Nátthrafnar er hlaðvarp fyrir svefnvana næturdýr og er stýrt af Elísabetu og Brynhildi, stelpukonum sem kalla ekki allt ömmu sína. Umræðuefni verða uppfull af fróðleik, húmor og hryllingi þegar sá gállinn er á okkur. Verið við öllu búin! Við erum mjög ófilteraðar og djúpsteiktar.
Börnum víxlað við fæðingu
Í gegnum tíðina hefur það verið þekkt að börnum hafi verið víxlað við fæðingu og þau alist upp hjá öðrum foreldrum. Þessi þáttur fjallar um nokkur slík tilfelli, hvert öðru áhugaverðara.
7/6/2023 • 29 minutes, 47 seconds
Konan mín er alltaf á gægjum
Þátturinn fjallar um undarlegt háttarlag eiginkonu sem sífellt er á gægjum. Meira verður ekki sagt hér, þið verðið bara að hlusta á þennan óhugnað.
6/29/2023 • 57 minutes, 42 seconds
Momo
Við ræðum um Momo, hver er hún? Hvers vegna dúkkaði hún upp í barnaþáttum og skipaði börnum að framkvæma ótrúlegustu hluti? Við förum djúpt ofan í þessa Momoholu sem leiðir okkur inn í japanskar þjóðsögur og siðafár. Þessi þáttur er alls ekki við hæfi barna.
6/22/2023 • 37 minutes, 33 seconds
Hræðileg afmæli
Brynhildur á afmæli i dag og er því fagnað með afmælisþemaþætti.
6/15/2023 • 50 minutes, 48 seconds
Barnið sem ólst upp hjá öpum - 2. hluti
Marina Chapman hefur upplifað margt um ævina. Henni var rænt þegar hún var 4ja ára og skilin eftir úti í regnskógum Kólumbíu. Þar ólst hún upp meðal apa næstu 5 árin. Þetta er seinni hluti af þættinum.
6/8/2023 • 35 minutes, 11 seconds
Barnið sem ólst upp hjá öpum - 1. hluti
Marina Chapman hefur upplifað margt um ævina. Henni var rænt þegar hún var 4 ára og skilin eftir úti í regnskógum Kolumbíu. Þar ólst hún upp meðal apa næstu 5 árin. Þetta er fyrri hlutinn af tveimur.
6/1/2023 • 41 minutes, 17 seconds
Radínstúlkurnar
Þessi þáttur fjallar um radín, allt frá uppgötvun Marie Curie á frumefninu, hrifningu heimsins á glóandi fegurð þess og hræðileg örlög verksmiðjustúlkna sem unnu við að mála radíni á ýmsar vörur og búnað.
5/25/2023 • 38 minutes, 6 seconds
Fyrirboðar
Árið 1966 átti sér stað hræðilegt slys í Aberfan í Wales. Eftir slysið kom í ljós að margir höfðu fengið fyrirboða um slysið.
5/18/2023 • 42 minutes, 51 seconds
Minningar um fyrra líf
Indverska stúlkan Shanti Devi byrjaði ung að árum að tala um líf sitt sem fullorðin, gift og barnshafandi kona. Fljótlega kom í ljós að hún virtist eiga sér minningar frá öðru lífi.
5/11/2023 • 29 minutes, 23 seconds
Ruslstreymi
Við vörum við þessum þætti en hann fjallar um rússneskan internetskúrk (Stas Reeflay) sem gerði garðinn frægan þarlendis með því að streyma frá lífi sínu og þiggja greiðslu fyrir að gera allskyns ómerkilega, óhugnanlega og viðjóðslega hluti. Auðvitað fór það á versta veg. Ekki hlusta á þennan þátt því hann er viðbjóður.
5/4/2023 • 31 minutes, 24 seconds
Tvífarar/Doppelgängers
Þetta er tvískiptur þáttur um tvífara. Við fjöllum um undarlegar tilviljanir í lífi fólks sem líkist mjög mikið og þjóðsagnaverurnar doppelgängers og hvaða afleiðingar það getur haft í för með sér að sjá þessar verur.
4/27/2023 • 39 minutes, 24 seconds
Bölvun
Brynhildur fjallar um nokkra hluti, listaverk og múmíu sem hvílir bölvun á. Hlustið ef þið þorið.
4/20/2023 • 28 minutes, 16 seconds
Svefndauði Hmong flóttafólksins
Elísabet kafar ofan í dularfullt mál um svefndauða Hmong flóttafólksins. Á 9. áratug síðustu aldar dó fjöldinn allur af ungum og hraustum asískum karlmönnum í svefni og fáar útskýringar voru að fá aðrar en að þeir dóu úr hjartsláttaóreglu í miklu hræðsluástandi. Við mælum með að þið hlustið á þátt nr. 2 áður en þið hlustið á þennan.
4/13/2023 • 31 minutes, 29 seconds
Tvíburar
Í þessum þætti verður fjallað um tvíbura og hverskyns furðulegheit og tilviljanir er þeim tengjast.
4/6/2023 • 57 minutes, 36 seconds
Maran
Þær skríða upp í rúm til þín, fylla þig ólýsanlegri hræðslu, angist og reyna að kæfa þig. Við könnum vísindin á bakvið svefnrofalömun og þjóðfræðina í kringum fyrirbærið ásamt því að lesa upp sögur fólks sem upplifað hafa þennan óhugnað.
3/31/2023 • 34 minutes, 22 seconds
Kynningarþáttur
Örstutt kynning á þáttunum. Heilastormur á 9 mínútum.
