Viðmælandi þáttarins er Kolbrún Hrund Sigurgeirsdóttir. Hún er verkefnastýra jafnréttisskóla Reykjavíkur, en hann sér um allt sem snýr að jafnréttis- og kynheilbrigðismálum í skólum í skólum og frístundarstarfi Reykjavíkurborgar. Kolbrún stýrir einnig þverfaglegu ráðgjafateymi Reykjavíkurborgar sem styður við starfsstaði þegar upp koma ofbeldismál og þá sérstaklega sem tengjast óæskilegri kynhegðun og kynferðisofbeldi í skóla- og frístundastarfi.Kolbrún nefnir í þættinum mímörg dæmi um þann harða raunveruleika sem blasa við ungmennum í dag.

Í þessum þætti fer Bent yfir ákveðna aðferðarfræði við framkvæmd verkefna eða daglegra athafna sem má kallast GETMO, en það er skammstöfun á Good Enough To Move On. Þeir sem þekkja fullkomnunaráráttu að einhverju leyti vita hversu hamlandi það fyrirbæri er. GETMO hefur verið fín lausn fyrir marga og endilega kíktu á það!

Kvef er einn algengasti kvillinn sem herjar á okkur mannfólkið. Það eru þekktar yfir 200 tegundir veira sem orsaka kvef hjá okkur mannfólkinu. Algengt er að börn fái kvef 6-10x á ári og að meðaltali fá fullorðnir kvef um 4x á ári. Kvef læknast yfirleitt af sjálfu sér og þurfum við að gefa ónæmiskerfinu tækifæri á að kljást við veiruna.

Hrefna Óskarsdóttir iðjuþjálfi á Reykjalundi er gestur okkar í þessum þætti. Í þættinum bendir Hrefna á mikilvægi þess að hafa gaman og að leika sér, rannsóknir sýna fram á það vísindalega að það hafi góð áhrif á líðan og heilsu. Hrefna bendir einnig á að of lítill tími aflögu geti haft slæm áhrif á lífsgæði okkar en vegna þess að það er mikilvægt fyrir okkur að hafa eitthvað fyrir stafni þá geti það haft jafn slæm áhrif að hafa of mikinn tíma - sérstaklega þegar okkur skortir tilgang. Að hafa tilgang, leika sér og hafa gaman er meginefni þáttarins.Styrktaraðili þáttarins er RB rúm, rbrum.is

Í þessum þætti skoðum förum við yfir helstu flokka vítamína, þeas C og B vítamín annarsvegar og hinsvegar A, D, E og K vítamín. Við förum stuttlega yfir í hvaða fæðu þessi vítamín eru og hvernig skortseinkenni lýsa sér.

Heiðrún María er gestur okkar í dag. Í þættinum ræða þau Bent og Heiðrún María m.a. töfra þess að njóta náttúrunnar, vatnsins, kuldans og ná stjórn á eigin hugsunum og líkama. Einnig ræða þau seiglu, viðbrögð okkar, taugakerfið og margt annað spennandi og skemmtilegt.Styrktaraðili er RB rúm, rbrum.is

Einar Valur Sceving tónlistarmaður er gestur okkar að þessu sinni. Bent Marinósson og Einar eiga hér stutt spjall milli kennslustunda hjá Einari og ræða þar m.a. upprunann, stiklað á stóru um tónlistarferilinn og ræða mikilvægi betra lífs - án áfengis, að hlusta meira á innsæið og trúa því og treysta.Styrktaraðilli þáttarins er RB rúm, rbrum.is

Í þessum þætti skoðum við ýmis vandamál sem eru við áramótaheit, eða önnur markmið, hvernig við getum mögulega skoðað markmiðin okkar í öðru ljósi og þ.a.l. náð betri árangri.

Í þessum þætti ræða Arnór Bjarki Blomsterberg, Nói, og Bent um reynslu sína af einelti. Annarsvegar segir Nói frá sinni hlið af einelti sem gerandi, þroskaferli, iðrun og leiðina að fyrirgefningu. Hinsvegar segir Bent frá sinni hlið af einelti sem þolandi og upplifun barns í slíkum aðstæðum. Og saman skiptast þeir á skoðunum og ræða þessi mál vítt og breitt.Styrktaraðilli þáttarins er RB rúm, rbrum.is

Taugakerfið er magnað fyrirbæri og mætti almenn þekking á því sannarlega meiri því með því að skilja hvað taugakerfið er að segja okkur getur okkur liðið betur og fundið leiðir til betri heilsu, andlegrar og líkamlegrar. Í dag ætlum við að skoða taugakerfið og þá tvo meginhluta þess, sympatíska taugakerfið og parasympatíska taugakerfið og hvernig þau vinna saman. Við förum m.a. hvernig sympatíska taugakerfið og "flótta- og árásarviðbragð" (oft þekkt sem "fight og flight" viðbragð) virka saman og hvað við getum mögulega gert til að hafa smá áhrif á viðbrögð okkar gegn streitu og álagi.Styrktaraðili þáttarins er RB rúm, rbrum.is

Gestur okkar að þessu sinni er Hrefna Sylvía Sigurgeirsdóttir kírópraktor. Hrefna Sylvía sérhæfir sig í ákveðinni tækni innan kírópraktík sem nefnis Cox tækni, en það er mýkri meðferð og er ólík þeim hnykkingum sem fólk kannast mögulega við.Í þessum þætti ræða Hrefna Sylvía og Bent um Brjósklos, hvað er brjósklos og hvað er hægt að gera við því ? Styrktaraðilli þáttarins er RB Rúm - rbrum.is

Í dag lítum við á 80/20 regluna, eða Pareto lögmálið. Vilfredo de Pareto var ítalskur félags- og hagfræðingur sem tók eftir því að 80% af tekjum þjóðarinnar væri í höndum 20% þeirra, 20% af ávaxtatrjánum í garðinum sínum skilaði 80% uppskerunni ofl. Þetta lögmál getum við nýtt okkur í nánast öllu sem við erum að gera, hvort sem það er í leik eða starfi.Markmiðið er að finna þau 20% verkefna sem skila sem mestum árangri, 80%. Þó reglan sé kölluð 80/20, þá eru þær tölur ekki eitthvað sem meitlað er í stein heldur frekar eitthvað til að miða við.Þátturinn er styrktur af RB rúm, rbrum.is

Leifur Dam Leifsson er gestur þáttarins að þessu sinni. Umræðuefni þáttarins er skíðaiðkun og skíðabúnaður. Bent Marinósson ræðir hér við Leif um allt milli himins og jarðar sem snýr að skíðum og skíðaiðkun. Leifur er útivistarmaður mikill og ævintýramaður i húð og hár. Hann er einn af eigendum GG sport útivistarverslunar og er þekkir vel til skíðaiðkunar og skíðabúnaðar.Styrkaraðili þáttarins er RB rúm, rbrum.is

Í þessum þætti fjallar Bent Marinósson um Pomodoro tímaskipulagningatæknina. Pomodoro dregur nafn sitt af timer í formi tómats sem höfundur kerfisins, Francesco Cirillo, notaði til að hjálpa sér í námi. Hann sat við lærdóm í 25 mínútna lotum og notaði þennan timer til að fylgjast með því og tók svo tímasettar pásur inn á milli.Styrktaraðilli þáttarins er RB rúm, rbrum.is

Eggert Eyjólfsson bráðalæknir er gestur okkar að þessu sinni. Eggert sagði upp á bráðamóttöku Landspítalans í haust og lauk sinni síðustu vakt fyrir áramót. Hann hefur verið áberandi í fjölmiðlum undanfarið þar sem hann hefur lýst óboðlegum starfsaðstæðum og stjórnvöld skeyta engu um margítrekaðar beiðnir um auknar fjárveitingar. Hann telur öryggi sjúklinga og heilsu starfsfólks ógnað.Eiginkona Eggerts er hjúkrunarfræðingur og starfaði einnig á bráðamóttökunni. Hún sagði upp störfum síðastliðið vor, af sömu ástæðum og Eggert.Í þessum þætti setjast þeir Eggert og Bent niður og ræða störf bráðalæknis, hjúkrunarfræðinga, bráðamóttökuna og í raun heilbrigðiskerfið í víðu samhengi og hvað mætti betur fara.Styrktaraðilli þáttarins er RB Rúm, rbrum.is

Nú í upphafi árs er fólk að hrúgast inn á líkamsræktarstöðvar landsins og oft veit fólk ekki hvar það á að byrja, hvernig tækin virka, hvaða lóð á að nota og þá hvernig. Sumir fara þá leið að herma eftir öðrum og það getur bókstaflega verið slæmt. Það er að mörgu að hyggja við uppbyggingu æfingaáætlana og mikilvægt að taka þau atriði með í dæmið.Ég vil mæla sterklega gegn því að nota æfingaprógram sem hefur verið útbúið fyrir annan. Það eru atriði eins og meðslasaga, stoðkerfisvandamál ofl. sem skipta hér miklu máli við gerð æfingaáætlana. Það er því gott að leita til fagfólks til að hjálpa sér að komast af stað. En í þessum þætti förum við yfir nokkur mikilvæg atriði sem ber að hafa í huga verið gerð æfingaáætlana.Styrktaraðilli þáttarins er RB rúm - rbrum.is

Héðinn Unnsteinsson hlaut nýverið Fálkaorðuna fyrir störf í þágu geðheilbrigðismála. Héðinn er stefnumótunarsérfræðingur og rithöfundur; fyrir störf í þágu geðheilbrigðismála. Við Héðinn förum hér um víðan völl, vonandi hefur þú gagn og gaman af.Styrktaraðili þáttarins er RB rúm, rbrum.is

Áramótin marka tímamót hjá mörgum, fólk setur sér markmið hægri vinstri. Því miður virðast margir brotlenda í sínu markmiðaflugi, mögulega er fólk að setja sér of háleit eða óraunhæf markmið. Hér förum við yfir eitt model markmiðasetningar, en það kallast SMART. Í þessum þætti skoðum við hvernig við getum notað SMART aðferðina til að setja okkur raunhæf markmið, sem um leið eykur líkurnar á að við náum þeim.SMART stendur fyrir:SkýrtMælanlegtAðgerðarbundiðRaunhæftTímasett

Það er gamlársdagur 2022, árið senn á enda og tilvalið að líta aðeins um öxl en um leið að horfa fram á veginn og skoða hvaða stefnu maður vill taka. Það er misjafnt hvort fólk strengi áramótaheit eða ekki og þá einnig líka hverskonar heit eru strengd. Margir detta í þá gildru að setja sér of háleit eða óraunhæf markmið og gætu eflaust grætt á því að stilla því aðeins í hóf.Í þessum þætti er farið yfir nokkur atriði varðandi áramótaheit og mikilvægi þess að setja sér hófleg markmið, en umfram allt að njóta ferðalagsins sem nýtt ár býður upp á.Gleðilegt nýtt ár!

Heyrnin er eitt af okkar mikilvægasta. Það er svo auðvelt fyrir okkur að verða fyrir varanlegum heyrnarskaða ef við pössum okkur ekki. Hér förum við yfir nokkur praktísk atriði hvað varðar heyrnina.

Ofbeldi teygir sig víða og hefur margvíslega birtingamyndir, ofbeldi í nánu sambandi er oft mjög lúmskt og getur læðist aftan að fólki jafnvel þannig að það átti sig ekki á því. Við tölum um algengar tegundir ofbeldis, svo sem líkamlegt, andlegt, kynferðislegt- , fjárhagslegt og stafrænt ofbeldi. Gestur okkur að þessu sinni er Hrönn Stefánsdóttir hjúkrunarfræðingur en hún var verkefnastjóri neyðarmóttöku Landspítalans fyrir þolendur kynferðis- og heimilisofbeldis frá árinu 2016 til síðustu áramóta. Ofbeldi er grafalvarlegur hlutur og er aldrei í lagi. Í þættinum ræðum við marga anga ofbeldis og Hrönn bendir á ýmiss úrræði í boði fyrir bæði þolendur og gerendur ofbeldis. Mikilvægast af öllu er það ef þú telur öryggi þínu ógnað á einhvern hátt þá er Neyðarlínan, 112, alltaf til staðar fyrir þig. Önnur úrræði sem nefnd eru í þættinum eru til dæmis Bjarkahlíð í Reykjavík og Bjarmahlíð á Akureyri, verkefnin „Heimilisfriður“ og „Taktu skrefið“. Einnig viljum við minna á Kvennaathvarfið, Stígamót og vinalínu Rauðakraossins. Í þættinum minnir Hrönn okkur á að það sé von! Það er alltaf von. Það er mikilvægt að umvefja sig fólki sem maður treystir. Stundum þurfum við einhvern traustan utanaðkomandi eðila eða vin til að leiðrétta kompásinn okkar, því það getur margt komið upp á í lífinu eða sambandi sem skekkir sýn okkar á eigin aðstæður.— Okkur þætti vænt um ef þú myndir láta aðra vita af þáttunum okkar og myndir fylgja okkur á samfélagsmiðlum. Þú finnur okkur sem “heilsumal” á Facebook og Instagram.

Gestur okkar að þessu sinni er Hrefna Sylvía Sigurgeirsdóttir kírópraktor. Hrefna Sylvía sérhæfir sig í ákveðinni tækni innan kírópraktík sem nefnis Cox tækni, en það er mýkri meðferð og er ólík þeim hnykkingum sem fólk kannast mögulega við.Í spjalli okkar tölum við um ýmislegt sem ber að huga að varðandi stoðkerfið og heilsu almennt, til dæmis mikilvægi þess að standa upp reglulega og hreyfa sig. Eins og Hrefna segir í spjalli okkar þá er 3x meira álag á mjóbakið þegar við sitjum en þegar við stöndum.Við tölum einnig um mikilvægi hreyfingar og þess að gera æfingar rétt. Við æfingar er mikilvægt að beita líkamanum rétt til að skapist æskilegt álag á líkamann og þannig fáum við mest út úr æfingunni og með því drögum við einnig úr líkum á meiðslum og öðrum kvillum. Við tölum einmitt um speglana í líkamsræktarsalnum, sumir halda að þetta sé bara til að skoða byssurnar eða annað, en aðaltilgangur með þeim er að við sjáum hvernig líkamsbeitingin okkar er og gerum æfingar réttar en ella.Styrktaraðilli þáttarins er RB Rúm - rbrum.is

Íslenska heilbrigðiskerfið er í háska. Það er víða pottur brotinn í kerfinu og munum við tæpa á nokkrum hlutum þess hér í þessum þætti. Fækkun sjúkrarúma er eitt af þeim málum. Sjúkrarúmum á Landspítalanum, og reyndar landinu öllu, hefur markvisst fækkað á síðustu 20 árum. Fækkun sjúkrarúma er umtalsverð, úr um 1600 sjúkrarúmum á landinu öllu í aðeins um 1000 sjúkrarúm á landinu öllu. Þessi fækkun er gengur þvert á við fjölgun í landinu og gífurlega aukningu erlendra ferðamanna. Í þessum þætti eru mættir fjórir læknar, þeir Eggert Eyjólfsson sérfræðingur í bráðalækningum, Jón Magnús Kristjánsson fram­kvæmda­stjóri lækn­inga hjá Heilsu­vernd og fyrrv. yfirlæknir bráðamóttökunnar, Ragnar Freyr Ingvarsson sérfræðingur í lyf- og gigtarlækningum og fyrrum yfirlæknir Covid-19 göngudeildarinnar, Theodór Skúli Sigurðsson - svæfinga- og gjörgæslulæknir.Umsjón með þættinum er Bent Marinósson.Upptaka, hljóðvinnsla, tónlist og framleiðsla: Pixelmedia.isEftirtaldir aðilar styrktu þennan þátt:RB RúmRB Rúm í Hafnarfirði hefur hjálpað landsmönnum að ná sem bestum svefni allt frá árinu 1943, RB Rúm hannar og framleiðir rúm í öllum stærðum og með fimm gerðir springdýna. RB rúm hefur nú hannað nýja springdýnu með íslenskri ull, dýnan er 100% náttúruleg og í henni engin kemísk efni. Við mælum með að kíkja á þau í Dalshraun 8 hafnarfirði eða á heimasíðu þerirra, rbrum.isÖryggismiðstöðinÖryggismiðstöðin styrkir þessa þáttagerð og þökkum við þeim stuðninginn. Hjá öryggismiðstöðinni fást meðal annars snjallhnappar sem eru ný kynslóð öryggishnappa fyrir eldri borgara og þá sem þurfa heilsu sinnar vegna að getað kalla eftir tafalausri aðstoð. Auk hefðbundins öryggishnapps, sem hægt er að ýta á í neyð, býður kerfið upp á snjallar nýjungar, meðal annars fallhnapp sem greinir ef notandi dettur. Hafið endilega samband við Öryggismiðstöðina og kynnið ykkur þessar lausnir eða kíkið á vefinn þeirra á oryggi.is.

Viðmælandi þáttarins er Heimir Eyvindarson deildarstjóri og dönskukennari í grunnskólanum í Hveragerði. Heimir hefur komið víða við, að auki við kennaramenntunina er hann einnig garðyrkjufræðingur og tónlistarmaður, hann hefur gert garðinn frægann með hljómsveitinni Á móti sól og verið aðal lagasmiður þeirra hljómsveitar. Í þættinum lýsir Heimir m.a. upplifun sinni á breytingum á skólastarfi grunnskólans sem hann nam við sem barn og starfar nú hjá sem deildarstjóri unglingasviðs og dönskukennari. Einnig ræðum við virka hlustun, jákvætt hugarfar ofl. sem okkur datt í hug.Styrktaraðili þáttarins er gitarskolinn.is.

Viðmælandi þáttarins er Sandra Mjöll Jónsdóttir, sölu- og markaðsstjóri Florealis sem er lyfjafyrirtæki með jurtalyf. Sandra er með doktorsgráðu í líf- og læknavísindum og umræðuefni þáttarins eru jurtalyf, við spyrjum m.a. hvað eru jurtalyf? Og hvernig rötum við um þennan lyfjafrumskóg sem er á markaðnum, þ.e.a.s. jurtalyf, náttúrulyf og fæðubótaefni.Styrktaraðili þáttarins er gitarskolinn.is.

Viðmælandi þáttarins er Jón Þórir Guðmundsson garðyrkjufræðingur, hann býr yfir mikill reynslu af ræktun matjurta og er einnig einn helsti sérfræðingur landsins um eplatré sem hann hefur ræktað með mjög góðu árangri. Í þættinum tölum við um matjurtir svo sem kál og grænmeti, gulrætur og lauka. Við ræðum einnig Jarðvegskröfur, áburðargjöf, meindýr í ræktun og ræktun ávaxtatrjáa og garðyrkju almennt.Styrktaraðili þáttarins er Blómaval. Blómaval er stórmarkaður með allt fyrir blóma- og garðáhugafólk. Hjá Blómaval eiga áhugamenn um ræktun að fá allt sem hugurinn girnist, svo sem garðaáhöld, verkfæri, fræ, lauka og plöntur. Hjá Blómaval starfa garðyrkjufræðingar sem veita faglega þjónustu og hægt að leita til þeirra með ráð. Við þökkum Blómaval fyrir stuðninginn.blomaval.is

Að þessu sinni er viðmælandinn Margrét Sæmundsdóttir. Hún er 3ja barna móðir, förðunarfræðingur og býr og starfar á Írlandi. Margrét hefur náð góðum árangri með föstum, hún tengir margan ávinning í sínu lífi við fösturnar sjálfar og heilbrigðara mataræði þeim samfara. Meðal annars nefnir hún bættan svefn, minni ofnæmisviðbrögð, minni astma og aukna orku. Auk þess sem hún hefur lést um 45 kíló á 9 mánuðum og segir að hún hafi í raun eignast nýtt líf í kjölfar þess að hún byrjaði að fasta.

Að þessu sinni er viðmælandinn Sabína Steinunn Halldórsdóttir sem er með mastersgráðu í íþrótta- og heilsufræðum. Hún hefur sérhæft sig í hreyfifærni barna með áherslu á útivist í námi og starfi. Hún hefur haldið fjölda námskeiða og skrifað kennslubækur um efnið sem er henni afar hugleikið. Í þessu spjalli förum við yfir margvíslegar hugleiðingar um gæða útiverustundir með fjölskyldunni.

Að þessu sinni er viðmælandinn Guðbjörn Gunnarsson markþjálfi. Hann útskýrir fyrir okkur hvað markþjálfun er, til hvers er hún og við ræðum margvíslega fleti á þessu skemmtilega fyrirbæri sem lífið er.

Að þessu sinni er viðmælandinn Halla Björg Evans lögmaður og fjallar þátturinn um erfðarmál, erfðarskrár, kaupmála og margt annað sem snýr að skiptingu búa, svo sem hvernig fyrirkomulag sambúðar var - hvort fólk hafi verið gift eða í sambúð… það breytir öllu í þessu samhengi. Eins og flestir vita þá hafa þessi mál splundrað heilum fjölskyldum og því gott að vera vel að sér í þessum málum. Hver er réttur hvers og hvaða málum þarf að huga að. Á fólk að gera erfðarskrá og/eða kaupmál og þá hvenær ?

Gestur þáttarins að þessu sinni er Jón Magnús Kristjánsson læknir. Hann starfar nú sem framkvæmdastjóri lækninga hjá Heilsuvernd. Áður vann hann í um 25 ára í bráðaþjónustu og undanfarin fimm ár var hann yfirlæknir bráðadeildar Landspítalans. Í þessu spjalli ræðum við um mikilvægi fyrirbyggjandi aðgerða í heilbrigðisþjónustu, um er að ræða aðgerðir sem geta sparað þjóðfélaginu stórfé, dregið úr alvarlegum veikindum og þar með aukið lífsgæði til muna.Jón Magnús nefnir einnig ýmis vandkvæði við núverandi heilbrigðiskerfi og ýmsar mögulegar lausnir í því sambandi.

Esther Helga Guðmundsdóttir matarfíkniráðgjafi er mætt til okkar í spjall. Við ræðum við hvað orsakar matarfíkn og hvað við getum gert í henni. Getum við treyst alfarið á viljastyrk okkar eða þurfum við aðrar lausnir ?Esther Helga er sérfræðingur í matarfíkniráðgjöf og eftirsótt bæði hér heima og erlendis sem fyrirlesari og kennari fyrir bæði fagfólk og almenning.Esther Helga stofnaði MFM miðstöðina árið 2006 og hefur unnið mikið að fræðslu um málefnið ásamt því að bjóða uppá einstaklingsmiðaða meðferð við matarfíkn og átröskunum.Esther Helga er einn af stofnendum og formaður Matarheilla, réttindafélags fyrir þá sem eiga við matarfíkn og átraskanir að stríða.  Hún er einnig varaformaður Food Addiction Institute, USA. Esther er sannarlega hafsjór fróðleiks um þetta málefni og frábært að fara yfir þessi mál með henni.

Fjóla Signý Hannesdóttir frjálsíþróttakona er mætt til okkar í spjall. Við förum hér um víðan völl og ræðum meðal annars um íþróttir, hugarfar sigurvegarans, vefjagigt, mikilvægi svefns, áföll og áfallavinnu, æskuna og mikilvægi þess að finna það að maður skipti máli. Í viðtalinu lýsir Fjóla meðal annars hvernig frjálsar íþróttir í raun veru breyttu lífi hennar til hins betra á nánast einu augnabliki.

Kristín Bára Bryndísardóttir hjúkrunarfræðingur og yogakennari er mætt til okkar í spjall. Við tölum um Yoga nidra, lífið almennt, streitu og mikilvægi þess að vera í núinu. Ásamt ýmsu öðru skemmtilegu sem kemur upp!

Ef þú bætir þig 1% á dag í 365 daga þá hefur bætingin verið um 38x! Það eru öll þessi litlu atriði sem skipta máli, 1% hér og 1% þar...

Í þessum þætti er umræðuefnið skjánotkun og ýmsar leiðir til að draga úr óþarfa notkun þeirra tækja. Við ræðum líka hugmyndina um eiga skjálausan dag í hverri viku og einnig þá hugmynd að eiga skjálausan mánuð einusinni eða oftar á ári. Viðmælandi þáttarins er Ólöf Þórhallsdóttir lyfjafræðingur, hún deilir hér reynslu sinni af þessu öllu saman sem hófst þegar hún bjó við störf í Svíþjóð.

Árið 2020 færði okkur miklar áskoranir en um leið margvísleg óvænt tækifæri. Hér setjumst við niður nokkur úr hópnum á bakvið vefinn Heilsumal.is og ræðum þann lærdóm og lexíur sem við lærðum af árinu 2020.Viðmælendur í þessum þætti eru Sigrún Mjöll Halldórsdóttir, Berglind Rúnarsdóttir, Agnes Þóra Árnadóttir og Guðmundur Hafþórsson. Þáttarstjórnandi er Bent Marinósson.Í þættinum skiptumst við á skoðunum um lærdóm af árinu 2020 og hvað við tökum með okkur í 2021, við skoðum breyttar lífsvenjur, tómstundir, sjálfsrækt og margt fleira sem ber á góma.

Skriðsund er umræðuefni þessa þáttar. Guðmundur Hafþórsson yfirsundþjálfari sundfélagsins Ægis er mættur hér til að ræða við okkur um skriðsund frá mörgum vinklum.

Í Podcastið er mættur til okkar Guðmundur Hafþórsson og ræðir við okkur um mikilvægi þess að rækta hið andlega ekki síður en hið líkamlega. Guðmundur ræðir hér m.a. áföll og sigra og ekki síst mikilvægi þess að hafa góða í kringum sig sem hjálpa manni upp þegar á reynir. Sjálfur háði hann baráttu við þunglyndi og var nærri barmi sjálfsvígs þegar góðir vinir og ættingjar komu honum til bjargar.

Gestur okkar í dag er Berglind Rúnarsdóttir og ræðir hún hér reynslu af eitruðu sambandi, (e. toxic sambandi). VIð förum um víðan völl í þessu samtali okkar og ræðum margar leiðir til úrlausnar sem og mikilvægi þess að vinna í sjálfum sér, setja mörk, vera meðvitaður um meðvirkni ofl.

Mál málanna í dag er klárlega kórónuveiran ógurlega sem veldur sjúkdómnum COVID-19. Til að fjalla um COVID-19 í víðu samhengi eru komin saman hér þau Andrea Sigurðardóttir viðskiptafræðingur, Helgi Jóhannesson lögfræðingur en þau hafa bæði glímt við COVID-19 undanfarið. Auk þeirra er hér Jón Magnús Jóhannesson sérnámslæknir í lyflækningum en hann er einmitt í COVID teyminu svokallaða og miðlar hér af reynslu sinni og þekkingu. Rætt er um COVID-19, áhrif á daglegt líf og viðbrögð samfélagsins almennt.

Viðmælandi okkar að þessu sinni er Birgir Skúlason, kafari og fríkafari. Með því að huga að önduninni getum við haft áhrif á mjög margt í okkar líkamsstarfssemi. Í þessum þætti ræðum við Birgir öndun í víðu samhengi og mikilvægi hennar þegar kemur að fríköfun og halda niðrí sér andanum undir vatni. Með ákveðnum öndurnaræfingum og hugarstjórn er hægt að ná góðum tökum á líkamsstarfseminni sem gerir vant fólk að ná að vera undir vatni í margar mínútur án þess að anda. Í þættinum fer Birgir meðal annars yfir æfingar sem hjálpa okkur í amstri dagsins, að ná betri tökum á aðstæðum og öðlast meiri ró - hreinlega með nokkrum andardráttum!

Gestur okkar í dag er Björgvin Franz Gíslason, leikari. Hann hefur nýverið lokið tveimur stórkostlegum sýningum í Borgarleikhúsinu. Önnur sýningin nefnist Ellý en hún fjallar um líf Ellý Vilhjálms, þar sem Björgvin bregður sér í gervi Villa Vill og Ragga Bjarna. Þegar ég sá sýninguna hélt ég hreinlega að Björgvin væri bara að mæma Ragga því hann náði honum algjörlega! Hin leiksýningin er söngleikurinn Matthildur þar sem Björgvin leikur sadískan skólastjóra og fór þar einnig á kostum. Sýningin er mjög líkamlega krefjandi og fer Björgvin aðeins yfir það í spjalli okkar hvað hann gerir til að halda sér í góðu formi. Við Björgvin áttum við gott spjall um lífið almennt, áskoranir, persónulegan þroska og ekki síst andlega- og líkamlega heilsu. Að ógleymdu mikilvægi svefns í þessu öllu.

Gestur okkar að þessu sinni er Guðni Gunnarsson en hann er stofnandi og upphafsmaður Rope Yoga og GlóMotion hugmyndafræðinnar. Guðni er einn af frumkvöðlum Íslands á sviði líkams- og heilsuræktar.Í þættinum förum við yfir sjö skref til varanlegrar velsældar og einnig nýútkomna bók Guðna, Mátt hjartans.

Í þessum þætti förum við yfir parsamband í víðu samhengi. Hvað er lykill að góðu parsambandi og heilbrigðum og góðum samskiptum við makann.

Í þessum þætti ræðum við um hvað einkennir góð samskipti og hvernig getum við tileinkað okkur betri samskipti almennt og í samböndum við annað fólk, ekki síst í parsamböndum.Viðmælandi okkar að þessu sinni er Thedor Francis Birgisson klínískur félagsráðgjafi. Einn eigendum Lausnarinnar, fjölskyldu og áfallamiðstöðvar.Theodór er hafsjór fróðleiks. Hans sérsvið eru samskipti, hjóna- og sambandsmál, fjölskylduerfiðleikar, samskipti eftir skilnað, sorgarvinna, samskipti á vinnustað, kvíði og samskiptaörðugleikar.Virðing og hlustunÍ þættinum fer Theodór einnig yfir mikilvæg atriði í góðum samskiptum, s.s. gagnkvæma virðingu og mikilvægi þess að hlusta á hvort annað. Eins og kemur fram í þættinum þá Meðvirkni og samskipti í fjölskyldumEins og Theodór bendir á, þá er vel hægt að vera hreinskilinn í samskiptum án þess að meiða og mikilvægt er að setja mörk.

Guðbjörn Gunnarsson einka- og markþjálfi fjallar hér um mörg mikilvæg atriði sem við þurfum öll að fá að heyra og tileinka okkur. Guðbjörn nefnir mikilvægi þess að framkvæma einskonar „ástandsskoðun“ þegar fólk kemur í þjálfun. Hún er nauðsynleg segir hann til margra hluta, ekki síst til að skoða hvað hefur virkað vel fyrir viðkomandi og hvað ekki. Einnig er hún mikilvæg til að hafa viðmið og það auðveldar yfirsýn og fylgjast með árangri.Guðbjörn hvetur fólk til að keppast frekar við mittismál frekar en þyngd. Einnig hvetur hann fólk til að sinna andlega þætti þjálfunar og í lífinu almennt. Það er lykilatriði svo að fólk geti orðið besta útgáfan af sjálfum sér.

Sund er meinhollt segir Guðmundur Hafþórsson íþróttafræðingur og sundþjálfari. Hann ræðir hér um heilsufarslegan ávinning af sundiðkun fyrir alla aldurshópa óháð þjálfunarástandi og fyrri afrekum.

Gestur okkar í dag er Jóhannes Kári Kristinsson augnlæknir. Hann fræðir okkur um leiðir til betri sjónar og augnheilsu.

Guðríður Helgadóttir garðyrkjufræðingur er gestur okkar að þessu sinni. Hún gefur hér góð ráð varðandi matjurtaræktun og fer yfir þær tegundir sem við getum ræktað og hvernig er best að bera sig að.

Gestir þáttarins eru í dag eru þær Silja Ástþórsdóttir og Hafdís Einarsdóttir frá samtökum um endometríósu. Í spjalli okkar förum við yfir endómetríósis sjúkdóminn sem er talið að ein af hverjum tíu konum þjáist af. Við ræðum um sjúkdóminn vítt og breitt og einnig persónulega reynslu þeirra Silju og Hafdísar af honum.

Gestur þáttarins er stórsöngvarinn Þór Breiðfjörð. Í þessum þætti förum við yfir þau fjölmörg atriði sem söngvarar þurfa að hafa í huga til að ná árangri í sínu fagi. Við ræðum meðal annars hugarfar söngvarans, framkomu, sjálfstraust og heilsu almennt.

Í þessum þætti ræðir Bent Marinósson við Árna Guðmundsson sérfræðing í æskulýðsmálum. Æskan rætt í sinni víðustu mynd, við snertum marga fleti æskunnar sbr. sjálfsmynd ungmenna, samfélagsmiðla, tölvufíkn, myndum samfélaga ofl.

Hér er rætt við Pál Guðmundsson framkvæmdastjóra Ferðafélags Íslands.

Ásdís Olsen er einn helsti sérfræðingur landsins í Mindfulness, sem er hagnýt aðferði til auka núvitund, vellíðan og persónulega hæfni í lífi og starfi.

Ásdís Olsen er einn helsti sérfræðingur landsins í Mindfulness, sem er hagnýt aðferði til auka núvitund, vellíðan og persónulega hæfni í lífi og starfi.

Hrafnhildur Stephensen næringarfræðingur og Bent Marinósson ræða hér um kaloríur.