"That's it" wéi de Fransous seet. "Au Revoir" fir et mat de Wierder vum Tim Bendzko ze soen. Episod 29 ass déi leschten Episod, passend bei der ronner Zuel... Jo, et stëmmt wierklech, den Daniel an de Bob halen op a geheien nach eng Kéier alles wat se hunn an dës Finall. Mat dobäi: Knallhaart Analysen, witzeg Spréch vun A-Z, wat da lo mam Chris an Eva ass, an natierlech och... Haha, dat schreiwe mir lo net - lauschtert! Eddi mat Metti

Ass d'Episod 28 déi richteg Episod fir opzehalen? Jiddefalls mol dës Saison... Wat nom Summer geschitt musse mer kucken. Oder wat wëll eis soss dee Cliffhanger soen déi méi dramatesch ass wéi de Cliffhanger am Film Cliffhanger mam Sylvester Stallone. Wat ass soss geschitt? De Ben zielt der Welt dass en endlech Parks&Rec fäerdeg gekuckt huet, den David weist eis seng seng exklusiv Kap vu Supreme an déi 2 loosse sech bedauere wéinst hierer Impfreaktioun. Dat si lo mol déi ganz wichteg Saachen. Soss ass et awer och nach ëm Cancel Culture gaangen, de Noostkonflikt gouf liischt ugerass an de Ben huet nach zum Schluss e wichtege Message (Statement: mir schwätzen an engem Punkt iwwer "Schwuler", mengen awer u sech "LGBTQI+"...et war relativ spontan, an et geet wa mer éierlech sinn eigentlech och méi ëm den Inhalt vum Message).

Et gëtt net vill méi dozou ze soen, ausser: Den David mécht e Schnelltest, de Ben gëtt een aus an de Frank schwätzt Tacheles!

Mir krute vun engem gewëssene Frëndeskrees ugeruff a Geld ugebuede fir eng nei Episod erauszebréngen. De Rubel ass gerollt, hei si mer! D'Top Thema vun dëser Episod ass net fir mat pinken Händschen unzepaken: dem David seng Wuerzelbehandlung. Donieft hu mir eng nei Rubrik mat eise beschten Nolauschterer zesummen, den David probéiert d'Britney e bëssen ze "entframen" an de Ben probéiert de Jeannot Waringo bei de radio 100komma7 ze schécken.

Fir déi 25. Editioun vun eisem weltwäit gefeierte Podcast hunn de Ben an David sech eppes Extraes afale gelooss: net nëmmen dass de Ben alt erëm säi Recording-Material vergiess huet, nee déi 2 hunn eng Episod als Insta Live opgeholl. Geet net? Geet wuel! Lauschtert lo eng Editioun mat Internetproblemer, zwee-an-engem-hallwe spontane Livegaascht, vill Film, e bësse Musek, a verschiddene Saachen déi mir scho rëm vergiess hunn. Kee Problem, kommt mir lauschteren dës Episod nach eng Kéier alleguer zesummen. Prost!

Dës Episod ass eng Zort Ventil fir alleguer déi Leit déi net wësse wou se kënnen Damp ofloossen: Op elo d'Generation Z, den LOD, Internet, dem Fausti säin Ierwen, d'Casting Agence vu Capitani 2 oder d'Beyoncé - dës Sendung ass eng eenzeg "Unpopular Opinion", jidderee kritt säi Fett ewech. Den Eenzegen deen alles gesond a monter iwwersteet ass dem Billie Eilish säi Papp.

Zu Éiere vun der verstuerwener lokaler Legend, Faustino "Fausti" Cima, hu mir eis aktuell Episod no him benannt. Ausserdeem probéiere mir an den éischte Minutten eis Gedanken zum Museker sou ze vermëttele wéi mir et um Moment vun der Opnam (kuerz no der traureger Noriicht) empfonnt hunn. An awer: vill bla bla. Mä gudde bla bla. Nieft dem Fausti schwätze mir awer och iwwert de fonkelneien Netflix Hit vun 2019 - Capitani - an den Hype do ronderëm, de Ben zitt e bëssen iwwert Fight Club hier a wënscht sech e Lidd vu Las Ketchup. Den David dogéint präméiert lo scho säin Album vum Joer a gëtt live an der Opnam vun enger weiderer Hiobsbotchaft iwwerrascht: Daft Punk léise sech op. Als grouss Finall gëtt dann nach de frësch geimpfte Verwaltungsrot vun den Hôpitaux Robert Schuman mat eisem "Gëllene Post-it" geéiert. Alles an allem: stabil Show!

Déi 2 RTL Topkommentatore "mamacita_lux58" a "maggy_dubai_123" presentéieren iech des Woch Spill a Spaass mat enger Neioplo vu "Stadt Land Fluss EXTREME". Ausserdeem ginn 120 Enseignante enger penibeler Analyse, ganz no Mentaliste-Manéier, ënnerzunn. Dës Weidere ginn et ongewinnten Dokus a penibel däitsch Talkshows. An dann effektiv: Firwat ginn et beim Ben just 24 Buschtawen am Alphabet, merde?!

Häerzlech Wëllkomm am neien Hei Elei Presseclub. Wat solle mer soen? Och wa mir an dëser Episod technesch um Niveau vun anere Lëtzebuerger Podcaste sinn, brilléieren den David Goetz an de Ben Zenners ee fir allemol alt erëm op der ganzer Linn. Op elo précaire a serieux Themen, wéi z.B. Mobbing am EU-Parlament, oder locker flockeg Themen, wéi eng dänesch Kannerserie mat ganz besonnescher Storyline, mir sinn do. Méi wéi jee. Dot iech aus, leet iech prett, hei kënnt den Train of Love (*Lady Gaga Voice).

Mat der kuerzer Virmeldung dass dës Episod virum Breach vum US Kapitol opgeholl gouf erkläre mir iech hei kuerz a knapp wat dës Episod alt erëm sou besonnesch mécht: Mir hunn ënnert anerem eis Monarchie knallhaart analyséiert, am Kader vum Grand-Duc Jean sengen 100 Joer, hunn awer och eng knallhaart Analyse vu lëtzebuergescher Musek op lëtzebuergesche Radiosender gemaach. Ausserdeem ass HEI ELEI och den eenzege Podcast wou et em den Tun Tonnar awer och den MF DOOM geet an är 2 Liblings Mikrostänner ruffe fir "The greater good" bei d'Piraten an den ZLS un. Zum Ofschloss: kaaft lokal an ënnerstëtzt äert Lokal!

Pünktlech fir d'Sortie vum Bazooka Brooze sengem d'Album "Iwert dem Gesetz" presentéiert iech den Jonathan Frakes onfaassbar Geschichten vun ären 2 Liblings-Podcast-Hosts: David & Ben. Den David wëll gären twitchen, de Ben awer just iwwert dem Eric Rolgen seng verlueren Auer schwätzen an zesumme maachen déi 2 Radiostatiste Pläng wéi si demnext an eng Pressekonferenz vum Paulette L. an Xavier B. kommen, well schliisslech kënnt do jo anscheinend jiddereen eran, powered by Heidi. Mir si méi wéi e Guilty Pleasure, well mir kréie souguer Zuhörer-Post.

Fir eis Volljäregkeet hu mir eis erwuessene Besuch an de Zoom-Chat geholl: d'Musekslegend Olio Galanti huet eis effektiv d'Éier erwisen. Mat him a mat sengem Alter-Ego hu mir iwwert Hoerfett an e gemeinsaamt Chrëschtlidd geschwat, a mir si gewuer gi wéi et wierklech an den 20er Jore war, wou et nach kee Corona mä just Polio (Galanti) gouf. Wat virdrun an duerno geschitt ass, ass just d'Rumm vun dëser aussergewéinlecher Episod wou et zur Feier des Tages e Kölsch gouf.

D'Welt waart op d'Resultat, endlech hu mir Gewëssheet: Hei ass déi nei Episod vun HEI ELEI LAUSCHTER LO, den Hörapparat ënnert de Lëtzebuerger Podcasts. Nieft dem aktuelle Corona-Stand schwätze mir iwwert de Virus Trump, hunn d'Iddi fir en neit Héierbuch, erkläre firwat den Timothy Dalton de coolsten James Bind bis haut ass a ginn, wéi den Titel et scho verréit eng mam Craig David eng Baguette fir 20€ kafen. Ah jo - a mir schwätzen iwwert den neie Borat-Film. Lauschtert der Regierung no: Bleift doheem a lauschtert den HEI ELEI (de richtegen).

Dës Episod ass zwar ouni de Fred Keup dofir awer mat enger gudder Portioun vu griicheschem Jughurt, Schocki vun Nestlé an engem Abschid an der lokaler Podcastzeen. Ausserdeem huet den David finalement "Das Sommerhaus der Stars" gekuckt an de Ben stellt Uni-Diplomer a Fro. Vill Spaass beim leschte Lëtzebuerger Meedercherspodcast.

Frësch aus dem Drock: Episod 2 vu Staffel 2. Mat schlechte Wuerstpiller, nach méi schlechte Spiller an nervösen Nippele ginn et an dëser Editioun och rëm "Onpopular Opinions" an eppes fir all Snowflake.

Elektriséierend. Analytesch. Buedemstänneg. Äre Liblingspodcast ass zréck aus der Summerpaus an déi 2. Staffel fänke mir méi spektakulär un wéi d'Rentréeë bei RTL, Eldo an 100,7 zesummen. Et ginn e puer Neierungen - duerch manner kritt dir méi - alles verpak mat Spezialeffekter an engem Verspriechen: Wann dir lo mengt eng schäiss Summervakanz gehat ze hunn, dem David seng war garantéiert méi schäiss! Wat de Jean Asselborn domadder ze dinn huet a firwat mir well Vodka Gorbatchow Maracuja drénken lauschtert dir an eiser neister Epic-sod...

Fir dës Episod konnte mir d'Europa-Deputéiert Monica Semedo gewannen, wat eis immens frou gemaach huet. Engersäits well et am Moment e gutt Stéck méi ze dinn huet wéi fréier bei RTL, anerersäits well mir eis an dëser Zäit kee bessere Gaascht konnte virstellen. Wéi bei engem richtege Radiosender huet d'Monica sech bei eis LIVE vu Bréissel era gemellt a mir hu mat him iwwert déi traureg Aktualitéit awer deelweis schockant Erliefnisser aus sengem Liewe geschwat. Mir warne vir: Verschidde Saache sinn nëmme schwéier ze verdauen! Donieft erkläert eis d'Monica awer och iwwert dat konkret Virgoe vum EU-Parlament, an och vun him als Politikerin, géint Rassismus an Diskriminatioun. Dës Episod weist awer och wéi schéin d'Liewe ka sinn a wéi vill Chancen een zu Lëtzebuerg kann hunn a kréien, d'Monica ass eent vun de Musterbeispiller. Ausserdeem hu mir ganz dringend d'Fro misste klären op et e Comeback beim Picco Bello wäert ginn oder net...

Déi grouss Finall vun der epescher Feierstorch-Saga!

Lauschtert hei eng Spezial Editioun vum Podcast, eng kleng Réckblend op dat wat bis ewell am Feierstorch geschitt ass - virun der grousser, epescher Finall. Mä dozou konnt et réicht vill méi spéit kommen, aus Grënn déi den David an de Ben net einfach sou konnten ignoréieren.

Hien ass nieft dem Picco Bello d'Allzweckwaff vum RTL an huet den "Nek" sou salonfäeg gemaach dass e souguer Fanbréiwer heivir kritt. An eiser aktueller Episod den Dan Spogen, deen eigentlech ganz anescht heescht, a mat eis iwwert e grousst Drama an där Kris hei schwätzt: den Ausfall vun der Päischtcroisière. Ausserdeem hu mir am Gossipschaf vum Famillenduell gewullt an den Dan huet eis am Detail erkläert firwat et deemools fir hie kee Concert vum Gregory Porter gouf. Mäi Gott, wat eng gäil Episod!

Wat geschitt wann 3 Radioleit e Podcast zesummen ophuelen déi sech allen 3 vill gär hunn? Richteg! Iwwert 1 Stonn Interferenzen, Réckkopplungen an 2 Uleef wéinst technesche Problemer. Wéi géing de Mickie Krause soen? Egaaaaal! An eiser 11. Episod hu mer eis an Erënnerunge verluer, d'Hobbyimkerin a Mierschwéngchekillerin Lynn (Eldo, Keck) huet eis iwwert Botanik a Bannenariichtung ausgefrot an den David erzielt exklusiv vu sengem illegale Bordercrossing. Content, Content, Content!!

Endlech rëm dat wat mer kënnen, endlech rëm dat wat dir kennt. Den Original-Podcast-mat-Invité huet rëm e sensationellen Invité, an zwar den Tun Biever, wann ee Facebook gleewen dierf verantwortlech fir "Vocals, Guitar & Keys" bei der sympathescher an talentéierter Band TUYS. D'Diddelenger Rotzbengelen suergen a schlechten Zäite fir gudde musikalesche Stoff a soen ëmmer fein "Moien" wann ee se op der Strooss begéint. Den Tun verréit eis awer och säi Side-Business nieft der Musek, mir schwätze ganz kuerz awer intensiv serieux an hie bréngt Wierder mat ewéi "Analogien" a "receptiv". Ausserdeem gëtt et rëm eng Editioun vum "Spoilerman"(1:18:22 - 1:26:48) - lo am Lieblingspodcast vun RTL!

Mir probéieren an dëse schwéieren Zäiten en Experiment. Mir wëllen, zesumme mat den interesséierten anere Podcasts, en Héierbuch schafen. Den Titel a mëttlerweil dat éischt Kapitel stinn a mir mengen dass dat eppes epochales kann a wäert ginn. D'Intro schwätzt keen anere wéi den Alen Attain (Kënschtlernumm; säi Brudder kennt ee vum RTL) an hien erkläert och direkt d'Reegele vun der Challenge. Jo zu all Héierbuch gehéiert natierlech eng propper Challenge. Wee mir nominéiere fir dat 2. Kapitel a wéi laang virum Release vun dësem soll/dierf Zäit sinn verréit iech alles den Alen. Souvill nach: all Podcast deen eng Episod erausbréngt soll dës natierlech op sengem Channel releasen. Mir géingen eis freeë wann "de Feierstorch" an d'Geschicht vun der lëtzebuerger Literatur géing agoen a wann net si mir ebe just frou wa mir iech kënnen op e puer aner, méi positiv Gedanken bréngen (ausser wann dir Fan vun Dinosaurier sitt, sorry!). Iwwregens ass och Fan Art erlaabt. Zu wat inspiréiert iech de Feierstorch? Moolt, illustréiert, maacht - a schéckt eis et, respektiv tagged @hei_elei.

An Zäite vun dréchenem Houscht, Ausnamezoustand an enger Zombie-Apokalypse ouni Zombien ginn den David an de Ben hirer nationaler Verantwortung gerecht a versuergen iech mat hirem weltbeschte Podcast, ouni Gaascht, dofir awer mat duebelem Hype. Lauschtert...euh...liest lo mol gutt no: Mir hu fir iech an dëser 9. Episod d'Konschtstéck bal fäerdeg bruecht net iwwert "Corona" ze schwätzen, hunn eng Iddi fir mat anere Podcasts ze bonden an de radio 100,7 ze retten, ginn op Kuschelkurs mam Fernand Etgen an den David schreift lo un engem Héierspill. Opgepasst, mir hunn och eng nei Rubrik!⁣ Wann dir absoluuut allergesch op Filmspoiler sitt dierft dir dëse Podcast NET tëscht 26:22 an 33:00 lauschteren.⁣ #spoilerman⁣

Er kam (zu spät), sah (den Zorn) und reagierte: Den David huet dës Episod vun A bis Q geplangt well e sech soss ëmmer bei der Preparatioun vun eisem Weltklasse-Podcast foutéiert huet. Vum coole Gaascht, der Tätowéierin Sandra Biewers bis hin zu der Decisioun dass hie sech "LIVE" wärend der Opnahm tätowéiere gelooss huet, huet den David alles gecheckt. De Ben iwwerhëlt keng Verantwortung. Mä wat solle mer soen? Mir hate Spaass a kurios bis interessant Diskussiounen. Et goung vu vereitelte Mordfäll um Jakobswee, iwwer ausgestoppten Déieren an den Nicolas Cage, bis hin zu engem Workshop wou een eng Woch laang net dierf schwätzen, kee Mucks! Hätte mir dee Workshop nëmmen och besicht...

Frësch aus eisem neie professionelle Kellerstudio déi 7. Episod vun HEI ELEI, dës Kéier mam Jill aus dem "Paus" Podcast. Funfact 1: D'Jill heescht net wierklech Vanilli mam Familljennumm. Funfact 2: Hatt huet nach keng vun eise Sendunge fäerdeg gelauschtert. Genau iwwert dës leschtgenannte Problematik hu mir mam Jill geschwat, awer och iwwer iwwerschate Bands wéi Nirvana oder d'Beatles, den Jamal Khashoggi, an den David (deen alt erëm) ze spéit koum huet brisant, perséinlech News vun der Tinderfront. Alles verpak an engem schlechten Audiomix well d'Jill säin Handy um Dësch leien hat. Dir wollt et jo sou, reegt iech also net op!

Vun Exilkubaner déi vum Grand-Duché aus d'Weltherrschaft iwwerhuelen, iwwer Zäitmaschinnen am Vatikan bis hin zu rassistesche Berliner. An eiser aktueller Episod mam Schauspiller a Reptiloid Max Thommes hu mir awer nieft de freakegsten a realisteschste Verschwörungstheorien och e Polittalk op de Parquet geluecht vun deem de Flatearther Caroline Mart nëmme kann dreemen.

„Mir musse méi serieux ginn!“ hu mer eis virgeholl… An do koum d’Deputéiert, Parteipresidentin, Newcomer-Podcasterin a Monarchiefan Djuna Bernard. Geschwat hu mir iwwert einfach a schwiereg Zäiten als gréng Politikerin, mir hunn e Ranking vun de schéinsten Deputéierten opgestallt an hunn d’Thema „Kulturzeen zu Lëtzebuerg“ liicht ugeschnidden. Vill méi wichteg awer: d’Chu’na Bernard huet wuel déi schéinste Geschicht vu sengem 1. Joint… ...ah jo, an den David huet eng nei Rubrik: Dem David seng Rubrik.

Vun A wéi "X-Files" bis Z wéi "Friends" gëtt alles vu Sendungen op de Leescht geholl wat et eiser Meenung no verdingt huet. Mir hate bis lo nëmmen ze laang Episoden, bleiwen eis trei a briechen de Rekord! #doncicstyle

Themen aus der 3. Episod: - Welcome David - You're welcome aner Podcasts - Battle mam Melo - Perks of being a journalist - Opruff: Verschwörungstheoretiker - Kéistoart& ASMR - Opruff: Special Shows - Call-out culture - Trotinetten a Shopping zu Lëtzebuerg - Gaming Corner mam David

- Busfueren - Vlogging - Luxembourg Fashion Week - Gonçalo Case - Newschool vs Oldschool - Hip Hop - Mariah Carey

Themen aus der éischter Episod: - Richtung 22 - Bëschof & Massendénger - Déierewahn - Cordon bleu & Bouchée à la reine - Greta - Joker & Capitani