احنا اتخانقنا..و سجلنا..و عملنالكوا من الخناقة حلقة حلقة مليانه دراما و كلام انجليزي كتير، و وحشتونا كالعادة

يمكن الحلقة دي تبقى متأخرة شوية عشان بقينا في نص الشهر الكريم، بس يمكن تنفعك في النص اللي فاضل او رمضان السنة اللي جاية و احنا مش بس جايين نديكوا شوية نصايح مفيدة في رمضان، احنا فعلا بنتسائل ازاي بتنظموا وقتكوا في رمضان؟؟

ممكن سن التلاتين يبقى مخيف شوية، عشان كدة هريدي بيكلمكم عليه انهاردة في تالت حلقة من سلسلة الديرتي ثيرتي، و بينضم ليه من بودكاست كوالا ساندوتش و نص نص محمد جمال الدين جيمي، اللي هيتم التلاتين كمان كام يوم، و هيتكلم على اللي عمله في التسعة و عشرين سنة اللي فاتو و عن توقعاته ايه في سن التلاتين كل سنة و انتم طيبين و رمضان كريم

مش هنقولك ان بعد الحلقة دي التوتر و القلق هيختفوا..لكن اللي نقدر نقوله فعلا ان بعد ما تسمع الحلقة هتعرف ازاي تسيطر عليهم حلقة جديدة من سلسلة اظبط نفسك مع خالد ديوان بس من غير هريدى في بودكاستكم المفضل

كوبايتين قهوة بالنسبالنا مش مجرد بودكاست، و حد بيتكلم في مايك و حد بيسمع في سماعات الموضوع اكبر من كدة بكتير، لأننا عايزين نكبر عائلة كوبايتين قهوة و عشان كدة عملنا فاعليات هتعرفوها لما تسمعوا حلقة انهاردة من بودكاستكم المفضل

قبل كوبايتين قهوة، هريدي و خالد كان عندهم برنامج على راديو ترام اسمه اظبط نفسك، اللي كانوا بيتكلموا فيه عن الصحة عامة في الحلقة دي اعادوا احيائه تاني و ابتدوا بموضوع التركيز اللي معظمنا مفتقده اليومين دول لو ركزت في حلقة هتعرف ايه هاشتاج اللي هتكتبوا على الجروب بعد ما تسمع

في حلقة انهاردة استضفنا الخلوق و الملهم محمد حطب، اللي على مدار ساعتين، حكالنا بكل اريحيه عن مشاور تعافيه من سرطان الدم (اللوكيميا)، و ازاي اسس مؤسسة "ايدينا مع بعض" الخيرية لذوي البتر و بقى طرف مهم جدا في عمل الخير

خالد و هريدي، معاهم علاء الشيخ و هاشم المصري اتجمعوا عشان يسألوا سؤالين مالهومش تالت اين ذهبت حقوق الرجل؟ و مين هو الرجل التمام اللي يستاهل هذه الحقوق؟؟ اعرفوا اجابات الأسئلة دي في حلقة انهاردة من يور فيفوريت بودكاست

في اول كروس اوفر ل٢٠٢٣، بنقدملكم حلقة تجمع بين العطارة و الرشاقة و الأكسيبرسو، عشوائية كاروهات و موضوعية كوبايتين قهوة، مع مزجهم بقوا كوبايتين كاروهات...و موضوع الحلقة يمس جيلنا اللي اتربى بالشبشب و شوية تروما حلوين..هل هنعمل كده في عيالنا؟ و هل احنا كده اتربينا ولا متربيناش؟؟ هتعرفوا ده مع هريدي و خالد و الرشيقة مي ابراهيم

كفاية بقى/كاروهات/كوالا ساندوتش/اذا اعزائي/ة مربوطة/اشتري مني/مش فمينيست قوي/نص نص/العيال نامت/في الهوا سوا، كل دول بودكاستات، مش بس مجاورة، لكن هما الأقرب للقلب بالنسبالنا و اكيد بالنسبالكوا..ممتنين انهم شرفونا في الحلقة بأصوتهم، و يشرفنا اكتر ان اسمنا يتربط بأسميهم سواء في التنافس الصداقة....خلصوا الحلقة دي و روحوا اسمعوهم

بغض النظر عن احداث ٢٠٢٢ بحلوها و مرها، و بغض النظر عن ان احنا نزلنا ٩ حلقات بس في السنة دي و ان احنا كنا هنقفل البودكاست، بس انتوا كنتوا النجم و المحفز الحقيقي لينا...كل سنة و انتم مستمعين و مستمتعين و ربنا يقدرنا نسمعكوا و نمتعكوا في ٢٠٢٣...بنحبكوا!

هو ليه خالد بيتكلم كدة؟؟ كلمة عربي و عشرة انجليزي؟؟ هو بيتعوج علينا؟؟ و ليه في ناس بتتكلم كوكتيل و فرانكو اراب؟؟ و يا ترى لغة الجيل القادم هتبقى عاملة ازاي؟؟ احنا سمعناكوا و قرينا تعليقاكوا على الموضوع ده..فا حبينا نحسم الجدل و نكلمكوا عربي فقط في حلقة انهاردة 

في حلقة انهاردة استضفنا صديقتنا الثرابيست نورين بن حليم، و دردشنا معاها ازاي و ليه دخلت المجال ده، غير ان احنا اتناقشنا كتير عن اضطرابات القلق و التوتر و جاوبنا على اسئلتكوا، عشان كلنا نوصل لمرحلة ال(calma..silencio)

قصص النجاح كلها جميلة، بس رد فعلنا من كتر ما بنسمعها الفترة دي بيبقى "يااه..اما قصة، عبرة صحيح" وش كده و عشان كدة قررنا ان احنا نشاركم قصص فشلنا اللذيذة و الممتعة في مراحل مختلفة في حياتنا و تقريبا وصلنا لسر النجاح لو عايزين تعرفوه..اسمعوا الحلقة دي من بودكاست كوبايتين قهوة

موضوع هذه الحلقة مستوحى من مشهد في مسلسل "نزوة" على شاهد (اعلان اهو)..و الموضوع كالتالي: في ظل الظروف الأقتصادية العالمية الصعبة، هل تتقبل المساعدة المادية من اي شخص قريب او بعيد؟ ولا الأعتماد على النفس هو الأختيار الوحيد؟ خالد و هريدي طقشوا في بعض و النتيجة كانت الحلقة دي

لو صاحبك بيغرق، هتيجي على نفسك و تنقذه ولا تسيبه يغرق؟؟ و لو هتنصح صاحبك الغريق ده، هتنصحه بعنف و لا تخلي عند امك شوية سنس؟؟ ده اللي خالد و هريدى هيتكلموا فيه النهارده بعد توقف البودكاست ٥ شهور

ضيفنا انهاردة هو كوري, اسما و موضوعا و هو من الناس اللي خليت شغفهم يسوقهم و يبقى مصدر رزقهم و علم يعلموه للناس   جي من خلفيه فيها مزيج لأكتر من ثقافة، مصري و امريكاني واكيد كوري عشان دي اول حاجة قولناها و عشان منرغيش كتير، عبدالرحمن جبر هو سفير سوني فيلمز الشرق الاوسط و مؤسس www.koreefilms.com www.artandcreativity.com  اعرفوه اكتر فى حلقة انهاردة الخطيرة و اه  صحيح كان معانا جيمي من كوالا ساندوش منعرفش ليه، محدش يديله اهتمام

بما ان معظمنا عدى عليه موجة عزومات رمضان العنيفة..فا اللي حس بالذنب فيكوا بعتلنا نناقش القصة دي فى حلقة انهاردة غير كده هل التشجيع على الخسسان او اي حاجة تانية لازم يبقى بطريقة عنيفة ولا بسلاسة و سهولة و بالراحة؟ كل ده و اكتر كان مع ضيفنا من البودكاست المجاور علاء الشيخ و بالمرة بنحتفل بمرور ٣ سنين على اول حلقة من البودكاست

"غطيني و صوتي ياما الدولار غلي ياما" و ده رد فعل المواطن المصري اول ما صحي على خبر التعويم و زيادة سعر الدولار الامريكي قصاد الجنية المصري.. طبعا حالة ذعر و خوف من الحالة الاقتصادية المستقبلية...و احنا فى الحلقة دي بنقولك الذعر مش هيفيدك كل ده و اكتر فى حلقة انهاردة من البودكاست

احنا رجعنا يا جماعة! و صدفت ان زي النهاردة من سنتين هريدى نزل حلقة "الديرتي ثيري" لوحده احتفالا بعيد ميلاده التلاتين، بس حلقة انهاردة احنا بنحتفل بالتلاتينات عامة مع رجوع بودكاستكم المفضل دائما و ابدا بعد توقف تسع شهور.. كوبايتين قهوة..يلا بينا

مين هو اكرم السبكي؟ و مين كوتش ك؟ و ازاي ده بقى ده؟ و مين احمد مرعي؟ طب نعمل  ايه عشان نبتدي نتمرن و نروح الجيم؟؟ كل دي اسئلة هيجاوب عليها ضيف حلقتنا انهاردة

حلقة انهاردة  مع مازن يس "just a go proer" مع ان المفروض كانت تبقى حلقة خفيفة للترحيب بمازن فى عالم البودكاست..لكنها تحولت لحلقة من اتقل حلقاتنا, لما  تعمقنا اكتر و سمعنا قصة من امتع القصص عن الشغف الممكن نسمعها, لدرجة ان احنا مكناش عايزنها تخلص خلصوا الحلقة و اطلعوا بعديها على طول على بودكاست مازن يس على كل المنصات

وحشتونا بعد فترة الانقطاع الفاتت ديه.. بس للاسف كانت فترة صعبة علينا ان حتى يبقى لينا نفس ان احنا نعمل حلقة خلال الاحداث الكانت بتحصل فى القدس و غزة و دي وجهه نظرنا المتواضعة،كلام شارع على القهوة،و تعليقنا على الاحداث و اخر الحلقة محتاجين ايدكوا معانا #savesheikhjarrah #savesilwan

فى حلقة انهاردة هريدي و خالد شربوا قهوة مع رولا امبابي, صاحبة قناة "رولاز دياري" على يوتيوب, المن خلالها بساعد الناس العندهم ارق او بيعانوا من التوتر انهم يناموا عن طريق حاجة اسمها "اي اس ام ار"..فا ايه هو  ده؟ و يتعمل ازاي؟ و يتسمع فين؟؟ كل ده و اكتر فى حلقة انهاردة من البودكاست

هريدي الفترة حاسس بشوية ضغط نفسي و شايف ان قفل فيسبوك و انستاجرام بتوعه هو شكل من اشكال الديتوكس..ولا هل ده هروب؟ و بيجاوب على السؤال ده خالد و بيشرح ايه هو الديتوكس الحقيقى نفسيا و جسديا كل ده و اكتر فى حلقة انهاردة من البودكاست

حلقة انهاردة اول و ان شاء الله مش اخر حلقة كروس اوفر ما بين بودكاستوكوا المفضل دائما "كوبايتين قهوة" و بودكاستكوا المفضل الجديد "كفاية بقى" بقى و الصراحة مش عارفين ايه المميز فى حلقة انهاردة عشان عملنهالكوا قبل كدة كتير..علاء الشيخ تقريبا اكتر واحد طلع فى كوبايتين قهوة بعد خالد و هريدى..بس حبينا نطلع القطط الفطسانة فى بعض نقول لبعض كفاية بقى على شوية حاجات كدة

فى حلقة الاسبوع ده شربنا قهوة مع صديقنا اللدود من كوالا ساندوتش دكتور محمد فاروق، و صديقنا الجديد دكتور اشرف بخيت مؤسس "او سيفن ثرابي" ، واحدة من انجح منصات العلاج النفسي اونلاين اتكلمنا كلام كتير عن الصحة النفسية و اهميتها، فا ادخلوا عالحلقة عشان تسمعوه

فى حلقة انهاردة بنوجه رسالة لكل حد مش شايف نفسه كفاية, او كافي لمواجهة الحياة بحلوها و مرها و مشاكلها و قرفها و بنقوله/بنقولها ان انتوا كفاية غير كده بندي شوية افكار لعلاء الشيخ على مواضيع ممكن يقول عليها كفاية بقى فى البودكاست بتاعه الاسمه كفاية بقى

فى حلقة انهاردة من البودكاست استضفنا صديقنا كريم ياسر فى قعدة مطولة، و اتكلمنا معاه فيها عن مواضيع كتير جدا، اهمهم انك ازاي تبقى ضد القابليه للكسر.. حضروا كوباية قهوة كبيرة و تعالوا اقعدوا معانا

!!بالرغم انهم ملتصقون, بس خالد وهريدى شخصيتهم مختلفة, واحد انطوائي و التاني فاتحها عالبحري يا تري انهو شخصية احسن فى التعامل مع المجتمع؟ و ازاي نوازن بين الشخصيتين؟

هريدى نقل القاهرة و عمل شيفت كارير..و خالد عايش بس عشان يشتغل يا ترى البودكاست هيكمل ازاي؟؟ ده الهتعرفوه فى حلقة انهاردة من بودكاستكم المفضل دائما..#كوبايتين_قهوة

بعد ما هريدي عمل حلقة مع اخوه محمود بطل مصر فى السنوكر، خالد قال اشمعني وجاب اخوه عمرو ديوان، واحد من احسن فنانين الجرافيتي فى مصر اذا مكانش افضلهم اسمعوا مشواره الفني فى حلقة انهارده

سألنا ٣ أسئلة فى حلقة انهارده، لو أنت ما كنتش أنت، كنت أنت حتبقى ايه؟ ومين؟ وهل أنت راضي عن الشخص اللي أنت هو دلوقتي؟ هتعرفوا إجابات الأسئلة دي فى حلقة مليانة قلش وعشوائية وغوغائية مع حبايبنا علاء الشيخ وهاشم المصري

فى حلقة انهارده لخصنالكوا حلقة حلقة من الـ٣٠ حلقة اللي عملناهم فى ٢٠٢٠.. لكن قبل ما نعمل كده يا ترى كانت ايه الاحداث الاتسلط عليها الضوء فى حياة خالد وهريدى؟؟

بما انها حلقة اخر السنة..و احنا خلاص فيصنا من ٢٠٢٠، فا طلبنا من زمايلنا و حبايبنا على بوديو انهم يعملوا الحلقة دي بدالنا...كل سنة و هما و انتوا طيبين و ٢٠٢١ تبقى ارحم شوية

تخيلوا لو "كوبايتين قهوة" من غير خالد ديوان؟ أو "أبيض وأسود" من غير أحمد حسن؟ فى حلقة انهاردة حققنالكوا الخيالات ديه ودمجنا البودكاستين عشان نطلعلكوا حلقة من الضحك المبرح. بنقدملكوا "كوبايتين اسود" مع أحمد الهريدى وبدر نور

قبل ما نسجل الحلقة جالنا خبر وفاة الروائي العظيم د/نبيل فاروق رحمه الله، الخلى جيل كامل يتعلق بمصر و نمى عنده حب الوطن من خلال سلسلة رجل المستحيل و غيرها من القصص و الروايات، بندعيله بالرحمه و المغفرة و ربنا يجازيه عننا خير بقدر ما خلانا نقرا.... و سألنا بعض "لو قصة حياتك اتحولت رواية، هتبقى عامله ازاي" اجابة السؤال ده و اكتر فى حلقة انهاردة من البودكاست

صراع الأهلي و الزمالك صراع أبدي، وهو أمتع الصراعات فى الكرة المصرية. يا تري ازاي ابتدي حب جمهور الفريقين لنواديهم؟ وامتي يبقى الصراع بره الملعب بين الجماهير لذيذ ومقبول وامتى بيزيد عن الحد لدرجة الكره والتعصب والعنصرية؟ كل ده هنناقشه وأكتر فى واحدة من ألذ حلقاتنا

شكراً جدا لكل الناس اللي بعتتلنا محاولتها للبودكاست، منهم البنفس طريقة كوبايتين قهوة ومنهم اللي فكرته جديدة ويا ريت تفضلوا تبعتولنا عشان ان شاء الله حنثبت حلقة انتوا تعملوها بنفسكوا، ما هو مش حنفضل نعملكوا القهوة وانتوا تشربوها عالجاهز على طول 😂

وما زالت معاناة هريدى مستمرة إن خالد مش متاح للبودكاست ومش لاقيله بديل، بس الحل عندكوا انتوا، وده اللي هتسمعوا فى البودكاست انهارده

رجعنالكوا تانى بعد ما فوتنا الأسبوع الفات من غير حلقة... وعشان ظروف قهرية خالد بيضرب كرسي فى الكلوب وميطلعش الحلقة دي، فا هريدى يتصرف ويجبلكوا أخوه الصغير اللي صادف إنه يكون بطل مصر والعرب فى رياضة السنوكر

احنا فى كوبايتين قهوة مبنحبش نمشي أو نتكلم على تريندز أو خناقات وما أكترها اليومين دول.. بس استوقفتنا ظاهرة ومش حتتكرر غير بعد كتير قوي ممكن تلخص كل حاجة احنا عايزين نقولها فى حلقة انهاردة، وهو بطل اليو اف سي خبيب نورماجوميدوف

فى حلقة انهارده حقيقى ملقناش حاجة نقولها، كنا هنننزل حلقة قديمة ومنزلنهاش، بصينا بصه على بوديو، ومن الاخر عايزينكوا تيجوا تشربوا معانا قهوة.. ازاي؟ هتعرفوا لما تسمعوا الحلقة كلها

فى حلقة الأسبوع ده من البودكاست كريم بركات بياخد هريدى وخالد فى رحلة، من مصر لكندا لمصر تاني، ومن هندسة طيران لمحل صغير صاحبته عجوزة اسمها هيلين لنهاية المطاف  "the apothecary egypt" حضر لنفسك كوباية قهوة وانضم معانا فى الرحلة

فى حلقة انهاردة مكناش مجرد بودكاست وبس، لكن كنا بمثابة ملاذ أمن لأي راجل متجوز عايز يتنفس سيكا، ويهرب من الواقع ويطلع كده شوية حاجات جواه، اللي هتسمعوها من خلال ضيوفنا من اللوران جانج علاء الشيخ، هاشم المصرى أحمد مصباح، اللي بينضموا لخالد فى حسد هريدي على سنجلته وحياة العزاب الهلهي بتاعته

من ٢٠٠٥ و هما لازقين فى بعض، مش مفهوم ده حصل ازاي و فين وامتي، بس اهو حصل، واترتب على التجميه ده حاجات غيرت العالم بجد... زي المواطن المصرى، ذا كوميدي بانش وبودكاست كوبايتين قهوة اسمعوا فى حلقة انهاردة خالد وهريدي وعلاء الشيخ بيستعيدوا ذكريات ال١٥ سنة الفاتوا و بيغيروا موضوع الحلقة تماما زي ما غيروا العالم كده بظبط

حلقة انهاردة مع موهبة فذة وظاهرة صعبة التكرار، فنان حقيقى قدر انه يثبت نفسه فى مجاله ويتميز فيه.. حنتكلم انهاردة عن مشواره من اسكندرية لنيويورك لكاليفورنيا، من مصمم اعلانات لرسام فى  Dreamworks و Warner Brothers ضيفنا هو الفنان المصري أحمد جمال عبد الغني، عيبه الوحيد انه اخو جيمي مقدم كوالا ساندويتش بودكاست

فى حياة عالكواكب التانية؟ كائنات فضائية بتزور الارض؟ طب هما بيتجوزوا ازاي؟ بيعملوا افراح زينا؟؟ هل خالد و هريدي كانوا شاربين حاجة غير القهوة فى الحلقة دي؟ كل ده هتعرفوه فى حلقة انهاردة من كوبايتين قهوة

علاء الشيخ خطف خالد الاسبوع ده و طلعوا اجازة من غير هريدى... بس ده ميمنعش ان احمد حسن يبقى ضيفنا الاسبوع ده و يكلمنا عن موضوع ممكن يفيد او يدمر البشرية كلها!!! و يا ترى ايلون ماسك طيب ولا شرير؟ و لو هريدى معاه ثروته هيعمل بيها ايه؟ كل ده هتعرفوه فى حلقة انهاردة

بعد توقف ٣ شهور، بودكاست كوبايتين قهوة رجعلكوا تانى وان شاء بدون توقف..ادعولنا 😁 و بنتكلم فى حلقة انهاردة عن طريقة الكلام والنقاش ما بينا عامة كا جيل سواء على السوشال ميديا او فى الحقيقة على الترندات والخلافات الكتير قوي العدت علينا الفترة الفاتت.. هل نعرف نرجع نتكلم مع بعض بطريقة عليها القيمة تاني ولا لا؟

من الأمراض المصاحبة لجائحة الكورونا هو مرض الأرق ولخبطة النوم واليوم المقلوب المعظمنا بيعانى منه، وفى الحلقة دى هريدى بيمثل اللي بيعانوا البينام ٨ الصبح ويصحى ٨ بليل وخالد بيطرح شوية حلول يمكن نقدر نساعد فى حل المشكلة دي

بعد ما كوكب الارض بكل أعراقه وجنسياته وأديانه اجتمعوا ضد عدو واحد للبشرية، اللي هو مرض الكورونا، مازلت العنصرية هى أبشع الأمراض اللي بتصيب الإنسان وفى الحلقة دي هريدى وخالد بيتسألوا، عنصرية ليه؟؟

حلقة انهارده حلقة متميزة جدا، هيكون مع هريدى اتنين من أقوي الستاند اب كوميديانز المصريين، وهما محمد حلمي ووليد المغازي، واللي هيناقشوا ثقافة الـdissing and roasting حلقة مليانة ضحك كتير جدا متتفوتش

الحلقة دي اتسجلت ما قبل الحظر، عشان كده متسجلة فى المقر بتاعنا عادي و فى الحلقة دي، خالد اتكلم مع ضيف حلقتنا انهاردة محمود سري الدين عن قناته رييد تيوب الفيها بينزل مراجعته لكتب كتير جدا!! و طبعا عشان خالد مدمن قراية فا الحلقة دي جاتله على الطبطاب

فى الحلقة دي هاشم المصري وعلاء الشيخ بينضموا لخالد و هريدى...شوية عشوئة رمضانية كلامية لذيذة حتبسطكوا

طبعا الفترة دي احنا ما زلنا فى الظروف الاستثنائية اللي حطاها علينا الكورونا، مش بس كده لا كمان فى رمضان الحلقة دي هنتكلم ازاي حنرجع الروح الرمضانية اللي مفتقدنها السنة دي

كل سنة و انتم طيبن رمضان على الابواب، و يهل هلاله علينا بالبركة و الخير عشان كده ملقيناش احسن من اخونا الكبير د/كريم صلاح عشان نتكلم معاه عن مشروع "رمضان تو جو" الخيري البقاله ٢١ سنة لامم شباب كتير على العمل الخيري التطوعي لتوزيع وجبات افطار رمضان و اكياس الخير And again Ramadan approachs, with its blessings and good deeds Thats why we couldnt find anyone better than our big brother Dr/Karim Salah to talk about Ramadan to go project, the 20 year old charity event that has gathered so many people on voluntary charity work of distributing iftar meals and charity bags

بعد ما اتجاب سيرته كتير فى الحلقة السابقة "كلام فلان مع سلمي ماهر" جاتلنا اسئلة كتير زي "ايوه مين ده يعنى/عبارة عنه ايه"، فا احمد الهريدي و احمد عصام السيد بيردوا على كل الاسئلة دي و اكتر فى اولى (و ان شاء الله مش اخر) حلقات "كوبايتين احمد"، الفيها الاحمدين بيتكلموا عن السينما و الكوميديا و التنمر و كل حاجة و اي حاجة..... After he was mentioned in the previous episode "kalam folan with salma maher" we had alot of questions asking "who/what is he". So Ahmed El Hareedy and Ahmed Essam El Sayed are answering all these questions in the first (hopefully not the last) episode of "Kobayten Ahmed" in which the two Ahmeds talk about Cinema, Comedy, Bullying and everything else

بينضملنا الحلقة دي ضيفتنا وصديقتنا سلمى ماهر، صاحبة فكرة "كلام فلان"، وهى مجموعة من المشاهد اللي بيكتب السيناريو والحوار بتاعها المشاهدين نفسهم، و بتحكيلنا عن بداية مشوار التمثيل وإزاي جاتلها الفكرة Joins us this episode our friend and guest Salma Maher, whose original idea is "kalam folan", which is a series of scenes written by the audiences themselves.. She tells us about her origin story and how she came up with the idea

سنة كاملة من كوبايتين قهوة، ٣٣ حلقة، ٢٢ منهم على بوديو هريدي، خالد، هاشم و علاء بيسجلولكوا الحلقة دي و كل واحد فى بيته و بيشاركوا معاكم كل واحد مقضيها ازاي فى الكوارنتين اسمعونا وانتوا قاعدين فى بيوتكوا و خليكوا امنين ❤ A whole year of kobayten ahwa, 33 episodes, 22 of them on Podu. Hareedy, Khaled, Hashem and Alaa are recording this episode from their homes, and they're sharing what are they doing in this time of quarantine Be safe and listen to this episode from your home ❤

فى الظروف الاستثنائية البيمر بيها العالم هريدى قعد فى بيته وباع خالد ومارحش يسجل معاه حلقة انهارده، اللي هيديكوا فيها أهم نصايح عن تعزيز المناعة ضد فيروس الكورونا ربنا يحفظنا و يحفظكوا، انتوا بس اقعدوا فى البيت In these exceptional circumstances the world is going through, Hareedy decides to stay home, and lets khaled record this episode by himself, in which he gives you important advice on how to prepare you immunity system to face the corona virus God protects us all, be safe and stay home

هريدى ودع العشرينات ودخل التلاتينات.. بس شكله دخلها برجليه الشمال... حلقة ميكروفون وقلب مفتوح من غير خالد Hareedy said goodbye to his twenties and entered his thirties, probably with the wrong foot.. An open mic and heart episode without Khaled

خالد وهريدى أخيراً رجعوا بعد غيبة شهرين... وفى الحلقة دي حيعملوا كده مراجعة سريعة على كل الفات

انهاردة حلقة خالد..اسفين دكتور خالد ديوان لوحده، وحيتكلم انهاردة عن أهم ٤ عادات صحية نبتدي بيها ٢٠٢٠

فى حلقة الأسبوع ده كوبايات قهوة كتير مش كوبايتين بس!! لكن الأدوار اتقلبت انهاردة انتوا اللي عملتوا البودكاست واحنا المستمعين!! شكرا لكل اللي بعتلنا ويا رب كل أمنياتكوا للسنة الجديدة تتحقق ويجيلكوا أكتر من اللي تطلبوه On this week's episode it alot of coffee cups not just two!! But the roles have turned today, you made the episode and we're only listeners Thanks to everyone who sent us their new year's resolution and we hope you even get more than what you wish for

هريدي كالعادة اتزنق فى الوقت عشان فرق التوقيت ما بين امريكا و مصر و قعد يحشي اي كلام عشان يكون فى حلقة اصلا!! لكن الغرض الاساسى ان احنا نعلن ان الحلقة الجاية عليكوا...انتوا الحتعملوها بصوتكوا، هنجمع امنياتكوا للسنة الجديدة و نحطها في حلقة واحدة..انتوا الهتعملوا الحلقة!! Hareedy as usual got stuck because of the time difference between Egypt and US and just filled this episode with jubirish so there would be an episode.. But the main reason for todays podcast is to announce that you are going to do the next episode with your voice!!! Send us your new year's resolution and Christmas wishes and we will put them together..YOU WILL DO THE NEXT EPISODE

- فى حلقة الأسبوع ده بينضم لخالد صديقنا وضيفنا الدائم علاء الشيخ عشان يتكلموا عن قرارات العام الجديد، تطلعات وأحلام و نتجنب ايه فى ٢٠٢٠ In this week's episode khaled is joined by our best friend and constant guest Alaa El-Sheikh to talk about and share their new year's resolution, hopes, dreams and what to avoid in 2020.

- الأسبوع ده هريدى جايه معاه جرعة حنين للوطن وجو اسماعيل البلبيسي وأغنية "الغربة" فى تانى جزء من أجزاء هريدى فى الدولة الأمريكية و بسأل المستمعين، تقعد فى بلدك ولا تفضل الغربة؟ This week Hareedy is a little bit homesick and misses his family and friends and he talks all about it in the second episode of (Hareedy in the States) series And he asks would you rather stay in your home country with family and loved ones or live abroad alone?

- انهاردة خالد بيكلمكم من المطبخ وهو بيغسل المواعين، احنا منعرفش هو عمل ليه كده بس قشطة صباح الفل بس كلام انهارده طالع من القلب، وهو عن مشكلة مع خالد من صغره وهي التوتر أو القلق المرضي Today khaled speaks to you from the kitchen as he is doing the dishes, no one know why he did it, but meh.. But today's talk is coming straight from the heart as khaled speaks about his suffering from anxiety from a very young age.

خالد لبس هريدي إنهم يعملوا حلقاتهم أسبوع وأسبوع، والأسبوع ده هريدى بيتكلم على ملخص أول اسبوعين ليه فى أمريكا فى أول جزء من أجزاء هريدى فى الدولة الأمريكية So khaled pushed hareedy into doing an episode every two weeks, and this week hareedy summarizes his stay in the US in the first of (Hareedy in the States) series

هريدى مش موجود في مصر، و ساب خالد مع مكان فاضى فالبودكاست، بس الملاه الأسبوع ده احسن واحد يتكلم على الكوميديا السوداء/المظلمة، واحد من مؤسسين "ذا كوميدي بانش"، الفنان الراحل محمد جمال الدين جيمى Hareedy is not in Egypt, and left khaled without a co-host on the podcast, but his spot was filled this week by the best person to talk about dark comedy, one of the founding members of "The Comedy Bunch", the late Mohamed Gamal ElDin Jimmy

فى الحلقة دي كانت موجودة كوباية قهوة واحدة بس، هريدى سجل من غير خالد!! وبيقول ليه متعملش حلقة السبوع الفات وبيحط مصير البودكاست بين ايديكوا On this episode there was only one cup of coffee, Hareedy recorded without khaled!! And he clarifies why there wasn't and episode last week and places the fate of the podcast IN YOUR HANDS

فى الحلقة دي كنا أربع كوبايات قهوة مش كوبايتين بس،عشان انضملنا أصدقائنا "هاشم المصري" وضيفنا الدائم "علاء الشيخ" اللي بيناقشوا معانا أربع وجهات نظر مختلفة عن ازاي حياتنا بتختلف بعد الخلفة On this episode, we were four cups of coffee not just two, as our friends "Hashem El Masri" and our constant guest "Alaa El Sheikh" joined us to discuss four different point of views on how life changes after having a baby.

فى الحلقة دي شربنا قهوة مع "مها علواني" ، العدت بصعوبات كتيرة لكن طموحاتها كانت اكتر و اكبر منها..اسمعوا قصتها و مش هنحرقلكوا اكتر من كده On this episode, we had a cup of coffee with the inspiring "Maha Elwany" who went through many hardships, but her ambitions were even greater than any of them..listen to her story, we wont spoil any of it for you

فى الحلقة دي مشينا ورا مقولة كل نفسك قبل ما حد تاني ياكلك وقعدنا ننتقد البودكاست بتاعنا فى كذا نقطة..يا تري كان عندنا حق؟ هل ممكن يبقى احسن من كده؟ و ازاي تبتدي بودكاست اصلا كل ده وأكتر في حلقة انهاردة! On this episode, we followed the saying of "eat yourself before somebody else eats you" so we sat down and criticized our own podcast in various points..and we wonder if we're right? can it get better? and do you even start a podcast all that and more in today's episode

فى الحلقة دي بنشرب قهوة مع صديقتنا ساندرا الصباغ اللى بتحكيلنا عن مسيرتها من فنون جميلة لدراستها لعلم النفس و ازاي قدرت تدمج الاتنين فى مهنتها الجديدة, و هي العلاج النفسي بالفن On this episode, we have coffee with our dear friend Sandra ElSabbagh, who tells us about her journey from graduating fine arts school to studying psychology and merging both into her new profession, Art Therapy!!

فى الحلقة دي بنتناقش فى نقط بسيطة جدا عن الستاند اب كوميدي (الحيكون عنه حلقة لوحده), و بنعلن عن حفلة ستاند كوميدي خيرية..اسمعوا عشان تعرفوا تفاصيل اكتر On this episode, we discuss very brief points on stand up comedy (which will be a topic of a stand alone episode), and we announce and market for a stand up comedy night for charity..give it a listen for all the details

بينضملنا الحلقة ديه ضيفنا الدائم و صديقنا الصدوق علاء الشيخ, و اضح انه شايل شويه من مدربين التنمية البشرية... يا ترى هل احنا فعلا محتاجينهم ولا لا؟؟ On this episode, our best friend and constant guest join us for a third cup of coffee, but he seems to be carrying a little bit of rage towards life coaches and motivational speakers we wonder if we really do need them or not??

بعد تفكير عميق لأكتر من خمس ساعات عن اإيه الموضوع العشوائي بتاع حلقة النهاردة سألنا...هم أهالينا فعلاً عارفين مصلحتنا أكتر مننا؟؟ After 5 hours of deep thinking about the random subject of today's episode, we asked...do our parents really know whats good for us more than we do??

و خالد بيحضر لتسجيل حلقة جديدة من البودكاست، هريدي بيخش عليه بقصة نجاته من تجربة قريبة من الموت و بيطرح عليه سؤال وجودي!! as Khaled is preparing to record another episode of the podcast, Hareedy comes at him with a near death experience story and an existential question!!

فى حلقتنا الاولى على بوديو، قعدنا نتسائل ليه بنشهر من لا يستحق الشهرة؟ On our first episode on podU, we wonder why do we make stupid people famous