Magga Gnarr er 34 ára móðir, eiginkona, Teakwando meistari, fyrrum fitness drottning og einkaþjálfari. Hún lenti í ljótu einelti sem barn og unglingur, þróaði með sér átraskanir og alkahólisma sem hún er í bata frá í dag, hvoru tveggja.

Aron Mímir er annar helmingur Götustráka, einlægur og á stóra sögu sem hann hefur unnið vel í undanfarin tvö ár. Hann lenti í einelti sem barn, fór ungur að nota stera og var alkahólisti frá fyrsta sopa, eins og hann segir sjálfur. Snemma á fullorðinsárum lenti hann í stóru áfalli sem hefur mótað hann mikið.

Thelma er þrítug móðir, hjúkrunarfræðingur og tannsmiður sem lenti í stóru áfalli þegar maðurinn hennar og barnsfaðir tók eigið líf aðeins 26 ára. Hún fer með okkur í gegnum áfallið, undanfarann, ferlið eftir og lífið í dag.

Sólveig er móðir 17 ára einhverfs drengs með fjölþættan vanda og áhættuhegðun. Hann fékk greiningu 4 ára. Baráttan við skólakerfið, barnavernd. Hann var tekinn og settur í Klettabæ og upplifði hún valdníðslu og niðurlægingu.

Bjarki er 33 ára faðir og annar helmingur Götustráka. Hann ólst upp á Akranesi þar sem hann lenti í grófu einelti og flúði svo slæma líðan í vímuefni og klám. Hann hefur verið í bata í rúm tvö ár og fer með okkur í gegnum söguna sína.

34 ára gömul kona segir sögu sína af ofbeldi, geðsjúkdómum, fíkn, framkomu kerfisins, nauðgunum, misnotkun starfsmanns í grunnskóla sem síðar varð lögreglustjóri og margt fleira.

Maríanna er 47 ára móðir og verðandi amma sem er háð morfíni og glímir við heimilisleysi. Hún hefur alfarið náð að fjarlægja sig glæpum og líferni sem tengist undirheimum eftir að hafa komist í skömmtun en nú stefnir kerfið á að senda hana aftur þangað.

Rakel Sara er 34 ára stelpukona sem á stóra sögu. Hún er ein af stelpunum sem voru á Laugalandi og var hún þar lengst allra. Áfallasagan byrjar mun fyrr samt sem áður og mótar hana mikið.

Hvað er betra en að byrja nýtt ár á smá umræðu um aðstandendur og það sem þeim fylgir? Margir setja sér ný markmið. Hér er ágætis stuðningur.

Teitur er 31 árs peyi frá Vestmannaeyjum sem slegið hefur í gegn á TikTok. Hann átti góða æsku og skilur sjálfur ekki hvernig hann endaði þar sem hann gerði, á Hólmsheiði, fyrir smygl.

Halla er 33 ára, fimm barna móðir sem á stóra sögu. Hún varð móðir 16 ára, hefur átt edrú tímabil og lifað fjölskyldulífi, misst allt, lent á götunni, gert ljóta hluti í neyslu en lifir fallegu lífi í dag.

Dagbjört er fjögurra barna móðir. Hún er aðstandandi veiks alkahólista og hefur verið aðstandandi allt sitt líf en hún fæddist inn í alkahólíska fjölskyldu. Hún hefur gengið í gegnum fleiri stór áföll, misst barn og horfir nú upp á son sinn veslast upp í sjúkdómi sem kerfið metur annars flokks.

32 ára kona úr Reykjavík sem stundaði vændi - og er þolandi vændis réttara sagt, segir sögu sína. Hún segir vændisheiminn mun stærri og grimmari hér á landi en fólk geri sér almennt grein fyrir. Valdamiklir menn nýti sér oft mikið veikar stúlkur og konur.

Kristján er 43 ára faðir að norðan sem á langa sögu í neyslu vímuefna, ofbeldis og glæpa en hefur í dag snúið lífi sínu við og skilur sjálfan sig betur.

Gunnar Ingi er þrítugur pabbi í bata frá fíknisjúkdómi. Hann var ungur farinn að flýja erfiðar tilfinningar. Hann segir okkur sína sögu ásamt upplifun á kerfinu í þættinum.

Hvað eru triggerar fyrir fíkn? Hvað er fíkn? Af hverju hættir fólk ekki bara að nota vímuefni fyrst það veit það getur ekki stoppað? Hvað triggerar hvað? Munurinn á edrú og vera í bata. Ásamt öðru..

Sara Rós er 35 ára eiginkona og móðir tveggja einhverfra drengja. Hún átti sjálf erfitt andlega á unglingsárum og leiddist út í neyslu vímuefna. 18 ára eignaðist hún son sem breytti öllu. Sara og eiginmaður hafa þurft að berjast við kerfið sem hefur brugðist báðum sonum þeirra á alla mögulega vegu.

Tolla þekkja flestir. Hann varð edrú 1995 og hefur síðan hjálpað fjölda fólks. Við ræðum fíknina, fangelsin og hvað hann gerir þar auk þess sem Batahúsið og lífstíll Tolla kemur til tals.

Valgerður Sif er 33 ára móðir og eiginkona sem hefur barist við höfnunartilfinningu og lágt sjálfsmat frá blautu barnsbeini. Hún er ættleidd, innan fjölskyldu, horfði upp á mikið ofbeldi, lenti í ofbeldi og hefur unnið mikið í sér.

Áslaug Júlíusdóttir er þrítug, gift, tveggja barna móðir sem lætur fortíðina ekki skilgreina sig í dag. Hún komst lifandi út úr heimi vændis og neyslu í Bandaríkjunum og nýtir nú reynslu sína til góðs.

Karen lenti í þeirri ömurlegu lífsreynslu að vinur hennar, þáverandi, nauðgaði henni. Hún kærði sex mánuðum síðar en til allrar hamingju hafði hún farið á bráðamóttöku eftir nóttina örlagaríku.

Sigurþóra Bergsdóttir er stofnandi og framkvæmdarstjóri Bergsins headspace, sem nefnt er eftir syni hennar, Bergi Snæ sem féll fyrir eigin hendi. Bergur hafði lent í alvarlegu kynferðisofbeldi af hendi ungs manns sem er vel þekktur fyrir sín brot sem og önnur.

Hildur Pálsdóttir er móðir Ölmu heitinnar en hún lést aðeins 15 ára gömul eftir að hafa tekið of stóran skammt af efninu contalgin. Hún segir sögu þeirra í þættinum.

Þorbjörg er uppkomið barn alkahólista. Hún talar um að skila skömminni þar sem hún ólst upp við mjög slæmar aðstæður en allt hennar umhverfi varð meðvirkt ástandinu og gerði illt verra. Skólakerfið, bæjarfélagið, barnavernd og fólkið í kring brást.

Valkyrja Sandra er 34 ára, gift, þriggja barna móðir sem kynntist fyrst heilbrigðum samskiptum 27 ára gömul en þá kom eiginmaður hennar inn í líf hennar og "setti hana og elsta son hennar í bómul". Hún á langa og mikla sögu misnotkunar, ofbeldis og einmanaleika og tengslaleysis.

Sigurjón Sindri er 32 ára ADHD strákur sem passaði ekki inn í box skólakerfisins sem krakki. Hann fékk þau skilaboð frá samfélaginu að hann væri ekki nóg en alltaf vann það með honum að vera sterkur félagslega og skemmtilegur. Hann á langa neyslusögu, hefur setið inni fyrir fíkniefnabrot og er í bata frá fíkn í dag.

Iðunn er ein af þessum sem hefur þurft að ganga í gegnum of mikið. Skólagangan gekk brösuglega sökum eineltis, hún greindist 16 ára með krabbamein og eftir það tók fíknin við. Hún er mögnuð, einstæð móðir sem lætur bókstaflega ekkert stoppa sig.

Í þættinum ræðum við aðstandendur, hlutverk þeirra innan fjölskyldna og hvernig sumir þeirra feta sömu braut en aðrir ekki. Eins og oft förum við einnig um víðan völl og höldum okkur ekki "on topic" allan tímann.

Alexandra Sif er 19 ára móðir, kærasta, systir og dóttir sem hefur þurft að upplifa margt á stuttri ævi. Hún missti föður sinn í sjálfsvígi í júní á þessu ári eftir að hann hafði gert allmargar tilraunir, þetta var þó öðruvísi, segir hún. Hún segir söguna sína, frá tilfinningunum, sorginni, reiðinni og því að vera barn alkahólista.

Ragna er 43 ára, þriggja barna móðir sem hefur þurft að berjast með kjafti og klóm við kerfið. Margir Íslendingar kannast við söguna hennar en hafa ekki fengið að heyra hana. Hún eignaðist langveika dóttur, Ellu Dís, sem var ranglega greind á Íslandi og fékk rétta greiningu of seint. Hún segir söguna sína í þættinum.

Melkorka er alin upp í sveit, kynntist barnsföður sínum á Spáni þrátt fyrir að búa bæði í Hafnarfirði og halda þau allar hátíðir saman sem fjölskylda þrátt fyrir að leiðir þeirra hafi skilið fyrir mörgum árum, sem par. Melkorka á stóra sögu og förum við ofan í saumana í þættinum.

Ásdís er 26 ára mamma, sálfræðinemi, kærasta og vinnur m.a. í málefnum heimilislausra. Hún á stóra sögu, er með ADHD, glímdi um tíma við þungan vímuefnavanda og bjó á götunni. Þekkir a eigin skinni að vera barn fanga og vill að kerfið grípi börn sem lenda í þeirri stöðu.

Hún er á fimmtugsaldri, hún kemur ekki fram undir sínu nafni en köllum hana Guggu. Hún ólst upp hjá móður sem var ófær um að veita henni ást og umhyggju, rótleysi, ofbeldi, misnotkun og höfnun einkenndi lífið.

Í þættinum ræðum við um okkar upplifun og reynslu af ofbeldi sem við höfum orðið fyrir og beitt. Aðeins almennt um ofbeldi og hvað gæti verið gagnlegt fyrir fólk að vita og gera sem aðstandendur þolenda sem dæmi.

Björg Pétursdóttir er 45 ára, einstæð móðir úr Reykjavík, söngkona og vinnur sem stuðningsfulltrúi í grunnskóla. Hún var lögð í gróft einelti alla sína grunnskólagöngu sem mótaði hana. Hún segir okkur söguna sína í þættinum.

Elín Arna er mögnuð, 25 ára gömul stelpa sem ólst upp við óviðunandi aðstæður. Faðir hennar heitinn var andlega veikur, virkur alkahólisti og glímdi við spilafíkn auk þess að beita ofbeldi. Allt kerfið brást henni. Elín segir söguna sína í þættinum.

Begga kom í þáttinn fyrir tæpu ári og sagði frá miklum barningi við kerfið fyrir eldri son sinn. Í þessum þætti ræðum við stöðu mála, hvað hefur breyst, ef eitthvað? Hvað gerir barnavernd og BUGL fyrir 9 ára barn í sjálfsvígshættu ásamt ýmsu öðru.

Fyrri hluti sögu Berglindar, hluti tvö í næstu viku.

Hannesína er 55 ára móðir og amma sem hefur frá unga aldri þurft að hafa fyrir sínu. Hún ólst upp í mikilli óreglu, óöryggi og upplifði allt mögulegt sem börn eiga ekki að gera. Hún þróaði með sér fíkn seinna á lífsleiðinni og gerði hluti sem hún hélt hún myndi aldrei gera. Hannesína er mögnuð kona, klár, heiðarleg, jákvæð og sér hlutina út frá frábæru sjónarhorni.

Við Inga Hrönn fengum Hafrúnu til okkar í þessum þætti til að spjalla um hennar líf, skaðaminnkun, Ylju (neyslurými sem hún stýrði), aukna neyslu ungmenna á oxy, aðallega, hvernig þessi faraldur sem mikið er talað um horfir við þeim sem vinna næst notendum og margt fleira.

María kýs að koma ekki fram undir réttu nafni til að vernda börnin sín fjögur. Hún ólst upp að stórum hluta innan kerfisins, foreldrar hennar alkahólistar og hún fetaði sjálf þeirra leið en rataði sem betur fer til baka. Hún á stóra sögu áfalla sem hún segir okkur.

Heida

Okkar eina sanna Svala sem kennd er við skaðaminnkun kom í spjall til okkar Ingu og ræddum við málin með þrjá vinkla. Úr varð skemmtilegt, fræðandi og áhugavert spjall um hin ýmsu málefni.

Soffía er mögnuð kona sem á stóra og átakanlega sögu.

Sara Pálsdóttir er lögfræðingur, dáleiðari, heilari, tveggja barna móðir, fyrirlesari og margt fleira. Hún er í bata frá fíknisjúkdómi og átröskun auk þess að hjálpa fólki að ná frelsi frá alls kyns kvillum dags daglega. Hún segir söguna sína í þættinum.

Elva Júlíusdóttir er 42 ára Hafnfirðingur og tveggja barna móðir sem lýsir sér sem kvíða- og þráhyggjubolta. Hún er í bata frá vímuefnavanda og átröskun. Hún segir söguna sína í þættinum.

Ómar Guðmundsson er fertugur Hafnfirðingur sem á stóra áfalla- og batasögu. Hann hefur sterkar skoðanir á kerfinu og er í dag kominn í hlutverk aðstandanda ungs einstaklings í neyslu. Hann segir söguna sína í þættinum.

Glansmyndir og neyslustolt eru hugtök sem ekki eru mikið notuð í daglegu tali en vel þekkt innan ákveðins hóps. Hvað þýða þessi hugtök? Hvað fela þau í sér? Er hættulegt að fá glansmyndir af neyslutímanum sínum eða vera fastur í hjólförum neyslustolts? Við ræðum þessa hluti ásamt fleirum í þættinum. 

Guðmundur Fylkisson eða Gummi Fylkis er lögreglumaður sem oftast er kenndur við strokubörn. Hann er magnaður karakter og virðingin fyrir krökkunum leynir sér ekki. Gummi kom í spjall og við ræddum hina ýmsu hluti. 

Sigrún er fertug kona úr Reykjavík sem átti eðlilega æsku og fjölskyldulífið var venjulegt, ef svo er hægt að segja. Um 10 ára aldur breyttist eitthvað og skólagangan varð erfið og áföll og erfiðleikar byrjuðu í hennar lífi. Hún segir sína sögu í þættinum. 

Rut er 23 ára stelpa úr höfuðborginni sem ólst upp hjá mömmu sinni að mestu, hún lýsir sér á skemmtilegan hátt, tekur lífinu hæfilega alvarlega og hefur yfirstígið margar hindranir þrátt fyrir ungan aldur. Hún segir söguna sína í þættinum.

Tinna og Inga Hrönn ræða hvað grípur fólk, ef eitthvað, eftir meðferð, áfangaheimilin sem í boði eru og hvað þarf betur að fara í þessum málum. Hvernig getur fólk hafið ,,eðlilegt líf" eftir meðferð?

Thelma er 48 ára tveggja barna móðir, eiginkona, dóttir og aðstandandi svo eitthvað sé nefnt. Hún leitaði huggunar í mat í fjölda ára en hefur í dag misst 90 kíló eftir hjáveituaðgerð og mikla sjálfsvinnu. Thelma segir okkur sögu sína frá sjónarhóli aðstandanda í þættinum.

Adda Margrét er 27 ára móðir og mikil áhugakona um húðflúr sem gengið hefur í gegnum margt á sinni lífsleið. Hún deilir sögunni sinni með okkur í þættinum.

Tinna og Inga Hrönn taka fyrir ofbeldi af hendi lögreglu gagnvart jaðarsettum hópum, fordómum innan kerfisins ásamt ýmsu öðru í þættinum.

Bjarki Steinn er 29 ára Hafnfirðingur með bros sem birtir upp öll rými sem hann gengur inn í og nærveru sem hlýjar. Líf hans hefur þó ekki alltaf verið auðvelt og segir hann okku söguna sína í þættinum.

Sigurbjörg Vera er 27 ára landsbyggðatútta með góða nærveru og mikla útgeislun. Hún á stóra sögu sem hún segir okkur í þættinum.

Biggi er 41 árs fjögurra barna faðir úr Garðabænum sem átti erfiða æsku, passaði aldrei inn í boxið sem samfélagið vill hafa okkur í og fór ungur að sýna mikla áhættuhegðun. Hann á stóra sögu sem hann segir okkur í þættinum.

Ellisif er fimm barna móðir, kona með stóra sögu og mikill sigurvegari.

Alma Lind er 37 ára móðir og fyrirmynd, hörkutól sem hefur upplifað meira en góðu hófi gegnir. Alma segir okkur frá lífinu á götunni, hvernig kerfið braut hana niður, sigrum og sorgum.

Sunna Kristinsdóttir er 29 ára stelpa með stóran persónuleika, mikla persónutöfra og á mikla og stóra sögu sem hún segir okkur í þættinum.

21 árs gömul stelpa sem við ætlum að kalla Birtu. Hugrökk, falleg, opin og á risa stóra sögu. 

Kidda Svarfdal er fertug sveitastelpa sem hefur gengið í gegnum ýmislegt til að komast á þann stað sem hún er í dag.

Guðrún Haraldsdóttir er móðir Heklu Lindar heitinnar en hún lést þann 9. apríl 2019 í höndunum á lögreglu, aðeins 25 ára gömul. Guðrún segir okkur sögu Heklu Lindar og frá þessum harmleik í þættinum.

Friðrik Agni er dansari, fyrirsæta, strákur úr Reykjavík og með ofsalega góða nærveru. Hann hefur unnið mikla sjálfsvinnu eftir stór áföll á unglingsárunum, unnið með átröskun, glansmyndir á samfélagsmiðlum og margt fleira sem við spjöllum um í þættinum.  

Rósa er forstöðukona í Skjólinu, úrræði fyrir heimilislausar konur. Hún ræddi um málefnið, úrræðið sem er á vegum kirkjunnar og sitt eigið líf í þættinum.

Unnur Edda Björnsdóttir er 33 ára, tveggja barna móðir og unnusta sem á áfallasögu allt frá barnæsku. Hún segir okkur sína sögu í þættinum.

Renata Sara er 23 ára stelpa sem á stóra sögu þrátt fyrir ungan aldur. Hún var ballerína úr Breiðholtinu sem passaði hvergi inn, bjó hjá kaþólskum nunnum í New York og strippaði í Berlín svo fátt eitt sé nefnt. Hún segir okkur söguna sína og hvernig hún fékk aðstoð við andlegum veikindum og átröskun eftir sjálfsvígstilraun.

Inga Lind er mögnuð kona með útgeislun og bros sem birtir upp heilu herbergin. Hún á stóra sögu, þolandi ofbeldis í æsku, misnotkun, vanræksla, neysla til margra ára, fangelsisvist og beina brautin. Hún segir okkur sína sögu.

Ögmundur Þorgrímsson gerði rannsókn í mastersnámi sínu í félagsráðgjöf sem heitir "Aðgerðir stjórnvalda til að hefta neyslu ólöglegra vímuefna: Áhrif þeirra á einstaklinga innan íslensks samfélags. Við ræddum m.a. rannsóknina, hvað kom í ljós og hvað þarf að gera betur.

Auður er 37 ára, tveggja barna móðir úr Breiðholti. Hún á stóra og mikla sögu en aðeins 14 ára upplifði hún fyrst að búa á götunni. Í dag hefur hún verið edrú í 15 ár.

Ragnar Erling Hermannsson eða Raggi Turner er magnaður karakter með stóra sögu. Hann segir söguna sína auk þess að tala um fíkn, sína reynslu, hvað þarf að gera og nýja félagið "að rótunum" sem hann stofnaði fyrir stuttu.

Ólafía Mjöll er fertug, tveggja barna móðir og amma úr Hafnarfirði. Árið 2009 fór hún í einfalda aðgerð til að láta fjarlægja gallblöðruna en röð læknamistaka gerði það að verkum að hún hefur verið föst í hjólastól í 13 ár. Hún segir okkur söguna sína, frá því að vera 27 ára fiðrildi sem gerði allt sem henni datt í hug yfir í að vakna alfarið getulaus og eiga að vera send á sambýli.

Tryggvi Rafns er Hafnfirðingur eins og þeir gerast bestir, heimsfrægur þar og vel þekktur á öðrum stöðum. Hann er menntaður leikari frá Englandi og segir okkur söguna sína um baráttuna við andleg veikindi og hvernig hann lenti á botninum fyrir rúmu ári síðan og ákvað að biðja um aðstoð.

Ísabella Klara er ung trans kona sem ólst upp í Garðabæ. Hún hefur verið í bata frá vímuefnavanda í tvö og hálft ár en hún byrjaði ung að flýja tilfinningar og áföll í heim vímuefna. Hún segir okkur sína sögu í þættinum.

Begga er 35 ára, tveggja barna móðir sem hefur þurft að berjast mikið fyrir eldri syni sínum, 8 ára barn með fimm greiningar og segist ekki vilja lifa. Faðir hans skiptir sér lítið sem ekkert af en hefur samt völd í þeirra lífi gagnvart kerfinu. BUGL, barnavernd, skólakerfið og allt hitt. Hver grípur okkur, börnin og alla hina áður en það verður of seint?

Agnes er fertug kona með bakgrunn, áföll og menntun sem hafa komið henni á þann stað sem hún er í dag. Hún segir okkur sína sögu í þættinum.

Hilma Dögg er 41 árs, þriggja barna móðir sem á stóra og átakanlega sögu. Hún segir okkur hana í þessum þætti.

Björk Láusdóttir er 27 ára kona sem nýlega gekkst undir kynleiðréttingaraðgerð í Tælandi. Hún á stóra sögu en frá því hún man eftir sér vissi hún að hún væri í röngum líkama en reyndi að passa í fyrirfram ákveðin box samfélagsins. Hún segir frá áföllum, sorgum, sigrum, hvernig hún flúði vandamálin og hvernig lífið hefur breyst undanfarna mánuði.

Daníel er aðstandandi sem hefur ekki góða reynslu af kerfinu. Hann flakkaði á milli fósturheimila sem barn og unglingur vegna hegðunarvanda. Bróðir hans svipti sig lífi eftir baráttu við fíknivanda og geðrænar áskoranir sem fylgja. Hann segir söguna sína í þessum þætti.

Þórey er 27 ára stelpa úr Reykjavík. Hún á langa sögu um vímuefnavanda, átraskanir og áföll. Í dag á hún fallegt líf sem hún vinnur markvisst í að viðhalda og bæta. 

Sandra Ýr er 29 ára sveitastelpa úr Grindavík sem á stóra og átakanlega sögu. Hún segir okkur frá sorgum, áföllum og sigrum í þessum þætti.

Kristján kom í spjall og segir söguna sína í þessum þætti.

Inga Hrönn er 26 ára móðir sem gengur með sitt annað barn. Hún á stóra sögu sem hún deilir með okkur en hún hefur verið í bata frá vímuefnavanda í 13 mánuði eftir að hafa sokkið djúpt og m.a. búið á götunni. Inga Hrönn er sannkölluð fyrirmynd.

Heiða Þórðar er tveggja barna móðir og amma, hún á stóra og mikla sögu sem hún segir okkur í þessum þætti. Heiða hefur þurft að takast á við fleiri áföll en flestir en horfir á jákvæðu hliðar lífsins þrátt fyrir allt.

Elísabet Ósk er hjúkrunsrfræðingur og ljósmóðir sem sérhæfir sig í vinnu með konum sem glíma við geðrænar áskoranir og/eða vímuefnavanda. Hún brennur fyrir málefnið og hefur stóra drauma. Hún setti af stað verkefni sem heitir Urðarbrunnur og segir okkur frá því ásamt mörgu öðru. Við komumst að því að margt má betur fara í þessum málaflokki hér á landi. sérstaklega ef horft er til hinna norðurlandanna sem við berum okkur saman við.

Dagbjört er ung kona og algjör sólargeisli. Hún segir okkur sína sögu i þessum þætti. Dagbjört hefur verið án hugbreytandi efna í rúmlega tvö ár og unnið í sjálfri sér ásamt því að gefa mikið af sér.

Berglind Ýr segir okkur söguna sína en hún hefur verið í bata frá hugbreytandi efnum í rúmlega 10 ár. Hún þurfti ung að leita sér aðstoðar í Kvennaathvarfinu vegna ofbeldis af hálfu kærasta en hefur náð góðum árangri sem hún deilir með okkur. Berglind og Katrín eiga báðar drengi sem hafa glímt við erfiðleika og kom Begga eins og stormsveipur inn í líf Katrínar, þær eru að gefa saman út dagbók um tilfinningar og stjórnun þeirra þessa dagana.

Birna Hólm er mögnuð fyrirmynd sem segir okkur söguna sína, áföll og sigra.