انجح في حياتك برنامج أسبوعي يقدم تجارب الناجحين في شتى المجالات وخاصة في بعث المشاريع. لأن أفضل طريقة للتعلم هي متابعة المتميزين والنسج على منوالهم يقدم هذا البودكاست أسبوعيا دروس ومفاتيح النجاح. ما يجب وما لا يجب فعله ؟ ماذا تعلم تجربة السنين ؟ وكيف تكون ناجحا في مختلف مجالات حياتك المهنية والشخصية والصحية. متابعة طيبة
#175 كيف تصنع الأبطال ؟
هي اليوم سفيرة السعادة التونسية اللي مع كل ماتش قلوبنا تاقف معاها و قداش تفرح التوانسة ، هي اللي تقول على روحها انها “منتوج تونسي 100 %” أنس جابر هي وحدة مالأبطال التوانسة اللي حطت هدف لحياتها بالضبط كيما عمل مالك الجزيري البطل التونسي اللي حتى شي ما يوقفو وحتى وقت اللي قالو انو ماعادش ينجم يلعب هو شد صحيح … أنس ومالك كانو ضيوف حمزة البلومي في إنجح في حياتك و منهم تعلمنا كيفاش نكونو أبطال !
9/12/2022 • 28 minutes, 49 seconds
#174"توانسة مخترعين" ضيوف إنجح في حياتك
هوما توانسة إختارو الفعل موش الكلام ..."بوبكر سيالة "هو اللي صنع أول كرهبة تخدم بالطاقة الشمسية, إيهاب التريكي حول الندوة لماء صالح للشرب, رامي الكلبوسي تخصص في صناعة الغواصات المائية و هيثم الزواوي كان وراء أول جبيرة ثلاثية الابعاد في تونس ، كانو ضيوف حمزة البلومي في الموسم الخامس من إنجح في حياتك
9/3/2022 • 30 minutes, 43 seconds
بدايات صعيبة ونجاحات كبيرة#173
"ظافر العابدين غسل الماعون في المطاعم باش يحقق حلمتو...جعفر القاسمي خدم 13 سنة ""كلون"" ...لمين النهدي عاش تجربة السجن ...بداياتهم ماكانتش ساهلة عاشوا الصعوبات لكنهم حقق وا نجاحات كبيرة...اكتشفوا بداياتهم في حواراتهم مع #حمزة_البلومي في #انجح_في_حياتك"
9/2/2022 • 33 minutes, 51 seconds
تونسيات ناجحات في مجالاتهم#172
سهام بالخوجة الراقصة الكوريغرافية الي الرقص بالنسبة ليها دواء وبنات عليه حياتها...هند شاوش بطلة الرالي التونسية اللي قررت تضحي بحياتها الشخصية على خاطر مسيرتها..
ART.فرح بالرجب نجمة قناة
اللي فضلت صحتها النفسية على الشهرة و الفلوس ...فاتن الفازع صاحة الكتب الأكثر مبيعا في تونس اللي اختارت أنها تبع ثنية قلبها و تهرب من الفشل ...تونسيات ضحاو وتعبو على خاطر غرامهم في أكثر من مجال كانو ضيوف إنجح في حياتك مع حمزة البلومي وهكا حكاو على أهم محطات نجاحاتهم
9/2/2022 • 34 minutes, 28 seconds
#171 "حلم الجامعة الأمريكية بشمال إفريقيا "
"حلم الجامعة الأمريكية بشمال إفريقيا "
"بعد ما درس في الجامعه الأمريكية ... حب يطبق نموذج التعليم الامريكي المبني على تكوين طالب مستقل و حاضر لمتطلبات سوق الشغل في تونس والخارج ...وفعلا بدا يحقق في حلمتوا في 2015 بتأسيس المدرسة العليا الخاصة للأعمال
" AUNA School of business"
في إنتظار اكتمال مركب الجامعة الامريكية بشمال إفريقيا ... حسونه فضيله الرئيس المدير العام الجامعة الأمريكية في شمال افريقيا هكا حكا في حوارو مع حمزة البلومي في انجح في حياتك
8/13/2022 • 33 minutes, 43 seconds
#170 ! حول فضلات الزيتون لطاقة
بدا فكرتو بالصدفة وقت اللي كان يمشي مع بوه للمعصرة و غادي شاف كميات فضلات الزيتون اللي تقعد …بعد سنين و بعد ما لاحظ انو فما نقص في الحطب …قرر يحول الفيتورة لطاقة يتم استعمالها للتدفئة و في المطاعم…ياسين الخليفي مؤسس Bioheat يحكي على البدايات الناجحة في حوارو مع حمزة البلومي في انجح في حياتك
8/12/2022 • 35 minutes, 29 seconds
#169 ! وري خدمتك
حكاياتهم الكل بدات من غرامهم …شهرزاد الرمادي بدات تبرتاجي في تصاور سفراتها بالصدفة …بالوقت حولت غرامها لبزنس….ربيع بن إبراهيم قرر يوري لعائلته تونس لخرى يعينيه هو ونشر ألبوم “اللي في عينك حلى موش كان مالبرا جاء” اليوم هو من صانعي المحتوى المتميزين ….و آزر محمدي غرامو بالسبور والماكله خلاوه يبدا يوري خدمتو على مواقع التواصل الاجتماعي ….هوما نموذج لتوانسة ما ستناوش لين تجي اللحظة المناسبة باش يبداو …. إللي يجمع بيناتهم هو الغرام …الشغف وأنهم يعطيوا بلاش … اكتشفوا 3 ضيوف متميزين شاركونا تجاربهم و كانو ضيوف #حمزة_البلومي في #انجح_في_حياتك
8/12/2022 • 35 minutes, 19 seconds
#168 بزنس الفلاحة الذكية
بالرغم اللي علاقتها بالفلاحة ما كانتش كبيرة ...اما وقت اللي لقات مشكلة حاولت تلقالها حل و منها أسست بزنس وهي اليوم من مؤسسي شركة ناشئة تونسية تخلي الفلاح يعرف وقتاش يسقي الارض و قداش الكمية اللازمة بإستعمال التكنولوجيا الذكية ...أميرة شنيور من Saebexمؤسسي
ضيفة حمزة البومي في إنجح في حياتك وهكا حكات على أسرار الب دايات الناجحة
7/26/2022 • 48 minutes
#167 "كوّن روحك في قطاعات مطلوبة في تونس والخارج "
نسبة تشغيل طلبتها في هندسة الطيران و جيوماتيك قيس الأراضي توصل ل%100
هي قصة نجاح بدات من 20 سنة تخرّج فيهم المئات في اختصاصات مطلوبة في تونس و الخارج, شنوة الاختصاصات ؟ Esat
و كيفاش تختار في شنوة تتكون ؟
عايشة_بن_عمارة المديرة العامة للمدرسة العليا للطيران والتكنولوجيا تحكي لحمزة البلومي قصة نحاج المؤسسة والأفاق الي تفتحهم لطلبتها في عيدها العشرين
7/19/2022 • 19 minutes, 33 seconds
#166 "ريم الرياحي "نحب نخلي بصمتي
هي نجمة الفوازير في التسعينات و من نجمات الشاشة التونسية في الألفينات. ابداعها في دور "زهرة" في مسلسل براءة خلاها تكون نجمة رمضان 2022.. الممثلة #ريم _الرياحي ضيفة حمزة البلومي في #انجح_في_حياتك. كيفاش كانت بداياتها ؟ كيفاش تنجح في تقمص كل دور ؟ علاش اختارت تغادر تونس ؟ وكيفاش باش تشوفوها في عرض عشاق الدنيا نهارات 14 و 15 جويلية
7/19/2022 • 44 minutes, 45 seconds
#165 بهاء الدين الشيخي صاحب المرتبة الأولى وطنيا شعبة العلوم التقنية
عندو غرام متعدد مالرياضة لغرام المشاركة و الخدمة في الجمعيات و النوادي …بهاء الدين الشيخي الناجح في #الباكالوريا بامتياز بمعدل 19.54 و الأول في الجمهورية شعبة العلوم التقنية ضيف حمزة البلومي في حصة خاصة بأوائل الباكالوريا
7/15/2022 • 15 minutes, 37 seconds
7/15/2022 • 1 second
#165 ! فرح المثلوثي صاحبة المرتبة الأولى وطنيا شعبة العلوم التجريبية
هي الاولى في #البكالوريا على مستوى الجمهورية في شعبة العلوم التجريبية بمعدل 19.39 …فرح المثلوثي بنت معهد بورقيبة النموذجي ضيفة حمزة البلومي في #إنجح_في_حياتك في حصة خاصة بأوائل الباكالوريا…هكا حكات على مسيرتها الدراسية …وعلاش إختارت تقرا الطب في تونس
غرامها بالسفر هو اللي خلاها تقرر انها تبدل حياتها هي وزوجها…ومن مغرومين وصانعي محتوى نجحوا انهم يأسسوا شركة ناشئة مختصة في تنظيم السفرات للمؤثرين … إكتشفوا البدايات الناجحة لشهرزاد الرمادي من مؤسسي Want to trip ضيفة حمزة البلومي في إنجح في حياتك
7/13/2022 • 31 minutes, 32 seconds
#163 ! قصص نجاح اولاد تكنوكازا
Tecnocasa هوما أولاد
الشركة العالمية الاولى في اوروبا في مجال الوكالات العقارية واليوم أولادها #باسم_هاني ، #مها_الكاتب، #ماهر_بيوضي ، #أماني_العاقل ضيوف #حمزة_البلومي في #إنجح_في_حياتك وهكا حكاو على بداياتهمم وقصص نجاحهم
7/13/2022 • 16 minutes, 22 seconds
#162 ! خلي غرامك خدمتك
قرر انو يبعد على التكوين الاكاديمي و يركز على التكوين المهني ،التكوين اللي تتعلم فيه الخدمة في إختصاصات مطلوبه كيما : الملتيميديا ،المعاملات الديوانية ،اللوجيستيك،المحاسبة وغيرها من الإختصاصات اللي يحكيلنا عليها #حمدي_سفطة مدير و مؤسس معهد تكنولوجيات الحديثة
Institut des Nouvelles Technologies
ضيف #حمزة_البلومي في #إنجح_في_حياتك
7/13/2022 • 20 minutes, 26 seconds
#161 ! Tecnocasa قصة النجاح التونسية اللي تستنى فيك
في 13 سنة نجح انو يأسس 50 فرع في تونس لأكبر وسيط عقاري في أوروبا.. واليوم يقول أنو اي شخص ينجم يلتحق بيهم ! الحكاية ما تطلبش شهادة ويتم تأطيرك وتكوينك باش تحل الفرع الخاص بيك .. #وليد_زهاق الرئيس المؤسس ل
#Tecnocasa تونس يكشف ل #حمزة_البلومي قصة النجاح التونسية وعلاش Tecnocasa Tunisie
حاللا بيبانها لكل من يريد الالتحاق بيهم
7/13/2022 • 18 minutes, 11 seconds
#161 أكثر من 90 % من طلبتها تم إنتدابهم في فترة التدريب
عندهم اكثر من 24 س نة خبرة في مجال تدريس الاقتصاد و التصرف ..القانون …و الإعلامية…وأكثر من 90 % من طلبتها تم إنتدابهم في فترة التدريب …عدد طلبتهم في تونس يوصل ل1000 و نهار الخميس 26 ماي ينظموا يوم مفتوح باش تتعرفوا على المعهد الخاص للدراسات العليا ..على مميزات #IHET على قيمة اساتذته و على مختلف اختصاصاتو تحكينا #سلمى_بن_سعيدان رئيسة قسم الاقتصاد والتصرف بال Institut des Hautes Etudes
#injah
7/13/2022 • 16 minutes, 4 seconds
مهدي البحوري …الفلوس موش كل شي ! #160
وقت للي قرر ينطلق إنطلاقة جديدة لحياتو.. غادر وظيفتو ودخل لعالم بعث المشاريع في ميدان 'البيوتكنولوجيا" و عالم الطحالب المجهرية اللي اكتشفهم في كتاب.. ومؤخرا تحصل على تمويل بقيمة 6 مليون دينار.. #مهدي_البحوري مؤسس WaterSpirit يحكي ل #حمزة_البلومي أسرار البدايات في #انجح_في_حياتك
5/28/2022 • 36 minutes, 2 seconds
#158 ! قصة تميّز عالمية لطبيب تونسي
هو اليوم مرجع في مجالو موش كان في تونس أما في فرنسا، الولايات المتحدة الأمريكية وصولا للخليج ...صاحب 5 كتب و أكثر من300 منشور علمي و اخيرا تحصل على جائزة "نينكي" للباحثين البارزين من فارسوفيا ..
الدكتور #سالم_شعيب المختص في المناعة السرطانية يحكي ل #حمزة_البلومي قصة و أسرار تميزه في البحث العلمي
5/14/2022 • 31 minutes, 35 seconds
#158 فرح بن رجب ... نجاحي المبكر
ARTفي عمر ال20 سنة كانت نجمة قناة
قدمت برامج في عمر صغير ووصلت للعالم العربي وكانت شاهدة على ولادة قناة 21 ..لكن النجاح با لنسبة ليها هو انها تكون متصالحة مع نفسها وراحتها النفسية هي هدفها في الحياة
الإعلامية #فرح_بن_رجب تحكي ل #حمزة_البلومي على الوجه الاخر للنجاح
شاركوا في أول عملية جراحية من نوعها في تونس
Dدخلو عالم الهندسة الطبية ورافقوا الأطباء بفضل تقنية 3
كيما صمموا اول جبيرة ثلاثية الأبعاد في تونس
Z Care#هيثم_الزواوي من مؤسسي
يحكي ل #حمزة_البلومي في #انجح_في_حياتك أسرار البدايات الناجحة
5/6/2022 • 39 minutes, 4 seconds
جعفر القاسمي ..أنا أستطيع #157
بداياتو ما كانتش ساهلة … عدا 13 سنة يخدم “كلون”… عدا الباك 4 مرات و ما سلمش…شعارو كان “أنا أستطيع !”اليوم هو ممثل،مسرحي، مقدم برامج تلفزية و إذاعية…و توا بصدد إطلاق ماركة جديدة متاع حوائج بعد ما تحرم ماللبسة في صغروا ..#جعفر_القاسمي يحكي ل #حمزة_البلومي في #انجح_في_حياتك اللحظات الي صنعت نجاحو
4/13/2022 • 1 hour, 4 minutes, 45 seconds
عبد الحميد بوشناق ….إحلم بالكبير
في صغرته حب يكون سحار… من بعد إختار الإخراج رغم غرامو زادا بالتمثيل…فاجأ التوانسة بأول أعماله من سنوات …”دشرة” أول فيلم رعب تونسي …خلط عليه مسلسل “نوبه” بزوز أجزاء…و اليوم يتواصل عرض “كان يا ما كانش 2 ” مع انطلاق رمضان… المخرج #عبد_الحميد_بوشناق يحكي على أسرار نجاحوا مع #حمزة_البلومي في حلقة خاصة من #انجح_في_حياتك
4/13/2022 • 53 minutes, 30 seconds
أعمارهم صغيرة…طموحاتهم كبيرة!
سارة الع بيدي عمرها 9 سنين و اليوم تخدم على لعبة تخلينا نتعرفوا بيها على تونس
إسكندر عمامو يحب يصنع درون تعس عاللي يلوحوا الزبلة في الكياس
زينب بوزويته خممت انها تنتج قصص مصورة و بالدارجة
ادم بن حسين غرامو بالبسكلات خلاه يقرر يحولو لفكرة مشروع يساهم في نشر ثقافة استعمال البسكلات في بلاصة الكرهبة
سليمة الزوالي حبها للكوجينه من صغرتها خلاها تفكر في تأسيس نادي للطبخ خاص بالاطفال
إكتشفوا باعثي مشاريع صغار في العمر أما كبار في الطموح
4/13/2022 • 29 minutes, 15 seconds
! ظافر العابدين.. قصة بداياته و أسرار نجاحاته
وصل بات في كوجينه وباع الفخار بعد ما كان يستنى باش يكمل في كرة القدم...سافر لبريطانيا من غير ما يكون متمكن ماللغة ويقول "لو كان ما خذيتش الريسك ...ما كنتش ننجح" هكا حكا الممثل #ظافر_العابدين Dhafer L'Abidine - ظافر العابدين على أسرار نجاحو في حوارو مع حمزة البلومي في #انجح_في_حياتك
3/25/2022 • 33 minutes, 19 seconds
#رامي الكلبوسي ...إخدم وانت مازلت تقرأ باش تتعلّم ! 152
تخصص في صناعة الروبوتات المائية وتحصلت الشركة الناشئة الي أسسوها على عقود في دول أوروبية.. وهو عمرو 20 سنة !! كيفاش عمل ؟ وقتاش قرأ؟ ووقتاش بدا يخدم ؟
#SeaBot رامي_الكلبوسي ولد ال20 سنة مؤسس الشركة الناشئة
ضيف #حمزة_البلومي في #انجح_في_حياتك
3/8/2022 • 34 minutes, 10 seconds
لمين النهدي..هكا عملت أكثر من 12 ألف عرض
" في كل مرة توقعوا فيها اني ما نرجعش ...رجعت وخير...اعلاخاطر عندي طول النفس "
هكا حكا ملك الكوميديا في تونس #لمين_النهدي صاحب ال54 مسرحية،ال12 فيلم و الاكثر من 12 ألف عرض على مسيرة نجاحو في حوارو مع #حمزة_البلومي في #إنجح_في_حياتك
2/28/2022 • 45 minutes, 14 seconds
#150 "نبراس الجمل.. هكا وصلت لأمريكيا وهكا أسسنا "فلوسي"
رغم اللي عمره 25 سنة برك أما فاهم و يعرف لوين يحب يوصل..
ولد قابس اللي تعلم الذكاء الاصطناعي بالممارسة و الكتب في الليسي
هو اليوم من مؤسسي شركة ناشئة تونسية مختصة في الخدمات المالية...نبراس الجمل مؤسس Flouci يحكي ل #حمزة_البلومي في #إنجح_في_حياتك أسرار البدايات الناجح
2/24/2022 • 36 minutes, 22 seconds
الطاهر الفازع...يعيش بالكتب #149
مازال كيف أصدر كتابو الجديد "التّياس".. من صغرته عرف روحو باش يكون كاتب.. في عمر 74 سنة مازال يخدم أكثر من 10 سوايع كل يوم.. كتب اول سيتكوم في تاريخ التلفزة التونسية... و كان سيناريست لبرشا أعمال تلفزية ناجحة
الكاتب و السيناريست الطاهر الفازع ضيف #حمزة_البلومي في #انجح_في_حياتك يقدّم مفاتيح النجاح لكل واحد يحب ينجح في الكتيبة
2/24/2022 • 34 minutes, 2 seconds
#148 هيثم كشو.. جرّب وانت صغير.. قبل ما تكبر وتكبر مسؤولياتك !
بعد ما قرا السيرة الذاتية لستيف جوبز فهم انو حتى الناجحين تعداو بفشل باش نجموا ينجحوا و قرر يعمل كيفهم ...بعد محاولات فاشلة أطلق تطبيقة البودكاست التونسي REEDZ اللي عليه اليوم المئات من الكتب ة الملخصات الصوتية...هيثم كشو مؤسس REEDZ يحكي لحمزة البلومي في إنجح في حياتك أسرار البدايات الناجحة
2/9/2022 • 36 minutes, 30 seconds
#147 أمال سعيدان .. حاول تتعلم كل يوم حاجة جديدة
سيدة تونسية لكلها نشاط وحيوية !!! رجعت من ألمانيا لتونس ودخلت بقوة لعالم الشركات الناشئة. عنا برشا ما نتعلمو من أمال سعيدان مؤسسة Betacube و Tunisian Start-ups ضيفة حمزة البلومي في #انجح_في_حياتك
1/24/2022 • 49 minutes, 22 seconds
#146 تعرفوشي "البترول الجديد"؟
بعد ما عدا سنين في الاستشارات في مجال المحاسبة اختار أنو يدخل لعالم البترول الجديد
علم البيانات و الا المعطيات اللي ولات مصدر دخل كبير للشركات
جهاد الحناشي من مؤسسي Majesteye ضيف حمزة البلومي يحكي على بداياتوا الناجحة و شروط نجاح المشاريع في انجح في حياتك
1/20/2022 • 48 minutes, 13 seconds
#145 مالك الجزيري…البطل عقلية
البطل في السبور موش عضلات و لياقة بدنية برك أما هو بالأساس عقلية
البطل التونسي في التنس مالك الجزيري و قصة مسيرة للاعب ما كان حد يتصور حتى لوين ينجم يوصل تكتشفوها مع حمزة البلومي في انجح في حياتك
1/14/2022 • 44 minutes, 25 seconds
#144 كيفاش تحافظ على النشاط و الحيوية ؟
بالرغم اللي عمرها 58 سنة ...الا انها عمرها ما حست بعمرها اللي عداتو بكلوا نشاط و حيوية بفضل الرقص
من وقت ظهورها مع #نجيب_الخطاب لحد الان ..الشي اللي خلاها تولي وزارة ثقافة في حد ذاتها
#سهام_بالخوجة و قصة نجاحها الاستثنائية في عالم الفن و الثقافة تكتشفوها مع #حمزة_البلومي في #انجح_في_حياتك
#injah
12/27/2021 • 1 hour, 5 minutes, 10 seconds
#143 صانعة محتوى استثنائية
كيفاش بدات مسيرتها وكيفاش نجحت في صناعة المحتوى على وسائل التواصل الاجتماعي
أسرار البدايات الناجحة لصانعة المحتوى فاطمة بوعون تكشفهم في حوارها مع حمزة البلومي في حلقة جديدة من انجح في حياتك
12/23/2021 • 38 minutes, 24 seconds
#142 أول مصنع خاص للأدوية الجنيسة في تونس
بعد ما كانت مسؤولة في الصيدلية المركزية علياء هدة تختار انها تأسس أول مصنع خاص للأدوية الجنيسة في تونس من غادي بدات الصعوبات اللي نجمت تتجاوزها بالمثابرة و الغرام كيما تقول هي
علياء هدة مؤسسة Opalia الشركة الي تسوى المليارات وتخدم المئات تحكي على مشوار نجاحها مع حمزة البلومي في انجح في حياتك
12/23/2021 • 42 minutes, 18 seconds
#141كيفاش تشد صحيح باش توصل للهدف متاعك ؟
اختار أنو يكون أول واحد في تونس يدخل للمجال هذا ..مجال باش يعاونا في حياتنا اليومية و ينجم يربحنا برشا وقت ..التوقيع الإلكتروني اللي اليوم فرنسا هي الرائدة فيه و هو يحب يكون الرائد فيه في أفريقيا موش كان في تونس و رغم الصعوبات اللي عرضته مازال شادد صحيح
NG SIGN معز_بن_مبارك من مؤسسي
ضيف #حمزة_البلومي في #انجح_في_حياتك يحكي اسرار البدايات الناجحة
12/23/2021 • 28 minutes, 16 seconds
#140 يحب يولي بلابلاكار متاع افريفيا
رغم انو عمرو 24 سنة برك الا انو فاهم و يعرف بالقدا لوين يحب يوصل...اختار أنو يلقى حل لواحد من المشاكل اليومية مشكلة النقل و أطلق تطبيقة خاصة بالcovoiturage اللي في أقل من شهر وصلت لأكثر من14 الف مستعمل
#عز_الدين_الشريف مؤسس Split ضيف #حمزة_البلومي في #انجح_في_حياتك يحكي أسرار البدايات الناجحة
12/7/2021 • 51 minutes, 19 seconds
#139 شدت صحيح
رغم انو 25 سنة تعداو على أول رالي شاركت فيه الا انها مازالت تحكي بنفس الحماس و
الشعلة في عينيها قصة مسيرة استثائية لسيدة تونسية حياتها عداتها من تحدي لتحدي
#هند_الشاوش بطلة الرالي ضيفة #حمزة_البلومي في #انجح_في_حياتك تحكي أسرار نجاحها
12/7/2021 • 35 minutes
#138 يحب يكون إيلون ماسك متاع افريقيا
بعد ما عدا سنين في عملاق السيارات BMW قرر انو يرجع لتونس
الشركة الناشئة متاعو اللي تحضر في أول كرهبة تخدم بالطاقة الشمسية وبطريات الضوء في تونس والهدف تكون الشركة متاعو في بورصة نيويورك عام 2030
شنوا اللي خلاه يمشي في الحلمة الكبيرة هاذي و كيفاش تجارب ال20 سنة خلاتوا يختار ثنية بعث المشاريع
بوبكر سيالة مؤسس Bako Motors ضيف حمزة البلومي يحكي لإنجح في حياتك أسرار نجاحو
12/7/2021 • 45 minutes, 5 seconds
#137 حول الندوة لماء صالح للشرب
في سفرة باش يعملها للجنوب باش يكتشف حل يمنعنا من نقص الماء الي وليننا مهددين بيه و تنجم تكون فكرة فورية لكل البلدان اللي تعاني من نقص الماء الندوة حولها لماء صالح للشرب بماكينة تنتج كل ليلة 20 لتر ماء من الندوة اكشتفوا البدايات االناجحة ل #إيهاب_التريكي مؤسس الشركة الناشئة Kumulus ضيف #حمزة_البلومي في #انجح_في_حياتك
12/7/2021 • 50 minutes, 2 seconds
#136 كيفاش غلبتوا؟
نجحت انها تغلب "الغول" كيما سماتوا...تعلمت برشا من مرضها و فهمت انو فما حياة أخرى باش تعيشها بعد ما عدات سنين و هي تلوج على روحها
#نسرين_بن_خديجة مؤلفة كتاب دليل الأمل ضيفة #حمزة_البلومي في #انجح_في_حياتك تحكي أسرار نجاحها في التغلب على مرض السرطان
حصرياً مع على شبكة #انجح
11/8/2021 • 35 minutes, 14 seconds
#135 كيفاش تنافس عمالقة في العالم
رغم انو دكتور في الصيدلة الا انو اختار أنو يدخل لعالم المكملات الغذائية من 5 سنين ...و زادو ضحكوا عليه وقت الللي قالولوا انت توا باش تنافس ديناصورات المكملات الغذائية في العالم...النتيجة اليوم الشركة الناشئة متاعو تخدم في 35 شخص و على قريب تولي تصدر
#مروان_العريان مؤسس Impact sport Nutrition ضيف #حمزة_البلومي في #انجح_في_حياتك يحكي ل #انجح على أسرار البدايات الناجحة
10/31/2021 • 46 minutes, 6 seconds
#134 كتبها هي الأولى في نسب المبيعات
كتبها هي الأولى في نسب المبيعات و هي اول كاتبة تونسية تكتب بالدارجة...تحصلت على جائزة علي الدوعاجي و عبد العزيز العروي ... شنوة سر نجاحها ؟ كيفاش تتعامل مع منتقديها؟ الكاتبة فاتن الفازع ضيفة حمزة البلومي في انجح في حياتك تحكي أسرار نجاحها
10/17/2021 • 38 minutes, 23 seconds
#133 شنوا تستفاد من العمل التطوعي و كيفاش يبدلك حياتك؟
تميز في مجال العمل التطوعي و وصل لرئاسة الغرفة الفتية الاقتصادية و كان اول رئيس عالمي للغرفة من اصل عربي و افريقي ...قابل زعماء العالم من امبراطور اليابان الى الزعيم الراحل الحبيب بورقيبة...أسس مسيرة جمع فيها العمل التطوعي بمهنته كمحامي ... شنوا تنجم تستفاد من العمل التطوعي و كيفاش ينجم يبدلك حياتك ... محمد المنصف الباروني ضيف حمزة البلومي في انجح في حياتك يحكي أسرار النجاح في العمل التطوعي
10/15/2021 • 39 minutes, 56 seconds
#132 كيفاش تبعث مشروعك و تقنع الممولين بفكرتك ؟
بدا موظف قبل ما يبعث مشروعو و اليوم هو يمول زادا في مجموعة من المشاريع ... كيفاش تبعث مشروعك و تقنع الممولين بفكرتك؟ الجواب مع مهدي التريكي مؤسس Roamsmart
10/15/2021 • 31 minutes, 43 seconds
#131 بيزنس العاب الفيديو
ما كان عندو علاقة لا بالاعلامية و لا بالعاب الفيديو و بالرغم انو تحصل على شهادة في الحقوق الا انو شد صحيح و قرر انو يدخل لعالم العاب الفيديو اللي هو واحد من القطاعات اللي باش توفر مواطن شغل و اللي رقم معاملات القطاع هذا ماشي و يكبر و يوصل لمليارات الدولارات اكتشفوا سر غرام #احمد_شيخ_روحو مؤسس Polysmart بالعاب الفيديو و لوين وصل في مشروع صناعة لعبة جديدة... ضيف #حمزة_البلومي في #إنجح_في_حياتك #injah
7/31/2021 • 36 minutes, 25 seconds
#130 أسامة الملولي ..قرش قرطاج في اتجاه ذهب طوكيو 2020
هو من أبطال تونس و العالم.....عمره 37 سنة ترشح للأولمبياد و باش يلعب في 5 اوت ... ترشحه كان مفاجأة...نحكيوا على تجربة و مسيرة و تميز صاحب الألقاب الذهبية #أسامة_الملولي السباح و البطل الأولمبي ضيف #حمزة_البلومي في #إنجح_في_حياتك Ous Mellouli 🥇 #injah
7/24/2021 • 38 minutes, 54 seconds
#129 المرأة الناجحة..لازم تاخذ فرصتها
عمرها 57 سنة..صاحبة مسيرة حافلة و مازالت على رأس عدة مؤسسات عمومية علاش اختارت الوظيفة العمومية لسنواتو علاش انتقلت من الوزارة الأولى لعالم البنوك و الاستثمار ؟؟هي #ناجية_الغربي رئيسة مجلس إدارة البنك الوطني الفلاحي و المديرة العامة المساعدة لصندوق الودائع و الأمانات ضيفة #حمزة_البلومي في #إنجح_في_حياتك #injah
7/17/2021 • 46 minutes, 53 seconds
#128 أسرار التميز في البكالوريا
تحصلت على أعلى معدل وطني 19.97 في البكالوريا علوم تجريبية هي ندى الشارني اللي شدت صحيح و تميزت هي وأختها التوأم نهى الشارني اللي تحصلت هي زادا على معدل 19.47 في نفس الاختصاص...كيفاش عملوا و تميزوا... اكتشفوا أسرار التميز في البكالوريا مع التوأم #ندى و #نهى_الشارني ضيفات #حمزة_البلومي في #إنجح_في_حياتك #injah
7/9/2021 • 27 minutes, 38 seconds
127# "بيزنس مراقبة النحلة "
اختار انو يختص في بيزنس جديد بيزنس مراقبة النحلة و يحب يكون الأول موش كان في تونس و أفريقيا اما في العالم الكل... في 2018 وقفت تجربتو و كان يتصور أنو فشل و الشركة باش تفلس لكن إكتشف انو الامور تنجم تتبدل و توا بدأت الانطلاقة الفعلية للشركة شنوا اللي هزوا للقطاع هذا و علاش اسس شركة لمراقبة النحل ؟ اكتشفوا البدايات الناجحة لمؤسس IRIS Technologies خالد بوشوشة ضيف #حمزة_البلومي في #إنجح_في_حياتك #injah_127
7/3/2021 • 34 minutes, 16 seconds
#125 الحل لمشكلة الكار اللي ما تجيش في الوقت
عمره 44 عام ..بعد قرابة ال17 سنة خدمة في شركة نقل قلق و حس روحو ماعادش ينج م يقدم جديد للشركة.. حتى لين قابل واحد من اصحابو و حكى معاه على مشاكل النقل ...كيما التساكر و وقت الكار الموش منظم !! قرروا انهم يأسسوا شركة و ووصلوا لماكينة الخلاص متاع الكار و تطبيقة تقلك على مواعيد الكار و دخلوا لعالم الشركات الناشئة من خلال المسابقات اللي شاركوا فيها اكتشفوا قصة البدايات الناجحة لعمر سحنون من مؤسسي Bus Software ضيف #حمزة_البلومي في #إنجح_في_حياتك #injah_125
6/26/2021 • 46 minutes, 44 seconds
#126 بزنس الدارجة التونسية
إختار يخدم على الدارجة التونسية اللي موش موجودة على الانترنات و موش معترف بها في اللغات ما يفهموهاش الماكينات #أحمد_نويصر خدم على عليها كيفاش بزنس اللغة التونسية باش يهزوا للعالمية ! أحمد نويصر مؤسس ICompass ضيف #حمزة_البلومي في #إنجح_في_حياتك #injah_126a
6/26/2021 • 30 minutes, 33 seconds
#124 هكا نجحت في تسيير النادي الأولمبي للنقل
ضيفة خاصة و إستثنائية , تميزت في مجال متسمي في تونس و العالم على الرجال...هي رئيسة الأولمبي للنقل النادي اللي تأسس من عام 1966 نادي الملاسين اللي طلع للرابطة المحترفة الثانية و قريبا باش يلعب الدور النصف النهائي لكأس تونس ضد النادي الصفاقسي في ظرف عام حققت مجموعة من الانجازات..كيفاش سيدة شابة تترأس نادي للكرة ؟ و كيفاش حققت أرقام منعشة في الأولمبي للنقل ؟ اكتشفوا سر نجاحها في التسيير في اللقاء اللي جمعها مع #حمزة_البلومي في #إنجح_في_حياتك ايامات قبل استقال تها. #injah_124
6/12/2021 • 26 minutes, 25 seconds
#123 سيدة تونسية متميزة في مجال التنمية
ي سيدة تونسية متميزة .. في الأصل محامية لكنها كانت تحشم تطلب أجرتها تحصلت على الدكتوراه في القانون الأوروبي للتنمية و من خلال بحوثها اكتشفت مجال التنمية المحلية و التعاون الدولي و التحديات الكبيرة اللي موجودة فيه.. على طول سنوات اكتسبت خبرة في المجال هذا و بعد 2011 اسست المركز الدولي للتنمية المحلية و الحكم الرشيد المركز اللي يتدخل في أكثر من مجال و أكثر بلدية و من ولاية اكتشفوا أسرار النجاح في المجتمع المدني و اعلاش بعد 21 عام عاشتهم البرا مازالت شادة صحيح انها تخدم في مجال التنمية #نايلة_عكريمي المديرة العامة للمركز الدولي للتنمية المحلية والحكم الرشيد CILG VNG International ضيفة #حمزة_البلومي في #إنجح_في_حياتك #injah_123
6/5/2021 • 27 minutes, 54 seconds
#122 من فايسبوك لعالم الخلاص عبر الانترنات
عمره 43 سنة.... بدا يخدم في مجال الانترنات و منها تجربته في شركة Facebook اللي من خلالها إكتشف عالم الCryptomonnaieوالBlockchain قرر انو يأسس شركة ناشئة في مجال الخلاص عبر الانترنات للشركات و اليوم يخدم بين دبي تونس و لندن ...كيفاش كانت البدايات وعلاش بدأ من دبي ؟#وليد_دريس ضيف #حمزة_البلومي في #إنجح_في_حياتك #injah_122
5/31/2021 • 57 minutes, 47 seconds
#121 أحميني لتوفير التغطية الاجتماعية للنساء في الريف
برشا يعرفوه بمنظومة أحميني لتوفير التغطية الاجتماعية للنساء في الريف اما ولد الميكانيك دخل لعالم الأعمال بطريقة غريبة ياسر ماهر الخليفي بداياتوا و قصة اصراروا و حكاياتو مع عم بشير مولى الpublinet يحكيهم ل #حمزة_البلومي في #إنجح_في_حياتك #injah_121
5/22/2021 • 33 minutes, 3 seconds
#120تعرّف على قصّة صاحب الروبو الشهير أيّام الحجر
برشا فيكم اكتشفوه من الروبو الشهير اللي دار أيام الحجر الصحي الشامل.....روبوPGuard اللي استعملتوا وزارة الداخلية للتنبيه على الناس لإحترام الحجر.....هو مؤسس شركة Enova Robotics اللي وراء روبوات الحماية و حراسة المنشآت الخاصة... اكتشفوا أسرار البدايات الناجحة لأنيس السحباني مؤسس Enova ضيف #حمزة_البلومي في #إنجح_في_حياتك #injah_120
5/15/2021 • 43 minutes, 1 second
#119 أول شركة ناشئة تونسية تتحصل على تمويل ب55 مليون دينار
هو مؤسس أول شركة ناشئة تونسية تتحصل على تمويل بقيمة 20 مليون دولار يعني 55 مليون دينار تونسية ....استقال من خدمته في العملاق ميكروسوفت باش يأسس من 7 سنين الشركة متاعو حب ينظم الفاتورات الضايعة و المصروف في الشركات من لهنا جاتوالفكرة باش يأسس Expensya .....اكتشفوا البدايات الناجحة و أسرار التميز لكريم الجويني ضيف #حمزة_البلومي في #إنجح_في_حياتك
5/8/2021 • 36 minutes, 20 seconds
#118 النجاح ما عندوش عمر
دخل يقرا وعمرو 10 سنين.. عدى 40 سنة في التعليم العالي العمومي.. و من بعد أسس وحدة من أبرز المؤسسات التعليمية في البلاد بعد التقاعد !! يقول انو زمن التلقين و الاملاء انتهى ...متى ننتهي في تونس من زمن الإملاء؟ .. كيفاش نجح انو يكون مرجع في مجالو و مازال مكمل بنظرتو المختلفة للقراية. إكتشفوا أسرار نجاح الطاهر بالاخضر مؤسس Esprit ضيف #حمزة_البلومي في #إنجح_في_حياتك #injah
5/1/2021 • 52 minutes, 25 seconds
#117 من قروب على فايسبوك لبيع حوايجك القديمة لشركة ناجحة
كانوا يستناو فيها باش تخرج في التلفزة و تحكي على اكتشافات في مجال الادوية لكنها مشات في ثنية اخرى ثنية اللبسة ..عمرها 32 عام ..اختارت انها تتخلى على خدمتها في فرنسا باش تروح لتونس و تبدا بقروب على الفايسبوك للدبش. في 5 سنين حلمتها كبرت و اسست شركتها اللي عدد المشتركين فيها يوصل لاكثر من 500 ألف ووصلت باعت لبسة بقيمة مليار دينار من المليمات ....اكتشفوا أسرار البدايات الناجحة لأماني منصوري مؤسسة Dabchy.com ضيفة #حمزة_البلومي في #إنجح_في_حياتك #injah
4/24/2021 • 39 minutes, 34 seconds
#116 عام 2017 إختاروها من أبرز النساء المؤثرات في إفريقيا
عام 2017 تم اختيارها كوحدة من أبرز النساء المؤثرات في أفريقيا أسست شركة وصلت تشتغل في 350 شخص و رقم معاملات في حدود ال10 مليون أورو شركة باش تتباع من بعد لواحد من عمالقة الاتصالات. اليوم تخدم على تحليل البيانات مع قرابة ال50 مهندس في شركة جديدة و تنشط زادا في الCoding كيفاش عملت و كيفاش كانت بداياتها ؟ كيفاش إختارت فريقها المصغر الأول ؟ نايلة بن زينة مؤسسة Wimbee ضيفة #حمزة_البلومي في #إنجح_في_حياتك #injah
4/17/2021 • 38 minutes, 47 seconds
#115 طريق النجاح ينجم يكون طويل ..يتطلب صبر وبرشة مثابرة
من صغرته مغروم بالقراية ..عمر 4 سنين حب يدخل يقرا خدم مالنجارة للتجارة باش يدبر مصروفو و يتعلم , تخرج كمهندس إعلامية. حادث بدلو حياتو و خلاه يسافر لفرنسا ..رجع لتونس و قرر انو يدخل لعالم الاستشارات و اليوم هو مدير مساهم في وحدة من الشركات العملاقة في مجال التكنولوجيا عماد عمار المدير المساهم في شركة Teamwill #حمزة_البلومي في #إنجح_في_حياتك #injah
4/10/2021 • 34 minutes, 50 seconds
#114 يسميوه أب الstart_Up_Act
يسميوه أب الstart_Up_Act ما عرف العاصمة كان في عمر ال19 سنة ..خرج يقرا في الفلاحة و لكنه ما نجحش فيها اختار قراية أخرى باش يتميز فيها و دخل لعالم شركات البترول و من بعد يمشي المجال آخر و هو التكنولوجيا و منها يرجع لتونس و يكون وزير تكنولوجيا الاتصال كيفاش عمل ؟ و اعلاش اختار انو ما يقعدش في كل خدمة أكثر من عامين اكتشفوا أسرار نجاح #نعمان_الفهري مؤسس Our Digital Futures ضيف #حمزة_البلومي في إنجح في حياتك #injah
4/3/2021 • 51 minutes, 55 seconds
#113 النشاط في الجمعيات و المنظمات أحسن وسيلة للنجاح
بداياتها كانت بشركة في البيئة و تحديدا في رفع النفايات بدات بقرض من بنك التضامن ب20 ألف دينار..عام 2005 دخلت للCJD مركز المسيرين الشبان و في أخر 2013 التحقت بالCeed ..مركز ريادة الأعمال و تنمية القدرات التنفيذية من 2016 لليوم عاونت 1300 باعث مشروع في 18 ولاية..كيفاش كانت البدايات؟ شنوا تعلمت؟ اعلاش تعت بر النشاط في الجمعيات و المنظمات أحسن وسيلة للنجاح؟ وفاء مخلوف مديرة Ceed ضيفة #حمزة_البلومي في #انجح_في_حياتك #injah
3/27/2021 • 35 minutes, 24 seconds
#112 عالم الزراعة المائية مع اسكندر قاسم
عمرو ما كان عندو غرام بالفلاحة...قرايتو كانت في التجارة الدولية والتصرف ...لكنه فد من الخدمة و مالتنرفيز بدا يكتشف في عالم الناباتات اللي هزو لعالم الزراعة المائية بعد ما قرا مقال عرضوا ... في ظرف عام حقق رقم معاملات يوصل ل 145 الف دينار ... شنوا حكاية الزراعة المائية و كيفاش في جنينة دارك تنجم تزرع بصفر تراب ... اكتشفوا البدايات الناجحة لإسكندر قاسم مؤسس « La Ferme Urbaine »ضيف #حمزة_البلومي في #انجح_في_حياتك
3/20/2021 • 28 minutes, 25 seconds
#111 قصة نجاح حافظ داود مؤسسEPPM
تخرج في عام 1985..ضرب البطالة 4 شهور...كيف خدم كانت البداية مع شركة مختصة في صناعة المنشآت النفطية....خدم معاهم على برشا مشاريع و إكتشف عالم البترول و النفط الي كان فيه عام 1992 باش يطلق الشركة متاعو 30 سنة من بعد الشركة اللي بدأت من برطمان صغير ب5 مهندسين تشغل اليوم في أكثر من 1000موظف و رقم معاملاتها يوصل ل350مليون دينار. إكتشفوا قصة نجاح حافظ داود مؤسسEPPM ضيف #حمزة_البلومي في #إنجح_في_حياتك #injah
3/13/2021 • 42 minutes, 31 seconds
#110 إسموا ياسين 14 سنة حلمتوا هي الناسا 👌
هو إسموا ياسين , عمرو 14 سنة و جاء الأول في مسابقة عالمية للRobotique حلمتوا يكون واحد من مهندسي الناسا , يكون محمد عبيد اللي جاي إخترع خزنة تخبي فيها الفلوس و ما تتحل كان ببصمة الصوت حلمة #ياسين_بن_سليمان ضيف #حمزة_البلومي في #إنجح_في_حياتك #injah
3/6/2021 • 19 minutes, 16 seconds
#110 صفاء عمرها 18 سنة, اليوم حلمتها تأسس شركة خاصة
إسمها صفاء عمرها 18 سنة , إخترعت عداد ذكي للماء تحصلت على عدة جوائز عالمية 🏆🥇 دخلت للمجال هذا بالصدفة و حلمتها اليوم بنا انو عمرها 18 سنة تأسس شركتها إكتشفوا حلمة #صفاء_بالحاج حسين ضيفة #حمزة_البلومي في #إنجح_في_حياتك #injah
3/6/2021 • 15 minutes, 1 second
#109 وقت اللي حادث يبدلك حياتك
معرفة العباد كنوز هي وحدة من مبادئوا , ناس عرفهم على طول مسيرتوا و خاصة في الجهات و الجمعيات اللي انخرط فيهم بعد على المسيرة اللي كان يحلم بيها و دخل للبورصة.. كيفاش تعمل وقت اللي حادث يبدلك حياتك ؟ شنية مبادئ التجديد و بعث المشاريع اللي امن بيها؟ و علاش بالنسبة ليه أهم حاجة انك تاخو القرار..صحيح و الا غالط حاجة أخرى ... أما لازم ديما تاخو القرار.. خالد الزرببي المدير العام لشركة التصرف والمالية CGF الوسيط في البورصة ضيف #حمزة_البلومي في #انجح_في_حياتك
2/27/2021 • 33 minutes, 58 seconds
#108 كانت تحب تكون فنانة..أما اليوم عندها 400 ألف حريف و 2000 موظف وعطات
غادرت الصحافة و مشات لعالم القروض الصغرى و بدات مغامرة Enda عام 1990 ♦ 31 سنة من بعد Enda اليوم عندها 400 ألف حريف.. قرابة الالف مليار تعطاو كقروض و 2000 موظف .. ♦ كيفاش عملت باش بدلت مجالات حياتها كل مرة؟ ♦ قداش كان السفر مهم بالنسبة ليها؟ إكتشفوا قصة نجاح مؤسسة Enda #أسماء_بن_حميدة ضيفة #حمزة_البلومي في #انجح_في_حياتك #inja7_108
2/20/2021 • 43 minutes, 52 seconds
#107 هو الراجل اللي وراء أول قمر صناعي تونسي
هو وراء أول قمر صناعي تونسي باش يتم إطلاقه بعد أيامات 🇹🇳🇹🇳 بالرغم انو بداياتوا كانت بعيدة ياسر عن الأقمار الصناعية ....بدا كمهندس في وحدة من شركات الإتصالات ...قبل ما يطلق Telnetاللي بدأ فيها ب 7 مهندسين و اليوم ولاو 1000مهندس و يوصل رقم معاملاتها لأكثر من 40 مليار سنويا و أسس شركة طيران تونسية.. كيفاش عمل هذا الكل و كيفاش كانت البدايات ؟ اكتشفوا قصة نجاح محمد فريخة مؤسسTelnet ضيف #حمزة_البلومي في #إنجح_في_حياتك #inja7_107 #انجح_في_حياتك #حمزة_البلومي اشتركوا في صفحة انجح - injah
2/13/2021 • 37 minutes
#106 Addixoاكتشفوا قصة نجاح عماد عيادي مؤسس
قرا في فرنسا و عدا 10 سنين في إنقلترا...رجع لتونس و تولى منصب كبير في وحدة من الشركات الخاصة ...دودة بعث المشارع رجعتلو و خلاتو يبعث مشروع جديد في مجال اسمو Industrie 4.0 الشركة الي أسسها عندو 4 سنين بركة ..تخدم في تونس ، فرنسا و المغرب برقم معاملات يقرب من 10 مليارات و 100 موظف معاه . كيفاش كانت البدايات و شنوة الIndustrie 4.0 و قدّاه مهمة اللقاءات في حياتنا ؟ اكتشفوا قصة نجاح عماد عيادي مؤسس ADDIXO ضيف #حمزة_البلومي في #انجح_في_حياتك #inja7_106 #انجح_في_حياتك #حمزة_البلومي اشتركوا في صفحة انجح - injah
2/6/2021 • 40 minutes, 38 seconds
#105 قصة التزام ..قصة إمرأة حبت تبدّل باللي تنجم .. قصة منال الغربي و جمعية مرام
المرض متاع بنتها باش يخليها تحل عينيها على عالم كامل بعد ما توفات مرام الله يرحمها باش تنطلق في عالم الجمعيات و إعانة الصغار المصابين بالسرطان كيفاش عملت ؟ منين جابت قوة الإلتزام ؟كيفاش نجمت تتحصل على تمويلات لمداواة مئات الصغار ؟ 🟢 قصة التزام ..قصة إمرأة حبت تبدّل باللي تنجم قصة منال الغربي و جمعية مرام تكتشفوها مع #حمزة_البلومي في #انجح_في_حياتك Association Maram 💪👏🏅🏅 #inja7_105 #انجح_في_حياتك #حمزة_البلومي اشتركوا في صفحة انجح - injah
1/30/2021 • 38 minutes, 20 seconds
#104 في الليسى قالولها " فك عليك وبرا أعمل إعفاء مالسبور..ماكش متاع سبور قصيرة
في الليسى قالولها فك عليك وبرا أعمل إعفاء مالسبور...ماكش متاع سبور قصيرة ياسر اليوم موش برك عملت السبور أما ولات بطلة متعددة الميداليات الذهبية ...2008 خذات الميدالية الذهبية في بكين...2012 في لندن...2016 في البرازيل...كل مشاركة تقريبا تحقق رقم قياسي جديد...ما عندهاش عقدة خاصة ماللي يسميوها كعبورة بالعكس فخورة باللي عملته و اللي مازالت تحب تعمله....روعة التليلي البطلة البرلمبية ضيفة #حمزة_البلومي في #انجح_في_حياتك
Raoua Tlili
#inja7_104
#انجح_في_حياتك
#حمزة_البلومي
من رحلة سياحة لدبي...قرر أنو يبدل حياتو و اليوم يطمح يبدل مستقبل البناء في العالم بخرسانة ثلاثية الأبعاد ...دوسر الشنوفي مؤسس Concreative و Drawlinkgroup
ضيف #حمزة_البلومي في #إنجح_في_حياتك
#inja7_103
1/16/2021 • 36 minutes, 30 seconds
102# دروس نتعلموهم من مؤسس Vermeg عملاق البرمجيات البنكية
ما فماش واحد ديما هو الأول...معركة التميّز معركة تعملها كل يوم ...هذا واحد من الدروس الّي تعلمها مؤسس عملاق البرمجيات البنكية.
بدر الدين والي يحكي لحمزة البلومي قصة نجاحو في تأسيس Vermeg :
1600 مهندس و مهندسة و رقم معاملات يتجاوز ال300 مليون دينار
#inja7_103
#انجح_في_حياتك
1/9/2021 • 35 minutes, 29 seconds
#102 "هكا حاربت السرطان وغلبته.. "
قصة مؤثرة لإمرأة تونسية صارعت مرض السرطان...تعاركت مع الغول كيما تقول و غلبتو..نسرين بن خديجة تحكي لحمزة البلومي قصة إنتصار حب الحياة. Le guide de l’espoir #inja7_102 #انجح_في_حياتك
1/9/2021 • 14 minutes, 40 seconds
#101(P2) صغار في العمر ...كبار في التجربة
أفضل قصص نجاح أصغر باعثي المشاريع....صغار في العمر ...كبار في التجربة ...(الجزء الثاني ) #injah_101
1/2/2021 • 31 minutes, 8 seconds
#101(P1) صغار في العمر ...كبار في التجربة
أفضل قصص نجاح أصغر باعثي المشاريع....صغار في العمر ...كبار في التجربة ...(الجزء الأول ) #injah_101
1/2/2021 • 30 minutes, 2 seconds
انجح في حياتك في حلقتها ال100 ترجع بيكم لأهم الضيوف الي قدموا أسرار
انجح في حياتك في حلقتها ال100 ترجع بيكم لأهم الضيوف الي حضروا معانا و قدموا أسرار نجاحهم #inja7_100
#99 كيفاش تنجم تتعلم وحدك في قطاع صناعة ألعاب الفيديو
كيفاش تنجم تتعلم وحدك في قطاع صناعة ألعاب الفيديو...
إكتشف البدايات الناجحة لصفوان العبيدي مصمم شخصيات ألعاب الفيديو ضيف #حمزة_البلومي في #انجح_في_حياتك
#inja7_99
#انجح_في_حياتك
12/12/2020 • 35 minutes, 5 seconds
#97 عمره 18 سنة برك و هو اليوم مؤسس ومدير شركة
مازال يقرا في الباك ...عمره 18 سنة برك و هو اليوم أصغر باعث مؤسسة في تونس متحصلة على علامة Startup Act.......كيفاش بدا؟ منين جاتوا الفكرة؟و لوين يحب يوصل؟ البدايات الناجحة لأيهم الغانمي مؤسس HackUp تكتشفوها في إنجح في حياتك مع حمزة البلومي
12/4/2020 • 38 minutes, 54 seconds
#96 من حلمة طلبة لشركة كوبل ناجح
كيفاش الكوبل ينجم ينجح في إدارة مشروع مشترك ؟...كيف تخدم مع راجلك نقطة إيجابية و الا سلبية ؟... من حلمة طلبة لوحدة من أبرز الشركات في مجالها ...سنية اللواتي عويج تحكي لحمزة البلومي ثصة البدايات الناجحة لSoran #انجح_في_حياتك #حمزة_البلومي #inja7_96
11/27/2020 • 38 minutes, 54 seconds
#95 ابتسام بن أحمد المتحصلة على جائزة 2020 لأفضل امرأة مسيرة في قطاع الخدمات ضيفة حمزة البلومي في إنجح في حياتك
تحصلت على جائزة Le Manager لأفضل إمراة مسيرة في قطاع الخدمات في سنة 2020 بفضل شركة بعث تها عام 2004 : Cleanviews الشركة المختصة في الخدمات البيئية من تجميع الفضلات لتهيئة المناطق الخضراء ... وغيرو... حولت مقولة النفايات ثروات لواقع حقيقي بشركة رقم معاملاتها السنوي 3 مليارات كيفاش بدات ؟علاش اختارت المجال هذا ؟ و شنوا الي خلاها تتحصل على جائزة أفضل مسيرة في قطاع الخدمات ابتسام بن أحمد مؤسسة Cleanviews ضيفة #حمزة_البلومي في إنجح_في_حياتك
11/21/2020 • 30 minutes, 17 seconds
#94 في صغره خدم في المرمة في الدهينة في النجارة كان يصطاد الحوت في صفاقس و يبيعه باش ينطر مصروفه وعمره 16 سنة
اليوم الشركة متاعه تشرف على تنظيم أكبر التظاهرات الإقتصادية... كيفاش عمل منين بدأ و كيفاش الواحد ينجم يشرف على إدارة و تسيير أكثر من مشروع في نفس الوقت و شنوا أسرار نجاحه ؟ اسكندر هدار: CEO TPM ضيف #انجح_في_حياتك اشتركوا في صفحة إنجح في حياتك : https://www.facebook.com/inja7.2020/ #انجح_في_حياتك #حمزة_البلومي #inja7_94
11/14/2020 • 32 minutes, 2 seconds
#93 السّبّاح نجيب بالهادي محطّم الأرقام القياسيّة ، و قصّة نجاح اِستثنائيّة يرويها
السّبّاح نجيب بالهادي محطّم الأرقام القياسيّة ، و قصّة نجاح اِستثنائيّة يرويها
ل #حمزة_البلّومي في #اِنجح_في_حياتك !
#inja7_93
11/7/2020 • 35 minutes, 48 seconds
#92 أشرف صفر حرفي في الصناعات التقليدية واحد من الي يعبرو على فكرة #النجاح_عقلية
اختار الصناعات التقليدية ويمّن أنو مازال فيها مستقبل كبير.. بعد ما تحصل على جائزة أحسن مشروع جديد في الصناعات التقليدية للباعثين الجدد في 2018.. تحصل في 2020 على الجائزة الوطنية للشباب في الصناعات التقليدية والفنية. كان ما عندكش فلوس ما تفلت حتى تظاهرة والا مسابقة تشارك فيها باش تربح الجائزة وتجلب الانتباه على خدمتك. هكا يقول أشرف صفر، 27 سنة الحرفي في الصناعات التقليدية. يعرف مليح شنوة يعمل ووين يحب يوصل.. كان يقولولي ارجع غدوة.. نرجع. وكان يقولولي أرجع بعد غدوة نرجع.. ونقعد نرجع كل يوم حتى ناخذ اللي نحب !
منين جايب أشرف الطاقة متاعو ؟ كيفاش بدى ؟ وشنوة إلي مشى معاه وينجم يمشي مع كل واحد يشد صحيح ؟ أشرف صفر يحكي قصة بداياتو الناجحة ل #حمزة_البلومي في الحلقة 92 من #انجح_في_حياتك
11/2/2020 • 28 minutes, 53 seconds
#91 قصة نجاح ناصرعمار ضيف #حمزة_البلومي في #انجاح_في_حياتك
ساهم في بعث المعهد التحضيري للدراسات العلمية والتقنية..كان من مؤسسي المدرسة العليا للمواصلات بتونس..هو إلي حضر الاستراتيجية الوطنية الرقمية 2010-2014
قعد فتره صغيرة على رأس وزارة التكنولوجية.. و هو ليوم رئيس مجلس إدارة وحدة من أبرز الجامعات في تونس..كتشفوا قصة نجاح ناصرعمار ضيف #حمزة_البلومي في #انجاح_في_حياتك
10/23/2020 • 30 minutes, 39 seconds
#90 Wallyscar قصة نجاح مؤسس اول سيارة 100 في 100 تونسية
حلمتو كانت انو يعمل سلسلة من المطاعم في تونس ...
حلمة ما حققهاش أما حقق حلمة خير منها ،
اسمو باش يبقى مربوط باول كرهبة 100 في 100 تونسية .
تتباع في تونس و في الخارج .
اكتشفوا قصة نجاح زياد قيقة مؤسس Wallyscar
ضيف #حمزة_البلومي في #انجاح_في_حياتك
10/17/2020 • 36 minutes, 23 seconds
#89 جمع بين قرايتو في الهندسة الإعلامية وحبو للارض وفكر في طريقة تعاون الفلاحة في بلاد فيها نقص حاد في الماء
!جمع بين قرايتو في الهندسة الإعلامية وحبو للارض وفكر في طريقة تعاون الفلاحة في بلاد فيها نقص حاد في الماء. بشير بن بريكة مؤسس سمارت فارم يحكي لحمزة البلومي قصة بداياتو الناجحة
10/10/2020 • 31 minutes, 21 seconds
#88 كواحد من أبرز شباب الشرق الأوسط ؟؟ Forbes شكون التونسي اللي ختارتو مجلة
اختارتو أشهر مجلة في عالم المال والأعمال كواحد من أبرز شباب الشرق الأوسط وشمال افريقيا اللي عمرهم أقل من 30 سنة. طور يد اصطناعية يستعملوها أصحاب الأيادي المبتورة. متميز في التسويق لروحو وللشركة امتاعو.
10/3/2020 • 34 minutes, 7 seconds
#87 !! cryptomonnaie متاع start up إلى مؤسس pressing من مولى
!! cryptomonnaie متاع start up إلى مؤسس pressing من مولى
SQOIN اكتشفوا قصة نجاح محمد علي بالعجوزى مؤسس
ضيف #حمزة_البلومي في #إنجح_في_حياتك
9/26/2020 • 29 minutes, 5 seconds
#86 كان جاء الكلام يوصل رانا احتلينا العالم
كان جاء الكلام يوصل رانا احتلينا العالم، يزي من الكلام وهات نخدمو زوز من الجمل اللي تعكس مواقف ضيف #انجح_في_حياتك غي علاقة بالخدمة ! عشرات السنين ما نعرفش الكونجي. عمرك ما تقول وصلت وعمرك ما تقول أنا المعلم ! كلام كبير في وزن أغانيه اللي أقرب بيها في تونس والخارج. المتميز لطفي بوشناق ضيف #حمزة_البلومي في الحلقة 86 من #انجح_في_حياتك
9/19/2020 • 33 minutes, 56 seconds
#85 طور قدرتك على الإقناع تحقق الملايين
عمرو 25 سنة وهو اليوم على رأس وحدة من أكبر شركات صناعة ألعاب الفيديو في تونس. حسام معيزة بدى المغامرة عندو أربعة سنين ورغم فشل البدايات نجح في تحويل الشركة الناشئة اللي أسسها لشركة سريعة النمو.. فات عدد اللي يخدمو فيها الأربعين.. عندها زوز مكاتب في دبي ودكار.. تبيع المحتوى اللي تنتجو في أكثر من 60 دولة وتحقق في رقم معاملات يقرب من 15 مليون دينار. كيفاش عمل ؟ شنوة سر قوة الإقناع اللي تميز حسام ؟
حسام معيزة مؤسس Galactech ضيف #حمزة_البلومي في #انجح_في_حياتك
9/5/2020 • 35 minutes, 42 seconds
#84 Intigoمخو يغلي بالأفكار... نبيل جريدات مؤسس
فرق الجرايد و باع الكايك ...خدم في الإشهار وفي الإدارة ..شاف المشاكل و لقى فيهم فكرة لبرشا مشاريع أما أغلب مشاريعو فشلوا حتى اللقاء اللي جمعو بمؤسس
Intigo ...كيفاش قام كل مرة بعد كل فشل؟ كيفاش كانت تجيه أفكار المشاريع الكل اللي عملها.....نبيل جرايدات مؤسس Intigo
ضيف #حمزة_البلومي في #انجح_في_حياتك
7/25/2020 • 30 minutes, 48 seconds
#83 ...تم اختيارو من بين العشرة شباب الأكثر تميزا حول العالم
تم اختيارو من بين العشرة شباب الأكثر تميزا حول العالم... متحصل على باك تونسي وباك فرنسي. استدعاتو النازا كباحث ضيف في مجال الروبوتيك. تعرف خاصة بأنو الوحيد في العالم اللي حل لغز فيزياء بقى محير الباحثين لأكثر من 100 سنة.
عمرو 23 سنة برك أما عندو مسيرة متميزة. اسمعو مليح قصتو وقصة اصرارو والتفاؤل اللي يخزر بيه للمستقبل. وسيم ذوادي ضيف حمزة البلومي في #انجح_في_حياتك
7/11/2020 • 31 minutes, 1 second
#82 للفوترة Swiver سنين لتالي كان يبات في "قاراج" ويخدم في وسط الدجاج. اليوم عندو 10 الاف حريف وناوي يقتحم الاسواق الافريقية بنظام
عمرو 30 سنة برك... 10 سنين لتالي كان يبات في قاراج ويخدم في وسط الدجاج.
اليوم عندو 10 الاف حريف وناوي يقتحم الاسواق الافريقية بنظام Swiver للفوترة.
ضيف #حمزة_البلومي عزام سوالمية مؤسس Swiver يحكي قصة نجاحو...
#inja7
#انجح_في_حياتك
7/4/2020 • 30 minutes, 49 seconds
#81 عصام بلعج (مؤسس أكبر موقع لحجز المواعيد مع الأطباء) : تحب تنجح ؟ رد بالك يطيحلك الهواء
عد سنين قراية في أمريكيا وخدمة في عدد من شركاتها رجع لتونس وبعث مع مجموعة من أصحابو Med.tn موقع الحجوزات الطبية اللي تحول لأكبر موقع في مجالو في الشرق الأوسط. أكثر من مليون و600 ألف زائر في الشهر من تونس، مصر، المغرب ودول أخرى. كيفاش بدات المغامرة ؟ وشنوة اللازم باش واحد ينجح في مجال اللي موش بالضرورة من اختصاصو ؟ عصام بلعج مؤسس Med.tn يحكي #لحمزة_البلومي قصة مغامرتو الإستثنائية في #انجح_في_حياتك.
سمع برشا البودكاست وعندو سنوات يعيش مع عائلتو من غير تلفزة في الدار ! حلمتو كانت أنو يعيش في آسيا أما لحد الآن عمل مسيرة بين 3 دول : تولد في #المغرب وقرا وخدم في #فرنسا وحقق نجاح كبير في #تونس.
كيفاش وصل لتسيير أكبر موقع تونسي للإعلانات : طيارة ! كيفاش اختار فريقو ؟ وكيفاش يسيرو اليوم ؟ شنوة نتعلمو من تجربتو في فرنسا 🇫🇷 وفي المغرب 🇲🇦 ؟ وشنية مفاتيح النجاح بالنسبة ليك ؟
ياسر اسماعيلي المدير التنفيذي #طيارة ضيف #حمزة_البلومي في #انجح_في_حياتك
6/20/2020 • 36 minutes, 29 seconds
#79 كيفاش تبني علاقات يحلولك البيبان ؟؟
هو واحد من آباء الايجار المالي في تونس ومن أكبر خبراء المالية الاسلامية. بعد مسيرة في القطاع العام انطلق في مغامرة القطاع الخاص. واليوم يرأس واحد من أكبر مكاتب الدراسات في تونس. كيفاش كانت بداياتو؟ كيفاش تبني علاقات تفيدك في مسيرتك؟ وشنية مفاتيح النجاح اللي ينصح بيها ؟
راضي مؤدب مؤسس مجموعة كوميت انجينيورينغ ضيف #حمزة_البلومي في #انجح_في_حياتك
6/13/2020 • 33 minutes, 38 seconds
#78 عمرك ما تعمل حاجة وانت موش متحمسلها
هل تنجم تنجح في الادارة ؟ وكيفاش تنجم تخدم بكل حماس في الإدارة التونسية ؟ لأكثر من 20 سنة تعدات بأعدد هامة من الادارات والمناصب حتى لين وصلت للوزارة. كيفاش عملت وزيرة الشباب والرياضة السابقة ووزيرة الصحة بالنيابة السابقة سنية بالشيخ في مسيرتها ؟ علاش اختارت القطاع العمومي ؟ وشنية مفاتيح النجاح اللي تنصحكم بيهم ؟
6/6/2020 • 37 minutes, 45 seconds
#77أنس جابر : باش توصل لبعيد حدد أهدافك واحلم بالكبير
اللاعبة التونسية والعربية والإفريقية رقم 1 في التنس. عمرها لم يتجاوز ال 25 سنة ولكنها وصلت لترتيب أفضل 39 لاعبة في العالم. عندي طموح كبير... وما نحبش ناقف في وسط الطريق.
شنوة الهدف متاعها ؟ تفوز بدورة عالمية كبرى وتولي اللاعبة الدولية رقم 1 في العالم.
كيفاش عملت ؟ شنية أسرار نجاحها وتفوقها ؟ شنية المفاتيح اللي تنصحكم بيه للتفوق في أي مجال ؟ أنس جابر تحكي لحمزة البلومي قصة نجاحها.
#inja7
#انجح_في_حياتك
5/30/2020 • 29 minutes, 45 seconds
#76 medica sud عياض الرقيق رئيس مدير العام
عياض الرقيق رئيس مدير العام ل medica sud ضيف حمزة البلومي في انجح في حياتك
الملابس الطبية الواقية للطبة من أهم ما نستحقو اليوم... شركة تونسية انطلقت في تصنيع ملابس خاصة بالطبة للوقاية من كورونا وقادرة تزود المستشفيات على طول الشهرين الجايين.
عياض الرقيق رئيس مدير العام ل medica sud ضيف حمزة البلومي في انجح في حياتك
#inja7
#انجح_في_حياتك
3/21/2020 • 25 minutes, 38 seconds
#74 اكتشف قصة البدايات الناجحة لربيع بن براهيم the dreamer ضيف حمزة البلومي في #انجح_في_حياتك
اكتشف قصة البدايات الناجحة لربيع بن براهيم the dreamer ضيف حمزة البلومي في #انجح_في_حياتك
علاش سيب كل شيء وتوجه للطبيعة بأجبالها وحيواناتها؟ وكيفاش من غرام ولى مؤثر وحول غرامو لبزنس؟ اكتشف قصة البدايات الناجحة لربيع بن براهيم the dreamer ضيف حمزة البلومي في #انجح_في_حياتك
كيفاش عام الجيش ينجم يكون نقطة انطلاق لمسيرة في عالم حماية المنشئات الكبرى وأمن المطارات ؟ شنوة اللي خلاه يلتحق بالجيش بعد ما قرا تنشيط شبابي وثقافي؟ وكيفاش ولى اليوم المشرف على سلامة وحدة من أكبر السفارات في العالم ؟ عاطف الحمزاوي يحكي لحمزة البلومي قصة مسيرة مبنية بالعزيمة والتكوين المستمر.
#inja7
#انجح_في_حياتك
2/28/2020 • 30 minutes, 11 seconds
#72 من عالم الأعمال لعالم الإعلام... ومن المؤسسات للجمعيات... قصة فيها أكثر من قصة. عبد العزيز درغوث ضيف حمزة البلومي في انجح في حياتك
قداش تنجم تكون العائلة مؤثرة في قراراتنا... وكيفاش تبني روحك في وجود بو عندو تأثير كبير ؟ من عالم الأعمال لعالم الإعلام... من تونس لكندا... ومن المؤسسات للجمعيات... قصة فيها أكثر من قصة. عبد العزيز درغوث ضيف حمزة البلومي في انجح في حياتك
#inja7
#انجح_في_حياتك
2/21/2020 • 34 minutes, 38 seconds
#71 من صناعة الحلو في الدار لامبراطورة الحلويات في تونس... القصة الاستثنائية لراضية كمون الرئيسة المديرة العامة لقورمونديز
من صناعة الحلو في الدار لامبراطورة الحلويات في تونس... القصة الاستثنائية لراضية كمون الرئيسة المديرة العامة لقورمونديز Gourmandise
#inja7
#انجح_في_حياتك
2/14/2020 • 28 minutes, 42 seconds
#70 أنيس المزغني 27 سنة وممن اللي المستقبل في الفلاحة.. اي نعم.. وموش أي فلاحة.. الفلاحة البيولوجية
أنيس المزغني 27 سنة وممن اللي المستقبل في الفلاحة.. اي نعم.. وموش أي فلاحة.. الفلاحة البيولوجية.. الخضرة والغلة بلاش دوايات ومبيدات.. بدا مشروعو هو وصاحبو ب 400 دينار كل واحد ونجم يقنع بعد مدة مستثمرين باش يحطو في مشروعو 200 مليون !! اكتشفو قصة البدايات الناجحة ل
farm_trust
2/7/2020 • 23 minutes, 17 seconds
#69 اسمع قصة البدايات الناجحة لمصممة الازياء سهير القابسي ضيفة حمزة في انجح في حياتك
الإبداع موهبة وإلا قوة خدمة وإصرار ؟ كيفاش تنجم تفرض وجودك في قطاع صعيب ؟ شنوة لازمك تعمل باش تحقق أهدافك؟
اسمع قصة البدايات الناجحة لمصممة الازياء سهير القابسي ضيفة حمزة في انجح في حياتك
#inja7
#انجح_في_حياتك
1/31/2020 • 27 minutes, 24 seconds
#68 هو اليوم واحد من العرص متاع العملاق العالمي Microsoft ... قصة نجاح جمال القفصي
هو اليوم واحد من العرص متاع العملاق العالمي Microsoft ... يخدم على الذكاء الاصطناعي بعدما قراء في المدارس العمومية التونسية ... بشنوة تعدى
و شنوة مفاتيح النجاح الي يراها أساسية اليوم ... قصة نجاح جمال القفصي!!
#inja7
#انجح_في_حياتك
1/24/2020 • 30 minutes, 13 seconds
#67 قصة "حبة الشتيوي"... حسن الشتيوي يحكي على الأرض والقمح بحب كبييير و البذرة اللي هو طورها على 20 سنة و تنتج 86 سبولة
في الوقت الي حبة القمح العادية تنتج زوز والا ثلاثة سبولات... البذرة اللي هو طورها على 20 سنة وأكثر تنتج 86 سبولة... قصة حبة الشتيوي. حسن الشتيوي يحكي على الأرض والقمح بحب كبييير #inja7
#انجح_في_حياتك
1/17/2020 • 36 minutes, 51 seconds
#66 من لقاء في قهوة في المهدية بدات مغامرتو التونسية.
Flat6labs من لقاء في قهوة في المهدية بدات مغامرتو التونسية... علاش خلى نيويورك وروح يخدم في تونس... اكتشف مسيرة طارق شلايفة المدير التنفيذي ل
1/10/2020 • 31 minutes, 19 seconds
#64 اكتشف قصة البدايات المتميزة لطارق الخراط
#injah
انجح_في_حياتك#
1/7/2020 • 31 minutes, 41 seconds
#63 علي ومحمد قوبعة
علي ومحمد قوبعة... زوز اخوة استثنائيين. 25 سنة برك أما مخ كبير وطاقة خلق ممتازة... اكتشف قصة بداياتهم الناجحة !
#inja7
#انجح_في_حياتك
1/6/2020 • 30 minutes, 49 seconds
#65 قصة نجاح محمد جوه واحد من أبرز علماء الرياضيات التطبيقية في تونس
قصة نجاح محمد جوه واحد من أبرز علماء الرياضيات التطبيقية في تونس
