervâlijn. Saahâ kielâtraumâst, mii tot lii? Sämitige kielâpiervâlij stivrejee Niina Aikio-Siltala muštâl ehidijn. Iiris Kangas já Ritva Kangasniemi muštâlává jieijâs kielâtraumain. Toimâtteijen Anja Kaarret.

Taan ive Arctic Winter Games kištoh tuállojeh Kanadast 29.1-4.2. Anarist vyelgih kulmâ čyeigee Emili Portti ja Tervaniemi kaandah Piäkká já Elias já Yrjö Portti vuálgá välmejeijen, taat lii Suomâ Säämiseervi juávkku. Jukka Morottaja raahtij fiilmâ Ulpu Mattus-Kumpusii kielâpálgást, Maht Ulpu oopâi äijihis kielâ, anarâškielâ. Jukka lii tääl Säämi máttááttâskuávdáá media-linjáást já taat lii suu oppâpargočáittus. Toimâtteijen Anja Kaarret.

Anarâš saavah okko 1-2. 2023. Päärtihlâš Miina Seurujärvi muštâl jieijâs šleđgâkevttimist. Miinast kávnojeh meid maŋgâ šiev šleđgâ šeštim koonstâ. Loppa ivveest almostuvvii ennuv uđđâ kirjeh anarâškielân, Marja-Liisa Olthuis muštâl jieijâs jurgâlem kirjeest 321 GO! já sáárá Seipiharju lii jurgâlâm liijkás stuorrâ rähisvuotâ-kirje. Meccihaldâttâsâst puáhtá oppeet uuccâđ savzâpaimâm vuáruid ja meid meccihaldâttâs tuuvijd puáhtá väridiđ ohtii ivveest, vyesimáánust. Tain muštâl Kirsi Ukkonen meccihaldâttâsâst. Hannu Kangasniemi rukkoospuddâ. Toimâtteijen Anja Kaarret.

Anarâš saavah okko 50-52 2022. Juovlâmáánust maksii kyevtkiärdásii pärnilase. Henna Tervaniemi, stuorrâ perruu enni, muštâl kuus sii perrust taah ruuđah maneh. Riikka Morottaja lii valmâštâlmin Sajosist Čaijust juovlâpeevdi já muštâl meid jieijâs juovlâ- heerskuin. Taan ohhoost Anarâšah ry servi toolâi pajemiärhálii čuákkim, mast jienâstii uđđâ saavâjođetteijee. Inka Kangasniemi väljejii uđđâ sahâtuállen. Komovuođâ eehid lai juovlâmáánu 30 peeivi Anarist. Marja-Liisa Olthuis lâi pivdán astronaut André Kuipers jieijâs komovuođâ feeriimijn. Siämmást lai uđđâ anarâškirje almostittem tilálâšvuotâ já kirjemarkkâneh. Olthuis lii jurgâlâm Kuipers párnái kirje 321-go anarâškielân. Anarâškielâ seervi mediapargee Fabrizio Brecciaroli muštâl kiirjijn já meid jieijâs uđđâivveest. Toimâtteijen Anja Kaarret.

Lapeco toimâjođetteijee Osmo Aikio ravvuuh juovlâruuskij tuššâdmist. Toimâtteijen Anja Kaarret.

Anarâš saavah okko 44.2022 Sonja Valle muštâl maggaar lii leđe Avveel uđđâ škovlâkuávdáást pargoost. Ritva Kangasniemi muštâl aanaar pajetääsi asuntola ääigist. Tom láá tääl purgâm. Säämi museo Siida sajasâš hovdâ Eija Ojanlatva lii onne tuálvumijn toid majemuid kállutaavtijd, moh láá lâm vuárhást Anarist Siidast Ruotân. Marja-Liisa Olthuis lii kiddiistum komovuođâst. Lii čáállám kirje “Masa jo mánudáást”, jurgâlâm Hollan-kielâst anarâškielân 321 GO! nommâsii kirje, čuággám lego-pittáin rakettijd, mut maht sun kiddiistui taan fáádást já maggaar komovuođâ eehid lii puátimin Anarân. Toimâtteijen Anja Kaarret.

Anarâš saavah okko 43.2022. Neeta Jääskö lii motomin ennuv somest oinum sämikiellân. Sun muštâl maggaar vaikuttâs tost lii ko sämikielâ uáinoo meid somest. Säämi kielâoho kunnen Säämi máttááttâskuávdáá sämikielâi uáppeeh halidii et Aanaar markkânist sämikielâ oinuuččij eenâb. Nuutba tääl puáhtá-uv Sale-käävpist kavnâđ 50 täävvir nommâkoolbâ kuulmâ sämikiellân. Kävppijâs Henry Kesti vuolgij moovtâ taan uáppei idean mieldi, äššigâsah Hilma Mustonen já Elli Maaret Helander oopáin maŋgâ uđđâ sääni já anarâškielâ lohhee Zuzana Skalova muštâl maht taat suu juurdâ keevâtlávt luhostui. Haldâttâs iävtut et Juovlâmáánust mávsáččii enniruuđâ kuohtii. Sáárá Seipiharju nuorâ enni lii čuávvum taan čoovčâ, et maht tast kiävá já illood et tast puáhtá puáttiđ tuotâ já tiätá jo moos taan ruuđâ kiävttá. Sáárá lâi Tierva-vuolgâttâs studiost 21.9. Toimâtteijen Janica Gauriloff. Servikoddevaaljah láá puáttee máánust já Henna Tervaniemi muštâl maht Aanaar servikoddest vaaljah já iävtukkâsah láá uárnejum. Toimâtteijen Anja Kaarret.

Anarâš saavah okko 42.2022 Aikio Veikko muštâl maht sun talle 1999 uđđâivemáánu loopâs ko lâi korrâ puolâš, paijeel -50 cekkid-uv. Onnáá peeivi Veikko pyevtit jieš šleeđgâ jieijâs kesipääihist Ijjäävrist, kost ij lah viärmádâhšleđgâ. Sämitigge kielâpiervâl stivrejee Niina Aikio-Siltala muštâl maggaar materiaal sist lii taan ive valmâštum já valmâštuumijn. Sämitigge uážui taan ihán laseruuđâ aaibâš taan arâšoddâdemmateriaal pyevtitmân. Kielâpiervâl Piäju jođetteijee, tipšoo Tiina Lehmuslehti lii tuđâvâš, et uđđâ materiaal puátá já et rähteeh tietih maid sii tarbâšeh. Eidu tääl sii tarbâšiččii tagarijd kiirjijd, moh killájeh, iä pieđgâniččii. Rukkoospuudâst Sara Keränen muštâl kirhoi maailmânrääđi čuákkimist, mii lâi Saksaast. Toimâtteijen Anja Kaarret. .

Anarâš saavah okko 40-41.2022. Museo Siida lii kolliistâlmin Ruávinjaargâst puáris sierâikin. Tast Pia Nikula. Mudusjäävri paalgâs lii tääl käibidmin miäcástemkielduu olgopäikkikode miäcásteijeid palgâs siste. Paalgâs lii tääl čuákkimistis meridâm pivdeđ meccihaldâttâs lopâttiđ miäcástem luuvij vyebdim palgâs enâmijd. Miäcástem lii jo kuhháá hettim puásuituálu já tääl lai viijmâg-uv äigi porgâđ maidnii, muštâl palgâs puásuiiššeed Osmo Seurujärvi. Toimâtteijen Anja Kaarret. Kaisu Nikula viljâinis Heiháin, lii jođettâm 20 ihheed hooteel Kollehovi, mii alga aalgâst aalgij ovdil soodij já sii enni aalgij jieš jođettij taan hooteel 1987. Tääl lii luoppâm äigi. Toimâtteijen Anneli Lappalainen.

Anarâš saavah okko 38-39 Mudusjäävri palgâsist kavnui jáámmám puásui mon fievridii Oulun tutkâmušâid. Harvii puásuiulmuuh vyelgih tuálvuđ nuuvt kuhás já oomâsávt jáámmám ellee páácá tuđhâhánnáá. Puásuiolmooš kalga jieš mäksiđ puoh koloid. Taan keerdi poođij kuittâg paalgâs išán, lâi nuuvt šiev oornigist leđe puásui mii lâi jáámmám. Mudusjäävri palgâs puásui iššeed muštâl taan tápáduumeest. Kangasniemi Ritva lai Aanaar asâttuvâst vittâ ive. Sun lai Kaamâs škoovlâst, mut viiđâd luokkan poođij Anarân já asâttâhân, ko poođij vuáđuškovlâ, perusškovlâ, já Kaamâsist ij lam innig 5 já luokka. Pyereest sun muštá asâttâh ääigi. Tääl puáđi tađe stuárráb ahheev taan táálu,veik tom tääl purgájeh, ko ivvij ääigist jo lii muttum nuuvt, et ij lah innig tot siämmáš toovláš, muštoh láá tuše innig mielâst. Toimâtteijen Anja Kaarret.

Anarâš saavah okko 37. 2022. Aimo Aikio lai Säämi nuorâi taaiđâtápáduumeest tuámárin já muštâl puátusijn. Taat lai vuosmuš kerdi ko sun lai tuámárijn masten. Elli-Siiri Sarre lii Kärigâsnjaargân škoovlâst ovdâškoovlâst já tääl vuosmuu keerdi Sääminuorai taaiđa tápáduumeest. Emma Gahmberg lii jo veteraani. Tääl sun luuvâi jieijâs čäällim runo. Sust já Kaisla Suomisist han almostui keessiv runočuágáldâh já taan tápáduum. Kielâpiervâl pargee, enni, Satu Kangasniemi muštâlmijn maid sii pargeh arvepeeivi.eest Emma luuvâi oovtâ toin runoin. Toimâtteijen Anja Kaarret.

Anarâš saavah okko 36-36. 2022. Itävaltaast, Nuorttâvääldist, Wienist, lii taan ohhoost joođoos fennougrilii konferens. Taat tuálloo ain viiđâ ive kooskâin, oovdeb lâi Suomâst. Jukka Mettovaara lai talle Oulu ollâopâttuv uáppen mieldi, sunjin tot lâi vuosmuš kerdi. Tääl sun lii tobbeen muštâlmin anarâškielâ fonologiast, â st( hattâ aast). Unna Junná, pyevtitteijee Heli Huovinen muštâl čoovčâ ohjelmijn já maggaar falâldâh lii párnáid Arenast. Šleeđgâ šeštim koonstâin muštâlává Henna Tervaniemi já Mikkal Morottaja. Mecciluudij miäcástem álgá. Anarist ässee Lehmusleehti ubâ peerâ miäcást. Enni Tiina Lehmuslehti lii jo nuorrân álgám miäcástiđ, siämmáá ko tääl suu kaandah-uv. Arvist lii tääl älgimin kuálmád pivdo čohčâ. Toimâtteijen Anja Kaarret.

Anarâš saavah okko 33.2022. Maaŋgâid iivnijd tassaaš Niina Aikio-Siltata vielgis leđđeemááccuh šoodâi tuolvâsin, ko tot turdoi suklaain. Leđđeemááccuh putestem sáttá leđe vaigâd, mut koonstah putestem várás láá ennuv. Ohtâ konstâ tuájár Ella Sarre mield lii šluvgeđ mááccuh muottust. Sämitige oppâmaterial juávkku ocá tovláid anarâš mainâsijd oppâkirjijd. Oppâmaterial vuávájeijee Miina Seurujärvi muštâl et magarijd ja manen. Taan ohhoost algii škoovlah Aanaar kundáást. Laura Kangasniemi moonâi nube luokkan Aanaar vuáđuškoovlâst, kost láá tääl parakeh kost škovlâ tuáimá. Laura lii studiokyessin áhuinis Ritva Kangasniemijn. Marja-Liisa Olthuis oovdâs Petter Morottajain lii uážžum valmâšin anarâškielâ saanij sujâttemoppâkirje. Enna-Maija Aikio muštâl maht sust moonâi Ijjâtattis iijâst párnáipeeivist. Toimâtteijen Sáárákáisá Seurujärvi já Anja Kaarret.

Anarâš saavah okko 29-32.2022. Sáárá-Máárjá Salonen áásá Stuorrâ-Britanniast merâriddokaavpugist Brightonist. Stuorrâ Britannian lii adelum vuosmuu kerdi ruopsis šoŋŋâváruttâs pakkâ šooŋâst. Salonen muštâl, ete áimustem ij lah tobbeen táválâš. Tááluh sättih leđe nuuvt puáris ete taid ij uážžu stelliđ maiden, ige šleđgâ lah häälpis. Obižeh Elle-Máárjá já Sáárá Aikio-Siltala muštâleh maid suoi lijkkuv porgâđ Iijäävrist Aikio suuvâ pääihist. Ko suuhâ čokkán toho, te sunnust láá ennuv uárbim- já viljâpeleh kiäin puáhtá sierâdiđ já touhustiđ. Aanaar oho ohtâvuođâst tuálloo oppeet muádi ive maŋa Pelimannih-peeivih Avelist. Aikio Veikko lii lam masa jo aalgâ rääjist mieldi, maid taan ive. Anarist lâi mjebargâ ehidist tijme 22 maŋa eennâmtuárgástâs. Johanna Alatorvinen lâi posâmin paanijd hiivsigist, ko fakkist lättee tuárgistij. Sun lii ovdil-uv kuáhtám eennâmtuárgástâs suulân love ihheed tassaaš. Toimâtteijen Anja Kaarret já Sáárákáisá Seurujärvi.

Anarâš saavah okko 26-28.2022. Mikkal Morottaja muštâl maggaar keikka keesi Amocist lii. Hotel Kultahovi eemeed Kaisu Nikula muštâl maht turisteh láá vuottum sist taan keesi. Elle-Máárjá Siltala lii Kaustisest, kost lii Kaustinen Folk Music Festivaal. Elle-Máárjá lii jieš-uv sooitij tobbeen já kulloo suáittim lâi nuuvt suotâs, ete sun ij mušte tast maiden. Stuorrâ várdámleirâ álgá Hämeenlinna Evost. Aanaar kuávlust láá toho vuálgám . kyehtnubálo olmožid. Kikke Klaver lii algâttâm várdám suulân love ihe tassaaš, ađai sun lij lijkuustum várdámist eskin rävisolmožin. Klaver muštâl, ete stuorrâ leirâ Kajo leirâkuávlust šadda tego stuorrâ kaavpug. Tápáhdumen uásálist paijeel kyehtnubálo tuhháát olmožid, pirrâ Suomâ sehe olgoenâmijn. Avveellâš, Ijjäävrist ennuv ääigis viettee, Veikko Aikio mitted ohtii máánust mon ennuv čääsi Ijjäävrist lii. Tom kuávlust láá šooŋâid tutkam, mittedâm, masa jo čyeti ihheed. Tääl rustigeh tuáimih jiečânâs, automaattilávd. mut kal ain motomin lii pyeri eelliđ olmooš tärhistmijn, maht mana. Veikko lii tääl tággáár čääsi mittedem tärhisteijee Njellimlâš Leena Saijets lii huámmášâm, et tävireh láá tivrom já kalga tárkká keččâđ onnáá peeivi hoodijd já smiettâđ maid uástá. Toimâtteijen Sáárákáisá Seurujärvi já Anja Kaarret.

Anarâš saavah okko 23-25.2022. Henna Aikio já Ingá Musta lává oovdâst algâttâm blogi. Saammâl Suominen lii joba kyevti kesipargoost taan keesi. Sunjin lii tergâdis, ete keessiv lii pargo ko mudoi suu mielâst keessiv ij lah maiden maid porgâđ. Aanaar pridest muštâleh Mila Leppälä, Kaisla Suominen já Hilda Musta. Čuoškâin já tiivrijn Iisakki Mattus já Veikko Aikio. Kaisla Suominen já Emma Saari lává ráhtám uđđâ runokirje. Toimâtteijen Sáárákáisá Seurujärvi já Anja Kaarret.

Anarâš saavah okko 21-22.2022 Säämi máttááttâskuávdáá taan täälvi anarâškielâ lohheeh Jerri Timonen, Mattus-Kuhmunen, Mila Leppälä já Sonja Valle, muštâleh maht sist lii tälvi moonnâm ja puátteevuođâ sundáttâlmeh sist láá? Juátkih-uv anarâškielâ luuhâm? Aimo Aikio, Postâ Maati Ooni Aimo, lii puáttám Helsigist Anarân museo Siida lekkâm lávluđ, mut kal sun mudoi-uv lii olmooš kii lijkkoo museoin. Sämimuseo Siida lekkâmjuhleest kesimáánu vuosmuu peeivi, koskoho, virgesajasâš museohovdâ Eija Ojanlatva illood, ko viijmâg-uv vijđedempargoh láá valmâšeh já uđâsmuvvum museo lekkâsij. Toimâtteijen Anja Kaarret. Kikke Klaver rukkoospuddâ.

Anarâš saavah okko 20.2022. Kiiđâ majemuin uággumkištoin mieldi. Hilkka Fofonoff já Eeva Seurujärvi já peeivi vyeittee Aikio Piäká, kiän saallâs lai masa-jo love kiillud. Suomâ Sämitigge lii almostittám ravvuid mađhâšeijeid tast, maht kolgâččij lattiđ sämikuávlust. Aanaarlâš hooteel irâtteijee, Kaisu Nikula mielâst tárbu tágárijd ravvuid lii. Toimâtteijen Sáárá Seipiharju. Kirsi Ukkonen meccihaldâttâsâst muštâl maht piäsá savzâpaimannen ja kuus. Taan keesi Piälbáájäävri kirkkokiedist láá vuosmuu keerdi saavzah purâmijn suoinijd. Aanaar servikode kirkkohiärrá Tuomo Huusko muštâl manen sii väldih tääl saavzâid Piälbáájäävri kiáddán. Uđđâivemáánust 2023 Anarist álgá arâšoddâdemmáttáátteijee škovliittâs mon Oulu ollâopâttâh uárnee oovtâst Sämitiggein, Säämi máttááttâskuávdáin já Giellagas-instituuttijn. Tárbu sämikielâg arâšoddâdemmáttáátteijeid styeres já táválávt ferttee varriđ kaavpugân jis haalijd čođâldittiđ arâšoddâdem uápuid. uápuid puáhtá čođâldittiđ iänááš Anarist já uásild meid sämikielân. Sämitige kielâpiervâlstivrejeijee Niina Aikio-Siltala lii lamaš fáárust porgâmin škovliittâssáin. Oholoopâ uárnejuvvojeh kielâpiervâlpargei ovdedempeeivih Anarist. Peeivijn Niina Aikio-Siltala já Ritva Kangasniemi. Toimâtteijen Anja Kaarret já Sáárá Seipiharju.

Anarâš saavah okko 19.2022. tuotâvuotâ- já sovâdâttâmkomissio komissaar Miina Seurujärvi lii iäránâm luáttámuštoimâstis komissiost. Suu mielâst komissio ij paste olášuttiđ toos adelum vaigâdis pargo. Toimâtteijee Sáárá Seipiharju. Taan ive piäsá vuossâmuu tove kuássin čuávvuđ Eurovision - Euroviisu muusikkišto sämikielân. Heli Huovinen lii anarâškielâg čielgejeijen Euroviisuin já sun muštâl eenâb maht kišto piäsá čuávvuđ sämikielân já maggaar merhâšume tast lii. Toimâtteijen Sáárá Seipiharju Tááláá ääigi anarâškielâ já eres-uv sämikielâid puáhtá luuhâđ meid káidusin, sämikielâi káidusmáttááttâs haavâst. Henna Aikio áásá Oulust, kost sun lii jo nelji ive máttááttâm anarâškielâ káidusmáttááttâshaavâst. Tääl sust láá máttááttâsâst meid eenikielâg anaraš uáppeeh, moh iä ovdil lah lamaš. Uáppei meeri lii lasânâm jyehi ive já puáttee luuhâmihán láá ohtsis 38 uápped almottâttâm luuhâđ anarâškielâ. Henna Aikio ij kuittâg jieš pyevti juátkiđ máttááttem. Káidusmáttááttâshaavâst ij lah vala fastâruttâdem já tot toovât vädisvuođâid. Toimâtteijen Sáárá Seipiharju. Korona ääigi seervih iä lah ennuv puáhtám orniđ tábáhtusâid. Taan oholoopâ uárnejuvvoo kuittâg ohtâ tábáhtus mon láá vuávám jo mottoom ääigi, mutâ koronaraijiittâsâi keežild pasteh eskân tääl olášuttiđ. Saahâ lii anarâšah seervi anarâš pááru klubi -tábáhtusâst. Seervi saavâjođetteijee Anu Avaskari muštâl eenâb, maggaar tábáhtusâst lii saahâ. Toimâtteijen Sáárá Seipiharju. Rukkoospuudâst Tuomo Huusko muštâl pyeri paimânist.

Anarâškielân puáhtá luuhâđ jo maaŋgâlágánijd kiirjijd, mutâ ohtâ kirješlaajâ lii váilum ollásávt. Tom aanaarlâš Anniina Veitonmäki huámmášij ko poorgâi Aanaar škoovlâst anarâškielâlâš algâmáttááttâsâst. Tääl Veitonmäki čáálá vuosmuu älkkees kielâ kirje anarâškielân. Toimâtteijen Sáárá Seipiharju. Sämiuámikkâsah uđđâsist hävdiduvvojeh taan ive porgemáánust Anarân, Njellimân já Ucjuuhân. Tutkâmušâi várás hävdienâmijn ruggum sämiuámikkâsah láá lamaš jo paijeel kyehtlov ihheed sämimuseo Siida vuárháin. Sämimuseo Siida museohoovdâ sajasâš Eija Ojanlatva illood, ete uámikkâsah peesih viijmâg-uv ráávhun. Toimâtteijen Inger-Elle Suoninen. Sämmilij tuotâvuotâ- já sovâdâttâmkomissio lii algâttâm sämiseervij kuullâm. Tääl komissio huollân lii tooimâ ruttâdem. Komissio saavâjođetteijen algâttij vyesimáánust Miina Seurujärvi. Komission láá stuorrâ vuárdámušah, mutâ tääl lii meid huolâ tast, maht pargo ovdán. Tast Miina Seurujärvi, toimâtteijen Jovnâ Aikio. Anna Morottaja lii puohčâlâm lovmat ihheed. Manen sun aalgij puohčâlijm, mii tast lii pyerimus já maid kalga mättiđ, et puáhtá älgiđ puohčâliđ. Toimâtteijen Anja Kaarret.

Jussa Seurujärvi lii nuorâ puásuiolmooš Pärttihist, Mudusjäävri palgâsist, lam ain. Suu maadâr äijiheh já ááhuh láá lam ain puásuiulmuuh ja Jussa haalijd juátkiđ taan pargo, ige lah smiettâm kuássin et ij rosâččij poččuikin, veik tutkâmušah muštâliččii maid. Taan ij poorgâ ruuđâ tet, taat lii váimu äšši. Toimâtteijen Anja Kaarret. Oholoppân láá Anarist Säämi miästárkištoh já Tervaniemi jyemehááh Mervi já Maire lává jo valmâštâlmin kištodiđ lávurduv já pasepeeivi. Toimâtteijen Anja Kaarret. Viiđâd Säämi kirkkopeeivih uárnejuvvojeh Anarist 5.-7.8.2022 já teeman lii Pase Tullâ - Pase Aalmug. Kirkkopeeivih čuákkejeh oohtân puoh ahasâš sämmilijd uásálistiđ seminaaráid, immeelpalvâlussáid sehe lávluđ ärbivuáválâš säämi saalmâid oovtâst já teivâđ nubijdis. Kanttor Jari Linjama lii lamaš fáárust vuáváámin kirkkopeeivijd já muštâl tääl maht toh ovdáneh. Toimâtteijen Sáárá Seipiharju. Jukka Vuorela-Morottaja muštâl maht sist monnii Säämi máttááttâskuávdáá anarâškielâuáppei kiđđâ kuálástem peeivih Kuáskimnjaargâst. Toimâtteijen Anja Kaarret.

Anarâš saavah okko 13.2022. Marko Tervaniemi majemuš puásuikišto lâi Aanaar Ergikunâgâs kištoost ja sun poođij niäljádin. Sun kuáđá homá, vai nuorâbeh uážžuh juátkiđ. Taid hommáid sun ij kyeđe ko suu kaandah juátkih. Toimâtteijen Anneli Lappalainen. Anarâškielâ maistereh valmâštuvvojeh taan ive eenâb ko kuássin ovdil. Oulu ollâopâttuv anarâškielâ lehtor, filosofia tuávtir, Marja- Liisa Olthuis muštâl et taan ive valmâštuvvojeh 4-5, ko mudoi táássáš láá ohtsis valmâštum 7. Maister uápuid ij lah pastam kuhháá luuhâđkin, taat lii uđđâ äšši. Meid náguskirjeh láá pargosyelni. Fabrizio Brecciaroli lii eidu valmâštum anarâškielâ filosofia maisterân, ennuv lukko, čuávvoon vuárus náguskirje, mut kuullâp maggaar päälgis lii lâm táássáš. Toimâtteijen Anja Kaarret.

Anarâš saavah okko 12.2022. Marko Tervaniemi muštâl majemuin ergiuásikištoin moh láá ovdil oholoopâ kunâgâskištoi. Toimâtteijen Xia Torikka. Ergi kunâgâskištoh Anarist lii tábáhtume mast škovlaliih läävejeh čuággiđ luokkamätki ruuđâid. Kirsi Ukkonen lii Aanaarškovlâ vaanhimij ovdâstus värisaavâjođetteijee já káávcád luokkalii enni, muštâl moi mieláin sii tääl älgih ruuđâid čokkiđ. Toimâtteijen Anneli Lappalainen. Heli Huovinen muštâl jieijâs Ru-pennust, mii lii ta täsni. Pekka Tervaniemi lii čyeigee, kuullâp suu saavâid manen lijkkoo čuoigâđ kišto já meid suu välmieijee Yrjö Portti. Sämitigge uárnee savâstâllâm- já tieđettemtilálâšvuođâid sämipárnái já –nuorâi kielâlijn vuoigâdvuođâin arâšoddâdmist, máttááttâsâst sehe palvâlusâin, moh uárnejuvvojeh páárnášperruid. Ehidijn muštâl kielâpiervâlstivrejeijee Niina Aikio-Siltala. Martta Alajärvi lii väljejim Sämmilij tuotâvuotâ- já sovâdâttâmkomissio čäällimkode vuávájeijen. Kuullâp manen sun uusâi taan pargo ja magareh vyárdámušah sust láá. Toimâtteijen Sáárá Seipiharju. Mattus Issá tuálá tergâdeh suáđist sárnum, sun muštá ko Suomâst lâi suáti, ja maid sarnuu tast. Tiina Lehmuslehti muštâl maht sust moonâi várdám Suomâ miäštár kištoin Kajaanist.

Anarâš saavah okko 11 2022. Turist syergi lii oppeet iällám, ko korona raijiittâsah iä innig lah. Aanaar Hooteel Kultahovi eemeed Kaisu Nikula muštâl, et tälvisesongij lii lamaš hirmâd pyeri. Toimâtteijen Kirsti Länsman. Anarâškielâ seervi ihečuákkimist Marja-Liisa Olthuis ovdil já maŋa čuákkim. Seervi media pargee Fabrizio Brecciaroli muštâl kirjemarkkânijn, moh láá čuákkim ohtâvuođâst, mut hälbis kiirjijd puáhtá meid seervist tiilái. Museo Siidast láá álgám oovdâst Säämi Soster-servijn sijdâteivâdmeh, kost teivih sijdâlijkin já savâstâlleh museo tuoivuin. Sämimuseo aalmugtooimâ västideijee Pia Nikula muštâl ääšist. Tovle láá Anarist ruggâm tohon hävdidum ulmui uáivikááluid já tääl toid láá maaccâtmin oppeet teehin Anarân. Vuosmuu keerdi taid macâttii 1995 tai 96. Káálluh láá jo macâttum já puáttee keesi kolgâččii oppeet taid hävdidiđ. Virgesajasâš museohovdâ já arkeolog Eija Ojanlatva muštâl tast. Toimâtteijen Kirsti Länsman.

Anarâš saavah okko 9 já 10. Maid áiguv Nils-Emil Kalla já Noosa Hautala porgâđ tälviluámu äigin. Satu Aikio muštâl maht sii láá Sajosist rahttâttâm ko taan ohhoost lii Beaivváš-teatter čááitus. Kuátuenâmid tuđhâškyetih tääl. Mudusjäävri puásuiiššeed Osmo Seurujärvi lii totkein meecist. Toimatteijen Jouni Aikio. Nisonijd uáivildum moottorkiälkkáleirâ uárnejui Avelist. Kaamâslâš Laura Ylinampa lâi meid mieldi. Toimâtteijen Sara Kelemeny. Hannu Kangasniemi rukkoospuudâs saahâ Ukraina suáđist.

Anarâš saavah okko 8.2022. Aanaar servikode kirkkohiärrá Tuomo Huusko muštâl onnáá eehid rukkoospuudâst mii uárnejuvvoo Ukraina suáđi tet ubâ Suomâst já meid Avveel kirhoost. Huusko muštâl maid kirkko fáálá toid kiäh paaleeh tääl suáđist. Ruošâ pele sämikieláin ij lah ollágin nuuvt šiev tile ko taveennamijn, Ruotâst, Taažâst já Suomâst. Säämi ollâopâttuv sosiolingvistiik professor Annika Pasanen tutkâm já uáinám alda já lâm meid jieš-uv mieldi iäláskitmin uhkevuálásii kielâid, Suomâ pelni anarâškielâ já Ruošâst lâm mieldi 2010 lovo aalgâst orniimin kärjilkielâ kielâpiervâlid. Pasanen muštâl et maggaar tile eidu tääl sämikieláin lii Ruošâst. Heli Huovinen lii Helsigist, rahttâtmin lávurduv UMK, uđđâmuusikkišto seelvâtmân anarâškielân. Toimâtteijen Anja Kaarret.

Anarâš saavah okko 7.2022. Njuhčâmáánust álgá anarâškielâ luuhâm- já čäällimkurssân lii tääl moonnâmin uuccâmäigi. Kuursâ uárnee Säämi máttááttâskuávdáš, taat lii nettikurssâ já máttáátteijen lii Iida Kerokoski. Moonnâm keesi Aanaar kieldâ teknisâš lävdikodde tuhhiittij maailm vuossmuu ollásávt anarâškielâlâš luodâ noomâ já siämmáá keesi luodârähtee tuálvui meid kiäinukoolbâ sajan. Luodâ nommâ lii Vuáskutupeluoddâ já tot lii Njellim aldasijn Vuáskujäävrist. Kuuva Petra suuhâ lii orroom já aassâm Vuáskujäävrist, Tääl tom oomâs Risto Ropponen. Aanaar kieldâ viestâdemhovdâ Anne-Marie Kalla muštâl maht luodâ noomâ uážžu sämikielân já päikkinommâtotkee Taarna Valtonen muštâl maht tovle nomâttii paaihijd. Anarist taan ohhoost Sämimuseo Siidâ ornij taan ive vuosmuu tággáár teema oho párnáid. Siida Museo aalmugtooimâ västideijee Pia Nikula muštâl tain peeivijn. Oulu ollâopâttuv sämikielâ lohheeh já máttáátteijeeh láá taan ohhoost čokkânâm Anarân uápásmuđ kielâteknon. Ohtâ uáppee lii Fabrizio Brecciaroli sun muštâl maid puoh sii láá porgâm tai peivij ääigi. Toimâtteijen Sáárá Seipiharju já Anja Kaarret.

Ruošâ pele sämikieláin ij lah ollágin nuuvt šiev tile ko taveennamijn Ruotâst, Taažâst já Suomâst. Säämi ollâopâttuv sosiolingvistiik professor Annika Pasanen tutkâm já uáinám alda já lâm meid jieš-uv mieldi iäláskitmin uhkevuálásii kielâid, Suomâ pelni anarâškielâ já Ruošâst lâm mieldi 2010 lovo aalgâst orniimin kärjilkielâ kielâpiervâlid. Pasanen muštâl et maggaar tile eidu tääl sämikieláin lii Ruošâst. Toimâtteijee: Anja Kaarret

Anarâš saavah okko 6.2022. Rauni Mannermaa vuočâ kyelimääli jiäŋŋum kuávžurist. Toimâtteijee Anja Kaarret lâi suu skipárin. Uđđâmuusikkištoost, UMK, väljejeh Suomâ ovdâsteijee Euroviisuid já taan ive kištoost kulloo selvâttem meid anarâškielân. Petter Morottaja lii uđđâ Unna Junná jođetteijee. Kuullâp suu jurduid taan ääššist, mast sun ij lah lâm ovdil mieldi. Marja-Liisa Olthuis čaalij paijeel 4 ive Masa jo mánudáást kirje já tääl tot viijmâg-uv lii kieđâst, luuhâmnáál. Kirje lii kietân hiävulâš já fonttijd lii pyeri luuhâđ, koveh lijjii luhostum pyereest.

Anarâš saavah okko 5.2022. Sämitigge viestâdemčällee Johanna Alatorvinen muštâl Sämitigge aalmugpeeivi juhleest mii lii tääl jo nube keerdi käidusin. Toimâtteijen Anja Kaarret. Sämikielâlâš oppâmateriaalpargo šadda pehtilubbon. Ovdâskodde tuhhiittij juovlâmáánust 500.000 euro lasattâs sämikielâlii oppâmateriaalpaargon. Oppâmateriaalpaargon láá taan ive kevttimnáál miljovn eurod. Sämitigge ocá eidu tääl maaŋgâid oppâmateriaal proojeektpargeid. Toos lasseen haaldâtláid já nettipalvâlusâi ovdedempargoid pálkkááttui eidu haaldâtlâš vuávájeijee. Sämitige oppâmateriaalčällee Paavvâl Piättâr Piäkkáá Heeihâ Petra, Petra Kuuva muštâl ääšist. Toimâtteijen Kirste Länsman. Suullân 83 sämmilij tiiŋgâd mäccih val Sáámán sämimuseo Siidan taan kiiđâ Suomâ aalmuglâšmuseost. Iänááš taah láá nuorttâlij tiiŋgah. Musehoovdâ sajasâš Eija Ojanlatva muštâl, ete sij museost ilodeh ääšist já sist kale lii saje veikkâ eenâb-uv tävirijd. Toimâtteijee Sáárá Seipiharju sahhiittâl. Aanaar Servikode kirkkohiärrá Tuomo Huusko muštâl jieijâs määđhist Vatikaanin teivâđ paavi. Sun ij lah ovdil iällám Vatikaanist, ige teivâm paavi. Ohtân šiev äššin sun tuálá taan määđhist tom, uápásmui katolilijd ulmuid já tuáivu et motomeh puáđáččii puáttee keesi Anarân sämmilij kirkkopeivijd-uv. Mätki lai oskomettum, ige kaađâ et vuolgij. Toimâtteijen Anja Kaarret.

Anarâš saavah okko 4. 2022. Livđojeijee Kuobžâ-Piäká Ánná, Anna Morottaja illood, ete viijmâg-uv uážui valmâšin majemuid-uv pargoid, moh vuordii kyehti ive. Sun lopedij jo love ihheed tassaaš livđeskiäru rähtiđ já tääl tot lii vaalmâš. Toimâtteijen Sáárá Seipiharju. Koronatile keežild kulttuursyergi tábáhtusah láá sirdum teikkâ taid iä ornii ollágin. Viehâ-nommâsâš taaiđâtyeji lii-uv ohtâ áinoin taiđâpittáin Suomâst mii olášuvá koronast huolâhánnáá. Vievâ pargojuávhu jođetteijee ja koreografia stivrejeijee Auri Ahola mielâst Viehâ lii uáli eromâš tyeji. Toimâtteijee Sáárá Seipiharju elâččij Ruávinjaargâst čuávumin Vievâ hárjuttâsâid já sahhiittâlâi Auri Ahola tobbeen. Veikko Aikio lii avveest pivdám riämnjáid. Mottoom ihe talle sun lâi aaibâs toin pargoin, nuuvt et lai lope vyeijiđ moottorkiälháin-uv ja pääččiđ taid. Tääl sun pááčá talle tuše, jos riemnjis puátá suu šiiljon. Toimâtteijen Anja Kaarret.

Anarâš saavah okko 3. 2022. Avveel luvâttah lii lâm tääl káidus máttááttâsâst, mut sildoo alda máttááttâssân puáttee vuossargâ. Škoovlah älgih meid testađ uáppeid, eenâb ääšist Aanaar kundá čuovviittâstoimâhovdâ Ilkka Korhonen. Párnái tv-ohjelm pyevtitteijee Heli Huovinen muštâl mii kulloo tääl Unna Junnán. Uđđâ uásih älgih ustevpeeivi televisiost. Unna Junná lii uážžum tääl meid uđđâ logo. Toimâtteijen Anja Kaarret.

Anarâš saavah okko 2.2022. Säämi máttááttâskuávdáá anarâškielâ uápuin lii kielâmiäštárijn stuorrâ uási, nuuvt uáppeid ko meid miäštárid. Korona ääigi láá kuittâg kielâmiäštárij lunne kollimeh pááccám. Máttáátteijee Iiris Mäenpää, Kielâmiäštár Eeva Seurujärvi já Kikke Klaver, uáppee, muštâl jieijâs uáinuid ääšist. Toimâtteijen Anja Kaarret.

Anarâš saavah okko 1.2022 Sáárá-Máárjá Salonen lii ohtâ toin kii uážui taan ive Sämirääđi kulttuur išeruuđâ. Sun álgá rähtiđ podcast- ohjelmij muusik rähtein eŋgâlâškielân. Tääl Sáárá-Máárjá lii Anarist, mut nubbe päikki sust lii Stuorrâ-Britanniast. Aanaar kundá čuovviittâstoimâhovdâ Ilkka Korhonen muštâl, maht Aanaar kundáást láá tääl ornim škovlâjotteem, magareh raijiittâsah já torvotooimah škoovlâin tääl láá. Saammal Suominen lii Avveel luvâttuvâst majemuid ohhoid, ovdil ko álgá luuhâm luámu já uáinimist lii et kiergâneh-uv maccâđ aldamáttááttâssân. Tääl luvâttuv uáppeeh láá káidusmáttááttâsâst. Säämi máttááttâskuávdáá taan täälvi anarâškielâ lohhee Ulpu Mattus-Kumpunen muštâl maht suu uáppoid vaikkud korona. Elsa Väisänen muštâl rukkoospuudâst Johannes Kästest.

Anarâš saavah okko 50. 2021. Aanaar kielâpiervâl Piäjust párnááh vyerdih jo juovlâid. Párnááh meid tietih mii juovlâin lii tergâdumos. Motomij mielâst lii tot, ete juovlâäijih puátá. Nubeh vuot láá tom uáivilist, ete njálgáh já eres heerskuh láá puoh tehálumoseh. Anja Kaarret sahhiittâl párnáid. Sämitigge pieijâđ uuccâmnáál ollâškovlâuáppeid 500 euro stuárusijd stipendijd, ohtsis kuttâ. Ohtâ occee já uážžoo lii Henna Tervaniemi. Kuullâp maid sun lohá já moos taat ruttâ rijttáá. Loopâst val kuullâp Anarâškielâseervi stiivrâ ive majemuu čuákkimist mii lai onne vástupeeivi 17.12 . Toimâtteijen Anja Kaarret. Sara Keränen muštâl Johannes Kästeest.

anarâš saavah okko 49.2021. Kone-siäđus lii almostittâm čoovčâ 2021 išeruuđâid. Filosofia maister Tuomas Koukkarin mieđettui 107 900 euro stuárusâš išeruttâ náguskirjetutkâmuššân, mon tárguttâssân lii rähtiđ anarâškielâ tieđâlii kielâoopâ. Eenih Satu Kangasniemi já Essi Morottaja muštâlává enijpakettist, ko tääl lii almostum uđđâ enij pakkeet, kost kávnoo kukkâmkirjááš meid anarâškielân. Aanaar servikodde ráhtá já juáhá jyehi juovlâi ohtuunis ulmuid juovlâpakettijd. Aanaar servikode diakonissa Anja Karhula muštâl maht sii láá ornim juovlâseŋkka pakettij rähtim já jyehim. Njellimlâš Leena Saijest lii jo kuhháá rijjâtátulávt jottáám rähtimin juovlâpakettijd servikode juovlâskeŋkkâ talkoin. Toimâtteijen Sáárá Seipiharju já Anja Kaarret.

Anarâš saavah okko 48.2021. Heli Huovinen muštâl Unna Junná taan ive Juovlâkalenderist. Aimo Aikio muštâl ko sii pargojuávkku lii uážžum išeruuđâ Koneen säätiöst, nuorttâlâš-. anarâšmuusik rähtimân. Anarâšah servi toolâi kieskâd ihečuákkim mast servi meridij orniiškyettiđ Anarâš pááru -klubiehidijd miätá Aanaar kieldâ. Tääl seervi saavâjođetteijee Anu Avaskari muštâl mii lii Anarâš pááru já mondiet sij halijdeh orniđ tágárijd ehidijd. Masa jo mánudáást scifi-kirje čäällim lâi kuhes proosees, kirječällee Márjá-Liisá Olthuis muštâl čäällim vädisvuođâin já iloin. INSAKU, Säämi máttááttâskuávdáá anarâškielâ uáppeeh, pessii iäskán tääl skammâmáánu loopâs kuálástem peeivijd viettiđ škovlâ meccikáámpán Kuáski-njargân. Taan čohčâkuálástem reissu maŋa ooppâtmist kevttuuškuát eenâb já eenâb anarâškielâ. Uápásmep tääl uđđâ anarâškielâ uáppeid, máttáátteijen kuálástem kuursâst lai Ánná Morottaja já uáppeeh uáppeeh Milja Nikunen, Ulpu Mattus-Kumpunen, Mila Leppälä, Jukka Vuore

Anarâš saavah okko 46-47 Majebargâ 16.11.2021 lii Suáđekylást kielâpiervâlijn tieđettem eehid. Suáđekylá kundá piervâlij lii tot palo, et párnááh noheh. Sämitige kielâpiervâlij stivrejee Niina Aikio-Siltala muštâl eenâb kielâpiervâlijn já et maggaar eehid lii puátimin. Anarâšâi muusik ärbivyehi livđe iälásk já puáttee ive livđe kulloo já uáinoo maŋgâsij paaihijn.Anarâškielâ servi ive 2022 seinikalender fáddán lii livđe. Anarâškielâ servi almostit jyehi ive seinikalender, mutâ puáttee ive kalender eromâšvuotân láá jienah. Jyehi mánuppaje várás lii ohtâ livđe já ohtsis kalenderist láá 12 livđed. Vuossaargâ ehidist lâi máhđulâšvuotâ kuullâđ taid liivđijd livđekonsertist Anarist Sajosist. Tilálâšvuotâ lâi siämmást meid livđekalender almostittemjuhle. Kuullâp Anna Morottaja, Heli Aikio, Marja-Liisa Olthuis, Sampo Sieppi. Kaamâslâš Anna Askala muštâl taan oholoopâ kaamâs taidârijiijâst. Toimâtteijen Anja Kaarret.

Anarâš saaavah okko 45. Anarâškielâ servi lii almostittám vuosmuid jurgâlum nuorâikiirjijd, Ella já skipáreh. Seervi mediapargee Fabrizio Brecciaroli muštâl projektijn moh láá seervist tääl joođoost já meid kiirjijn moh láá tääl puátimin. Brecciaroli muštâl meid uđđâ projektist já puáttee ive kalenderist. Henna Tervaniemi lii taid kiirjijd jurgâlâm ja sun muštâl maggaar pargo taat lai. Kikke Klaver muštâl moonnâm lávurduv Pyhámestpeeivist já tast maht muštep jáámmám aladâsulmuid talle. Toimâtteijen Anja Kaarret já Sáárá Seipiharju.

Anarâš saaavah okko 44. Sosiolingvistiik professor Annika Pasanen muštâlij, ete ij lah nuuvt älkkee finniđ párnáá sárnuđ sämikielâ já eromâšávt val nuuvt et párnáást šodâččii produktiivlávt kyevt teik maaŋgâkielâg, ađai et sehe äddee ete sárnu jieš produktiivlávt puoh suu kielâid. Sun nomâttij, et távjá čuolmâ mondiet párnáást ij šoodâ produktiivlávt maaŋgâkielâg, lii tot et párnááš ij piäiválávt kuulâ teikkâ uáini sämikielâ tuárvi. Já eromâšávt kaavpugijn tot váátá vaanhimijn val eenâb pargo já naavcâid. Maaŋgâkielâg párnáá vaanhim Petter Morottaja šoddâd suu párnáá Säämi ulgguubeln. Párnááh láá kiddiistum onnáá peeivi-uv vala mainâsijn tovláá ääigist, veik eellip some- já digiääigist. Meid polâttitteeh mainâseh liččii mielâmield, mut ááhuh já äijiheh, iä haalijd paldeđ párnáid. Párnááh Mattis Saastamoinen, Helmi Sirviö já Laura Kangasniemi halideh kuullâđ, maht tovle. Ákku, Kerttu Paltto já äijih, Veikko Aikio muštâleh taid mielâstis, mut polâttittee mainâsijd iävá muštâl. Neeta Jääskö lii jo mottoom äigi čáállám Varriistâllâm-Oovtâ sämmilii blogi. Saahâ lâi tast ko sun lii tääl čáállám tast, ko meid sáámmán rievdih uđđâ peeivih, tego Halloween. Toimâtteijen Anja Kaarret já Sáárá Seipiharju.

Anarâš saavah okko 42. 2021. Ruávinjaargâst láá tääl oholoopâ kiälkkámeesuh, Jonna Alava lii tohon moonnâmin. Anarâš láá puáttee keesi Säämi kirkkopeeivih, Sara Keränen já Jari Linjama lává mieldi ornimjuávhust. Sämikielâ kielâokko lii tääl, kuullâp maht Aanaar škovlâ anarâškielân máttááttijjee Saammal Morottaja, káidusmáttááttijjee Henna Aikio, Kiel-piervâlist Niina Aikio-Siltala já Avelist Aili Mattus hommájeh. Tuotâvuotâ-já sovâttâllâmkomissio vuáđui onne. Mieldi lai meid sämitige saavâtuállee Tuomas Aslak Juuso, uáiviminister Sanna Marin, nuorttâlij ovdâolmooš Veikko Feudoroff ja mieldi lai meid Petter Morottaja sun keesij oohtân anarâškielân sahâvuáruid. Henna Tervaniemi imâštâl, et manen taat halloween lii uážžum nuuvt stuorrâ uási škoovlâst. Kielâpiervâl jođetteijee Ritva Kangasniemi ij lah kuássin juhlon Halloween.

Anarâš saavah okko 40.2021. Moonnâm oholoopâ lai Sämitigge ornim kielâkevttim škovliittâs Anarist Sajosist. Ohtâ uásálistee lâi Marko Tervaniemi, sun lai talle ko muumijd rahtii anarâškielân, te Nipson ja jo talle mottoom veerdi uápásmâm jienâ huolâtmân. Toimâtteijen Anja Kaarret. Korona raijiittâsah loccâaseh já káiduspargo kiäppán Sämitige kielâpiervâlij stivrejee Niina Aikio-Siltaja lii viijmâg-uv peessâm pargosajan Anarân Sajosân. Toimâtteijen Anja Kaarret. Eija Ojanlatva muštâl maht museo Siidast maccih paargon korona raijiittâsâi maŋa. Moonnâm oho lávurduv hávdádii já sivnedii sämimuseo já luándukuávdáš Siida huksimenâmist kavnum ulmui pasâttâsâid. Kesimáánust 2020 Siida vijđedempargoi ohtâvuođâst kavnii ulmuitaavtijd. Taan ive laboratoriotutkâmušah nannejii, et toh láá neelji ulmuu já viehâ vissásávt neelji sovjetlittolaš suátifaaŋgâ pasâttâsah. Arkeolog Eija Ojanlatva lâi talle keessiv 2020 tutkâmin taid taavtijd já suu arkeologičalmeh tiettii tállán et toh láá ulmui täävtih. Ojanlatva lâi mieldi meid hávdádemtilálâšvuođâst Avelist moonnâm oho lávurduv. Toimâtteijen Sáárá Seipiharju. Piälbáájäävri kirho seeinijd láá máđháliih sárgum já pilledâm. Museo Siida virgesajasâš hovdâ Eija Ojanlatva muštâl maid sii aiguh tääl porgâđ. Toimâtteijen Anneli Lappalainen.

Anarâš saavah okko 39,40 2021: Sara Keränen lohá anarâškielâ Oulu ollâopâttuvvât Giellagas instituutist. Sun kiävttá uáppeehaalarijd ain uáppeetábáhtusâin. Haalariin puáhtá uáiniđ maid uáppee lohá já haalarmeerhâin uáiná moin aašijn sun lijkkoo.Toimâtteijen Sáárákáisá Seurujärvi. Sämitigge oppâmateriaal čällee Petra Kuuva muštâl et sii láá tääl orniimin jienâkevttim škovliittâs Anarân roovvâdmáánust. Oppâmaterial rähteeh tarbâšeh meid lohheid já jienâčaittâleijeid. Máttááttijee Kaisu Hautala muštâl unesco almugijkoskâsâš máttáátteijeepeivsti. Máttáátteijei pargo lii tehálâš já hirmâd merhâšittee, mutâ kuittâggin máttáátteijeeh iä uážu tom áárvu já tubdâstem mon sij kolgâččii uážžuđ tehálâš pargostis. Sáárá Seipiharju toimâtteijen. Anarâškielâ kielâpiervâlij párnááh sehe Avelist, et Anarist láá viättám peeivi Njellimist. Mondiet já mii tobbeen tábáhtui? Mieldi Ritva Kangasniemi, Jane Helppi, Leena Saijets, Aune Hakovirta já Elen-Máárjá Aikio. Toimâtteijen Sáárá Seipiharju.

Sara Keränen lohá anarâškielâ Oulu ollâopâttuvvât Giellagas instituutist. Sun kiävttá uáppeehaalarijd ain uáppeetábáhtusâin. Haalariin puáhtá uáiniđ maid uáppee lohá já haalarmeerhâin uáiná moin aašijn sun lijkkoo.

Anarâš saavah okko 37.2021. Maht ruške vaikkut omt. kuolijd. Päärtihlâs Jouni Saijets muštâl kuás kannat kuálástiđ já kuás ij. Jonna Alava lii puásuituállee já lii meid jotolâhvaahâgárvuštâllee, kii iälá keččâmijn jos kiinii vuájá poččuu oolâ. Sun rävvee maid kalga porgâđ jos vuájá poččuu oolâ. Toimâtteijen Anja Kaarret. Johanna Alatorvinen lii puáttám agility hárjuttâsâid Avelân. Sust láá kyehti pennuu: čeppi já täsni já kuohtuuh láá puásuipennuuh. Mutâ lii-uv čeppi čeppi? Sáárá Seipiharju sahhiittâl.

Anarâš saavah okko 36 Aanaar servikode kirkkohiärrá Tuomo Huusko muštâl maggaar lii älkkest vihkum-tápádume. Suáluičielgist lii meid tággáár tábáhtume taan ohhoost. Heli Sarre lii eidu varrim Oulun ollâopâttâh uáppen já Sara Keränen lii jo lâm mottoom ive luuhâm tobbeen. Maccâm-juhle lai Anarist Sämimuseo Siidast. Juhloo tävirijd maid Suomâ aalmugmuseo macâdij Anarân toid tävirijd moh lijjii taan kuávlust tolvum máádás paijeel čyeti ihheed talle. Arkeolog Eija Ojanlatva muštâl mon älkkee loppâloopâst lâi uážžuđ taid tävirijd maassâd. Livđoo Anna Morottaja lai rähtistâm uđđâ livđe tävirijd. Ánná muštâl meid maht sun lii vyelgimin kuhes puudâ maŋa Jotemijd. Jari Linjama rukkoospuddâ.

Anarâš saavah okko 35. 2021. Teija Tamminen lai ivvijd anarâškielâ máttáátteijen, mut vaaibâi já eeđâi jiejâs luovâs virgeest. Muusiktoimâtteijee Saara-Maria Salonen lii iävtukkâssân Ive muusiktoimâtteijen Reeper Bahn-muusikjournalistfestivaalist čalluin, mii muštâl algâaalmugmuusik.Salonen tooimât Stuorrâ-Britanniast moddii máánust muusik ohjelm, mast čuoijâđ meid sämimuusik. Lehmuslehti Tiina Ja suu kandâ Arvi lává valmâštâlmijn sorvâpiivdon já Aikio Veikko muštâl manen sun ij pivde njuámmilijjijd. Unna Junná párnái ta-pyevditteijee Heli Huovinen muštâl maggaar čohčâ Unná Junnást lii puátimin. Anarâškielâ servi lai uuccâm išeruuđâ Kierâšloostâ iäláskitmân, mut ij uážžum. Anarâškielâ seervi saavâjođetteijee Marja-Liisa Olthuis já mediapargee Fabrizio Brecciaroli lává pettum. Nävt škovlâ älgimân kulloo meid, et várdámtoimâ piäsá joton. Aanaarkuávlust lii jo iivijd lâm sämikielâ várdám. Tiina Lehmuslehti lii lam joođeetmij taan algârääjist, maid puoh tobbeen hommájeh já maht piäsá mieldi. Aanaarlâš Sáárá-Máárjá Salonen varrij Stuorrâ-Britanninan uápui tiet, mutâ uápui maŋa sun ij halijdâmgin varriđ maassâd Suomân. Puátteevuođâst sun ij val tieđe, mut mottoom peeivi sun halijdičij aassâđ val Keniast. Rahtum porgemáánust 2021. Toimâtteijen Sáárá Seipiharju. Toimâtteijen Sáárá Seipiharju, Kirsti Länsman já Anja Kaarret.

Anarâš saavah okko 34. 2021. Nävt škovlâ älgimân kulloo meid, et várdámtoimâ piäsá joton. Aanaarkuávlust lii jo iivijd lâm sämikielâ várdám. Tiina Lehmuslehti lii lam joođeetmij taan algârääjist, maid puoh tobbeen hommájeh já maht piäsá mieldi. Aanaarlâš Sáárá-Máárjá Salonen varrij Stuorrâ-Britanninan uápui tiet, mutâ uápui maŋa sun ij halijdâmgin varriđ maassâd Suomân. Puátteevuođâst sun ij val tieđe, mut mottoom peeivi sun halijdičij aassâđ val Keniast. Rahtum porgemáánust 2021. Toimâtteijen Sáárá Seipiharju.

Anarâš saavah okko 33. 2021. Kuulmâ päärni enni Anne Karhu-Angeli muštâl väldih-uv sii párnááh puáhuttâs, tääl ko älgih meid párnáid puáhuttiđ korona-taavdâ vuástá. Maggaar Aanaar markkân vuáđuškoovlâst lii anarâškielâmáttáátteijei tile, tast muštâlává rehtor Marja Seilonen já máttááttijjee Saammal Morottaja. Motomijn škoovlâin aalgij taan čoovčâ kyehti ive pištee ovdâškovlâ keččalem. Enni, Satu Kangasniemi lii piejâm kuársup nieidâs ovdâškoovlân, mut Anarist lii tuše oovtâ ive pištee ovdâškovlâ. Mon tergâdân Satu tuálá ovdâškovlâ. Toimâtteijen Sáárá Seipiharju já Anja Kaarret.

Säämi máttááttâskuávdááččist anarâš- já nuorttâlâškielâ škovliittâsâin lii vala saje. Anarâškielâ máttáátteijee Iiris Mäenpää muštâl, moh láá suujah montied škovliittâsâin láá vala sajeh. Uáppeid kuittâg láá tuárvi, ete máttááttâs álgá. Henna Aikio máttáát anarâškielâ sämikielâi káidusmáttááttâs haavâst. Sun muštâl magarin oro, ko uáppeeh láá taan ive eenâb ko kiđđuv. Toimâtteijen Sáárá Seipiharju. Johanna Huhtamella juuđij Avveel luvâttuv já algâttiđ lekittâsteknikkár škoovlâ Oulust. Jiereskittee ääših uđđâ kaavpugist láá almolâšjotolah já škovlâ mii lii stuorrâb moos sun lii hárjánâm. Anarist šoddâm Tiina Lehmuslehti, Mošáá Kááijá Veeiko Tiina, lai lovmat ihheed Anarist meddâl, mut varrij talle maassâd já huksij perruinis táálu markkân aldasijd. Opâttâlâi anarâškielâ já lii tääl kielâpiervâlist pargoost.Perrui kulloo iššeed já kyevdi kaandâ lasseen kyehti pennuu. Taan keesi Tiina lii ennuv vázzám meecist já kuldâlâm jienâkiirjijd. Ubâ peerâ lijkkoo luándust. Čohčâ lii tot pyeredus iveäigi já val mottoom peeivi sun halidičij pääččiđ čuuvčá. Toimâtteijen Sáárá Seipiharju, Sáárákáisá Seurujärvi já Annja Kaarret.

Kaamâs sijdâtoimâkode šavâtuállee Anna Askala muštâl eenâb Kaamâs kylágalleriast, mii lii álgám toimâđ kiđđuv. Toimâtteijen Sáárákáisá Seurujärvi. Porgemáánu aalgâst anarâškielâ kielâpiervâleh láá virgálávt sirdum anarâškielâ seervist Aanaar kieldân. Sehe seervi saavâjođetteijee Marja-Liisa Olthuis, ete kieldâ arâšoddâdemhovdâ Pirkko Saarela ilodává, ko ohtsâšpargo luhostui pyereest já tääl piervâleh láá sirdum. Sáárá Seipiharju.

Johanna Huhtamella juuđij Avveel luvâttuv já algâttiđ lekittâsteknikkár škoovlâ Oulust. Jiereskittee ääših uđđâ kaavpugist láá almolâšjotolah já škovlâ mii lii stuorrâb moos sun lii hárjánâm.

Säämi máttááttâskuávdááččist anarâš- já nuorttâlâškielâ škovliittâsâin lii vala saje. Anarâškielâ máttáátteijee Iiris Mäenpää muštâl, moh láá suujah montied škovliittâsâin láá vala sajeh. Uáppeid kuittâg láá tuárvi, ete máttááttâs álgá.

Anna Askala lii Kaamas sijdâseervi saavâjođetteijee, já sun lii iiloost ko sijdâgalleria lii iäláskittâm Kaamas sijdâ. Arja Kotiranta já suu käälis Peter Sundholm iävtuttij oovtâspargo sijdâseerviin, já tothan luhostui.

Anarâš saavah okko 30.2021 Heli Aikio piäsá pelnub ive maŋa lávluđ stuárráb olmoošjuávkun lávurduv Kaamanen live -tábáhtusâst. Pirrâ Suomâ uáinoo keessiv moottorpyerá vyeijeid, já Jari Linjama lii meiddei vuájám pyeráin ennuv. Sust piištij 15 ihheed hommáđ pyerá ko teeivâi suu tááláá káálgu. Sun kuittâg muuštij pyerá niävdus, já tääl sust lii lamaš pyerá jo 5 ihheed. Jussa Seurujärvi lii motomin iällám maŋgii tagarijn nuoret vieropalkisilla- teivâdmijn já lijkkuin tain, mut käibid tagarijd teivâdmijd, mast liččii mieldi meid eres enâmijn puásuiulmuuh. Toimâtteijen Anja Kaarret. Rauni Mannermaa lii aassâm Kamessuollust nuorâvuođâst. Yle Säämi Kesikyessi-ohjelmist sun muštâl, maggaar lâi eellim suollust, kost iä aassâm iärráseh ko suu peerâ já päikkielleeh. Toimâtteijen Sáárákáisá Seurujärvi já Anja Kaarret.

Anarâš saavah okko 29.2021 Taan ive vuossâmuu kerdi kuássin Anarâškielâ servi lii fáárust anarâšâi kirkkopase orniimist. Seervi saavâjođetteijee Márjá-Liisá Olthuis muštâl mondiet. Kirkkohiärrá Tuomo Huusko muštâl taan ive Anarâšâi kirkkopasseest, mii lii puáttee pasepeeivi. Ulpu Mattus-Kumpunen lii lam taan keesi museo Siidast museoemedeh. Toimâtteijen Anja Kaarret já Sáárá Seipiharju.

Njellimlâs Jane Helppi läävee jotteeđ pennuinis pirrâ maailm penuvčáitálduvâin, tääl oho loppân Oulust. Koskâ Euroopast láá lâm tai peeivij korrâ tulveh, ulmuuh-uv jáámmám, mut maht Hollandist, tobbeen-uv láá lam tulveh. Marja Liisa Olthuis áásá Rotterdâm taavaabeln, lii-uv tobbeen maht arvam. Toimâtteijen Anja Kaarret.

Anarâš saavah okko 28.2021 Ucjuvlâs Ellen Järvensivu, ij lijkkuu tágárijn pakkâšooŋáin. Tääl kuullâp maid sun lii tai peivij äigin hommám. Kaamâs Čovčjäävri kuávlust ässee Mattus Issá muštâl maht sii kuávlust luámáneh šaddeh. Issá läävee suu riddojeegist uáiniđ, et kuás toh ladâškyeteh. Juutuan erä- já kalamies seervist láá lávurduh uuvsah áávust värišavâtuállee Hannu Kangasniemi muštâl taan peeivist. Kesikyessin Jukka Mettovaara. Toimâtteijen Anja Kaarret já Veikka Ritola

Anarâš saavah okko 26 Sara Keränen vietij taan-uv Jonsahpeeivi rippâškovlâlijkin. Tanja Kyrö lii nubbe virgálijn anarâškielâlijn jurgâleijein. Sun muštâl maggaar taat jurgâleijee totkoos lii. Iida Virtanen lii ollâopâttâhuáppee, mut lii ain pákku leđe keessiv pargoost, vai piergee ruđâlávt. Moonnâm ohhoost lâi Wikipedia konferens kost anarâškielâ lai vuosmuu kerrdi mieldi já Fabrizio Brecciaroli. Nanna Rytkönen muštâl maht sun lii kesipargoos Anarâškielâ seervist já čáálá wikipedian artikkâlijd anarâškielân. Neeta Jääskö muštâl maid mielâid sun tast ko kii peri uástá sämituojijd. Neeta lii jieš-uv tuájár. Kesikyessi Leena Saijets muštâl maht ráhisvuotâ jođettii suu Njellimân ja maht sust poođij kielâ ja kulttuur iäláskittee, kielâmiäštár. Toimâtteijen Anja Kaarret já Sáárá Seipiharju

Kerttu Paltto eelij jeegist keččâmijn maht Päärtih kuávlun šaddeh luámáneh. Sämitige pargeeh láá lam ennuv puoccâmluámust, mut maht Miina Seurujärvi já Tanja Kyrö lává vaijaam. Toimâtteijen Anja Kaarret.

Anarâš saavah okko 22-24. 2021 Tääl láá puoh uđđâtestament evangeliumeh jurgâlum anarâškielân ja almostum. Marja-Liisa Olthuis lii jurgâlem pargojuávhu stivrejee já Hannu Kangasniemi ohtâ toin lohhein teevstâid ovdil ko toh tuhhiittuvvojeh. Rukkoospuudâst Hannu Kangasniemi muštâl maht oskođ Imelân ja lii tuše ohtâ Immeel.

Anarâš saavah okko 21.2021. Säämi máttááttâskuávdáást opâdâllii taan kiiđâ kuškâdiđ puško já kuárruđ mááccuh kielâ oppâm lasseen. Ánná Morottaja opâttij puško kuškâdem já uáppeeh Nanna Rytkönen já Laura Korhonen lijkkuin koškepuškoost. Ylva Hakovirta kuárui mááccuh puáris kággáin já Heli Sarre muštâl maht sust moonâi tälvi anarâškielâ luvâdijn ja Heli Aikio muštâl maht taan ive euroviäsuh monnii suu mielâst.

Anarâš saavah okko 20.2021. Heli Aikio lii olmâ euroviisufani. Heli lii studiokyessin já muštâl maht sun áigu taan euroviisuoho viättá, onne selvân piäsá-uv suomâ loppâfinalin. Heli muštâl meid maht sust poođij euroviisufani. Henna Aikio lii Oulust ja sun ooppâd anarâškielâ käidusin pirrâ suomâ. Taan ive suu uáppeeh uásálistii kuovtijn videoin sääminuorâi taaiđâtábáhtussân já Benjamin já Kaius Erola video uážui kunneemáinum. Päärtihlii Osmo Seurujäävri perruu pääihist láá kyehti vyesi maid áálduh láá hilgom já sii láá váldám taid páikkásis já álgám elettiđ. Nubbe lii jyemehâš já nube nuorâ áldu tuše hilgoi. Kuohtuuh láá kandâpoccuuh Lappilito váldustivrâ meridij vuossargâ čuákkimistiš sirdeđ Tave-Laapi eennâmkoddelava 2040 uđđâsist valmâštâlmân já siämmást sikkui jienâmeerâ ryevdikiäinu äšši meddâl laavast. Päärtihlâš nuorâ puásuialmai Osmo Seurujärvi illood taan uđđâsist, toimâtteijen Linda Tammela.

Anarâš saavah okko 18.-19.2021. Museo Siidast láá monâmin tääl vijđedempargoh já taan ohhoost sistemuseo čáitálduv purgájii. Arkeolog Eija Ojanlatva ja meccihaldâttâs sundáttâllee Kirsi Ukkonen muštâlává maht hommá ovdán. Toimâtteijen Anja Kaarret. Säämi máttááttâskuávdáá anarâškielâ já kulttuur linje máttáátteijee Iiris Mäenpää muštâl mon ennuv anarâškielâ linján láá taanräi lamaš occeeh. Toimâtteijen Sáárá Seipiharju. Rukkoospuddâ, Elsa Väisänen.

Anarâš saavah okko 17. 2021. Väldikode vijđosii várdám ohhoost muštâl Tiina Lehmuslehti. Marja Liisa Olthuis muštâl kielâpiervâlijn já kielâ iäláskitmist. Osmo Seurujärvi muštâl poccui vaaivijn. Piälbáájäävri kirkko ja tom piiras lii väljejum ive ärbikuávlun. Valjim lii porgâm Maatiainen ry, kote haalijd suojâliđ já siäiluttiđ ärbivuáválâš šivettijd, šaddoid já kulttuurčuosâttuvâid. Tast muštâl Sämimuseo Siida arkeologi Eija Ojanlatva. Maht viettih válbur Suvi King, Riikka Morottaja já Sáárákáisá Seurujärvi.

Anarâš saavah okko 16. 2021. Kielâpiervâl tipšoo já ákku Ritva Kangasniemi lohá ennuv, masa jo jyehi peeivi. Aanaarlâš Anne Karhu-Angeli Angeli Reindeer farm-irattâs lii finnim čoođâ taggaar pištevâš mađhâšem ohjelm, mon Business Finland lii ornim. Anne muštâl maggaar taan ohjelm čođâttem lâi já maid taat meerhâš irâttâssâm. Sáámi máttááttâskuávdáá anarâškielâ uáppeeh mälistii já juoŋâstii, uáppeeh Ylva Hakovirta, Heli Sarre já Laura Korhonen, máttáátteijen Anna Morottaja. Toimâtteijen Sáárá Seipiharju.

Anarâš saavah okko 14 já 15. Puásuiiššeed Osmo Seurujärvi muštâl merâkuáskimijn. Meid sii palgâsist ulmuuh láá máhđulávt uáinám taid. Annika Pasanen muštâl kielâiäláskittemkuursâst mii tääl lii uárnejum Säämi máttááttâskuávdáást. Ko kielâmiäštárij kuuvl ij peesâ korona tiet, taat kurssâ poođij tom sajan. Uáppee Heli Sarre muštâl jurduidis taan kuursâst; maid sun oopâi? Päikkinommâtotkee Taarna Valtonen muštâl päikkinoomâin. Maht Aanaar kuávlu päikkinoomah láá ereslágáneh ko ovdâmerkkân Iänuduv kuávlust?

Anarâš saavah okko 12 já 13.2021 Njellimlâs Aili Seurujärvi muštâl lii-uv sun kiddiistum puáris tävirijn Neeta Jääskö lii iävtuttâm Säämi kietâtyeje fáddán Egenland tv ohjelmrááiđun. Heli Aikio lii masa jo ain lam mieldi Aanaar Ergikunâgâskištoin. Taan kiiđâ ij. Morottaja Ánná piäjá jyehi täälvi juoŋâs jiejâs päikkiriidon. Čokkim Anja Kaarret.

Anarâš saavah okko 11.2021. Enni, Henna Tervaniemi muštâl maggaar eenijpakkeet sun uážui já joo-uv sun lii viežžâm kirjeskeeŋkâ. Amoc lii mieldi ráppáámin Keko Salata uđđâ pittáást, Suomipopin painajainen. Anarâškielâseervi ihečuákkim lâi lávurduv 21.3.2021. Tast saavâjođetteijee Marja Liisa Olthuis já Mervi Sistonen. Sun seervâi tääl vuosmuu keerdi čuákkimân, ko tot lai káidus čuákkim, neeti peht. Toimâtteijen Anja Kaarret.

Anarâš saavah okko 10.2021. Anarâškielâlii Wikipesiast Anarâškielâseervi mediapargee Fabrizio Brecciaroli, Wikipedia čällee Saammal Suominen já máttááttijjee Henna Aikio kiävttá ennuv Wikipedia meid pargostis. Maht tääl tuástá viettiđ párnái šoddâmpeeivijd? Tom smiättá enni Anne Karhu-Angeli já Tapio Kekki kuávluhaldâttâs pajetuávtir Lappi kuávluhaldâttâsâst addel ravvuid. Avveel luvâttuv abiturient Taina Hakovirta muštâl jurduidis rijjâtátulâš karanteenist Rukkoospuudâst Jari Linjama muštâl eellimleeibist. Toimâtteijein Anja Kaarret já Sáárá Seipiharju.

Anarâš saavah okko 9.2021. Okko love lii tavesuomâst tälviluámu okko, Ellis, Elle-Mari Siltala mana Ijjáávrán, spiällá já sierâd huolhijdiskin. Ailu Lemuslehti mana Illestjuuhân vyeijiđ moottorkiälháin, uágguđ já toollâđ häävski. Latteanarâšâi láá iällám. Niina Aikio-Siltala muštâl mii sunnui kulloo. Toimâtteijen Anja Kaarret.

Anarâš saavah okko 8.2021. Päärtihlâš nuorâ puásuialmai Jussa Seurujärvi muštâl maht sun vaja. Maid porá, maht liihâd. Aanaar servikode kirkkohiärrá Tuomo Huusko muštâl maht moonnâm oholoopâ pispetärhistem Aanaar servikoddeest moonâi. Aanaar vuáđuškoovlâ máttááttijjee muštâl maht sii škoovlâst keččih Unná Junná. Maadâ syemmilijn aalgij taan ohhoost tälviluámu, maht tot uáinoo Anarist já Aanaar hooteel Kultahovist, tast muštâl Kaisu Nikula. Säämi máttááttâskuávdáá anarâškielâ lohhein lâi njähipivdo peeivih já kuullâp Tuuli Virta čäällim runo mon lohá Mirja Sarre. Mirja lâi pargohárjuttâllen Säämi radiost. Toimâtteijen Anja Kaarret.

Anarâš saavah okko 6. 2021. Laa tuđhâškuáttám lijkkojeh-uv poccuuh käskeest. Päärtihlâš puásuialmai Osmo Seurujärvi muštâl lijkkojeh-uv suu poccuuh käskest. Maijukka Pyykkö muštâl mon šiev šaddo käskee lii ulmuid. Niina Aikio-Siltala lii algâttâm uđđâ pargo, Sämitigge kielâpiervâl stivrejeijen. Máttááttijjee Emilia Nieminen kiävttá jyehi peeivi sänikirje. Rukkoospuddást sárnu Sara Keränen. Toimâtteijen Sáárá Seipiharju já Anja Kaarret.

Anarâš saavah okko 4.2021. Niina Aikio-Siltala tikkureh, Heli Huovisen uđđâ muusik já Anarâšlostâ Avveel Keväjäävrist ässee Niina Aikio-Siltala lijkkoo kođđeeđ tikkurijd. Heli Huovinen lii ráhtám uđđâ anarâšmuusik. Miina Seurujärvi já Fabricio Brecciaroli lává tääl Anarâšloostâ toimâtteijeeh.

Anarâš saavah okko 52, 2020 Taan ive juovlah láá korona tet ereslágáneh ko ovdil. Aanaar Sigávuonâst ässee Suvi King perrui iä puáđi kyesih, ko táválávt läävejeh suu vaanhimeh já aldaulmuuh puáttiđ suu kuuvl sáámmán. Pasi Aikio pääihist läävee eelliđ Juovlâstáálu kolliđ áptun, tääl ij puáđi. Toimâtteijen Anja Kaarret.

Anarâš saavah okko 50. 2020. Aanaar Kultahovi eemeed Kaisu Nikula muštâl magareh juovlah taan ive láá puátimin sii hotellin ja maggaar tälvi. Mađhâšeijeeh láá uccáá korona tet. Toimâtteijen Erkki Gauriloff. Tyejičeppi Ella Sarre lii aktiivlávt porgâm anarâš kietâtyeji ärbivyevi siäilum oovdân. Sun ovdâmerkkân čaalij kirje, anarâš pivtâstem, vâi ärbitiätu ij lappuu. Tääl sun lii finnim Sámi árvvut -seervist palhâšume 50-ihheed pištám pargostis anarâš kulttuur oovdân. Toimâtteijen Sáárá Seipiharju. Rukkoos puudâst Jari Linjamâ muštâl vyerdimist. Adveentist ja Juovlain.

Anarâš saavah okko 49. 2020. Tuomo Huusko muštâl kuás já kost taan ive lávluh Aanaar servikoddeest muččâdumos juovlâlavluid. Avveellâš Kerttu Paltto ij piemâ luudijd. Auri Ahola lii finnim išeruuđâ Viehâ-nommasâš caaitâlm várás. Taat lii ohtsâš pargo museo Siidâin. Toimâtteijen Sáárá Seipiharju.

Aanaarlâš Maijukka Pyykkö ij addel ennuv skeeŋkâid, tuše perruujesânáid já aldaulmuid. Suu mielâst skeŋkkâ ij taarbâš leđe ain täävvir. Suu mielâst tergâdumos lii smiettâđ lii-uv skeŋkkâ taarbâšlâš. Toos lasseen sun smiättá meid ekologâlâš pele.

Tyejičeppi Ella Sarre lii aktiivlávt porgâm anarâš kietâtyeji ärbivyevi siäilum oovdân. Sun ovdâmerkkân čaalij kirje, anarâš pivtâstem, vâi ärbitiätu ij lappuu. Tääl sun lii finnim Sámi árvvut -seervist palhâšume 50-ihheed pištám pargostis anarâš kulttuur oovdân. Toimâtteijen Váábu Risten Ráávná Aaimo Sáárá, Sáárá Seipiharju.

Sämitige čuákkim asâttij ive aalgâst anarâššáid jieijâs anarâšaašij ráđádâllâmkode. Tääl ráđádâllâmkode saavâjođetteijen lii väljejum Leo Aikio já värisaavâjođetteijen Aslak Pekkala. Ráđádâllâmkoodán nomâttui Aikio ja Pekkala lasseen Asko Länsman, Inka Kangasniemi, Anu Avaskari ja Anni Koivisto. Ráđádâllâmkode tárguttâssân lii ovdediđ anarâšâi aašijd já sajattuv. Ráđádâllâmkodde addel ciälkkámušâid Sämitige stiivrân já lävdikuddijd anarâššáid kyeskee aašijn, čuávu anarâššáid kyeskee aašij ovdánem, tuáimá äššitobden anarâššáid kyeskee aašijn sehe taha iävtuttâsâid anarâššáid kyeskee koččâmušâin. Sahhiittâllâm lii suomâkielân.

Aanaar Kollehovi irâtteijee Kaisu Nikula, muštâl et sijjân kyesih láá puátimin tuš kuálmádâs tast mii táválávt lii lamaš. Keessiv láá mudoi-uv eenâb syemmilâš mađhâšeijeeh joođoost, mutâ tälvi lii-uv talle aaibâs eres äšši.

Čuovah, tánssám, muusik já jienah oovtâ taiđâpittáást. Tággáár proojeekt várás aanaarlâš Auri Ahola lii finnim 72 000 euro stuárusii išeruuđâ Kone siättusist. Taiđâpitá nommâ lii Viehâ já tot ráhtoo ohtsâš pargoost sämimuseo Sijdáin. "Täst šadda taggaar maaŋgâ taiđâšlaajâ ohtsâš čaaitâlm Siida olgomuseon. Munjin šoodâi juurdâ, et maht puávtáččij rähtiđ čaaitâlm mast lii sehe tánssám, ete muusik fáárust já meid mottoomlágán čuovâtaaiđâ."

Säämi ollâškoovlâ stivrâ lii nomâttâm kielâtotkee, filosofia tuáhtár Annika Pasanen säämi sosiolingvistiik professor viirgán. Pasanen lii tobdos anarâš siärvusist ovdâmerkkân tutkâmfáddáin anarâškielâ iäláskitmist. Annika Pasanen aalgât Säämi ollâškoovlâ professor virgeest 1.1.2021. Toimâtteijen Mikkal Morottaja. Aanaar, Mudusjäävri suollust, Juŋŋânjaargâst ässee Auri Ahola kárttá perruinis varriđ meddâl päihistis kiđđuv já čohčuv ko puátá sijvottisvuođâ äigi. Tääl lii kuálmád kerdi ko peerâ láigud koskâpuddâsii aassâmviste. Toimâtteijen Anja Kaarret.

Anarâš saavah okko 46. Aanaar markkânist ässee Essi Morottaja lii viššalis sovskammui kuárroo. Sust alnees iä lah poccuuh, mut kamâsijd sun uážžu puásuiulmuin, ovdâmerkkân Erkkii Joovnâst. Angel Jovna muštâl maht sun aalgij faallâđ meid iärásijd eres-uv poccust ko tuše piärgu. Toimâtteijen Anja Kaarret. Rukkoos puudâst Sara Keränen muštâl addâgâs addelmist já mainâs tuhledijjee kaandâst.

Anarâš saavah okko 45. 2020. Maid puorijd korona lii äigi lii puáhtám, Tast muštâleh, Suvi King, Riikka Morottaja já Teija Linnanmäki. Niina Aikio-Siltala muštâl maht tuáškumpállu spellâm lii tääl korona ääigi luosdum Äijih Jouni Angel jurduuh eejipeeivist já tast maggaar lii leđe äijih. Toimâtteijen Xia Torikka já Anja Kaarret.

Anarâš saavah okko 44. 2020. Taan ive 2020-21 Säämi máttááttâskuávdáá anarâškielâ uáppeeh ellii kuáláástmin Kuáskimnjaargâst. Mieldi láin máttááttijjee Iiris Mäenpää já kuálástem kuursâ Anna Morottaja. Uđđâ uáppeeh Jarmo Sirviö, Mirja Sarre, Aune Hakovirta, Ylva Hakovirta, Nanna Rytkönen, Laura Korhonen, Riikka Laitinen já Heli Sarre. Toimâtteijen Anja Kaarret.

Anarâš saavah okko 43. 2020. Anarâškielâ seervi saavâjođetteijee Marja-Liisa Olthuis muštâl maggaar lii onnáá peeivi anarâškielâlii kiirjij meeri. Seervis láá kyehti čäällim-proojeekt tääl jođos, moi puátuseh älgih oinuđ. Seervist almostuvvoo kalender já pááppár loostâ lasseen meid netti lostâ. Satu Kangasniemi, enni Anarist, muštâl mon ennuv sun kiävttá kela palvâlusâid já moin kieláin. Toimâtteijen Anja Kaarret.

Anarâš saavah okko 42. 2020. Matti Morottaja muštâl jiejâs ejistis Kuobžâ Saammalist. Matti lii čáállám sust kirje. Anarâškielân čallum wikipedist Kimberly Kämäräinen, Fabrizio Brecciaroli já Saammal Suominen. Toimâtteijen Sáárá Seipiharju. Kove Vesa Toppari

Anarâš saavah okko 41 2020 Miina Seurujärvi muštâl manen sun lii álgám iävtukkâsân tuotâvuođâ- já sovâttâllâm komissaarân. Ulpu Mattus-Kumpunen tuálá taan ohhoost anarâšeehid. Maht sämikielâ várdámist mana, tast muštâl Tiina Lehmuslehti. Mii lii elettempoccui toorjâ já kii tom finnee, tast muštâl Mudusjäävri puásui iššeed Osmo Seurujärvi. Yrjö Musta muštâl maggaar taat čohčâ lii lâm. Toimâtteijen Anja Kaarret.

Anarâš saavah okko 40. 2020. Pia Nikula lii miäcástâm škoovlâst. Toimâtteijen Anneli Lappalainen. Latteanarâšah Niina Aikio-Siltala já Neeta Jääskö algâttáin podcash anarâškielân. Kati Vuoriarost láá riehâpennuuh, mut sun ij vyejeet tain turistijd, mut lii huolâst skipárin, kiäin láá ennuv pennuuh já jos turisteh iä puáđi, te pennuid ij lah pargo. Essi Morottaja lijkkoo runoin. Saammal Morottaja oppâd lihâdem anarâškielân Aanaar vuáđuškoovlâst. Toimâtteijen Anja Kaarret.

Anarâš saavah okko 39. 2020. Sämitige oppâmaterial pargee Miina Seurujärvi ocá šiev noomâ uđđâ anarâškielâ oppâkirje. Marja-Liisa Olthuis muštâl máttáátteijei uápuin já anarâškielâ totkein. Aimo Aikiost lii puátimin lávurduv Tero Harjuin keikka Čevetjäävrist. Aimo lohá tääl Säämi máttááttâs kuávdáást nuorttâlâškielâ já sun muštâl meid maggaar lâi leđe Muumiäijih jiennân. Matti Morottaja lii čáállám eellimkerdikirje jieijâs eejist Kuobžâ-Saammalist. Veikko Aikio lii jo luuhâm taan.

Anarâš saavah okko 36 2020 Aanaar hooteel Kultahovi eemeed Kaisu Nikula muštâl magareh vyárdámušah sist láá puáttee täälvist. Yrjö Musta já Veikko Aikio miäcásteh. Sorvâ pivdo aalgij 1.9. Muumih anarâškielân oinuuškyetih 7.9. televisiost. Heli Huovinen Yle Säämi pärniohjelmij pyevtitteijee já Nisonieidâ, Tervaniemi Henna, Marko já Eljas, Sari Sarre ja Niina Aikio-Siltala vyerdih vuossargâ. Anarâškielâseervist lii vástupeivi eehid paijeelmiärálâš ihečuákkim. Äššin kielâpiervâlij sirdem kuundán já Kuobžâ Saammal- kirje almostittem. Saavâid čokkim Anja Kaarret.

Anarâš saavah okko 32-34 Anne Karhu-Angeli šaddoin, toimâtteijen Inger-Elle Suoninen. Kuobžâpivdo vuosmuu peivi vuolgij meid Yrjö Musta piivdon. Kesikyessi Elisa Ylinampa muštâl maht uážžu ellim pyereban smiettâmáin, ooroostmáin, toimâtteijen Anja Kaarret.

Anarâš saavah okko 31 2020. Mudusjäävri palgâs puásuiiššeed Osmo Seurujärvi muštâl, et poccuuh vala-uv killájeh, ko moonnâm čoovčâ iä lâm kuobbâreh. Kesikyessi Eija Ojanlatva, museo Siidâ arkeolog, poođij Anarân rähisvuođâ maajeeld. Sun lii ain pargoost, pargo lii sunjin siämmást meid puđâldâs. Immâšeh láá tábáhtum ko, sun lii kavnâm maidnii stuárrá. Toimâtteijen Anja Kaarret.

Anarâš saavah okko 30 2020 Eeva Seurujärvi já Anja Kaarret eelliv puško piivdost, vihheelmin. Kirsi Ukkonen lii kesikyessin, toimâtteijen Sáárá Seipiharju.

Anarâš saavah okko 29 2020 Hannu Kangasniemi muštâl maggaar oppâmaterial lii tääl puátimin. Mii lii muččâdumos sääni anarâškielân Heli Aikio, Jouni Saijets já Arvi Lehmuslehti mielâst. Tuomo Huusko muštâl puáttee kirkkopaaseest. Toimâtteijen Sáárá Seipiharju já Anja Kaarret.

Kielâ kevttim ravvuin muštâlává Elisa Ylinampa já totkee Annika Pasanen, Anarâš saavah okko 28 2020 Toimâtteijen Sáárá Seipiharju. Varriittâlmist kesi-já tälvipääihi kooskâst muštâleh Kerttu Paltto, Ritva Kangasniemi, Laura Kangasniemi já Aili Koskinen. Toimâtteijen Anja Kaarret.

Anarâš saavah okko 27 2020 Heli Huovinen muštâl palhâšuumeest maid sun já sii juávkku uážui ko lijjii moonnâm keesi čaittâlmijn Kanadast. Kesikyessin Niina Aikio-Siltala, toimâtteijen Sáárá Seipiharju.

Anarâš saavah okko 26 2020 Korona raijiittâsah láá lozzânâm, Elsa Väisänen áásá Oulu Kempeleest, maht sun lii váldám taan tiäđu vuástá. Maadâ Suomâ, Helsig, paahâin muštâl Mervi Sistonen. Taina Hakovirta muštâl jieijâs kesipargoost, toimâtteijen Sáárá Seipiharju. Kesikyessin Petter Morottaja, toimâtteijen Linda Tammela. Čokkim Anja Kaarret.

Anarâš saavah okko 25 2020 Muumij dubbam lii álgám. Heli Huovinen, Anna Morottaja já Aimo Aikio muštâleh jieijâs roolijn. Toimâtteijen Sáárá Seipiharju.

Anarâš saavah okko 24 2020 Aanaar Kultahovi eemeed Kaisu Nikula muštâl maht sist taat korona äigi lii moonnâm, toimâtteijen Jouni Aikio. Anarâškielâ uđđâ saanijn, máttááttijjee Emilia Nieminen já kielâpargee Henna Lehtola. Rukkoospuddâ Sara Keränen. Toimâtteijen Anja Kaarret.

Anarâš saavah okko 21 Kuálásteijee Veikko Aikio já totkee miäštár Ari Savikko muštâlává, maid kolmâ kuhes kiđđâ vaikkut kuolijd. Toimâtteijen Anja Kaarret.

Anarâš saavah okko 22 Iiris Mäenpää, säämi máttááttâskuávdáá anarâškielâ máttááttijjee, muštâl anarâškielâ tááláá tiileest sii škoovlâst já meid jiejâs kielâ oppâmist. Kielâtotkee Annika Pasanen lii tutkam maht kielâoppâm rävisolmožin luhostuvvoo. Essi Morottaja, nuorâ enni smiättá maid kielâid álgá párnásis vuosâmuččám sárnuđ já maht sun oopâi kielâ. Korona raijiittâsah lozzâneh. Säämi museo Siida liäkká uuvsâ kesimáánu vuosmuu peeivi. Minna Lampinen vuárdá uuvsâi lekkâsem. Toimâtteijen Anja Kaarret.

Anarâš saavah okko 20 2020 Aanaar Konišjäävri riddoost ässee Maire Laaksonen lijkkoo bongađ luddijd. Sun läävee väldiđ uási tagarijd tápáduumijd, kuás rekinisteh mon kalle eres lodde šlaajâ sii uáinih. Toimâtteijen Anja Kaarret.

Anarâš saavah okko 19 2020 Johanna Alatorvine viättá ennuv ääigi olgon. Essi Morottaja vuosmuš enijpeivi. Elsa Väisäsen rukkoos puddâ.

Marke Laaksonen lohá anarâškielâ Säämi máttááttâskuávdáást tääl káidusin. Teija Linnanmäki lii jo love ihheed opâttâm káiduspargon. Sust láá ravvuuh maht taat luhostuvvoo. Loppast kuullâp val mii Njellim sárnumriäggán kulloo. Toimâtteijen Anja Kaarret. Káidusmáttááttâsâst eija Linnanmäki, sun lii jo 10 ihheed máttááttâm káiduspargon, Anna Askala iäskán oho já Jussa Koskinen lijkkoo káidusškoovlâst. Unna Junná pyevtitteijee Heli Huovinen lii pieijâm Yle areenan lase párnái ohjelmijd. Heli muštâl meid maht Säämi Muusikakatemia muusik uápuh ovdáneh já kost lii “Kuobžâ ja mun” filmâ tääl. Ucjuvlâš Ellen Järvensivu muštâl, maht tobbeen uáinoo korovirus raijiittâsah. Maht Elsa Väisänen Kempelest, Oulust piergee korona arestist. Toimâtteijen Anja Kaarret.

Niina Aikio-Siltala ja Ellis, Elle_Mari lává káidusmáttááttâsâst pääihist. Maht Korona vaikkud Marja Liisa Olthuis ellimân. Eeva Seurujärvi já Ritva Kangasniemi saavah koronast já Marja Guttorm avžuđ lihâdiđ. Toimâttâm Anja Kaarret.

Petra Kuuva lii mieldi sämimáttááttâs ovdedem pargojuávhust, Mikkal Morottaja ooppâd SMK anarâš uáppeid filmâi rähtim, Anne Seipiharju já Marke Laaksonen muštalává maid maggaar filmâ suäi ráhtiv. Ánná Morottaja valmâštâlmeh korona-virus puátimân já loopâst Hannu Kangasniemi rukkoos. Toimâtteijen Anja Kaarret.

Pasi Aikio viättá tälviluámus kámppáást. Pasi já suu nieidâ Tinja muštâlává maid tobbeen puáhtá hommáđ. Heli Huovinen já suu Filmâ, Kuobžâ ja mun, láá tääl Tampere filmâ festivaalijn. Toimâtteijen Anja Kaarret.

Kielâpiervâl Piervâl jođetteijee Ritva Kangasniemi kuškâd motomijn puškoid já haalijd opâttiđ taan táiđu meid párnáid. Virpi Kulmala peerâ viättá taan ohhoost tälviluámu Tampere kuávlud. Eija Ojanlatva peerâ aalgâd jo taan ohhoost tälviluámu viettim,veik luámu tääbbin taaveen lii iäskán puáttee ohhoost. Miina Seurujärvi kuášui išedist kárgámpeeivi. Toimâtteijen Anja Kaarret.

Giellagas-instituut anarâškielâ lehtor Marja-Liisa Olthuis lii uážžum Linguapax Award -palhâšume. Tast muštâl palhâšume iävtutteijee Tove Skutnabb-Kangas. Anarâškielâ seervi čäällim projektijn já čälimist Mattus Issá, Marja Liisa Olthuis já seervi mediapargee Fabrizio Brecciaroli , Miina Seurujärvi muštâl ko sun lii Anarâšđloostâ pargojuávhust. Njähipivdo mainasijn Sampo Sieppi, Iiris Mäenpää, Marke Laaksonen. Annika Pasanen tuállá tergaden et olmooš kii sárnu sämikiela, merkkee tom rekisterin, toimâtteijen Sara Wesslin. Marko Tervaniemi peerâ vuálgá oppeet puásuikištolijd. Toimâtteijen Anja Kaarret. Kooveest Marja-Liisa Olthuis, kuvvim Vesa Toppari

Jussa Seurujärvi eelij Kirkkonjaargâst ryevdimaađij savastalmist Aanaar vuáđuškoovlâst iä taan ohhoost kiävttám puhelin Tiina Lehmuslehti lâi Kirkkonjaargâst Kielâpiervâl párnááh já ovdâškovlâlijn lai ustevpeeivi teivâm meecist Looppast kuullâp val Sara Keräsen rukkoos puudâ. Toimâtteijen Anja Kaarret.

Anna-Maija Kanerva pro-gradust, mast lii saahâ luándust. Kirsi Mansikka-aho muštâl uđđâ kuálástem- já meecist jottee luuvijn. Toimâttejen Anja Kaarret.

Säämi muusikakatemia uáppeeh láá vyelgimin Kaustisijd okkon škovlân. Kirsi Mansikka-Aho muštâl maht sun suoijâl koloniavirus vuástá. Hooteel Kultahovi eemeed Kaisu Nikula muštâl magareh vádisvuođah láá ko turisteh puátih lieggâenâmijn Anarân korrâ puolâšijd. Toimâtteijen Kirsti Länsman. Veikko Aikio muštâl njähipivdo vuovijn. Toimâtteijen Anja Kaarret.

Muumij dubbim, Petra Kuuva já Tomi Koivunen láin addelmijn jienâčáittus Skammâkuuvij pánnáipeeivist já Ellen Järvensivu eelij keččâmin kove kielâmiäštárijn, mast lâi meid jieš mieldi. Toimâtteijen Anja Kaarret.

Muottust muštâleh Iisakki Mattus, Jari Linjama já Veikko Aikio Sorvâpiivdost Yrjö Musta. Mätkimeesuin Kausu Nikula. Toimâtteijen Anja Kaarret.

Mudusjävri palgâs puásuiiššeed Osmo Seurujärvi muštâl poccui käskimist. Koskisen Aila iälá hävdienâmist já Morottaja Ánná kiävttá suddâd kinttâlloopâid.

Kaisu Nikula muštâl killájeijee mađhâšemeestâ, toimâtteijen Anneli Lappalainen. Heli Huovinen lii maccâm Amerikast pááikán maaššâđ. Niina Siltala lii pettâšum ko Muumih iä sárnuškyeđe anarâškielâ. Mikkal Morottaja ooppâd anarâškielân rähtiđ fiilmâid. Anna Morottaja lii tääl Helsigist livđemääđhist. Kirsi Ukkonen muštâlij tuorâstuv, ko Anarist lekkii virgálávt juovláid älgim. Saavâid čokkim Anja Kaarret.

Sämitigge proojeekt mast rahtii párnáid speeláid já jienâkiirjijd,nohá. Petra Kuuva lai proojeekt jođetteijee, Hannu Kangasniemi lii oppâmaterial pyevtitteijee Sämitiggeest já Anna Morottaja lâi livđuumin tilálásvuođâst. Toimâtteijen Erkki Gauriloff já Anja Kaarret.

Petter Morottaja muštâl Anarâškielâ seervi lostâ falâlduvâst. Kuuva Petra já Yrjö Musta lává meid šišnekuursâst. Heli Aikio muštâl pasepeeivi Säämi Muusikakatemia konsertist. Jari Linjama rukkoos.

Kielâpiervâl ocá uđđâ pargee, maggaar, tast muštâl Ritva Kangasniemi. Ritva Kangasniemijn savâstâlleen saanijn Hannu Kangasniemi já Pekka Sammallahti muštâlává sänikiirjijn. Kaisu Nikula muštâl kuus Kultahovi kyesih maneh jos tarbâšeh tuáhtár. Tiina Lehmuslehti muštâl várdámist, lii toimân jo ive. Heli Huovisen tiervuođah Kanadast, lii čaittâlmin ooppera tobbeen. Eeči, Marko Tervaniemi, muštâl ečivuođâst. Saavâid čokkim Anja Kaarret

Kielâpiervâl ocá uđđâ pargee, maggaar, tast muštâl Ritva Kangasniemi. Ritva Kangasniemijn savâstâlleen saanijn Hannu Kangasniemi já Pekka Sammallahti muštâlává sänikiirjijn. Kaisu Nikula muštâl kuus Kultahovi kyesih maneh jos tarbâšeh tuáhtár. Tiina Lehmuslehti muštâl várdámist, lii toimân jo ive. Heli Huovisen tiervuođah Kanadast, lii čaittâlmin ooppera tobbeen. Eeči, Marko Tervaniemi, muštâl ečivuođâst. Saavâid čokkim Anja Kaarret

Studiokyessin anarâškielâ seervi mediapargee Fabrizio Brecciaroli. Varpu Falck Spirit of Inari-seminaarist Anarist, sun lii valmâšdum meid tääl Taažâst máttááttijen. Tyejimarkkâneh algii Anarist. Oopâ sämikielâ tiijmest tiijmijn já uđđâ speelâst Petra Kuuva. Arkkitehti Harri Koskinen já Siida čáitálduv proojeekthovdâ Kirsi Ukkonen muštâlává magareh vuáváámeh láá Siidan puátimin. Maisa Kantola muštâl maggaar suu perruu argâ lii.

Johanna Alatorvinen, Sämitigge viestâdem čällee, muštâl kielâohhoost. Sáárá Seipuharju lii čohčâluámust Anarist. Tiina Lehmuslehti muštâl maht kielâpiervâl Piäju viättá kielâoho.

Riikka Morottaja kiävttá mottoom veerdi anarâškielalij tiervâsvuođâ palvâlusâid. Marja Liisa Olthuis muštâl anarâškielâ kirjálâšvuođâ tááláá tiileest. Henna Tervaniemi lii álgám čäälliđ mainâsijd anarâškielân. Osmo Seurujärvi muštâl kuus šaddeh Mudusjäävri palgâs poccui tyeljih. Jussa Seurujävri kolumni já Jussa muštâl meid tááláá puásuituálust. Heli Huovinen muštâl jieijâs animaatiost, mii lii peessâm Toronton algâaalmug filmâfestivaalijd. Heli Aikio ja Aila duo Tamperest.

Sáárá Seipiharju jienâstij tääl vuosmuu keerdi Sämitigge vaaljâin. SMK anarâškielâ taan ive lohheeh ellii Kuáskimnjaargâst kuáláástmin. Máttáátteijen Veikko Aikio já Miina Seurujärvi.

Anarâšpárnááh ellii Äijihsuollust. Auri Ahola muštâl tánssám tábáhtuumeest já Mattus Ilmar tost ko nuorttâliih pottii Anarân 70 ihheet talle.

Sáárá Seipiharju lii kielâofelâččân. Sara Keränen lii iällám Japanist já Petter Morottaja lii anarâškielân jurgâlâm kirje “Kaandâš kii ij máttám nievdâm”. Toimatteijen Anja Kaarret.

Ánná Máijá Kuuva muštâl kirjeráájubussist, kost sun lijkkoo luoihâttiđ kiirjijd. Anna Morottaja tiiláá neetist puárásmân koškepurrâmušâid. Ritva Kangasniemi muštâl kielâpiervâl purrâmušlijn já kyeli peeivist. Riikka Morottaja lii tuđâvâš kielâpiervâl ihe vuáváámijd. Rukkoos puudâst sárnu Sara Keränen

Heli Huovinen muštâl Unna Junnást já jieijâs muusik uápuin. Anne Karhu-Angeli ráhtá čiiŋáid kyeletaavtijn. Tiina Sanila Aikio lijkkoo luándu amnâsijn rahtum čiiŋâin. Maijukka Pyykkö muštâl Aanaar škovlâ visteáimu tiileest tääl. Katri Kittilä muštâl ko tääl oholoopâ lii niäljád keerdi taidârij ijjâ Avelist.

Paltto Kerttu lii iällám nuorttâlij 70 ive juuhlijn Čevetjäävrist. Marja Liisa Olthuis muštâl pálgást mast siämmást ko vázzá te uáppá kielâ. Máttááttijjee Minna Lampinen vuárdá pálgá. Marja Liisa Olthuis muštâl mii kulloo anarâškielâ rámáttân. Nuorttâlâškielâ kirje “Silbbsei´bb rie´mjj” teddilmist Hannu Kangasniemi Heli Aikio lii iällám keččâmijn Piälbáájäävri puáris kirho seinid čallum čalluid. Kirsi Ukkonen lii väzzimin Piippola-pálgá.

Ijâttes Iijâ oholoopâ saavâin Eija Ojanlatva muštâl museo Siida tápáduumijn, Säämi arkkâduv hovdâ Suvi King muštâl ” Siberia algâaalmug seminaarist” .Anna Maija Kanerva lâi puáttám Anarân eidu Ijâttes iijâ tábáhtumán. Petra Kuuva muštâl anarâšehidijn já jiejâs uđđâ pargoost. Teija Linnanmäki lii uážžum valmâšijn Hitruu kirje ráiđu já máttááttijjee Nina Siltala muštâl magarijd oppâkiirjijd sun kiävttá pargostis .Avveellâš Jari Sarre muštâl maggaar kuálástem keesi sust lii lâm. Čokkim Anja Kaarret

Onne Anarâš saavâin kuullâp mondiet Henna Lehtola lijkkoo jotteeđ sämifestivaalijn. Kuullâp meid kost Jukka Mettovaara parga tääl ko lii vuálgám Anarist maasâd Oulun. Talle Anne Karhu-Angeli já Siiri Angeli muštâlává sunnuu jurduid tast ko párnááh iä peesâ algâttiđ škoovlâ olmâ škovlâst.

Onne kuullâp magareh Anarâšâi kirkkomarkkâneh lijjii tovle ko Jouni Saijets já Eeva Seurujärvi muštâlává ääšist. Kuullâp meid Anna Askala saavâid já Hans Morottaja lyemesaavâid.

Kuullâp Petra Kuuva interrail-reeisust já mii Jari já Kaarina Linjaman kulloo tääl.

Elsa Väisänen muštâl čuoškâin. Sarre suuvâ suhâseervist, Heli Aikio, Rauni Mannermaa já Matti Valle. Kesileeirâin Ronja Nikula ja Eija Ojanlatva. Sara Keränen lii varrimin Oulun já Anna Morottajast valmâštuumin skiärru. [Anarâš aavah okko 27, 00:45:21]

Kuullâp Sajos já Siida kesipargei jurduid. Emilia Nieminen, Heli Aikio, Anne Seipiharju láá Sajosist pargoost já Pessi Koskinen já Sáárá Káisá Seurujärvi Siidast. Petra Kuuva muštâl jieijâs pargoin. Toimâtteijen Anja Kaarret já Sáárá Seipiharju.

Sämitigge čuákkimstriimist muštâlává SááráKáisá Seurujärvi já Airi Portti. Henna Lehtola čuávui pääihi alne čuákkim. Petter Morottaja muštâl Anarâškielâ seervi loostâin já nooveel háástust, mon vuoitij Henna Aikio. Aikio muštâl nooveel čälimist, kielâ oopâtmist já Jonsahpeivi mušto. Tovláin Jonsahpeeivi muštoin muštâl Jouni Saijets. Sukkâršookist láá mieldi Säärä Seipiharju, SääräKäisä Seurujärvi, Anja Kaarret, Heli Huovinen já Mikkal Morottaja. Toimâtteijein Anja Kaarret, Xia Torikka, Linda Tammella, Jon Erik Näkkäläjärvi ja Sara Wesslin.

Tiina Lehmuslehti eelij kolliimin studiost, jiejâs tipšopárnáidiskin. Tiina lâi ive anarâškielâ eenikielâ párnái tipšon päihistis. Anarâškielâ seervi 1000-siijđod proojeekt kesipargeeh jurgâleh nuorâikiirjijd. Hannu Kangasniemi lii maŋgii čájádâm. Kirsi Ukkonen lii Oulankast čuákkimist. Museo Siidast lekkâsij “Tovlááh já Táálááh tyejeh" čáitáldâh, anarâš tuojijn. Auri Ahonen lii tääl Säämi läänitaidar. Rippâškoovlâ saavah. Jari Linjama rukkoos.

Máttááttijjee Minna Lampinen muštâl maht sii škovlâlijkin nurrii ruuskijd. Heli Huovinen eelij Englandist keččâmin Spice Girls juávhu. Säämi arkkâduvâst lijjii uuvsah áávust vástupeeivi.

Iiris Mäenpää máccá maassâd Säämi máttááttâskuávdáá anarâškielâ máttáátteijen čohčuv. Mervi Skopets muštâl maggaar kurssâ falâlah lii puáttee täälvi Helsigist sämmilijd. Sämi Radiost lijjii vástupeivi 31.5. uuvsah áávus, kyesih Anne Seipiharju, Eljas Niskasen juávkku, já Johanna Alatorvinen ellii meid uápásmuumijn Yle Säämi tooimân táállun. Toimâtteijen Anja Kaarret.

Aanaar škovlâlii uápásmuvvii mobil-luándupálgán. Aanaar škovlâlii Ruávinjaargâ mätki ja keesi homáh. Luudij moonijn Tuomo Ollila já Eeva Seurujárvi. Sáárá Seipiharju muštâl Curly girl-metodist.

Njižžjäävrist lijjii kiiđâ majemuuh uággumkištoh. Säämi máttááttâskuávdáá anarâš uáppeeh rahtii purâmuš já uáppeeh muštâleh maht sist lii tälvi moonnâm, ja maht täst ovdâskulâi ko škovlâ nohá.Heli Huovinen savâstâl Heli Aikioin euroniisuin já koijâdâl aanaar škovlâlijn, mii lii Eurooppa union. Arkkâdâh uásist kuullâp Saara Valle elimist, Ella Sarre sahhiittâlâi suu ive 1983.

Anarist lâi anarâšeehid, moos lijjii puátimin meid Ucjuvliih. Veikko Holmberg muštâl manen sii iä puáttám. Anarâšehidân lai kuittâg Mattus Issá peessâm, eehid eemeed Petra Kuva muštâl maht eehid moonâi. Kiiđâ ovdánmist muštâl Osmo Seurujärvi já Jussa Seurujärvi Jieggâmeerâ ryevdimađijist. Kielâpiervâl juávkku rahttât enijpiiván. Rukkoos puudâst sárnu Elsa Väisänen.

Niina Siltala muštâl Keväjäävri šapšâ-uággumkištoost. Kaisu Nikula Britannia Brexitist. Yle Sämiradio pärniohjelmij tävirijd tolvuu Säämi arkkâdâhân, Heli Huovinen, Irene Länsman já Suvi King. Fabrizio Brecciaroli oppâmaterial hárjuttâllen Sämitiggeest, Miina Seurujärvi stivree. Ellee arkkâdâh uásist Paadar Uulá muštâl jieijâs elimist, Lahja Paltto sahhiittâlâi ive 1986.

Tuomo Huusko muštâl magareh tápádumeh laa aanaar servikoddest pessijái ääigi. Pia Nikula muštâl Siida čáitálduvâin. Anni Lehtola kietâtyejeh láá tääl uáinimnáál ja “Arktisiih nieguh” čáitáldâh lii meid tääl lekkâsâm. Ellee arkkâdâh uásist Siiri Auvinen muštâl jiejâs elimist. Ilmari Mattus sahhiittâlâi suu ive 1987.

Oho 15 Anarâš Saavah. Saahâ puásuipennuin Áile Aikioin já Jouko Hettain. Eljas Niskanen paasij pááikán tipšođ párnáidis já aavžut maid iärásijd porgâđ nuuvt. Outi Porttigis iätá, ete lâi älkkeb maccâđ pargon ko párnáid ij tarbâšâm tállân tuálvuđ tiipšon. Essi Kesti já Annika Pasanen lává lamaš Taimyrist Siperiast ArcticSkills-tábáhtusâst.

Pia Nikula muštâl ko Säämi museo Siida ocá puáris káálvuid. SMK anarâškielâ uáppeeh kuohhii juoŋŋâsijd. Veikko Aikiost lii pieggâmillo Párnái aprilli mainâseh. Marja Mattus eellim 1987. Lahja Paltto sahhiittâl

Marko Tervaniemi muštâl ergikunâgâskištoin, moh láá tääl oholoppâm. Anarâškielâseervi ihe čuákkim lâi 25.2. Servi haalijd adeliđ kielâpiervâlijd sämitiigán, tast Marja Liisa Olthuis já Matti Morottaja já Anne Kirste Aikio. Varpu Falck muštâl jieijâs uđđâ pargoost, kielâpiervâlij stivrâeijee hommáást. Anne Kirste Aikio ocá jienâ čaittâleijed Muumi rááiđun. Teija Linnanmäki luvâttui uáppeid ooppâd mottoom kuursâ. Petter Morottaja muštâl maht 1000-sijđod nuorâikirjij jurgâlem vuálgám joton. Päärtihlâš Pekka Kokkonen illood ko Čevetjäävri luoddâ älgih tivvoođ. Kikke Klaver eelij várdámist oholoppân. Anja Kaarret muštâl mainâs “Mainâs tuve ááhust”. Ella Sarre eelij sahiitalmijn Aarninjaargâ Matti Aikio 1986. Saavâid čokkij Anja Kaarret.

Miina Seurujärvi käibid uđđâ oppâkiirján päikkikovemainâs. Aanaar škoovlâ sisáimu vádisvuođâin Suvi King já Yrjö Musta. Puáráásmist Yrjö Musta já Jussa Seurujärvi. Anarâškielâ seervi ihečuákkimist, mii lii 25.3 Anarist, Marja Liisa Olthuis. Kikke Klaver, Anarâš saavâi taan oho pargohárjuttâllee,eelij kielâpiervâl párnáid já tipšoid sahhiittâlmin já čaalij já luuvâi mainâs torskeest. Oho saavâid čokkim Anja Kaarret.

Taah saavah laa kullum ohhoost 11 Yle säämi vuolgâttâsâin. Helsig Anarâšehidist muštâl Mervi Skopets. Eehid lii 16.3. Heli Aikio peesâi Säämi Grand Prix kišton jieijâs suuvâ livđijn. Kišto lii Pessijâšohhoost uárnejuvvoo Kuovdâkiäinust. Saana Aikio čáálá taan kiiđâ pajeuáppee iskos anarâškielâ viereskiellân. Teija Linnanmäki lii suu máttááttijjee. Torastuv Sukkâr Sokkist Riikka Morottaja lâi perruinis studio kyessin. Heikki Nikula illood uđđâ kuálástuslaavâ nubástusâst. Kesipargosoojijn Hannu Kangasniemi já Erja Tuhkala. Sáárákáisá Seurujärvi lii áigáá jo uuccâm olssis kesipargo. Aanaar škovlâliih-uv uásálistii vástupeivi áimu joskâdhân. Heli Huovinen lohá párnái mainâs soorvâst. Rukkoos puddást Hannu Kangasniemi muštâl, mii jäämmim maŋa. Oho saavâid čokkim Anja Kaarret.

Päddejum 1975 Elsa já Tuomas Valle Njellimist savâstâllâv. Lea Laitinen paddim. Algast Elsa lohá Juovla mainâs já psalmâ 216. Tuomisijn savâstâllâv sieráin, sierâdmist, škoovlâst. Tuomâs lai läškis čällee. Maht sunnuu ráhisvuotâ aalgij? Tuomasist lai luččâtavdâ. Elsa lohá mainâs asâmist. Tuomas jyelgi pelgi vahadui já Tuomas paajij kuobžâ já suái savâstâllâv meid kuálástmist. Suái láin talle ko taat lii päddejum 53 ahasiih. [anaras vuärkkä Elsa ja Tuomas Valle 1 1975, 00:27:01]

Anarâš čäällimeehid tollui 16.10.2018, tobbeen šoodâi párnái maainâs “Širottâs”. “Širottâs” mainâs fáddán lii torvolâšvuotâ. Kielapiervâl tipšoo Henna Tervaniemi tuáivui et čáláččii oovtâst párnáid mainâs, mast puáđáččij oovdân mon tergâd torvolâšvuotâ lii. Čällen Mariann Aikio, Anja Kaarret, Eljas Niskanen, Marja-Liisa Olthuis, Henna Tervaniemi. Marja Liisa Olthuis lohá loopâs val taan mainâs. Toimâtteijen Anja Kaarret.

Marja Liisa Olthuis muštâl maggaar anarâš čäällimeehid lii onne ehidist. Toimâtteijen Anja Kaarret.

Jari Linjama muštâl jamâstum almast, kii halidij uáiniđ Jeesus já laiđimulmuin.

Anna Määrjä Kuuva muštâl jieijâs šoddâm pääihist Njellim Vuáskujäävrist. Tääl tobbeen lâi moonnâmin Säämi máttááttâskuávdáá anarâškielâ uáppei kuálástem kurssâ. Toimâtteijen Anja Kaarret.

Säämi máttááttâskuávdáá taan täälvi anarâškielâ uáppeeh muštâleh kiäh sii láá, kost puátih ja manen loheh anarâškielâ. Toimâtteijen Anja Kaarret

Heikka Kuuva lii taan keerdi ooppâdmin kuálástem Säämi máttááttâskuávdáá taan täälvi anarâškielâuáppeid. Kuálástem tápáduvvoo Njellim Vuáskujäävrist. Toimâtteijen Anja Kaarret.

Säämi máttááttâskuávdáá anarâškielâ máttááttijjee Petra Kuuva muštâl maht sist lii škovlâ álgám. Tääl lii suu vuosmuš kuálástem kurssâ. Toimâtteijen Anja Kaarret.

Aanaar kirkkohiärrá Tuomo Huusko muštâl “Puárisáigásii meesust” mii lii oholoppân Anarist já Avelist. Aanaar servikodde ocá meid servikodemiäštár. Toimâištâtteijen Anja Kaarret.

Sämikielâi máttááttâs lii váldám stuorrâ läävhi taan čoovčâ, ko párnááh miätá Suomâ pyehtih máttááttâllâđ sämikielâ káidusin. Toimâtteijee Sáárá Seipiharju eelij čuávumin maht anarâškielâ káidusmáttááttâs ovdán Ella Karjalaisest, Oulust.

Oululii Jaana Kaarret nieidâ Ella lii anarâškielâ káidusmáttááttâsâst. Jaana jieš ij oppâm kielâ pärnin, mutâ lii tuđâvâš, et suu nieidâ uáppá suuvâ kielâ. Suu sahhiittâlâi Sáárá Seipiharju.

Museovirgetoimâttâh lii mieđettâm sämimuseo Siidan ruttâdem “Ukkometsojen ulkomuseo“ -haahân, mast olgomuseo pivdemkielâi uásáduv uđâsmitteh já vijđedeh. Haavâ ulmen lii ovdâmerkkân čäittiđ sämmilij miäcástemvuovijd. Veikko Aikiost lii miäcástemhárjánume jo čyeti ihepele, já lâi puáttám Siida kielâehidân muštâliđ puáris miäcástemmainâsijd. Museo kielâi toimâprinsiip lii sunjin uápis, mut sun miäcást iänááš modernijn vuovijn. Toimâtteijen Mikkâl Morottaja.

Petra Kuuva muštâl maht sun kiävttá ennuv-uv anarâškielâ teknologiššijn išepargoniävuid. Toimâtteijen Anja Kaarret.

Petter Morottaja muštâl anarâškielâ teknologisijn išepargoniävuin. Tääl láá finnimist saanih-web-sänikirje, synonymeh.fi, tivvoom ohjelm-wordin,Giellatekno Apertium-jurgâlemišeniävu, Korp tekstâvuárkká. Toimâtteijen Anja Kaarret.

Eljas Niskanen muštâl 100-čällee projektist. Anarâškielâ servi uážui taan proojeekt várás ruuđâ Suomâ kulttuurruttâráájust. Proojeekt pištá val puáttee ive, ive 2019. Toimâtteijen Anja Kaarret.

Oulust lii skammâmáánust Sämikielâ já säämi kirjálâšvuođâ symposium 14.–16.11.2018 Oulust. Marja Liisa Olthuis muštâl tain peeivijn. Almottittem peivijd lii taan máánu 29 peeivi. Toimâtteijen Anja Kaarret.

Sämitigge oles čuákkim lai vuossargâ 24.9. já piištij maŋed ehidân. Neeta Jääskö muštâl čuákkim puátusijn, Sämitiggelaahâ iävtuttâsâst, mii loppâ loopâst hilgodui, nuuvtko stivrâ jo iävtuttij, nubben äššin lâi turismi. Toimâtteijen Anja Kaarret.

Amocist almostuvvoo uđđâ pittá “Čuđeh”. Amoc muštâl pitá šoddâmist. Toimâtteijen Anja Kaarret.

Henna Tervaniemi lii meid lamaš várdámtooimâst mieldi uáli kuhháá Säämi ulguubeln. Tääl sun aalgij várdámhommán pelivahâgist. Anja Kaarret sahhiittâl.

Hannu Kangasniemi muštal "äärikristitty" juávhust.

Kielâtotkee Kikke Klaver lii eskin nelji oho máttááttâllâm anarâškielâ, mut lii uáli tehálâš uásist anarâš várdámist. Jo vittâ ihe tassaaš sun smietâi maggaar anarâškielâlii tooimâ puávtáččij porgâđ astoääigi já koijâdâlâi anarâš párnái vanhimijn haaluid várdámân. Vijmâg vuossâmuš sämikielâlâš várdám luhostui. Toimâtteijen lâi Anja Kaarret.

Aanaar várdámân lijjii uásálistâm nelji anarâšpárnáá. Jussá Koskinen lijkkoo kuittâg leđe meecist, Ronja Nikula lii lamaš ovdil suomâkielâlâš várdámist, mut tääl juátká sämikielâin. Nils-Emil Kalla poođij vuárdámân skipárijnis Arvijn, kiäst lii jo čuovjis lijne merkkân tast, et lii jo hárjánâm vuárdámlâš.

Saara Seipiharju lii varrim Oulun luuhâđ sämikielâ já álgá jyehi ohhoost muštâl Sukkâršookkist mii Oulun kulloo. Toimâtteijen Anja Kaarret.

Sämitigge lii algâttâm anarâš ráđádâllâmkode. Sämitigge jeessân Neeta Jääskö muštâl manen taas lâi tárbu, maht vuálgám joton. Toimâtteijen Anja Kaarret.

Red-Line, ryevdimaađij vuástálistem tábáhtume Pärttihist, Juhháán kuátijäävri riddoost. Täst láá mieldi Suomâ Sääminuorah, Greenpeace já Suoppanterror. Maijukka Pyykkö muštâl manen sun lii mieldi.Toimâtteijen Anja Kaarret.

Red-Line, ryevdimaađij vuástálistem tábáhtume Pärttihist, Juhháán kuátijäävri riddoost. Täst láá mieldi Suomâ Sääminuorah, moos meid Jussa Seurujärvi kulloo, Greenpeace já Suoppanterror. Jussa Seurujärvi, muštâl jieijâs jurduid ääšist. Toimâtteijen Anja Kaarret.

Essi Kesti studio kyessin, muštâl jieijâs keesist, ko sun lâi Espanjast já tääl sun lii Säämi máttááttâskuávdáást opâttâlmin tuoijuđ. Toimâtteijen Anja Kaarret

Petra Kuuva orniistâlškuát anarâšehidij tast ovdâskulâi. Petran puáhtá muštâliđ tuoivuid. Anarâš ehidij orniv oovdâst Anarâškielâ servi já säämi máttááttâskuávdáš.Toimâtteijen Anja Kaarret.

Čoovčâ vuosmuš Anarâšeehid lâi vuossargâ 3.9. Eehid emedân lâi Kirsi Ukkonen. Mieldi mainâsist, Kirsi Ukkonen, Tiina Lehmuslehti, Aslak Holmberg, Ritva Kangasniemi, Tiina Jäppinen, Johanna Alatorvinen. Toimâtteijen Anja Kaarret.

Tiina Jäppinen čaaitij jieijâs kuobârkoori siskáldâs, maid sun áigui skeŋkkiđ ovdâskulij. Toimâtteijen Anja Kaarret.

Aslak Holmberg lii uáli jo perustum luándu falâlduvvâin. Sun kaavnâi enâmist seitik já smietâi puurât-uv tot. Sun lii hárjánâm puurrâđ kuobbârijd maaŋgâ häämist, mut olâttui mon valjeest purâttettee kuobbâreh láá.

Tiina Lehmuslehti ij lah aaibâs vuosâkiärdálâš kuobbârij čyeggee. Meid Maadâ-Suomâ kuobbâreh láá sunjin uáppáh já taid sun váhá aaibâš-uv. Onnáá peeivi kuobbârijd sun skeŋkkee eejis saalaat várás.

Čoovčâ vuosmuš anarâšeehid lii ain lamaš pivnos já nuuvt tot lâi taan tove-uv. Muádlov ulmud lijjii puáttâm uápásmuđ já čyeggiđ kuobbârijd, moh láá-uv taan čoovčâ valjeest. Toimâtteijee Anja Kaarret čuávui maid jieškote-uv korijdis nuurâi. Eehid jođetteijee Kirsi Ukkonen muštâl magarijn kuobbârijn vuosâkiärdálij kannat algâttiđ vâi taid táválávt poccui purrâmâššân oonnum herskupittáid puáhtá lasettiđ jieččân purrâmâšvááljun.

Marja Guttorm lii jo iivijd opâttâm aalmugopâttuvâst anarâškielâ algâkuursâ Anarist. Uáppeeh kalgeh leđe viiđâs, et kurssâ puáhtá älgiđ. Toimâtteijen Anja Kaarret.

Anarâškielâ servi pyevtittij kesiäigin lovmat tube-video. Martta Alajärvi piejâi aalgan taan homá já sun muštâl maht keesi lii moonnâm. Toimâtteijen Anja Kaarret.

Anaris álgá sämikielâlâš partio mon joođeet Tiina Lehmuslehti. Tääl lii monâmin almottittem, Jieš partio álgá čohčâmáánust. Toimâtteijen Anja Kaarret.

Tavesämikielâ peivitipšosaje Urbi, Anarist, killáá meid čäcivahâgist, mii tábáhtui algâmáánust siämmáá táálust kost lii meid taat tipšopäikki, ovdii Aanaarškovlâ tivvum táálust. Peivitipšo jođetteijee Merja Pieski muštâl. Toimâtteijen Anja Kaarret.

Aanaar vuáđuškovlâ purâdemviste láá tivvomin čäcivaahâg keežild. Škovlâliih já máttáátteijeeh poreh luokkain pááppártaldrikin, máttááttijjee Maijukka Pyykkö muštâl, et sii avžuutteh uáppeid pyehtiđ jieijâs liitijd pääihist, et iä puáđáččii nuuvt ennuv roskeh. 9- luokkalâš Pessi Koskinen ij lah puáhtám pääihist liitijd, val kuittâg. Toimâtteijen Anja Kaarret.

Suomâ kulttuurruttârááju oovtâst tahheevuoigâdvuođâservi Kopiostoin haalijd movdáskittiđ nuorâid luuhâđ kiirjijd. Tondiet toh vuolgâtteh Suomâ škovláid kirjepakettijd, vâi škoovlah pyehtih algâttiđ luuhâmjuávhuid (suu.lukupiiri). Sämitigge tooimât sämikuávlu škovláid sierâ vuávájum kirjepakkeet, mast láá suullân 50 kirjed já tain 10 láá sämikielah kirjeh. Sämitige oppâmateriaalvuávájijjee Miina Seurujärvi muštâl, maggaar já maht sii láá kiirjijd valjim omt. Čevetjävráán já Hiätán. Toimâtteijen Linnea Rasmus. Kove: Sämitigge

Avveel kielâpiervâl, Kuáđi, jođetteijee Airi Portti muštâl mii sii kielâpiervâlân kulloo. Tääl sun lii ohtuu já párnááh tuše muáddi, mut loppâ ivveest piervâl tiävá. Toimâtteijen Anja Kaarret.

Elli-Máárjá Siltala algâttij vuosmuu luokka taan ohhoost. Sunjin lijjii maŋgâ uápis äšši jo, mut meid uđđâ ášáših. Luuhâi sun máttá já rekinistiđ, ij lijkkuu lávluđ, mut tánssáá. Taan ive sun áigu oppâđ čäälliđ kaunoa. Toimâtteijen Anja Kaarret.

Aanaar kielâpiervâl Piäju lii šoddâmâm kárbást potásijd. Piervâl jođetteijee Ritva Kangasniemi muštâl maht Aanaar piervâlijn lii čohčâ álgám. Toimâtteijen Anja Kaarret

Sämitigge kielâpiervâl stivrejee Annika Pasanen muštâl maggaar tile tääl lii Suomâ kielâpiervâlijn. Toimâtteijen Anja Kaarret.

Aanaar kundáást algii škoovlah taan ohhoost. Aanaar škoovlâst algâttáin ovdâškovlâ Jose Hautala já Ailu Lehmuslehti. Minna Lampinen algâttij sunnuu máttáátteijen. Toimâtteijen Anja Kaarret.

Jari Linjama muštâl škovlâmääđhist.

Säämi Kielâkäldest láá ain vittâ sierâ kielâjuáhus: maadâ-, juulev-, tave-, anarâš- já nuorttâlâškielâ kielâjuávus, moh västideh čäällimkielâ noormâi já uđđâ terminologia normâdmist. Kielâjuáhuseh iä pyevti čokkâniđ nuuvt távjá ko ovdil ekonomâlâš resursij keežild. Anarâškielâ kielâjuáhus saavâjođetteijee Petter Morottaja muštâl, ete tääl etičuávdusin lii vuáđudum Liähturavvim-nommâsâš Google Docs -dokument, mast ulmuuh yehtih savâstâllâm saanij normâdmist. Liŋkkâ liähturavviimân kávnoo ovdâmerkkân Facebookist Anarâškielâ orroomviste -juávhust. Toimâtteijen Martta Alajärvi.

Tave-eennâmlâš Säämi Kielâkäldee -jotkâproojeekt nuuvâi vyesimáánu loopâst, já tot meerhâš tom, ete sämikielâi normâdempargo páácá tääl jyehi Sämitige jieijâs haaldun. Loppâihán ij lah innig ruttâ pálkkááttiđ anarâškielâ kielâpargee, já kielâpargo páácá-uv rijjâtátulij kieđáid. Sämikielâ máttáátteijee Petra Kuuva keevtij Kielâkäldee kielâravvim távjá pargostis. Martta Alajärvi sahhiittâl.

Aanaar kundá lâi huksiimin Čevetjäävri luoddâ piällást, Kuátiluohtân, nyevt muáddi kilomeetter luodâst tuárispel Aanaarjävri riddon, jieŋâruustig,kost kuálásteijee uážuččii kuolijd čuáskudeijee jieŋâid.Kuátiluohtâ ij kuittâg tuhhim puohháid. Päärtihliih vaidâlij ääšist. Jieŋâkuávdáš lii uáivildum kávpálijd kuálásteijeid. Pärttihist kávnoo mottoom kávpálâš kuálásteijee, Kuátiluovtâ kuávlust ij ohtâkin. Vuossaargâ Aanaar kieldâstivrâ meridij, et Kuátiluovdâ jieŋâsiäiluttemsaje huksim vyerdih tassaaš ko Tave-Suomâ haldâttâhriehti lii meridâm, maht tot ovdán vaidâlusâin. Aanaar kundáhaldâttâs saavâjođetteijee Jari Huotari já Päärttihlâš kuálásteijee Pekka Kokkonen iává osko et jieŋâkuávdáš puátá innig taan keesi kuussân. Toimâtteijen Anja Kaarret.

Oulu ollâopâttuv Giellagas- instituutist puáhtá sierâ oppâvuoigâdvuođâin luuhâđ anarâškielâ. Oulu ollâopâttuv anarâškielâ máttááttijjee Mervi Skopets muštâl magareh máđhulâsvuođah sist láá luuhâđ anarâškielâ. Toimâtteijen Linnea Rasmus.

Eeva Seurujävri eelij keččâmin luámánijd Pärttihist oovtâ jeegist. Iä lam ennuv puátimin, uási lâi kuškâm, ige kavnum ohtâgin laddâm. Toimâtteijen Anja Kaarret.

Puáttee ohoost álgá Aanaar okko-tápádume Aanaar kuávlust já majemuu peeivi lii anarâšâi kirkkopeivi 29.7. Anarâšah ry. servi lii ornim jo kuhheeb äigi taan peeivi já taan ive teeman lii evakko. Seervi čällee Inka Kangasiemi muštâl maggaar peivi lii puátimin. Toimâtteijen Anja Kaarret.

Kaustisist, koska Suomâst lii monâmin tääl aalmugmuusik festivaal. Aila Duo, Heli Aikio já Jessika Lampi lává loppâ ohhoost tobbeen mieldi, magarijn mieláin Heli Aikio lii vyelgimin taan keerdi tohon, Aila Duost lii tääl jo nubbe kerdi ko lii Kaustisii muusik tábáhtuumeest mieldi. Toimâtteijen Anja Kaarret.

Sämitige oppâmateriaal čällee Hannu Kangasniemi muštâl ko tääl lii almostum“Piiččus” lavlâkirje uđđâsist. Taan kirjeest láá Kuuva Auni rähtim lavluuh. Vuosmuu keerdi kirje almostui 1987. Kirjeest láá tääl muáddi uđđâ lavluu mieldi já olgohäämmi lii mottoomverd muttum. Toimâtteijen Anja Kaarret.

Henna Tervaniemi perrust láá lam käänih jo ive. Tääl sist láá 12 käniuđágáá. Párnááh meid lijkkojeh puáldiđ kanijgin. Toimâtteijen Anja Kaarret.

Sämitigge oppâmaterialkuávdáá kesipargeeh, Tiina Jäppinen já Henna Lehtola lává taan keesi äigin kuvviistâllâm oppâvideoid uđđâ anarâškielâ oppâkirje várás. Sáárá Seipiharju lii mieldi nuuvt,et sun kárvudât sämimááccuh já talle argâpihtâsijd. Toimâtteijen Kirsti Länsman.

Sämitigge oppâmaterial kuávdáást Anarist láá taan keesi kuvvim ja paddim material uđđâ anarâškielâlii oppâkirje várás. Henna Lehtola já Tiina Jäppinen lává taan keesi kuvvim já paddim materiaal. Tiina Jäppinen muštâl taan pargoost. Toimâtteijen Kirsti Länsman.

Sämitigge oppâmaterial kuávdáást Anarist láá taan keesi kuvvim ja paddim material uđđâ anarâškielâlii oppâkirje várás. Henna Lehtola já Tiina Jäppinen lává taan keesi kuvvim já paddim materiaal. Henna Lehtola muštâl taan pargoost. Toimâtteijen Kirsti Länsman.

Aanaar kirkkohiärrá Tuomo Huusko muštâl manen ij pyevti rippâškovlâ jotteei anarâškielân. Toimâtteijen Anja Kaarret.

Pessi Koskinen juuđij rippâškoovlâ Ucjuuvâst. Škovlâ kielâ lai tavesämikielâ, mut pyereest Pessi piergij tain. Rippâškovlâ sun juuđij skeŋkâi tet. Toimâtteijen Anja Kaarret.

Anna-Maija Kanerva muštâl smk anarâškielâ taan täälvi uápuin. Toimâtteijen Anja Kaarret

Jane Helppi muštâl smk anarâškielâ taan täälvi uápuin. Toimâtteijen Anja Kaarret.

Essi Kesti muštâl smk anarâškielâ taan täälvi uápuin. Toimâtteijen Anja Kaarret.

Tiina Jäppinen muštâl smk anarâškielâ taan täälvi uápuin. Toimâtteijen Anja Kaarret

Tytti Kyrö muštâl smk anarâškielâ taan täälvi uápuin. Toimâtteijen Anja Kaarret

Henna Tervaniemi muštâl smk anarâškielâ taan täälvi uápuin. Toimâtteijen Anja Kaarret

Anna Askala muštâl smk anarâškielâ taan täälvi uápuin. Toimâtteijen Anja Kaarret.

Anarist ässee Pasi Aikio lii rähtimin olssis Kuátiluohtân tuve. Jienâkuávdáš puátuašij suu alda, tot tovâččij älkken sunjin jieŋâi uážžum, mut sun kal finniiččij jieŋâid meid Anarist. Toimâtteijen Anja Kaarret.

Čevetjävrilâs kávpálâš kuálásteijee Juha Feodoroff lâi halidiđ et jieŋâruustig lâi puáttiđ Päärtihân ige Kuátiluohtân. Toimâtteijen Anja Kaarret Toimâtteijen Anja Kaarret.

Satu Kangasniemi muštâl smk anarâškielâ taan täälvi uápuin. Toimâtteijen Anja Kaarret

Päärtih sijdâtoimâkode saavâjođetteijee já kávpálâš kuálásteijee Pekka Kokkonen lâi halidiđ et jieŋâruustig lâi puáttiđ Päärtihân ige Kuátiluohtân. Toimâtteijen Anja Kaarret

Elsa Väisänen ruhâdâspuudâst muštâl rigesvuođâst.

Pärttihân vuáđudui Martta-servi. Eeva Seurujärvi lâi mieldi jo ovdii seervist mii lai Partakon maamiesservi. Miina Seurujäävrist poođij seervi čällen. Laila Aikiost poođij saavâjođetteijee. Toimâtteijen Anja Kaarret.

Sämi Duodji lii piejâm tääl joton uásusijd ko servi äigu huksiđ uđđâ toimâ täälu. Neeta Jääskö seervi saavâjođetteijee. Toimâtteijen Anja Kaarret

Iiris Mäenpää lii val muáddi peeivi smk anarâškielâ máttáátteijen. Toimâtteijen Anja Kaarret.

Tiina Lehmuslehti aalgâd čohčuv jiejâs pääihist tipšođ párnáid anarâškielâ ennikielâ juávhust,kost láá nelji päärni. Toimâtteijen Anja Kaarret

Johanna Alatorvinen lâi mieldi tubettem anarâšehidist mieldi já muštâl magarijn kuuvijn sun lijkkoo. Sun áigu meid rähtiđ tubevideo. Toimâtteijen Anja Kaarret

Martta Alajärvi toolái anarâškielâ eehid tubevideoi rähtimist tääl Avelist. Kiđđuv lâi siämmálágán eehid Anarist. Juurdân lii rähtiđ somevideoit youtuben anarâškielân já somevideoit youtuben anarâškielân jyehi ohhoost keesi äigin. Toimâtteijen Anja Kaarret

Miia Marjaranta muštâl tipšompargo lummâsänikirjeest. Tiervâsvuođâsyergi lummâsänikirje siskeeld tiervâttâsâid, purâdmân já piäiváláid toimáid lahtâseijee eđâlduvâid. Lummâsänikirje láá ruttâdâm Euroop sosiaallâšruttârááju, Säämi máttááttâskuávdáš, EJB-kuávdáš, Säämi Máttááttâskuávdáš já diakonia áámmátollâškovlâ. Toimâtteijen Anja Kaarret

Anna Morottaja muštâl “livđepeeivist”, ärbivuáválii sämimuusik seminaarist, mii lâi Sajosist 21.-22.5.2018. Toimâtteijen Anja Kaarret

Njellimist sovâttâllâmproosees kuullâm tilálâšvuođâst Sulo Sarre ij halidâm et taan kommissio álgá Leena Saijets fast halidij. Toimâtteijen Anja Kaarret

Lihâdem stivrejee Guttorm Máárjá algâttii vuossargâ uđđâ lihâdem vyevi Lavis, täst liihâd táválii tánssám mieldi. Suvi King já Merja Fofonoff kuohtuuh lijkkuin taan hommáást. Toimâtteijen Anja Kaarret.

Anarist lâi saahâ poccui tiervâsvuođâst 14.5.2017. Miina Seurujärvi lai mieldi täst ja tobbeen smavâstalli poccuu taavdâin. Toimâtteijen Anja Kaarret

Anarâškielâ máttáátteijee Iiris Mäenpää lii uážžum kyehti pargosaje, Aanaarškovlâ máttáátteijee já Säämi máttááttâskuávdáá anarâškielâ máttáátteijee virge. Sun ij lah val meridâm kuábbáá pargo váldá vuástá. Tääl lii monâmin meid uuccâm äigi puáttee täälvi anarâškielâ uáppoid. Toimâtteijen Anja Kaarret.

Anarâškielâ seervi mediapargee Eljas Niskanen muštâl seervi loostâin, uđđâ nettiloostâst já puáris Anarâšloostâin. Vuosmuš nettilostâ almosttuvvoo tääl vyesimáánust. Puáris Anarâšloostah láá čokkašum n. 500 kiillud. Taah juáhhojeh nuuvtâ toid kiäh toid halideh já loopah tuálvuduvvojeh ruskijd. Toimâtteijen Anja Kaarret

Aanaar Menesjäävrist ässee Mattus perruu puásuiááiđán lii šoddâm kuittâg ohtâ vyesi. Taat ij lah táválâš, ko táválávt vyesimáánu 10 peivi lii tot puoh stuárráámus šoddâm peivi. Perruu enni Kirsi Ukkonen muštâl sii viešidem hommáin. Toimâtteijen Anja Kaarret kove Kirsi Ukkonen

Aanaar vyeliškoovlâ máttáátteijee Petra Kuuva muštâl suu pargoost anarâškielâlâš máttáátteijen. Sun lii meid roolâmalli párnáid já nuorâid já lii návt fáárust kielâiäláskittempargoost. Toimâtteijen Tiina Jäppinen.

Aanaar paješkoovlâ máttáátteijee Maijukka Pyykkö muštâl pargostis anarâškielâlâš máttáátteijen. Toimâtteijen Tiina Jäppinen.

Heli Huovinen muštâl suu pargoost Yle Säämist já maggaar merhâšume anarâškielâst lii tast. Toimâtteijen Anna-Maija Kanerva

Kielâpiervâlstivrejeijee Annika Pasanen muštâl suu pargoost já maggaar merhâšume anarâškielâst lii suu pargoost. Toimâtteijen Tiina Jäppinen.

Neeta Jääskö muštâl suu pargoost já maggaar merhâšume anarâškielâst lii tast. Toimâtteijen Anna-Maija Kanerva

Taan ive anarâskielâ uáppee Susanna Kaartinen varrij Australian kiđđuv já tääl muštâl suu elimist tobbeen nubepeln eennâmpáálust. Toimâtteijen Tiina Jäppinen

Martta Alajärvi toolâi anarâš eehid, kost ulmen lâi suunnâttâllâđ Anarâškielâ seervi tubettemháástu puáttee keesi várás. Tääl Martta muštâl eenâb sehe háástust ete jieš tubetmist. Toimâtteijen Anna-Maija Kanerva.

Oulu ollâopâttuv uuccâmäigi anarâškielâ kandi- já maisteruáppoid puáttee luuhâmihán nuuvâi suullân mánuppaje tassaaš. Oulu ollâopâttuvvâst tijmemáttáátteijen tuáimee Petter Morottaja muštâl almolâvt uápuin, maht uáppeeh láá oppâm kielâ já maggaar anarâškielâ puátteevuotâ tiettuu kiellân oro lemin suu mielâst. Toimâtteijen Anna-Maija Kanerva

Ohtâ Suomâ pivnohumosijn tubetteijein Mansikkka, ađai Maiju Voutilainen, tooimâi tuámárin Säminuorâi taaiđâtábáhtusâst. Tääl sun muštâl, maggaar fiäráán lâi leđe tuámárin eidu taan tábáhtusâst. Toimâtteijen Anna-Maija Kanerva.

Sämimuseo já Tave-Laapi luándukuávdáá Sijdâ teevdij 20 ihheed taan ive. Kirsi Ukkonen muštâl Siijdâ uđđâ čáitálduvâin já Siijdâ vuáváámijn puátteevuođâ várás. Toimâtteijen Tiina Jäppinen

Säminuorâi taaiđâtábáhtus uárnejuvvoi moonnâm ohhoost Anarist. Taan ive teeman lâi “jieččân jienâ” já nuorah lijjii ráhtám ohtsis 35 videod tubettemkišton.Säminuorâi taaiđâtábáhtus tubettemkišto vuoitij Avveel vyeliškoovlâ uáppee Elle-Máárjá Siltala. Videoid lijjii ráhtám meid anarâškieláin já tääl mij kuullâp Aanaar škoovlâ nuorâi jurduuh videoi rähtimist. Toimâtteijen Tiina Jäppinen.

Kielâkäldee anarâškielâ kielâpargee Neeta Jääskö uásálistij meiddei seminaarân, já tääl sun muštâl eenâb seminaarist já pargoost kielâkäldest. Toimâtteijen: Anna-Maija Kanerva

Anarâškielâ uáppein láá kulmâ kielâmiäštároho škovliittâsâst, já moonnâm okko lâi jo nube taan ive uáppeid. Ohtâ taan ive kielâmiäštárijn lii Jovnâ Saijets Pärttihist. Taan sahhiittâlmist sun muštâl, maggaar fiäráán sunjin lii lamaš leđe kielâmiäštárin. Toimâtteijen: Anna-Maija Kanerva

Mattus Ilmar lohá Johannes evangeliumist “Jeesus já suu viiljah”

Iiris Mäenpää muštâl anarâskielâ já -kulttuur škovlimist Säämi máttááttâskuávdást. Toimâtteijen Tiina Jäppinen.

Uálgátuáivih 1. Čuážu njuolgist , kieđah láá muássumlávt ertpeelij paaldâst,roopâst kiddâ, vuoiŋâ siisâ, juurât uálgátooivijd hitásávt olgovuoiŋâmist tuáhá já maacâ maasâd siisâ vuoiŋâmist. Kiärdu vittii. 2. Čuážu njuolgist, piejâ kuámmirijd keppisávt uálgátooivij oolâ, suormáid majaskulij, kaiŋârijd oovdân, vuoiŋâ siisâ já juurâd olgoošvuoiŋâmist kaiŋârijd pajas já tuáhá já siisâvuoiŋâmist maasâd oovdân. Kiärdu vittii. 3.Čuážu njuolgist, jyelgih váhá áávus, tuálvu kieđâid ristâlaasân seelgi tuáhá, kietâveerdijd njuolgâdin já muássumlávt, nääpi seelgi vuástá, äälgi pajediđ siisâvuoiŋâmist kieđâid kepplávt pajaskulij.Paijeed olgovuoiŋâmist kieđâid pajeláá já teddil kääibi rade vuástá, lyešti siisâvuoiŋâmist kieđâid já paijeed uáivi pajas. Loopân hiäilut kieđâid muássumlávt nubepeeleest nubepiällán já puštee kieđâid ja uálgátooivijd.

Kielâmiäštár Hans Morottaja muštâl kommeest, maid sun oinij nuorân. Toimâtteijen: Anna-Maija Kanerva

Marko Tervaniemi Anarist lii kištodâm jo kuhháá já ergikištoh láá ubâ perruu ohtâsâš puđâldâs. Marko lammâsui Kuusamost já ferttij leđe meddâl čuávuvâš kyevti uásikištoost. Luhhoost sun vajoidui já puovtij vyeijiđ Anarist. Perrust láá jo nelji vyeijee, ko kulmâ párnáá-uv kištodeh. 4-ihásiih jyemehááh Mervi já Maire iävá vala kištod muta lává fáárust kištoin. Toimâtteijen Tiina Jäppinen.

Pessijâš lávurduv ađai läigilávurduv toolâi immeelpalvâlus Piälppáájäävri meccikuávlukirhoost. Immeelpalvâlus aalgij tijme 12 já pappân lâi kirkkohiärrá Tuomo Huusko. Kirkkohiärra Tuomo Huusko muštâlij Pielppáájäävri kirhoost, tábáhtusâst já suu pargoost sämipappân. Toimâtteijen Tiina Jäppinen.

Ráhtádâttâm čuoigâđ, teikâ soppijn puddâlihâdem 1. Vääldi suábist kubduv kiddâ, tuálvu uálgis- jyelgi njuolgâdin tuáhá já addel čižet- jyelgi oovdâst kuákkiluttiđ, paijeed kieđâid pajas já voonât ertpele čižetpele, vuoiŋâ kulmii siisâ já olgos maacâ kieđâid vuálus oovdân já jyelgi oovdân já kiärdu nubebel. Čižet jyelgi njuolgâdin tuáhá já addel uálgis- jyelgi oovdâst kuákkiluttiđ, paijeed kieđâid pajas já voonât ertpele uálgispele, vuoiŋâ kulmii siisâ ja olgos já maacâ kieđâid vuálás oovdân já jyelgi oovdân, 2.Čuážu njuolgist, vääldi soobijn teikâ suábist kiddâ já tuálvu soopijd teikâ suábbi oovdân kieđâid njuolgâdin, addel seelgi jurbâsmiđ ,kuákkilut váhá idduid já tuálvu uáivi kieđâi kooskân, tuubdâ vonâttâs uálgátooivijn sehe käŋŋirij vyelni, vuoiŋâ kulmii siisâ ja olgos já maacâ maasâd. 3.Čuážu njuolgist, juolgijd váhá áávus,tuálvu soobijd teikâ suábbi pajeseelgi oolâ, juurrâd pajeroopâ nubepeles nubepiällán vuáruluvâi vittii.

Moonnâm ohhoost tuorâstuv 22. peeivi aalgij sämikappeer kuárrumkurssâ Laasi kuáđist Anârist já tot joođhij lávârduv 24. peeivi Sajosist anarâškielâseervi ihečuákkim maŋa. Pargopääji jođetteijen lâi Miina Seurujärvi já kurssâliih lijjii lovmat. Toimatteijen Tiina Jäppinen.

Moonnâm lávurduv 24.3. uárnejuvvoi Anarâškielâ seervi ärbivuáválâš ihečuákkim Sajosist Anarist. Čuákkim pištij suullân kyehti tijme já tobbeen kieđâvuššii sehe moonnâm toimâpaje tehálumos aašijd ete vuávámijd puáttee ive várás. Marja-Liisa Olthuis juátká saavâjođetteijen seervist, já tääl sun muštâl eenâb čuákkimist

Aanaar servikode oovdiš kanttoor lii varrim Maadâ-Suomân Orivesin. Sun muštâl maht sust láá eellim já uđđâ pargo álgám Orivesi servikoddeest.Toimâtteijen: Anna-Maija Kanerva

Moonnâm pasepeeivi 25.3. lâi Anarâškielâ seervi ihečuákkim. Seervi saavâjođetteijee Márjá-Liisa Olthuis muštâl magareh láá seervi puátteevuođâ vuáváámeh. Juurdân lii ovdâmerkkân uđđâ anarâškielâlii nettifalâlduv vuávám.

Niske vuoiŋâ ain siisâ já olgos kulmii 1. Čuážu njuolgist, kärŋilut uáivi uálgispele já tuálvu uálgis- kuámmir uáivi oolâ, nuuvt ete suormâid kuoskâtteh peelji já teddil nube kietâveerdi vuálás, maacâ maasâd já kiärdu nubebel, kärŋilut uáivi čižetpele já tuálvu čižet- kuámmir uáivi oolâ, nuuvt ete suormâid kuoskâtteh peelji já teddil nube kietâveerdi vuálás, maacâ maasâd. 2.Čuážu vala njuolgist, jurgâl kejâstah vuálás nuuvt, ete njune čuujoot kuálgis kaiŋâr kuuvl,paijeed uálgis- kuámmir uáivi oolâ, já teddil nube kietâveerdi vuálás, maacâ massad já kiärdu nubebel, jurgâl kejâstah vuálus nuuvt, ete njune čuujoot čižet- kaiŋâr kuuvl, paijeed čižet- kuámmir uáivi oolâ, já teddil nube kietâveerdi vuálás, maacâ maasâd. 3.Čuážu vala njuolgist, jurgâl uáivi hitásávt pajaskulij nuuvt ete njune čuujoot pajas čižetpele jurgâl kejâstâh pajaskulij já luptii čižet- kuámmir uáivi oolâ, maacâ maasâd kaskoo já kiärdu nubebel jurgâl uáivi hitásávt pajaskulij nuuvt ete njune čuujoot pajas uálgispele jurgâl kejâstâh pajaskulij já luptii uálgis- kuámmir uáivi oolâ, maacâ maasâd kaskoo. 4.Čuážu njuolgist, paajeed váhá kääibi, keejâ njuolgist oovdân, jurgâl uáivi uálgispele, maacâ kaskoo já jurgâl čižetpele, maacâ kaskoo 5.Piejâ kieđâid ristâlasan uáivi tyehin já teddil kääibi keppisávt vuálás, vuoiŋâ muáddi keerdi, paajeed uáivi hitásávt pajas já kiärdu vala ohtii. 6.Loopân juurâd uálgátooivijd.

Marja Guttorm lihâdem 7 1. Čokkáá stoovli alne, selgi nuolâgis, radde ávusân. Jurgâl pajeroopâ uálgispel , Vuoigŋa olgos já siisâ vittâ keerdi. Kiärdu siämmáá vonâttâs čižetpel. 2. Čokkáá stoovli alne, selgi nuolâgis já paajeed uálgis- jyelgiruottâs čižetpele idduu oolâ. Mieigâ čuárbpelpirrâsist ovdâskulâi tassaš ko tuubdah vonâttâs čuárbpeeleest já vyele seelgist. Vuoigŋa olgos já siisâ vittâ keerdi . Kiärdu siämmáá nubbijn juolgijn. 3. Čokkáá stoovli alne, selgi nuolâgis já piejâ juolgijd nuuvt áávust ko uážuh. Koomeerd lättee kuuvl nuuvt et kuámmireh maneh lättei. Uáivi muássumlávt kieđâi kooskâst. Pottâ piso stoovlist. Juáđhi vonâttâs vyellin, vuoiŋâ vyellin siisâ já olgos vittii. Looppast juurâd uálgátoivijd.

Avelist uárnejui vuossaargâ 19.3. torvokurssâ elilâm ulmuid. Ulmuid šaddeh maaŋgâlágáneh päärtih eromâšávt pääihist, já torvolâšvuotâsyergi škuávlejeijeegis halijdij muštottiđ meid nuuvtkočodum "päikkiväärist" (sg. kotivara), jis olmooš ij peesâ veikkâ káávpán oovtâ ookon mottoom suujâ tiet. Pääihi alne Avelist lijjii 15 olmožid kuldâlmin.

Aanaar sämmiliih seervi saavâtuállee Neeta Jääskö muštâl sii seervi uáinu Jieŋâmeerâ ryevdimaađiist. Toimâtteijen Anja Kaarret.

Avveelliih Niina Siltala já Kerttu Paltto vuástálistev Jieŋâmeerâ ryevdimaađiij puáttim taan kuávlun. Toimâtteijen Anja Kaarret.

Anarâšah seervi saavâjođetteijee Anu Avaskari muštâl sii seervi uáinud ryevdimaađiist já kuullâp meid suu jieijâs uáinu ášášist. Toimâtteijen Anja Kaarret

Aanaar kundáhovdâ Toni K. Laine muštâl maggaar uáinu Aanaar kundáást lii Jieŋâmeerâ ryevdikiäinust. Toimâtteijen Anja Kaarret

Henna Tervaniemi peerâ jotá puásuikištoin. Suu iššeed Marko, lii vyeijee, mut tääl sun lii lammâšum ige paste taan kiiđâ innig vyeijiđ. Perruu kaandah láá kuittâg mieldi, nuuvtpa peerâ jotá kištoost kiišton. Toimâtteijen Anja Kaarret

Marja Guttorm ii'eet lihadem 6 1.Čuážu njuolgiš. Jyelgih váhá áávus. Näppi seelgi vuástá. Kuákkilut váhá idduid. Kieđah láá čuurmâst kääibi vyelni. kaiŋâreh vuálus kuuvl. Čurmâd vuáruluvâi kieđáid oovdân, siämmást jurgâl pajeroopâ já siämmást siämmáá pele šušme paijaan läđđest. Vuoiŋâ olgos ko čurmâdah já siisâ ko macâttah kieđâ. Kiärdu mottoom keerdi. 2. Täsiuigâdem čuoigâm. Jyelgih láá čuárbpele kubduv. Uuigâ kieđáid tuáhá já adde siämmást seelgi jurbâsmiđ, uáivi muássumlávt lättee kuuvl. Vuoigŋa olgos , maassâd ciisâvuoiŋâin. 3. Čuážu njuolgist. Jyelgih láá čuárbpele kubduv. Muásu uálgátooivijd. Piejâ kieđáid uáivi tuáhá ruossâlâs, kaiŋâreh olgos kuvlân. Paajeed kääibi váhá pajaskulij. Teedi kaiŋârijd keppisávt tuáhá. Vuoigŋâ siisâ já olgos hitásávt. Loppast juurâd uálgátooivijd.

Eellimleibi Jari Linjama muštâl Jeesus iimâšpargoost. Pessijááh aldaneh.

Anarâškielâ seervi mediasparkkee Eljas Niskanen muštâl maht Helssigist luhostui vuosmuš anarâšeehid. Uásálisteeh lijjii ennuv. Toimâtteijen Anja Kaarret.

Siiri Angel muštâl maid sun lii tääl čuoigâmluámu äigin hommám. Siiri lii nube luokkâst. Toimâtteijen Anja Kaarret.

Anarâškielâ seervi ihečuákkim ohtâvuođâst uárnejuvvoo sämikappeer kuárrum kurssâ. Miina Seurujärvi lii kuursâ uárnejee. Saahâ lii meid puáttee anarâškielâ seervi ihečuákkimist. Toimâtteijen Anja Kaarret.

1.Tuálvu čižetpele kieđâ čuárbpele pirrásân já uálgispele jyelgi čižetpele jyelgi oovdân ruossâlâs. Paajeed uálgiskieđâ paajâs, kárgâluv čižetpiällán já vuoigâ kulmii, siisâ já olgos. Já talle nubbe pele siämmáánáál. 2.Čuážu njuolgist, jyelgih váhá áávus. Vuoigâ siisâ já tuálvu kieđáid paajâs. Piejâ kietâruottâsijd uáivi alne ruossâlâš, Lyešti olgos vuoiŋâm äigi kieđâid vuálus roopâ tuáhá, siämmást idduid njyebži váháš. 3.Váldi nube kieđáin stoovlist kiddâ já paajeed nube kieđâ čuárbpele pirrásân, vuoiŋâ siisâ já olgos vuoiŋâm ääigi hiäilud olgojyelgi oovdân já vuoiŋâ siisâ já oppeet olgos vuoiŋâm ääigi sirde jyelgi tuáhá, siämmást jurgâl jyelgimuorâd keppisávt olgos kuuvl. Siämmáánáál nubbe peeli.